| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
១២. ខោមទុស្សសុត្តវណ្ណនា
12. Khomadussasuttavaṇṇanā
២០៨. ទ្វាទសមេ ខោមទុស្សំ នាមាតិ ខោមទុស្សានំ ឧស្សន្នត្តា ឯវំលទ្ធនាមំ។ សភាយន្តិ សាលាយំ។ ផុសាយតីតិ ផុសិតានិ មុញ្ចតិ វស្សតិ។ សត្ថា កិរ តំ សភំ ឧបសង្កមិតុកាមោ – ‘‘មយិ ឯវមេវំ ឧបសង្កមន្តេ អផាសុកធាតុកំ ហោតិ, ឯកំ ការណំ បដិច្ច ឧបសង្កមិស្សាមី’’តិ អធិដ្ឋានវសេន វុដ្ឋិំ ឧប្បាទេសិ។ សភាធម្មន្តិ សុខនិសិន្នេ កិរ អសញ្ចាលេត្វា ឯកបស្សេន បវិសនំ តេសំ សភាធម្មោ នាម, ន មហាជនំ ចាលេត្វា ឧជុកមេវ បវិសនំ។ ភគវា ច ឧជុកមេវ អាគច្ឆតិ, តេន តេ កុបិតា ភគវន្តំ ហីឡេន្តា ‘‘កេ ច មុណ្ឌកា សមណកា, កេ ច សភាធម្មំ ជានិស្សន្តី’’តិ អាហំសុ។ សន្តោតិ បណ្ឌិតា សប្បុរិសា។ បហាយាតិ ឯតេ រាគាទយោ ជហិត្វា រាគាទិវិនយាយ ធម្មំ ភណន្តិ, តស្មា តេ សន្តោ នាមាតិ។ ទ្វាទសមំ។
208. Dvādasame khomadussaṃ nāmāti khomadussānaṃ ussannattā evaṃladdhanāmaṃ. Sabhāyanti sālāyaṃ. Phusāyatīti phusitāni muñcati vassati. Satthā kira taṃ sabhaṃ upasaṅkamitukāmo – ‘‘mayi evamevaṃ upasaṅkamante aphāsukadhātukaṃ hoti, ekaṃ kāraṇaṃ paṭicca upasaṅkamissāmī’’ti adhiṭṭhānavasena vuṭṭhiṃ uppādesi. Sabhādhammanti sukhanisinne kira asañcāletvā ekapassena pavisanaṃ tesaṃ sabhādhammo nāma, na mahājanaṃ cāletvā ujukameva pavisanaṃ. Bhagavā ca ujukameva āgacchati, tena te kupitā bhagavantaṃ hīḷentā ‘‘ke ca muṇḍakā samaṇakā, ke ca sabhādhammaṃ jānissantī’’ti āhaṃsu. Santoti paṇḍitā sappurisā. Pahāyāti ete rāgādayo jahitvā rāgādivinayāya dhammaṃ bhaṇanti, tasmā te santo nāmāti. Dvādasamaṃ.
ឧបាសកវគ្គោ ទុតិយោ។
Upāsakavaggo dutiyo.
ឥតិ សារត្ថប្បកាសិនិយា
Iti sāratthappakāsiniyā
សំយុត្តនិកាយ-អដ្ឋកថាយ
Saṃyuttanikāya-aṭṭhakathāya
ព្រាហ្មណសំយុត្តវណ្ណនា និដ្ឋិតា។
Brāhmaṇasaṃyuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១២. ខោមទុស្សសុត្តំ • 12. Khomadussasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១២. ខោមទុស្សសុត្តវណ្ណនា • 12. Khomadussasuttavaṇṇanā
