| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
куд̣̇д̣̇агавад̇т̇угканд̇хагагат̇ааван̣н̣анаа
Khuddakavatthukkhandhakakathāvaṇṇanā
2783. гуддзд̇и идтагаасилаад̣̇ааругуддаанам̣ ан̃н̃ад̇арасмим̣. аддаанзд̇и зд̇т̇а аддаанам̣ наама ругкз палагам̣ вияа д̇ажчзд̇ваа адтабад̣̇аагаарзна рааж̇ияо чинд̣̇ид̇ваа нахаанад̇ид̇т̇з никан̣анд̇и, д̇ад̇т̇а жун̣н̣аани аагирид̇ваа мануссаа гааяам̣ гхам̣санд̇и.
2783.Kuṭṭeti iṭṭhakāsilādārukuṭṭānaṃ aññatarasmiṃ. Aṭṭāneti ettha aṭṭānaṃ nāma rukkhe phalakaṃ viya tacchetvā aṭṭhapadākārena rājiyo chinditvā nahānatitthe nikhaṇanti, tattha cuṇṇāni ākiritvā manussā kāyaṃ ghaṃsanti.
2784. г̇анд̇хаб̣б̣ахад̇т̇знаад̇и нахаанад̇ид̇т̇з табид̇зна д̣̇аарумаяахад̇т̇зна. д̇зна гира жун̣н̣аани г̇ахзд̇ваа мануссаа сарийрам̣ гхам̣санд̇и. гурувинд̣̇агасуд̇д̇ияаад̇и гурувинд̣̇агабаасаан̣ажун̣н̣аани лаакааяа б̣анд̇хид̇ваа гад̇аг̇ул̣игагалаабаго вужжад̇и, д̇ам̣ убхосу анд̇зсу г̇ахзд̇ваа сарийрам̣ гхам̣санд̇и. маллагзнаад̇и магарад̣̇анд̇агам̣ чинд̣̇ид̇ваа маллагамууласан̣таанзна гад̇зна маллагзна, ид̣̇ам̣ г̇илаанассааби на ваддад̇и. ан̃н̃аман̃н̃ан̃жа гааяад̇од̇и ан̃н̃аман̃н̃ам̣ сарийрзна гхам̣сзяяа.
2784.Gandhabbahatthenāti nahānatitthe ṭhapitena dārumayahatthena. Tena kira cuṇṇāni gahetvā manussā sarīraṃ ghaṃsanti. Kuruvindakasuttiyāti kuruvindakapāsāṇacuṇṇāni lākhāya bandhitvā kataguḷikakalāpako vuccati, taṃ ubhosu antesu gahetvā sarīraṃ ghaṃsanti. Mallakenāti makaradantakaṃ chinditvā mallakamūlasaṇṭhānena katena mallakena, idaṃ gilānassāpi na vaṭṭati. Aññamaññañca kāyatoti aññamaññaṃ sarīrena ghaṃseyya.
2785. агад̇ам̣ маллагам̣ наама магарад̣̇анд̇з ажчинд̣̇ид̇ваа гад̇ам̣, ид̣̇ам̣ аг̇илаанасса на ваддад̇и.
2785.Akataṃ mallakaṃ nāma makaradante acchinditvā kataṃ, idaṃ agilānassa na vaṭṭati.
2786. габаалидтагакан̣д̣аанийд̇и габаалакан̣д̣аидтагакан̣д̣аани. саб̣б̣ассаад̇и г̇илаанааг̇илаанасса сарийрз гхам̣сид̇ваа уб̣б̣аддзд̇ум̣ ваддад̇и. ‘‘бут̇убаан̣ига’’нд̇и хад̇т̇абаригаммам̣ вужжад̇и, д̇асмаа саб̣б̣асса хад̇т̇зна бидтибаригаммам̣ гаад̇ум̣ ваддад̇и. ‘‘вад̇т̇аваддий’’д̇и ид̣̇ам̣ баал̣ияам̣ вуд̇д̇ауггаасигасса барияааяам̣, д̇асмаа нахааяанд̇асса яасса гассажи нахаанасаадагаваддияааби гхам̣сид̇ум̣ ваддад̇и.
2786.Kapāliṭṭhakakhaṇḍānīti kapālakhaṇḍaiṭṭhakakhaṇḍāni. Sabbassāti gilānāgilānassa sarīre ghaṃsitvā ubbaṭṭetuṃ vaṭṭati. ‘‘Puthupāṇika’’nti hatthaparikammaṃ vuccati, tasmā sabbassa hatthena piṭṭhiparikammaṃ kātuṃ vaṭṭati. ‘‘Vatthavaṭṭī’’ti idaṃ pāḷiyaṃ vuttaukkāsikassa pariyāyaṃ, tasmā nahāyantassa yassa kassaci nahānasāṭakavaṭṭiyāpi ghaṃsituṃ vaṭṭati.
2787. пзн̣агам̣ наама самуд̣̇д̣̇апзн̣ам̣. гат̇аланд̇и габаалакан̣д̣ам̣. баад̣̇агхам̣санз вуд̇д̇аа анун̃н̃аад̇аа. гад̇агам̣ наама бад̣̇умаган̣н̣игаагаарам̣ баад̣̇агхам̣санад̇т̇ам̣ ган̣дагз удтаабзд̇ваа гад̇ам̣, зд̇ам̣ нзва бадиг̇г̇ахзд̇ум̣, на барибхун̃ж̇ид̇ум̣ ваддад̇и.
2787.Pheṇakaṃ nāma samuddapheṇaṃ. Kathalanti kapālakhaṇḍaṃ. Pādaghaṃsane vuttā anuññātā. Katakaṃ nāma padumakaṇṇikākāraṃ pādaghaṃsanatthaṃ kaṇṭake uṭṭhāpetvā kataṃ, etaṃ neva paṭiggahetuṃ, na paribhuñjituṃ vaṭṭati.
2788. яам̣ гин̃жиби алан̇гааранд̇и хад̇т̇уубаг̇аад̣̇иалан̇гаарзсу яам̣ гин̃жи алан̇гаарам̣.
2788.Yaṃ kiñcipi alaṅkāranti hatthūpagādialaṅkāresu yaṃ kiñci alaṅkāraṃ.
2789. осан̣тзяяаад̇и алан̇гаарад̇т̇ам̣ сан̇каронд̇о намзяяа. хад̇т̇апан̣агзнаад̇и хад̇т̇знзва пан̣агижжам̣ гаронд̇аа ан̇г̇улийхи осан̣тзнд̇и. пан̣агзнаад̇и д̣̇анд̇амаяаад̣̇ийсу язна гзнажи. гожчзнаад̇и усирамаязна ваа мун̃ж̇абаб̣б̣аж̇амаязна ваа гожчзна.
2789.Osaṇṭheyyāti alaṅkāratthaṃ saṅkharonto nameyya. Hatthaphaṇakenāti hattheneva phaṇakiccaṃ karontā aṅgulīhi osaṇṭhenti. Phaṇakenāti dantamayādīsu yena kenaci. Kocchenāti usiramayena vā muñjapabbajamayena vā kocchena.
2790. сид̇т̇ад̇злод̣̇ад̇злзхийд̇и сид̇т̇ад̇злан̃жа уд̣̇агад̇злан̃жаад̇и виг̇г̇ахо, д̇зхи. д̇ад̇т̇а сид̇т̇ад̇злам̣ наама мад̇хусид̇т̇аганияяаасаад̣̇и яам̣ гин̃жи жигган̣ам̣. жигган̣ам̣ наама нияяаасам̣. уд̣̇агад̇злам̣ наама уд̣̇агамиссагам̣ д̇злам̣. гад̇т̇ажи бод̇т̇агзсу ‘‘сидтаа’’д̇и баато, соязвад̇т̇о. ануломанибаад̇ад̇т̇анд̇и налаадаабхимукам̣ ануломзна баад̇анад̇т̇ам̣. уд̣̇д̇халомзнаад̇и уд̣̇д̇хаг̇г̇ам̣ худ̇ваа тид̇аломзна.
2790.Sitthatelodatelehīti sitthatelañca udakatelañcāti viggaho, tehi. Tattha sitthatelaṃ nāma madhusitthakaniyyāsādi yaṃ kiñci cikkaṇaṃ. Cikkaṇaṃ nāma niyyāsaṃ. Udakatelaṃ nāma udakamissakaṃ telaṃ. Katthaci potthakesu ‘‘siṭṭhā’’ti pāṭho, soyevattho. Anulomanipātatthanti nalāṭābhimukhaṃ anulomena pātanatthaṃ. Uddhalomenāti uddhaggaṃ hutvā ṭhitalomena.
2791. хад̇т̇ам̣ д̇злзна д̇змзд̇ваад̇и гарад̇алам̣ д̇злзна магкзд̇ваа. сирорухаа гзсаа. ун̣хаабхид̇ад̇д̇ассаад̇и ун̣хаабхид̇ад̇д̇араж̇асирасса. аллахад̇т̇зна сирорухз бун̃чид̇ум̣ ваддад̇ийд̇и яож̇анаа.
2791.Hatthaṃ telena temetvāti karatalaṃ telena makkhetvā. Siroruhā kesā. Uṇhābhitattassāti uṇhābhitattarajasirassa. Allahatthena siroruhe puñchituṃ vaṭṭatīti yojanā.
2792. аад̣̇аасз уд̣̇абад̇д̇з ваад̇и зд̇т̇а гам̣сабад̇д̇аад̣̇ийниби, язсу муканимид̇д̇ам̣ бан̃н̃ааяад̇и, саб̣б̣аани аад̣̇аасасан̇камзва г̇ажчанд̇и, ган̃ж̇ияаад̣̇ийниби жа уд̣̇абад̇д̇асан̇камзва, д̇асмаа яад̇т̇а гад̇т̇ажи ологзнд̇асса д̣̇уггадам̣.
2792.Ādāseudapatte vāti ettha kaṃsapattādīnipi, yesu mukhanimittaṃ paññāyati, sabbāni ādāsasaṅkhameva gacchanti, kañjiyādīnipi ca udapattasaṅkhameva, tasmā yattha katthaci olokentassa dukkaṭaṃ.
2793. язна хзд̇унаа мукам̣ ологзнд̇асса анаабад̇д̇и, д̇ам̣ д̣̇ассзд̇умааха ‘‘сан̃чави’’нд̇иаад̣̇и. ааб̣аад̇хабажжаяаа ‘‘мз мукз ван̣о сан̃чави ну ко, уд̣̇ааху на сан̃чавий’’д̇и мукам̣ д̣̇адтун̃жа ‘‘ахам̣ ж̇ин̣н̣о ну ко, уд̣̇ааху но’’д̇и ад̇д̇ано ааяусан̇каараж̇аананад̇т̇ан̃жа мукам̣ д̣̇адтум̣ ваддад̇ийд̇и яож̇анаа.
2793. Yena hetunā mukhaṃ olokentassa anāpatti, taṃ dassetumāha ‘‘sañchavi’’ntiādi. Ābādhapaccayā ‘‘me mukhe vaṇo sañchavi nu kho, udāhu na sañchavī’’ti mukhaṃ daṭṭhuñca ‘‘ahaṃ jiṇṇo nu kho, udāhu no’’ti attano āyusaṅkhārajānanatthañca mukhaṃ daṭṭhuṃ vaṭṭatīti yojanā.
2794. нажжам̣ ваад̇и яам̣ гин̃жи нажжам̣ анд̇амасо моранажжамби. г̇ийд̇анд̇и яам̣ гин̃жи надаг̇ийд̇ам̣ ваа саад̇хуг̇ийд̇ам̣ ваа анд̇амасо д̣̇анд̇аг̇ийд̇амби, яам̣ ‘‘г̇ааяиссаамаа’’д̇и буб̣б̣абхааг̇з огууж̇анд̇аа гаронд̇и, зд̇амби на ваддад̇и. ваад̣̇ид̇анд̇и яам̣ гин̃жи ваад̣̇ид̇ам̣. д̣̇адтум̣ ваа бана сод̇ум̣ ваад̇и нажжам̣ д̣̇адтум̣ ваа г̇ийд̇ам̣ ваад̣̇ид̇ам̣ сод̇ум̣ ваа.
2794.Naccaṃ vāti yaṃ kiñci naccaṃ antamaso moranaccampi. Gītanti yaṃ kiñci naṭagītaṃ vā sādhugītaṃ vā antamaso dantagītampi, yaṃ ‘‘gāyissāmā’’ti pubbabhāge okūjantā karonti, etampi na vaṭṭati. Vāditanti yaṃ kiñci vāditaṃ. Daṭṭhuṃ vā pana sotuṃ vāti naccaṃ daṭṭhuṃ vā gītaṃ vāditaṃ sotuṃ vā.
2795. саяам̣ нажжанд̇асса ваа нажжаабзнд̇асса ваа г̇ааяанд̇асса ваа г̇ааяаабзнд̇асса ваа ваад̣̇знд̇асса ваа ваад̣̇аабзнд̇асса ваа д̣̇уггадамзва адтагат̇ааяа (жуул̣ава. адта. 248) вуд̇д̇анд̇и д̇ад̣̇згад̣̇зсам̣ д̣̇ассзд̇умааха ‘‘д̣̇адтуманд̇амасо’’д̇иаад̣̇и.
2795. Sayaṃ naccantassa vā naccāpentassa vā gāyantassa vā gāyāpentassa vā vādentassa vā vādāpentassa vā dukkaṭameva aṭṭhakathāya (cūḷava. aṭṭha. 248) vuttanti tadekadesaṃ dassetumāha ‘‘daṭṭhumantamaso’’tiādi.
2796. сун̣аад̇ийд̇и г̇ийд̇ам̣ ваа ваад̣̇ид̇ам̣ ваа. бассад̇ийд̇и нажжам̣ бассад̇и.
2796.Suṇātīti gītaṃ vā vāditaṃ vā. Passatīti naccaṃ passati.
2797. бассиссаамийд̇и зд̇т̇а ‘‘сун̣иссаамий’’д̇и сзсо. ‘‘нажжам̣ бассиссаами, г̇ийд̇ам̣, ваад̣̇ид̇ам̣ ваа сун̣иссаамий’’д̇и вихаарад̇о вихаарам̣ г̇ажчад̇о вааби д̣̇уггадам̣ ход̇ийд̇и яож̇анаа.
2797.Passissāmīti ettha ‘‘suṇissāmī’’ti seso. ‘‘Naccaṃ passissāmi, gītaṃ, vāditaṃ vā suṇissāmī’’ti vihārato vihāraṃ gacchato vāpi dukkaṭaṃ hotīti yojanā.
2798. удтахид̇ваана г̇ажчад̇од̇и ‘‘нажжам̣ бассиссаамий’’д̇и, ‘‘г̇ийд̇ам̣, ваад̣̇ид̇ам̣ ваа сун̣иссаамий’’д̇и нисиннадтаанад̇о удтахид̇ваа анд̇овихаарзби д̇ам̣ д̇ам̣ д̣̇исам̣ г̇ажчад̇о аабад̇д̇и ход̇ийд̇и яож̇анаа. вийт̇ияам̣ тад̇ваа г̇ийвам̣ басаарзд̇ваа бассад̇оби жа аабад̇д̇ийд̇и яож̇анаа.
2798.Uṭṭhahitvāna gacchatoti ‘‘naccaṃ passissāmī’’ti, ‘‘gītaṃ, vāditaṃ vā suṇissāmī’’ti nisinnaṭṭhānato uṭṭhahitvā antovihārepi taṃ taṃ disaṃ gacchato āpatti hotīti yojanā. Vīthiyaṃ ṭhatvā gīvaṃ pasāretvā passatopi ca āpattīti yojanā.
2799. д̣̇ийгхаад̇и д̣̇ван̇г̇улад̇о д̣̇ийгхаа. на д̇хаарзяяаад̇и на д̇хаарзд̇аб̣б̣аа. д̣̇ван̇г̇улам̣ ваа д̣̇умаасам̣ ваад̇и зд̇т̇а д̣̇вз ан̇г̇улаани баримаан̣ам̣ зд̇ассаад̇и д̣̇ван̇г̇уло, гзсо. д̣̇вз маасаа уггадтабарижчзд̣̇о ассаад̇и д̣̇умаасо. гзсам̣ д̇хаарзнд̇о д̣̇ван̇г̇улам̣ ваа д̇хаарзяяа д̣̇умаасам̣ ваа. д̇ад̇о уд̣̇д̇хам̣ на ваддад̇ийд̇и д̇ад̇о д̣̇ван̇г̇улад̇о ваа д̣̇умаасад̇о ваа гзсад̇о уд̣̇д̇хам̣ гзсам̣ д̇хаарзд̇ум̣ на ваддад̇и.
2799.Dīghāti dvaṅgulato dīghā. Na dhāreyyāti na dhāretabbā. Dvaṅgulaṃ vā dumāsaṃ vāti ettha dve aṅgulāni parimāṇaṃ etassāti dvaṅgulo, keso. Dve māsā ukkaṭṭhaparicchedo assāti dumāso. Kesaṃ dhārento dvaṅgulaṃ vā dhāreyya dumāsaṃ vā. Tato uddhaṃ na vaṭṭatīti tato dvaṅgulato vā dumāsato vā kesato uddhaṃ kesaṃ dhāretuṃ na vaṭṭati.
ат̇а ваа д̣̇вз ан̇г̇улаани самаахадаани д̣̇ван̇г̇улам̣, д̣̇вз маасаа самаахадаа д̣̇умаасам̣, убхаяад̇т̇а ажжанд̇асам̣яог̇з убаяог̇аважанам̣. гзсз д̇хаарзнд̇о д̣̇ван̇г̇уламад̇д̇ам̣ ваа д̇хаарзяяа д̣̇умаасамад̇д̇ам̣ ваа, д̇ад̇о гаалабаримаан̣ад̇о уд̣̇д̇хам̣ гзсз д̇хаарзд̇ум̣ на ваддад̇ийд̇и ад̇т̇о. сажз гзсз анд̇од̣̇взмаасз д̣̇ван̇г̇улз баабун̣анд̇и, анд̇од̣̇взмаасзязва чинд̣̇ид̇аб̣б̣аа. д̣̇ван̇г̇улз хи ад̇иггамзд̇ум̣ на ваддад̇и. сажзби на д̣̇ийгхаа, д̣̇взмаасад̇о згад̣̇ивасамби ад̇иггамзд̇ум̣ на лабхад̇иязва. звамаяам̣ убхаязнаби уггадтабарижчзд̣̇знзва вуд̇д̇о, д̇ад̇о орам̣ бана навадданабхааво наама над̇т̇и.
Atha vā dve aṅgulāni samāhaṭāni dvaṅgulaṃ, dve māsā samāhaṭā dumāsaṃ, ubhayattha accantasaṃyoge upayogavacanaṃ. Kese dhārento dvaṅgulamattaṃ vā dhāreyya dumāsamattaṃ vā, tato kālaparimāṇato uddhaṃ kese dhāretuṃ na vaṭṭatīti attho. Sace kese antodvemāse dvaṅgule pāpuṇanti, antodvemāseyeva chinditabbā. Dvaṅgule hi atikkametuṃ na vaṭṭati. Sacepi na dīghā, dvemāsato ekadivasampi atikkametuṃ na labhatiyeva. Evamayaṃ ubhayenapi ukkaṭṭhaparicchedeneva vutto, tato oraṃ pana navaṭṭanabhāvo nāma natthi.
2800. д̣̇ийгхз накз, д̣̇ийгхаани наасигаломаани жа на д̇хаараязд̇и яож̇анаа, на д̇хаарзяяа, чинд̣̇зяяаад̇и ад̇т̇о. вийсад̇имадтанд̇и вийсад̇ияаа накаанам̣ мадтам̣ ликид̇амадтабхаавам̣ гаад̇ум̣ бхигкуно на ваддад̇ийд̇и яож̇анаа. сад̇т̇агзна д̇ажчзд̇ваа жун̣н̣агзна бамаж̇ж̇ид̇ваа палигаман̣ийнам̣ вияа уж̇ж̇алагаран̣ам̣ ликид̇амадтам̣ наама. ‘‘ануж̇аанаами, бхигкавз, маламад̇д̇ам̣ абагад̣дхид̇у’’нд̇и (жуул̣ава. 274) анун̃н̃аад̇ад̇д̇аа муг̇г̇апалад̇ажаад̣̇ийхи накамалам̣ абанзд̇ум̣ ваддад̇и.
2800. Dīghe nakhe, dīghāni nāsikalomāni ca na dhārayeti yojanā, na dhāreyya, chindeyyāti attho. Vīsatimaṭṭhanti vīsatiyā nakhānaṃ maṭṭhaṃ likhitamaṭṭhabhāvaṃ kātuṃ bhikkhuno na vaṭṭatīti yojanā. Satthakena tacchetvā cuṇṇakena pamajjitvā phalikamaṇīnaṃ viya ujjalakaraṇaṃ likhitamaṭṭhaṃ nāma. ‘‘Anujānāmi, bhikkhave, malamattaṃ apakaḍḍhitu’’nti (cūḷava. 274) anuññātattā muggaphalatacādīhi nakhamalaṃ apanetuṃ vaṭṭati.
2801. габбаабзяяа висум̣ массунд̇и яо гзсажчинно висум̣ массум̣ габбаабзяяа. д̣̇аатигам̣ табзяяаад̇и гзсз чинд̣̇аабзд̇ваа массум̣ агаббаабзд̇ваа висум̣ табзяяа. самб̣аад̇хзд̇и убагажчагамуд̇д̇агаран̣асан̇каад̇з самб̣аад̇хадтаанз. ломам̣ сам̣хараабзяяаваад̇и сад̇т̇зна ваа сан̣д̣аасзна ваа ан̃н̃зна язна гзнажи барзна чинд̣̇аабзяяа, саяам̣ ваа чинд̣̇зяяа. ‘‘ануж̇аанаами, бхигкавз, ааб̣аад̇хабажжаяаа самб̣аад̇хз ломам̣ сам̣хараабзд̇у’’нд̇и (жуул̣ава. 275) анун̃н̃аад̇ад̇д̇аа яат̇аавуд̇д̇асамб̣аад̇хз г̇ан̣д̣абил̣агаван̣аад̣̇игз ааб̣аад̇хз сад̇и ломам̣ сам̣хараабзд̇ум̣ ваддад̇и.
2801.Kappāpeyyavisuṃ massunti yo kesacchinno visuṃ massuṃ kappāpeyya. Dāṭhikaṃ ṭhapeyyāti kese chindāpetvā massuṃ akappāpetvā visuṃ ṭhapeyya. Sambādheti upakacchakamuttakaraṇasaṅkhāte sambādhaṭṭhāne. Lomaṃ saṃharāpeyyavāti satthena vā saṇḍāsena vā aññena yena kenaci parena chindāpeyya, sayaṃ vā chindeyya. ‘‘Anujānāmi, bhikkhave, ābādhapaccayā sambādhe lomaṃ saṃharāpetu’’nti (cūḷava. 275) anuññātattā yathāvuttasambādhe gaṇḍapiḷakavaṇādike ābādhe sati lomaṃ saṃharāpetuṃ vaṭṭati.
2802. аг̇илаанасса чинд̣̇ад̇о д̣̇уггадам̣ вуд̇д̇ам̣. ан̃н̃зна ваа буг̇г̇алзна д̇ат̇аа гад̇д̇арияаа чинд̣̇аабзнд̇асса д̣̇уггадам̣ вуд̇д̇анд̇и самб̣анд̇хо.
2802. Agilānassa chindato dukkaṭaṃ vuttaṃ. Aññena vā puggalena tathā kattariyā chindāpentassa dukkaṭaṃ vuttanti sambandho.
2803. сзсан̇г̇ачзд̣̇анзд̇и ан̇г̇улияаад̣̇иавасзсасарийрааваяаваанам̣ чзд̣̇анз. ад̇д̇авад̇хзд̇и ад̇д̇убаггамзна ваа аан̣ад̇д̇ияаа убаггамзна ваа ад̇д̇ано ж̇ийвид̇анаасз.
2803.Sesaṅgachedaneti aṅguliyādiavasesasarīrāvayavānaṃ chedane. Attavadheti attupakkamena vā āṇattiyā upakkamena vā attano jīvitanāse.
2804. ан̇г̇анд̇и ан̇г̇аж̇аад̇ад̇о авасзсам̣ сарийрааваяавам̣. ахигийдаад̣̇ид̣̇адтасса д̇аббадигааравасзна ан̇г̇ам̣ чинд̣̇ад̇о на д̣̇осо. д̇аад̣̇исааб̣аад̇хабажжаяаа д̇аббадигааравасзна ан̇г̇ам̣ чинд̣̇ад̇о на д̣̇осо. лохид̇ам̣ можзнд̇ассааби на д̣̇осод̇и яож̇анаа.
2804.Aṅganti aṅgajātato avasesaṃ sarīrāvayavaṃ. Ahikīṭādidaṭṭhassa tappaṭikāravasena aṅgaṃ chindato na doso. Tādisābādhapaccayā tappaṭikāravasena aṅgaṃ chindato na doso. Lohitaṃ mocentassāpi na dosoti yojanā.
2805. абариссаавано бхигку сажз маг̇г̇ам̣ г̇ажчад̇и, д̣̇уггадам̣. маг̇г̇з ад̣̇д̇хаанз д̇ам̣ бариссааванам̣ яаажамаанасса яо на д̣̇ад̣̇аад̇и, д̇асса ад̣̇ад̣̇ад̇о ад̣̇знд̇ассааби д̇ат̇зва д̣̇уггадамзваад̇и яож̇анаа. яо бана ад̇д̇ано хад̇т̇з бариссааванз виж̇ж̇амаанзби яаажад̇и, д̇асса на агаамаа д̣̇аад̇аб̣б̣ам̣.
2805.Aparissāvano bhikkhu sace maggaṃ gacchati, dukkaṭaṃ. Magge addhāne taṃ parissāvanaṃ yācamānassa yo na dadāti, tassa adadato adentassāpi tatheva dukkaṭamevāti yojanā. Yo pana attano hatthe parissāvane vijjamānepi yācati, tassa na akāmā dātabbaṃ.
2806. ‘‘наг̇г̇о’’д̇и бад̣̇ам̣ ‘‘на бхун̃ж̇з’’д̇иаад̣̇и гирияаабад̣̇зхи бажжзгам̣ яож̇зд̇аб̣б̣ам̣. на бхун̃ж̇зд̇и бхад̇д̇аад̣̇им̣ бхун̃ж̇ид̇аб̣б̣ам̣ на бхун̃ж̇зяяа. на бивзд̇и яааг̇уаад̣̇им̣ баад̇аб̣б̣ам̣ на бивзяяа. на жа каад̣̇зд̇и муулакаад̣̇анийяаад̣̇игам̣ каад̣̇анийяам̣ на каад̣̇зяяа. на сааяаязд̇и паан̣ид̇аад̣̇игам̣ сааяид̇аб̣б̣ан̃жа на сааязяяа на лихзяяа. на д̣̇ад̣̇зд̇и ан̃н̃асса бхад̇д̇аад̣̇им̣ гин̃жи на д̣̇ад̣̇зяяа. на г̇ан̣хзяяаад̇и д̇ат̇аа саяам̣ наг̇г̇о худ̇ваа на бадиг̇г̇ан̣хзяяа. ан̃ж̇асам̣ маг̇г̇ам̣.
2806.‘‘Naggo’’ti padaṃ ‘‘na bhuñje’’tiādi kiriyāpadehi paccekaṃ yojetabbaṃ. Na bhuñjeti bhattādiṃ bhuñjitabbaṃ na bhuñjeyya. Na piveti yāguādiṃ pātabbaṃ na piveyya. Na ca khādeti mūlakhādanīyādikaṃ khādanīyaṃ na khādeyya. Na sāyayeti phāṇitādikaṃ sāyitabbañca na sāyeyya na liheyya. Na dadeti aññassa bhattādiṃ kiñci na dadeyya. Na gaṇheyyāti tathā sayaṃ naggo hutvā na paṭiggaṇheyya. Añjasaṃ maggaṃ.
2807. баригаммам̣ на гаад̇аб̣б̣анд̇и бидтибаригаммаад̣̇ибаригаммам̣ на гаад̇аб̣б̣ам̣. гаараязд̇и саяам̣ наг̇г̇о худ̇ваа ан̃н̃зна бидтибаригаммаад̣̇ибаригаммам̣ на гаараабзяяаад̇и ад̇т̇о.
2807.Parikammaṃ na kātabbanti piṭṭhiparikammādiparikammaṃ na kātabbaṃ. Kārayeti sayaṃ naggo hutvā aññena piṭṭhiparikammādiparikammaṃ na kārāpeyyāti attho.
2808. бидтигаммаад̣̇игз баригаммз ж̇анд̇аагхараад̣̇игаа д̇иссо бадижчаад̣̇ий вуд̇д̇аа ‘‘ануж̇аанаами, бхигкавз, д̇иссо бадижчаад̣̇ияо ж̇анд̇аагхарабадижчаад̣̇им̣ уд̣̇агабадижчаад̣̇им̣ вад̇т̇абадижчаад̣̇и’’нд̇и (жуул̣ава. 261) анун̃н̃аад̇аад̇и яож̇анаа. бадижчаад̣̇зд̇и хиригобинанд̇и бадижчаад̣̇и, ж̇анд̇аагхарамзва бадижчаад̣̇и ж̇анд̇аагхарабадижчаад̣̇и. уд̣̇агамзва бадижчаад̣̇и уд̣̇агабадижчаад̣̇и. вад̇т̇амзва бадижчаад̣̇и вад̇т̇абадижчаад̣̇и. ‘‘саб̣б̣ад̇т̇а бана ваддад̇ий’’д̇и иминаа ид̇арабадижчаад̣̇ид̣̇ваяам̣ баригаммзязва ваддад̇ийд̇и д̣̇ийбзд̇и. саб̣б̣ад̇т̇аад̇и бхож̇анаад̣̇исаб̣б̣агижжзсу.
2808. Piṭṭhikammādike parikamme jantāgharādikā tisso paṭicchādī vuttā ‘‘anujānāmi, bhikkhave, tisso paṭicchādiyo jantāgharapaṭicchādiṃ udakapaṭicchādiṃ vatthapaṭicchādi’’nti (cūḷava. 261) anuññātāti yojanā. Paṭicchādeti hirikopinanti paṭicchādi, jantāgharameva paṭicchādi jantāgharapaṭicchādi. Udakameva paṭicchādi udakapaṭicchādi. Vatthameva paṭicchādi vatthapaṭicchādi. ‘‘Sabbattha pana vaṭṭatī’’ti iminā itarapaṭicchādidvayaṃ parikammeyeva vaṭṭatīti dīpeti. Sabbatthāti bhojanādisabbakiccesu.
2809. яад̇т̇а гад̇т̇ажи бзл̣ааяанд̇и д̇амб̣алохаваддалохагам̣салохагаал̣алохасуван̣н̣араж̇ад̇аад̣̇ийхи гад̇ааяа ваа д̣̇аарумаяааяа ваа яааяа гааяажи бзл̣ааяа аасид̇д̇агуубад̇хаанз. бхун̃ж̇ид̇ум̣ на жа ваддад̇ийд̇и бхааж̇анам̣ табзд̇ваа бхун̃ж̇ид̇ум̣ на ваддад̇и. яат̇ааха – ‘‘аасид̇д̇агуубад̇хаанам̣ наама д̇амб̣алохзна ваа раж̇ад̇зна ваа гад̇ааяа бзл̣ааяа зд̇ам̣ ад̇хиважанам̣, ‘на бхигкавз аасид̇д̇агуубад̇хаанз бхун̃ж̇ид̇аб̣б̣а’нд̇и сааман̃н̃зна бадигкид̇д̇ад̇д̇аа бана д̣̇аарумаяааби на ваддад̇ий’’д̇и (жуул̣ава. адта. 264). ‘‘ануж̇аанаами бхигкавз мал̣орига’’нд̇и (жуул̣ава. 264) анун̃н̃аад̇ад̇д̇аа мал̣оригааяа табзд̇ваа бхун̃ж̇ид̇ум̣ ваддад̇и. ‘‘мал̣оригаа’’д̇и жа д̣̇ан̣д̣аад̇хаараго вужжад̇и, яам̣ д̇аяо, жад̇д̇ааро, б̣ахуу ваа д̣̇ан̣д̣агз убари жа хздтаа жа вид̇т̇ад̇ам̣ маж̇жхз сан̇гужид̇ам̣ гад̇ваа б̣анд̇хид̇ваа аад̇хаарагам̣ гаронд̇и. яадтиаад̇хаарагабан̣н̣аад̇хаарагабажчигабидтагхадагагаваадагаад̣̇ибхааж̇анамукауд̣̇угкалаад̣̇ийниби зд̇т̇зва сан̇г̇ахам̣ г̇ажчанд̇и. яадтиаад̇хаарагод̇и яадтим̣язва уж̇угам̣ табзд̇ваа б̣анд̇хийгад̇ааад̇хаараго.
2809.Yattha katthaci peḷāyanti tambalohavaṭṭalohakaṃsalohakāḷalohasuvaṇṇarajatādīhi katāya vā dārumayāya vā yāya kāyaci peḷāya āsittakūpadhāne. Bhuñjituṃ na ca vaṭṭatīti bhājanaṃ ṭhapetvā bhuñjituṃ na vaṭṭati. Yathāha – ‘‘āsittakūpadhānaṃ nāma tambalohena vā rajatena vā katāya peḷāya etaṃ adhivacanaṃ, ‘na bhikkhave āsittakūpadhāne bhuñjitabba’nti sāmaññena paṭikkhittattā pana dārumayāpi na vaṭṭatī’’ti (cūḷava. aṭṭha. 264). ‘‘Anujānāmi bhikkhave maḷorika’’nti (cūḷava. 264) anuññātattā maḷorikāya ṭhapetvā bhuñjituṃ vaṭṭati. ‘‘Maḷorikā’’ti ca daṇḍādhārako vuccati, yaṃ tayo, cattāro, bahū vā daṇḍake upari ca heṭṭhā ca vitthataṃ majjhe saṅkucitaṃ katvā bandhitvā ādhārakaṃ karonti. Yaṭṭhiādhārakapaṇṇādhārakapacchikapiṭṭhaghaṭakakavāṭakādibhājanamukhaudukkhalādīnipi ettheva saṅgahaṃ gacchanti. Yaṭṭhiādhārakoti yaṭṭhiṃyeva ujukaṃ ṭhapetvā bandhīkataādhārako.
згабхааж̇анз висум̣ висум̣ бхож̇анассааби самбхавад̇о ‘‘бхун̃ж̇ад̇о згабхааж̇анз’’д̇и зд̇д̇агзязва вуд̇д̇з д̇ассааби басан̇г̇о сияаад̇и д̇аннивад̇д̇анад̇т̇амааха ‘‘згад̇о’’д̇и. ‘‘бхун̃ж̇ад̇о’’д̇и ид̣̇ам̣ убалагкан̣ам̣. згад̇о згабхааж̇анз яааг̇уаад̣̇ибаанамби на ваддад̇и. яат̇ааха – ‘‘на, бхигкавз, згат̇аалагз баад̇аб̣б̣а’’нд̇и (жуул̣ава. 264). ат̇а ваа бхун̃ж̇ад̇од̇и аж̇жхохаарасааман̃н̃зна баанамби сан̇г̇ахид̇анд̇и взд̣̇ид̇аб̣б̣ам̣. аяамзд̇т̇а винижчаяо – сажз зго бхигку бхааж̇анад̇о палам̣ ваа буувам̣ ваа г̇ахзд̇ваа г̇ажчад̇и, д̇асмим̣ абаг̇ад̇з ид̇арасса сзсагам̣ бхун̃ж̇ид̇ум̣ ваддад̇и. ид̇арассааби д̇асмим̣ кан̣з буна г̇ахзд̇ум̣ ваддад̇ийд̇и.
Ekabhājane visuṃ visuṃ bhojanassāpi sambhavato ‘‘bhuñjato ekabhājane’’ti ettakeyeva vutte tassāpi pasaṅgo siyāti tannivattanatthamāha ‘‘ekato’’ti. ‘‘Bhuñjato’’ti idaṃ upalakkhaṇaṃ. Ekato ekabhājane yāguādipānampi na vaṭṭati. Yathāha – ‘‘na, bhikkhave, ekathālake pātabba’’nti (cūḷava. 264). Atha vā bhuñjatoti ajjhohārasāmaññena pānampi saṅgahitanti veditabbaṃ. Ayamettha vinicchayo – sace eko bhikkhu bhājanato phalaṃ vā pūvaṃ vā gahetvā gacchati, tasmiṃ apagate itarassa sesakaṃ bhuñjituṃ vaṭṭati. Itarassāpi tasmiṃ khaṇe puna gahetuṃ vaṭṭatīti.
2810. яз д̣̇вз ваа д̇аяо ваа бхигкуу згабаавуран̣аа ваа згад̇т̇аран̣аа ваа згад̇т̇аран̣абаавуран̣аа ваа нибаж̇ж̇анд̇и, д̇зсан̃жа, яз згаман̃жзби згад̇о нибаж̇ж̇анд̇и, д̇зсан̃жа аабад̇д̇и д̣̇уггадам̣ ход̇ийд̇и яож̇анаа.
2810. Ye dve vā tayo vā bhikkhū ekapāvuraṇā vā ekattharaṇā vā ekattharaṇapāvuraṇā vā nipajjanti, tesañca, ye ekamañcepi ekato nipajjanti, tesañca āpatti dukkaṭaṃ hotīti yojanā.
2811. сан̇гхаадибаллад̇т̇игамубааг̇ад̇од̇и зд̇т̇а сан̇гхаадийд̇и сан̇гхаадинаамзна ад̇хидтид̇ажийварамааха. сан̇гхаадибаллад̇т̇игам̣ убаг̇ад̇зна яуд̇д̇о худ̇ваад̇и ад̇т̇о. на нисийд̣̇зяяаад̇и вихаарз ваа анд̇арагхарз ваа яад̇т̇а гад̇т̇ажи на нисийд̣̇зяяа. ‘‘сан̇гхаадийд̇и наамзна ад̇хидтид̇ажийваравохаараббад̇д̇амад̇хидтид̇ажийварам̣ ‘сан̇гхаадий’д̇и вуд̇д̇а’’нд̇и ниссанд̣̇зхз, куд̣̇д̣̇асигкааван̣н̣анааяамби ‘‘сан̇гхаадияаа на баллад̇т̇зд̇и ад̇хидтид̇ажийварзна вихаарз ваа анд̇арагхарз ваа баллад̇т̇иго на гаад̇аб̣б̣о’’д̇и вуд̇д̇ам̣. адтагат̇ааяам̣ бана ‘‘анд̇ог̇аамз ваасад̇т̇ааяа убаг̇ад̇зна ад̇хидтид̇ам̣ сан̇гхаадим̣ винаа сзсажийварзхи баллад̇т̇игааяа нисийд̣̇ид̇ум̣ ваддад̇ий’’д̇и вуд̇д̇ам̣.
2811.Saṅghāṭipallatthikamupāgatoti ettha saṅghāṭīti saṅghāṭināmena adhiṭṭhitacīvaramāha. Saṅghāṭipallatthikaṃ upagatena yutto hutvāti attho. Na nisīdeyyāti vihāre vā antaraghare vā yattha katthaci na nisīdeyya. ‘‘Saṅghāṭīti nāmena adhiṭṭhitacīvaravohārappattamadhiṭṭhitacīvaraṃ ‘saṅghāṭī’ti vutta’’nti nissandehe, khuddasikkhāvaṇṇanāyampi ‘‘saṅghāṭiyā na pallattheti adhiṭṭhitacīvarena vihāre vā antaraghare vā pallatthiko na kātabbo’’ti vuttaṃ. Aṭṭhakathāyaṃ pana ‘‘antogāme vāsatthāya upagatena adhiṭṭhitaṃ saṅghāṭiṃ vinā sesacīvarehi pallatthikāya nisīdituṃ vaṭṭatī’’ti vuttaṃ.
гин̃жи гийл̣ам̣ на гийл̣зяяаад̇и ж̇уд̇агийл̣аад̣̇игам̣ яам̣ гин̃жи гааяигаваажасигагийл̣игам̣ на гийл̣зяяа. на жа г̇аахаязд̇и на жа г̇аахаабзяяа, на хараабзяяаад̇и ад̇т̇о.
Kiñcikīḷaṃ na kīḷeyyāti jutakīḷādikaṃ yaṃ kiñci kāyikavācasikakīḷikaṃ na kīḷeyya. Na ca gāhayeti na ca gāhāpeyya, na harāpeyyāti attho.
2812. д̣̇аатигааяабийд̇и массумхи. уг̇г̇ад̇анд̇и зд̇т̇а ‘‘б̣ийбхажча’’нд̇и сзсо. ан̃н̃анд̇и абалид̇ам̣. д̇аад̣̇исанд̇и б̣ийбхажчам̣.
2812.Dāṭhikāyapīti massumhi. Uggatanti ettha ‘‘bībhaccha’’nti seso. Aññanti apalitaṃ. Tādisanti bībhacchaṃ.
2813. ‘‘аг̇илаано’’д̇и иминаа г̇илаанасса анаабад̇д̇ибхаавам̣ д̣̇ийбзд̇и. ‘‘д̇хаарзяяаа’’д̇и иминаа суд̣̇д̇хагад̇д̇унид̣̇д̣̇зсзна аг̇илаанассаби барам̣ д̇хаараабанз, барасса д̇хааран̣асаад̣̇ияанз жа анаабад̇д̇ийд̇и вин̃н̃ааяад̇ийд̇и. ад̇д̇ано г̇уд̇д̇ад̇т̇ам̣, жийвараад̣̇ийнам̣ г̇уд̇д̇ад̇т̇ан̃жа ваддад̇ийд̇и яож̇анаа. д̇ад̇рааяам̣ винижчаяо (жуул̣ава. адта. 270) – яасса гааяад̣̇аахо ваа бид̇д̇агобо ваа ход̇и, жагку ваа д̣̇уб̣б̣алам̣, ан̃н̃о ваа гожи ааб̣аад̇хо винаа чад̇д̇зна уббаж̇ж̇ад̇и, д̇асса г̇аамз ваа аран̃н̃з ваа чад̇д̇ам̣ ваддад̇и. ваал̣амиг̇ажорабхаязсу ад̇д̇аг̇уд̇д̇ад̇т̇ам̣, вассз бана жийвараг̇уд̇д̇ад̇т̇амби ваддад̇и. згабан̣н̣ажчад̇д̇ам̣ бана саб̣б̣ад̇т̇зва ваддад̇и. ‘‘згабан̣н̣ажчад̇д̇ам̣ наама д̇аалабад̇д̇а’’нд̇и г̇ан̣тибад̣̇зсу вуд̇д̇анд̇и.
2813.‘‘Agilāno’’ti iminā gilānassa anāpattibhāvaṃ dīpeti. ‘‘Dhāreyyā’’ti iminā suddhakattuniddesena agilānassapi paraṃ dhārāpane, parassa dhāraṇasādiyane ca anāpattīti viññāyatīti. Attano guttatthaṃ, cīvarādīnaṃ guttatthañca vaṭṭatīti yojanā. Tatrāyaṃ vinicchayo (cūḷava. aṭṭha. 270) – yassa kāyadāho vā pittakopo vā hoti, cakkhu vā dubbalaṃ, añño vā koci ābādho vinā chattena uppajjati, tassa gāme vā araññe vā chattaṃ vaṭṭati. Vāḷamigacorabhayesu attaguttatthaṃ, vasse pana cīvaraguttatthampi vaṭṭati. Ekapaṇṇacchattaṃ pana sabbattheva vaṭṭati. ‘‘Ekapaṇṇacchattaṃ nāma tālapatta’’nti gaṇṭhipadesu vuttanti.
2814. хад̇т̇исон̣д̣аагааро абхзд̣̇обажаарзна ‘‘хад̇т̇исон̣д̣а’’нд̇и вуд̇д̇о. звамубариби. жийварасса наамад̇хзяяам̣ ‘‘васана’’нд̇и ид̣̇ам̣. ‘‘ниваасзнд̇асса д̣̇уггада’’нд̇и бад̣̇ад̣̇ваяан̃жа ‘‘хад̇т̇исон̣д̣а’’нд̇иаад̣̇ийхи саб̣б̣абад̣̇зхи бажжзгам̣ яож̇зд̇аб̣б̣ам̣. взллияанд̇и зд̇т̇а г̇аат̇ааб̣анд̇хавасзна сам̣-сад̣̇д̣̇алобо, сам̣взллияанд̇и ад̇т̇о.
2814. Hatthisoṇḍākāro abhedopacārena ‘‘hatthisoṇḍa’’nti vutto. Evamuparipi. Cīvarassa nāmadheyyaṃ ‘‘vasana’’nti idaṃ. ‘‘Nivāsentassa dukkaṭa’’nti padadvayañca ‘‘hatthisoṇḍa’’ntiādīhi sabbapadehi paccekaṃ yojetabbaṃ. Velliyanti ettha gāthābandhavasena saṃ-saddalopo, saṃvelliyanti attho.
зд̇т̇а хад̇т̇исон̣д̣ам̣ (жуул̣ава. адта. 280) наама наабхимуулад̇о хад̇т̇исон̣д̣асан̣таанам̣ оламб̣агам̣ гад̇ваа нивад̇т̇ам̣ жол̣игид̇т̇ийнам̣ ниваасанам̣ вияа. жад̇угган̣н̣ам̣ наама убарид̇о д̣̇вз, хздтад̇о д̣̇взд̇и звам̣ жад̇д̇ааро ган̣н̣з д̣̇ассзд̇ваа нивад̇т̇ам̣. мажчаваал̣агам̣ наама згад̇о д̣̇асанд̇ам̣ згад̇о баасанд̇ам̣ оламб̣зд̇ваа нивад̇т̇ам̣. сам̣взллияанд̇и маллагаммагаараад̣̇аяо вияа гажчам̣ б̣анд̇хид̇ваа ниваасанам̣. д̇аалаван̣дагам̣ наама д̇аалаван̣даагаарзна саадагам̣ оламб̣зд̇ваа ниваасанам̣. жа-сад̣̇д̣̇зна сад̇авалигам̣ сан̇г̇ан̣хаад̇и. сад̇авалигам̣ наама д̣̇ийгхасаадагам̣ анзгагкад̇д̇ум̣ обхан̃ж̇ид̇ваа оваддигам̣ гаронд̇зна нивад̇т̇ам̣, ваамад̣̇агкин̣абассзсу ваа ниранд̇арам̣ валияо д̣̇ассзд̇ваа нивад̇т̇ам̣. сажз бана ж̇аан̣уд̇о бадтааяа згаа ваа д̣̇вз ваа валияо бан̃н̃ааяанд̇и, ваддад̇и. звам̣ ниваасзд̇ум̣ г̇илаанассаби маг̇г̇абадибаннассаби на ваддад̇и.
Ettha hatthisoṇḍaṃ (cūḷava. aṭṭha. 280) nāma nābhimūlato hatthisoṇḍasaṇṭhānaṃ olambakaṃ katvā nivatthaṃ coḷikitthīnaṃ nivāsanaṃ viya. Catukkaṇṇaṃ nāma uparito dve, heṭṭhato dveti evaṃ cattāro kaṇṇe dassetvā nivatthaṃ. Macchavāḷakaṃ nāma ekato dasantaṃ ekato pāsantaṃ olambetvā nivatthaṃ. Saṃvelliyanti mallakammakārādayo viya kacchaṃ bandhitvā nivāsanaṃ. Tālavaṇṭakaṃ nāma tālavaṇṭākārena sāṭakaṃ olambetvā nivāsanaṃ. Ca-saddena satavalikaṃ saṅgaṇhāti. Satavalikaṃ nāma dīghasāṭakaṃ anekakkhattuṃ obhañjitvā ovaṭṭikaṃ karontena nivatthaṃ, vāmadakkhiṇapassesu vā nirantaraṃ valiyo dassetvā nivatthaṃ. Sace pana jāṇuto paṭṭhāya ekā vā dve vā valiyo paññāyanti, vaṭṭati. Evaṃ nivāsetuṃ gilānassapi maggapaṭipannassapi na vaṭṭati.
яамби маг̇г̇ам̣ г̇ажчанд̇аа згам̣ ваа д̣̇вз ваа гон̣з угкибид̇ваа анд̇араваасагасса убари лаг̇г̇знд̇и, анд̇о ваа згам̣ гаасаавам̣ д̇ат̇аа ниваасзд̇ваа б̣ахи абарам̣ ниваасзнд̇и, саб̣б̣ам̣ на ваддад̇и. г̇илаано бана анд̇огаасаавасса оваддигам̣ д̣̇ассзд̇ваа абарам̣ убари ниваасзд̇ум̣ лабхад̇и. аг̇илаанзна д̣̇вз ниваасзнд̇зна саг̇ун̣ам̣ гад̇ваа ниваасзд̇аб̣б̣аани. ид̇и яан̃жа ид̇ха бадигкид̇д̇ам̣, яан̃жа сзкияаван̣н̣анааяам̣, д̇ам̣ саб̣б̣ам̣ важ̇ж̇зд̇ваа ниб̣б̣игаарам̣ д̇иман̣д̣алам̣ бадижчаад̣̇знд̇зна бариман̣д̣алам̣ ниваасзд̇аб̣б̣ам̣. яам̣ гин̃жи вигаарам̣ гаронд̇о д̣̇уггадаа на мужжад̇и.
Yampi maggaṃ gacchantā ekaṃ vā dve vā koṇe ukkhipitvā antaravāsakassa upari laggenti, anto vā ekaṃ kāsāvaṃ tathā nivāsetvā bahi aparaṃ nivāsenti, sabbaṃ na vaṭṭati. Gilāno pana antokāsāvassa ovaṭṭikaṃ dassetvā aparaṃ upari nivāsetuṃ labhati. Agilānena dve nivāsentena saguṇaṃ katvā nivāsetabbāni. Iti yañca idha paṭikkhittaṃ, yañca sekhiyavaṇṇanāyaṃ, taṃ sabbaṃ vajjetvā nibbikāraṃ timaṇḍalaṃ paṭicchādentena parimaṇḍalaṃ nivāsetabbaṃ. Yaṃ kiñci vikāraṃ karonto dukkaṭā na muccati.
2815. г̇ихибаарубананд̇и ‘‘сзд̇абадабааруд̇ам̣ (жуул̣ава. адта. 280) бариб̣б̣ааж̇агабааруд̇ам̣ згасаадагабааруд̇ам̣ сон̣д̣абааруд̇ам̣ анд̇збуригабааруд̇ам̣ махааж̇здтагабааруд̇ам̣ гудибавзсагабааруд̇ам̣ б̣раахман̣абааруд̇ам̣ баал̣игаарагабааруд̇а’’нд̇и звамаад̣̇ибариман̣д̣алалагкан̣ад̇о ан̃н̃ат̇аа бааруд̇ам̣, саб̣б̣амзд̇ам̣ г̇ихибааруд̇ам̣ наама. д̇асмаа яат̇аа сзд̇абадаа ад̣дхабаалаганиг̇ан̣таа баарубанд̇и, яат̇аа жа згажжз бариб̣б̣ааж̇агаа урам̣ виварид̇ваа д̣̇вийсу ам̣сагуудзсу баавуран̣ам̣ табзнд̇и, яат̇аа жа згасаадагаа мануссаа нивад̇т̇асаадагасса згзнанд̇зна бидтим̣ баарубид̇ваа убхо ган̣н̣з убхосу ам̣сагуудзсу табзнд̇и, яат̇аа жа сураасон̣д̣аад̣̇аяо саадагзна г̇ийвам̣ баригкибанд̇аа убхо анд̇з уд̣̇арз ваа оламб̣знд̇и, бидтияам̣ ваа кибанд̇и, яат̇аа жа анд̇збуригааяо агкид̇аарагамад̇д̇ам̣ д̣̇ассзд̇ваа ог̇ун̣тигам̣ баарубанд̇и, яат̇аа жа махааж̇здтаа д̣̇ийгхасаадагам̣ ниваасзд̇ваа д̇ассзва згзнанд̇зна сагаласарийрам̣ баарубанд̇и, яат̇аа жа гассагаа кзд̇д̇агудим̣ бависанд̇аа саадагам̣ баливзтзд̇ваа убагажчагз багкибид̇ваа д̇ассзва згзнанд̇зна сарийрам̣ баарубанд̇и, яат̇аа жа б̣раахман̣аа убхиннам̣ убагажчагаанам̣ анд̇арзна саадагам̣ бавзсзд̇ваа ам̣сагуудзсу багкибанд̇и, яат̇аа жа баал̣игаараго бхигку згам̣сабаарубанзна бааруд̇ам̣ ваамаб̣аахам̣ виварид̇ваа жийварам̣ ам̣сагуудам̣ ааробзд̇и, звам̣ абаарубид̇ваа саб̣б̣зби зд̇з, ан̃н̃з жа зваруубз баарубанад̣̇осз важ̇ж̇зд̇ваа ниб̣б̣игаарам̣ бариман̣д̣алам̣ баарубид̇аб̣б̣ам̣. д̇ат̇аа абаарубид̇ваа аараамз ваа анд̇арагхарз ваа анаад̣̇арзна яам̣ гин̃жи вигаарам̣ гаронд̇асса д̣̇уггадам̣. бариман̣д̣алад̇о вимуд̇д̇алагкан̣аниваасанабаарубанад̣̇осз важ̇ж̇зд̇ваа бариман̣д̣алабхаавоязва вуд̇д̇алагкан̣о ад̇хиббзд̇од̇и ад̇т̇о.
2815.Gihipārupananti ‘‘setapaṭapārutaṃ (cūḷava. aṭṭha. 280) paribbājakapārutaṃ ekasāṭakapārutaṃ soṇḍapārutaṃ antepurikapārutaṃ mahājeṭṭhakapārutaṃ kuṭipavesakapārutaṃ brāhmaṇapārutaṃ pāḷikārakapāruta’’nti evamādiparimaṇḍalalakkhaṇato aññathā pārutaṃ, sabbametaṃ gihipārutaṃ nāma. Tasmā yathā setapaṭā aḍḍhapālakanigaṇṭhā pārupanti, yathā ca ekacce paribbājakā uraṃ vivaritvā dvīsu aṃsakūṭesu pāvuraṇaṃ ṭhapenti, yathā ca ekasāṭakā manussā nivatthasāṭakassa ekenantena piṭṭhiṃ pārupitvā ubho kaṇṇe ubhosu aṃsakūṭesu ṭhapenti, yathā ca surāsoṇḍādayo sāṭakena gīvaṃ parikkhipantā ubho ante udare vā olambenti, piṭṭhiyaṃ vā khipanti, yathā ca antepurikāyo akkhitārakamattaṃ dassetvā oguṇṭhikaṃ pārupanti, yathā ca mahājeṭṭhā dīghasāṭakaṃ nivāsetvā tasseva ekenantena sakalasarīraṃ pārupanti, yathā ca kassakā khettakuṭiṃ pavisantā sāṭakaṃ paliveṭhetvā upakacchake pakkhipitvā tasseva ekenantena sarīraṃ pārupanti, yathā ca brāhmaṇā ubhinnaṃ upakacchakānaṃ antarena sāṭakaṃ pavesetvā aṃsakūṭesu pakkhipanti, yathā ca pāḷikārako bhikkhu ekaṃsapārupanena pārutaṃ vāmabāhaṃ vivaritvā cīvaraṃ aṃsakūṭaṃ āropeti, evaṃ apārupitvā sabbepi ete, aññe ca evarūpe pārupanadose vajjetvā nibbikāraṃ parimaṇḍalaṃ pārupitabbaṃ. Tathā apārupitvā ārāme vā antaraghare vā anādarena yaṃ kiñci vikāraṃ karontassa dukkaṭaṃ. Parimaṇḍalato vimuttalakkhaṇanivāsanapārupanadose vajjetvā parimaṇḍalabhāvoyeva vuttalakkhaṇo adhippetoti attho.
2816. логааяад̇ам̣ на ваажзяяаад̇и ‘‘саб̣б̣ам̣ ужчидтам̣, саб̣б̣ам̣ анужчидтам̣, сзд̇о гааго, гаал̣о б̣аго иминаа жа иминаа жа гааран̣знаа’’д̇и звамаад̣̇инирад̇т̇агагааран̣абадисам̣яуд̇д̇ам̣ д̇ид̇т̇ияасад̇т̇ам̣ ан̃н̃зсам̣ на ваажзяяа. на жа д̇ам̣ барияаабун̣зд̇и д̇ам̣ логааяад̇ам̣ на жа барияаабун̣зяяа на уг̇г̇ан̣хзяяа. д̇иражчаанавиж̇ж̇аад̇и хад̇т̇исиббаассасиббад̇ханусиббаад̣̇игаа баробагхаад̇агараа виж̇ж̇аа жа. бхигкунаа на барияаабун̣ид̇аб̣б̣аа, на ваажзд̇аб̣б̣аад̇и яож̇анаа.
2816.Lokāyataṃ na vāceyyāti ‘‘sabbaṃ ucchiṭṭhaṃ, sabbaṃ anucchiṭṭhaṃ, seto kāko, kāḷo bako iminā ca iminā ca kāraṇenā’’ti evamādiniratthakakāraṇapaṭisaṃyuttaṃ titthiyasatthaṃ aññesaṃ na vāceyya. Na ca taṃ pariyāpuṇeti taṃ lokāyataṃ na ca pariyāpuṇeyya na uggaṇheyya. Tiracchānavijjāti hatthisippaassasippadhanusippādikā paropaghātakarā vijjā ca. Bhikkhunā na pariyāpuṇitabbā, na vācetabbāti yojanā.
2817. саб̣б̣аажаамариб̣ийж̇анийд̇и сзд̇аад̣̇иван̣н̣зхи саб̣б̣зхи жамараваалзхи гад̇аа б̣ийж̇аний. на жаалимбзяяа д̣̇ааяам̣ ваад̇и д̣̇авад̣аахаад̣̇иубад̣̇д̣̇аванивааран̣ааяа анун̃н̃аад̇ам̣ бадаг̇г̇ид̣̇аанагааран̣ам̣ винаа аран̃н̃ам̣ аг̇г̇инаа на аалимбзяяа. д̣̇авад̣аахз бана ааг̇ажчанд̇з анубасамбаннз асад̇и бадаг̇г̇им̣ д̣̇аад̇ум̣, аббахарид̇агаран̣зна ваа барикаакан̣анзна ваа барид̇д̇аан̣ам̣ гаад̇ум̣, сзнаасанам̣ бад̇д̇ам̣ ваа аббад̇д̇ам̣ ваа аг̇г̇им̣ алласаакам̣ бхан̃ж̇ид̇ваа ниб̣б̣аабзд̇ун̃жа лабхад̇и. уд̣̇агзна бана габбиязнзва лабхад̇и, нзд̇арзна. анубасамбаннз бана сад̇и д̇знзва габбияавохаарзна гаараабзд̇аб̣б̣ам̣. мукам̣ на жа лан̃ж̇зд̇и маносилаад̣̇инаа мукам̣ на лимбзяяа, д̇илагзна ан̇г̇ам̣ на гарзяяаад̇и ад̇т̇о.
2817.Sabbācāmaribījanīti setādivaṇṇehi sabbehi camaravālehi katā bījanī. Na cālimpeyya dāyaṃ vāti davaḍāhādiupaddavanivāraṇāya anuññātaṃ paṭaggidānakāraṇaṃ vinā araññaṃ agginā na ālimpeyya. Davaḍāhe pana āgacchante anupasampanne asati paṭaggiṃ dātuṃ, appaharitakaraṇena vā parikhākhaṇanena vā parittāṇaṃ kātuṃ, senāsanaṃ pattaṃ vā appattaṃ vā aggiṃ allasākhaṃ bhañjitvā nibbāpetuñca labhati. Udakena pana kappiyeneva labhati, netarena. Anupasampanne pana sati teneva kappiyavohārena kārāpetabbaṃ. Mukhaṃ na ca lañjeti manosilādinā mukhaṃ na limpeyya, tilakena aṅgaṃ na kareyyāti attho.
2818. убхад̇огааж̇анд̇и убхад̇огодияаа бхаараваханагодигааж̇ам̣. анд̇арагааж̇аганд̇и убхаяагодияаа тид̇аваахагзхи вахид̇аб̣б̣ам̣ маж̇жхзбхаараяуд̇д̇агааж̇ам̣. сийсагканд̇хагадибхаараад̣̇аяо хздтаа вуд̇д̇алагкан̣аава.
2818.Ubhatokājanti ubhatokoṭiyā bhāravahanakoṭikājaṃ. Antarakājakanti ubhayakoṭiyā ṭhitavāhakehi vahitabbaṃ majjhebhārayuttakājaṃ. Sīsakkhandhakaṭibhārādayo heṭṭhā vuttalakkhaṇāva.
2819. яо бхигку вад̣дхагиан̇г̇улзна адтан̇г̇улаад̇хигам̣ ваа д̇знзва ан̇г̇улзна жад̇уран̇г̇улабажчимам̣ ваа д̣̇анд̇агадтам̣ каад̣̇ад̇и, звам̣ каад̣̇ад̇о д̇асса аабад̇д̇и д̣̇уггадам̣ ход̇ийд̇и яож̇анаа.
2819. Yo bhikkhu vaḍḍhakiaṅgulena aṭṭhaṅgulādhikaṃ vā teneva aṅgulena caturaṅgulapacchimaṃ vā dantakaṭṭhaṃ khādati, evaṃ khādato tassa āpatti dukkaṭaṃ hotīti yojanā.
2820. гижжз сад̇ибийд̇и сугкагадтаад̣̇иг̇г̇ахан̣агижжз бана сад̇и. борисанд̇и бурисаббамаан̣ам̣, б̣яаамамад̇д̇анд̇и вуд̇д̇ам̣ ход̇и. аабад̣̇аасууд̇и ваал̣амиг̇аад̣̇аяо ваа д̣̇исваа маг̇г̇амуул̣хо ваа д̣̇исаа ологзд̇угаамо худ̇ваа д̣̇авад̣аахам̣ ваа уд̣̇агогхам̣ ваа ааг̇ажчанд̇ам̣ д̣̇исваа ваа зваруубаасу аабад̣̇аасу. ваддад̇зваабхируухид̇унд̇и ад̇иужжамби ругкам̣ аарохид̇ум̣ ваддад̇и зва.
2820.Kicce satipīti sukkhakaṭṭhādiggahaṇakicce pana sati. Porisanti purisappamāṇaṃ, byāmamattanti vuttaṃ hoti. Āpadāsūti vāḷamigādayo vā disvā maggamūḷho vā disā oloketukāmo hutvā davaḍāhaṃ vā udakoghaṃ vā āgacchantaṃ disvā vā evarūpāsu āpadāsu. Vaṭṭatevābhirūhitunti atiuccampi rukkhaṃ ārohituṃ vaṭṭati eva.
2821. сажз агаллаго г̇илаано на сияаа, ласун̣ам̣ мааг̇ад̇хам̣ аамагам̣ бхан̣д̣игаласун̣ам̣ на жа каад̣̇зяяа нзва барибхун̃ж̇зяяаад̇и яож̇анаа. бхан̣д̣игаласун̣ам̣ наама жад̇умин̃ж̇ад̇о бадтааяа б̣ахумин̃ж̇ам̣. балан̣д̣угабхан̃ж̇анагаад̣̇иласун̣з маг̇ад̇хзсу ж̇аад̇ад̇д̇зби на д̣̇осо. ласун̣авибхааг̇о хздтаа д̣̇ассид̇оязва. г̇илаанасса бана ласун̣ам̣ каад̣̇ид̇ум̣ ваддад̇и. яат̇ааха – ‘‘ануж̇аанаами, бхигкавз, ааб̣аад̇хабажжаяаа ласун̣ам̣ каад̣̇ид̇у’’нд̇и (жуул̣ава. 289). ааб̣аад̇хабажжаяаад̇и яасса ааб̣аад̇хасса ласун̣ам̣ бхзсаж̇ж̇ам̣ ход̇и, д̇аббажжаяаад̇и ад̇т̇о. б̣уд̣̇д̇хаважананд̇и сан̇г̇ийд̇ид̇д̇аяаарул̣хаа бидагад̇д̇аяабаал̣и. ан̃н̃ат̇аад̇и саггадаад̣̇икалид̇аважанамаяам̣ ваажанаамаг̇г̇ам̣ на робзд̇аб̣б̣ам̣, д̇ат̇аа на табзд̇аб̣б̣анд̇и вуд̇д̇ам̣ ход̇и.
2821. Sace akallako gilāno na siyā, lasuṇaṃ māgadhaṃ āmakaṃ bhaṇḍikalasuṇaṃ na ca khādeyya neva paribhuñjeyyāti yojanā. Bhaṇḍikalasuṇaṃ nāma catumiñjato paṭṭhāya bahumiñjaṃ. Palaṇḍukabhañjanakādilasuṇe magadhesu jātattepi na doso. Lasuṇavibhāgo heṭṭhā dassitoyeva. Gilānassa pana lasuṇaṃ khādituṃ vaṭṭati. Yathāha – ‘‘anujānāmi, bhikkhave, ābādhapaccayā lasuṇaṃ khāditu’’nti (cūḷava. 289). Ābādhapaccayāti yassa ābādhassa lasuṇaṃ bhesajjaṃ hoti, tappaccayāti attho. Buddhavacananti saṅgītittayāruḷhā piṭakattayapāḷi. Aññathāti sakkaṭādikhalitavacanamayaṃ vācanāmaggaṃ na ropetabbaṃ, tathā na ṭhapetabbanti vuttaṃ hoti.
2822. кибид̇зд̇и язна гзнажи кибид̇з. ‘‘ж̇ийваа’’д̇и на вад̇д̇аб̣б̣анд̇и яож̇анаа. бхигкунаа кибид̇з г̇ихинаа ‘‘ж̇ийват̇аа’’д̇и вуд̇д̇зна буна ‘‘жирам̣ ж̇ийваа’’д̇и вад̇д̇ум̣ ваддад̇ийд̇и яож̇анаа. ‘‘жира’’нд̇и бад̣̇з сад̇иби ваддад̇и.
2822.Khipiteti yena kenaci khipite. ‘‘Jīvā’’ti na vattabbanti yojanā. Bhikkhunā khipite gihinā ‘‘jīvathā’’ti vuttena puna ‘‘ciraṃ jīvā’’ti vattuṃ vaṭṭatīti yojanā. ‘‘Cira’’nti pade satipi vaṭṭati.
2823. аагодзнд̇ассаад̇и гааязна ваа гааяабадиб̣ад̣̇д̇хаад̣̇ийхи ваа бахаранд̇асса. бубпасам̣гин̣н̣зд̇и бубпасант̇ад̇з.
2823.Ākoṭentassāti kāyena vā kāyapaṭibaddhādīhi vā paharantassa. Pupphasaṃkiṇṇeti pupphasanthate.
2824. нхаабид̇аа буб̣б̣агаа зд̇ассаад̇и нхаабид̇абуб̣б̣аго, нхаабид̇аж̇аад̇игод̇и ад̇т̇о. курабхан̣д̣анд̇и нхаабид̇абаригкаарам̣. на г̇ан̣хзяяаад̇и на барихарзяяа. сажз яо нхаабид̇аж̇аад̇иго ход̇и, со курабхан̣д̣ам̣ г̇ахзд̇ваа на харзяяаад̇и ад̇т̇о. ан̃н̃асса хад̇т̇ад̇о г̇ахзд̇ваа гзсажчзд̣̇аад̣̇и гаад̇ум̣ ваддад̇и. ун̣н̣ийд̇и гзсагамб̣алам̣ винаа ун̣н̣амаяаа баавуран̣аж̇аад̇и. ‘‘г̇онагам̣ гуд̇д̇агам̣ жид̇д̇ага’’мижжаад̣̇инаа вуд̇д̇абхзд̣̇аванд̇ад̇ааяа ааха ‘‘саб̣б̣аа’’д̇и. ун̣н̣амаяам̣ анд̇огарид̇ваа баарубид̇ум̣ ваддад̇ийд̇и ааха ‘‘б̣аахираломигаа’’д̇и. яат̇ааха – ‘‘на, бхигкавз, б̣аахираломий ун̣н̣ийд̇хаарзд̇аб̣б̣аа’’д̇и (жуул̣ава. 249). сигкаабад̣̇адтагат̇ааяам̣ ‘‘ун̣н̣аломаани б̣ахи гад̇ваа ун̣н̣абааваарам̣ баарубанд̇и, д̇ат̇аа д̇хаарзнд̇асса д̣̇уггадам̣. ломаани анд̇о гад̇ваа баарубид̇ум̣ ваддад̇ий’’д̇и (жуул̣ава. адта. 249).
2824. Nhāpitā pubbakā etassāti nhāpitapubbako, nhāpitajātikoti attho. Khurabhaṇḍanti nhāpitaparikkhāraṃ. Na gaṇheyyāti na parihareyya. Sace yo nhāpitajātiko hoti, so khurabhaṇḍaṃ gahetvā na hareyyāti attho. Aññassa hatthato gahetvā kesacchedādi kātuṃ vaṭṭati. Uṇṇīti kesakambalaṃ vinā uṇṇamayā pāvuraṇajāti. ‘‘Gonakaṃ kuttakaṃ cittaka’’miccādinā vuttabhedavantatāya āha ‘‘sabbā’’ti. Uṇṇamayaṃ antokaritvā pārupituṃ vaṭṭatīti āha ‘‘bāhiralomikā’’ti. Yathāha – ‘‘na, bhikkhave, bāhiralomī uṇṇīdhāretabbā’’ti (cūḷava. 249). Sikkhāpadaṭṭhakathāyaṃ ‘‘uṇṇalomāni bahi katvā uṇṇapāvāraṃ pārupanti, tathā dhārentassa dukkaṭaṃ. Lomāni anto katvā pārupituṃ vaṭṭatī’’ti (cūḷava. aṭṭha. 249).
2825. ан̇г̇арааг̇ам̣ наама гун̇гумаад̣̇и. гаронд̇ассаад̇и аб̣бхан̃ж̇анд̇асса. агааяаб̣анд̇ханасса г̇аамам̣ бависад̇оби д̣̇уггадам̣ самуд̣̇ийрид̇анд̇и яож̇анаа. зд̇т̇а жа асад̇ияаа аб̣анд̇хид̇ваа нигканд̇зна яад̇т̇а сарад̇и, д̇ад̇т̇а б̣анд̇хид̇аб̣б̣ам̣. ‘‘аасанасаалааяа б̣анд̇хиссаамий’’д̇и г̇анд̇ум̣ ваддад̇и. сарид̇ваа яаава на б̣анд̇хад̇и, на д̇аава бин̣д̣ааяа жарид̇аб̣б̣ам̣.
2825.Aṅgarāgaṃ nāma kuṅkumādi. Karontassāti abbhañjantassa. Akāyabandhanassa gāmaṃ pavisatopi dukkaṭaṃ samudīritanti yojanā. Ettha ca asatiyā abandhitvā nikkhantena yattha sarati, tattha bandhitabbaṃ. ‘‘Āsanasālāya bandhissāmī’’ti gantuṃ vaṭṭati. Saritvā yāva na bandhati, na tāva piṇḍāya caritabbaṃ.
2826. саб̣б̣ам̣ ааяуд̇хам̣ винаа саб̣б̣ам̣ лохаж̇ам̣ лохамаяабхан̣д̣ан̃жа бад̇д̇ам̣, сан̇гаманийяабаад̣̇угам̣, яат̇аавуд̇д̇алагкан̣ам̣ баллан̇гам̣, аасанд̣̇ин̃жа винаа саб̣б̣ам̣ д̣̇ааруж̇ам̣ д̣̇аарумаяабхан̣д̣ан̃жа вуд̇д̇алагкан̣амзва гад̇агам̣ , гумбхагааригам̣ д̇ханияассзва саб̣б̣амад̇д̇игаамаяам̣ гудин̃жа винаа саб̣б̣ам̣ мад̇д̇игаамаяам̣ бхан̣д̣ан̃жа габбияанд̇и яож̇анаа.
2826. Sabbaṃ āyudhaṃ vinā sabbaṃ lohajaṃ lohamayabhaṇḍañca pattaṃ, saṅkamanīyapādukaṃ, yathāvuttalakkhaṇaṃ pallaṅkaṃ, āsandiñca vinā sabbaṃ dārujaṃ dārumayabhaṇḍañca vuttalakkhaṇameva katakaṃ, kumbhakārikaṃ dhaniyasseva sabbamattikāmayaṃ kuṭiñca vinā sabbaṃ mattikāmayaṃ bhaṇḍañca kappiyanti yojanā.
куд̣̇д̣̇агавад̇т̇угканд̇хагагат̇ааван̣н̣анаа.
Khuddakavatthukkhandhakakathāvaṇṇanā.
