| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. абхзж̇ж̇аваг̇г̇о
2. Abhejjavaggo
1. куд̣̇д̣̇аанукуд̣̇д̣̇агабан̃хо
1. Khuddānukhuddakapañho
1. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘абхин̃н̃ааяаахам̣, бхигкавз, д̇хаммам̣ д̣̇зсзми но анабхин̃н̃ааяаа’д̇и. буна жа винаяабан̃н̃ад̇д̇ияаа звам̣ бхан̣ид̇ам̣ ‘ааган̇камаано, аананд̣̇а, сан̇гхо мамажжаязна куд̣̇д̣̇аанукуд̣̇д̣̇агаани сигкаабад̣̇аани самууханад̇уу’д̇и. гим̣ ну ко, бханд̇з нааг̇асзна, куд̣̇д̣̇аанукуд̣̇д̣̇агаани сигкаабад̣̇аани д̣̇уббан̃н̃ад̇д̇аани, уд̣̇ааху авад̇т̇усмим̣ аж̇аанид̇ваа бан̃н̃ад̇д̇аани, яам̣ бхаг̇аваа ад̇д̇ано ажжаязна куд̣̇д̣̇аанукуд̣̇д̣̇агаани сигкаабад̣̇аани самууханаабзд̇и? яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘абхин̃н̃ааяаахам̣, бхигкавз, д̇хаммам̣ д̣̇зсзми но анабхин̃н̃ааяаа’д̇и, д̇зна хи ‘ааган̇камаано, аананд̣̇а, сан̇гхо мамажжаязна куд̣̇д̣̇аанукуд̣̇д̣̇агаани сигкаабад̣̇аани самууханад̇уу’д̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇з винаяабан̃н̃ад̇д̇ияаа звам̣ бхан̣ид̇ам̣ ‘ааган̇камаано, аананд̣̇а, сан̇гхо мамажжаязна куд̣̇д̣̇аанукуд̣̇д̣̇агаани сигкаабад̣̇аани самууханад̇уу’д̇и д̇зна хи ‘абхин̃н̃ааяаахам̣, бхигкавз, д̇хаммам̣ д̣̇зсзми но анабхин̃н̃ааяаа’д̇и д̇амби важанам̣ мижчаа. аяамби убхад̇о годиго бан̃хо сукумо нибун̣о г̇амбхийро суг̇амбхийро д̣̇унниж̇жхаабаяо, со д̇аваануббад̇д̇о, д̇ад̇т̇а д̇з н̃аан̣аб̣алавибпаарам̣ д̣̇ассзхий’’д̇и.
1. ‘‘Bhante nāgasena, bhāsitampetaṃ bhagavatā ‘abhiññāyāhaṃ, bhikkhave, dhammaṃ desemi no anabhiññāyā’ti. Puna ca vinayapaññattiyā evaṃ bhaṇitaṃ ‘ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhanatū’ti. Kiṃ nu kho, bhante nāgasena, khuddānukhuddakāni sikkhāpadāni duppaññattāni, udāhu avatthusmiṃ ajānitvā paññattāni, yaṃ bhagavā attano accayena khuddānukhuddakāni sikkhāpadāni samūhanāpeti? Yadi, bhante nāgasena, bhagavatā bhaṇitaṃ ‘abhiññāyāhaṃ, bhikkhave, dhammaṃ desemi no anabhiññāyā’ti, tena hi ‘ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhanatū’ti yaṃ vacanaṃ, taṃ micchā. Yadi tathāgate vinayapaññattiyā evaṃ bhaṇitaṃ ‘ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhanatū’ti tena hi ‘abhiññāyāhaṃ, bhikkhave, dhammaṃ desemi no anabhiññāyā’ti tampi vacanaṃ micchā. Ayampi ubhato koṭiko pañho sukhumo nipuṇo gambhīro sugambhīro dunnijjhāpayo, so tavānuppatto, tattha te ñāṇabalavipphāraṃ dassehī’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘абхин̃н̃ааяаахам̣, бхигкавз, д̇хаммам̣ д̣̇зсзми но анабхин̃н̃ааяаа’д̇и, винаяабан̃н̃ад̇д̇ияааби звам̣ бхан̣ид̇ам̣ ‘ааган̇камаано, аананд̣̇а, сан̇гхо мамажжаязна куд̣̇д̣̇аанукуд̣̇д̣̇агаани сигкаабад̣̇аани самууханад̇уу’д̇и, д̇ам̣ бана, махаарааж̇а, д̇ат̇ааг̇ад̇о бхигкуу виймам̣самаано ааха ‘уггалзссанд̇и 1 ну ко мама саавагаа маяаа виссаж̇ж̇аабийяамаанаа мамажжаязна куд̣̇д̣̇аанукуд̣̇д̣̇агаани сигкаабад̣̇аани, уд̣̇ааху аад̣̇ияиссанд̇ий’д̇и.
‘‘Bhāsitampetaṃ, mahārāja, bhagavatā ‘abhiññāyāhaṃ, bhikkhave, dhammaṃ desemi no anabhiññāyā’ti, vinayapaññattiyāpi evaṃ bhaṇitaṃ ‘ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhanatū’ti, taṃ pana, mahārāja, tathāgato bhikkhū vīmaṃsamāno āha ‘ukkalessanti 2 nu kho mama sāvakā mayā vissajjāpīyamānā mamaccayena khuddānukhuddakāni sikkhāpadāni, udāhu ādiyissantī’ti.
‘‘яат̇аа, махаарааж̇а, жаггавад̇д̇ий рааж̇аа буд̇д̇з звам̣ вад̣̇зяяа ‘аяам̣ ко, д̇аад̇аа, махааж̇анабад̣̇о саб̣б̣ад̣̇исаасу сааг̇арабарияанд̇о, д̣̇уггаро, д̇аад̇аа, д̇аавад̇агзна б̣алзна д̇хаарзд̇ум̣, зт̇а д̇умхз, д̇аад̇аа, мамажжаязна бажжанд̇з бажжанд̇з д̣̇зсз баж̇ахат̇аа’д̇и. аби ну ко д̇з, махаарааж̇а, гумаараа бид̇уажжаязна хад̇т̇аг̇ад̇з ж̇анабад̣̇з саб̣б̣з д̇з бажжанд̇з бажжанд̇з д̣̇зсз мун̃жзяяу’’нд̇и? ‘‘на хи бханд̇з, рааж̇ад̇о 3, бханд̇з, луд̣̇д̇хад̇араа 4 гумаараа раж̇ж̇алобхзна д̇ад̣̇уд̇д̇арим̣ д̣̇иг̇ун̣ад̇иг̇ун̣ам̣ ж̇анабад̣̇ам̣ бариг̇г̇ан̣хзяяум̣ 5, гим̣ бана д̇з хад̇т̇аг̇ад̇ам̣ ж̇анабад̣̇ам̣ мун̃жзяяу’’нд̇и? ‘‘звамзва ко, махаарааж̇а, д̇ат̇ааг̇ад̇о бхигкуу виймам̣самаано звамааха ‘ааган̇камаано, аананд̣̇а, сан̇гхо мамажжаязна куд̣̇д̣̇аанукуд̣̇д̣̇агаани сигкаабад̣̇аани самууханад̇уу’д̇и. д̣̇угкабаримуд̇д̇ияаа, махаарааж̇а, б̣уд̣̇д̇хабуд̇д̇аа д̇хаммалобхзна ан̃н̃амби уд̇д̇арим̣ д̣̇ияад̣дхасигкаабад̣̇асад̇ам̣ г̇обзяяум̣, гим̣ бана багад̇ибан̃н̃ад̇д̇ам̣ сигкаабад̣̇ам̣ мун̃жзяяу’’нд̇и?
‘‘Yathā, mahārāja, cakkavattī rājā putte evaṃ vadeyya ‘ayaṃ kho, tātā, mahājanapado sabbadisāsu sāgarapariyanto, dukkaro, tātā, tāvatakena balena dhāretuṃ, etha tumhe, tātā, mamaccayena paccante paccante dese pajahathā’ti. Api nu kho te, mahārāja, kumārā pituaccayena hatthagate janapade sabbe te paccante paccante dese muñceyyu’’nti? ‘‘Na hi bhante, rājato 6, bhante, luddhatarā 7 kumārā rajjalobhena taduttariṃ diguṇatiguṇaṃ janapadaṃ pariggaṇheyyuṃ 8, kiṃ pana te hatthagataṃ janapadaṃ muñceyyu’’nti? ‘‘Evameva kho, mahārāja, tathāgato bhikkhū vīmaṃsamāno evamāha ‘ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhanatū’ti. Dukkhaparimuttiyā, mahārāja, buddhaputtā dhammalobhena aññampi uttariṃ diyaḍḍhasikkhāpadasataṃ gopeyyuṃ, kiṃ pana pakatipaññattaṃ sikkhāpadaṃ muñceyyu’’nti?
‘‘бханд̇з нааг̇асзна, яам̣ бхаг̇аваа ааха ‘куд̣̇д̣̇аанукуд̣̇д̣̇агаани сигкаабад̣̇ааний’д̇и, зд̇т̇ааяам̣ ж̇ано саммуул̣хо вимад̇иж̇аад̇о ад̇хигад̇о сам̣саяабагканд̣̇о. гад̇амаани д̇аани куд̣̇д̣̇агаани сигкаабад̣̇аани, гад̇амаани анукуд̣̇д̣̇агаани сигкаабад̣̇аанийд̇и? д̣̇уггадам̣, махаарааж̇а, куд̣̇д̣̇агам̣ сигкаабад̣̇ам̣, д̣̇уб̣бхаасид̇ам̣ анукуд̣̇д̣̇агам̣ сигкаабад̣̇ам̣, имаани д̣̇вз куд̣̇д̣̇аанукуд̣̇д̣̇агаани сигкаабад̣̇аани, буб̣б̣агзхиби, махаарааж̇а, махаат̇зрзхи зд̇т̇а вимад̇и уббаад̣̇ид̇аа, д̇зхиби згаж̇жхам̣ на гад̇о д̇хаммасан̣тид̇ибарияааяз бхаг̇авад̇аа зсо бан̃хо убад̣̇идтод̇и. жиранигкид̇д̇ам̣, бханд̇з нааг̇асзна, ж̇инарахассам̣ аж̇ж̇зд̇арахи логз вивадам̣ баагадам̣ гад̇а’’нд̇и.
‘‘Bhante nāgasena, yaṃ bhagavā āha ‘khuddānukhuddakāni sikkhāpadānī’ti, etthāyaṃ jano sammūḷho vimatijāto adhikato saṃsayapakkhando. Katamāni tāni khuddakāni sikkhāpadāni, katamāni anukhuddakāni sikkhāpadānīti? Dukkaṭaṃ, mahārāja, khuddakaṃ sikkhāpadaṃ, dubbhāsitaṃ anukhuddakaṃ sikkhāpadaṃ, imāni dve khuddānukhuddakāni sikkhāpadāni, pubbakehipi, mahārāja, mahātherehi ettha vimati uppāditā, tehipi ekajjhaṃ na kato dhammasaṇṭhitipariyāye bhagavatā eso pañho upadiṭṭhoti. Ciranikkhittaṃ, bhante nāgasena, jinarahassaṃ ajjetarahi loke vivaṭaṃ pākaṭaṃ kata’’nti.
куд̣̇д̣̇аанукуд̣̇д̣̇агабан̃хо батамо.
Khuddānukhuddakapañho paṭhamo.
Footnotes:
