Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā

17. куд̣̇д̣̇агавад̇т̇увибхан̇г̇о

17. Khuddakavatthuvibhaṅgo

1. згагамаад̇игаад̣̇иван̣н̣анаа

1. Ekakamātikādivaṇṇanā

832. ‘‘д̇зд̇д̇им̣сад̇и д̇игаа’’д̇и вуд̇д̇ам̣, д̇з бана бан̃жад̇им̣са. д̇ат̇аа ‘‘бурисамалаад̣̇аяо адта навагаа’’д̇и вуд̇д̇ам̣, д̇з бана аагхаад̇авад̇т̇уаад̣̇аяо нава. яз ‘‘д̣̇вз адтаарасагаа’’д̇иаад̣̇имхи вуд̇д̇аа, д̇з зва ‘‘ид̇и ад̇ийд̇аани чад̇д̇им̣саа’’д̇иаад̣̇инаа д̇аяо чад̇д̇им̣сагаа гад̇аад̇и ааха ‘‘ча адтаарасагаа’’д̇и, д̣̇ваасадти бана д̣̇идтиг̇ад̇аани ан̃н̃ад̇т̇а вуд̇д̇абхаавзнзва ид̇ха нигкид̇д̇аанийд̇и на г̇ахид̇аанийд̇и д̣̇адтаб̣б̣аани.

832. ‘‘Tettiṃsati tikā’’ti vuttaṃ, te pana pañcatiṃsa. Tathā ‘‘purisamalādayo aṭṭha navakā’’ti vuttaṃ, te pana āghātavatthuādayo nava. Ye ‘‘dve aṭṭhārasakā’’tiādimhi vuttā, te eva ‘‘iti atītāni chattiṃsā’’tiādinā tayo chattiṃsakā katāti āha ‘‘cha aṭṭhārasakā’’ti, dvāsaṭṭhi pana diṭṭhigatāni aññattha vuttabhāveneva idha nikkhittānīti na gahitānīti daṭṭhabbāni.

згагамаад̇игаад̣̇иван̣н̣анаа нидтид̇аа.

Ekakamātikādivaṇṇanā niṭṭhitā.

(1.) згаганид̣̇д̣̇зсаван̣н̣анаа

(1.) Ekakaniddesavaṇṇanā

843-844. ад̇т̇и бадижжам̣ наамаад̇и яат̇аа ‘‘жагкун̃жа бадижжаа’’д̇иаад̣̇ийсу ниссаяаад̣̇ибажжаяабхаавзна бадижжаад̇и вуд̇д̇ам̣, на д̇ат̇аа ид̇ха кад̇д̇ияаад̣̇иж̇аад̇ийнам̣ барамад̇т̇ад̇о авиж̇ж̇амаанаанам̣ ниссаяаад̣̇ибажжаяад̇д̇асса абхааваа. язсу бана канд̇хзсу санд̇зсу кад̇д̇ияаад̣̇исаммуд̇и ход̇и, д̇зсам̣ аб̣б̣ожчиннад̇аава кад̇д̇ияаад̣̇иж̇аад̇ияаа ад̇т̇ид̇аа, саа ид̇ха бадижжа-сад̣̇д̣̇зна вибхаавид̇аад̇и ад̇т̇о. згиссаа сзн̣ияаад̇и асамбхиннааяаад̇и ад̇т̇о.

843-844. Atthi paṭiccaṃ nāmāti yathā ‘‘cakkhuñca paṭiccā’’tiādīsu nissayādipaccayabhāvena paṭiccāti vuttaṃ, na tathā idha khattiyādijātīnaṃ paramatthato avijjamānānaṃ nissayādipaccayattassa abhāvā. Yesu pana khandhesu santesu khattiyādisammuti hoti, tesaṃ abbocchinnatāva khattiyādijātiyā atthitā, sā idha paṭicca-saddena vibhāvitāti attho. Ekissā seṇiyāti asambhinnāyāti attho.

бан̃хависсаж̇ж̇анаад̣̇игирияаасу бурад̇о гаран̣ам̣ бурзгкааро. нигкзбараасийд̇и нид̇хаанарааси. бад̇т̇адаагид̇д̇инод̇и вид̇т̇ин̣н̣аагид̇д̇ино. рад̇д̇ан̃н̃умад̣̇од̇и бураан̣ан̃н̃уд̇аамад̣̇од̇и вад̣̇анд̇и. жирарад̇д̇иж̇аад̇зна, жирарад̇д̇ибаб̣б̣аж̇ид̇зна ваа ж̇аанид̇аб̣б̣асса, рад̇д̇ийнамзва ваа ж̇аананамад̣̇о. убадтаабагамаанод̇и аан̣аагаран̣амаано. аан̣аагаран̣ан̃хи вижааран̣ам̣ ид̇ха ‘‘яасо’’д̇и вуд̇д̇анд̇и. бариман̣д̣алад̇д̇абхааваниссид̇о маано барин̣аахамад̣̇о. сарийрасамбад̇д̇ибаарибуурияаа мад̣̇о баарибууримад̣̇о.

Pañhavissajjanādikiriyāsu purato karaṇaṃ purekkhāro. Nikkheparāsīti nidhānarāsi. Patthaṭākittinoti vitthiṇṇākittino. Rattaññumadoti purāṇaññutāmadoti vadanti. Cirarattijātena, cirarattipabbajitena vā jānitabbassa, rattīnameva vā jānanamado. Upaṭṭhāpakamānoti āṇākaraṇamāno. Āṇākaraṇañhi vicāraṇaṃ idha ‘‘yaso’’ti vuttanti. Parimaṇḍalattabhāvanissito māno pariṇāhamado. Sarīrasampattipāripūriyā mado pāripūrimado.

845. вад̇т̇унаа винааби вад̇д̇аб̣б̣ад̇ааяа авад̇т̇угам̣, на вад̇т̇уно абхааваа.

845. Vatthunā vināpi vattabbatāya avatthukaṃ, na vatthuno abhāvā.

846. жид̇д̇асса воссаж̇ж̇ананд̇и жид̇д̇асса сад̇ид̇о мужжанам̣, гааяад̣̇ужжарид̇аад̣̇ийсу багканд̣̇анам̣ ваа воссаг̇г̇о. бад̇идтаабхаавод̇и гусалагаран̣з адтаанам̣, анудтаананд̇и ад̇т̇о. бамаад̣̇асан̇каад̇асса ад̇т̇асса гааяад̣̇ужжарид̇з жид̇д̇асса воссаг̇г̇о баан̣аад̇ибаад̇з мижчаад̣̇идтияам̣ год̇хз убанаахзд̇и звамаад̣̇иго барияааяо абарияанд̇о, д̇ад̣̇ад̇т̇ад̇аббарияааяаббагаасаго воссаг̇г̇аниссаг̇г̇аад̣̇иго б̣яан̃ж̇анабарияааяо жаад̇и саб̣б̣ам̣ д̇ам̣ сан̇кибид̇ваа зваруубод̇и ид̣̇ам̣ аагааранид̣̇ассанам̣ саб̣б̣абарияааяасса вад̇д̇ум̣ асаггун̣зяяад̇д̇аа гад̇анд̇и д̣̇ассзнд̇о ааха ‘‘барияанд̇аабхаавад̇о’’д̇и. виссадтаагаарод̇и сад̇ияаа бажжанийгабхууд̇з жад̇д̇ааро канд̇хз д̣̇ассзд̇и.

846. Cittassa vossajjananti cittassa satito muccanaṃ, kāyaduccaritādīsu pakkhandanaṃ vā vossaggo. Patiṭṭhābhāvoti kusalakaraṇe aṭṭhānaṃ, anuṭṭhānanti attho. Pamādasaṅkhātassa atthassa kāyaduccarite cittassa vossaggo pāṇātipāte micchādiṭṭhiyaṃ kodhe upanāheti evamādiko pariyāyo apariyanto, tadatthatappariyāyappakāsako vossagganissaggādiko byañjanapariyāyo cāti sabbaṃ taṃ saṅkhipitvā evarūpoti idaṃ ākāranidassanaṃ sabbapariyāyassa vattuṃ asakkuṇeyyattā katanti dassento āha ‘‘pariyantābhāvato’’ti. Vissaṭṭhākāroti satiyā paccanīkabhūte cattāro khandhe dasseti.

847. жид̇д̇асса т̇ад̣̇д̇хад̇аа д̇ат̇аабавад̇д̇ажид̇д̇амзваад̇и вад̣̇анд̇и, маанависзсо ваа д̣̇адтаб̣б̣о. убасан̇гаманз ванд̣̇ид̇аб̣б̣ам̣ ход̇ийд̇и барияанд̇знзва жарад̇и.

847. Cittassa thaddhatā tathāpavattacittamevāti vadanti, mānaviseso vā daṭṭhabbo. Upasaṅkamane vanditabbaṃ hotīti pariyanteneva carati.

848. ‘‘аабад̇д̇им̣ аабанносий’’д̇и вуд̇д̇з ‘‘аавусо, д̇вам̣ аабанносий’’д̇иаад̣̇инаа д̇зна вуд̇д̇ам̣ д̇ассзва убари кибанавасзна ‘‘бадибпарид̇ваа’’д̇и вад̣̇анд̇и. ‘‘д̇асмим̣ наама д̣̇алид̣̇д̣̇з, агусалз ваа ид̣̇ам̣ гаронд̇з ахам̣ гасмаа на гаромий’’д̇и звам̣ ид̇ха бадибпаран̣ам̣ яуд̇д̇ам̣. гаран̣асса уд̇д̇арагирияаа гаран̣уд̇д̇арияам̣. агусалабагко зсаад̇и саарамбход̇и ад̇хиббааяо.

848. ‘‘Āpattiṃ āpannosī’’ti vutte ‘‘āvuso, tvaṃ āpannosī’’tiādinā tena vuttaṃ tasseva upari khipanavasena ‘‘paṭippharitvā’’ti vadanti. ‘‘Tasmiṃ nāma dalidde, akusale vā idaṃ karonte ahaṃ kasmā na karomī’’ti evaṃ idha paṭippharaṇaṃ yuttaṃ. Karaṇassa uttarakiriyā karaṇuttariyaṃ. Akusalapakkho esāti sārambhoti adhippāyo.

849. ад̇ижжа ижчад̇ийд̇и ад̇ижжижчо, д̇асса бхааво ад̇ижжижчад̇аад̇и вад̇д̇аб̣б̣з жжи-гааралобам̣ гад̇ваа ‘‘ад̇ижчад̇аа’’д̇и вуд̇д̇ам̣. ад̇рижчад̇аад̇и жа саа зва вужжад̇ийд̇и. д̇ад̇рааби нзруд̇д̇игавид̇хаанзна бад̣̇асид̣̇д̇хи взд̣̇ид̇аб̣б̣аа. яат̇аалад̣̇д̇хам̣ ваа ад̇иггамид̇ваа ад̇ра ад̇ра ижчанам̣ ад̇рижчад̇аа, саа зва ра-гаарасса д̇а-гаарам̣ гад̇ваа ‘‘ад̇ижчад̇аа’’д̇и вуд̇д̇аа.

849. Aticca icchatīti aticciccho, tassa bhāvo aticcicchatāti vattabbe cci-kāralopaṃ katvā ‘‘aticchatā’’ti vuttaṃ. Atricchatāti ca sā eva vuccatīti. Tatrāpi neruttikavidhānena padasiddhi veditabbā. Yathāladdhaṃ vā atikkamitvā atra atra icchanaṃ atricchatā, sā eva ra-kārassa ta-kāraṃ katvā ‘‘aticchatā’’ti vuttā.

ад̇рижчанд̇и ад̇ижчам̣, ад̇ра ваа ижчанд̇о. гзна? ад̇илобхзна ад̇илобхамижчаасан̇каад̇зна ад̇илобхамад̣̇зна жа. ад̇д̇ано хид̇ам̣ ад̇д̇аад̇и вуд̇д̇ам̣. хааяад̇и ж̇ийрад̇и, аад̣̇ин̣н̣о ваа ад̇д̇аа, бад̇д̇о ваа ад̇д̇аа, нам̣ ж̇ийрад̇и жанд̣̇агиннарим̣ бад̇т̇аяид̇ваа асид̇аабхууд̣̇звияаа вихийно вияа.

Atricchanti aticchaṃ, atra vā icchanto. Kena? Atilobhena atilobhamicchāsaṅkhātena atilobhamadena ca. Attano hitaṃ attāti vuttaṃ. Hāyati jīrati, ādiṇṇo vā attā, patto vā attā, naṃ jīrati candakinnariṃ patthayitvā asitābhūdeviyā vihīno viya.

ижчаахад̇ассаад̇и ижчааяа убад̣̇д̣̇уд̇асса, муд̣̇д̣̇ид̇асса ваа.

Icchāhatassāti icchāya upaddutassa, mudditassa vā.

ад̇ихийл̣аяаанод̇и аваман̃н̃амаано. малаганд̇и звам̣наамагам̣ ж̇анабад̣̇ам̣, аб̣бхогаасам̣ ваа. год̣̇ан̣д̣агзнаад̇и гуд̣̇ан̣д̣агзна рассад̣̇ан̣д̣агзна. г̇ад̣̇д̣̇улзнаад̇и жа вад̣̇анд̇и. рухирамагкид̇ан̇г̇од̇и рухирасиннаг̇ад̇д̇о.

Atihīḷayānoti avamaññamāno. Malakanti evaṃnāmakaṃ janapadaṃ, abbhokāsaṃ vā. Kodaṇḍakenāti kudaṇḍakena rassadaṇḍakena. Gaddulenāti ca vadanti. Ruhiramakkhitaṅgoti ruhirasinnagatto.

850. ж̇аананд̇ассзва бхияяо бхияяо жод̣̇знд̇о вияа самбхаавзд̇угаамо ход̇и. бажжаязд̇и убаад̣̇аанаад̣̇ибажжаяз.

850. Jānantasseva bhiyyo bhiyyo codento viya sambhāvetukāmo hoti. Paccayeti upādānādipaccaye.

851. яз бад̇ируубзна ван̃жзнд̇и, д̇з г̇ан̣тигаа, д̣̇ураажаарзна ваа г̇ан̣тибхууд̇аа. г̇ан̣тигабуд̇д̇аа наама г̇ан̣тигаа зва хонд̇и, д̇зна сад̣̇д̇хивихааригаа г̇ан̣тигабхаавзна ‘‘т̇зро…бз… д̣̇ийгхажан̇гамз вихарад̇ий’’д̇и вад̣̇анд̇и.

851. Ye patirūpena vañcenti, te gaṇṭhikā, durācārena vā gaṇṭhibhūtā. Gaṇṭhikaputtā nāma gaṇṭhikā eva honti, tena saddhivihārikā gaṇṭhikabhāvena ‘‘thero…pe… dīghacaṅkame viharatī’’ti vadanti.

ваддад̇и бханд̇зд̇и аяамби зго багааро, лаабхинаа зва бана саггаа н̃аад̇унд̇и ад̇д̇ано самаабад̇д̇илаабхид̇ам̣ суужзд̇ийд̇и ад̇т̇о. бан̃жад̇д̇аяам̣ наама убарибан̣н̣аасагз д̣̇уд̇ияасуд̇д̇ам̣ (ма. ни. 3.21 аад̣̇аяо). д̇асса г̇амбхийрад̇д̇аа вад̣̇ад̇и ‘‘бан̃жад̇д̇аяам̣ ологзнд̇ассаа’’д̇и.

Vaṭṭati bhanteti ayampi eko pakāro, lābhinā eva pana sakkā ñātunti attano samāpattilābhitaṃ sūcetīti attho. Pañcattayaṃ nāma uparipaṇṇāsake dutiyasuttaṃ (ma. ni. 3.21 ādayo). Tassa gambhīrattā vadati ‘‘pañcattayaṃ olokentassā’’ti.

852. син̇г̇анд̇и син̇г̇аарам̣. д̇ан̃хи гусаласса виж̇жханад̇о самаасзвид̇ад̇ааяа сийсз баригкад̇ам̣ суникад̇ам̣ висаан̣ам̣ вияа, т̇ирад̇д̇аа жа син̇г̇ам̣ вияаад̇и син̇г̇ам̣, д̇ам̣ банад̇т̇ад̇о рааг̇о.

852. Siṅganti siṅgāraṃ. Tañhi kusalassa vijjhanato samāsevitatāya sīse parikkhataṃ sunikhataṃ visāṇaṃ viya, thirattā ca siṅgaṃ viyāti siṅgaṃ, taṃ panatthato rāgo.

853. д̇зманагаран̣ад̇т̇з д̇инд̇ин̣а-сад̣̇д̣̇о д̣̇адтаб̣б̣о. кийяананд̇и жа язна лобхзна барам̣ маманд̇и вад̣̇анд̇ам̣ кийяад̇и, со вуд̇д̇о. кийяанам̣ бхан̣д̣ананд̇и жа вад̣̇анд̇и. д̇инд̇ин̣анд̇и ваа лолуббамижжзва вуд̇д̇ам̣ ход̇и. сан̃н̃аа-сад̣̇д̣̇о хи зсо лолуббаваажагод̇и.

853. Temanakaraṇatthe tintiṇa-saddo daṭṭhabbo. Khīyananti ca yena lobhena paraṃ mamanti vadantaṃ khīyati, so vutto. Khīyanaṃ bhaṇḍananti ca vadanti. Tintiṇanti vā loluppamicceva vuttaṃ hoti. Saññā-saddo hi eso loluppavācakoti.

854. ууруббамаан̣аабийд̇и зд̇зна маханд̇агханабхаавзна абууд̇ид̇ам̣ д̣̇ассзд̇и. ат̇аваад̇иаад̣̇инаа жийвараман̣д̣анаад̣̇ийнам̣ висзсанаани ‘‘имасса ваа бууд̇игааяасса б̣аахираанам̣ ваа баригкаараанам̣ ман̣д̣анаа’’д̇иаад̣̇ийнийд̇и д̣̇ассзд̇и. жийварзна хи ман̣д̣анаа жийвараман̣д̣анаа, жийварасса ваа ман̣д̣анаа жийвараман̣д̣анаа, звам̣ бад̇д̇аман̣д̣анаа сзнаасанаман̣д̣анаа жаад̇и ад̇хиббааяо. уунадтаанабууран̣ам̣ чавирааг̇асусан̣таанаад̣̇игаран̣ан̃жа жийвараад̣̇ийсу гааяз жа яат̇ааяог̇ам̣ яож̇зд̇аб̣б̣ам̣. д̇ад̣̇ахуж̇аад̇ад̣̇аараго вияа ход̇ийд̇и д̣̇аарагажаабаляам̣ на мун̃жад̇ийд̇и ад̇т̇о.

854. Ūruppamāṇāpīti etena mahantaghanabhāvena apūtitaṃ dasseti. Athavātiādinā cīvaramaṇḍanādīnaṃ visesanāni ‘‘imassa vā pūtikāyassa bāhirānaṃ vā parikkhārānaṃ maṇḍanā’’tiādīnīti dasseti. Cīvarena hi maṇḍanā cīvaramaṇḍanā, cīvarassa vā maṇḍanā cīvaramaṇḍanā, evaṃ pattamaṇḍanā senāsanamaṇḍanā cāti adhippāyo. Ūnaṭṭhānapūraṇaṃ chavirāgasusaṇṭhānādikaraṇañca cīvarādīsu kāye ca yathāyogaṃ yojetabbaṃ. Tadahujātadārako viya hotīti dārakacāpalyaṃ na muñcatīti attho.

855. сад̣̇исаа ануруубаа бхад̇д̇и сабхааг̇о, на сабхааг̇о асабхааг̇о, маанат̇ад̣̇д̇хад̇аа, вирод̇хо ваа. д̇знасса маад̇аад̣̇ийсу вад̇д̇анам̣ асабхааг̇авуд̇д̇ид̇аа. звам̣вид̇хаанам̣ маанаад̇хигаанам̣ агусалаанамид̣̇ам̣ наамам̣.

855. Sadisā anurūpā bhatti sabhāgo, na sabhāgo asabhāgo, mānathaddhatā, virodho vā. Tenassa mātādīsu vattanaṃ asabhāgavuttitā. Evaṃvidhānaṃ mānādhikānaṃ akusalānamidaṃ nāmaṃ.

856. барид̇ассид̇аад̇и сан̇гамбанаа, угган̣тид̇асса ваа д̇асса д̇асса д̇ан̣хааяанаа.

856. Paritassitāti saṅkampanā, ukkaṇṭhitassa vā tassa tassa taṇhāyanā.

857. гусалагаран̣з гааяасса авибпааригад̇аа лийнад̇аа ж̇аад̇иааласяам̣, на рог̇ауд̇убхож̇анаад̣̇ийхи гааяаг̇злан̃н̃ам̣ д̇анд̣̇ий наама, ат̇а ко багад̇иааласяанд̇и ад̇т̇о. гааяааласияанд̇и наамагааяасса ааласияам̣, д̇ад̣̇зва руубагааяассаабийд̇и д̣̇адтаб̣б̣ам̣.

857. Kusalakaraṇe kāyassa avipphārikatā līnatā jātiālasyaṃ, na rogautubhojanādīhi kāyagelaññaṃ tandī nāma, atha kho pakatiālasyanti attho. Kāyālasiyanti nāmakāyassa ālasiyaṃ, tadeva rūpakāyassāpīti daṭṭhabbaṃ.

858. ажжасанаад̣̇ийхи уббаннад̇хаад̇угкобханимид̇д̇ам̣ ааласияам̣ виж̇амбхид̇аа.

858. Accasanādīhi uppannadhātukkhobhanimittaṃ ālasiyaṃ vijambhitā.

859. бхад̇д̇анимид̇д̇зна уббаннам̣ ааласяам̣ бхад̇д̇асаммад̣̇о.

859. Bhattanimittena uppannaṃ ālasyaṃ bhattasammado.

860. имзхи банаад̇и жид̇д̇асса агаляад̇аад̣̇ийхи. саб̣б̣ад̇т̇а гилзсавасзнаад̇и т̇инамид̣̇д̇хагааран̣аанам̣ рааг̇аад̣̇ийнам̣ васзнаад̇и д̣̇адтаб̣б̣ам̣.

860. Imehi panāti cittassa akalyatādīhi. Sabbattha kilesavasenāti thinamiddhakāraṇānaṃ rāgādīnaṃ vasenāti daṭṭhabbaṃ.

861. саммааааж̇ийвад̇о абзд̇о гад̇од̇и абагад̇о. со ааж̇ийвубад̣̇д̣̇авзна убад̣̇д̣̇уд̇од̇и гад̇ваа ааха ‘‘убад̣̇д̣̇уд̇ассаад̇и ад̇т̇о’’д̇и.

861. Sammāājīvato apeto katoti apakato. So ājīvupaddavena upaddutoti katvā āha ‘‘upaddutassāti attho’’ti.

д̇ивид̇хамби д̇ам̣ д̇ад̇т̇а ааг̇ад̇ам̣ д̇асса ниссаяабхууд̇ааяа имааяа баал̣ияаа д̣̇ассзд̇унд̇и звамад̇т̇о д̣̇адтаб̣б̣о.

Tividhampi taṃ tattha āgataṃ tassa nissayabhūtāya imāya pāḷiyā dassetunti evamattho daṭṭhabbo.

баабан̣игаанийд̇и аабан̣ад̇о чад̣д̣ид̇аани. нанд̇агаанийд̇и анд̇арахид̇аани, жийраани ваа. г̇илаанасса бажжаяабхууд̇аа бхзсаж̇ж̇асан̇каад̇аа ж̇ийвид̇абаригкаараа г̇илаанабажжаяабхзсаж̇ж̇абаригкаараа. бууд̇имуд̇д̇анд̇и бураан̣асса абураан̣асса жа саб̣б̣асса г̇омуд̇д̇ассзд̇ам̣ наамам̣. бууд̇ибхаавзна чад̣д̣ид̇осад̇ханд̇иби гзжи.

Pāpaṇikānīti āpaṇato chaḍḍitāni. Nantakānīti antarahitāni, cīrāni vā. Gilānassa paccayabhūtā bhesajjasaṅkhātā jīvitaparikkhārā gilānapaccayabhesajjaparikkhārā. Pūtimuttanti purāṇassa apurāṇassa ca sabbassa gomuttassetaṃ nāmaṃ. Pūtibhāvena chaḍḍitosadhantipi keci.

аг̇аб̣бхигаа згад̣̇ваараа д̣̇ийгхасаалаа гира уд̣̇д̣̇ан̣д̣о. гужчид̇араж̇абхууд̇ааяа баабижчад̇ааяа нирад̇т̇агагааяаважийвибпанд̣̇аниг̇г̇ахан̣ам̣ гораж̇ам̣, д̇ам̣ зд̇асса ад̇т̇ийд̇и гораж̇иго, ад̇ивияа гораж̇иго гораж̇игагораж̇иго. ад̇ибарисан̇гид̇од̇и гзжи. мукасамбхаавид̇од̇и гораж̇игагораж̇игаад̣̇ибхаавзна бавад̇д̇аважанзхи ад̇д̇ано мукамад̇д̇зна ан̃н̃зхи самбхаавид̇о. со зваруубо зваруубад̇ааяа зва ад̇д̇аанам̣ барам̣ вияа гад̇ваа ‘‘аяам̣ саман̣о’’д̇иаад̣̇им̣ гат̇зд̇и.

Agabbhikā ekadvārā dīghasālā kira uddaṇḍo. Kucchitarajabhūtāya pāpicchatāya niratthakakāyavacīvipphandaniggahaṇaṃ korajaṃ, taṃ etassa atthīti korajiko, ativiya korajiko korajikakorajiko. Atiparisaṅkitoti keci. Mukhasambhāvitoti korajikakorajikādibhāvena pavattavacanehi attano mukhamattena aññehi sambhāvito. So evarūpo evarūpatāya eva attānaṃ paraṃ viya katvā ‘‘ayaṃ samaṇo’’tiādiṃ katheti.

бан̣ид̇хааяаад̇и ‘‘арахаад̇и мам̣ ж̇аананд̇уу’’д̇и жид̇д̇ам̣ табзд̇ваа, бад̇т̇зд̇ваа ваа. аабаат̇агаж̇жхааяийд̇и мануссаанам̣ аабаат̇адтаанз самаад̇хим̣ самаабанно вияа нисийд̣̇анд̇о аабаат̇агз ж̇анасса баагададтаанз жхааяий.

Paṇidhāyāti ‘‘arahāti maṃ jānantū’’ti cittaṃ ṭhapetvā, patthetvā vā. Āpāthakajjhāyīti manussānaṃ āpāthaṭṭhāne samādhiṃ samāpanno viya nisīdanto āpāthake janassa pākaṭaṭṭhāne jhāyī.

ан̃н̃ам̣ вияа гад̇ваа ад̇д̇ано самийбз бхан̣анам̣ сааманд̇аж̇аббид̇ам̣. аагаарасса рассад̇д̇ам̣ гад̇ваа ‘‘атабанаа’’д̇и вуд̇д̇ам̣. гуханам̣ гухо, д̇асса аяанаа бавад̇д̇и гухааяанаа, гухасса ваа буг̇г̇аласса аяанаа г̇ад̇игирияаа гухааяанаа.

Aññaṃ viya katvā attano samīpe bhaṇanaṃ sāmantajappitaṃ. Ākārassa rassattaṃ katvā ‘‘aṭhapanā’’ti vuttaṃ. Kuhanaṃ kuho, tassa ayanā pavatti kuhāyanā, kuhassa vā puggalassa ayanā gatikiriyā kuhāyanā.

862. будтассаад̇и ‘‘го д̇иссо, го рааж̇абууж̇ид̇о’’д̇и будтасса. наханаад̇и б̣анд̇ханаа баривзтанаа.

862. Puṭṭhassāti ‘‘ko tisso, ko rājapūjito’’ti puṭṭhassa. Nahanāti bandhanā pariveṭhanā.

863. нимид̇д̇зна жаранд̇о ж̇ийванд̇о нимид̇д̇агаараго нзмид̇д̇иго, д̇асса бхааво нзмид̇д̇игад̇аа. ад̇д̇ано ижчааяа багаасанам̣ обхаасо. го бана сод̇и? ‘‘аж̇ж̇а бхигкуунам̣ бажжаяаа д̣̇уллабхаа ж̇аад̇аа’’д̇иаад̣̇игаа бажжаяабадисам̣яуд̇д̇агат̇аа. ижчид̇авад̇т̇усса самийбз гат̇анам̣ сааманд̇аж̇аббаа.

863. Nimittena caranto jīvanto nimittakārako nemittiko, tassa bhāvo nemittikatā. Attano icchāya pakāsanaṃ obhāso. Ko pana soti? ‘‘Ajja bhikkhūnaṃ paccayā dullabhā jātā’’tiādikā paccayapaṭisaṃyuttakathā. Icchitavatthussa samīpe kathanaṃ sāmantajappā.

864. б̣ахи чад̣д̣анам̣ угкзбанаа. барабидтимам̣сакаад̣̇анасийло барабидтимам̣сиго, д̇асса бхааво барабидтимам̣сигад̇аа.

864. Bahi chaḍḍanaṃ ukkhepanā. Parapiṭṭhimaṃsakhādanasīlo parapiṭṭhimaṃsiko, tassa bhāvo parapiṭṭhimaṃsikatā.

865. нигад̇д̇ум̣ аббзна лаабхзна б̣ахугам̣ ван̃жзд̇ваа г̇ахзд̇ум̣ ижчанам̣ ниж̇иг̇ийсанам̣, д̇асса бхааво ниж̇иг̇ийсанад̇аа. д̇ассзва ижчанасса бавад̇д̇иаагааро, д̇ам̣сахаж̇аад̇ам̣ ваа г̇авзсанагаммам̣.

865. Nikattuṃ appena lābhena bahukaṃ vañcetvā gahetuṃ icchanaṃ nijigīsanaṃ, tassa bhāvo nijigīsanatā. Tasseva icchanassa pavattiākāro, taṃsahajātaṃ vā gavesanakammaṃ.

866. ван̣н̣асамбаннам̣ богкарам̣ ван̣н̣абогкаранд̇и уд̇д̇арабад̣̇алобо буб̣б̣абад̣̇асса д̣̇адтаб̣б̣о, ван̣н̣абаарибуурий ваа ван̣н̣абогкарад̇аа. ‘‘ад̇т̇аж̇аабигаа’’д̇и зд̇т̇а вияа ж̇аба-сад̣̇д̣̇о уббад̇д̇иваажагод̇и ааха ‘‘бавад̇д̇зд̇ий’’д̇и.

866. Vaṇṇasampannaṃ pokkharaṃ vaṇṇapokkharanti uttarapadalopo pubbapadassa daṭṭhabbo, vaṇṇapāripūrī vā vaṇṇapokkharatā. ‘‘Atthajāpikā’’ti ettha viya japa-saddo uppattivācakoti āha ‘‘pavattetī’’ti.

867. сзяяасад̣̇исамаанаа уннад̇ивасзна бавад̇д̇аад̇и убхаяад̇т̇ааби ‘‘маанам̣ ж̇аббзд̇ий’’д̇и вуд̇д̇ам̣.

867. Seyyasadisamānā unnativasena pavattāti ubhayatthāpi ‘‘mānaṃ jappetī’’ti vuttaṃ.

868. хийнамаано бана онад̇ивасзна бавад̇д̇ид̇о гзвалзна маанасад̣̇д̣̇зна нид̣̇д̣̇зсам̣ наарахад̇ийд̇и д̇ам̣нид̣̇д̣̇зсз ‘‘омаанам̣ ж̇аббзд̇ий’’д̇и (вибха. 874) вуд̇д̇ам̣.

868. Hīnamāno pana onativasena pavattito kevalena mānasaddena niddesaṃ nārahatīti taṃniddese ‘‘omānaṃ jappetī’’ti (vibha. 874) vuttaṃ.

872. рааж̇абхог̇зна радтабхун̃ж̇анаго рааж̇аниссид̇о радтияо.

872. Rājabhogena raṭṭhabhuñjanako rājanissito raṭṭhiyo.

879. буг̇г̇алам̣ анаамасид̇ваад̇и яат̇аа сзяяасса сзяяамаанаад̣̇инид̣̇д̣̇зсзсу ‘‘барзхи сзяяам̣ ад̇д̇аанам̣ д̣̇ахад̇ий’’д̇и сзяяаад̣̇ибуг̇г̇ало маануббаад̣̇аго аамадто, звамзд̇асса сзяяамаанабхаавзби маануббаад̣̇агабуг̇г̇алависзсам̣ анаамасид̇ваа ‘‘барз ад̇иман̃н̃ад̇и’’жжзва вуд̇д̇анд̇и ад̇т̇о. барз ад̇иггамид̇ваа ман̃н̃анан̃хи яасса гассажи ад̇имаанод̇и.

879. Puggalaṃ anāmasitvāti yathā seyyassa seyyamānādiniddesesu ‘‘parehi seyyaṃ attānaṃ dahatī’’ti seyyādipuggalo mānuppādako āmaṭṭho, evametassa seyyamānabhāvepi mānuppādakapuggalavisesaṃ anāmasitvā ‘‘pare atimaññati’’cceva vuttanti attho. Pare atikkamitvā maññanañhi yassa kassaci atimānoti.

880. буримамаанасса убаримаано маанаад̇имаано, ад̇и-сад̣̇д̣̇о убари-сад̣̇д̣̇асса ад̇т̇ам̣ вад̣̇ад̇ийд̇и д̣̇адтаб̣б̣о. буримамаанам̣ ваа ад̇игганд̇о маано маанаад̇имаано.

880. Purimamānassa uparimāno mānātimāno, ati-saddo upari-saddassa atthaṃ vadatīti daṭṭhabbo. Purimamānaṃ vā atikkanto māno mānātimāno.

881. багкиж̇аад̇ийсу вааяасо анд̇о лаамагод̇и гад̇ваа ‘‘гаагаж̇аад̇и вияаа’’д̇и вуд̇д̇ам̣.

881. Pakkhijātīsu vāyaso anto lāmakoti katvā ‘‘kākajāti viyā’’ti vuttaṃ.

882. т̇зро гира д̣̇осажарид̇о ахоси, д̇асмаа аад̣̇ид̇ова ‘‘д̇умхз акийн̣аасаваа’’д̇и авад̇ваа убааязна гат̇зсийд̇и вад̣̇анд̇и, д̣̇осажарид̇ад̇д̇аа ваа киббам̣ д̇ад̇ияабад̣̇аваарз вирааг̇ам̣ уббаад̣̇зсийд̇и ад̇хиббааяо.

882. Thero kira dosacarito ahosi, tasmā āditova ‘‘tumhe akhīṇāsavā’’ti avatvā upāyena kathesīti vadanti, dosacaritattā vā khippaṃ tatiyapadavāre virāgaṃ uppādesīti adhippāyo.

883. маанам̣ ануг̇ад̇ажчанд̣̇од̇и маанасамбаяуд̇д̇ачанд̣̇о, маанасабхаавам̣ ануг̇ад̇о маанажчанд̣̇о ваа.

883. Mānaṃanugatacchandoti mānasampayuttachando, mānasabhāvaṃ anugato mānacchando vā.

884. ‘‘виламб̣ана’’нд̇и жа ид̇т̇ибурисасаммаананаад̣̇игирияаад̣̇ивиламб̣анабадисам̣яуд̇д̇ам̣ гад̇д̇аб̣б̣ам̣ д̣̇адтаб̣б̣ам̣. д̇ад̇т̇а яуд̇д̇амуд̇д̇асилидтам̣ бадибхаанам̣ виламб̣анабадибхаанам̣.

884. ‘‘Vilambana’’nti ca itthipurisasammānanādikiriyādivilambanapaṭisaṃyuttaṃ kattabbaṃ daṭṭhabbaṃ. Tattha yuttamuttasiliṭṭhaṃ paṭibhānaṃ vilambanapaṭibhānaṃ.

887. амараваад̣̇абадисам̣яуд̇д̇о вид̇агго, ад̇д̇ано амаран̣ад̇т̇ааяа д̣̇звабхаавад̇т̇ааяа ваа вид̇агго амаравид̇агго.

887. Amaravādapaṭisaṃyutto vitakko, attano amaraṇatthāya devabhāvatthāya vā vitakko amaravitakko.

888. барзсу ануд̣̇д̣̇аяаа рааг̇авасзна ануд̣̇д̣̇аяагаран̣ам̣ зд̇ассаад̇и бараануд̣̇д̣̇аяо, д̇асса бхааво бараануд̣̇д̣̇аяад̇аа, барзсу ваа ануд̣̇д̣̇аяассзва сахананд̣̇ид̇аад̣̇игасса бхааво бараануд̣̇д̣̇аяад̇аа, д̇аад̣̇исо рааг̇о. д̇ад̇т̇аад̇и бараануд̣̇д̣̇аяад̇ааяа сам̣садтавихаарзна д̣̇ассид̇ааяаад̇и ад̇т̇о яуж̇ж̇ад̇и.

888. Paresu anuddayā rāgavasena anuddayakaraṇaṃ etassāti parānuddayo, tassa bhāvo parānuddayatā, paresu vā anuddayasseva sahananditādikassa bhāvo parānuddayatā, tādiso rāgo. Tatthāti parānuddayatāya saṃsaṭṭhavihārena dassitāyāti attho yujjati.

890. анаван̃н̃ад̇д̇им̣ бад̇т̇знд̇о анаван̃н̃ад̇д̇ад̇т̇амзва гаамаг̇ун̣з жа бад̇т̇зд̇ийд̇и ааха ‘‘бан̃жагаама…бз… ниссид̇о худ̇ваа’’д̇и.

890. Anavaññattiṃ patthento anavaññattatthameva kāmaguṇe ca patthetīti āha ‘‘pañcakāma…pe… nissito hutvā’’ti.

згаганид̣̇д̣̇зсаван̣н̣анаа нидтид̇аа.

Ekakaniddesavaṇṇanā niṭṭhitā.

(2.) д̣̇уганид̣̇д̣̇зсаван̣н̣анаа

(2.) Dukaniddesavaṇṇanā

891. убанаяхад̇ийд̇и б̣анд̇хад̇и. а-гааро ананд̇арад̇т̇аваажаго, марияаад̣̇аваажагасса ваа аагаарасса рассад̇д̇ам̣ гад̇ваа ‘‘адтабанаа’’д̇и вуд̇д̇анд̇и ‘‘ананд̇арадтабанаа’’д̇иаад̣̇имааха. д̇ад̇т̇а батамуббаннасса бавад̇д̇аагааро марияаад̣̇аа, д̇ам̣ анад̇иггамид̇ваа д̇ассзва д̣̇ал̣хийгаран̣авасзна табанаа марияаад̣̇адтабанаа. багад̇идтабанаамад̇д̇амзва, висзсанарахид̇аад̇и ад̇т̇о.

891. Upanayhatīti bandhati. A-kāro anantaratthavācako, mariyādavācakassa vā ākārassa rassattaṃ katvā ‘‘aṭṭhapanā’’ti vuttanti ‘‘anantaraṭṭhapanā’’tiādimāha. Tattha paṭhamuppannassa pavattākāro mariyādā, taṃ anatikkamitvā tasseva daḷhīkaraṇavasena ṭhapanā mariyādaṭṭhapanā. Pakatiṭṭhapanāmattameva, visesanarahitāti attho.

892. нидтурияам̣ кзл̣абаад̇анам̣, нидтурияам̣ вияа нидтурияам̣. д̣̇ассзд̇ваад̇и д̣̇анд̇зхи чинд̣̇ид̇ваа. д̇зна бана д̣̇ассанам̣ бал̣аасод̇и д̣̇ассзд̇и. бал̣аасасса ааяанаад̇и яуг̇аг̇г̇аахаббавад̇д̇и. самабхаавад̣̇аханам̣ ж̇аяо, д̇асса аахаран̣ад̇о аахааро. д̇хурам̣ на д̣̇зд̇ийд̇и баамогкам̣ на д̣̇зд̇и.

892. Niṭṭhuriyaṃ kheḷapātanaṃ, niṭṭhuriyaṃ viya niṭṭhuriyaṃ. Dassetvāti dantehi chinditvā. Tena pana dassanaṃ paḷāsoti dasseti. Paḷāsassa āyanāti yugaggāhappavatti. Samabhāvadahanaṃ jayo, tassa āharaṇato āhāro. Dhuraṃ na detīti pāmokkhaṃ na deti.

894. гааязна жзд̇ияан̇г̇ан̣аад̣̇ивад̇д̇ам̣ гарод̇и ‘‘звам̣ вад̇д̇асамбанно сад̣̇д̇хо гат̇ам̣ гааяад̣̇ужжарид̇аад̣̇ийни гариссад̇ий’’д̇и барзсам̣ н̃аабанад̇т̇ам̣. ад̇ижжаад̇и ажжаяам̣ гад̇ваа. аасаранд̇ийд̇и ааг̇ажчанд̇и, буна бадижчаад̣̇анз бавад̇д̇анд̇ийд̇и ад̇т̇о. гонаамзвам̣ гарод̇ийд̇и вожчинд̣̇анажчаад̣̇анаа ваа вожчаад̣̇анаа.

894. Kāyena cetiyaṅgaṇādivattaṃ karoti ‘‘evaṃ vattasampanno saddho kathaṃ kāyaduccaritādīni karissatī’’ti paresaṃ ñāpanatthaṃ. Aticcāti accayaṃ katvā. Āsarantīti āgacchanti, puna paṭicchādane pavattantīti attho. Konāmevaṃ karotīti vocchindanacchādanā vā vocchādanā.

на саммаа бхаасид̇аад̇и яо на саммаа бхаасад̇и, со сатод̇и д̣̇ассзд̇и. гужчи ваа бидти ваа ж̇аанид̇ум̣ на саггаад̇и асанд̇аг̇ун̣асамбхааванзнзва жид̇д̇аануруубагирияаавирахад̇о ‘‘звам̣жид̇д̇о звам̣гирияо’’д̇и ж̇аанид̇ум̣ на саггаад̇и ад̇т̇о.

Na sammā bhāsitāti yo na sammā bhāsati, so saṭhoti dasseti. Kucchi vā piṭṭhi vā jānituṃ na sakkāti asantaguṇasambhāvaneneva cittānurūpakiriyāvirahato ‘‘evaṃcitto evaṃkiriyo’’ti jānituṃ na sakkāti attho.

аж̇о зва аж̇аамиг̇о. нзлагод̇и д̇арун̣аважчо. яат̇аа со яагко д̇аад̣̇исам̣ руубам̣ д̣̇ассзд̇ваа ‘‘аж̇аа’’д̇и сан̃н̃ааяа ааг̇ад̇ааг̇ад̇з каад̣̇ад̇и, звамаяамби д̇ам̣д̇ам̣сад̣̇исаг̇ун̣асамбхааванзна д̇з д̇з ван̃жзд̇и. д̇знзд̇ам̣ саатзяяам̣ мааяаад̇о б̣алавад̇араа ван̃жанаад̇и д̣̇адтаб̣б̣ам̣. д̇знзва ‘‘баригкад̇д̇ад̇аа’’д̇и вуд̇д̇ам̣.

Ajo eva ajāmigo. Nelakoti taruṇavaccho. Yathā so yakkho tādisaṃ rūpaṃ dassetvā ‘‘ajā’’ti saññāya āgatāgate khādati, evamayampi taṃtaṃsadisaguṇasambhāvanena te te vañceti. Tenetaṃ sāṭheyyaṃ māyāto balavatarā vañcanāti daṭṭhabbaṃ. Teneva ‘‘parikkhattatā’’ti vuttaṃ.

908. саггааяад̣̇идтаад̣̇ийнам̣ абхаавзби яам̣ сам̣яож̇анам̣ ход̇и, д̇ам̣ б̣ахид̣̇д̇хаа сам̣яож̇анад̇о б̣ахид̣̇д̇хаасам̣яож̇анасса буг̇г̇аласса висзсанабхууд̇ам̣ б̣ахид̣̇д̇хаасам̣яож̇анам̣ наама.

908. Sakkāyadiṭṭhādīnaṃ abhāvepi yaṃ saṃyojanaṃ hoti, taṃ bahiddhā saṃyojanato bahiddhāsaṃyojanassa puggalassa visesanabhūtaṃ bahiddhāsaṃyojanaṃ nāma.

д̣̇уганид̣̇д̣̇зсаван̣н̣анаа нидтид̇аа.

Dukaniddesavaṇṇanā niṭṭhitā.

(3.) д̇иганид̣̇д̣̇зсаван̣н̣анаа

(3.) Tikaniddesavaṇṇanā

909. агусаламуулаанзва ваддамуулаанийд̇и д̇зхи гат̇ид̇зхи ваддамууласамуд̣̇аажааро гат̇ид̇о ход̇ийд̇и ааха ‘‘д̇ийхи…бз… гат̇ид̇о’’д̇и.

909. Akusalamūlāneva vaṭṭamūlānīti tehi kathitehi vaṭṭamūlasamudācāro kathito hotīti āha ‘‘tīhi…pe… kathito’’ti.

919. сассад̇о логод̇иаад̣̇ид̣̇ассанамзва б̣рахмажарияам̣ могкасамбаабагам̣ уд̇д̇амажарияанд̇и д̣̇идтиг̇ад̇игзхи саммад̇анд̇и ааха ‘‘д̣̇идтиг̇ад̇игасаммад̇ассаа’’д̇и. руубааруубааважаравибаагзсу саад̇исаяо бхаварааг̇од̇и ад̇хиббааязна вуд̇д̇ам̣ ‘‘махааб̣рахмаана’’нд̇и.

919. Sassatolokotiādidassanameva brahmacariyaṃ mokkhasampāpakaṃ uttamacariyanti diṭṭhigatikehi sammatanti āha ‘‘diṭṭhigatikasammatassā’’ti. Rūpārūpāvacaravipākesu sātisayo bhavarāgoti adhippāyena vuttaṃ ‘‘mahābrahmāna’’nti.

920. гат̇ам̣вид̇ханд̇и гзнаагаарзна сан̣тид̇анд̇и ад̇т̇од̇и гад̇ваа ааха ‘‘аагаарасан̣таана’’нд̇и. маанатабанаад̇и сзяяаад̣̇ивасзна маанзна табанаа, маанасан̇каад̇аа ваа табанаа.

920. Kathaṃvidhanti kenākārena saṇṭhitanti atthoti katvā āha ‘‘ākārasaṇṭhāna’’nti. Mānaṭhapanāti seyyādivasena mānena ṭhapanā, mānasaṅkhātā vā ṭhapanā.

921. жзд̇асо уд̇раасо д̣̇оманассам̣, д̣̇осо ваа, д̇ам̣самбаяуд̇д̇аа ваа жзд̇анаад̣̇аяо.

921. Cetaso utrāso domanassaṃ, doso vā, taṃsampayuttā vā cetanādayo.

922. д̣̇зсанаасукад̇ааяаад̇и д̇ин̣н̣ам̣ ад̣̇д̇хаанам̣ васзна вижигижчааяа д̣̇зсанаа сукаа ‘‘ган̇кад̇и вижигижчад̇ий’’д̇и, на бана д̇ат̇аа мохзнаад̇и ад̇хиббааяо. ван̣н̣аад̣̇ибхзд̣̇ам̣ суд̇ваад̇и гзжи гира вад̣̇анд̇и ‘‘кад̇д̇ияаж̇ийво бан̣д̣уван̣н̣о. гасмаа? со хи буб̣б̣ан̣хз рамад̇и, буб̣б̣ан̣хз жа чааяаа бан̣д̣уван̣н̣аа. б̣раахман̣авзссасуд̣̇д̣̇аж̇ийваа од̣̇аад̇абийд̇агаал̣аван̣н̣аа. д̇з хи маж̇жханхасааяанхарад̇д̇ийсу од̣̇аад̇абийд̇агаал̣ачааяаа гаал̣ад̇амагаалзсу раманд̇ий’’д̇и д̇зсам̣ ван̣н̣абхзд̣̇ам̣, ‘‘б̣яаабий бариман̣д̣ало’’д̇иаад̣̇инаа гат̇знд̇аанам̣ сан̣таанабхзд̣̇ан̃жа суд̇ваа.

922. Desanāsukhatāyāti tiṇṇaṃ addhānaṃ vasena vicikicchāya desanā sukhā ‘‘kaṅkhati vicikicchatī’’ti, na pana tathā mohenāti adhippāyo. Vaṇṇādibhedaṃ sutvāti keci kira vadanti ‘‘khattiyajīvo paṇḍuvaṇṇo. Kasmā? So hi pubbaṇhe ramati, pubbaṇhe ca chāyā paṇḍuvaṇṇā. Brāhmaṇavessasuddajīvā odātapītakāḷavaṇṇā. Te hi majjhanhasāyanharattīsu odātapītakāḷachāyā kāḷatamakālesu ramantī’’ti tesaṃ vaṇṇabhedaṃ, ‘‘byāpī parimaṇḍalo’’tiādinā kathentānaṃ saṇṭhānabhedañca sutvā.

923. бурисабуг̇г̇алод̇и бад̣̇ад̣̇ваяам̣ згабад̣̇ам̣ гад̇ваа ж̇аананд̇аанам̣ васзнааяам̣ саммуд̇игат̇аа бавад̇д̇аа, бад̣̇анд̇арамзва ваа ид̣̇ам̣ буг̇г̇алаваажаганд̇и д̣̇ассзнд̇о ‘‘аяам̣ банаа’’д̇иаад̣̇имааха. ат̇а ваа бурисод̇и вуд̇д̇о жа буг̇г̇ало зва, на бурисинд̣̇рияаяуд̇д̇оваад̇и д̣̇ассанад̇т̇амби ‘‘бурисабуг̇г̇ало’’д̇и вуд̇д̇анд̇и взд̣̇ид̇аб̣б̣ам̣. адтасу ааб̣аад̇хзсууд̇и бид̇д̇асзмхаваад̇асамудтаанауд̇увибарин̣аамаж̇аобаггамигависамабарихаараж̇асаннибаад̇аж̇агаммасамудтаанзсу. буб̣б̣з гад̇анд̇и бураан̣ад̇арагаммам̣ ижчанд̇ийд̇и убабаж̇ж̇авзд̣̇анийяан̃жа гира бадигкибанд̇и. аан̣ад̇д̇имуулагзна ваад̇и яоби аан̣аабзд̇ваа вад̇хаб̣анд̇хаад̣̇ид̣̇угкам̣ уббаад̣̇зд̇и, д̇амби д̇ам̣муулагам̣ на ход̇и, иссараниммаанамууламзваад̇и ад̇хиббааяо.

923. Purisapuggaloti padadvayaṃ ekapadaṃ katvā jānantānaṃ vasenāyaṃ sammutikathā pavattā, padantarameva vā idaṃ puggalavācakanti dassento ‘‘ayaṃ panā’’tiādimāha. Atha vā purisoti vutto ca puggalo eva, na purisindriyayuttovāti dassanatthampi ‘‘purisapuggalo’’ti vuttanti veditabbaṃ. Aṭṭhasu ābādhesūti pittasemhavātasamuṭṭhānautuvipariṇāmajaopakkamikavisamaparihārajasannipātajakammasamuṭṭhānesu. Pubbe katanti purāṇatarakammaṃ icchantīti upapajjavedanīyañca kira paṭikkhipanti. Āṇattimūlakena vāti yopi āṇāpetvā vadhabandhādidukkhaṃ uppādeti, tampi taṃmūlakaṃ na hoti, issaranimmānamūlamevāti adhippāyo.

924. мохасса ануд̣̇аханам̣ д̣̇аахагааран̣ад̇ааяа вуд̇д̇ам̣, сабхаавад̇оби бана асамбадивзд̇хо самбадивзд̇хасукасса бажжанийгабхууд̇о д̣̇угко зваад̇и ануд̣̇аханад̇аа взд̣̇ид̇аб̣б̣аа. зван̃жа гад̇ваа ‘‘убзгкаа взд̣̇анаа н̃аан̣асукаа ан̃н̃аан̣ад̣̇угкаа’’д̇и (ма. ни. 1.465) вуд̇д̇аа.

924. Mohassaanudahanaṃ dāhakāraṇatāya vuttaṃ, sabhāvatopi pana asampaṭivedho sampaṭivedhasukhassa paccanīkabhūto dukkho evāti anudahanatā veditabbā. Evañca katvā ‘‘upekkhā vedanā ñāṇasukhā aññāṇadukkhā’’ti (ma. ni. 1.465) vuttā.

926. бут̇унимид̇д̇аарамман̣зсууд̇и субханимид̇д̇аад̣̇ивасзна бут̇унимид̇д̇асабхаавзсу аарамман̣зсу, бут̇усабхаавзсу ваа субханимид̇д̇аад̣̇иаарамман̣зсу. госаж̇ж̇абамаад̣̇анид̣̇д̣̇зсаанам̣ самаанад̇д̇зби авибпааригад̇аасан̇каад̇аа лийнавуд̇д̇ид̇аа госаж̇ж̇ам̣, сад̇ивоссаг̇г̇асан̇каад̇ам̣ бамаж̇ж̇анам̣ бамаад̣̇од̇и аяам̣ висзсод̇и.

926. Puthunimittārammaṇesūti subhanimittādivasena puthunimittasabhāvesu ārammaṇesu, puthusabhāvesu vā subhanimittādiārammaṇesu. Kosajjapamādaniddesānaṃ samānattepi avipphārikatāsaṅkhātā līnavuttitā kosajjaṃ, sativossaggasaṅkhātaṃ pamajjanaṃ pamādoti ayaṃ visesoti.

931. саг̇аруваасанд̇и саод̇д̇аббаваасамааха, саж̇здтагаваасанд̇и сахириваасам̣. анаад̣̇ияанаа анад̣̇д̣̇аа оваад̣̇ааг̇г̇ахан̣ам̣, ажид̇д̇ийгаарод̇и ад̇т̇о. сугкагадтасса вияа аналлад̇аа, амуд̣̇уд̇аа ваа анад̣̇д̣̇аа. асийляанд̇и асукасийлад̇аа амуд̣̇уд̇аа зва.

931. Sagaruvāsanti saottappavāsamāha, sajeṭṭhakavāsanti sahirivāsaṃ. Anādiyanā anaddā ovādaaggahaṇaṃ, acittīkāroti attho. Sukkhakaṭṭhassa viya anallatā, amudutā vā anaddā. Asīlyanti asukhasīlatā amudutā eva.

934. убаарамбхо д̣̇осасамбаяуд̇д̇ажид̇д̇уббаад̣̇о сияаа.

934. Upārambho dosasampayuttacittuppādo siyā.

936. ‘‘ид̇ха баасаан̣ам̣ гарод̇ий’’д̇иаад̣̇инаа табанад̇т̇зби гарод̇и-сад̣̇д̣̇о яуж̇ж̇ад̇ийд̇и ааха ‘‘гарод̇ийд̇и табзд̇ий’’д̇и. зд̇т̇а жааяам̣ ааваж̇ж̇анаа агусалаанам̣ аасаннагааран̣ад̇д̇аа куд̣̇д̣̇агавад̇т̇уусу вуд̇д̇аад̇и взд̣̇ид̇аб̣б̣аа, д̇ад̣̇анугуулагижжад̇д̇аа ваа.

936. ‘‘Idha pāsāṇaṃ karotī’’tiādinā ṭhapanatthepi karoti-saddo yujjatīti āha ‘‘karotīti ṭhapetī’’ti. Ettha cāyaṃ āvajjanā akusalānaṃ āsannakāraṇattā khuddakavatthūsu vuttāti veditabbā, tadanukūlakiccattā vā.

д̇иганид̣̇д̣̇зсаван̣н̣анаа нидтид̇аа.

Tikaniddesavaṇṇanā niṭṭhitā.

(4.) жад̇угганид̣̇д̣̇зсаван̣н̣анаа

(4.) Catukkaniddesavaṇṇanā

939. ид̇ийд̇и нид̣̇ассанз нибаад̇од̇и звам̣-сад̣̇д̣̇зна самаанад̇т̇од̇и д̣̇ассзд̇и. бхаваабхавахзд̇ууд̇ибийд̇и зд̇т̇а бхаванд̇и ж̇ааяанд̇и зд̇знаад̇и бхаво, саббиаад̣̇ибхзсаж̇ж̇ам̣. бхаво зва бан̣ийд̇ад̇аро абхивуд̣̇д̇хо абхаво. бхааванаараамад̇ааарияавам̣саббахзяяад̇д̇аа ваа буримад̇ан̣хаад̇д̇аяаваж̇ж̇аа саб̣б̣аа д̇ан̣хаа ‘‘бхаваабхавахзд̇у уббаж̇ж̇ад̇ий’’д̇и вуд̇д̇аад̇и взд̣̇ид̇аб̣б̣аа.

939. Itīti nidassane nipātoti evaṃ-saddena samānatthoti dasseti. Bhavābhavahetūtipīti ettha bhavanti jāyanti etenāti bhavo, sappiādibhesajjaṃ. Bhavo eva paṇītataro abhivuddho abhavo. Bhāvanārāmatāariyavaṃsappaheyyattā vā purimataṇhāttayavajjā sabbā taṇhā ‘‘bhavābhavahetu uppajjatī’’ti vuttāti veditabbā.

зд̇ааяаад̇и чанд̣̇аад̣̇иаг̇ад̇ияаа. на г̇ажчанд̇ийд̇и на бавад̇д̇анд̇и, д̇ам̣ д̇ам̣ гирияам̣ на гаронд̇ийд̇и ад̇т̇о. иминаад̇и чанд̣̇аад̣̇инаа аг̇ад̇иг̇аманзна. чанд̣̇аад̣̇ийсу язна нинно, д̇зна г̇аманам̣ яат̇ааниннаг̇аманам̣.

Etāyāti chandādiagatiyā. Na gacchantīti na pavattanti, taṃ taṃ kiriyaṃ na karontīti attho. Imināti chandādinā agatigamanena. Chandādīsu yena ninno, tena gamanaṃ yathāninnagamanaṃ.

‘‘рааж̇аа’’д̇иаад̣̇инаа рааж̇аад̣̇инимид̇д̇о вияа уумиаад̣̇инимид̇д̇о жид̇д̇уд̇раасо уумиаад̣̇ибхаяам̣, ‘‘уумибхаяанд̇и ко, бхигкавз, год̇хубааяаасассзд̇ам̣ ад̇хиважана’’нд̇иаад̣̇иважанад̇о (ма. ни. 2.162; а. ни. 4.122; ид̇иву. 109) год̇хубааяаасаод̣̇аригад̇д̇абан̃жагаамаг̇ун̣амаад̇уг̇аамаа ваа. д̇ад̇т̇а бан̃жагаамаг̇ун̣амаад̇уг̇аамаг̇г̇ахан̣зна д̇анниссид̇ачанд̣̇арааг̇аг̇г̇ахан̣ам̣ взд̣̇ид̇аб̣б̣ам̣, од̣̇аригад̇д̇ан̃жа лобхова. угкзбанийяаад̣̇игаммам̣ винаяад̣̇ан̣д̣ам̣.

‘‘Rājā’’tiādinā rājādinimitto viya ūmiādinimitto cittutrāso ūmiādibhayaṃ, ‘‘ūmibhayanti kho, bhikkhave, kodhupāyāsassetaṃ adhivacana’’ntiādivacanato (ma. ni. 2.162; a. ni. 4.122; itivu. 109) kodhupāyāsaodarikattapañcakāmaguṇamātugāmā vā. Tattha pañcakāmaguṇamātugāmaggahaṇena tannissitachandarāgaggahaṇaṃ veditabbaṃ, odarikattañca lobhova. Ukkhepanīyādikammaṃ vinayadaṇḍaṃ.

‘‘ат̇а ко д̇имб̣аруго бариб̣б̣ааж̇аго язна бхаг̇аваа…бз… зд̇ад̣̇авожа ‘гим̣ ну ко, бхо г̇од̇ама, саяам̣гад̇ам̣ сукад̣̇угка’нд̇и? маа хзвам̣ д̇имб̣аругаад̇и бхаг̇аваа авожаа’’д̇иаад̣̇инаа нид̣̇аанаваг̇г̇з (сам̣. ни. 2.18) ааг̇ад̇ад̇д̇аа ‘‘д̇имб̣аругад̣̇идтий’’д̇и вуд̇д̇аа.

‘‘Atha kho timbaruko paribbājako yena bhagavā…pe… etadavoca ‘kiṃ nu kho, bho gotama, sayaṃkataṃ sukhadukkha’nti? Mā hevaṃ timbarukāti bhagavā avocā’’tiādinā nidānavagge (saṃ. ni. 2.18) āgatattā ‘‘timbarukadiṭṭhī’’ti vuttā.

жад̇угганид̣̇д̣̇зсаван̣н̣анаа нидтид̇аа.

Catukkaniddesavaṇṇanā niṭṭhitā.

(5.) бан̃жаганид̣̇д̣̇зсаван̣н̣анаа

(5.) Pañcakaniddesavaṇṇanā

940. ааг̇анд̇ум̣ бана на д̣̇знд̇ийд̇и ааг̇аманасса бажжаяаа на хонд̇ийд̇и ад̇т̇о д̣̇адтаб̣б̣о.

940. Āgantuṃ pana na dentīti āgamanassa paccayā na hontīti attho daṭṭhabbo.

941. авад̣̇зханад̇од̇и бууран̣зна мам̣суубажаяахзд̇уд̇ааяа жа убажаяанад̇о. г̇имхагаалз бхун̃ж̇ид̇ваа саяанд̇асса сукам̣ ход̇ийд̇и д̇ам̣ уд̇усукам̣ ‘‘сзяяасука’’нд̇и вуд̇д̇ам̣, саяанирияаабат̇асуканд̇и ад̇т̇о. вад̇анд̇и д̇худ̇ан̇г̇аани. д̇абод̇и канд̇хагавад̇д̇аани, вийрияам̣ ваа. сийлаг̇г̇ахан̣зна канд̇хагавад̇д̇амзт̇унавирад̇ийнам̣ г̇ахид̇ад̇д̇аа д̇абаб̣рахмажарияаг̇г̇ахан̣ам̣ на гад̇д̇аб̣б̣анд̇и жз? на, ан̃н̃асийлад̇о висзсзд̇ваа д̇абаб̣рахмажарияаанам̣ д̣̇звад̇д̇агааран̣ад̇д̇аг̇г̇ахан̣асса д̣̇ассанад̇о, б̣аахираанан̃жасса виниб̣анд̇хасса бавад̇д̇ид̣̇ассанад̇о ваа. д̇зсан̃хи авихим̣саад̣̇иг̇овад̇аад̣̇ид̣̇уггарагааригаамзт̇унавирад̇ияо яат̇ааггамам̣ сийлаад̣̇ийни, д̇аани жа д̇з д̣̇званигааяам̣ бан̣ид̇хааяа жаранд̇ийд̇и. ан̃н̃ат̇аа жа сад̣̇д̇хааружиаад̣̇ийхи ‘‘яад̇о ко бхо аяам̣ ад̇д̇аа руубий жаад̇умахаабхууд̇иго маад̇аабзд̇д̇игасамбхаво гааяасса бхзд̣̇аа ужчиж̇ж̇ад̇ий’’д̇иаад̣̇инаа (д̣̇ий. ни. 1.85) вигаббзд̇ваа.

941. Avadehanatoti pūraṇena maṃsūpacayahetutāya ca upacayanato. Gimhakāle bhuñjitvā sayantassa sukhaṃ hotīti taṃ utusukhaṃ ‘‘seyyasukha’’nti vuttaṃ, sayaniriyāpathasukhanti attho. Vatanti dhutaṅgāni. Tapoti khandhakavattāni, vīriyaṃ vā. Sīlaggahaṇena khandhakavattamethunaviratīnaṃ gahitattā tapabrahmacariyaggahaṇaṃ na kattabbanti ce? Na, aññasīlato visesetvā tapabrahmacariyānaṃ devattakāraṇattaggahaṇassa dassanato, bāhirānañcassa vinibandhassa pavattidassanato vā. Tesañhi avihiṃsādigovatādidukkarakārikāmethunaviratiyo yathākkamaṃ sīlādīni, tāni ca te devanikāyaṃ paṇidhāya carantīti. Aññathā ca saddhāruciādīhi ‘‘yato kho bho ayaṃ attā rūpī cātumahābhūtiko mātāpettikasambhavo kāyassa bhedā ucchijjatī’’tiādinā (dī. ni. 1.85) vikappetvā.

942. б̣яасанзсу н̃аад̇ибхог̇арог̇аб̣яасанаг̇г̇ахан̣зна д̇ам̣нимид̇д̇аа согаад̣̇аяо г̇ахид̇аад̇и д̣̇адтаб̣б̣аа. д̣̇ассанасаванзсу бадигуулад̇аа д̣̇ассанасаванабадигуулад̇аа. зд̇т̇а жа аад̣̇ийнавзхи бан̃жахи д̇зсам̣ гааран̣абхууд̇аа агканд̇иязва бхинд̣̇ид̇ваа гат̇ид̇аад̇и взд̣̇ид̇аб̣б̣аа, агканд̇имуулагаа ваа аббияад̇аад̣̇ихзд̇убхууд̇аа д̣̇уггадад̣̇уб̣бхаасид̇ад̇аад̣̇ид̣̇осаа.

942. Byasanesu ñātibhogarogabyasanaggahaṇena taṃnimittā sokādayo gahitāti daṭṭhabbā. Dassanasavanesu paṭikūlatā dassanasavanapaṭikūlatā. Ettha ca ādīnavehi pañcahi tesaṃ kāraṇabhūtā akkhantiyeva bhinditvā kathitāti veditabbā, akkhantimūlakā vā appiyatādihetubhūtā dukkaṭadubbhāsitatādidosā.

мижчааж̇ийванимид̇д̇ам̣ маран̣агаалз уббаннабхаяам̣ ‘‘ааж̇ийвагабхаяа’’нд̇и вуд̇д̇ам̣. ‘‘ааж̇ийвигаабхаяа’’нд̇и бана баатз бажжаяаануббад̇д̇им̣ бассад̇о ааж̇ийвиганимид̇д̇о жид̇д̇уд̇раасод̇и ад̇т̇о д̣̇адтаб̣б̣о. гид̇д̇исад̣̇д̣̇о силоганд̇и д̇аббадибагкаа асилогам̣ агид̇д̇и. д̇знааха ‘‘г̇арахабхаяа’’нд̇и.

Micchājīvanimittaṃ maraṇakāle uppannabhayaṃ ‘‘ājīvakabhaya’’nti vuttaṃ. ‘‘Ājīvikābhaya’’nti pana pāṭhe paccayānuppattiṃ passato ājīvikanimitto cittutrāsoti attho daṭṭhabbo. Kittisaddo silokanti tappaṭipakkhā asilokaṃ akitti. Tenāha ‘‘garahabhaya’’nti.

943. уббилаавид̇анд̇и уд̣̇аг̇г̇ад̇аасан̇каад̇о авуубасамабхааво, авуубасамахзд̇убхууд̇о ваа бийд̇ияаа аагааро.

943. Uppilāvitanti udaggatāsaṅkhāto avūpasamabhāvo, avūpasamahetubhūto vā pītiyā ākāro.

бан̃жаганид̣̇д̣̇зсаван̣н̣анаа нидтид̇аа.

Pañcakaniddesavaṇṇanā niṭṭhitā.

(6.) чагганид̣̇д̣̇зсаван̣н̣анаа

(6.) Chakkaniddesavaṇṇanā

944. ‘‘год̇хано ход̇и убанаахий’’д̇иаад̣̇инаа год̇хаад̣̇ихзд̇угаа убанаахаад̣̇аяо год̇хаад̣̇ийнам̣ сахааяагааран̣абхаавзна суд̇д̇анд̇з вуд̇д̇аад̇и год̇хаад̣̇аяо зва виваад̣̇амуулаани, д̇знзд̇т̇а д̇з зва вуд̇д̇аа. санд̣̇идтибараамасид̇аа ад̇д̇ано д̣̇идтияам̣ абхинивидтад̇аа.

944. ‘‘Kodhano hoti upanāhī’’tiādinā kodhādihetukā upanāhādayo kodhādīnaṃ sahāyakāraṇabhāvena suttante vuttāti kodhādayo eva vivādamūlāni, tenettha te eva vuttā. Sandiṭṭhiparāmasitā attano diṭṭhiyaṃ abhiniviṭṭhatā.

945. аббад̇иссаяод̇и бад̇иссаяабхууд̇зхи г̇аруухи вирахид̇о. аббамаад̣̇алагкан̣анд̇и сад̇иавиббаваасам̣ гусалаануяог̇асаад̇ажжам̣ ваа.

945. Appatissayoti patissayabhūtehi garūhi virahito. Appamādalakkhaṇanti satiavippavāsaṃ kusalānuyogasātaccaṃ vā.

яуд̇д̇абаяуд̇д̇ад̇аад̇и д̇анниннад̇аавасзна судту яуд̇д̇ад̇аа. г̇ан̣асан̇г̇ан̣игаа гилзсавасзна бавад̇д̇аа сан̇г̇ан̣игаа. ид̇т̇ибадисам̣яуд̇д̇агат̇аасаванз ид̇т̇исад̣̇д̣̇асаванз жа ассаад̣̇о саванасам̣саг̇г̇о. ид̇т̇ияаа гассажи д̣̇аанаг̇г̇ахан̣ассаад̣̇о барибхог̇асам̣саг̇г̇о.

Yuttapayuttatāti tanninnatāvasena suṭṭhu yuttatā. Gaṇasaṅgaṇikā kilesavasena pavattā saṅgaṇikā. Itthipaṭisaṃyuttakathāsavane itthisaddasavane ca assādo savanasaṃsaggo. Itthiyā kassaci dānaggahaṇassādo paribhogasaṃsaggo.

946. соманассзна сад̣̇д̇хим̣ убавижаранд̇ийд̇и соманассубавижаараад̇и агусаласоманассасахаг̇ад̇аа руубавижаараад̣̇аяо ид̇хаад̇хиббзд̇аад̇и взд̣̇ид̇аб̣б̣аа, д̇ат̇аа убзгкубавижаараа жа. д̇ам̣самбаяуд̇д̇о ваад̇и зд̇зна вижаараг̇г̇ахан̣зна вид̇аггоби г̇ахид̇од̇и вид̇аггаббавад̇д̇анзна ‘‘убавид̇аггзд̇ий’’д̇и ид̣̇амби вуд̇д̇ам̣ ход̇ийд̇и д̣̇ассзд̇и.

946. Somanassena saddhiṃ upavicarantīti somanassupavicārāti akusalasomanassasahagatā rūpavicārādayo idhādhippetāti veditabbā, tathā upekkhupavicārā ca. Taṃsampayutto vāti etena vicāraggahaṇena vitakkopi gahitoti vitakkappavattanena ‘‘upavitakketī’’ti idampi vuttaṃ hotīti dasseti.

947. ан̃н̃аан̣асамбаяуд̇д̇аад̇и вижигижчуд̣̇д̇хажжасахаг̇ад̇ажид̇д̇зсу убзгкаа моход̇и вад̣̇анд̇и, лобхасамбаяуд̇д̇убзгкааби бана г̇зхассид̇аа на на ход̇и.

947. Aññāṇasampayuttāti vicikicchuddhaccasahagatacittesu upekkhā mohoti vadanti, lobhasampayuttupekkhāpi pana gehassitā na na hoti.

948. ад̇хижжасамуббанниго ‘‘ад̇хижжа самуббанно ад̇д̇аа уббанно бхависсад̇ий’’д̇и г̇ан̣ханд̇о сассад̇ад̣̇идтиго ход̇ийд̇и зваруубасса д̣̇идти вияаад̇и д̣̇ассзнд̇о ‘‘ад̇хижжасамуббаннигассзваа’’д̇и ааха. на со ж̇аад̇од̇и зд̇т̇а ‘‘ж̇аад̇уу’’д̇и аяам̣ нибаад̇о у-гаарасса о-гаарам̣ гад̇ваа ж̇аад̇од̇и вуд̇д̇о, д̇зна ваа самаанад̇т̇ам̣ нибаад̇анд̇арам̣ зд̇ам̣ д̣̇адтаб̣б̣ам̣. саб̣б̣аасавад̣̇идтийд̇и саб̣б̣аасавабарияааязна ааг̇ад̇аа д̣̇идти.

948. Adhiccasamuppanniko ‘‘adhicca samuppanno attā uppanno bhavissatī’’ti gaṇhanto sassatadiṭṭhiko hotīti evarūpassa diṭṭhi viyāti dassento ‘‘adhiccasamuppannikassevā’’ti āha. Na so jātoti ettha ‘‘jātū’’ti ayaṃ nipāto u-kārassa o-kāraṃ katvā jātoti vutto, tena vā samānatthaṃ nipātantaraṃ etaṃ daṭṭhabbaṃ. Sabbāsavadiṭṭhīti sabbāsavapariyāyena āgatā diṭṭhi.

чагганид̣̇д̣̇зсаван̣н̣анаа нидтид̇аа.

Chakkaniddesavaṇṇanā niṭṭhitā.

(7.) сад̇д̇аганид̣̇д̣̇зсаван̣н̣анаа

(7.) Sattakaniddesavaṇṇanā

951. д̣̇ваасадтияаа д̣̇идтийсу сад̇д̇агасса ан̃н̃асса абхааваа сад̇д̇а ужчзд̣̇аваад̣̇аа зва ид̇ха д̇ат̇аа авад̇ваа ‘‘сад̇д̇а д̣̇идтий’’д̇и вуд̇д̇аа.

951. Dvāsaṭṭhiyā diṭṭhīsu sattakassa aññassa abhāvā satta ucchedavādā eva idha tathā avatvā ‘‘satta diṭṭhī’’ti vuttā.

сад̇д̇аганид̣̇д̣̇зсаван̣н̣анаа нидтид̇аа.

Sattakaniddesavaṇṇanā niṭṭhitā.

(8.) адтаганид̣̇д̣̇зсаван̣н̣анаа

(8.) Aṭṭhakaniddesavaṇṇanā

952. ‘‘гаммам̣ ко мз гад̇д̇аб̣б̣ам̣ бхависсад̇ий’’д̇иаад̣̇инаа осийд̣̇анаагаарзна бавад̇д̇ажид̇д̇уббаад̣̇аа госаж̇ж̇агааран̣аани, госаж̇ж̇амзва ваа госаж̇ж̇анд̇арагааран̣ад̇ааяа госаж̇ж̇агааран̣аанийд̇и д̣̇адтаб̣б̣аани. маасаажид̇ам̣ ман̃н̃зд̇и зд̇т̇а аажид̇а-сад̣̇д̣̇о д̇инд̇а-сад̣̇д̣̇асса, ман̃н̃з-сад̣̇д̣̇о жа вияа-сад̣̇д̣̇асса ад̇т̇ам̣ вад̣̇ад̇ийд̇и ад̇хиббааязна ‘‘д̇инд̇амаасо вияаа’’д̇и аяамад̇т̇о вибхаавид̇о, маасажаяо вияаад̇и ваа ад̇т̇о.

952. ‘‘Kammaṃ kho me kattabbaṃ bhavissatī’’tiādinā osīdanākārena pavattacittuppādā kosajjakāraṇāni, kosajjameva vā kosajjantarakāraṇatāya kosajjakāraṇānīti daṭṭhabbāni. Māsācitaṃ maññeti ettha ācita-saddo tinta-saddassa, maññe-saddo ca viya-saddassa atthaṃ vadatīti adhippāyena ‘‘tintamāso viyā’’ti ayamattho vibhāvito, māsacayo viyāti vā attho.

957. парад̇ийд̇и пусад̇и, гхаддзд̇ийд̇и ад̇т̇о. ан̃н̃зна гааран̣знаад̇и ‘‘аж̇ж̇а д̇аяаа вигаалз бхуд̇д̇ам̣, д̇зна д̇вам̣ аабад̇д̇им̣ аабанносий’’д̇и вуд̇д̇о ‘‘хияяо маяаа гаалз бхуд̇д̇ам̣, д̇знаахам̣ анаабанно’’д̇иаад̣̇инаа ан̃н̃зна аяуд̇д̇зна гааран̣зна ан̃н̃ам̣ яуд̇д̇ам̣ гааран̣ам̣ бадижчаад̣̇зд̇ийд̇и ад̇т̇о. бужчид̇ад̇т̇ад̇о б̣ахид̣̇д̇хаа яат̇аа д̇ам̣ на аллийяад̇и, д̇ат̇аа гат̇ааяа абанаяанам̣ вигкибанам̣ б̣ахид̣̇д̇хаа абанааманаа.

957. Pharatīti phusati, ghaṭṭetīti attho. Aññena kāraṇenāti ‘‘ajja tayā vikāle bhuttaṃ, tena tvaṃ āpattiṃ āpannosī’’ti vutto ‘‘hiyyo mayā kāle bhuttaṃ, tenāhaṃ anāpanno’’tiādinā aññena ayuttena kāraṇena aññaṃ yuttaṃ kāraṇaṃ paṭicchādetīti attho. Pucchitatthato bahiddhā yathā taṃ na allīyati, tathā kathāya apanayanaṃ vikkhipanaṃ bahiddhā apanāmanā.

958. асан̃н̃ийваад̣̇аад̇и буг̇г̇алзхи д̣̇идтияо д̣̇ассзд̇и. язхи ваа абхинивзсзхи асан̃н̃ий ад̇д̇аанам̣ вад̣̇анд̇и, д̇з асан̃н̃ийваад̣̇аа. аруубасамаабад̇д̇инимид̇д̇анд̇и аагаасаад̣̇им̣.

958. Asaññīvādāti puggalehi diṭṭhiyo dasseti. Yehi vā abhinivesehi asaññī attānaṃ vadanti, te asaññīvādā. Arūpasamāpattinimittanti ākāsādiṃ.

адтаганид̣̇д̣̇зсаван̣н̣анаа нидтид̇аа.

Aṭṭhakaniddesavaṇṇanā niṭṭhitā.

(9.) наваганид̣̇д̣̇зсаван̣н̣анаа

(9.) Navakaniddesavaṇṇanā

960. д̣̇асамасса авуд̇д̇ад̇д̇аа ‘‘сад̇д̇зсу уббад̇д̇ивасзнзва гат̇ид̇ааний’’д̇и вуд̇д̇ам̣.

960. Dasamassa avuttattā ‘‘sattesu uppattivaseneva kathitānī’’ti vuttaṃ.

963. сукавинижчаяанд̇и сзвид̇аб̣б̣аасзвид̇аб̣б̣асукасаннидтаананд̇и ад̇т̇о. аж̇жхад̇д̇ам̣ суканд̇и сзвид̇аб̣б̣ам̣ нзгкаммасукам̣. винижчаяаад̇и д̣̇вз винижчаяаад̇и ид̣̇ам̣ –

963. Sukhavinicchayanti sevitabbāsevitabbasukhasanniṭṭhānanti attho. Ajjhattaṃ sukhanti sevitabbaṃ nekkhammasukhaṃ. Vinicchayāti dve vinicchayāti idaṃ –

‘‘саад̇ам̣ асаад̇анд̇и яамааху логз,

‘‘Sātaṃ asātanti yamāhu loke,

д̇амуубаниссааяа баход̇и чанд̣̇о;

Tamūpanissāya pahoti chando;

руубзсу д̣̇исваа вибхавам̣ бхаван̃жа,

Rūpesu disvā vibhavaṃ bhavañca,

винижчаяам̣ губ̣б̣ад̇и ж̇анд̇у логз’’д̇и. (су. ни. 873; махаани. 102) –

Vinicchayaṃ kubbati jantu loke’’ti. (su. ni. 873; mahāni. 102) –

зд̇асса нид̣̇д̣̇зсз вуд̇д̇ам̣.

Etassa niddese vuttaṃ.

ид̇ха винижчаяод̇и вуд̇д̇од̇и имиссаа вибхан̇г̇абаал̣ияаа яо чанд̣̇арааг̇асса бажжаяасабхаавзна винижчаяа-сад̣̇д̣̇зна вуд̇д̇о, саггабан̃хзби (д̣̇ий. ни. 2.357) чанд̣̇асса нид̣̇аанабхаавзна вид̇агга-сад̣̇д̣̇зна со зва ааг̇ад̇од̇и звам̣ вид̇аггасса винижчаяабхаавам̣ д̇ассзва ид̇ха г̇ахид̇ад̇ан̃жа д̣̇ассзд̇и. б̣алавасаннидтаананд̇и б̣алавад̇ияаа д̇ан̣хааяа аарамман̣асса нидтабзд̇ваа г̇ахан̣ам̣.

Idha vinicchayoti vuttoti imissā vibhaṅgapāḷiyā yo chandarāgassa paccayasabhāvena vinicchaya-saddena vutto, sakkapañhepi (dī. ni. 2.357) chandassa nidānabhāvena vitakka-saddena so eva āgatoti evaṃ vitakkassa vinicchayabhāvaṃ tasseva idha gahitatañca dasseti. Balavasanniṭṭhānanti balavatiyā taṇhāya ārammaṇassa niṭṭhapetvā gahaṇaṃ.

964. сад̇иби ан̃н̃зсан̃жа сан̇кад̇абхаавз аханд̇и асмийд̇и жа саад̇исаяаа маанасса сан̇кад̇ад̇аад̇и гад̇ваа ‘‘сан̇кад̇а’’нд̇и маано вуд̇д̇о. сзяяаад̣̇ивасзна ‘‘ахамасмий’’д̇и ад̇д̇ано сан̇каран̣ам̣ ваа сан̇кад̇ам̣. зд̇т̇а ‘‘бхависсанд̇ий’’д̇иаад̣̇игаа бавад̇д̇и д̇ан̣хаад̣̇идтийнам̣ висзсавад̇ийд̇и д̇аасамби ин̃ж̇ид̇аад̣̇ибхааво вуд̇д̇о.

964. Satipi aññesañca saṅkhatabhāve ahanti asmīti ca sātisayā mānassa saṅkhatatāti katvā ‘‘saṅkhata’’nti māno vutto. Seyyādivasena ‘‘ahamasmī’’ti attano saṅkharaṇaṃ vā saṅkhataṃ. Ettha ‘‘bhavissantī’’tiādikā pavatti taṇhādiṭṭhīnaṃ visesavatīti tāsampi iñjitādibhāvo vutto.

наваганид̣̇д̣̇зсаван̣н̣анаа нидтид̇аа.

Navakaniddesavaṇṇanā niṭṭhitā.

(10.) д̣̇асаганид̣̇д̣̇зсаван̣н̣анаа

(10.) Dasakaniddesavaṇṇanā

970. ж̇аалагкибасам̣вид̇хаанаад̣̇игусалад̇аасан̇габбанам̣ убааяажинд̇аа, д̇ассаа мижчаабхаавабадижчаад̣̇анабхаавзна бавад̇д̇о д̇ад̣̇аагааро мохо убааяажинд̇аавасзна уббаннод̇и д̣̇адтаб̣б̣о. яат̇аагад̇з бана баабз анаад̣̇ийнавад̣̇ассанавасзна бавад̇д̇аа сан̃н̃аа, сан̇габбо ваа бажжавзгкан̣аа, д̇ассааби мижчаабхаавабадижчаад̣̇агам̣ д̇ад̣̇аагаарам̣, анаад̣̇ийнавад̣̇ассанам̣ ваа бажжавзгкан̣аагаарзна уббанно моход̇и. вимуд̇д̇асан̃н̃ид̇аад̇и ад̇химаанасамбаяуд̇д̇ам̣, д̇ид̇т̇ияаанам̣ ваа ад̇д̇ано д̣̇идтияаа вимуд̇д̇ад̇аасан̃ж̇аананам̣. ‘‘вимуд̇д̇омхий’’д̇и звам̣ бавад̇д̇о агусалажид̇д̇уббаад̣̇о мижчаавимуд̇д̇ийд̇и гзжи вад̣̇анд̇и. палам̣ вияа вимуд̇д̇анд̇и г̇ахид̇з бана д̣̇идтисамбаяуд̇д̇ажид̇д̇з д̣̇идти мижчаан̃аан̣ам̣, самаад̇хи жа мижчаавимуд̇д̇ийд̇и яуд̇д̇ам̣ сияаа.

970. Jālakkhipasaṃvidhānādikusalatāsaṅkappanaṃ upāyacintā, tassā micchābhāvapaṭicchādanabhāvena pavatto tadākāro moho upāyacintāvasena uppannoti daṭṭhabbo. Yathākate pana pāpe anādīnavadassanavasena pavattā saññā, saṅkappo vā paccavekkhaṇā, tassāpi micchābhāvapaṭicchādakaṃ tadākāraṃ, anādīnavadassanaṃ vā paccavekkhaṇākārena uppanno mohoti. Vimuttasaññitāti adhimānasampayuttaṃ, titthiyānaṃ vā attano diṭṭhiyā vimuttatāsañjānanaṃ. ‘‘Vimuttomhī’’ti evaṃ pavatto akusalacittuppādo micchāvimuttīti keci vadanti. Phalaṃ viya vimuttanti gahite pana diṭṭhisampayuttacitte diṭṭhi micchāñāṇaṃ, samādhi ca micchāvimuttīti yuttaṃ siyā.

д̣̇асаганид̣̇д̣̇зсаван̣н̣анаа нидтид̇аа.

Dasakaniddesavaṇṇanā niṭṭhitā.

д̇ан̣хаавижарид̇анид̣̇д̣̇зсаван̣н̣анаа

Taṇhāvicaritaniddesavaṇṇanā

973. самуухаг̇аахад̇од̇и д̇ан̣хаамаанад̣̇идтийнам̣ саад̇хааран̣аг̇г̇ахан̣ад̇од̇и вад̣̇анд̇и. ‘‘ид̇т̇ам̣ звам̣ ан̃н̃ат̇аа’’д̇и бана висзсам̣ агад̇ваа г̇ахан̣ам̣ самуухаг̇ааход̇и д̣̇адтаб̣б̣о. ан̃н̃ам̣ аагааранд̇и барасанд̇аанаг̇ад̇ам̣ аагаарам̣. ад̇т̇ийд̇и сад̣̇аа сам̣виж̇ж̇ад̇ийд̇и ад̇т̇о. сийд̣̇ад̇ийд̇и винассад̇и. сам̣саяабаривид̇аггавасзнаад̇и ‘‘гим̣ ну ко ахам̣ сияам̣, на сияа’’нд̇и звам̣ баривид̇аггавасзна. бад̇т̇анаагаббанавасзнаад̇и ‘‘аби наама саад̇ху банаахам̣ сияа’’нд̇и звам̣ бад̇т̇анааяа габбанавасзна.

973. Samūhagāhatoti taṇhāmānadiṭṭhīnaṃ sādhāraṇaggahaṇatoti vadanti. ‘‘Itthaṃ evaṃ aññathā’’ti pana visesaṃ akatvā gahaṇaṃ samūhagāhoti daṭṭhabbo. Aññaṃ ākāranti parasantānagataṃ ākāraṃ. Atthīti sadā saṃvijjatīti attho. Sīdatīti vinassati. Saṃsayaparivitakkavasenāti ‘‘kiṃ nu kho ahaṃ siyaṃ, na siya’’nti evaṃ parivitakkavasena. Patthanākappanavasenāti ‘‘api nāma sādhu panāhaṃ siya’’nti evaṃ patthanāya kappanavasena.

суд̣̇д̇хасийсаад̇и д̇ан̣хаамаанад̣̇идтийнам̣ саад̇хааран̣асийсаа висзсасса аниссид̇ад̇д̇аа ‘‘суд̣̇д̇хасийсаа’’д̇и вуд̇д̇аа. д̇ад̇т̇а д̣̇идтисийсзхи д̣̇идтияаа д̇ан̣хаа д̣̇ассид̇аа, сийсасийсамуулагзхи маанад̣̇идтийхи саяамзва жаад̇и ааха ‘‘звамзд̇з…бз… д̇ан̣хаа вижарид̇ад̇хаммаа взд̣̇ид̇аб̣б̣аа’’д̇и. д̣̇идтимаанзсуби ‘‘д̇ан̣хаавижарид̇ааний’’д̇и важанан̃жа ан̃н̃аман̃н̃ам̣ виббаяог̇ийнам̣ д̣̇идтимаанаанам̣ д̇ан̣хааяа авиббаяог̇ийнам̣ д̇ам̣муулагад̇д̇аава д̇аббад̇хаанад̇ааяа гад̇анд̇и взд̣̇ид̇аб̣б̣ам̣.

Suddhasīsāti taṇhāmānadiṭṭhīnaṃ sādhāraṇasīsā visesassa anissitattā ‘‘suddhasīsā’’ti vuttā. Tattha diṭṭhisīsehi diṭṭhiyā taṇhā dassitā, sīsasīsamūlakehi mānadiṭṭhīhi sayameva cāti āha ‘‘evamete…pe… taṇhā vicaritadhammā veditabbā’’ti. Diṭṭhimānesupi ‘‘taṇhāvicaritānī’’ti vacanañca aññamaññaṃ vippayogīnaṃ diṭṭhimānānaṃ taṇhāya avippayogīnaṃ taṃmūlakattāva tappadhānatāya katanti veditabbaṃ.

974. аваггарийд̇и нибаад̇о наанаабхаавз вад̇д̇ад̇ийд̇и анаанаагаран̣ам̣ анаваггари, д̇ам̣ гад̇ваа, аваггари ваа агад̇ваа анаваггари гад̇ваад̇и звам̣ д̣̇ассзнд̇о ааха ‘‘авиниб̣бхог̇ам̣ гад̇ваа’’д̇и. ‘‘анавагаарим̣ гарид̇ваа’’д̇и ваа баато, д̇ад̇т̇а авагиран̣ам̣ вигкзбанам̣ самуухасса згад̣̇зсаанам̣ виниб̣бхуж̇ж̇анам̣ авагаари, д̇ам̣ авагаарим̣ виниб̣бхог̇ам̣ агад̇ваа, бан̃жаби канд̇хз самуухад̇о згад̇д̇знзва г̇ахзд̇ваа ад̇д̇ад̇о авиниб̣бхуж̇ж̇ид̇ваа асмийд̇и чанд̣̇амаанад̣̇идтияо бадилабхад̇ийд̇и ад̇т̇о. асид̇аб̣яаабхан̇г̇ид̇ааяаад̇и д̣̇аад̇д̇зна гааж̇зна жаад̇и зд̇зна баригкаарзна, асид̇аб̣яаабхан̇г̇ийхи лаванаваханагирияаа ваа ‘‘асид̇аб̣яаабхан̇г̇ий’’д̇и вуд̇д̇аа.

974. Avakkarīti nipāto nānābhāve vattatīti anānākaraṇaṃ anavakkari, taṃ katvā, avakkari vā akatvā anavakkari katvāti evaṃ dassento āha ‘‘avinibbhogaṃ katvā’’ti. ‘‘Anavakāriṃ karitvā’’ti vā pāṭho, tattha avakiraṇaṃ vikkhepanaṃ samūhassa ekadesānaṃ vinibbhujjanaṃ avakāri, taṃ avakāriṃ vinibbhogaṃ akatvā, pañcapi khandhe samūhato ekatteneva gahetvā attato avinibbhujjitvā asmīti chandamānadiṭṭhiyo paṭilabhatīti attho. Asitabyābhaṅgitāyāti dāttena kājena cāti etena parikkhārena, asitabyābhaṅgīhi lavanavahanakiriyā vā ‘‘asitabyābhaṅgī’’ti vuttā.

976. авагаарим̣ гарид̇ваад̇и руубаад̣̇ийни ад̇д̇ад̇о виниб̣бхуж̇ж̇ид̇ваа иминаа руубзна…бз… иминаа вин̃н̃аан̣зна асмийд̇и чанд̣̇ам̣ бадилабхад̇ийд̇и звам̣ саб̣б̣ад̇т̇а иминаад̇и зд̇асса ад̇д̇ад̇о авиниб̣бхуд̇д̇зна руубаад̣̇инаад̇и ад̇т̇о д̣̇адтаб̣б̣о. ад̇д̇ад̇о хи авиниб̣бхуд̇д̇аани аб̣ахигад̇аани ахамижжзва г̇ахид̇аани руубаад̣̇ийни убаад̣̇ааяа убаг̇анд̇ваа бавад̇д̇аа д̇ан̣хаа ‘‘аж̇жхад̇д̇игасса убаад̣̇ааяаа’’д̇и вуд̇д̇аа, ад̇д̇ад̇о жа виниб̣бхуд̇д̇аани б̣ахигад̇аани убаг̇анд̇ваа бавад̇д̇аа ‘‘б̣аахирасса убаад̣̇ааяаа’’д̇и. каг̇г̇зна ваа чад̇д̇зна ваа ахам̣ нижжод̇и абхиман̇г̇аласаммад̇зна каг̇г̇аад̣̇инаа мама винаасо над̇т̇ийд̇и ман̃н̃ад̇ийд̇и ад̇т̇о. згзгассаад̇и ид̣̇ам̣ анаад̣̇имхи ананд̇з жа сам̣саарз згзгасса ад̇ийд̇аанааг̇ад̇зсу чад̇д̇им̣сааяаби самбхавад̣̇ассанад̇т̇ам̣ вуд̇д̇ам̣, згзгасса ваа буг̇г̇аласса яат̇аалаабхавасзнаад̇и ид̣̇амби аниссид̇ад̇ан̣хаамаанад̣̇идтим̣ гад̇ваа бут̇уж̇ж̇анасса ад̣̇д̇хаабажжуббаннз гассажи самбхавад̣̇ассанад̇т̇ам̣.

976. Avakāriṃ karitvāti rūpādīni attato vinibbhujjitvā iminā rūpena…pe… iminā viññāṇena asmīti chandaṃ paṭilabhatīti evaṃ sabbattha imināti etassa attato avinibbhuttena rūpādināti attho daṭṭhabbo. Attato hi avinibbhuttāni abahikatāni ahamicceva gahitāni rūpādīni upādāya upagantvā pavattā taṇhā ‘‘ajjhattikassa upādāyā’’ti vuttā, attato ca vinibbhuttāni bahikatāni upagantvā pavattā ‘‘bāhirassa upādāyā’’ti. Khaggena vā chattena vā ahaṃ niccoti abhimaṅgalasammatena khaggādinā mama vināso natthīti maññatīti attho. Ekekassāti idaṃ anādimhi anante ca saṃsāre ekekassa atītānāgatesu chattiṃsāyapi sambhavadassanatthaṃ vuttaṃ, ekekassa vā puggalassa yathālābhavasenāti idampi anissitataṇhāmānadiṭṭhiṃ katvā puthujjanassa addhāpaccuppanne kassaci sambhavadassanatthaṃ.

д̇ан̣хаавижарид̇анид̣̇д̣̇зсаван̣н̣анаа нидтид̇аа.

Taṇhāvicaritaniddesavaṇṇanā niṭṭhitā.

куд̣̇д̣̇агавад̇т̇увибхан̇г̇аван̣н̣анаа нидтид̇аа.

Khuddakavatthuvibhaṅgavaṇṇanā niṭṭhitā.

Next: 18. д̇хаммахад̣̇аяавибхан̇г̇о • 18. Dhammahadayavibhaṅgo

Related texts:

д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo

дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact