| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
5. куд̣̇д̣̇агавад̇т̇угканд̇хагам̣
5. Khuddakavatthukkhandhakaṃ
куд̣̇д̣̇агавад̇т̇угат̇аа
Khuddakavatthukathā
243. куд̣̇д̣̇агавад̇т̇угканд̇хагз – малламудтигаад̇и мудтигамаллаа. г̇аамамуд̣̇д̣̇аваад̇и чавирааг̇аман̣д̣анаануяуд̇д̇аа нааг̇аригамануссаа. г̇аамамод̣̇д̣̇аваад̇иби баато; зсзвад̇т̇о. т̇амбхзд̇и нхаанад̇ид̇т̇з никан̣ид̇ваа табид̇ад̇т̇амбхз.
243. Khuddakavatthukkhandhake – mallamuṭṭhikāti muṭṭhikamallā. Gāmamuddavāti chavirāgamaṇḍanānuyuttā nāgarikamanussā. Gāmamoddavātipi pāṭho; esevattho. Thambheti nhānatitthe nikhaṇitvā ṭhapitatthambhe.
гуддзд̇и идтагаасилаад̣̇ааругуддаанам̣ ан̃н̃ад̇арасмим̣. аддаанз нхааяанд̇ийд̇и зд̇т̇а аддаанам̣ наама ругкам̣ палагам̣ вияа д̇ажчзд̇ваа адтабад̣̇аагаарзна рааж̇ияо чинд̣̇ид̇ваа нхаанад̇ид̇т̇з никан̣анд̇и, д̇ад̇т̇а жун̣н̣аани аагирид̇ваа мануссаа гааяам̣ гхам̣санд̇и. г̇анд̇хаб̣б̣ахад̇т̇агзнаад̇и нхаанад̇ид̇т̇з табид̇зна д̣̇аарумаяахад̇т̇зна, д̇зна гира жун̣н̣аани г̇ахзд̇ваа мануссаа сарийрам̣ гхам̣санд̇и . гурувинд̣̇агасуд̇д̇ияаад̇и гурувинд̣̇агабаасаан̣ажун̣н̣аани лаакааяа б̣анд̇хид̇ваа гад̇аг̇ул̣игагалаабаго вужжад̇и, д̇ам̣ убхосу анд̇зсу г̇ахзд̇ваа сарийрам̣ гхам̣санд̇и. виг̇г̇аяха баригаммам̣ гаараабзнд̇ийд̇и ан̃н̃аман̃н̃ам̣ сарийрзна сарийрам̣ гхам̣санд̇и. маллагам̣ наама магарад̣̇анд̇агз чинд̣̇ид̇ваа маллагамууласан̣таанзна гад̇ам̣ маллаганд̇и вужжад̇и, ид̣̇ам̣ г̇илаанассааби на ваддад̇и.
Kuṭṭeti iṭṭhakāsilādārukuṭṭānaṃ aññatarasmiṃ. Aṭṭāne nhāyantīti ettha aṭṭānaṃ nāma rukkhaṃ phalakaṃ viya tacchetvā aṭṭhapadākārena rājiyo chinditvā nhānatitthe nikhaṇanti, tattha cuṇṇāni ākiritvā manussā kāyaṃ ghaṃsanti. Gandhabbahatthakenāti nhānatitthe ṭhapitena dārumayahatthena, tena kira cuṇṇāni gahetvā manussā sarīraṃ ghaṃsanti . Kuruvindakasuttiyāti kuruvindakapāsāṇacuṇṇāni lākhāya bandhitvā kataguḷikakalāpako vuccati, taṃ ubhosu antesu gahetvā sarīraṃ ghaṃsanti. Viggayha parikammaṃ kārāpentīti aññamaññaṃ sarīrena sarīraṃ ghaṃsanti. Mallakaṃ nāma makaradantake chinditvā mallakamūlasaṇṭhānena kataṃ mallakanti vuccati, idaṃ gilānassāpi na vaṭṭati.
244. агад̇амаллагам̣ наама д̣̇анд̇з ажчинд̣̇ид̇ваа гад̇ам̣, ид̣̇ам̣ аг̇илаанассзва на ваддад̇и; идтагаакан̣д̣ам̣ бана габаалакан̣д̣ам̣ ваа ваддад̇и. уггаасиганд̇и вад̇т̇аваддим̣; д̇асмаа нхааяанд̇асса яасса гассажи нхаанасаадагаваддияаа бидтим̣ гхам̣сид̇ум̣ ваддад̇и. бут̇убаан̣иганд̇и хад̇т̇абаригаммам̣ вужжад̇и, д̇асмаа саб̣б̣зсам̣ хад̇т̇зна бидтибаригаммам̣ гаад̇ум̣ ваддад̇и.
244.Akatamallakaṃ nāma dante acchinditvā kataṃ, idaṃ agilānasseva na vaṭṭati; iṭṭhakākhaṇḍaṃ pana kapālakhaṇḍaṃ vā vaṭṭati. Ukkāsikanti vatthavaṭṭiṃ; tasmā nhāyantassa yassa kassaci nhānasāṭakavaṭṭiyā piṭṭhiṃ ghaṃsituṃ vaṭṭati. Puthupāṇikanti hatthaparikammaṃ vuccati, tasmā sabbesaṃ hatthena piṭṭhiparikammaṃ kātuṃ vaṭṭati.
245. валлигаад̇и ган̣н̣ад̇о нигканд̇амуд̇д̇оламб̣агаад̣̇ийнам̣ зд̇ам̣ ад̇хиважанам̣; на гзвалан̃жа валлигаа зва, яам̣гин̃жи ган̣н̣абил̣анд̇ханам̣ анд̇амасо д̇аалабан̣н̣амби на ваддад̇и. бааман̇г̇анд̇и яам̣гин̃жи баламб̣агасуд̇д̇ам̣. ган̣тасуд̇д̇аганд̇и яам̣гин̃жи г̇ийвуубаг̇ааабхаран̣ам̣. гадисуд̇д̇аганд̇и яам̣гин̃жи гадибил̣анд̇ханам̣ анд̇амасо суд̇д̇ад̇анд̇умад̇д̇амби. оваддиганд̇и валаяам̣. гааяуураад̣̇ийни баагадаанзва, агкагаанам̣ хздтаа б̣аахаабхаран̣ам̣ яам̣гин̃жи аабхаран̣ам̣ на ваддад̇и.
245.Vallikāti kaṇṇato nikkhantamuttolambakādīnaṃ etaṃ adhivacanaṃ; na kevalañca vallikā eva, yaṃkiñci kaṇṇapiḷandhanaṃ antamaso tālapaṇṇampi na vaṭṭati. Pāmaṅganti yaṃkiñci palambakasuttaṃ. Kaṇṭhasuttakanti yaṃkiñci gīvūpagaābharaṇaṃ. Kaṭisuttakanti yaṃkiñci kaṭipiḷandhanaṃ antamaso suttatantumattampi. Ovaṭṭikanti valayaṃ. Kāyūrādīni pākaṭāneva, akkhakānaṃ heṭṭhā bāhābharaṇaṃ yaṃkiñci ābharaṇaṃ na vaṭṭati.
246. д̣̇умаасигам̣ ваа д̣̇уван̇г̇улам̣ ваад̇и зд̇т̇а сажз гзсаа анд̇од̣̇взмаасз д̣̇ван̇г̇улам̣ баабун̣анд̇и, анд̇од̣̇взмаасзва чинд̣̇ид̇аб̣б̣аа. д̣̇ван̇г̇улзхи ад̇иггаамзд̇ум̣ на ваддад̇и. сажзби на д̣̇ийгхаа, д̣̇взмаасад̇о згад̣̇ивасамби ад̇иггаамзд̇ум̣ на ваддад̇иязва; звамаяам̣ убхаязнаби уггадтабарижчзд̣̇ова вуд̇д̇о, д̇ад̇о орам̣ бана навадданабхааво наама над̇т̇и.
246.Dumāsikaṃvā duvaṅgulaṃ vāti ettha sace kesā antodvemāse dvaṅgulaṃ pāpuṇanti, antodvemāseva chinditabbā. Dvaṅgulehi atikkāmetuṃ na vaṭṭati. Sacepi na dīghā, dvemāsato ekadivasampi atikkāmetuṃ na vaṭṭatiyeva; evamayaṃ ubhayenapi ukkaṭṭhaparicchedova vutto, tato oraṃ pana navaṭṭanabhāvo nāma natthi.
гожчзна осан̣тзнд̇ийд̇и гожчзна оликид̇ваа саннисийд̣̇аабзнд̇и. пан̣агзнаад̇и д̣̇анд̇амаяаад̣̇ийсу язна гзнажи. хад̇т̇апан̣агзнаад̇и хад̇т̇знзва пан̣агижжам̣ гаронд̇аа ан̇г̇улийхи осан̣тзнд̇и. сид̇т̇ад̇злагзнаад̇и мад̇хусид̇т̇аганияяаасаад̣̇ийсу язна гзнажи жиггалзна. уд̣̇агад̇злагзнаад̇и уд̣̇агамиссагзна д̇злзна. ман̣д̣анад̇т̇ааяа саб̣б̣ад̇т̇а д̣̇уггадам̣, уд̣̇д̇халомзна бана ануломанибаад̇анад̇т̇ам̣ хад̇т̇ам̣ д̇змзд̇ваа сийсам̣ бун̃чид̇аб̣б̣ам̣. ун̣хаабхид̇ад̇д̇араж̇асираанамби аллахад̇т̇зна бун̃чид̇ум̣ ваддад̇и.
Kocchena osaṇṭhentīti kocchena olikhitvā sannisīdāpenti. Phaṇakenāti dantamayādīsu yena kenaci. Hatthaphaṇakenāti hattheneva phaṇakiccaṃ karontā aṅgulīhi osaṇṭhenti. Sitthatelakenāti madhusitthakaniyyāsādīsu yena kenaci cikkalena. Udakatelakenāti udakamissakena telena. Maṇḍanatthāya sabbattha dukkaṭaṃ, uddhalomena pana anulomanipātanatthaṃ hatthaṃ temetvā sīsaṃ puñchitabbaṃ. Uṇhābhitattarajasirānampi allahatthena puñchituṃ vaṭṭati.
247. на бхигкавз аад̣̇аасз ваа уд̣̇агабад̇д̇з ваад̇и зд̇т̇а гам̣сабад̇д̇аад̣̇ийниби язсу муканимид̇д̇ам̣ бан̃н̃ааяад̇и, саб̣б̣аани аад̣̇аасасан̇камзва г̇ажчанд̇и. ган̃ж̇ияаад̣̇ийниби жа уд̣̇агабад̇д̇асан̇камзва. д̇асмаа яад̇т̇а гад̇т̇ажи ологзнд̇асса д̣̇уггадам̣. ааб̣аад̇хабажжаяаад̇и ‘‘сан̃чави ну ко мз ван̣о, уд̣̇ааху на д̇ааваа’’д̇и ж̇аананад̇т̇ам̣; ‘‘ж̇ин̣н̣о ну комхи но’’д̇и звам̣ ааяусан̇каарам̣ ологанад̇т̇амби ваддад̇ийд̇и вуд̇д̇ам̣.
247.Na bhikkhave ādāse vā udakapatte vāti ettha kaṃsapattādīnipi yesu mukhanimittaṃ paññāyati, sabbāni ādāsasaṅkhameva gacchanti. Kañjiyādīnipi ca udakapattasaṅkhameva. Tasmā yattha katthaci olokentassa dukkaṭaṃ. Ābādhapaccayāti ‘‘sañchavi nu kho me vaṇo, udāhu na tāvā’’ti jānanatthaṃ; ‘‘jiṇṇo nu khomhi no’’ti evaṃ āyusaṅkhāraṃ olokanatthampi vaṭṭatīti vuttaṃ.
мукам̣ аалимбанд̇ийд̇и виббасанначавирааг̇агарзхи мукаалзбанзхи аалимбанд̇и. уммад̣̇д̣̇знд̇ийд̇и наанаауммад̣̇д̣̇анзхи уммад̣̇д̣̇знд̇и. жун̣н̣знд̇ийд̇и мукажун̣н̣агзна магкзнд̇и. маносилигааяа мукам̣ лан̃чзнд̇ийд̇и маносилааяа д̇илагаад̣̇ийни лан̃чанаани гаронд̇и, д̇аани харид̇аалаад̣̇ийхиби на вадданд̇иязва. ан̇г̇арааг̇аад̣̇аяо баагадааязва. саб̣б̣ад̇т̇а д̣̇уггадам̣.
Mukhaṃ ālimpantīti vippasannachavirāgakarehi mukhālepanehi ālimpanti. Ummaddentīti nānāummaddanehi ummaddenti. Cuṇṇentīti mukhacuṇṇakena makkhenti. Manosilikāya mukhaṃ lañchentīti manosilāya tilakādīni lañchanāni karonti, tāni haritālādīhipi na vaṭṭantiyeva. Aṅgarāgādayo pākaṭāyeva. Sabbattha dukkaṭaṃ.
248. на бхигкавз нажжам̣ ваад̇иаад̣̇ийсу яам̣гин̃жи нажжам̣ анд̇амасо моранажжамби д̣̇ассанааяа г̇ажчанд̇асса д̣̇уггадам̣. саяамби нажжанд̇асса ваа нажжаабзнд̇асса ваа д̣̇уггадамзва. г̇ийд̇амби яам̣гин̃жи надаг̇ийд̇ам̣ ваа саад̇хуг̇ийд̇ам̣ ваа анд̇амасо д̣̇анд̇аг̇ийд̇амби ‘‘яам̣ г̇ааяиссаамаа’’д̇и буб̣б̣абхааг̇з огууж̇анд̇аа гаронд̇и, зд̇амби на ваддад̇и. саяам̣ г̇ааяанд̇ассааби г̇ааяаабзнд̇ассааби д̣̇уггадамзва. ваад̣̇ид̇амби яам̣гин̃жи на ваддад̇и. яам̣ бана нидтубханд̇о ваа саасан̇гз ваа тид̇о ажчаригам̣ ваа подзд̇и , баан̣им̣ ваа бахарад̇и, д̇ад̇т̇а анаабад̇д̇и. саб̣б̣ам̣ анд̇араараамз тид̇асса бассад̇о анаабад̇д̇и. ‘‘бассиссаамий’’д̇и вихаарад̇о вихаарам̣ г̇ажчанд̇асса аабад̇д̇иязва. аасанасаалааяа нисинно бассад̇и, анаабад̇д̇и. ‘‘бассиссаамий’’д̇и удтахид̇ваа г̇ажчад̇о аабад̇д̇и. вийт̇ияам̣ тад̇ваа г̇ийвам̣ баривад̇д̇зд̇ваа бассад̇оби аабад̇д̇иязва.
248.Nabhikkhave naccaṃ vātiādīsu yaṃkiñci naccaṃ antamaso moranaccampi dassanāya gacchantassa dukkaṭaṃ. Sayampi naccantassa vā naccāpentassa vā dukkaṭameva. Gītampi yaṃkiñci naṭagītaṃ vā sādhugītaṃ vā antamaso dantagītampi ‘‘yaṃ gāyissāmā’’ti pubbabhāge okūjantā karonti, etampi na vaṭṭati. Sayaṃ gāyantassāpi gāyāpentassāpi dukkaṭameva. Vāditampi yaṃkiñci na vaṭṭati. Yaṃ pana niṭṭhubhanto vā sāsaṅke vā ṭhito accharikaṃ vā phoṭeti , pāṇiṃ vā paharati, tattha anāpatti. Sabbaṃ antarārāme ṭhitassa passato anāpatti. ‘‘Passissāmī’’ti vihārato vihāraṃ gacchantassa āpattiyeva. Āsanasālāya nisinno passati, anāpatti. ‘‘Passissāmī’’ti uṭṭhahitvā gacchato āpatti. Vīthiyaṃ ṭhatvā gīvaṃ parivattetvā passatopi āpattiyeva.
249. сарагуд̇д̇инд̇и сарагирияам̣. бхан̇г̇о ход̇ийд̇и алад̣̇д̇хам̣ уббаад̣̇зд̇ум̣ на саггод̇и; лад̣̇д̇хам̣ самаабаж̇ж̇ид̇ум̣. бажчимаа ж̇анад̇аад̇и амхаагам̣ аажарияааби убаж̇жхааяааби звам̣ г̇ааяим̣сууд̇и бажчимо ж̇ано д̣̇идтаануг̇ад̇им̣ аабаж̇ж̇ад̇и; д̇ат̇зва г̇ааяад̇и. на бхигкавз ааяад̇агзнаад̇и зд̇т̇а ааяад̇аго наама д̇ам̣ д̇ам̣ вад̇д̇ам̣ бхинд̣̇ид̇ваа агкараани винаасзд̇ваа бавад̇д̇о. д̇хаммз бана суд̇д̇анд̇авад̇д̇ам̣ наама ад̇т̇и, ж̇аад̇агавад̇д̇ам̣ наама ад̇т̇и, г̇аат̇аавад̇д̇ам̣ наама ад̇т̇и, д̇ам̣ винаасзд̇ваа ад̇ид̣̇ийгхам̣ гаад̇ум̣ на ваддад̇и. жад̇урассзна вад̇д̇зна бариман̣д̣алаани бад̣̇аб̣яан̃ж̇анаани д̣̇ассзд̇аб̣б̣аани. сарабхан̃н̃анд̇и сарзна бхан̣анам̣. сарабхан̃н̃з гира д̇аран̇г̇авад̇д̇ад̇ход̇агавад̇д̇аг̇алид̇авад̇д̇аад̣̇ийни д̣̇вад̇д̇им̣са вад̇д̇аани ад̇т̇и. д̇зсу яам̣ ижчад̇и, д̇ам̣ гаад̇ум̣ лабхад̇и. саб̣б̣зсам̣ бад̣̇аб̣яан̃ж̇анам̣ авинаасзд̇ваа вигаарам̣ агад̇ваа саман̣асааруббзна жад̇урассзна наязна бавад̇д̇анам̣язва лагкан̣ам̣.
249.Sarakuttinti sarakiriyaṃ. Bhaṅgo hotīti aladdhaṃ uppādetuṃ na sakkoti; laddhaṃ samāpajjituṃ. Pacchimā janatāti amhākaṃ ācariyāpi upajjhāyāpi evaṃ gāyiṃsūti pacchimo jano diṭṭhānugatiṃ āpajjati; tatheva gāyati. Na bhikkhave āyatakenāti ettha āyatako nāma taṃ taṃ vattaṃ bhinditvā akkharāni vināsetvā pavatto. Dhamme pana suttantavattaṃ nāma atthi, jātakavattaṃ nāma atthi, gāthāvattaṃ nāma atthi, taṃ vināsetvā atidīghaṃ kātuṃ na vaṭṭati. Caturassena vattena parimaṇḍalāni padabyañjanāni dassetabbāni. Sarabhaññanti sarena bhaṇanaṃ. Sarabhaññe kira taraṅgavattadhotakavattagalitavattādīni dvattiṃsa vattāni atthi. Tesu yaṃ icchati, taṃ kātuṃ labhati. Sabbesaṃ padabyañjanaṃ avināsetvā vikāraṃ akatvā samaṇasāruppena caturassena nayena pavattanaṃyeva lakkhaṇaṃ.
б̣аахираломим̣ ун̣н̣инд̇и ун̣н̣аломаани б̣ахи гад̇ваа ун̣н̣абааваарам̣ баарубанд̇и; д̇ат̇аа д̇хаарзнд̇асса д̣̇уггадам̣. ломаани анд̇о гад̇ваа баарубид̇ум̣ ваддад̇и. саман̣агаббагат̇аа бхууд̇аг̇аамасигкаабад̣̇аван̣н̣анааяам̣ вуд̇д̇аа.
Bāhiralomiṃ uṇṇinti uṇṇalomāni bahi katvā uṇṇapāvāraṃ pārupanti; tathā dhārentassa dukkaṭaṃ. Lomāni anto katvā pārupituṃ vaṭṭati. Samaṇakappakathā bhūtagāmasikkhāpadavaṇṇanāyaṃ vuttā.
251. на бхигкавз ад̇д̇ано ан̇г̇аж̇аад̇анд̇и ан̇г̇аж̇аад̇ам̣ чинд̣̇анд̇ассзва т̇уллажжаяам̣. ан̃н̃ам̣ бана ган̣н̣анаасааан̇г̇улиаад̣̇им̣ яам̣гин̃жи чинд̣̇анд̇асса д̇аад̣̇исам̣ ваа д̣̇угкам̣ уббаад̣̇знд̇асса д̣̇уггадам̣. ахигийдад̣̇адтаад̣̇ийсу бана ан̃н̃аааб̣аад̇хабажжаяаа ваа лохид̇ам̣ ваа можзнд̇асса чинд̣̇анд̇асса ваа анаабад̇д̇и.
251.Na bhikkhave attano aṅgajātanti aṅgajātaṃ chindantasseva thullaccayaṃ. Aññaṃ pana kaṇṇanāsāaṅguliādiṃ yaṃkiñci chindantassa tādisaṃ vā dukkhaṃ uppādentassa dukkaṭaṃ. Ahikīṭadaṭṭhādīsu pana aññaābādhapaccayā vā lohitaṃ vā mocentassa chindantassa vā anāpatti.
252. жанд̣̇анаг̇ан̣ти уббаннаа ход̇ийд̇и жанд̣̇анагхадигаа уббаннаа ход̇и. со гира уд̣̇д̇хан̃жа ад̇хо жа ж̇аалаани баригкибаабзд̇ваа г̇ан̇г̇ааяа над̣̇ияаа гийл̣ад̇и, д̇асса над̣̇ийсод̇зна вуяхамаанаа жанд̣̇анаг̇ан̣ти ааг̇анд̇ваа ж̇аалз лаг̇г̇аа, д̇амасса бурисаа аахарид̇ваа ад̣̇ам̣су; звам̣ саа уббаннаа ход̇и. ид̣̇д̇хибаадихаарияанд̇и зд̇т̇а вигуб̣б̣анид̣̇д̇хибаадихаарияам̣ бадигкид̇д̇ам̣, ад̇хидтаанид̣̇д̇хи бана аббадигкид̇д̇аад̇и взд̣̇ид̇аб̣б̣аа.
252.Candanagaṇṭhi uppannāhotīti candanaghaṭikā uppannā hoti. So kira uddhañca adho ca jālāni parikkhipāpetvā gaṅgāya nadiyā kīḷati, tassa nadīsotena vuyhamānā candanagaṇṭhi āgantvā jāle laggā, tamassa purisā āharitvā adaṃsu; evaṃ sā uppannā hoti. Iddhipāṭihāriyanti ettha vikubbaniddhipāṭihāriyaṃ paṭikkhittaṃ, adhiṭṭhāniddhi pana appaṭikkhittāti veditabbā.
на бхигкавз сован̣н̣амаяо бад̇д̇од̇иаад̣̇ийсу сажзби г̇ихий бхад̇д̇аг̇г̇з суван̣н̣ад̇аддигаад̣̇ийсу б̣яан̃ж̇анам̣ гад̇ваа убанаамзнд̇и, аамасид̇умби на ваддад̇и. палигамаяагаажамаяагам̣самаяаани бана д̇аддигаад̣̇ийни бхааж̇анаани буг̇г̇алигабарибхог̇знзва на вадданд̇и, сан̇гхигабарибхог̇зна ваа г̇ихивигадаани ваа вадданд̇и. ‘‘д̇амб̣алохамаяоби бад̇д̇ова на ваддад̇и, т̇аалагам̣ бана ваддад̇ий’’д̇и ид̣̇ам̣ саб̣б̣ам̣ гурунд̣̇ияам̣ вуд̇д̇ам̣. ман̣имаяод̇и зд̇т̇а бана инд̣̇анийлаад̣̇иман̣имаяо вуд̇д̇о. гам̣самаяод̇и зд̇т̇а ваддалохамаяоби сан̇г̇ахид̇о.
Na bhikkhave sovaṇṇamayo pattotiādīsu sacepi gihī bhattagge suvaṇṇataṭṭikādīsu byañjanaṃ katvā upanāmenti, āmasitumpi na vaṭṭati. Phalikamayakācamayakaṃsamayāni pana taṭṭikādīni bhājanāni puggalikaparibhogeneva na vaṭṭanti, saṅghikaparibhogena vā gihivikaṭāni vā vaṭṭanti. ‘‘Tambalohamayopi pattova na vaṭṭati, thālakaṃ pana vaṭṭatī’’ti idaṃ sabbaṃ kurundiyaṃ vuttaṃ. Maṇimayoti ettha pana indanīlādimaṇimayo vutto. Kaṃsamayoti ettha vaṭṭalohamayopi saṅgahito.
253. ликид̇унд̇и д̇анугаран̣ад̇т̇ааязд̇ам̣ вуд̇д̇ам̣. багад̇иман̣д̣аланд̇и магарад̣̇анд̇ажчиннагаман̣д̣аламзва.
253.Likhitunti tanukaraṇatthāyetaṃ vuttaṃ. Pakatimaṇḍalanti makaradantacchinnakamaṇḍalameva.
254. ааваддид̇ваад̇и ан̃н̃аман̃н̃ам̣ бахарид̇ваа. бад̇д̇аад̇хаараганд̇и зд̇т̇а ‘‘д̣̇анд̇авалливзд̇д̇аад̣̇ийхи гад̇з бхуумиаад̇хаарагз д̇аяо, д̣̇ааруаад̇хаарагз д̣̇вз бад̇д̇з убаруубари табзд̇ум̣ ваддад̇ий’’д̇и гурунд̣̇ияам̣ вуд̇д̇ам̣. махааадтагат̇ааяам̣ бана вуд̇д̇ам̣ – ‘‘бхуумиаад̇хаарагз д̇ин̣н̣ам̣ бад̇д̇аанам̣ аногаасо, д̣̇вз табзд̇ум̣ ваддад̇и. д̣̇ааруаад̇хаарагад̣̇ан̣д̣аад̇хаарагзсуби сусаж̇ж̇ид̇зсу зсзва наяо. бхамагодисад̣̇исо бана д̣̇ааруаад̇хаараго д̇ийхи д̣̇ан̣д̣агзхи б̣ад̣̇д̇хо д̣̇ан̣д̣агаад̇хааро жа згассаби бад̇д̇асса аногаасо, д̇ад̇т̇а табзд̇вааби хад̇т̇зна г̇ахзд̇ваа зва нисийд̣̇ид̇аб̣б̣ам̣. бхуумияам̣ бана ниггуж̇ж̇ид̇ваа згамзва табзд̇аб̣б̣а’’нд̇и.
254.Āvaṭṭitvāti aññamaññaṃ paharitvā. Pattādhārakanti ettha ‘‘dantavallivettādīhi kate bhūmiādhārake tayo, dāruādhārake dve patte uparūpari ṭhapetuṃ vaṭṭatī’’ti kurundiyaṃ vuttaṃ. Mahāaṭṭhakathāyaṃ pana vuttaṃ – ‘‘bhūmiādhārake tiṇṇaṃ pattānaṃ anokāso, dve ṭhapetuṃ vaṭṭati. Dāruādhārakadaṇḍādhārakesupi susajjitesu eseva nayo. Bhamakoṭisadiso pana dāruādhārako tīhi daṇḍakehi baddho daṇḍakādhāro ca ekassapi pattassa anokāso, tattha ṭhapetvāpi hatthena gahetvā eva nisīditabbaṃ. Bhūmiyaṃ pana nikkujjitvā ekameva ṭhapetabba’’nti.
мид̣дханд̇зд̇и аалинд̣̇агамид̣дхигаад̣̇ийнам̣ анд̇з. сажз бана баривад̇д̇зд̇ваа д̇ад̇т̇зва бад̇идтаад̇и, зваруубааяа вид̇т̇ин̣н̣ааяа мид̣дхияаа табзд̇ум̣ ваддад̇и. барибхан̣д̣анд̇зд̇и б̣аахирабассз гад̇ааяа д̇анугамид̣дхигааяа анд̇з. мид̣дхияам̣ вуд̇д̇анаязнзвзд̇т̇ааби винижчаяо взд̣̇ид̇аб̣б̣о.
Miḍḍhanteti ālindakamiḍḍhikādīnaṃ ante. Sace pana parivattetvā tattheva patiṭṭhāti, evarūpāya vitthiṇṇāya miḍḍhiyā ṭhapetuṃ vaṭṭati. Paribhaṇḍanteti bāhirapasse katāya tanukamiḍḍhikāya ante. Miḍḍhiyaṃ vuttanayenevetthāpi vinicchayo veditabbo.
жол̣аганд̇и яам̣ бад̇т̇арид̇ваа бад̇д̇о табийяад̇и; д̇асмим̣ бана асад̇и гадасаарагз ваа д̇аддигааяа ваа мад̇д̇игаабарибхан̣д̣агад̇ааяа бхуумияаа ваа яад̇т̇а на д̣̇уссад̇и, д̇ат̇ааруубааяа ваалигааяа ваа табзд̇ум̣ ваддад̇и. бам̣сураж̇аад̣̇ийсу бана карабхуумияам̣ ваа табзнд̇асса д̣̇уггадам̣. бад̇д̇амаал̣агам̣ идтагаахи ваа д̣̇ааруухи ваа гаад̇ум̣ ваддад̇и . бад̇д̇агун̣д̣олигаад̇и махаамукагун̣д̣асан̣таанаа бхан̣д̣агугкалигаа вужжад̇и. яо лаг̇г̇зяяаад̇и яад̇т̇а гад̇т̇ажи лаг̇г̇знд̇асса д̣̇уггадамзва. жийваравам̣сзби б̣анд̇хид̇ваа табзд̇ум̣ на ваддад̇и. бхан̣д̣агадтабанад̇т̇амзва ваа гад̇ам̣ ход̇у нисийд̣̇анасаяанад̇т̇ам̣ ваа яад̇т̇а гад̇т̇ажи ман̃жз ваа бийтз ваа табзнд̇асса д̣̇уггадам̣, ан̃н̃зна бана бхан̣д̣агзна сад̣̇д̇хим̣ б̣анд̇хид̇ваа табзд̇ум̣ ваддад̇и. аданияам̣ б̣анд̇хид̇ваа оламб̣зд̇ум̣ ваа ваддад̇и, б̣анд̇хид̇вааби убари табзд̇ум̣ на ваддад̇иязва. сажз бана ман̃жо ваа бийтам̣ ваа угкибид̇ваа жийваравам̣саад̣̇ийсу аддагачаннзна табид̇ам̣ ход̇и, д̇ад̇т̇а табзд̇ум̣ ваддад̇и. ам̣савад̣̇д̇ханагзна ам̣сагуудз лаг̇г̇зд̇ваа ан̇гз табзд̇ум̣ ваддад̇и. чад̇д̇з бхад̇д̇абууроби ам̣сагуудз лаг̇г̇ид̇абад̇д̇оби табзд̇ум̣ на ваддад̇и, бхан̣д̣агзна бана сад̣̇д̇хим̣ б̣анд̇хид̇ваа ваа аддагам̣ гад̇ваа ваа табид̇з яо гожи табзд̇ум̣ ваддад̇и.
Coḷakanti yaṃ pattharitvā patto ṭhapīyati; tasmiṃ pana asati kaṭasārake vā taṭṭikāya vā mattikāparibhaṇḍakatāya bhūmiyā vā yattha na dussati, tathārūpāya vālikāya vā ṭhapetuṃ vaṭṭati. Paṃsurajādīsu pana kharabhūmiyaṃ vā ṭhapentassa dukkaṭaṃ. Pattamāḷakaṃ iṭṭhakāhi vā dārūhi vā kātuṃ vaṭṭati . Pattakuṇḍolikāti mahāmukhakuṇḍasaṇṭhānā bhaṇḍakukkhalikā vuccati. Yo laggeyyāti yattha katthaci laggentassa dukkaṭameva. Cīvaravaṃsepi bandhitvā ṭhapetuṃ na vaṭṭati. Bhaṇḍakaṭṭhapanatthameva vā kataṃ hotu nisīdanasayanatthaṃ vā yattha katthaci mañce vā pīṭhe vā ṭhapentassa dukkaṭaṃ, aññena pana bhaṇḍakena saddhiṃ bandhitvā ṭhapetuṃ vaṭṭati. Aṭaniyaṃ bandhitvā olambetuṃ vā vaṭṭati, bandhitvāpi upari ṭhapetuṃ na vaṭṭatiyeva. Sace pana mañco vā pīṭhaṃ vā ukkhipitvā cīvaravaṃsādīsu aṭṭakachannena ṭhapitaṃ hoti, tattha ṭhapetuṃ vaṭṭati. Aṃsavaddhanakena aṃsakūṭe laggetvā aṅke ṭhapetuṃ vaṭṭati. Chatte bhattapūropi aṃsakūṭe laggitapattopi ṭhapetuṃ na vaṭṭati, bhaṇḍakena pana saddhiṃ bandhitvā vā aṭṭakaṃ katvā vā ṭhapite yo koci ṭhapetuṃ vaṭṭati.
255. бад̇д̇ахад̇т̇знаад̇и зд̇т̇а на гзвалам̣ яасса бад̇д̇о хад̇т̇з, со зва бад̇д̇ахад̇т̇о, на гзвалан̃жа гаваадамзва бан̣аамзд̇ум̣ на лабхад̇и; абижа ко бана хад̇т̇з ваа бидтибаад̣̇з ваа яад̇т̇а гад̇т̇ажи сарийрааваяавз бад̇д̇асмим̣ сад̇и хад̇т̇зна ваа баад̣̇зна ваа сийсзна ваа язна гзнажи сарийрааваяавзна гаваадам̣ ваа бан̣аамзд̇ум̣ гхадигам̣ ваа угкибид̇ум̣ суужим̣ ваа гун̃жигааяа абаабурид̇ум̣ на лабхад̇и. ам̣сагуудз бана бад̇д̇ам̣ лаг̇г̇зд̇ваа яат̇аасукам̣ аваабурид̇ум̣ лабхад̇и.
255.Pattahatthenāti ettha na kevalaṃ yassa patto hatthe, so eva pattahattho, na kevalañca kavāṭameva paṇāmetuṃ na labhati; apica kho pana hatthe vā piṭṭhipāde vā yattha katthaci sarīrāvayave pattasmiṃ sati hatthena vā pādena vā sīsena vā yena kenaci sarīrāvayavena kavāṭaṃ vā paṇāmetuṃ ghaṭikaṃ vā ukkhipituṃ sūciṃ vā kuñcikāya apāpurituṃ na labhati. Aṃsakūṭe pana pattaṃ laggetvā yathāsukhaṃ avāpurituṃ labhati.
д̇умб̣агадааханд̇и лааб̣угадаахам̣ вужжад̇и, д̇ам̣ барихарид̇ум̣ на ваддад̇и. лабхид̇ваа бана д̇аавагаалигам̣ барибхун̃ж̇ид̇ум̣ ваддад̇и. гхадигадаахзби зсзва наяо. гхадигадааханд̇и гхадигабаалам̣. абхум̣ мзд̇и уд̇раасаважанамзд̇ам̣. саб̣б̣абам̣сугуулигзнаад̇и зд̇т̇а жийваран̃жа ман̃жабийтан̃жа бам̣сугуулам̣ ваддад̇и, аж̇жхохаран̣ийяам̣ бана д̣̇иннагамзва г̇ахзд̇аб̣б̣ам̣.
Tumbakaṭāhanti lābukaṭāhaṃ vuccati, taṃ pariharituṃ na vaṭṭati. Labhitvā pana tāvakālikaṃ paribhuñjituṃ vaṭṭati. Ghaṭikaṭāhepi eseva nayo. Ghaṭikaṭāhanti ghaṭikapālaṃ. Abhuṃ meti utrāsavacanametaṃ. Sabbapaṃsukūlikenāti ettha cīvarañca mañcapīṭhañca paṃsukūlaṃ vaṭṭati, ajjhoharaṇīyaṃ pana dinnakameva gahetabbaṃ.
жалагаанийд̇и жаб̣б̣зд̇ваа абавид̣̇д̇хаамисаани. адтигаанийд̇и мажчамам̣саадтигаани. ужчидтод̣̇аганд̇и мукавигкааланод̣̇агам̣. зд̇зсу яам̣гин̃жи бад̇д̇зна нийхаранд̇асса д̣̇уггадам̣. бад̇д̇ам̣ бадиг̇г̇ахам̣ гад̇ваа хад̇т̇ам̣ д̇ховид̇умби на лабхад̇и. хад̇т̇ад̇ход̇абаад̣̇ад̇ход̇ауд̣̇агамби бад̇д̇з аагирид̇ваа нийхарид̇ум̣ на ваддад̇и. анужчидтам̣ суд̣̇д̇хабад̇д̇ам̣ ужчидтахад̇т̇зна г̇ан̣хид̇ум̣ на ваддад̇и, ваамахад̇т̇зна банзд̇т̇а уд̣̇агам̣ аасин̃жид̇ваа згам̣ уд̣̇агаг̇ан̣д̣усам̣ г̇ахзд̇ваа ужчидтахад̇т̇зна г̇ан̣хид̇ум̣ ваддад̇и. зд̇д̇аавад̇ааби хи со ужчидтабад̇д̇о ход̇и, хад̇т̇ам̣ бана б̣ахи уд̣̇агзна вигкаалзд̇ваа г̇ахзд̇ум̣ ваддад̇и. мажчамам̣сапалаапалаад̣̇ийни каад̣̇анд̇о яам̣ д̇ад̇т̇а адтим̣ ваа жалагам̣ ваа чад̣д̣зд̇угаамо ход̇и, д̇ам̣ бад̇д̇з табзд̇ум̣ на лабхад̇и. яам̣ бана бадикаад̣̇ид̇угаамо ход̇и, д̇ам̣ бад̇д̇з табзд̇ум̣ лабхад̇и. адтигаган̣дагаад̣̇ийни д̇ад̇т̇зва гад̇ваа хад̇т̇зна лун̃жид̇ваа каад̣̇ид̇ум̣ ваддад̇и. мукад̇о нийхадам̣ бана яам̣гин̃жи буна каад̣̇ид̇угаамо ход̇и, д̇ам̣ бад̇д̇з табзд̇ум̣ на лабхад̇и. син̇г̇ивзранаал̣игзракан̣д̣аани д̣ам̣сид̇ваа буна табзд̇ум̣ лабхад̇и.
Calakānīti cabbetvā apaviddhāmisāni. Aṭṭhikānīti macchamaṃsaaṭṭhikāni. Ucchiṭṭhodakanti mukhavikkhālanodakaṃ. Etesu yaṃkiñci pattena nīharantassa dukkaṭaṃ. Pattaṃ paṭiggahaṃ katvā hatthaṃ dhovitumpi na labhati. Hatthadhotapādadhotaudakampi patte ākiritvā nīharituṃ na vaṭṭati. Anucchiṭṭhaṃ suddhapattaṃ ucchiṭṭhahatthena gaṇhituṃ na vaṭṭati, vāmahatthena panettha udakaṃ āsiñcitvā ekaṃ udakagaṇḍusaṃ gahetvā ucchiṭṭhahatthena gaṇhituṃ vaṭṭati. Ettāvatāpi hi so ucchiṭṭhapatto hoti, hatthaṃ pana bahi udakena vikkhāletvā gahetuṃ vaṭṭati. Macchamaṃsaphalāphalādīni khādanto yaṃ tattha aṭṭhiṃ vā calakaṃ vā chaḍḍetukāmo hoti, taṃ patte ṭhapetuṃ na labhati. Yaṃ pana paṭikhāditukāmo hoti, taṃ patte ṭhapetuṃ labhati. Aṭṭhikakaṇṭakādīni tattheva katvā hatthena luñcitvā khādituṃ vaṭṭati. Mukhato nīhaṭaṃ pana yaṃkiñci puna khāditukāmo hoti, taṃ patte ṭhapetuṃ na labhati. Siṅgiveranāḷikerakhaṇḍāni ḍaṃsitvā puna ṭhapetuṃ labhati.
256. намад̇аганд̇и сад̇т̇агавзтанагам̣ билод̇игакан̣д̣ам̣. д̣̇ан̣д̣асад̇т̇аганд̇и бибпалагам̣ ваа ан̃н̃амби ваа яам̣гин̃жи д̣̇ан̣д̣ам̣ яож̇зд̇ваа гад̇асад̇т̇агам̣.
256.Namatakanti satthakaveṭhanakaṃ pilotikakhaṇḍaṃ. Daṇḍasatthakanti pipphalakaṃ vā aññampi vā yaṃkiñci daṇḍaṃ yojetvā katasatthakaṃ.
ган̣н̣агид̇аа хонд̇ийд̇и малаг̇г̇ахид̇аа хонд̇и. гин̣н̣зна буурзд̇унд̇и гин̣н̣ажун̣н̣зна буурзд̇ум̣. сад̇д̇уяаад̇и халид̣̇д̣̇имиссагзна бидтажун̣н̣зна. сарид̇аганд̇и баасаан̣ажун̣н̣ам̣ вужжад̇и; д̇зна буурзд̇ум̣ ануж̇аанаамийд̇и ад̇т̇о. мад̇хусид̇т̇агзна саарзд̇унд̇и мад̇хусид̇т̇агзна магкзд̇ум̣. сарид̇агам̣ барибхиж̇ж̇ад̇ийд̇и д̇ам̣ магкид̇амад̇хусид̇т̇агам̣ бхиж̇ж̇ад̇и. сарид̇асибаадиганд̇и мад̇хусид̇т̇агабилод̇игам̣; сад̇т̇агосагасибаадияаа бана сарид̇асибаадигааяа ануломаад̇и гурунд̣̇ияам̣ вуд̇д̇ам̣. гат̇инанд̇и ниссзн̣имби д̇ад̇т̇а ад̇т̇арид̇аб̣б̣агадасаарагагилан̃ж̇аанам̣ ан̃н̃ад̇арамби. гат̇инараж̇ж̇унд̇и яааяа д̣̇убаддажийварам̣ сиб̣б̣анд̇аа гат̇инз жийварамби б̣анд̇ханд̇и. гат̇инам̣ наббаход̇ийд̇и д̣̇ийгхасса бхигкуно бамаан̣зна гад̇ам̣ гат̇инам̣; д̇ад̇т̇а рассасса бхигкуно жийварам̣ бад̇т̇арияамаанам̣ наббаход̇и, анд̇оязва ход̇и; д̣̇ан̣д̣агз на баабун̣аад̇ийд̇и ад̇т̇о. д̣̇ан̣д̣агат̇инанд̇и д̇асса маж̇жхз ид̇арасса бхигкуно бамаан̣зна ан̃н̃ам̣ ниссзн̣им̣ б̣анд̇хид̇ум̣ ануж̇аанаамийд̇и ад̇т̇о.
Kaṇṇakitā hontīti malaggahitā honti. Kiṇṇena pūretunti kiṇṇacuṇṇena pūretuṃ. Sattuyāti haliddimissakena piṭṭhacuṇṇena. Saritakanti pāsāṇacuṇṇaṃ vuccati; tena pūretuṃ anujānāmīti attho. Madhusitthakena sāretunti madhusitthakena makkhetuṃ. Saritakaṃ paribhijjatīti taṃ makkhitamadhusitthakaṃ bhijjati. Saritasipāṭikanti madhusitthakapilotikaṃ; satthakosakasipāṭiyā pana saritasipāṭikāya anulomāti kurundiyaṃ vuttaṃ. Kathinanti nisseṇimpi tattha attharitabbakaṭasārakakilañjānaṃ aññatarampi. Kathinarajjunti yāya dupaṭṭacīvaraṃ sibbantā kathine cīvarampi bandhanti. Kathinaṃ nappahotīti dīghassa bhikkhuno pamāṇena kataṃ kathinaṃ; tattha rassassa bhikkhuno cīvaraṃ patthariyamānaṃ nappahoti, antoyeva hoti; daṇḍake na pāpuṇātīti attho. Daṇḍakathinanti tassa majjhe itarassa bhikkhuno pamāṇena aññaṃ nisseṇiṃ bandhituṃ anujānāmīti attho.
б̣ид̣̇алаганд̇и д̣̇ан̣д̣агат̇инаббамаан̣зна гадасаарагасса барияанд̇з бадисам̣харид̇ваа д̣̇уг̇ун̣агаран̣ам̣. салааганд̇и д̣̇убаддажийварасса анд̇арз бавзсанасалаагам̣. винанд̇ханараж̇ж̇унд̇и махааниссзн̣ияаа сад̣̇д̇хим̣ куд̣̇д̣̇агам̣ ниссзн̣им̣ винанд̇хид̇ум̣ раж̇ж̇ум̣. винанд̇ханасуд̇д̇анд̇и куд̣̇д̣̇аганиссзн̣ияаа жийварам̣ винанд̇хид̇ум̣ суд̇д̇агам̣. винанд̇хид̇ваа жийварам̣ сиб̣б̣зд̇унд̇и д̇зна суд̇д̇агзна д̇ад̇т̇а жийварам̣ винанд̇хид̇ваа сиб̣б̣ид̇ум̣. висамаа хонд̇ийд̇и гаажи куд̣̇д̣̇агаа хонд̇и, гаажи маханд̇аа. гал̣имбхаганд̇и бамаан̣асан̃н̃аагаран̣ам̣ яам̣гин̃жи д̇аалабан̣н̣аад̣̇им̣. могхасуд̇д̇аганд̇и вад̣дхагийнам̣ д̣̇ааруусу гаал̣асуд̇д̇зна вияа халид̣̇д̣̇исуд̇д̇зна сан̃н̃аагаран̣ам̣ . ан̇г̇улияаа бадиг̇г̇ан̣ханд̇ийд̇и суужимукам̣ ан̇г̇улияаа бадижчанд̇и. бадиг̇г̇аханд̇и ан̇г̇улигосагам̣.
Bidalakanti daṇḍakathinappamāṇena kaṭasārakassa pariyante paṭisaṃharitvā duguṇakaraṇaṃ. Salākanti dupaṭṭacīvarassa antare pavesanasalākaṃ. Vinandhanarajjunti mahānisseṇiyā saddhiṃ khuddakaṃ nisseṇiṃ vinandhituṃ rajjuṃ. Vinandhanasuttanti khuddakanisseṇiyā cīvaraṃ vinandhituṃ suttakaṃ. Vinandhitvā cīvaraṃ sibbetunti tena suttakena tattha cīvaraṃ vinandhitvā sibbituṃ. Visamā hontīti kāci khuddakā honti, kāci mahantā. Kaḷimbhakanti pamāṇasaññākaraṇaṃ yaṃkiñci tālapaṇṇādiṃ. Moghasuttakanti vaḍḍhakīnaṃ dārūsu kāḷasuttena viya haliddisuttena saññākaraṇaṃ . Aṅguliyā paṭiggaṇhantīti sūcimukhaṃ aṅguliyā paṭicchanti. Paṭiggahanti aṅgulikosakaṃ.
257. аавзсанавид̇т̇агам̣ наама яам̣гин̃жи баад̇ижан̇годагаад̣̇и. ужжавад̇т̇уганд̇и бам̣сум̣ аагирид̇ваа ужжавад̇т̇угам̣ гаад̇ум̣ ануж̇аанаамийд̇и ад̇т̇о. ог̇умпзд̇ваа уллид̇д̇аавалид̇д̇ам̣ гаад̇унд̇и чад̣̇анам̣ од̇хунид̇ваа гханад̣̇ан̣д̣агам̣ гад̇ваа анд̇о жзва б̣ахи жа мад̇д̇игааяа лимбид̇унд̇и ад̇т̇о. г̇огхам̣сигааяаад̇и взл̣ум̣ ваа ругкад̣̇ан̣д̣ам̣ ваа анд̇огад̇ваа д̇зна сад̣̇д̇хим̣ сан̇гхарид̇унд̇и ад̇т̇о. б̣анд̇ханараж̇ж̇унд̇и д̇ат̇аа сан̇гхарид̇асса б̣анд̇ханараж̇ж̇ум̣.
257.Āvesanavitthakaṃ nāma yaṃkiñci pāticaṅkoṭakādi. Uccavatthukanti paṃsuṃ ākiritvā uccavatthukaṃ kātuṃ anujānāmīti attho. Ogumphetvā ullittāvalittaṃ kātunti chadanaṃ odhunitvā ghanadaṇḍakaṃ katvā anto ceva bahi ca mattikāya limpitunti attho. Goghaṃsikāyāti veḷuṃ vā rukkhadaṇḍaṃ vā antokatvā tena saddhiṃ saṅgharitunti attho. Bandhanarajjunti tathā saṅgharitassa bandhanarajjuṃ.
258. гадажчубариссааванам̣ наама д̇ийсу д̣̇ан̣д̣агзсу винанд̇хид̇ваа гад̇ам̣.
258.Kaṭacchuparissāvanaṃ nāma tīsu daṇḍakesu vinandhitvā kataṃ.
259. яо на д̣̇ад̣̇зяяаад̇и абариссааванагассзва яо на д̣̇ад̣̇аад̇и, д̇асса аабад̇д̇и. яо бана ад̇д̇ано хад̇т̇з бариссааванз виж̇ж̇амаанзби яаажад̇и, д̇асса на агаамаа д̣̇аад̇аб̣б̣ам̣. д̣̇ан̣д̣абариссаавананд̇и раж̇агаанам̣ каарабариссааванам̣ вияа жад̇уусу баад̣̇зсу б̣ад̣̇д̇ханиссзн̣игааяа саадагам̣ б̣анд̇хид̇ваа маж̇жхзд̣̇ан̣д̣агз уд̣̇агам̣ аасин̃жид̇аб̣б̣ам̣, д̇ам̣ убхоби годтаасз буурзд̇ваа бариссавад̇и. од̇т̇арагам̣ наама яам̣ уд̣̇агз од̇т̇арид̇ваа гхадагзна уд̣̇агам̣ г̇ан̣ханд̇и, д̇ан̃хи жад̇уусу д̣̇ан̣д̣агзсу вад̇т̇ам̣ б̣анд̇хид̇ваа уд̣̇агз жад̇д̇ааро каан̣угз никан̣ид̇ваа д̇зсу б̣анд̇хид̇ваа саб̣б̣абарияанд̇з уд̣̇агад̇о можзд̇ваа маж̇жхз од̇т̇арид̇ваа гхадзна уд̣̇агам̣ г̇ан̣ханд̇и. магасагудигаад̇и жийварагудигаа вужжад̇и.
259.Yo na dadeyyāti aparissāvanakasseva yo na dadāti, tassa āpatti. Yo pana attano hatthe parissāvane vijjamānepi yācati, tassa na akāmā dātabbaṃ. Daṇḍaparissāvananti rajakānaṃ khāraparissāvanaṃ viya catūsu pādesu baddhanisseṇikāya sāṭakaṃ bandhitvā majjhedaṇḍake udakaṃ āsiñcitabbaṃ, taṃ ubhopi koṭṭhāse pūretvā parissavati. Ottharakaṃ nāma yaṃ udake ottharitvā ghaṭakena udakaṃ gaṇhanti, tañhi catūsu daṇḍakesu vatthaṃ bandhitvā udake cattāro khāṇuke nikhaṇitvā tesu bandhitvā sabbapariyante udakato mocetvā majjhe ottharitvā ghaṭena udakaṃ gaṇhanti. Makasakuṭikāti cīvarakuṭikā vuccati.
260. абхисаннагааяаад̇и сзмхаад̣̇ид̣̇осуссаннагааяаа. аг̇г̇ал̣авадди наама д̣̇ваараб̣аахааяа самаббамаан̣оязва аг̇г̇ал̣ад̇т̇амбхо вужжад̇и, яад̇т̇а д̇ийн̣и жад̇д̇аари чид̣̇д̣̇аани гад̇ваа суужияо д̣̇знд̇и. габисийсагам̣ наама д̣̇ваараб̣аахам̣ виж̇жхид̇ваа д̇ад̇т̇а бавзсид̇о аг̇г̇ал̣абаасаго вужжад̇и. суужигаад̇и д̇ад̇т̇а маж̇жхз чид̣̇д̣̇ам̣ гад̇ваа бавзсид̇аа. гхадигаад̇и убари яож̇ид̇аа. ман̣д̣алигам̣ гаад̇унд̇и нийжавад̇т̇угам̣ жинид̇ум̣. д̇хууманзд̇д̇анд̇и д̇хууманигкаманачид̣̇д̣̇ам̣. ваасзд̇унд̇и г̇анд̇хзна ваасзд̇ум̣. уд̣̇агадтаананд̇и уд̣̇агад̇т̇абанадтаанам̣. д̇ад̇т̇а гхадзна уд̣̇агам̣ табзд̇ваа сараавагзна вал̣ан̃ж̇зд̇аб̣б̣ам̣. годтагод̇и д̣̇ваарагодтаго.
260.Abhisannakāyāti semhādidosussannakāyā. Aggaḷavaṭṭi nāma dvārabāhāya samappamāṇoyeva aggaḷatthambho vuccati, yattha tīṇi cattāri chiddāni katvā sūciyo denti. Kapisīsakaṃ nāma dvārabāhaṃ vijjhitvā tattha pavesito aggaḷapāsako vuccati. Sūcikāti tattha majjhe chiddaṃ katvā pavesitā. Ghaṭikāti upari yojitā. Maṇḍalikaṃ kātunti nīcavatthukaṃ cinituṃ. Dhūmanettanti dhūmanikkhamanachiddaṃ. Vāsetunti gandhena vāsetuṃ. Udakaṭṭhānanti udakatthapanaṭṭhānaṃ. Tattha ghaṭena udakaṃ ṭhapetvā sarāvakena vaḷañjetabbaṃ. Koṭṭhakoti dvārakoṭṭhako.
261. д̇иссо бадижчаад̣̇ияод̇и зд̇т̇а ж̇анд̇аагхарабадижчаад̣̇и жа уд̣̇агабадижчаад̣̇и жа баригаммам̣ гаронд̇ассзва ваддад̇и, сзсзсу абхиваад̣̇анаад̣̇ийсу на ваддад̇и. вад̇т̇абадижчаад̣̇и саб̣б̣агаммзсу ваддад̇и. уд̣̇агам̣ на ход̇ийд̇и нхаанод̣̇агам̣ на ход̇и.
261.Tissopaṭicchādiyoti ettha jantāgharapaṭicchādi ca udakapaṭicchādi ca parikammaṃ karontasseva vaṭṭati, sesesu abhivādanādīsu na vaṭṭati. Vatthapaṭicchādi sabbakammesu vaṭṭati. Udakaṃ na hotīti nhānodakaṃ na hoti.
262. д̇уланд̇и бан̣н̣игаанам̣ вияа уд̣̇агауб̣б̣ааханагад̇улам̣. гарагадаго вужжад̇и г̇он̣з ваа яож̇зд̇ваа хад̇т̇зхи ваа г̇ахзд̇ваа д̣̇ийгхаварад̇д̇аад̣̇ийхи аагад̣дханаяанд̇ам̣. жаггаваддаганд̇и арахадагхадияанд̇ам̣. жаммакан̣д̣ам̣ наама д̇улааяа ваа гарагадагз ваа яож̇зд̇аб̣б̣агам̣ жаммабхааж̇анам̣. баагадаа ход̇ийд̇и абаригкид̇д̇аа ход̇и. уд̣̇агабун̃чанийд̇и д̣̇ан̣д̣амаяааби висаан̣амаяааби д̣̇аарумаяааби ваддад̇и, д̇ассаа асад̇и жол̣агзнааби уд̣̇агам̣ бажжуд̣̇д̇харид̇ум̣ ваддад̇и.
262.Tulanti paṇṇikānaṃ viya udakaubbāhanakatulaṃ. Karakaṭako vuccati goṇe vā yojetvā hatthehi vā gahetvā dīghavarattādīhi ākaḍḍhanayantaṃ. Cakkavaṭṭakanti arahaṭaghaṭiyantaṃ. Cammakhaṇḍaṃ nāma tulāya vā karakaṭake vā yojetabbakaṃ cammabhājanaṃ. Pākaṭā hotīti aparikkhittā hoti. Udakapuñchanīti daṇḍamayāpi visāṇamayāpi dārumayāpi vaṭṭati, tassā asati coḷakenāpi udakaṃ paccuddharituṃ vaṭṭati.
263. уд̣̇агамаад̇иганд̇и уд̣̇агасса ааг̇аманамаад̇игам̣. ниллзкаж̇анд̇аагхарам̣ наама аавид̣̇д̇хабагкабаасагам̣ вужжад̇и, г̇обаанасийнам̣ убари ман̣д̣алз багкабаасагз табзд̇ваа гад̇агуудажчад̣̇анассзд̇ам̣ наамам̣. жаад̇умаасам̣ нисийд̣̇анзнаад̇и нисийд̣̇анзна жад̇д̇ааро маасз на виббавасид̇аб̣б̣анд̇и ад̇т̇о.
263.Udakamātikanti udakassa āgamanamātikaṃ. Nillekhajantāgharaṃ nāma āviddhapakkhapāsakaṃ vuccati, gopānasīnaṃ upari maṇḍale pakkhapāsake ṭhapetvā katakūṭacchadanassetaṃ nāmaṃ. Cātumāsaṃ nisīdanenāti nisīdanena cattāro māse na vippavasitabbanti attho.
264. бубпаабхигин̣н̣зсууд̇и бубпзхи сант̇ад̇зсу. намад̇агам̣ наама зл̣агаломзхи гад̇ам̣ авааяимам̣ жаммакан̣д̣абарихаарзна барибхун̃ж̇ид̇аб̣б̣ам̣. аасид̇д̇агуубад̇хаанам̣ наама д̇амб̣алохзна ваа раж̇ад̇зна ваа гад̇ааяа бзл̣ааяа зд̇ам̣ ад̇хиважанам̣, бадигкид̇д̇ад̇д̇аа бана д̣̇аарумаяааби на ваддад̇и. мал̣оригаад̇и д̣̇ан̣д̣ад̇хаараго вужжад̇и. яадтиаад̇хаарагабан̣н̣аад̇хаарагабажчигабидтааниби зд̇т̇зва бавидтаани. аад̇хаарагасан̇кзбаг̇аманад̇о хи бадтааяа чид̣̇д̣̇ам̣ вид̣̇д̇хамби авид̣̇д̇хамби ваддад̇иязва. згабхааж̇анзд̇и зд̇т̇а сажз зго бхигку бхааж̇анад̇о палам̣ ваа буувам̣ ваа г̇ахзд̇ваа г̇ажчад̇и, д̇асмим̣ абаг̇ад̇з ид̇арасса сзсагам̣ бхун̃ж̇ид̇ум̣ ваддад̇и. ид̇арассааби д̇асмим̣ кийн̣з буна г̇ахзд̇ум̣ ваддад̇и.
264.Pupphābhikiṇṇesūti pupphehi santhatesu. Namatakaṃ nāma eḷakalomehi kataṃ avāyimaṃ cammakhaṇḍaparihārena paribhuñjitabbaṃ. Āsittakūpadhānaṃ nāma tambalohena vā rajatena vā katāya peḷāya etaṃ adhivacanaṃ, paṭikkhittattā pana dārumayāpi na vaṭṭati. Maḷorikāti daṇḍadhārako vuccati. Yaṭṭhiādhārakapaṇṇādhārakapacchikapiṭṭhānipi ettheva paviṭṭhāni. Ādhārakasaṅkhepagamanato hi paṭṭhāya chiddaṃ viddhampi aviddhampi vaṭṭatiyeva. Ekabhājaneti ettha sace eko bhikkhu bhājanato phalaṃ vā pūvaṃ vā gahetvā gacchati, tasmiṃ apagate itarassa sesakaṃ bhuñjituṃ vaṭṭati. Itarassāpi tasmiṃ khīṇe puna gahetuṃ vaṭṭati.
265. адтахан̇г̇зхийд̇и зд̇т̇а згзгзнаби ан̇г̇зна саманнааг̇ад̇асса анд̇осиймааяа ваа ниссиймам̣ г̇анд̇ваа над̣̇ийаад̣̇ийсу ваа ниггуж̇ж̇ид̇ум̣ ваддад̇иязва. звам̣ ниггуж̇ж̇ид̇з бана бад̇д̇з д̇асса г̇зхз гожи д̣̇зяяад̇хаммо на г̇ахзд̇аб̣б̣о – ‘‘асугасса г̇зхз бхигкам̣ маа г̇ан̣хид̇т̇аа’’д̇и ан̃н̃зсу вихаарзсуби бзсзд̇аб̣б̣ам̣. уггуж̇ж̇анагаалз бана яаавад̇ад̇ияам̣ яаажаабзд̇ваа хад̇т̇абаасам̣ виж̇ахаабзд̇ваа н̃ад̇д̇ид̣̇уд̇ияагаммзна уггуж̇ж̇ид̇аб̣б̣о.
265.Aṭṭhahaṅgehīti ettha ekekenapi aṅgena samannāgatassa antosīmāya vā nissīmaṃ gantvā nadīādīsu vā nikkujjituṃ vaṭṭatiyeva. Evaṃ nikkujjite pana patte tassa gehe koci deyyadhammo na gahetabbo – ‘‘asukassa gehe bhikkhaṃ mā gaṇhitthā’’ti aññesu vihāresupi pesetabbaṃ. Ukkujjanakāle pana yāvatatiyaṃ yācāpetvā hatthapāsaṃ vijahāpetvā ñattidutiyakammena ukkujjitabbo.
268. бурагкад̇ваад̇и аг̇г̇ад̇о гад̇ваа. сам̣харанд̇ууд̇и сам̣харияанд̇у. жзлабадиганд̇и жзласант̇арам̣. со гира ‘‘сажз ахам̣ буд̇д̇ам̣ лажчаами, аггамиссад̇и мз бхаг̇аваа жзлабадига’’нд̇и иминаа аж̇жхаасаязна сант̇ари, абхаб̣б̣о жзса буд̇д̇алаабхааяа; д̇асмаа бхаг̇аваа на аггами. яад̣̇и аггамзяяа, бажчаа буд̇д̇ам̣ алабханд̇о ‘‘нааяам̣ саб̣б̣ан̃н̃уу’’д̇и д̣̇идтим̣ г̇ан̣хзяяа. ид̣̇ам̣ д̇аава бхаг̇авад̇о анаггаманз гааран̣ам̣. яасмаа бана бхигкууби яз аж̇аананд̇аа аггамзяяум̣, д̇з г̇ихийнам̣ барибхууд̇аа бхавзяяум̣; д̇асмаа бхигкуу барибхавад̇о можзд̇ум̣ сигкаабад̣̇ам̣ бан̃н̃абзси. ид̣̇ам̣ сигкаабад̣̇абан̃н̃аабанз гааран̣ам̣.
268.Purakkhatvāti aggato katvā. Saṃharantūti saṃhariyantu. Celapaṭikanti celasantharaṃ. So kira ‘‘sace ahaṃ puttaṃ lacchāmi, akkamissati me bhagavā celapaṭika’’nti iminā ajjhāsayena santhari, abhabbo cesa puttalābhāya; tasmā bhagavā na akkami. Yadi akkameyya, pacchā puttaṃ alabhanto ‘‘nāyaṃ sabbaññū’’ti diṭṭhiṃ gaṇheyya. Idaṃ tāva bhagavato anakkamane kāraṇaṃ. Yasmā pana bhikkhūpi ye ajānantā akkameyyuṃ, te gihīnaṃ paribhūtā bhaveyyuṃ; tasmā bhikkhū paribhavato mocetuṃ sikkhāpadaṃ paññapesi. Idaṃ sikkhāpadapaññāpane kāraṇaṃ.
ман̇г̇алад̇т̇ааяа яаажияамаанзнаад̇и абаг̇ад̇аг̇аб̣бхаа ваа ход̇у г̇аруг̇аб̣бхаа ваа, зваруубзсу таанзсу ман̇г̇алад̇т̇ааяа яаажияамаанзна аггамид̇ум̣ ваддад̇и. д̇ход̇абаад̣̇агам̣ наама баад̣̇ад̇хованадтаанз д̇ход̇зхи баад̣̇зхи аггаманад̇т̇ааяа бажжад̇т̇аран̣ам̣ ад̇т̇ад̇ам̣ ход̇и, д̇ам̣ аггамид̇ум̣ ваддад̇и.
Maṅgalatthāya yāciyamānenāti apagatagabbhā vā hotu garugabbhā vā, evarūpesu ṭhānesu maṅgalatthāya yāciyamānena akkamituṃ vaṭṭati. Dhotapādakaṃ nāma pādadhovanaṭṭhāne dhotehi pādehi akkamanatthāya paccattharaṇaṃ atthataṃ hoti, taṃ akkamituṃ vaṭṭati.
269. гад̇агам̣ наама бад̣̇умаган̣н̣игаагаарам̣ баад̣̇агхам̣санад̇т̇ам̣ ган̣дагз удтаабзд̇ваа гад̇ам̣. д̇ам̣ ваддам̣ ваа ход̇у жад̇урассаад̣̇ибхзд̣̇ам̣ ваа, б̣аахулигаануяог̇ад̇д̇аа бадигкид̇д̇амзва, нзва бадиг̇г̇ахзд̇ум̣ на барибхун̃ж̇ид̇ум̣ ваддад̇и. сагкараад̇и баасаан̣о вужжад̇и; баасаан̣апзн̣агоби ваддад̇и. вид̇хуубананд̇и вийж̇аний вужжад̇и . д̇аалаван̣дам̣ бана д̇аалабан̣н̣зхи ваа гад̇ам̣ ход̇у взл̣уд̣̇анд̇авилийвзхи ваа морабин̃чзхи ваа жаммавигад̇ийхи ваа саб̣б̣ам̣ ваддад̇и. магасаб̣ийж̇аний д̣̇анд̇амаяависаан̣амаяад̣̇ан̣д̣агааби ваддад̇и, ваагамаяаб̣ийж̇анияаа гзд̇агабаарохагунд̇аалабан̣н̣аад̣̇имаяааби сан̇г̇ахид̇аа.
269.Katakaṃ nāma padumakaṇṇikākāraṃ pādaghaṃsanatthaṃ kaṇṭake uṭṭhāpetvā kataṃ. Taṃ vaṭṭaṃ vā hotu caturassādibhedaṃ vā, bāhulikānuyogattā paṭikkhittameva, neva paṭiggahetuṃ na paribhuñjituṃ vaṭṭati. Sakkharāti pāsāṇo vuccati; pāsāṇapheṇakopi vaṭṭati. Vidhūpananti vījanī vuccati . Tālavaṇṭaṃ pana tālapaṇṇehi vā kataṃ hotu veḷudantavilīvehi vā morapiñchehi vā cammavikatīhi vā sabbaṃ vaṭṭati. Makasabījanī dantamayavisāṇamayadaṇḍakāpi vaṭṭati, vākamayabījaniyā ketakapārohakuntālapaṇṇādimayāpi saṅgahitā.
270. г̇илаанасса чад̇д̇анд̇и зд̇т̇а яасса гааяад̣аахо ваа бид̇д̇агобо ваа ход̇и, жагку ваа д̣̇уб̣б̣алам̣, ан̃н̃о ваа гожи ааб̣аад̇хо винаа чад̇д̇зна уббаж̇ж̇ад̇и, д̇асса г̇аамз ваа аран̃н̃з ваа чад̇д̇ам̣ ваддад̇и. вассз бана жийвараг̇уд̇д̇ад̇т̇ам̣ ваал̣амиг̇ажорабхаязсу жа ад̇д̇аг̇уд̇д̇ад̇т̇амби ваддад̇и. згабан̣н̣ажчад̇д̇ам̣ бана саб̣б̣ад̇т̇зва ваддад̇и.
270.Gilānassa chattanti ettha yassa kāyaḍāho vā pittakopo vā hoti, cakkhu vā dubbalaṃ, añño vā koci ābādho vinā chattena uppajjati, tassa gāme vā araññe vā chattaṃ vaṭṭati. Vasse pana cīvaraguttatthaṃ vāḷamigacorabhayesu ca attaguttatthampi vaṭṭati. Ekapaṇṇacchattaṃ pana sabbattheva vaṭṭati.
асиссаад̇и аси асса. виж̇ж̇од̇алад̇ийд̇и виж̇ж̇од̇ад̇и. д̣̇ан̣д̣асаммуд̇инд̇и зд̇т̇а бамаан̣аяуд̇д̇о жад̇ухад̇т̇оязва д̣̇ан̣д̣о самманнид̇ваа д̣̇аад̇аб̣б̣о. д̇ад̇о уунаад̇ирид̇д̇о винааби саммуд̇ияаа саб̣б̣зсам̣ ваддад̇и. сиггаа бана аг̇илаанасса на ваддад̇и, г̇илаанассааби самманнид̇ваава д̣̇аад̇аб̣б̣аа.
Asissāti asi assa. Vijjotalatīti vijjotati. Daṇḍasammutinti ettha pamāṇayutto catuhatthoyeva daṇḍo sammannitvā dātabbo. Tato ūnātiritto vināpi sammutiyā sabbesaṃ vaṭṭati. Sikkā pana agilānassa na vaṭṭati, gilānassāpi sammannitvāva dātabbā.
273. романт̇агассаад̇и зд̇т̇а табзд̇ваа романт̇агам̣ сзсаанам̣ ааг̇ад̇ам̣ уг̇г̇аарам̣ мукз санд̇хаарзд̇ваа г̇иланд̇аанам̣ аабад̇д̇и. сажз бана асанд̇хаарид̇амзва бараг̇алам̣ г̇ажчад̇и, ваддад̇и.
273.Romanthakassāti ettha ṭhapetvā romanthakaṃ sesānaṃ āgataṃ uggāraṃ mukhe sandhāretvā gilantānaṃ āpatti. Sace pana asandhāritameva paragalaṃ gacchati, vaṭṭati.
яам̣ д̣̇ияяамаананд̇и яам̣ д̣̇ааяагзхи д̣̇ияяамаанам̣ бадиг̇г̇ахид̇абхааж̇анад̇о б̣ахи бад̇ид̇ам̣, д̇ам̣ бхигкунаа саамам̣ г̇ахзд̇ваа барибхун̃ж̇ид̇ум̣ ануж̇аанаамийд̇и ад̇т̇о. ид̣̇ам̣ бхож̇анаваг̇г̇з ван̣н̣ид̇амзва.
Yaṃ diyyamānanti yaṃ dāyakehi diyyamānaṃ paṭiggahitabhājanato bahi patitaṃ, taṃ bhikkhunā sāmaṃ gahetvā paribhuñjituṃ anujānāmīti attho. Idaṃ bhojanavagge vaṇṇitameva.
274. губбам̣ гариссаамийд̇и сад̣̇д̣̇ам̣ гариссаами. накаад̣̇ийхи накажчзд̣̇анз аабад̇д̇и над̇т̇и, анурагкан̣ад̇т̇ам̣ бана накажчзд̣̇анам̣ анун̃н̃аад̇ам̣. вийсад̇имадтанд̇и вийсад̇иби накз ликид̇амадтз гаараабзнд̇и. маламад̇д̇анд̇и накад̇о маламад̇д̇ам̣ абагад̣дхид̇ум̣ ануж̇аанаамийд̇и ад̇т̇о.
274.Kuppaṃ karissāmīti saddaṃ karissāmi. Nakhādīhi nakhacchedane āpatti natthi, anurakkhaṇatthaṃ pana nakhacchedanaṃ anuññātaṃ. Vīsatimaṭṭhanti vīsatipi nakhe likhitamaṭṭhe kārāpenti. Malamattanti nakhato malamattaṃ apakaḍḍhituṃ anujānāmīti attho.
275. курасибаадиганд̇и курагосагам̣ . массум̣ габбаабзнд̇ийд̇и гад̇д̇арияаа массум̣ чзд̣̇аабзнд̇и. массум̣ вад̣дхаабзнд̇ийд̇и массум̣ д̣̇ийгхам̣ гаарзнд̇и. г̇оломиганд̇и ханугамхи д̣̇ийгхам̣ гад̇ваа табид̇ам̣ зл̣агамассу вужжад̇и. жад̇урассаганд̇и жад̇угон̣ам̣. баримуканд̇и урз ломасам̣харан̣ам̣. ад̣дхад̣̇уганд̇и уд̣̇арз ломарааж̇идтабанам̣. аабад̇д̇и д̣̇уггадассаад̇и массугаббаабанаад̣̇ийсу саб̣б̣ад̇т̇а аабад̇д̇и д̣̇уггадасса. ааб̣аад̇хаббажжаяаа самб̣аад̇хз ломанд̇и г̇ан̣д̣аван̣аруд̇хиаад̣̇иааб̣аад̇хаббажжаяаа. гад̇д̇аригааяаад̇и г̇ан̣д̣аван̣аруд̇хисийсарог̇ааб̣аад̇хаббажжаяаа. сагкараад̣̇ийхи наасигааломаг̇г̇аахаабанз аабад̇д̇и над̇т̇и. анурагкан̣ад̇т̇ам̣ бана сан̣д̣аасо анун̃н̃аад̇о. на бхигкавз балид̇ам̣ г̇аахаабзд̇аб̣б̣анд̇и зд̇т̇а яам̣ бхамугааяа ваа налаадз ваа д̣̇аатигааяа ваа уг̇г̇анд̇ваа б̣ийбхажчам̣ тид̇ам̣, д̇аад̣̇исам̣ ломам̣ балид̇ам̣ ваа абалид̇ам̣ ваа г̇аахаабзд̇ум̣ ваддад̇и.
275.Khurasipāṭikanti khurakosakaṃ . Massuṃ kappāpentīti kattariyā massuṃ chedāpenti. Massuṃ vaḍḍhāpentīti massuṃ dīghaṃ kārenti. Golomikanti hanukamhi dīghaṃ katvā ṭhapitaṃ eḷakamassu vuccati. Caturassakanti catukoṇaṃ. Parimukhanti ure lomasaṃharaṇaṃ. Aḍḍhadukanti udare lomarājiṭṭhapanaṃ. Āpatti dukkaṭassāti massukappāpanādīsu sabbattha āpatti dukkaṭassa. Ābādhappaccayā sambādhe lomanti gaṇḍavaṇarudhiādiābādhappaccayā. Kattarikāyāti gaṇḍavaṇarudhisīsarogābādhappaccayā. Sakkharādīhi nāsikālomaggāhāpane āpatti natthi. Anurakkhaṇatthaṃ pana saṇḍāso anuññāto. Na bhikkhave palitaṃ gāhāpetabbanti ettha yaṃ bhamukāya vā nalāṭe vā dāṭhikāya vā uggantvā bībhacchaṃ ṭhitaṃ, tādisaṃ lomaṃ palitaṃ vā apalitaṃ vā gāhāpetuṃ vaṭṭati.
277. гам̣сабад̇т̇аригаад̇и гам̣сабхан̣д̣аваан̣иж̇аа. б̣анд̇ханамад̇д̇анд̇и ваасигад̇д̇араяадтиаад̣̇ийнам̣ б̣анд̇ханамад̇д̇ам̣.
277.Kaṃsapattharikāti kaṃsabhaṇḍavāṇijā. Bandhanamattanti vāsikattarayaṭṭhiādīnaṃ bandhanamattaṃ.
278. на бхигкавз агааяаб̣анд̇ханзнаад̇и зд̇т̇а аб̣анд̇хид̇ваа нигкаманд̇зна яад̇т̇а сарад̇и, д̇ад̇т̇а б̣анд̇хид̇аб̣б̣ам̣. аасанасаалааяа б̣анд̇хиссаамийд̇и г̇анд̇ум̣ ваддад̇и. сарид̇ваа яаава на б̣анд̇хад̇и, на д̇аава бин̣д̣ааяа жарид̇аб̣б̣ам̣. галааб̣угам̣ наама б̣ахураж̇ж̇угам̣. д̣̇зд̣д̣убхагам̣ наама уд̣̇агасаббасийсасад̣̇исам̣. мураж̇ам̣ наама мураж̇аваддисан̣таанам̣ взтзд̇ваа гад̇ам̣. мад̣̇д̣̇авийн̣ам̣ наама бааман̇г̇асан̣таанам̣. ийд̣̇исан̃хи згамби на ваддад̇и, баг̇зва б̣ахууни. баддигам̣ суугаранд̇аганд̇и зд̇т̇а багад̇ивийд̇аа ваа мажчаган̣дагавааяимаа ваа баддигаа ваддад̇и, сзсаа гун̃ж̇аражчигаад̣̇ибхзд̣̇аа на вадданд̇и. суугаранд̇агам̣ наама гун̃ж̇игаагосагасан̣таанам̣ ход̇и. згараж̇ж̇угам̣ бана муд̣̇д̣̇игагааяаб̣анд̇ханан̃жа суугаранд̇агам̣ ануломзд̇и. ануж̇аанаами бхигкавз мураж̇ам̣ мад̣̇д̣̇авийн̣анд̇и ид̣̇ам̣ д̣̇асаасуязва анун̃н̃аад̇ам̣ . бааман̇г̇ад̣̇асаа жзд̇т̇а жад̇уннам̣ убари на ваддад̇и. собхан̣ам̣ наама взтзд̇ваа мукаваддисиб̣б̣анам̣. г̇ун̣агам̣ наама муд̣̇ин̇г̇асан̣таанзна сиб̣б̣анам̣; звам̣ сиб̣б̣ид̇аа хи анд̇аа т̇ираа хонд̇и. бавананд̇од̇и баасанд̇о вужжад̇и.
278.Nabhikkhave akāyabandhanenāti ettha abandhitvā nikkhamantena yattha sarati, tattha bandhitabbaṃ. Āsanasālāya bandhissāmīti gantuṃ vaṭṭati. Saritvā yāva na bandhati, na tāva piṇḍāya caritabbaṃ. Kalābukaṃ nāma bahurajjukaṃ. Deḍḍubhakaṃ nāma udakasappasīsasadisaṃ. Murajaṃ nāma murajavaṭṭisaṇṭhānaṃ veṭhetvā kataṃ. Maddavīṇaṃ nāma pāmaṅgasaṇṭhānaṃ. Īdisañhi ekampi na vaṭṭati, pageva bahūni. Paṭṭikaṃ sūkarantakanti ettha pakativītā vā macchakaṇṭakavāyimā vā paṭṭikā vaṭṭati, sesā kuñjaracchikādibhedā na vaṭṭanti. Sūkarantakaṃ nāma kuñjikākosakasaṇṭhānaṃ hoti. Ekarajjukaṃ pana muddikakāyabandhanañca sūkarantakaṃ anulometi. Anujānāmi bhikkhave murajaṃ maddavīṇanti idaṃ dasāsuyeva anuññātaṃ . Pāmaṅgadasā cettha catunnaṃ upari na vaṭṭati. Sobhaṇaṃ nāma veṭhetvā mukhavaṭṭisibbanaṃ. Guṇakaṃ nāma mudiṅgasaṇṭhānena sibbanaṃ; evaṃ sibbitā hi antā thirā honti. Pavanantoti pāsanto vuccati.
280. хад̇т̇исон̣д̣агам̣ наама наабхимуулад̇о хад̇т̇исон̣д̣асан̣таанам̣ оламб̣агам̣ гад̇ваа нивад̇т̇ам̣ жол̣игаид̇т̇ийнам̣ ниваасанам̣ вияа. мажчаваал̣агам̣ наама згад̇о д̣̇асанд̇ам̣ згад̇о баасанд̇ам̣ оламб̣зд̇ваа нивад̇т̇ам̣. жад̇уган̣н̣агам̣ наама убари д̣̇вз, хздтад̇о д̣̇взд̇и звам̣ жад̇д̇ааро ган̣н̣з д̣̇ассзд̇ваа нивад̇т̇ам̣. д̇аалаван̣дагам̣ наама д̇аалаван̣даагаарзна саадагам̣ оламб̣зд̇ваа ниваасанам̣. сад̇авалигам̣ наама д̣̇ийгхасаадагам̣ анзгагкад̇д̇ум̣ обхан̃ж̇ид̇ваа оваддигам̣ гаронд̇зна нивад̇т̇ам̣, ваамад̣̇агкин̣абассзсу ваа ниранд̇арам̣ валияо д̣̇ассзд̇ваа нивад̇т̇ам̣. сажз бана ж̇аан̣уд̇о бадтааяа згаа ваа д̣̇вз ваа валияо бан̃н̃ааяанд̇и, ваддад̇и.
280.Hatthisoṇḍakaṃ nāma nābhimūlato hatthisoṇḍasaṇṭhānaṃ olambakaṃ katvā nivatthaṃ coḷikaitthīnaṃ nivāsanaṃ viya. Macchavāḷakaṃ nāma ekato dasantaṃ ekato pāsantaṃ olambetvā nivatthaṃ. Catukaṇṇakaṃ nāma upari dve, heṭṭhato dveti evaṃ cattāro kaṇṇe dassetvā nivatthaṃ. Tālavaṇṭakaṃ nāma tālavaṇṭākārena sāṭakaṃ olambetvā nivāsanaṃ. Satavalikaṃ nāma dīghasāṭakaṃ anekakkhattuṃ obhañjitvā ovaṭṭikaṃ karontena nivatthaṃ, vāmadakkhiṇapassesu vā nirantaraṃ valiyo dassetvā nivatthaṃ. Sace pana jāṇuto paṭṭhāya ekā vā dve vā valiyo paññāyanti, vaṭṭati.
сам̣взллияам̣ ниваасзнд̇ийд̇и маллагаммагаараад̣̇аяо вияа гажчам̣ б̣анд̇хид̇ваа ниваасзнд̇и; звам̣ ниваасзд̇ум̣ г̇илаанассаби маг̇г̇аббадибаннассаби на ваддад̇и. яамби маг̇г̇ам̣ г̇ажчанд̇аа згам̣ ваа д̣̇вз ваа гон̣з угкибид̇ваа анд̇араваасагасса убари лаг̇г̇знд̇и, анд̇о ваа згам̣ гаасаавам̣ д̇ат̇аа ниваасзд̇ваа б̣ахи абарам̣ ниваасзнд̇и, саб̣б̣ам̣ на ваддад̇и. г̇илаано бана анд̇о гаасаавасса оваддигам̣ д̣̇ассзд̇ваа абарам̣ убари ниваасзд̇ум̣ лабхад̇и. аг̇илаанзна д̣̇вз ниваасзнд̇зна саг̇ун̣ам̣ гад̇ваа ниваасзд̇аб̣б̣аани. ид̇и яан̃жа ид̇ха бадигкид̇д̇ам̣, яан̃жа сзкияаван̣н̣анааяам̣; д̇ам̣ саб̣б̣ам̣ важ̇ж̇зд̇ваа ниб̣б̣игаарам̣ д̇иман̣д̣алам̣ бадижчаад̣̇знд̇зна бариман̣д̣алам̣ ниваасзд̇аб̣б̣ам̣. яам̣гин̃жи вигаарам̣ гаронд̇о д̣̇уггадаа на мужжад̇и. на бхигкавз г̇ихибааруд̇ам̣ баарубид̇аб̣б̣анд̇и звам̣ бадигкид̇д̇ам̣ г̇ихибааруд̇ам̣ абаарубид̇ваа, убхо ган̣н̣з самам̣ гад̇ваа баарубанам̣ бариман̣д̣алабаарубанам̣ наама, д̇ам̣ баарубид̇аб̣б̣ам̣.
Saṃvelliyaṃ nivāsentīti mallakammakārādayo viya kacchaṃ bandhitvā nivāsenti; evaṃ nivāsetuṃ gilānassapi maggappaṭipannassapi na vaṭṭati. Yampi maggaṃ gacchantā ekaṃ vā dve vā koṇe ukkhipitvā antaravāsakassa upari laggenti, anto vā ekaṃ kāsāvaṃ tathā nivāsetvā bahi aparaṃ nivāsenti, sabbaṃ na vaṭṭati. Gilāno pana anto kāsāvassa ovaṭṭikaṃ dassetvā aparaṃ upari nivāsetuṃ labhati. Agilānena dve nivāsentena saguṇaṃ katvā nivāsetabbāni. Iti yañca idha paṭikkhittaṃ, yañca sekhiyavaṇṇanāyaṃ; taṃ sabbaṃ vajjetvā nibbikāraṃ timaṇḍalaṃ paṭicchādentena parimaṇḍalaṃ nivāsetabbaṃ. Yaṃkiñci vikāraṃ karonto dukkaṭā na muccati. Na bhikkhave gihipārutaṃ pārupitabbanti evaṃ paṭikkhittaṃ gihipārutaṃ apārupitvā, ubho kaṇṇe samaṃ katvā pārupanaṃ parimaṇḍalapārupanaṃ nāma, taṃ pārupitabbaṃ.
д̇ад̇т̇а яам̣гин̃жи сзд̇абадабааруд̇ам̣ бариб̣б̣ааж̇агабааруд̇ам̣ згасаадагабааруд̇ам̣ сон̣д̣абааруд̇ам̣ анд̇збуригабааруд̇ам̣ махааж̇здтагабааруд̇ам̣ гудибавзсагабааруд̇ам̣ б̣раахман̣абааруд̇ам̣ баал̣игаарагабааруд̇анд̇и звамаад̣̇и бариман̣д̣алалагкан̣ад̇о ан̃н̃ат̇аа бааруд̇ам̣, саб̣б̣амзд̇ам̣ г̇ихибааруд̇ам̣ наама. д̇асмаа яат̇аа сзд̇абадаа ад̣дхабаалаганиг̇ан̣таа баарубанд̇и, яат̇аа жа згажжз бариб̣б̣ааж̇агаа урам̣ виварид̇ваа д̣̇вийсу ам̣сагуудзсу баавуран̣ам̣ табзнд̇и, яат̇аа жа згасаадагаа мануссаа нивад̇т̇асаадагасса згзнанд̇зна бидтим̣ баарубид̇ваа убхо ган̣н̣з убхосу ам̣сагуудзсу табзнд̇и, яат̇аа жа сураасон̣д̣аад̣̇аяо саадагзна г̇ийвам̣ баригкибанд̇аа убхо анд̇з уд̣̇арз ваа оламб̣знд̇и; бидтияам̣ ваа кибанд̇и, яат̇аа жа анд̇збуригааяо агкид̇аарагамад̇д̇ам̣ д̣̇ассзд̇ваа ог̇ун̣тигам̣ баарубанд̇и, яат̇аа жа махааж̇здтаа д̣̇ийгхасаадагам̣ ниваасзд̇ваа д̇ассзва згзнанд̇зна сагаласарийрам̣ баарубанд̇и, яат̇аа жа гассагаа кзд̇д̇агудим̣ бависанд̇аа саадагам̣ баливзтзд̇ваа убагажчагз багкибид̇ваа д̇ассзва згзнанд̇зна сарийрам̣ баарубанд̇и, яат̇аа жа б̣раахман̣аа убхиннам̣ убагажчагаанам̣ анд̇арзна саадагам̣ бавзсзд̇ваа ам̣сагуудзсу багкибанд̇и, яат̇аа жа баал̣игаараго бхигку згам̣сабаарубанзна бааруд̇ам̣ ваамаб̣аахум̣ виварид̇ваа жийварам̣ ам̣сагуудам̣ ааробзд̇и; звам̣ абаарубид̇ваа саб̣б̣зби зд̇з ан̃н̃з жа зваруубз баарубанад̣̇осз важ̇ж̇зд̇ваа ниб̣б̣игаарам̣ бариман̣д̣алам̣ баарубид̇аб̣б̣ам̣. д̇ат̇аа абаарубид̇ваа аараамз ваа анд̇арагхарз ваа анаад̣̇арзна яам̣гин̃жи вигаарам̣ гаронд̇асса д̣̇уггадам̣.
Tattha yaṃkiñci setapaṭapārutaṃ paribbājakapārutaṃ ekasāṭakapārutaṃ soṇḍapārutaṃ antepurikapārutaṃ mahājeṭṭhakapārutaṃ kuṭipavesakapārutaṃ brāhmaṇapārutaṃ pāḷikārakapārutanti evamādi parimaṇḍalalakkhaṇato aññathā pārutaṃ, sabbametaṃ gihipārutaṃ nāma. Tasmā yathā setapaṭā aḍḍhapālakanigaṇṭhā pārupanti, yathā ca ekacce paribbājakā uraṃ vivaritvā dvīsu aṃsakūṭesu pāvuraṇaṃ ṭhapenti, yathā ca ekasāṭakā manussā nivatthasāṭakassa ekenantena piṭṭhiṃ pārupitvā ubho kaṇṇe ubhosu aṃsakūṭesu ṭhapenti, yathā ca surāsoṇḍādayo sāṭakena gīvaṃ parikkhipantā ubho ante udare vā olambenti; piṭṭhiyaṃ vā khipanti, yathā ca antepurikāyo akkhitārakamattaṃ dassetvā oguṇṭhikaṃ pārupanti, yathā ca mahājeṭṭhā dīghasāṭakaṃ nivāsetvā tasseva ekenantena sakalasarīraṃ pārupanti, yathā ca kassakā khettakuṭiṃ pavisantā sāṭakaṃ paliveṭhetvā upakacchake pakkhipitvā tasseva ekenantena sarīraṃ pārupanti, yathā ca brāhmaṇā ubhinnaṃ upakacchakānaṃ antarena sāṭakaṃ pavesetvā aṃsakūṭesu pakkhipanti, yathā ca pāḷikārako bhikkhu ekaṃsapārupanena pārutaṃ vāmabāhuṃ vivaritvā cīvaraṃ aṃsakūṭaṃ āropeti; evaṃ apārupitvā sabbepi ete aññe ca evarūpe pārupanadose vajjetvā nibbikāraṃ parimaṇḍalaṃ pārupitabbaṃ. Tathā apārupitvā ārāme vā antaraghare vā anādarena yaṃkiñci vikāraṃ karontassa dukkaṭaṃ.
281. мун̣д̣аваддийд̇и яат̇аа ран̃н̃о гухин̃жи г̇ажчад̇о баригкаарабхан̣д̣аваханамануссаад̇и ад̇хиббааяо. анд̇араагааж̇анд̇и маж̇жхз лаг̇г̇зд̇ваа д̣̇вийхи вахид̇аб̣б̣абхаарам̣.
281.Muṇḍavaṭṭīti yathā rañño kuhiñci gacchato parikkhārabhaṇḍavahanamanussāti adhippāyo. Antarākājanti majjhe laggetvā dvīhi vahitabbabhāraṃ.
282. ажагкуссанд̇и жагкуунам̣ хид̇ам̣ на ход̇и; барихааним̣ ж̇анзд̇и. нажчаад̣̇зд̇ийд̇и на ружжад̇и. адтан̇г̇улабараманд̇и мануссаанам̣ бамаан̣ан̇г̇улзна адтан̇г̇улабарамам̣. ад̇имадаахаганд̇и ад̇икуд̣̇д̣̇агам̣.
282.Acakkhussanti cakkhūnaṃ hitaṃ na hoti; parihāniṃ janeti. Nacchādetīti na ruccati. Aṭṭhaṅgulaparamanti manussānaṃ pamāṇaṅgulena aṭṭhaṅgulaparamaṃ. Atimaṭāhakanti atikhuddakaṃ.
283. д̣̇ааяам̣ аалимбзнд̇ийд̇и д̇ин̣аванаад̣̇ийсу аг̇г̇им̣ д̣̇знд̇и. бадаг̇г̇инд̇и бадиаг̇г̇им̣. барид̇д̇анд̇и аббахарид̇агаран̣зна ваа барикаакан̣анзна ваа барид̇д̇аан̣ам̣. зд̇т̇а бана анубасамбаннз сад̇и саяам̣ аг̇г̇им̣ д̣̇аад̇ум̣ на лабхад̇и, асад̇и аг̇г̇имби д̣̇аад̇ум̣ лабхад̇и, бхуумим̣ д̇ажчзд̇ваа д̇ин̣ааниби харид̇ум̣, барикамби кан̣ид̇ум̣, алласаакам̣ бхан̃ж̇ид̇вааби аг̇г̇им̣ ниб̣б̣аабзд̇ум̣ лабхад̇и, сзнаасанам̣ бад̇д̇ам̣ ваа аббад̇д̇ам̣ ваа д̇ат̇аа ниб̣б̣аабзд̇ум̣ лабхад̇иязва. уд̣̇агзна бана габбиязнзва лабхад̇и, на ид̇арзна.
283.Dāyaṃ ālimpentīti tiṇavanādīsu aggiṃ denti. Paṭagginti paṭiaggiṃ. Parittanti appaharitakaraṇena vā parikhākhaṇanena vā parittāṇaṃ. Ettha pana anupasampanne sati sayaṃ aggiṃ dātuṃ na labhati, asati aggimpi dātuṃ labhati, bhūmiṃ tacchetvā tiṇānipi harituṃ, parikhampi khaṇituṃ, allasākhaṃ bhañjitvāpi aggiṃ nibbāpetuṃ labhati, senāsanaṃ pattaṃ vā appattaṃ vā tathā nibbāpetuṃ labhatiyeva. Udakena pana kappiyeneva labhati, na itarena.
284. сад̇и гаран̣ийязд̇и сугкагадтаад̣̇иг̇г̇ахан̣агижжз сад̇и. борисияанд̇и бурисаббамаан̣ам̣. аабад̣̇аасууд̇и ваал̣амиг̇аад̣̇аяо ваа д̣̇исваа маг̇г̇амуул̣хо ваа д̣̇исаа ологзд̇угаамо худ̇ваа д̣̇авад̣аахам̣ ваа уд̣̇агогхам̣ ваа ааг̇ажчанд̇ам̣ д̣̇исваа зваруубаасу аабад̣̇аасу ад̇иужжамби ругкам̣ аарохид̇ум̣ ваддад̇и.
284.Sati karaṇīyeti sukkhakaṭṭhādiggahaṇakicce sati. Porisiyanti purisappamāṇaṃ. Āpadāsūti vāḷamigādayo vā disvā maggamūḷho vā disā oloketukāmo hutvā davaḍāhaṃ vā udakoghaṃ vā āgacchantaṃ disvā evarūpāsu āpadāsu atiuccampi rukkhaṃ ārohituṃ vaṭṭati.
285. галяаан̣авааггаран̣аад̇и мад̇хурасад̣̇д̣̇аа. чанд̣̇асо ааробзмаад̇и взд̣̇ам̣ вияа саггад̇абхаасааяа ваажанаамаг̇г̇ам̣ ааробзма. сагааяа нируд̇д̇ияаад̇и зд̇т̇а сагаа нируд̇д̇и наама саммаасамб̣уд̣̇д̇хзна вуд̇д̇аббагааро мааг̇ад̇хиго вохааро.
285.Kalyāṇavākkaraṇāti madhurasaddā. Chandaso āropemāti vedaṃ viya sakkatabhāsāya vācanāmaggaṃ āropema. Sakāya niruttiyāti ettha sakā nirutti nāma sammāsambuddhena vuttappakāro māgadhiko vohāro.
286. логааяад̇ам̣ наама саб̣б̣ам̣ ужчидтам̣, саб̣б̣ам̣ анужчидтам̣, сзд̇о гааго, гаал̣о б̣аго; иминаа жа иминаа жа гааран̣знаад̇и звамаад̣̇инирад̇т̇агагааран̣абадисам̣яуд̇д̇ам̣ д̇ид̇т̇ияасад̇т̇ам̣.
286.Lokāyataṃ nāma sabbaṃ ucchiṭṭhaṃ, sabbaṃ anucchiṭṭhaṃ, seto kāko, kāḷo bako; iminā ca iminā ca kāraṇenāti evamādiniratthakakāraṇapaṭisaṃyuttaṃ titthiyasatthaṃ.
288. анд̇араа ахосийд̇и анд̇арид̇аа ахоси бадижчаннаа.
288.Antarā ahosīti antaritā ahosi paṭicchannā.
289. ааб̣аад̇хаббажжаяаад̇и яасса ааб̣аад̇хасса ласун̣ам̣ бхзсаж̇ж̇ам̣; д̇аббажжаяаад̇и ад̇т̇о.
289.Ābādhappaccayāti yassa ābādhassa lasuṇaṃ bhesajjaṃ; tappaccayāti attho.
290. бассаавабаад̣̇уганд̇и зд̇т̇а баад̣̇угаа идтагаахиби силаахиби д̣̇ааруухиби гаад̇ум̣ ваддад̇и. важжабаад̣̇угааяаби зсзва наяо. баривзн̣анд̇и важжагудибаригкзбаб̣бханд̇арам̣.
290.Passāvapādukanti ettha pādukā iṭṭhakāhipi silāhipi dārūhipi kātuṃ vaṭṭati. Vaccapādukāyapi eseva nayo. Pariveṇanti vaccakuṭiparikkhepabbhantaraṃ.
293. яат̇аад̇хаммо гаарзд̇аб̣б̣од̇и д̣̇уггадавад̇т̇умхи д̣̇уггадзна баажид̇д̇ияавад̇т̇умхи баажид̇д̇иязна гаарзд̇аб̣б̣о. бахаран̣ад̇т̇ам̣ гад̇ам̣ бахаран̣ийд̇и вужжад̇и, яасса гассажи аавуд̇хасан̇каад̇ассзд̇ам̣ ад̇хиважанам̣, д̇ам̣ табзд̇ваа ан̃н̃ам̣ саб̣б̣ам̣ лохабхан̣д̣ам̣ ануж̇аанаамийд̇и ад̇т̇о. гад̇аган̃жа гумбхагаариган̃жаад̇и зд̇т̇а гад̇агам̣ вуд̇д̇амзва. гумбхагаариган̃жаад̇и д̇ханияассзва саб̣б̣амад̇д̇игаамаяагуди вужжад̇и. сзсам̣ саб̣б̣ад̇т̇а уд̇д̇аанамзваад̇и.
293.Yathādhammokāretabboti dukkaṭavatthumhi dukkaṭena pācittiyavatthumhi pācittiyena kāretabbo. Paharaṇatthaṃ kataṃ paharaṇīti vuccati, yassa kassaci āvudhasaṅkhātassetaṃ adhivacanaṃ, taṃ ṭhapetvā aññaṃ sabbaṃ lohabhaṇḍaṃ anujānāmīti attho. Katakañca kumbhakārikañcāti ettha katakaṃ vuttameva. Kumbhakārikañcāti dhaniyasseva sabbamattikāmayakuṭi vuccati. Sesaṃ sabbattha uttānamevāti.
куд̣̇д̣̇агавад̇т̇угат̇аа нидтид̇аа.
Khuddakavatthukathā niṭṭhitā.
куд̣̇д̣̇агавад̇т̇угканд̇хагаван̣н̣анаа нидтид̇аа.
Khuddakavatthukkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / куд̣̇д̣̇агавад̇т̇ууни • Khuddakavatthūni
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / куд̣̇д̣̇агавад̇т̇угат̇ааван̣н̣анаа • Khuddakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / куд̣̇д̣̇агавад̇т̇угат̇ааван̣н̣анаа • Khuddakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / куд̣̇д̣̇агавад̇т̇угат̇ааван̣н̣анаа • Khuddakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / куд̣̇д̣̇агавад̇т̇угат̇аа • Khuddakavatthukathā
