| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
5. куд̣̇д̣̇агавад̇т̇угканд̇хагаван̣н̣анаа
5. Khuddakavatthukkhandhakavaṇṇanā
куд̣̇д̣̇агавад̇т̇угат̇ааван̣н̣анаа
Khuddakavatthukathāvaṇṇanā
244. бут̇убаан̣инаа гад̇д̇аб̣б̣ам̣ гаммам̣ бут̇убаан̣игам̣.
244. Puthupāṇinā kattabbaṃ kammaṃ puthupāṇikaṃ.
245. ‘‘ган̣н̣ад̇о нигканд̇амуд̇д̇оламб̣агаад̣̇ийнам̣ гун̣д̣алаад̣̇ийна’’нд̇и ликид̇ам̣. ‘‘гааяуура’’нд̇и баал̣ибаато. ‘‘гзяуураад̣̇ийний’’д̇и аажариязнуд̣̇д̇хадам̣.
245. ‘‘Kaṇṇato nikkhantamuttolambakādīnaṃ kuṇḍalādīna’’nti likhitaṃ. ‘‘Kāyūra’’nti pāḷipāṭho. ‘‘Keyūrādīnī’’ti ācariyenuddhaṭaṃ.
248. ‘‘саад̇хуг̇ийд̇ам̣ наама бариниб̣б̣уд̇адтаанз г̇ийд̇а’’нд̇и ликид̇ам̣. д̣̇анд̇аг̇ийд̇ам̣ г̇ааяид̇угаамаанам̣ вааггагаран̣ийяам̣. д̣̇анд̇аг̇ийд̇асса вибхааванад̇т̇ам̣ ‘‘яам̣ г̇ааяиссаамаа’’д̇иаад̣̇имааха.
248.‘‘Sādhugītaṃ nāma parinibbutaṭṭhāne gīta’’nti likhitaṃ. Dantagītaṃ gāyitukāmānaṃ vākkakaraṇīyaṃ. Dantagītassa vibhāvanatthaṃ ‘‘yaṃ gāyissāmā’’tiādimāha.
249. жад̇урассавад̇д̇ам̣ наама жад̇уббаад̣̇аг̇аат̇аавад̇д̇ам̣. ‘‘д̇аран̇г̇авад̇д̇аад̣̇ийни ужжааран̣авид̇хаанаани надтабаяог̇ааний’’д̇и ликид̇ам̣. б̣аахираломинд̇и бхааванабум̣сагам̣, яат̇аа д̇асса ун̣н̣абааваарасса б̣ахид̣̇д̇хаа ломаани д̣̇иссанд̇и, д̇ат̇аа д̇хаарзнд̇асса д̣̇уггаданд̇и вуд̇д̇ам̣ ход̇и.
249.Caturassavattaṃ nāma catuppādagāthāvattaṃ. ‘‘Taraṅgavattādīni uccāraṇavidhānāni naṭṭhapayogānī’’ti likhitaṃ. Bāhiralominti bhāvanapuṃsakaṃ, yathā tassa uṇṇapāvārassa bahiddhā lomāni dissanti, tathā dhārentassa dukkaṭanti vuttaṃ hoti.
251. вируубагкзхийд̇иаад̣̇и сахаяог̇агаран̣аважанам̣. сараб̣ууд̇и г̇зхаг̇ол̣игаа. саа гира сзд̇аа сависаа ход̇и. соханд̇и яасса мз зд̇зхи мзд̇д̇ам̣, сохам̣ намо гароми бхаг̇авад̇од̇и самб̣анд̇хо. ан̃н̃амхи…бз… чзд̇аб̣б̣амхийд̇и рааг̇аанусаяз.
251.Virūpakkhehītiādi sahayogakaraṇavacanaṃ. Sarabūti gehagoḷikā. Sā kira setā savisā hoti. Sohanti yassa me etehi mettaṃ, sohaṃ namo karomi bhagavatoti sambandho. Aññamhi…pe… chetabbamhīti rāgānusaye.
252. уддид̇ваад̇и багкибид̇ваа. од̇арад̇ууд̇и ид̣̇д̇хияаа од̇аарзд̇ваа г̇ан̣хаад̇у. анубарияааяийд̇и анубариб̣бхами.
252.Uṭṭitvāti pakkhipitvā. Otaratūti iddhiyā otāretvā gaṇhātu. Anupariyāyīti anuparibbhami.
253. на ажчубияанд̇ийд̇и на лаг̇г̇анд̇и. руубагаагин̣н̣аанийд̇и ид̇т̇ируубаад̣̇ийхи вогин̣н̣аани.
253.Na acchupiyantīti na lagganti. Rūpakākiṇṇānīti itthirūpādīhi vokiṇṇāni.
254. аалинд̣̇агамид̣дхигаад̣̇ийнанд̇и бамукамид̣дхигаад̣̇ийнам̣. баривад̇д̇зд̇ваа д̇ад̇т̇зваад̇и зд̇т̇а ‘‘баривад̇д̇зд̇ваа д̇ад̇ияаваарз д̇ад̇т̇зва мид̣дхияаа бад̇идтаад̇ий’’д̇и ликид̇ам̣. барибхан̣д̣ам̣ наама г̇зхасса б̣ахи гуддабаад̣̇асса т̇ирабхаавад̇т̇ам̣ гад̇аа д̇анугамид̣дхигаа вужжад̇и. зд̇т̇а ‘‘бариваддид̇ваа бад̇д̇о бхиж̇ж̇ад̇ийд̇и ад̇хигаран̣абхзд̣̇аасан̇гааяа абхаавз таанз табзд̇ум̣ ваддад̇ий’’д̇и ликид̇ам̣. бад̇д̇амаал̣аго ваддид̇ваа бад̇д̇аанам̣ абад̇анад̇т̇ам̣ ваддам̣ ваа жад̇урассам̣ ваа идтагаад̣̇ийхи баригкибид̇ваа маал̣агажчаннзна гад̇о. ‘‘бад̇д̇аман̣д̣алигаа бад̇д̇абажчигаа д̇аалабад̇д̇аад̣̇ийхи гад̇аа’’д̇и жа ликид̇ам̣. мид̣дханд̇з аад̇хаарагз табзд̇ум̣ ваддад̇и бад̇д̇асанд̇хааран̣ад̇т̇ам̣ вуд̇д̇ад̇д̇аа. ман̃жз аад̇хаарагзби на ваддад̇и нисийд̣̇анабажжаяаа ваарид̇ад̇д̇аа. аасаннабхуумигад̇д̇аа оламб̣зд̇ум̣ ваддад̇и.
254.Ālindakamiḍḍhikādīnanti pamukhamiḍḍhikādīnaṃ. Parivattetvā tatthevāti ettha ‘‘parivattetvā tatiyavāre tattheva miḍḍhiyā patiṭṭhātī’’ti likhitaṃ. Paribhaṇḍaṃ nāma gehassa bahi kuṭṭapādassa thirabhāvatthaṃ katā tanukamiḍḍhikā vuccati. Ettha ‘‘parivaṭṭitvā patto bhijjatīti adhikaraṇabhedāsaṅkāya abhāve ṭhāne ṭhapetuṃ vaṭṭatī’’ti likhitaṃ. Pattamāḷako vaṭṭitvā pattānaṃ apatanatthaṃ vaṭṭaṃ vā caturassaṃ vā iṭṭhakādīhi parikkhipitvā māḷakacchannena kato. ‘‘Pattamaṇḍalikā pattapacchikā tālapattādīhi katā’’ti ca likhitaṃ. Miḍḍhante ādhārake ṭhapetuṃ vaṭṭati pattasandhāraṇatthaṃ vuttattā. Mañce ādhārakepi na vaṭṭati nisīdanapaccayā vāritattā. Āsannabhūmikattā olambetuṃ vaṭṭati.
255. ‘‘ам̣сагуудз лаг̇г̇зд̇ваад̇и важанад̇о аг̇г̇ахад̇т̇з лаг̇г̇зд̇ваа ан̇гз табзд̇ум̣ на ваддад̇ий’’д̇и гзжи вад̣̇анд̇и, на сунд̣̇арам̣, ‘‘на гзвалам̣ яасса бад̇д̇о’’д̇иаад̣̇и яад̣̇и хад̇т̇зна г̇ахид̇абад̇д̇з бхзд̣̇асан̃н̃аа, баг̇зва ан̃н̃зна сарийрааваяавзнаад̇и гад̇ваа вуд̇д̇ам̣. баал̣ияам̣ бана бажуравохааравасзна вуд̇д̇ам̣. гхадигабааламаяам̣ гхадигадаахам̣. чавасийсасса бад̇д̇анд̇и ‘‘силаабуд̇д̇агасса сарийрам̣, кийрасса д̇хаараад̇иаад̣̇ивохааравасзна вуд̇д̇ам̣. ман̃жз нисийд̣̇ид̇ум̣ ааг̇ад̇од̇и ад̇т̇о. ‘‘бисаажиллигаад̇и бисаажад̣̇аарагаа’’д̇иби вад̣̇анд̇и. д̣̇иннагамзва бадиг̇г̇ахид̇амзва. жаб̣б̣зд̇ваад̇и каад̣̇ид̇ваа. адтигаани жа ган̣дагаани жа адтигаган̣дагаани. ‘‘зд̇зсу саб̣б̣зсу бан̣н̣ад̇д̇им̣ ж̇аанаад̇у ваа, маа ваа, аабад̇д̇иязваа’’д̇и ликид̇ам̣.
255. ‘‘Aṃsakūṭe laggetvāti vacanato aggahatthe laggetvā aṅke ṭhapetuṃ na vaṭṭatī’’ti keci vadanti, na sundaraṃ, ‘‘na kevalaṃ yassa patto’’tiādi yadi hatthena gahitapatte bhedasaññā, pageva aññena sarīrāvayavenāti katvā vuttaṃ. Pāḷiyaṃ pana pacuravohāravasena vuttaṃ. Ghaṭikapālamayaṃ ghaṭikaṭāhaṃ. Chavasīsassa pattanti ‘‘silāputtakassa sarīraṃ, khīrassa dhārātiādivohāravasena vuttaṃ. Mañce nisīdituṃ āgatoti attho. ‘‘Pisācillikāti pisācadārakā’’tipi vadanti. Dinnakameva paṭiggahitameva. Cabbetvāti khāditvā. Aṭṭhikāni ca kaṇṭakāni ca aṭṭhikakaṇṭakāni. ‘‘Etesu sabbesu paṇṇattiṃ jānātu vā, mā vā, āpattiyevā’’ti likhitaṃ.
256. вибпаал̣зд̇ваад̇и паал̣зд̇ваа. гин̣н̣зна буурзд̇унд̇и сураагин̣н̣зна буурзд̇ум̣. б̣ид̣̇алагам̣ наама д̣̇иг̇ун̣агаран̣асан̇каад̇асса гирияаависзсасса ад̇хиважанам̣. гасса д̣̇иг̇ун̣агаран̣ам̣? язна гилан̃ж̇аад̣̇инаа маханд̇ам̣ гат̇инамад̇т̇ад̇ам̣, д̇асса. д̇ан̃хи д̣̇ан̣д̣агат̇инаббамаан̣зна барияанд̇з сам̣харид̇ваа д̣̇иг̇ун̣ам̣ гаад̇аб̣б̣ам̣. ан̃н̃ат̇аа куд̣̇д̣̇агажийварасса ануваад̇абарибхан̣д̣аад̣̇ивид̇хаанагаран̣з хад̇т̇асса огаасо на ход̇и. салаагааяа сад̇и д̣̇виннам̣ жийвараанам̣ ан̃н̃ад̇арам̣ н̃ад̇ваа сиб̣б̣ид̇аасиб̣б̣ид̇ам̣ сукам̣ бан̃н̃ааяад̇и. д̣̇ан̣д̣агат̇инз гад̇з на б̣ахуухи сахааязхи баяож̇анам̣. ‘‘асам̣гудид̇ваа жийварам̣ самам̣ ход̇и. гон̣ааби самаа хонд̇ий’’д̇и ликид̇ам̣, ‘‘халид̣̇д̣̇исуд̇д̇зна сан̃н̃аагаран̣а’’нд̇и вуд̇д̇ад̇д̇аа халид̣̇д̣̇исуд̇д̇зна жийварам̣ сиб̣б̣зд̇умби ваддад̇ийд̇и сид̣̇д̇хам̣. д̇ад̇т̇а хи гзжи агаббияасан̃н̃ино. бадиг̇г̇ахо наама ан̇г̇улигосо.
256.Vipphāḷetvāti phāḷetvā. Kiṇṇena pūretunti surākiṇṇena pūretuṃ. Bidalakaṃ nāma diguṇakaraṇasaṅkhātassa kiriyāvisesassa adhivacanaṃ. Kassa diguṇakaraṇaṃ? Yena kilañjādinā mahantaṃ kathinamatthataṃ, tassa. Tañhi daṇḍakathinappamāṇena pariyante saṃharitvā diguṇaṃ kātabbaṃ. Aññathā khuddakacīvarassa anuvātaparibhaṇḍādividhānakaraṇe hatthassa okāso na hoti. Salākāya sati dvinnaṃ cīvarānaṃ aññataraṃ ñatvā sibbitāsibbitaṃ sukhaṃ paññāyati. Daṇḍakathine kate na bahūhi sahāyehi payojanaṃ. ‘‘Asaṃkuṭitvā cīvaraṃ samaṃ hoti. Koṇāpi samā hontī’’ti likhitaṃ, ‘‘haliddisuttena saññākaraṇa’’nti vuttattā haliddisuttena cīvaraṃ sibbetumpi vaṭṭatīti siddhaṃ. Tattha hi keci akappiyasaññino. Paṭiggaho nāma aṅgulikoso.
257-8. баад̇ийд̇и бадиг̇г̇ахасан̣таанам̣. бадиг̇г̇ахад̇т̇авиганд̇и ан̇г̇улигосад̇т̇авигам̣. суужисад̇т̇агаанам̣ буб̣б̣з аавзсанад̇т̇авигааяа анун̃н̃аад̇ад̇д̇аа ‘‘ануж̇аанаами, бхигкавз, бхзсаж̇ж̇ад̇т̇авига’’нд̇и вуд̇д̇ам̣. зд̇т̇а суужисад̇т̇агаад̣̇ийниби табзд̇аб̣б̣аанийд̇и нид̣̇аанам̣ суужзд̇и. сажзби убананд̣̇о бхигку алаж̇ж̇ий, д̇ат̇ааби санд̇агамзд̇ам̣ амуулажчзд̣̇агад̇абхигкуно лаж̇ж̇иноби самаанасса габбад̇ийд̇и яуж̇ж̇ад̇и. на саммад̇ийд̇и на баход̇и.
257-8.Pātīti paṭiggahasaṇṭhānaṃ. Paṭiggahatthavikanti aṅgulikosatthavikaṃ. Sūcisatthakānaṃ pubbe āvesanatthavikāya anuññātattā ‘‘anujānāmi, bhikkhave, bhesajjatthavika’’nti vuttaṃ. Ettha sūcisatthakādīnipi ṭhapetabbānīti nidānaṃ sūceti. Sacepi upanando bhikkhu alajjī, tathāpi santakametaṃ amūlacchedakatabhikkhuno lajjinopi samānassa kappatīti yujjati. Na sammatīti na pahoti.
260-1. б̣ахи гуддасса саманд̇ад̇о нийжавад̇т̇угам̣ гад̇ваа тид̇ам̣ ‘‘ман̣д̣алига’’нд̇и вужжад̇и. ж̇анд̇аагхараббадижчаад̣̇инаа чаннасса наг̇г̇ияам̣ яасса на бан̃н̃ааяад̇и, д̇ассзва баригаммам̣ гаад̇аб̣б̣ам̣. зса наяо уд̣̇агавад̇т̇абадижчаад̣̇ийсуби.
260-1. Bahi kuṭṭassa samantato nīcavatthukaṃ katvā ṭhitaṃ ‘‘maṇḍalika’’nti vuccati. Jantāgharappaṭicchādinā channassa naggiyaṃ yassa na paññāyati, tasseva parikammaṃ kātabbaṃ. Esa nayo udakavatthapaṭicchādīsupi.
262-3. бан̣ияаа наама бан̣ияагаарагаа. аагад̣дханаяанд̇ам̣ аагад̣дхияамаанам̣ гуубасса убарибхааг̇з бариб̣бхамад̇и. арахадагхадияанд̇ам̣ сагадажаггасан̣таанаяанд̇ам̣. д̇асса арз арз гхадигаани б̣анд̇хид̇ваа згзна, д̣̇вийхи ваа бариб̣бхамияамаанасса уд̣̇аганиб̣б̣ааханам̣ взд̣̇ид̇аб̣б̣ам̣. аавид̣̇д̇хабагкабаасам̣ наама яад̇т̇а ман̣д̣алаагаарзна багкабаасаа б̣аж̇жханд̇и аавид̣̇д̇хавад̇т̇ад̇аа вияа аавид̣̇д̇хабагкабаасагаа. буб̣б̣з бад̇д̇асан̇г̇обанад̇т̇ам̣, ид̣̇аани табзд̇аб̣б̣ам̣ бхун̃ж̇ид̇ум̣ аад̇хаараго анун̃н̃аад̇о.
262-3.Paṇiyā nāma paṇiyakārakā. Ākaḍḍhanayantaṃ ākaḍḍhiyamānaṃ kūpassa uparibhāge paribbhamati. Arahaṭaghaṭiyantaṃ sakaṭacakkasaṇṭhānayantaṃ. Tassa are are ghaṭikāni bandhitvā ekena, dvīhi vā paribbhamiyamānassa udakanibbāhanaṃ veditabbaṃ. Āviddhapakkhapāsaṃ nāma yattha maṇḍalākārena pakkhapāsā bajjhanti āviddhavatthatā viya āviddhapakkhapāsakā. Pubbe pattasaṅgopanatthaṃ, idāni ṭhapetabbaṃ bhuñjituṃ ādhārako anuññāto.
273. бараг̇алам̣ г̇ажчад̇ийд̇и имасса баяог̇аабхааваа ваддад̇и. гаммасад̇знаад̇и махад̇аа уссаахзна.
273.Paragalaṃgacchatīti imassa payogābhāvā vaṭṭati. Kammasatenāti mahatā ussāhena.
277-8. лохабхан̣д̣ам̣ наама гам̣сад̇о сзсалохабхан̣д̣ам̣. муд̣̇д̣̇игагааяаб̣анд̇ханам̣ наама жад̇урассам̣ агад̇ваа саж̇ж̇ид̇ам̣. бааман̇г̇ад̣̇асаа жад̇урассаа. муд̣̇ин̇г̇асан̣таанзнаад̇и сан̇гхаадияаа муд̣̇ин̇г̇асиб̣б̣анаагаарзна варагасийсаагаарзна. бавананд̇од̇и баасанд̇о. ‘‘д̣̇асаамуула’’нд̇и жа ликид̇ам̣. агааяаб̣анд̇ханзна сан̃жижжа ваа асан̃жижжа ваа г̇аамаббавзсанз аабад̇д̇и. ‘‘сарид̇адтаанад̇о б̣анд̇хид̇ваа бависид̇аб̣б̣ам̣, нивад̇д̇ид̇аб̣б̣ам̣ ваа’’д̇и ликид̇ам̣.
277-8.Lohabhaṇḍaṃ nāma kaṃsato sesalohabhaṇḍaṃ. Muddikakāyabandhanaṃ nāma caturassaṃ akatvā sajjitaṃ. Pāmaṅgadasā caturassā. Mudiṅgasaṇṭhānenāti saṅghāṭiyā mudiṅgasibbanākārena varakasīsākārena. Pavanantoti pāsanto. ‘‘Dasāmūla’’nti ca likhitaṃ. Akāyabandhanena sañcicca vā asañcicca vā gāmappavesane āpatti. ‘‘Saritaṭṭhānato bandhitvā pavisitabbaṃ, nivattitabbaṃ vā’’ti likhitaṃ.
279. сад̇д̇ан̇г̇улам̣ ваа адтан̇г̇улам̣ ваад̇и зд̇т̇а ‘‘суг̇ад̇ан̇г̇улзнаа’’д̇и авуд̇д̇ад̇д̇аа багад̇иан̇г̇улзна сааруббад̇т̇ааяа вад̣дхзд̇вааби гаронд̇и жз, на д̣̇осо.
279. Sattaṅgulaṃ vā aṭṭhaṅgulaṃ vāti ettha ‘‘sugataṅgulenā’’ti avuttattā pakatiaṅgulena sāruppatthāya vaḍḍhetvāpi karonti ce, na doso.
280. д̇аалаван̣даагаарзна сийхал̣ид̇т̇ийнам̣ вияа.
280. Tālavaṇṭākārena sīhaḷitthīnaṃ viya.
куд̣̇д̣̇агавад̇т̇угканд̇хагаван̣н̣анаа нидтид̇аа.
Khuddakavatthukkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / куд̣̇д̣̇агавад̇т̇ууни • Khuddakavatthūni
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / куд̣̇д̣̇агавад̇т̇угат̇аа • Khuddakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / куд̣̇д̣̇агавад̇т̇угат̇ааван̣н̣анаа • Khuddakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / куд̣̇д̣̇агавад̇т̇угат̇ааван̣н̣анаа • Khuddakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / куд̣̇д̣̇агавад̇т̇угат̇аа • Khuddakavatthukathā
