| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੫. ਖੁਦ੍ਦਕવਤ੍ਥੁਕ੍ਖਨ੍ਧਕવਣ੍ਣਨਾ
5. Khuddakavatthukkhandhakavaṇṇanā
ਖੁਦ੍ਦਕવਤ੍ਥੁਕਥਾવਣ੍ਣਨਾ
Khuddakavatthukathāvaṇṇanā
੨੪੪. ਪੁਥੁਪਾਣਿਨਾ ਕਤ੍ਤਬ੍ਬਂ ਕਮ੍ਮਂ ਪੁਥੁਪਾਣਿਕਂ।
244. Puthupāṇinā kattabbaṃ kammaṃ puthupāṇikaṃ.
੨੪੫. ‘‘ਕਣ੍ਣਤੋ ਨਿਕ੍ਖਨ੍ਤਮੁਤ੍ਤੋਲਮ੍ਬਕਾਦੀਨਂ ਕੁਣ੍ਡਲਾਦੀਨ’’ਨ੍ਤਿ ਲਿਖਿਤਂ। ‘‘ਕਾਯੂਰ’’ਨ੍ਤਿ ਪਾਲ਼ਿਪਾਠੋ। ‘‘ਕੇਯੂਰਾਦੀਨੀ’’ਤਿ ਆਚਰਿਯੇਨੁਦ੍ਧਟਂ।
245. ‘‘Kaṇṇato nikkhantamuttolambakādīnaṃ kuṇḍalādīna’’nti likhitaṃ. ‘‘Kāyūra’’nti pāḷipāṭho. ‘‘Keyūrādīnī’’ti ācariyenuddhaṭaṃ.
੨੪੮. ‘‘ਸਾਧੁਗੀਤਂ ਨਾਮ ਪਰਿਨਿਬ੍ਬੁਤਟ੍ਠਾਨੇ ਗੀਤ’’ਨ੍ਤਿ ਲਿਖਿਤਂ। ਦਨ੍ਤਗੀਤਂ ਗਾਯਿਤੁਕਾਮਾਨਂ વਾਕ੍ਕਕਰਣੀਯਂ। ਦਨ੍ਤਗੀਤਸ੍ਸ વਿਭਾવਨਤ੍ਥਂ ‘‘ਯਂ ਗਾਯਿਸ੍ਸਾਮਾ’’ਤਿਆਦਿਮਾਹ।
248.‘‘Sādhugītaṃ nāma parinibbutaṭṭhāne gīta’’nti likhitaṃ. Dantagītaṃ gāyitukāmānaṃ vākkakaraṇīyaṃ. Dantagītassa vibhāvanatthaṃ ‘‘yaṃ gāyissāmā’’tiādimāha.
੨੪੯. ਚਤੁਰਸ੍ਸવਤ੍ਤਂ ਨਾਮ ਚਤੁਪ੍ਪਾਦਗਾਥਾવਤ੍ਤਂ। ‘‘ਤਰਙ੍ਗવਤ੍ਤਾਦੀਨਿ ਉਚ੍ਚਾਰਣવਿਧਾਨਾਨਿ ਨਟ੍ਠਪਯੋਗਾਨੀ’’ਤਿ ਲਿਖਿਤਂ। ਬਾਹਿਰਲੋਮਿਨ੍ਤਿ ਭਾવਨਪੁਂਸਕਂ, ਯਥਾ ਤਸ੍ਸ ਉਣ੍ਣਪਾવਾਰਸ੍ਸ ਬਹਿਦ੍ਧਾ ਲੋਮਾਨਿ ਦਿਸ੍ਸਨ੍ਤਿ, ਤਥਾ ਧਾਰੇਨ੍ਤਸ੍ਸ ਦੁਕ੍ਕਟਨ੍ਤਿ વੁਤ੍ਤਂ ਹੋਤਿ।
249.Caturassavattaṃ nāma catuppādagāthāvattaṃ. ‘‘Taraṅgavattādīni uccāraṇavidhānāni naṭṭhapayogānī’’ti likhitaṃ. Bāhiralominti bhāvanapuṃsakaṃ, yathā tassa uṇṇapāvārassa bahiddhā lomāni dissanti, tathā dhārentassa dukkaṭanti vuttaṃ hoti.
੨੫੧. વਿਰੂਪਕ੍ਖੇਹੀਤਿਆਦਿ ਸਹਯੋਗਕਰਣવਚਨਂ। ਸਰਬੂਤਿ ਗੇਹਗੋਲ਼ਿਕਾ। ਸਾ ਕਿਰ ਸੇਤਾ ਸવਿਸਾ ਹੋਤਿ। ਸੋਹਨ੍ਤਿ ਯਸ੍ਸ ਮੇ ਏਤੇਹਿ ਮੇਤ੍ਤਂ, ਸੋਹਂ ਨਮੋ ਕਰੋਮਿ ਭਗવਤੋਤਿ ਸਮ੍ਬਨ੍ਧੋ। ਅਞ੍ਞਮ੍ਹਿ…ਪੇ॰… ਛੇਤਬ੍ਬਮ੍ਹੀਤਿ ਰਾਗਾਨੁਸਯੇ।
251.Virūpakkhehītiādi sahayogakaraṇavacanaṃ. Sarabūti gehagoḷikā. Sā kira setā savisā hoti. Sohanti yassa me etehi mettaṃ, sohaṃ namo karomi bhagavatoti sambandho. Aññamhi…pe… chetabbamhīti rāgānusaye.
੨੫੨. ਉਟ੍ਟਿਤ੍વਾਤਿ ਪਕ੍ਖਿਪਿਤ੍વਾ। ਓਤਰਤੂਤਿ ਇਦ੍ਧਿਯਾ ਓਤਾਰੇਤ੍વਾ ਗਣ੍ਹਾਤੁ। ਅਨੁਪਰਿਯਾਯੀਤਿ ਅਨੁਪਰਿਬ੍ਭਮਿ।
252.Uṭṭitvāti pakkhipitvā. Otaratūti iddhiyā otāretvā gaṇhātu. Anupariyāyīti anuparibbhami.
੨੫੩. ਨ ਅਚ੍ਛੁਪਿਯਨ੍ਤੀਤਿ ਨ ਲਗ੍ਗਨ੍ਤਿ। ਰੂਪਕਾਕਿਣ੍ਣਾਨੀਤਿ ਇਤ੍ਥਿਰੂਪਾਦੀਹਿ વੋਕਿਣ੍ਣਾਨਿ।
253.Na acchupiyantīti na lagganti. Rūpakākiṇṇānīti itthirūpādīhi vokiṇṇāni.
੨੫੪. ਆਲਿਨ੍ਦਕਮਿਡ੍ਢਿਕਾਦੀਨਨ੍ਤਿ ਪਮੁਖਮਿਡ੍ਢਿਕਾਦੀਨਂ। ਪਰਿવਤ੍ਤੇਤ੍વਾ ਤਤ੍ਥੇવਾਤਿ ਏਤ੍ਥ ‘‘ਪਰਿવਤ੍ਤੇਤ੍વਾ ਤਤਿਯવਾਰੇ ਤਤ੍ਥੇવ ਮਿਡ੍ਢਿਯਾ ਪਤਿਟ੍ਠਾਤੀ’’ਤਿ ਲਿਖਿਤਂ। ਪਰਿਭਣ੍ਡਂ ਨਾਮ ਗੇਹਸ੍ਸ ਬਹਿ ਕੁਟ੍ਟਪਾਦਸ੍ਸ ਥਿਰਭਾવਤ੍ਥਂ ਕਤਾ ਤਨੁਕਮਿਡ੍ਢਿਕਾ વੁਚ੍ਚਤਿ। ਏਤ੍ਥ ‘‘ਪਰਿવਟ੍ਟਿਤ੍વਾ ਪਤ੍ਤੋ ਭਿਜ੍ਜਤੀਤਿ ਅਧਿਕਰਣਭੇਦਾਸਙ੍ਕਾਯ ਅਭਾવੇ ਠਾਨੇ ਠਪੇਤੁਂ વਟ੍ਟਤੀ’’ਤਿ ਲਿਖਿਤਂ। ਪਤ੍ਤਮਾਲ਼ਕੋ વਟ੍ਟਿਤ੍વਾ ਪਤ੍ਤਾਨਂ ਅਪਤਨਤ੍ਥਂ વਟ੍ਟਂ વਾ ਚਤੁਰਸ੍ਸਂ વਾ ਇਟ੍ਠਕਾਦੀਹਿ ਪਰਿਕ੍ਖਿਪਿਤ੍વਾ ਮਾਲ਼ਕਚ੍ਛਨ੍ਨੇਨ ਕਤੋ। ‘‘ਪਤ੍ਤਮਣ੍ਡਲਿਕਾ ਪਤ੍ਤਪਚ੍ਛਿਕਾ ਤਾਲਪਤ੍ਤਾਦੀਹਿ ਕਤਾ’’ਤਿ ਚ ਲਿਖਿਤਂ। ਮਿਡ੍ਢਨ੍ਤੇ ਆਧਾਰਕੇ ਠਪੇਤੁਂ વਟ੍ਟਤਿ ਪਤ੍ਤਸਨ੍ਧਾਰਣਤ੍ਥਂ વੁਤ੍ਤਤ੍ਤਾ। ਮਞ੍ਚੇ ਆਧਾਰਕੇਪਿ ਨ વਟ੍ਟਤਿ ਨਿਸੀਦਨਪਚ੍ਚਯਾ વਾਰਿਤਤ੍ਤਾ। ਆਸਨ੍ਨਭੂਮਿਕਤ੍ਤਾ ਓਲਮ੍ਬੇਤੁਂ વਟ੍ਟਤਿ।
254.Ālindakamiḍḍhikādīnanti pamukhamiḍḍhikādīnaṃ. Parivattetvā tatthevāti ettha ‘‘parivattetvā tatiyavāre tattheva miḍḍhiyā patiṭṭhātī’’ti likhitaṃ. Paribhaṇḍaṃ nāma gehassa bahi kuṭṭapādassa thirabhāvatthaṃ katā tanukamiḍḍhikā vuccati. Ettha ‘‘parivaṭṭitvā patto bhijjatīti adhikaraṇabhedāsaṅkāya abhāve ṭhāne ṭhapetuṃ vaṭṭatī’’ti likhitaṃ. Pattamāḷako vaṭṭitvā pattānaṃ apatanatthaṃ vaṭṭaṃ vā caturassaṃ vā iṭṭhakādīhi parikkhipitvā māḷakacchannena kato. ‘‘Pattamaṇḍalikā pattapacchikā tālapattādīhi katā’’ti ca likhitaṃ. Miḍḍhante ādhārake ṭhapetuṃ vaṭṭati pattasandhāraṇatthaṃ vuttattā. Mañce ādhārakepi na vaṭṭati nisīdanapaccayā vāritattā. Āsannabhūmikattā olambetuṃ vaṭṭati.
੨੫੫. ‘‘ਅਂਸਕੂਟੇ ਲਗ੍ਗੇਤ੍વਾਤਿ વਚਨਤੋ ਅਗ੍ਗਹਤ੍ਥੇ ਲਗ੍ਗੇਤ੍વਾ ਅਙ੍ਕੇ ਠਪੇਤੁਂ ਨ વਟ੍ਟਤੀ’’ਤਿ ਕੇਚਿ વਦਨ੍ਤਿ, ਨ ਸੁਨ੍ਦਰਂ, ‘‘ਨ ਕੇવਲਂ ਯਸ੍ਸ ਪਤ੍ਤੋ’’ਤਿਆਦਿ ਯਦਿ ਹਤ੍ਥੇਨ ਗਹਿਤਪਤ੍ਤੇ ਭੇਦਸਞ੍ਞਾ, ਪਗੇવ ਅਞ੍ਞੇਨ ਸਰੀਰਾવਯવੇਨਾਤਿ ਕਤ੍વਾ વੁਤ੍ਤਂ। ਪਾਲ਼ਿਯਂ ਪਨ ਪਚੁਰવੋਹਾਰવਸੇਨ વੁਤ੍ਤਂ। ਘਟਿਕਪਾਲਮਯਂ ਘਟਿਕਟਾਹਂ। ਛવਸੀਸਸ੍ਸ ਪਤ੍ਤਨ੍ਤਿ ‘‘ਸਿਲਾਪੁਤ੍ਤਕਸ੍ਸ ਸਰੀਰਂ, ਖੀਰਸ੍ਸ ਧਾਰਾਤਿਆਦਿવੋਹਾਰવਸੇਨ વੁਤ੍ਤਂ। ਮਞ੍ਚੇ ਨਿਸੀਦਿਤੁਂ ਆਗਤੋਤਿ ਅਤ੍ਥੋ। ‘‘ਪਿਸਾਚਿਲ੍ਲਿਕਾਤਿ ਪਿਸਾਚਦਾਰਕਾ’’ਤਿਪਿ વਦਨ੍ਤਿ। ਦਿਨ੍ਨਕਮੇવ ਪਟਿਗ੍ਗਹਿਤਮੇવ। ਚਬ੍ਬੇਤ੍વਾਤਿ ਖਾਦਿਤ੍વਾ। ਅਟ੍ਠਿਕਾਨਿ ਚ ਕਣ੍ਟਕਾਨਿ ਚ ਅਟ੍ਠਿਕਕਣ੍ਟਕਾਨਿ। ‘‘ਏਤੇਸੁ ਸਬ੍ਬੇਸੁ ਪਣ੍ਣਤ੍ਤਿਂ ਜਾਨਾਤੁ વਾ, ਮਾ વਾ, ਆਪਤ੍ਤਿਯੇવਾ’’ਤਿ ਲਿਖਿਤਂ।
255. ‘‘Aṃsakūṭe laggetvāti vacanato aggahatthe laggetvā aṅke ṭhapetuṃ na vaṭṭatī’’ti keci vadanti, na sundaraṃ, ‘‘na kevalaṃ yassa patto’’tiādi yadi hatthena gahitapatte bhedasaññā, pageva aññena sarīrāvayavenāti katvā vuttaṃ. Pāḷiyaṃ pana pacuravohāravasena vuttaṃ. Ghaṭikapālamayaṃ ghaṭikaṭāhaṃ. Chavasīsassa pattanti ‘‘silāputtakassa sarīraṃ, khīrassa dhārātiādivohāravasena vuttaṃ. Mañce nisīdituṃ āgatoti attho. ‘‘Pisācillikāti pisācadārakā’’tipi vadanti. Dinnakameva paṭiggahitameva. Cabbetvāti khāditvā. Aṭṭhikāni ca kaṇṭakāni ca aṭṭhikakaṇṭakāni. ‘‘Etesu sabbesu paṇṇattiṃ jānātu vā, mā vā, āpattiyevā’’ti likhitaṃ.
੨੫੬. વਿਪ੍ਫਾਲ਼ੇਤ੍વਾਤਿ ਫਾਲ਼ੇਤ੍વਾ। ਕਿਣ੍ਣੇਨ ਪੂਰੇਤੁਨ੍ਤਿ ਸੁਰਾਕਿਣ੍ਣੇਨ ਪੂਰੇਤੁਂ। ਬਿਦਲਕਂ ਨਾਮ ਦਿਗੁਣਕਰਣਸਙ੍ਖਾਤਸ੍ਸ ਕਿਰਿਯਾવਿਸੇਸਸ੍ਸ ਅਧਿવਚਨਂ। ਕਸ੍ਸ ਦਿਗੁਣਕਰਣਂ? ਯੇਨ ਕਿਲਞ੍ਜਾਦਿਨਾ ਮਹਨ੍ਤਂ ਕਥਿਨਮਤ੍ਥਤਂ, ਤਸ੍ਸ। ਤਞ੍ਹਿ ਦਣ੍ਡਕਥਿਨਪ੍ਪਮਾਣੇਨ ਪਰਿਯਨ੍ਤੇ ਸਂਹਰਿਤ੍વਾ ਦਿਗੁਣਂ ਕਾਤਬ੍ਬਂ। ਅਞ੍ਞਥਾ ਖੁਦ੍ਦਕਚੀવਰਸ੍ਸ ਅਨੁવਾਤਪਰਿਭਣ੍ਡਾਦਿવਿਧਾਨਕਰਣੇ ਹਤ੍ਥਸ੍ਸ ਓਕਾਸੋ ਨ ਹੋਤਿ। ਸਲਾਕਾਯ ਸਤਿ ਦ੍વਿਨ੍ਨਂ ਚੀવਰਾਨਂ ਅਞ੍ਞਤਰਂ ਞਤ੍વਾ ਸਿਬ੍ਬਿਤਾਸਿਬ੍ਬਿਤਂ ਸੁਖਂ ਪਞ੍ਞਾਯਤਿ। ਦਣ੍ਡਕਥਿਨੇ ਕਤੇ ਨ ਬਹੂਹਿ ਸਹਾਯੇਹਿ ਪਯੋਜਨਂ। ‘‘ਅਸਂਕੁਟਿਤ੍વਾ ਚੀવਰਂ ਸਮਂ ਹੋਤਿ। ਕੋਣਾਪਿ ਸਮਾ ਹੋਨ੍ਤੀ’’ਤਿ ਲਿਖਿਤਂ, ‘‘ਹਲਿਦ੍ਦਿਸੁਤ੍ਤੇਨ ਸਞ੍ਞਾਕਰਣ’’ਨ੍ਤਿ વੁਤ੍ਤਤ੍ਤਾ ਹਲਿਦ੍ਦਿਸੁਤ੍ਤੇਨ ਚੀવਰਂ ਸਿਬ੍ਬੇਤੁਮ੍ਪਿ વਟ੍ਟਤੀਤਿ ਸਿਦ੍ਧਂ। ਤਤ੍ਥ ਹਿ ਕੇਚਿ ਅਕਪ੍ਪਿਯਸਞ੍ਞਿਨੋ। ਪਟਿਗ੍ਗਹੋ ਨਾਮ ਅਙ੍ਗੁਲਿਕੋਸੋ।
256.Vipphāḷetvāti phāḷetvā. Kiṇṇena pūretunti surākiṇṇena pūretuṃ. Bidalakaṃ nāma diguṇakaraṇasaṅkhātassa kiriyāvisesassa adhivacanaṃ. Kassa diguṇakaraṇaṃ? Yena kilañjādinā mahantaṃ kathinamatthataṃ, tassa. Tañhi daṇḍakathinappamāṇena pariyante saṃharitvā diguṇaṃ kātabbaṃ. Aññathā khuddakacīvarassa anuvātaparibhaṇḍādividhānakaraṇe hatthassa okāso na hoti. Salākāya sati dvinnaṃ cīvarānaṃ aññataraṃ ñatvā sibbitāsibbitaṃ sukhaṃ paññāyati. Daṇḍakathine kate na bahūhi sahāyehi payojanaṃ. ‘‘Asaṃkuṭitvā cīvaraṃ samaṃ hoti. Koṇāpi samā hontī’’ti likhitaṃ, ‘‘haliddisuttena saññākaraṇa’’nti vuttattā haliddisuttena cīvaraṃ sibbetumpi vaṭṭatīti siddhaṃ. Tattha hi keci akappiyasaññino. Paṭiggaho nāma aṅgulikoso.
੨੫੭-੮. ਪਾਤੀਤਿ ਪਟਿਗ੍ਗਹਸਣ੍ਠਾਨਂ। ਪਟਿਗ੍ਗਹਤ੍ਥવਿਕਨ੍ਤਿ ਅਙ੍ਗੁਲਿਕੋਸਤ੍ਥવਿਕਂ। ਸੂਚਿਸਤ੍ਥਕਾਨਂ ਪੁਬ੍ਬੇ ਆવੇਸਨਤ੍ਥવਿਕਾਯ ਅਨੁਞ੍ਞਾਤਤ੍ਤਾ ‘‘ਅਨੁਜਾਨਾਮਿ, ਭਿਕ੍ਖવੇ, ਭੇਸਜ੍ਜਤ੍ਥવਿਕ’’ਨ੍ਤਿ વੁਤ੍ਤਂ। ਏਤ੍ਥ ਸੂਚਿਸਤ੍ਥਕਾਦੀਨਿਪਿ ਠਪੇਤਬ੍ਬਾਨੀਤਿ ਨਿਦਾਨਂ ਸੂਚੇਤਿ। ਸਚੇਪਿ ਉਪਨਨ੍ਦੋ ਭਿਕ੍ਖੁ ਅਲਜ੍ਜੀ, ਤਥਾਪਿ ਸਨ੍ਤਕਮੇਤਂ ਅਮੂਲਚ੍ਛੇਦਕਤਭਿਕ੍ਖੁਨੋ ਲਜ੍ਜਿਨੋਪਿ ਸਮਾਨਸ੍ਸ ਕਪ੍ਪਤੀਤਿ ਯੁਜ੍ਜਤਿ। ਨ ਸਮ੍ਮਤੀਤਿ ਨ ਪਹੋਤਿ।
257-8.Pātīti paṭiggahasaṇṭhānaṃ. Paṭiggahatthavikanti aṅgulikosatthavikaṃ. Sūcisatthakānaṃ pubbe āvesanatthavikāya anuññātattā ‘‘anujānāmi, bhikkhave, bhesajjatthavika’’nti vuttaṃ. Ettha sūcisatthakādīnipi ṭhapetabbānīti nidānaṃ sūceti. Sacepi upanando bhikkhu alajjī, tathāpi santakametaṃ amūlacchedakatabhikkhuno lajjinopi samānassa kappatīti yujjati. Na sammatīti na pahoti.
੨੬੦-੧. ਬਹਿ ਕੁਟ੍ਟਸ੍ਸ ਸਮਨ੍ਤਤੋ ਨੀਚવਤ੍ਥੁਕਂ ਕਤ੍વਾ ਠਿਤਂ ‘‘ਮਣ੍ਡਲਿਕ’’ਨ੍ਤਿ વੁਚ੍ਚਤਿ। ਜਨ੍ਤਾਘਰਪ੍ਪਟਿਚ੍ਛਾਦਿਨਾ ਛਨ੍ਨਸ੍ਸ ਨਗ੍ਗਿਯਂ ਯਸ੍ਸ ਨ ਪਞ੍ਞਾਯਤਿ, ਤਸ੍ਸੇવ ਪਰਿਕਮ੍ਮਂ ਕਾਤਬ੍ਬਂ। ਏਸ ਨਯੋ ਉਦਕવਤ੍ਥਪਟਿਚ੍ਛਾਦੀਸੁਪਿ।
260-1. Bahi kuṭṭassa samantato nīcavatthukaṃ katvā ṭhitaṃ ‘‘maṇḍalika’’nti vuccati. Jantāgharappaṭicchādinā channassa naggiyaṃ yassa na paññāyati, tasseva parikammaṃ kātabbaṃ. Esa nayo udakavatthapaṭicchādīsupi.
੨੬੨-੩. ਪਣਿਯਾ ਨਾਮ ਪਣਿਯਕਾਰਕਾ। ਆਕਡ੍ਢਨਯਨ੍ਤਂ ਆਕਡ੍ਢਿਯਮਾਨਂ ਕੂਪਸ੍ਸ ਉਪਰਿਭਾਗੇ ਪਰਿਬ੍ਭਮਤਿ। ਅਰਹਟਘਟਿਯਨ੍ਤਂ ਸਕਟਚਕ੍ਕਸਣ੍ਠਾਨਯਨ੍ਤਂ। ਤਸ੍ਸ ਅਰੇ ਅਰੇ ਘਟਿਕਾਨਿ ਬਨ੍ਧਿਤ੍વਾ ਏਕੇਨ, ਦ੍વੀਹਿ વਾ ਪਰਿਬ੍ਭਮਿਯਮਾਨਸ੍ਸ ਉਦਕਨਿਬ੍ਬਾਹਨਂ વੇਦਿਤਬ੍ਬਂ। ਆવਿਦ੍ਧਪਕ੍ਖਪਾਸਂ ਨਾਮ ਯਤ੍ਥ ਮਣ੍ਡਲਾਕਾਰੇਨ ਪਕ੍ਖਪਾਸਾ ਬਜ੍ਝਨ੍ਤਿ ਆવਿਦ੍ਧવਤ੍ਥਤਾ વਿਯ ਆવਿਦ੍ਧਪਕ੍ਖਪਾਸਕਾ। ਪੁਬ੍ਬੇ ਪਤ੍ਤਸਙ੍ਗੋਪਨਤ੍ਥਂ, ਇਦਾਨਿ ਠਪੇਤਬ੍ਬਂ ਭੁਞ੍ਜਿਤੁਂ ਆਧਾਰਕੋ ਅਨੁਞ੍ਞਾਤੋ।
262-3.Paṇiyā nāma paṇiyakārakā. Ākaḍḍhanayantaṃ ākaḍḍhiyamānaṃ kūpassa uparibhāge paribbhamati. Arahaṭaghaṭiyantaṃ sakaṭacakkasaṇṭhānayantaṃ. Tassa are are ghaṭikāni bandhitvā ekena, dvīhi vā paribbhamiyamānassa udakanibbāhanaṃ veditabbaṃ. Āviddhapakkhapāsaṃ nāma yattha maṇḍalākārena pakkhapāsā bajjhanti āviddhavatthatā viya āviddhapakkhapāsakā. Pubbe pattasaṅgopanatthaṃ, idāni ṭhapetabbaṃ bhuñjituṃ ādhārako anuññāto.
੨੭੩. ਪਰਗਲਂ ਗਚ੍ਛਤੀਤਿ ਇਮਸ੍ਸ ਪਯੋਗਾਭਾવਾ વਟ੍ਟਤਿ। ਕਮ੍ਮਸਤੇਨਾਤਿ ਮਹਤਾ ਉਸ੍ਸਾਹੇਨ।
273.Paragalaṃgacchatīti imassa payogābhāvā vaṭṭati. Kammasatenāti mahatā ussāhena.
੨੭੭-੮. ਲੋਹਭਣ੍ਡਂ ਨਾਮ ਕਂਸਤੋ ਸੇਸਲੋਹਭਣ੍ਡਂ। ਮੁਦ੍ਦਿਕਕਾਯਬਨ੍ਧਨਂ ਨਾਮ ਚਤੁਰਸ੍ਸਂ ਅਕਤ੍વਾ ਸਜ੍ਜਿਤਂ। ਪਾਮਙ੍ਗਦਸਾ ਚਤੁਰਸ੍ਸਾ। ਮੁਦਿਙ੍ਗਸਣ੍ਠਾਨੇਨਾਤਿ ਸਙ੍ਘਾਟਿਯਾ ਮੁਦਿਙ੍ਗਸਿਬ੍ਬਨਾਕਾਰੇਨ વਰਕਸੀਸਾਕਾਰੇਨ। ਪવਨਨ੍ਤੋਤਿ ਪਾਸਨ੍ਤੋ। ‘‘ਦਸਾਮੂਲ’’ਨ੍ਤਿ ਚ ਲਿਖਿਤਂ। ਅਕਾਯਬਨ੍ਧਨੇਨ ਸਞ੍ਚਿਚ੍ਚ વਾ ਅਸਞ੍ਚਿਚ੍ਚ વਾ ਗਾਮਪ੍ਪવੇਸਨੇ ਆਪਤ੍ਤਿ। ‘‘ਸਰਿਤਟ੍ਠਾਨਤੋ ਬਨ੍ਧਿਤ੍વਾ ਪવਿਸਿਤਬ੍ਬਂ, ਨਿવਤ੍ਤਿਤਬ੍ਬਂ વਾ’’ਤਿ ਲਿਖਿਤਂ।
277-8.Lohabhaṇḍaṃ nāma kaṃsato sesalohabhaṇḍaṃ. Muddikakāyabandhanaṃ nāma caturassaṃ akatvā sajjitaṃ. Pāmaṅgadasā caturassā. Mudiṅgasaṇṭhānenāti saṅghāṭiyā mudiṅgasibbanākārena varakasīsākārena. Pavanantoti pāsanto. ‘‘Dasāmūla’’nti ca likhitaṃ. Akāyabandhanena sañcicca vā asañcicca vā gāmappavesane āpatti. ‘‘Saritaṭṭhānato bandhitvā pavisitabbaṃ, nivattitabbaṃ vā’’ti likhitaṃ.
੨੭੯. ਸਤ੍ਤਙ੍ਗੁਲਂ વਾ ਅਟ੍ਠਙ੍ਗੁਲਂ વਾਤਿ ਏਤ੍ਥ ‘‘ਸੁਗਤਙ੍ਗੁਲੇਨਾ’’ਤਿ ਅવੁਤ੍ਤਤ੍ਤਾ ਪਕਤਿਅਙ੍ਗੁਲੇਨ ਸਾਰੁਪ੍ਪਤ੍ਥਾਯ વਡ੍ਢੇਤ੍વਾਪਿ ਕਰੋਨ੍ਤਿ ਚੇ, ਨ ਦੋਸੋ।
279. Sattaṅgulaṃ vā aṭṭhaṅgulaṃ vāti ettha ‘‘sugataṅgulenā’’ti avuttattā pakatiaṅgulena sāruppatthāya vaḍḍhetvāpi karonti ce, na doso.
੨੮੦. ਤਾਲવਣ੍ਟਾਕਾਰੇਨ ਸੀਹਲ਼ਿਤ੍ਥੀਨਂ વਿਯ।
280. Tālavaṇṭākārena sīhaḷitthīnaṃ viya.
ਖੁਦ੍ਦਕવਤ੍ਥੁਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Khuddakavatthukkhandhakavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਖੁਦ੍ਦਕવਤ੍ਥੂਨਿ • Khuddakavatthūni
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਖੁਦ੍ਦਕવਤ੍ਥੁਕਥਾ • Khuddakavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਖੁਦ੍ਦਕવਤ੍ਥੁਕਥਾવਣ੍ਣਨਾ • Khuddakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਖੁਦ੍ਦਕવਤ੍ਥੁਕਥਾવਣ੍ਣਨਾ • Khuddakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਖੁਦ੍ਦਕવਤ੍ਥੁਕਥਾ • Khuddakavatthukathā
