| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
5. куд̣̇д̣̇агавад̇т̇угканд̇хаго
5. Khuddakavatthukkhandhako
куд̣̇д̣̇агавад̇т̇угат̇ааван̣н̣анаа
Khuddakavatthukathāvaṇṇanā
243. куд̣̇д̣̇агавад̇т̇угканд̇хагз адтабад̣̇аагаарзнаад̇и ж̇ууд̇апалагз адтаг̇аб̣бхарааж̇иаагаарзна. маллагамууласан̣таанзнаад̇и кзл̣амаллагамууласан̣таанзна. ид̣̇ан̃жа ваддаад̇хаарагам̣ санд̇хааяа вуд̇д̇ам̣, ган̣дагз удтаабзд̇ваа гад̇аваддагабаалассзд̇ам̣ ад̇хиважанам̣.
243. Khuddakavatthukkhandhake aṭṭhapadākārenāti jūtaphalake aṭṭhagabbharājiākārena. Mallakamūlasaṇṭhānenāti kheḷamallakamūlasaṇṭhānena. Idañca vaṭṭādhārakaṃ sandhāya vuttaṃ, kaṇṭake uṭṭhāpetvā katavaṭṭakapālassetaṃ adhivacanaṃ.
244. бут̇убаан̣иганд̇и мудтим̣ агад̇ваа вигасид̇ахад̇т̇ад̇алзхи бидтибаригаммам̣ вужжад̇и. зд̇амзва санд̇хааяа ‘‘хад̇т̇абаригамма’’нд̇и вуд̇д̇ам̣.
244.Puthupāṇikanti muṭṭhiṃ akatvā vikasitahatthatalehi piṭṭhiparikammaṃ vuccati. Etameva sandhāya ‘‘hatthaparikamma’’nti vuttaṃ.
245. муд̇д̇оламб̣агаад̣̇ийнанд̇и аад̣̇и-сад̣̇д̣̇зна гун̣д̣алаад̣̇им̣ сан̇г̇ан̣хаад̇и. баламб̣агасуд̇д̇анд̇и б̣раахман̣аанам̣ яан̃н̃обажид̇асуд̇д̇аад̣̇иаагаарам̣ вужжад̇и. валаяанд̇и хад̇т̇абаад̣̇авалаяам̣.
245.Muttolambakādīnanti ādi-saddena kuṇḍalādiṃ saṅgaṇhāti. Palambakasuttanti brāhmaṇānaṃ yaññopacitasuttādiākāraṃ vuccati. Valayanti hatthapādavalayaṃ.
246. д̣̇ван̇г̇улзд̇и убаяог̇аб̣ахуважанам̣, д̣̇ван̇г̇улаббамаан̣ам̣ ад̇иггаамзд̇ум̣ на ваддад̇ийд̇и ад̇т̇о. зд̇т̇а жа д̣̇умаасасса ваа д̣̇ван̇г̇уласса ваа ад̇игганд̇абхаавам̣ аж̇аананд̇ассааби гзсамассуг̇ан̣анааяа ажид̇д̇агаабад̇д̇ияо хонд̇ийд̇и вад̣̇анд̇и.
246.Dvaṅguleti upayogabahuvacanaṃ, dvaṅgulappamāṇaṃ atikkāmetuṃ na vaṭṭatīti attho. Ettha ca dumāsassa vā dvaṅgulassa vā atikkantabhāvaṃ ajānantassāpi kesamassugaṇanāya acittakāpattiyo hontīti vadanti.
гожчзнаад̇и усийрад̇ин̣аад̣̇ийни б̣анд̇хид̇ваа самам̣ чинд̣̇ид̇ваа г̇ахид̇агожчзна. жиггалзнаад̇и силзсаяуд̇д̇ад̇злзна. ун̣хаабхид̇ад̇д̇араж̇асираанамбийд̇и ун̣хаабхид̇ад̇д̇аанам̣ раж̇огин̣н̣асираанам̣. ад̣̇д̣̇ахад̇т̇знаад̇и аллахад̇т̇зна.
Kocchenāti usīratiṇādīni bandhitvā samaṃ chinditvā gahitakocchena. Cikkalenāti silesayuttatelena. Uṇhābhitattarajasirānampīti uṇhābhitattānaṃ rajokiṇṇasirānaṃ. Addahatthenāti allahatthena.
248-9. саад̇хуг̇ийд̇анд̇и анижжад̇аад̣̇ибадисан̃н̃уд̇д̇ам̣ г̇ийд̇ам̣. жад̇урассзна вад̇д̇знаад̇и барибун̣н̣зна ужжааран̣авад̇д̇зна. д̇аран̇г̇авад̇д̇аад̣̇ийнам̣ саб̣б̣зсамби сааман̃н̃алагкан̣ам̣ д̣̇ассзд̇ум̣ ‘‘саб̣б̣зсам̣…бз… лагкан̣а’’нд̇и вуд̇д̇ам̣. яад̇д̇агаахи мад̇д̇аахи агкарам̣ барибун̣н̣ам̣ ход̇и, д̇ад̇оби ад̇хигамад̇д̇ааяуд̇д̇ам̣ гад̇ваа гат̇анам̣ вигаарагат̇анам̣ наама, д̇ат̇аа агад̇ваа гат̇анамзва лагкан̣анд̇и ад̇т̇о. б̣аахираломинд̇и бхааванабум̣саганид̣̇д̣̇зсо, яат̇аа б̣ахид̣̇д̇хаа ломаани д̣̇иссанд̇и, звам̣ д̇хаарзнд̇асса д̣̇уггаданд̇и ад̇т̇о.
248-9.Sādhugītanti aniccatādipaṭisaññuttaṃ gītaṃ. Caturassena vattenāti paripuṇṇena uccāraṇavattena. Taraṅgavattādīnaṃ sabbesampi sāmaññalakkhaṇaṃ dassetuṃ ‘‘sabbesaṃ…pe… lakkhaṇa’’nti vuttaṃ. Yattakāhi mattāhi akkharaṃ paripuṇṇaṃ hoti, tatopi adhikamattāyuttaṃ katvā kathanaṃ vikārakathanaṃ nāma, tathā akatvā kathanameva lakkhaṇanti attho. Bāhiralominti bhāvanapuṃsakaniddeso, yathā bahiddhā lomāni dissanti, evaṃ dhārentassa dukkaṭanti attho.
250. баал̣ияам̣ д̇арун̣ан̃н̃зва амб̣анд̇и д̇арун̣ам̣ асан̃ж̇аад̇аб̣ийж̇ам̣ зва амб̣апалам̣. баад̇аабзд̇ваад̇и чинд̣̇аабзд̇ваава. ‘‘мад̇д̇ааван̣н̣ид̇аа’’д̇и ид̣̇ам̣ ‘‘барз нинд̣̇анд̇ий’’д̇и саасанахид̇зсид̇ааяа вуд̇д̇ам̣. на барияаабун̣им̣сууд̇и наасигким̣су.
250. Pāḷiyaṃ taruṇaññeva ambanti taruṇaṃ asañjātabījaṃ eva ambaphalaṃ. Pātāpetvāti chindāpetvāva. ‘‘Mattāvaṇṇitā’’ti idaṃ ‘‘pare nindantī’’ti sāsanahitesitāya vuttaṃ. Na pariyāpuṇiṃsūti nāsikkhiṃsu.
251. жад̇д̇аари ахирааж̇агулаанийд̇и саб̣б̣зсам̣ ахибхзд̣̇аанам̣ жад̇уусу зва сан̇г̇ахад̇о вуд̇д̇ам̣. ад̇д̇абарид̇д̇ам̣ гаад̇унд̇и ад̇д̇ано барид̇д̇аан̣ам̣ гаад̇ум̣.
251.Cattāri ahirājakulānīti sabbesaṃ ahibhedānaṃ catūsu eva saṅgahato vuttaṃ. Attaparittaṃ kātunti attano parittāṇaṃ kātuṃ.
вируубагкзхи мз мзд̇д̇анд̇и вируубагкаж̇аад̇игзхи нааг̇зхи саха маяхам̣ мид̇д̇абхааво ход̇у, мзд̇д̇аа ход̇ууд̇и ад̇т̇о, д̇з сукид̇аа нид̣̇д̣̇угкаа авзраа хонд̇ууд̇и ад̇хиббааяо. зван̃хи мзд̇д̇аапаран̣ам̣ ход̇и. сзсзсуби зсзва наяо. абаад̣̇агзхийд̇и ахигулзхи саха саб̣б̣асад̇д̇зсу од̇хисо мзд̇д̇аапаран̣ад̣̇ассанам̣. маа мам̣ абаад̣̇аго хим̣сийд̇и д̇ааяа мзд̇д̇ааяа ад̇д̇арагкаавид̇хаанад̣̇ассанам̣.
Virūpakkhehi me mettanti virūpakkhajātikehi nāgehi saha mayhaṃ mittabhāvo hotu, mettā hotūti attho, te sukhitā niddukkhā averā hontūti adhippāyo. Evañhi mettāpharaṇaṃ hoti. Sesesupi eseva nayo. Apādakehīti ahikulehi saha sabbasattesu odhiso mettāpharaṇadassanaṃ. Mā maṃ apādako hiṃsīti tāya mettāya attarakkhāvidhānadassanaṃ.
саб̣б̣з сад̇д̇аад̇иаад̣̇и ад̇д̇аанам̣ убамам̣ гад̇ваа саб̣б̣асад̇д̇зсу анод̇хисо мзд̇д̇аапаран̣ад̣̇ассанам̣. д̇ад̇т̇а маа ган̃жи баабамааг̇амаад̇и ган̃жи сад̇д̇ам̣ лаамагам̣ д̣̇угкахзд̇у, д̣̇угкан̃жа маа ааг̇ажчад̇у.
Sabbe sattātiādi attānaṃ upamaṃ katvā sabbasattesu anodhiso mettāpharaṇadassanaṃ. Tattha mā kañci pāpamāgamāti kañci sattaṃ lāmakaṃ dukkhahetu, dukkhañca mā āgacchatu.
звам̣ мзд̇д̇ааяа ад̇д̇аг̇уд̇д̇им̣ д̣̇ассзд̇ваа ид̣̇аани рад̇анад̇д̇аяаануссаран̣зна д̣̇ассзд̇ум̣ ‘‘аббамаан̣о’’д̇иаад̣̇и вуд̇д̇ам̣. д̇ад̇т̇а бамаан̣агарад̇хаммаа агусалаа, д̇аб̣б̣ибаагаа жа бамаан̣аа, д̇аббадибагкаа сийлаад̣̇аяо г̇ун̣аа, д̇аб̣б̣ибаагаа жа логияалогуд̇д̇арапалаани аббамаан̣аа, д̇з асса ад̇т̇ийд̇и аббамаан̣о, аббамаан̣аа ваа абаримзяяаг̇ун̣аа ассаад̇иби аббамаан̣о. бамаан̣аванд̇аанийд̇и яат̇аавуд̇д̇абамаан̣агарад̇хаммаяуд̇д̇аани. ахивижчигаад̇и сарийсабаанан̃н̃зва бабхзд̣̇ад̣̇ассанам̣. ун̣н̣анаабхийд̇и ломасанаабхиго маггадо. сараб̣ууд̇и гхараг̇ол̣игаа.
Evaṃ mettāya attaguttiṃ dassetvā idāni ratanattayānussaraṇena dassetuṃ ‘‘appamāṇo’’tiādi vuttaṃ. Tattha pamāṇakaradhammā akusalā, tabbipākā ca pamāṇā, tappaṭipakkhā sīlādayo guṇā, tabbipākā ca lokiyalokuttaraphalāni appamāṇā, te assa atthīti appamāṇo, appamāṇā vā aparimeyyaguṇā assātipi appamāṇo. Pamāṇavantānīti yathāvuttapamāṇakaradhammayuttāni. Ahivicchikāti sarīsapānaññeva pabhedadassanaṃ. Uṇṇanābhīti lomasanābhiko makkaṭo. Sarabūti gharagoḷikā.
бадиггаманд̇ууд̇и абаг̇ажчанд̇у, маа мам̣ вихзсаяим̣сууд̇и ад̇т̇о. сохам̣ намод̇и зд̇т̇а ‘‘гаромий’’д̇и баатасзсо. яасмаа маяаа мзд̇д̇аад̣̇ийхи д̇умхааган̃жа маяхан̃жа рагкаа гад̇аа, яасмаа жа сохам̣ бхаг̇авад̇о намо гароми, вибассийаад̣̇ийнам̣ сад̇д̇аннамби намо гароми, д̇асмаа бадиггаманд̇у бхууд̇аанийд̇и яож̇анаа.
Paṭikkamantūti apagacchantu, mā maṃ vihesayiṃsūti attho. Sohaṃ namoti ettha ‘‘karomī’’ti pāṭhaseso. Yasmā mayā mettādīhi tumhākañca mayhañca rakkhā katā, yasmā ca sohaṃ bhagavato namo karomi, vipassīādīnaṃ sattannampi namo karomi, tasmā paṭikkamantu bhūtānīti yojanā.
ан̃н̃амхийд̇и гаамарааг̇з асубхаманасигаараад̣̇инаа чзд̇аб̣б̣зд̇и ад̇т̇о. ан̇г̇аж̇аад̇анд̇и б̣ийж̇авирахид̇ам̣ бурисанимид̇д̇ам̣. б̣ийж̇з хи чиннз обаггамигабан̣д̣аго наама абхаб̣б̣о ход̇ийд̇и вад̣̇анд̇и. згз бана ‘‘б̣ийж̇ассааби чзд̣̇анагкан̣з д̣̇уггадаабад̇д̇и зва гамзна бурисинд̣̇рияаад̣̇игз анд̇арахид̇з бан̣д̣аго наама абхаб̣б̣о ход̇и, д̇ад̣̇аа лин̇г̇анаасанааяа наасзд̇аб̣б̣о’’д̇и вад̣̇анд̇и. д̇аад̣̇исам̣ ваа д̣̇угкам̣ уббаад̣̇знд̇ассаад̇и мудтиббахаараад̣̇ийхи ад̇д̇ано д̣̇угкам̣ уббаад̣̇знд̇асса.
Aññamhīti kāmarāge asubhamanasikārādinā chetabbeti attho. Aṅgajātanti bījavirahitaṃ purisanimittaṃ. Bīje hi chinne opakkamikapaṇḍako nāma abhabbo hotīti vadanti. Eke pana ‘‘bījassāpi chedanakkhaṇe dukkaṭāpatti eva kamena purisindriyādike antarahite paṇḍako nāma abhabbo hoti, tadā liṅganāsanāya nāsetabbo’’ti vadanti. Tādisaṃ vā dukkhaṃ uppādentassāti muṭṭhippahārādīhi attano dukkhaṃ uppādentassa.
252. баал̣ияам̣ д̇уяхзсо бад̇д̇од̇и ‘‘яо жа арахаа жзва ид̣̇д̇химаа жа, д̇асса д̣̇иннамзваа’’д̇и сздтинаа вуд̇д̇ам̣, д̇ам̣ санд̇хааяа вад̣̇ад̇и. д̇ам̣ бад̇д̇ам̣ г̇ахзд̇ваа д̇игкад̇д̇ум̣ рааж̇аг̇ахам̣ анубарияааяийд̇и зд̇т̇а взл̣убарамбарааяа б̣ад̣̇д̇хабад̇д̇асса убарибхааг̇з аагаасз наг̇арам̣ д̇игкад̇д̇ум̣ анубарияааяид̇ваа тид̇абхаавам̣ санд̇хааяа ‘‘бад̇д̇ам̣ г̇ахзд̇ваа’’д̇и вуд̇д̇ам̣, на бана т̇зро хад̇т̇зна бад̇д̇ам̣ саяамзва аг̇г̇ахзси. гзжи бана вад̣̇анд̇и ‘‘ид̣̇д̇хиб̣алзна д̇ам̣ бад̇д̇ам̣ взл̣убарамбарад̇о мун̃жид̇ваа т̇зрам̣ ануб̣анд̇хамаано адтааси, со жа анзна хад̇т̇зна г̇ахид̇о вияа ахосий’’д̇и. д̇ат̇аа тид̇амзва бана санд̇хааяа ‘‘бхаарад̣̇вааж̇асса хад̇т̇ад̇о бад̇д̇ам̣ г̇ахзд̇ваа’’д̇и вуд̇д̇ам̣. д̇з жа мануссаа…бз… ануб̣анд̇хим̣сууд̇и яз жа мануссаа батамам̣ баадихаарияам̣ наад̣̇д̣̇асам̣су, д̇з амхаагамби баадихаарияам̣ д̣̇ассзхийд̇и т̇зрамануб̣анд̇хим̣су. т̇зро жа сийхаб̣яаг̇гхаад̣̇ируубам̣ г̇ахзд̇ваа вигуб̣б̣анид̣̇д̇хим̣ д̣̇ассзд̇и, д̇з жа ажчарияаб̣бхуд̇аж̇аад̇аа ужжаасад̣̇д̣̇аа махаасад̣̇д̣̇аа ахзсум̣. д̇знааха ‘‘гим̣ ну ко со, аананд̣̇а, ужжаасад̣̇д̣̇о махаасад̣̇д̣̇о’’д̇и. ид̣̇д̇хибаадихаарияам̣ на д̣̇ассзд̇аб̣б̣анд̇и зд̇т̇а ‘‘яо багад̇иван̣н̣ам̣ виж̇ахид̇ваа гумаараван̣н̣ам̣ ваа д̣̇ассзд̇и, нааг̇аван̣н̣ам̣ ваа…бз… вивид̇хамби сзнааб̣яуухам̣ д̣̇ассзд̇ий’’д̇и (бади. ма. 3.13) звамааг̇ад̇аа ад̇д̇ано сарийрасса вигаараабаад̣̇анавасаббавад̇д̇аа вигуб̣б̣анид̣̇д̇хи ад̇хиббзд̇аад̇и ааха ‘‘ад̇хидтаанид̣̇д̇хи бана аббадигкид̇д̇аа’’д̇и. багад̇ияаа зго б̣ахугам̣ ааваж̇ж̇ад̇и, сад̇ам̣ ваа сахассам̣ ваа сад̇асахассам̣ ваа ааваж̇ж̇зд̇ваа н̃аан̣зна ад̇хидтаад̇и ‘‘б̣ахуго хомий’’д̇и (бади. ма. 3.10) звам̣ д̣̇ассид̇аа ад̇хидтаанавасзна нибпаннаа ад̇хидтаанид̣̇д̇хи наама. г̇ихивигадаанийд̇и г̇ихисанд̇агаани.
252. Pāḷiyaṃ tuyheso pattoti ‘‘yo ca arahā ceva iddhimā ca, tassa dinnamevā’’ti seṭṭhinā vuttaṃ, taṃ sandhāya vadati. Taṃ pattaṃ gahetvā tikkhattuṃ rājagahaṃ anupariyāyīti ettha veḷuparamparāya baddhapattassa uparibhāge ākāse nagaraṃ tikkhattuṃ anupariyāyitvā ṭhitabhāvaṃ sandhāya ‘‘pattaṃ gahetvā’’ti vuttaṃ, na pana thero hatthena pattaṃ sayameva aggahesi. Keci pana vadanti ‘‘iddhibalena taṃ pattaṃ veḷuparamparato muñcitvā theraṃ anubandhamāno aṭṭhāsi, so ca anena hatthena gahito viya ahosī’’ti. Tathā ṭhitameva pana sandhāya ‘‘bhāradvājassa hatthato pattaṃ gahetvā’’ti vuttaṃ. Te ca manussā…pe… anubandhiṃsūti ye ca manussā paṭhamaṃ pāṭihāriyaṃ nāddasaṃsu, te amhākampi pāṭihāriyaṃ dassehīti theramanubandhiṃsu. Thero ca sīhabyagghādirūpaṃ gahetvā vikubbaniddhiṃ dasseti, te ca acchariyabbhutajātā uccāsaddā mahāsaddā ahesuṃ. Tenāha ‘‘kiṃ nu kho so, ānanda, uccāsaddo mahāsaddo’’ti. Iddhipāṭihāriyaṃ na dassetabbanti ettha ‘‘yo pakativaṇṇaṃ vijahitvā kumāravaṇṇaṃ vā dasseti, nāgavaṇṇaṃ vā…pe… vividhampi senābyūhaṃ dassetī’’ti (paṭi. ma. 3.13) evamāgatā attano sarīrassa vikārāpādanavasappavattā vikubbaniddhi adhippetāti āha ‘‘adhiṭṭhāniddhi pana appaṭikkhittā’’ti. Pakatiyā eko bahukaṃ āvajjati, sataṃ vā sahassaṃ vā satasahassaṃ vā āvajjetvā ñāṇena adhiṭṭhāti ‘‘bahuko homī’’ti (paṭi. ma. 3.10) evaṃ dassitā adhiṭṭhānavasena nipphannā adhiṭṭhāniddhi nāma. Gihivikaṭānīti gihisantakāni.
253. баал̣ияам̣ на ажчубияанд̇ийд̇и на пусид̇аани хонд̇и. руубагаагин̣н̣аанийд̇и ид̇т̇ируубаад̣̇ийхи аагин̣н̣аани.
253. Pāḷiyaṃ na acchupiyantīti na phusitāni honti. Rūpakākiṇṇānīti itthirūpādīhi ākiṇṇāni.
254. бхуумиаад̇хаарагзд̇и д̣̇анд̇аад̣̇ийхи гад̇з валаяаад̇хаарагз. зд̇асса валаяаад̇хаарагасса анужжад̇ааяа табид̇аа бад̇д̇аа на барибад̇анд̇ийд̇и ‘‘д̇аяо бад̇д̇з табзд̇ум̣ ваддад̇ий’’д̇и вуд̇д̇ам̣. анужжад̇ан̃хи санд̇хааяа аяам̣ ‘‘бхуумиаад̇хаараго’’д̇и вуд̇д̇о. д̣̇ааруаад̇хаарагад̣̇ан̣д̣аад̇хаарагзсууд̇и згад̣̇аарунаа гад̇ааад̇хаарагз, б̣ахуухи д̣̇ан̣д̣зхи гад̇ааад̇хаарагз жа. зд̇з жа ужжад̇араа хонд̇и бад̇д̇зхи саха бад̇анасабхааваа. д̇зна ‘‘сусаж̇ж̇ид̇зсуу’’д̇и вуд̇д̇ам̣. бхамагодисад̣̇исод̇и яад̇т̇а д̇хамагаран̣аад̣̇им̣ бавзсзд̇ваа ликанд̇и, д̇асса бхамагасса годияаа сад̣̇исо. д̇аад̣̇исасса д̣̇ааруаад̇хаарагасса авид̇т̇ин̣н̣ад̇ааяа табид̇оби бад̇д̇о бад̇ад̇ийд̇и ‘‘аногаасо’’д̇и вуд̇д̇о.
254.Bhūmiādhāraketi dantādīhi kate valayādhārake. Etassa valayādhārakassa anuccatāya ṭhapitā pattā na paripatantīti ‘‘tayo patteṭhapetuṃ vaṭṭatī’’ti vuttaṃ. Anuccatañhi sandhāya ayaṃ ‘‘bhūmiādhārako’’ti vutto. Dāruādhārakadaṇḍādhārakesūti ekadārunā kataādhārake, bahūhi daṇḍehi kataādhārake ca. Ete ca uccatarā honti pattehi saha patanasabhāvā. Tena ‘‘susajjitesū’’ti vuttaṃ. Bhamakoṭisadisoti yattha dhamakaraṇādiṃ pavesetvā likhanti, tassa bhamakassa koṭiyā sadiso. Tādisassa dāruādhārakassa avitthiṇṇatāya ṭhapitopi patto patatīti ‘‘anokāso’’ti vutto.
аалинд̣̇агамид̣дхигаад̣̇ийнанд̇и бамукамид̣дхигаад̣̇ийнам̣, ужжавад̇т̇угаананд̇и ад̇т̇о. б̣аахирабассзд̇и баасаад̣̇аад̣̇ийнам̣ б̣ахигуддз. д̇анугамид̣дхигааяаад̇и взд̣̇игааяа. саб̣б̣ад̇т̇а бана хад̇т̇аббамаан̣ад̇о аб̣бханд̇арз табзд̇ум̣ ваддад̇и. аад̇хаарз бана д̇ад̇о б̣ахиби ваддад̇и.
Ālindakamiḍḍhikādīnanti pamukhamiḍḍhikādīnaṃ, uccavatthukānanti attho. Bāhirapasseti pāsādādīnaṃ bahikuṭṭe. Tanukamiḍḍhikāyāti vedikāya. Sabbattha pana hatthappamāṇato abbhantare ṭhapetuṃ vaṭṭati. Ādhāre pana tato bahipi vaṭṭati.
баал̣ияам̣ одтод̇и мукавадди. бад̇д̇амаал̣аганд̇и убажигаанам̣ анудтаханад̇т̇ааяа бхуумид̇о ужжад̇арам̣ гад̇ам̣ взд̣̇игаагаарамаал̣агам̣. махаамукагун̣д̣асан̣таанаад̇и махаамукажаадисан̣таанаа. лаг̇г̇знд̇асса д̣̇уггаданд̇и гзвалам̣ бад̇д̇ам̣ лаг̇г̇знд̇асса, на т̇авигааяа лаг̇г̇знд̇ассаад̇и вад̣̇анд̇и. виймам̣сид̇аб̣б̣ам̣. ан̃н̃зна бана бхан̣д̣агзнаад̇и ан̃н̃зна бхаараб̣анд̇ханзна бхан̣д̣агзна. ‘‘б̣анд̇хид̇ваа оламб̣зд̇у’’нд̇и вуд̇д̇ад̇д̇аа бад̇д̇ад̇т̇авигааяа ам̣саб̣ад̣̇д̇хаго яат̇аа лаг̇г̇ид̇адтаанад̇о на бариг̇ал̣ад̇и, д̇ат̇аа саб̣б̣ат̇ааби б̣анд̇хид̇ваа табзд̇ум̣ ваддад̇и. б̣анд̇хид̇вааби убари табзд̇ум̣ на ваддад̇ийд̇и убари нисийд̣̇анд̇аа од̇т̇арид̇ваа бхинд̣̇анд̇ийд̇и вуд̇д̇ам̣. д̇ад̇т̇а табзд̇ум̣ ваддад̇ийд̇и нисийд̣̇анасан̇гаабхаавад̇о вуд̇д̇ам̣. б̣анд̇хид̇ваа ваад̇и б̣анд̇хид̇ваа табид̇ачад̇д̇з ваа. яо гожийд̇и бхад̇д̇абууроби д̇ужчабад̇д̇оби.
Pāḷiyaṃ oṭṭhoti mukhavaṭṭi. Pattamāḷakanti upacikānaṃ anuṭṭhahanatthāya bhūmito uccataraṃ kataṃ vedikākāramāḷakaṃ. Mahāmukhakuṇḍasaṇṭhānāti mahāmukhacāṭisaṇṭhānā. Laggentassa dukkaṭanti kevalaṃ pattaṃ laggentassa, na thavikāya laggentassāti vadanti. Vīmaṃsitabbaṃ. Aññena pana bhaṇḍakenāti aññena bhārabandhanena bhaṇḍakena. ‘‘Bandhitvā olambetu’’nti vuttattā pattatthavikāya aṃsabaddhako yathā laggitaṭṭhānato na parigaḷati, tathā sabbathāpi bandhitvā ṭhapetuṃ vaṭṭati. Bandhitvāpi upari ṭhapetuṃ na vaṭṭatīti upari nisīdantā ottharitvā bhindantīti vuttaṃ. Tattha ṭhapetuṃ vaṭṭatīti nisīdanasaṅkābhāvato vuttaṃ. Bandhitvā vāti bandhitvā ṭhapitachatte vā. Yo kocīti bhattapūropi tucchapattopi.
255. барихарид̇унд̇и д̣̇ивасз д̣̇ивасз бин̣д̣ааяа жаран̣ад̇т̇ааяа табзд̇ум̣. бад̇д̇ам̣ алабханд̇зна бана згад̣̇ивасам̣ бин̣д̣ааяа жарид̇ваа бхун̃ж̇ид̇ваа чад̣д̣зд̇ум̣ ваддад̇и. д̇знааха ‘‘д̇аавагаалигам̣ барибхун̃ж̇ид̇ум̣ ваддад̇ий’’д̇и. бан̣н̣абудаад̣̇ийсуби зсзва наяо. абхум̣ мзд̇и абхууд̇и маяхам̣, винаасо маяханд̇и ад̇т̇о. баал̣ияам̣ бисаажо вад̇аманд̇и бисаажо вад̇ааяам̣, аяамзва ваа баато. бисаажиллигаад̇и бисаажад̣̇аарагаа. чавасийсасса бад̇д̇од̇и чавасийсамаяо бад̇д̇о. багад̇ивигаарасамб̣анд̇хз жзд̇ам̣ саамиважанам̣.
255.Pariharitunti divase divase piṇḍāya caraṇatthāya ṭhapetuṃ. Pattaṃ alabhantena pana ekadivasaṃ piṇḍāya caritvā bhuñjitvā chaḍḍetuṃ vaṭṭati. Tenāha ‘‘tāvakālikaṃ paribhuñjituṃ vaṭṭatī’’ti. Paṇṇapuṭādīsupi eseva nayo. Abhuṃ meti abhūti mayhaṃ, vināso mayhanti attho. Pāḷiyaṃ pisāco vatamanti pisāco vatāyaṃ, ayameva vā pāṭho. Pisācillikāti pisācadārakā. Chavasīsassa pattoti chavasīsamayo patto. Pakativikārasambandhe cetaṃ sāmivacanaṃ.
жаб̣б̣зд̇ваад̇и нидтубхид̇ваа. ‘‘бадиг̇г̇ахам̣ гад̇ваа’’д̇и вуд̇д̇ад̇д̇аа ужчидтахад̇т̇зна уд̣̇агам̣ г̇ахзд̇ваа бад̇д̇ам̣ барибпосид̇ваа д̇хованагхам̣санавасзна хад̇т̇ам̣ д̇ховид̇ум̣ ваддад̇и, зд̇д̇агзна бад̇д̇ам̣ бадиг̇г̇ахам̣ гад̇ваа хад̇т̇о д̇ховид̇о наама на ход̇и. згам̣ уд̣̇агаг̇ан̣д̣усам̣ г̇ахзд̇ваад̇и бад̇д̇ам̣ апусид̇ваа д̇ад̇т̇а уд̣̇агамзва ужчидтахад̇т̇зна угкибид̇ваа г̇ан̣д̣усам̣ гад̇ваа, ваамахад̇т̇знзва ваа бад̇д̇ам̣ угкибид̇ваа мукзна г̇ан̣д̣усам̣ г̇ахзд̇умби ваддад̇и. б̣ахи уд̣̇агзна вигкаалзд̇ваад̇и д̣̇вийсу ан̇г̇улийсу аамисамад̇д̇ам̣ вигкаалзд̇ваа б̣ахи г̇ахзд̇умби ваддад̇и. бадикаад̣̇ид̇угаамод̇и зд̇т̇а на саяам̣ каад̣̇ид̇угаамоби ан̃н̃зсам̣ каад̣̇анаарахам̣ табзд̇ум̣ лабхад̇и . д̇ад̇т̇зва гад̇ваад̇и бад̇д̇зязва яат̇аатабид̇адтаанад̇о ануд̣̇д̇харид̇ваа. лун̃жид̇ваад̇и д̇ад̇о мам̣самзва ниравасзсам̣ уббаддзд̇ваа.
Cabbetvāti niṭṭhubhitvā. ‘‘Paṭiggahaṃ katvā’’ti vuttattā ucchiṭṭhahatthena udakaṃ gahetvā pattaṃ paripphositvā dhovanaghaṃsanavasena hatthaṃ dhovituṃ vaṭṭati, ettakena pattaṃ paṭiggahaṃ katvā hattho dhovito nāma na hoti. Ekaṃ udakagaṇḍusaṃ gahetvāti pattaṃ aphusitvā tattha udakameva ucchiṭṭhahatthena ukkhipitvā gaṇḍusaṃ katvā, vāmahattheneva vā pattaṃ ukkhipitvā mukhena gaṇḍusaṃ gahetumpi vaṭṭati. Bahi udakena vikkhāletvāti dvīsu aṅgulīsu āmisamattaṃ vikkhāletvā bahi gahetumpi vaṭṭati. Paṭikhāditukāmoti ettha na sayaṃ khāditukāmopi aññesaṃ khādanārahaṃ ṭhapetuṃ labhati . Tattheva katvāti patteyeva yathāṭhapitaṭṭhānato anuddharitvā. Luñcitvāti tato maṃsameva niravasesaṃ uppaṭṭetvā.
256. гин̣н̣ажун̣н̣знаад̇и сураагин̣н̣ажун̣н̣зна. магкзд̇унд̇и суужим̣ магкзд̇ум̣. ниссзн̣имбийд̇и жад̇уухи д̣̇ан̣д̣зхи жийвараббамаан̣зна ааяад̇ажад̇урассам̣ гад̇ваа б̣ад̣̇д̇хабадаламби. зд̇т̇а хи жийварагодияо самагам̣ б̣анд̇хид̇ваа жийварам̣ яат̇аасукам̣ сиб̣б̣анд̇и. д̇ад̇т̇а ад̇т̇арид̇аб̣б̣анд̇и д̇ассаа ниссзн̣ияаа убари жийварасса убад̇т̇амбханад̇т̇ааяа ад̇т̇арид̇аб̣б̣ам̣. гат̇инасан̇каад̇ааяа ниссзн̣ияаа жийварасса б̣анд̇ханагараж̇ж̇у гат̇инараж̇ж̇ууд̇и маж̇жхимабад̣̇алобийсамаасод̇и ааха ‘‘яааяаа’’д̇иаад̣̇и. д̇ад̇т̇а яасмаа д̣̇виннам̣ бадалаанам̣ згасмим̣ ад̇хигз ж̇аад̇з д̇ад̇т̇а валияо хонд̇и, д̇асмаа д̣̇убаддажийварасса бадалад̣̇ваяамби самагам̣ гад̇ваа б̣анд̇ханагараж̇ж̇у гат̇инараж̇ж̇ууд̇и взд̣̇ид̇аб̣б̣ам̣.
256.Kiṇṇacuṇṇenāti surākiṇṇacuṇṇena. Makkhetunti sūciṃ makkhetuṃ. Nisseṇimpīti catūhi daṇḍehi cīvarappamāṇena āyatacaturassaṃ katvā baddhapaṭalampi. Ettha hi cīvarakoṭiyo samakaṃ bandhitvā cīvaraṃ yathāsukhaṃ sibbanti. Tattha attharitabbanti tassā nisseṇiyā upari cīvarassa upatthambhanatthāya attharitabbaṃ. Kathinasaṅkhātāya nisseṇiyā cīvarassa bandhanakarajju kathinarajjūti majjhimapadalopīsamāsoti āha ‘‘yāyā’’tiādi. Tattha yasmā dvinnaṃ paṭalānaṃ ekasmiṃ adhike jāte tattha valiyo honti, tasmā dupaṭṭacīvarassa paṭaladvayampi samakaṃ katvā bandhanakarajju kathinarajjūti veditabbaṃ.
баал̣ияам̣ гат̇инасса анд̇о ж̇ийрад̇ийд̇и гат̇инз б̣ад̣̇д̇хасса жийварасса барияанд̇о ж̇ийрад̇и. гат̇инаниссид̇ан̃хи жийварам̣ ид̇ха ниссаяавохаарзна ‘‘гат̇ина’’нд̇и вуд̇д̇ам̣ ‘‘ман̃жаа гхосанд̇ий’’д̇иаад̣̇ийсу вияа. ануваад̇ам̣ барибхан̣д̣анд̇и гат̇инз б̣анд̇ханараж̇ж̇уухи жийварасса саманд̇аа барияанд̇асса аж̇ийран̣ад̇т̇ам̣ язхи гзхижи жол̣агзхи д̣̇ийгхад̇о ануваад̇ам̣, д̇ирияад̇о барибхан̣д̣ан̃жа сиб̣б̣ид̇ваа гаад̇ум̣ яад̇т̇а раж̇ж̇угз бавзсзд̇ваа д̣̇ан̣д̣зсу баливзтзд̇ваа жийварасамагам̣ аагад̣дхид̇ум̣ саггаа, д̇аад̣̇исанд̇и ад̇т̇о. гзжи бана ‘‘гат̇инасан̇каад̇зсу гилан̃ж̇аад̣̇ийсу зва аж̇ийран̣ад̇т̇ааяа ануваад̇абарибхан̣д̣агаран̣ам̣ анун̃н̃аад̇а’’нд̇и вад̣̇анд̇и. д̇асса маж̇жхзд̇и бураан̣агат̇инассзва анд̇о. бхигкуно бамаан̣знаад̇и бхигкуно жийварасса бамаан̣зна. ан̃н̃ам̣ ниссзн̣инд̇и д̣̇ийгхад̇о жа д̇ирияад̇о жа ан̃н̃ам̣ д̣̇ан̣д̣ам̣ табзд̇ваа б̣анд̇хид̇ум̣.
Pāḷiyaṃ kathinassa anto jīratīti kathine baddhassa cīvarassa pariyanto jīrati. Kathinanissitañhi cīvaraṃ idha nissayavohārena ‘‘kathina’’nti vuttaṃ ‘‘mañcā ghosantī’’tiādīsu viya. Anuvātaṃ paribhaṇḍanti kathine bandhanarajjūhi cīvarassa samantā pariyantassa ajīraṇatthaṃ yehi kehici coḷakehi dīghato anuvātaṃ, tiriyato paribhaṇḍañca sibbitvā kātuṃ yattha rajjuke pavesetvā daṇḍesu paliveṭhetvā cīvarasamakaṃ ākaḍḍhituṃ sakkā, tādisanti attho. Keci pana ‘‘kathinasaṅkhātesu kilañjādīsu eva ajīraṇatthāya anuvātaparibhaṇḍakaraṇaṃ anuññāta’’nti vadanti. Tassa majjheti purāṇakathinasseva anto. Bhikkhuno pamāṇenāti bhikkhuno cīvarassa pamāṇena. Aññaṃ nisseṇinti dīghato ca tiriyato ca aññaṃ daṇḍaṃ ṭhapetvā bandhituṃ.
б̣ид̣̇алаганд̇и д̣̇иг̇ун̣агаран̣асан̇каад̇агирияаависзсасса ад̇хиважанам̣. д̇знааха ‘‘д̣̇уг̇ун̣агаран̣а’’нд̇и. бавзсанасалааганд̇и валийнам̣ аг̇г̇ахан̣ад̇т̇ааяа бавзсанагавзл̣усалаагаад̣̇и. баал̣ияам̣ бадиг̇г̇аханд̇и ан̇г̇улиган̃жугам̣.
Bidalakanti diguṇakaraṇasaṅkhātakiriyāvisesassa adhivacanaṃ. Tenāha ‘‘duguṇakaraṇa’’nti. Pavesanasalākanti valīnaṃ aggahaṇatthāya pavesanakaveḷusalākādi. Pāḷiyaṃ paṭiggahanti aṅgulikañcukaṃ.
257. баад̇и наама бхан̣д̣адтабанаго бхааж̇анависзсо. баал̣ияам̣ бадиг̇г̇ахат̇авиганд̇и баад̇иаад̣̇ибхааж̇анад̇т̇авигам̣. жинид̇унд̇и ужжавад̇т̇убарияанд̇асса абад̇анад̇т̇ааяа идтагаад̣̇ийхи жинид̇ум̣. ааламб̣анаб̣ааханд̇и ааламб̣анараж̇ж̇уд̣̇ан̣д̣аад̣̇и. барибхиж̇ж̇ад̇ийд̇и гадасаараад̣̇игам̣ гат̇инамаж̇жхз бхан̇г̇ам̣ ход̇и. уссаабзд̇ваад̇и д̣̇ан̣д̣агат̇инам̣ санд̇хааяа вуд̇д̇ам̣.
257.Pāti nāma bhaṇḍaṭṭhapanako bhājanaviseso. Pāḷiyaṃ paṭiggahathavikanti pātiādibhājanatthavikaṃ. Cinitunti uccavatthupariyantassa apatanatthāya iṭṭhakādīhi cinituṃ. Ālambanabāhanti ālambanarajjudaṇḍādi. Paribhijjatīti kaṭasārādikaṃ kathinamajjhe bhaṅgaṃ hoti. Ussāpetvāti daṇḍakathinaṃ sandhāya vuttaṃ.
258-9. уд̣̇агам̣ агаббияанд̇и саббаан̣агам̣. убананд̇хийд̇и взрам̣ б̣анд̇хи. ад̣̇д̇хаанамаг̇г̇о бадибаж̇ж̇ид̇аб̣б̣од̇и зд̇т̇а ад̣̇д̇хаяож̇анам̣ ад̣̇д̇хаанамаг̇г̇о наама, д̇ам̣ бадибаж̇ж̇ид̇угаамасса сан̃жижжа вихааруубажаараад̇иггаманз аабад̇д̇и. асан̃жижжа г̇ад̇асса бана яад̇т̇а сарад̇и, д̇ад̇т̇а тад̇ваа сан̇гхаадиган̣н̣аад̣̇им̣ анад̇хидтахид̇ваа г̇аманз бад̣̇аваарзна аабад̇д̇ийд̇и взд̣̇ид̇аб̣б̣ам̣. на саммад̇ийд̇и на баход̇и.
258-9.Udakaṃakappiyanti sappāṇakaṃ. Upanandhīti veraṃ bandhi. Addhānamaggo paṭipajjitabboti ettha addhayojanaṃ addhānamaggo nāma, taṃ paṭipajjitukāmassa sañcicca vihārūpacārātikkamane āpatti. Asañcicca gatassa pana yattha sarati, tattha ṭhatvā saṅghāṭikaṇṇādiṃ anadhiṭṭhahitvā gamane padavārena āpattīti veditabbaṃ. Na sammatīti na pahoti.
260. абхисаннагааяаад̇и сзмхаад̣̇ид̣̇осасаннижид̇агааяаа. д̇ад̇т̇а маж̇жхзд̇и аг̇г̇ал̣абаасагасса маж̇жхз. убарийд̇и аг̇г̇ал̣абаасагасса убарибхааг̇з. уд̣̇агадтабанадтаананд̇и уд̣̇агадтабанад̇т̇ааяа барижчинд̣̇ид̇ваа гад̇адтаанам̣.
260.Abhisannakāyāti semhādidosasannicitakāyā. Tattha majjheti aggaḷapāsakassa majjhe. Uparīti aggaḷapāsakassa uparibhāge. Udakaṭṭhapanaṭṭhānanti udakaṭṭhapanatthāya paricchinditvā kataṭṭhānaṃ.
261. баал̣ияам̣ уд̣̇абаананд̇и гуубам̣. нийжавад̇т̇угод̇и гуубасса саманд̇аа гууладтаанам̣, бхуумисамам̣ д̇идтад̇ийд̇и ад̇т̇о. уд̣̇агзна од̇т̇арияяад̇ийд̇и саманд̇аа вассод̣̇агам̣ ааг̇анд̇ваа гуубз бад̇ад̇ийд̇и ад̇т̇о.
261. Pāḷiyaṃ udapānanti kūpaṃ. Nīcavatthukoti kūpassa samantā kūlaṭṭhānaṃ, bhūmisamaṃ tiṭṭhatīti attho. Udakena otthariyyatīti samantā vassodakaṃ āgantvā kūpe patatīti attho.
262. ваахзнд̇ийд̇и уссин̃жанд̇и. арахадагхадияанд̇ам̣ наама жаггасан̣таанам̣ анзгаарам̣ арз арз гхадигаани б̣анд̇хид̇ваа згзна, д̣̇вийхи ваа бариб̣бхамияамаанаяанд̇ам̣.
262.Vāhentīti ussiñcanti. Arahaṭaghaṭiyantaṃ nāma cakkasaṇṭhānaṃ anekāraṃ are are ghaṭikāni bandhitvā ekena, dvīhi vā paribbhamiyamānayantaṃ.
263. аавид̣̇д̇хабагкабаасаганд̇и ган̣н̣игаман̣д̣аласса саманд̇аа табид̇абагкабаасагам̣. ман̣д̣алзд̇и ган̣н̣игаман̣д̣алз. багкабаасагз табзд̇ваад̇и саманд̇аа жад̇урассаагаарзна палагаад̣̇ийни табзд̇ваа.
263.Āviddhapakkhapāsakanti kaṇṇikamaṇḍalassa samantā ṭhapitapakkhapāsakaṃ. Maṇḍaleti kaṇṇikamaṇḍale. Pakkhapāsake ṭhapetvāti samantā caturassākārena phalakādīni ṭhapetvā.
264. намад̇агам̣ наама сант̇ад̇асад̣̇исанд̇и гзжи вад̣̇анд̇и. гзжи бана ‘‘ругкад̇ажамаяа’’нд̇и. жаммакан̣д̣абарихаарзнаад̇и анад̇хидтахид̇ваа саяанаасанавид̇хинаад̇и ад̇т̇о. бзл̣ааяаад̇и адтам̣сасол̣асам̣саад̣̇иаагаарзна гад̇ааяа бхааж̇анаагаарааяа бзл̣ааяа. яад̇т̇а ун̣хабааяаасаад̣̇им̣ багкибид̇ваа убари бхож̇анабаад̇им̣ табзнд̇и бхад̇д̇асса ун̣хабхааваавиг̇аманад̇т̇ам̣, д̇аад̣̇исасса бхааж̇анаагаарасса аад̇хаарассзд̇ам̣ ад̇хиважанам̣. д̇знзва баал̣ияам̣ ‘‘аасид̇д̇агуубад̇хаана’’нд̇и вуд̇д̇ам̣. д̇асса жа бааяаасаад̣̇ийхи аасид̇д̇агаад̇хаарод̇и ад̇т̇о. ид̣̇ан̃жа аасид̇д̇агуубад̇хаанам̣ бажжанд̇зсу на ж̇аананд̇и гаад̇ум̣, маж̇жхимад̣̇зсзязва гаронд̇и. гзжи бана ‘‘г̇ихибарибхог̇о аяомаяаад̣̇и саб̣б̣оби аад̇хааро аасид̇д̇агуубад̇хаанамзва ануломзд̇ий’’д̇и вад̣̇анд̇и, згз бана ‘‘габбияалохамаяо аад̇хааро мал̣оригамзва ануломзд̇ий’’д̇и. виймам̣сид̇ваа г̇ахзд̇аб̣б̣ам̣. буб̣б̣з бад̇д̇аг̇уд̇д̇ияаа аад̇хааро анун̃н̃аад̇о. ид̣̇аани бхун̃ж̇ид̇ум̣ мал̣оригаа анун̃н̃аад̇аа. чид̣̇д̣̇анд̇и чид̣̇д̣̇аяуд̇д̇ам̣. вид̣̇д̇ханд̇и анд̇овинивид̣̇д̇хачид̣̇д̣̇ам̣. аавид̣̇д̇ханд̇и саманд̇ад̇о чид̣̇д̣̇ам̣.
264.Namatakaṃ nāma santhatasadisanti keci vadanti. Keci pana ‘‘rukkhatacamaya’’nti. Cammakhaṇḍaparihārenāti anadhiṭṭhahitvā sayanāsanavidhināti attho. Peḷāyāti aṭṭhaṃsasoḷasaṃsādiākārena katāya bhājanākārāya peḷāya. Yattha uṇhapāyāsādiṃ pakkhipitvā upari bhojanapātiṃ ṭhapenti bhattassa uṇhabhāvāvigamanatthaṃ, tādisassa bhājanākārassa ādhārassetaṃ adhivacanaṃ. Teneva pāḷiyaṃ ‘‘āsittakūpadhāna’’nti vuttaṃ. Tassa ca pāyāsādīhi āsittakādhāroti attho. Idañca āsittakūpadhānaṃ paccantesu na jānanti kātuṃ, majjhimadeseyeva karonti. Keci pana ‘‘gihiparibhogo ayomayādi sabbopi ādhāro āsittakūpadhānameva anulometī’’ti vadanti, eke pana ‘‘kappiyalohamayo ādhāro maḷorikameva anulometī’’ti. Vīmaṃsitvā gahetabbaṃ. Pubbe pattaguttiyā ādhāro anuññāto. Idāni bhuñjituṃ maḷorikā anuññātā. Chiddanti chiddayuttaṃ. Viddhanti antovinividdhachiddaṃ. Āviddhanti samantato chiddaṃ.
265. бад̇д̇ам̣ ниггуж̇ж̇ид̇унд̇и зд̇т̇а гаммаваажааяа асамбхог̇агаран̣авасзнзва ниггуж̇ж̇анам̣, на бад̇д̇аанам̣ ад̇хомукадтабанзна. д̇знааха ‘‘асамбхог̇ам̣ сан̇гхзна гарод̇уу’’д̇иаад̣̇и, д̇ам̣ вад̣дхам̣ гаммаваажааяа сан̇гхзна сад̣̇д̇хим̣ асамбхог̇ам̣ сан̇гхо гарод̇ууд̇и ад̇т̇о.
265.Pattaṃ nikkujjitunti ettha kammavācāya asambhogakaraṇavaseneva nikkujjanaṃ, na pattānaṃ adhomukhaṭṭhapanena. Tenāha ‘‘asambhogaṃ saṅghena karotū’’tiādi, taṃ vaḍḍhaṃ kammavācāya saṅghena saddhiṃ asambhogaṃ saṅgho karotūti attho.
бад̇д̇ам̣ ниггуж̇ж̇зяяаад̇и вад̣дхасса бад̇д̇аниггуж̇ж̇анад̣̇ан̣д̣агаммам̣ гарзяяа. асамбхог̇ам̣ сан̇гхзна гаран̣анд̇и сан̇гхзна вад̣дхасса асамбхог̇агаран̣ам̣. яат̇аа асамбхог̇о ход̇и, д̇ат̇аа гаран̣анд̇и ад̇т̇о. ниггуж̇ж̇ид̇о…бз… асамбхог̇ам̣ сан̇гхзнаад̇и зд̇т̇а сан̇гхзна асамбхог̇о ход̇ийд̇и ад̇т̇о д̣̇адтаб̣б̣о. звам̣ бхаг̇авад̇аа асамбхог̇агаран̣асса аан̣ад̇д̇ад̇д̇аа, гаммаваажааяа жа саавид̇ад̇д̇аа, адтагат̇ааяан̃жа ‘‘гожи д̣̇зяяад̇хаммо на г̇ахзд̇аб̣б̣о’’д̇и вуд̇д̇ад̇д̇аа бад̇д̇з ниггуж̇ж̇ид̇з д̇асса санд̇агам̣ н̃ад̇ваа г̇ан̣ханд̇асса д̣̇уггадамзваад̇и г̇ахзд̇аб̣б̣ам̣.
Pattaṃ nikkujjeyyāti vaḍḍhassa pattanikkujjanadaṇḍakammaṃ kareyya. Asambhogaṃ saṅghena karaṇanti saṅghena vaḍḍhassa asambhogakaraṇaṃ. Yathā asambhogo hoti, tathā karaṇanti attho. Nikkujjito…pe… asambhogaṃ saṅghenāti ettha saṅghena asambhogo hotīti attho daṭṭhabbo. Evaṃ bhagavatā asambhogakaraṇassa āṇattattā, kammavācāya ca sāvitattā, aṭṭhakathāyañca ‘‘koci deyyadhammo na gahetabbo’’ti vuttattā patte nikkujjite tassa santakaṃ ñatvā gaṇhantassa dukkaṭamevāti gahetabbaṃ.
ажжаяод̇и н̃ааяаббадибад̇д̇им̣ ад̇иггамид̇ваа бавад̇д̇и, абараад̇ход̇и ад̇т̇о. мам̣ ажжаг̇амаад̇и мам̣ ад̇иггамма бавад̇д̇о. д̇ам̣ д̇з маяам̣ бадиг̇г̇ан̣хаамаад̇и д̇ам̣ д̇з абараад̇хам̣ маяам̣ камаама. бхигкуунам̣ алаабхааяа барисаггад̇ийд̇иаад̣̇ийсу алаабхааяа барисагганаад̣̇ид̇о вирад̇од̇и звамад̇т̇о г̇ахзд̇аб̣б̣о. асамбхог̇ам̣ бхигкусан̇гхзнаад̇и зд̇т̇а ‘‘гад̇о’’д̇и баатасзсо.
Accayoti ñāyappaṭipattiṃ atikkamitvā pavatti, aparādhoti attho. Maṃ accagamāti maṃ atikkamma pavatto. Taṃ te mayaṃ paṭiggaṇhāmāti taṃ te aparādhaṃ mayaṃ khamāma. Bhikkhūnaṃ alābhāya parisakkatītiādīsu alābhāya parisakkanādito viratoti evamattho gahetabbo. Asambhogaṃ bhikkhusaṅghenāti ettha ‘‘kato’’ti pāṭhaseso.
268. яаава бажчимаа собаанагал̣звараад̇и батамасобаанапалагам̣ санд̇хааяа вуд̇д̇ам̣. д̇ан̃хи бажчаа д̣̇уссзна сант̇ад̇ад̇д̇аа зва вуд̇д̇ам̣. ‘‘бажчимам̣ ж̇анад̇ам̣ д̇ат̇ааг̇ад̇о анугамбад̇ий’’д̇и ид̣̇ам̣ т̇зро анааг̇ад̇з бхигкуунам̣ жзлабадигасса аггаманабажжаяаа абаваад̣̇ам̣ сигкаабад̣̇абан̃н̃ад̇д̇ияаа нивааран̣зна бхаг̇авад̇о анугамбам̣ санд̇хааяааха. абаг̇ад̇аг̇аб̣бхаад̇и виж̇аад̇абуд̇д̇аа. д̇знааха ‘‘ман̇г̇алад̇т̇ааяаа’’д̇и.
268.Yāva pacchimā sopānakaḷevarāti paṭhamasopānaphalakaṃ sandhāya vuttaṃ. Tañhi pacchā dussena santhatattā eva vuttaṃ. ‘‘Pacchimaṃ janataṃ tathāgato anukampatī’’ti idaṃ thero anāgate bhikkhūnaṃ celapaṭikassa akkamanapaccayā apavādaṃ sikkhāpadapaññattiyā nivāraṇena bhagavato anukampaṃ sandhāyāha. Apagatagabbhāti vijātaputtā. Tenāha ‘‘maṅgalatthāyā’’ti.
269-270. б̣ийж̇анинд̇и жад̇урассаб̣ийж̇аним̣. згабан̣н̣ажчад̇д̇анд̇и д̇аалабан̣н̣аад̣̇инаа згзна бад̇д̇зна гад̇ачад̇д̇ам̣.
269-270.Bījaninti caturassabījaniṃ. Ekapaṇṇacchattanti tālapaṇṇādinā ekena pattena katachattaṃ.
274-5. анурагкан̣ад̇т̇анд̇и бариг̇г̇ахзд̇ваа г̇обанад̇т̇ам̣. д̣̇ийгхам̣ гаарзнд̇ийд̇и гзсзхи сад̣̇д̇хим̣ ажчинд̣̇ид̇ваа табаабзнд̇и. жад̇угон̣анд̇и яат̇аа убари налааданд̇зсу д̣̇вз, хздтаа ханугабассз д̣̇взд̇и жад̇д̇ааро гон̣аа бан̃н̃ааяанд̇и, звам̣ жад̇урассам̣ гад̇ваа габбаабанам̣. баал̣ияам̣ д̣̇аатигам̣ табаабзнд̇ийд̇и уд̇д̇ародтз массум̣ ажчинд̣̇ид̇ваа табаабзнд̇и. руд̇хийд̇и куд̣̇д̣̇агаван̣ам̣.
274-5.Anurakkhaṇatthanti pariggahetvā gopanatthaṃ. Dīghaṃ kārentīti kesehi saddhiṃ acchinditvā ṭhapāpenti. Catukoṇanti yathā upari nalāṭantesu dve, heṭṭhā hanukapasse dveti cattāro koṇā paññāyanti, evaṃ caturassaṃ katvā kappāpanaṃ. Pāḷiyaṃ dāṭhikaṃ ṭhapāpentīti uttaroṭṭhe massuṃ acchinditvā ṭhapāpenti. Rudhīti khuddakavaṇaṃ.
277. баал̣ияам̣ лохабхан̣д̣агам̣сабхан̣д̣асаннижаяод̇и лохабхан̣д̣асса, гам̣сабхан̣д̣асса жа саннижаяод̇и ад̇т̇о. б̣анд̇ханамад̇д̇анд̇и ваасид̣̇ан̣д̣аад̣̇ийнам̣ годийсу абаад̇анад̇т̇ам̣ лохзхи б̣анд̇ханам̣. д̇анд̇аганд̇и ааяог̇авааяанад̇т̇ам̣ д̇ад̣̇аагаарзна басаарид̇ад̇анд̇ам̣.
277. Pāḷiyaṃ lohabhaṇḍakaṃsabhaṇḍasannicayoti lohabhaṇḍassa, kaṃsabhaṇḍassa ca sannicayoti attho. Bandhanamattanti vāsidaṇḍādīnaṃ koṭīsu apātanatthaṃ lohehi bandhanaṃ. Tantakanti āyogavāyanatthaṃ tadākārena pasāritatantaṃ.
278. ‘‘яад̇т̇а сарад̇и, д̇ад̇т̇а б̣анд̇хид̇аб̣б̣а’’нд̇и зд̇зна асан̃жижжа гааяаб̣анд̇ханам̣ аб̣анд̇хид̇ваа бавидтасса анаабад̇д̇ийд̇и д̣̇ассзд̇и. мураж̇аваддисан̣таанам̣ взтзд̇ваа гад̇анд̇и звам̣ б̣ахураж̇ж̇угз згад̇о гад̇ваа наанааван̣н̣зхи суд̇д̇зхи гад̇анд̇и гзжи вад̣̇анд̇и. згаван̣н̣асуд̇д̇знааби валаяагхадагаад̣̇ивигаарам̣ д̣̇ассзд̇ваа взтид̇амби мураж̇амзва. вигаарам̣ бана ад̣̇ассзд̇ваа мадтам̣ гад̇ваа ниранд̇арам̣ взтид̇ам̣ ваддад̇и. д̇знзва д̣̇уд̇ияабаарааж̇игасам̣ван̣н̣анааяам̣ вуд̇д̇ам̣ ‘‘б̣ахураж̇ж̇угз згад̇о гад̇ваа згзна ниранд̇арам̣ взтзд̇ваа гад̇ам̣ ‘б̣ахураж̇ж̇уга’нд̇и на вад̇д̇аб̣б̣ам̣, ваддад̇ий’’д̇и. муд̣̇д̣̇игагааяаб̣анд̇ханам̣ наама жад̇урассам̣ агад̇ваа саж̇ж̇ид̇ам̣. бааман̇г̇ад̣̇асаа жад̇урассаа. муд̣̇ин̇г̇асан̣таанзнаад̇и варагасийсаагаарзна. баасанд̇од̇и д̣̇асаабарияосаанам̣.
278.‘‘Yattha sarati, tattha bandhitabba’’nti etena asañcicca kāyabandhanaṃ abandhitvā paviṭṭhassa anāpattīti dasseti. Murajavaṭṭisaṇṭhānaṃ veṭhetvā katanti evaṃ bahurajjuke ekato katvā nānāvaṇṇehi suttehi katanti keci vadanti. Ekavaṇṇasuttenāpi valayaghaṭakādivikāraṃ dassetvā veṭhitampi murajameva. Vikāraṃ pana adassetvā maṭṭhaṃ katvā nirantaraṃ veṭhitaṃ vaṭṭati. Teneva dutiyapārājikasaṃvaṇṇanāyaṃ vuttaṃ ‘‘bahurajjuke ekato katvā ekena nirantaraṃ veṭhetvā kataṃ ‘bahurajjuka’nti na vattabbaṃ, vaṭṭatī’’ti. Muddikakāyabandhanaṃ nāma caturassaṃ akatvā sajjitaṃ. Pāmaṅgadasā caturassā. Mudiṅgasaṇṭhānenāti varakasīsākārena. Pāsantoti dasāpariyosānaṃ.
279. баал̣ияам̣ г̇ан̣тигапалагам̣ баасагапалаганд̇и зд̇т̇а д̣̇ааруд̣̇анд̇аад̣̇имаязсу палагзсу г̇ан̣тигабаасагаани аббзд̇ваа жийварз табзд̇ум̣ анун̃н̃аад̇ам̣. годдо виварияад̇ийд̇и ануваад̇о виварияад̇и.
279. Pāḷiyaṃ gaṇṭhikaphalakaṃ pāsakaphalakanti ettha dārudantādimayesu phalakesu gaṇṭhikapāsakāni appetvā cīvare ṭhapetuṃ anuññātaṃ. Koṭṭo vivariyatīti anuvāto vivariyati.
280-1. баал̣игаарагод̇и бхигкуунам̣ яат̇аавуд̣дхам̣ баал̣ияаа бад̇идтаабаго. д̇ассааби д̇ат̇аа баарубид̇ум̣ на ваддад̇и. баал̣ияам̣ мун̣д̣аваддийд̇и маллаад̣̇аяо.
280-1.Pāḷikārakoti bhikkhūnaṃ yathāvuḍḍhaṃ pāḷiyā patiṭṭhāpako. Tassāpi tathā pārupituṃ na vaṭṭati. Pāḷiyaṃ muṇḍavaṭṭīti mallādayo.
282. бамаан̣ан̇г̇улзнаад̇и вад̣дхагийан̇г̇улзна. гзжи бана ‘‘багад̇иан̇г̇улзнаа’’д̇и вад̣̇анд̇и, д̇ам̣ жад̇уран̇г̇улабажчимагаважанзна на самзд̇и. на хи багад̇ан̇г̇улзна жад̇уран̇г̇улаббамаан̣ам̣ д̣̇анд̇агадтам̣ ган̣тз авилаг̇г̇ам̣ каад̣̇ид̇ум̣ сагаад̇и.
282.Pamāṇaṅgulenāti vaḍḍhakīaṅgulena. Keci pana ‘‘pakatiaṅgulenā’’ti vadanti, taṃ caturaṅgulapacchimakavacanena na sameti. Na hi pakataṅgulena caturaṅgulappamāṇaṃ dantakaṭṭhaṃ kaṇṭhe avilaggaṃ khādituṃ sakāti.
285. баал̣ияам̣ сагааяа нируд̇д̇ияаа б̣уд̣̇д̇хаважанам̣ д̣̇уусзнд̇ийд̇и мааг̇ад̇хабхаасааяа саб̣б̣зсам̣ вад̇д̇ум̣ сугарад̇ааяа хийнаж̇ажжааби уг̇г̇ан̣ханд̇аа д̣̇уусзнд̇ийд̇и ад̇т̇о.
285. Pāḷiyaṃ sakāya niruttiyā buddhavacanaṃ dūsentīti māgadhabhāsāya sabbesaṃ vattuṃ sukaratāya hīnajaccāpi uggaṇhantā dūsentīti attho.
289. маа бхигкуу б̣яааб̣аад̇хаяим̣сууд̇и ласун̣аг̇анд̇хзна бхигкуу маа б̣аад̇хаяим̣су.
289.Mā bhikkhū byābādhayiṃsūti lasuṇagandhena bhikkhū mā bādhayiṃsu.
291. авалзканабийтарод̇и авалзканагадтаанам̣ табанабхааж̇анависзсо. абид̇хаананд̇и бид̇хаанапалагаад̣̇и.
291.Avalekhanapīṭharoti avalekhanakaṭṭhānaṃ ṭhapanabhājanaviseso. Apidhānanti pidhānaphalakādi.
куд̣̇д̣̇агавад̇т̇угат̇ааван̣н̣анаа нидтид̇аа.
Khuddakavatthukathāvaṇṇanā niṭṭhitā.
куд̣̇д̣̇агавад̇т̇угканд̇хагаван̣н̣анаанаяо нидтид̇о.
Khuddakavatthukkhandhakavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / куд̣̇д̣̇агавад̇т̇ууни • Khuddakavatthūni
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / куд̣̇д̣̇агавад̇т̇угат̇аа • Khuddakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / куд̣̇д̣̇агавад̇т̇угат̇ааван̣н̣анаа • Khuddakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / куд̣̇д̣̇агавад̇т̇угат̇ааван̣н̣анаа • Khuddakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / куд̣̇д̣̇агавад̇т̇угат̇аа • Khuddakavatthukathā
