| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೧೨. ಖೋಮದುಸ್ಸಸುತ್ತವಣ್ಣನಾ
12. Khomadussasuttavaṇṇanā
೨೦೮. ದ್ವಾದಸಮೇ ಖೋಮದುಸ್ಸಂ ನಾಮಾತಿ ಖೋಮದುಸ್ಸಾನಂ ಉಸ್ಸನ್ನತ್ತಾ ಏವಂಲದ್ಧನಾಮಂ। ಸಭಾಯನ್ತಿ ಸಾಲಾಯಂ। ಫುಸಾಯತೀತಿ ಫುಸಿತಾನಿ ಮುಞ್ಚತಿ ವಸ್ಸತಿ। ಸತ್ಥಾ ಕಿರ ತಂ ಸಭಂ ಉಪಸಙ್ಕಮಿತುಕಾಮೋ – ‘‘ಮಯಿ ಏವಮೇವಂ ಉಪಸಙ್ಕಮನ್ತೇ ಅಫಾಸುಕಧಾತುಕಂ ಹೋತಿ, ಏಕಂ ಕಾರಣಂ ಪಟಿಚ್ಚ ಉಪಸಙ್ಕಮಿಸ್ಸಾಮೀ’’ತಿ ಅಧಿಟ್ಠಾನವಸೇನ ವುಟ್ಠಿಂ ಉಪ್ಪಾದೇಸಿ। ಸಭಾಧಮ್ಮನ್ತಿ ಸುಖನಿಸಿನ್ನೇ ಕಿರ ಅಸಞ್ಚಾಲೇತ್ವಾ ಏಕಪಸ್ಸೇನ ಪವಿಸನಂ ತೇಸಂ ಸಭಾಧಮ್ಮೋ ನಾಮ, ನ ಮಹಾಜನಂ ಚಾಲೇತ್ವಾ ಉಜುಕಮೇವ ಪವಿಸನಂ। ಭಗವಾ ಚ ಉಜುಕಮೇವ ಆಗಚ್ಛತಿ, ತೇನ ತೇ ಕುಪಿತಾ ಭಗವನ್ತಂ ಹೀಳೇನ್ತಾ ‘‘ಕೇ ಚ ಮುಣ್ಡಕಾ ಸಮಣಕಾ, ಕೇ ಚ ಸಭಾಧಮ್ಮಂ ಜಾನಿಸ್ಸನ್ತೀ’’ತಿ ಆಹಂಸು। ಸನ್ತೋತಿ ಪಣ್ಡಿತಾ ಸಪ್ಪುರಿಸಾ। ಪಹಾಯಾತಿ ಏತೇ ರಾಗಾದಯೋ ಜಹಿತ್ವಾ ರಾಗಾದಿವಿನಯಾಯ ಧಮ್ಮಂ ಭಣನ್ತಿ, ತಸ್ಮಾ ತೇ ಸನ್ತೋ ನಾಮಾತಿ। ದ್ವಾದಸಮಂ।
208. Dvādasame khomadussaṃ nāmāti khomadussānaṃ ussannattā evaṃladdhanāmaṃ. Sabhāyanti sālāyaṃ. Phusāyatīti phusitāni muñcati vassati. Satthā kira taṃ sabhaṃ upasaṅkamitukāmo – ‘‘mayi evamevaṃ upasaṅkamante aphāsukadhātukaṃ hoti, ekaṃ kāraṇaṃ paṭicca upasaṅkamissāmī’’ti adhiṭṭhānavasena vuṭṭhiṃ uppādesi. Sabhādhammanti sukhanisinne kira asañcāletvā ekapassena pavisanaṃ tesaṃ sabhādhammo nāma, na mahājanaṃ cāletvā ujukameva pavisanaṃ. Bhagavā ca ujukameva āgacchati, tena te kupitā bhagavantaṃ hīḷentā ‘‘ke ca muṇḍakā samaṇakā, ke ca sabhādhammaṃ jānissantī’’ti āhaṃsu. Santoti paṇḍitā sappurisā. Pahāyāti ete rāgādayo jahitvā rāgādivinayāya dhammaṃ bhaṇanti, tasmā te santo nāmāti. Dvādasamaṃ.
ಉಪಾಸಕವಗ್ಗೋ ದುತಿಯೋ।
Upāsakavaggo dutiyo.
ಇತಿ ಸಾರತ್ಥಪ್ಪಕಾಸಿನಿಯಾ
Iti sāratthappakāsiniyā
ಸಂಯುತ್ತನಿಕಾಯ-ಅಟ್ಠಕಥಾಯ
Saṃyuttanikāya-aṭṭhakathāya
ಬ್ರಾಹ್ಮಣಸಂಯುತ್ತವಣ್ಣನಾ ನಿಟ್ಠಿತಾ।
Brāhmaṇasaṃyuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೨. ಖೋಮದುಸ್ಸಸುತ್ತಂ • 12. Khomadussasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೨. ಖೋಮದುಸ್ಸಸುತ್ತವಣ್ಣನಾ • 12. Khomadussasuttavaṇṇanā
