| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
11. பஞ்சஸதிகக்க²ந்த⁴கங்
11. Pañcasatikakkhandhakaṃ
கு²த்³தா³னுகு²த்³த³கஸிக்கா²பத³கதா²
Khuddānukhuddakasikkhāpadakathā
441. பஞ்சஸதிகக்க²ந்த⁴கே – சத்தாரி பாராஜிகானி ட²பெத்வா அவஸேஸானி கு²த்³தா³னுகு²த்³த³கானீதி ஏவமாதி³ ஏகஸிக்கா²பத³ம்பி அபரிச்சஜித்வா ஸப்³பே³ஸங் ஸங்க³ஹேதப்³ப³பா⁴வத³ஸ்ஸனத்த²ங் பரியாயேன வுத்தங். இத³ங் வோ ஸமணானந்தி இத³ங் ஸமணானங். பத³பூரணமத்தே வோகாரோ.
441. Pañcasatikakkhandhake – cattāri pārājikāni ṭhapetvā avasesāni khuddānukhuddakānīti evamādi ekasikkhāpadampi apariccajitvā sabbesaṃ saṅgahetabbabhāvadassanatthaṃ pariyāyena vuttaṃ. Idaṃ vo samaṇānanti idaṃ samaṇānaṃ. Padapūraṇamatte vokāro.
443. இத³ம்பி தே ஆவுஸோ ஆனந்த³ து³க்கடந்தி ‘‘இத³ங் தயா து³ட்டு² கத’’ந்தி கேவலங் க³ரஹந்தேஹி தே²ரேஹி வுத்தங் , ந ஆபத்திங் ஸந்தா⁴ய வுத்தங். ந ஹி தே ஆபத்தானாபத்திங் ந ஜானந்தி. இதா³னேவ சேதங் அனுஸ்ஸாவிதங் – ‘‘ஸங்கோ⁴ அபஞ்ஞத்தங் ந பஞ்ஞபேதி, பஞ்ஞத்தங் ந ஸமுச்சி²ந்த³தீ’’தி. தே³ஸேஹி தங் து³க்கடந்தி இத³ம்பி ச ‘‘ஆம, ப⁴ந்தே, து³ட்டு² மயா கத’’ந்தி ஏவங் படிஜானாஹி, தங் து³க்கடந்தி இத³ங் ஸந்தா⁴ய வுத்தங், ந ஆபத்திதே³ஸனங். தே²ரோ பன யஸ்மா அஸதியா ந புச்சி² ந அனாத³ரேன, தஸ்மா தத்த² து³ட்டு²கதபா⁴வம்பி அஸல்லக்கெ²ந்தோ ‘‘நாஹங் தங் து³க்கடங் பஸ்ஸாமீ’’தி வத்வா தே²ரேஸு கா³ரவங் த³ஸ்ஸெந்தோ ‘‘அபிசாயஸ்மந்தானங் ஸந்தா⁴ய தே³ஸேமி தங் து³க்கட’’ந்தி ஆஹ. யதா² தும்ஹே வத³த², ததா² படிஜானாமீதி வுத்தங் ஹோதி. ஏஸேவ நயோ அவஸேஸேஸு சதூஸு டா²னேஸு. ஸேஸமெத்த² யங் வத்தப்³ப³ங் ஸியா, தங் நிதா³னவண்ணனாயமேவ வுத்தங்.
443.Idampi te āvuso ānanda dukkaṭanti ‘‘idaṃ tayā duṭṭhu kata’’nti kevalaṃ garahantehi therehi vuttaṃ , na āpattiṃ sandhāya vuttaṃ. Na hi te āpattānāpattiṃ na jānanti. Idāneva cetaṃ anussāvitaṃ – ‘‘saṅgho apaññattaṃ na paññapeti, paññattaṃ na samucchindatī’’ti. Desehi taṃ dukkaṭanti idampi ca ‘‘āma, bhante, duṭṭhu mayā kata’’nti evaṃ paṭijānāhi, taṃ dukkaṭanti idaṃ sandhāya vuttaṃ, na āpattidesanaṃ. Thero pana yasmā asatiyā na pucchi na anādarena, tasmā tattha duṭṭhukatabhāvampi asallakkhento ‘‘nāhaṃ taṃ dukkaṭaṃ passāmī’’ti vatvā theresu gāravaṃ dassento ‘‘apicāyasmantānaṃ sandhāya desemi taṃ dukkaṭa’’nti āha. Yathā tumhe vadatha, tathā paṭijānāmīti vuttaṃ hoti. Eseva nayo avasesesu catūsu ṭhānesu. Sesamettha yaṃ vattabbaṃ siyā, taṃ nidānavaṇṇanāyameva vuttaṃ.
கு²த்³தா³னுகு²த்³த³கஸிக்கா²பத³கதா² நிட்டி²தா.
Khuddānukhuddakasikkhāpadakathā niṭṭhitā.
பஞ்சஸதிகக்க²ந்த⁴கவண்ணனா நிட்டி²தா.
Pañcasatikakkhandhakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 2. கு²த்³தா³னுகு²த்³த³கஸிக்கா²பத³கதா² • 2. Khuddānukhuddakasikkhāpadakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / கு²த்³தா³னுகு²த்³த³கஸிக்கா²பத³கதா²வண்ணனா • Khuddānukhuddakasikkhāpadakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / கு²த்³தா³னுகு²த்³த³ககதா²வண்ணனா • Khuddānukhuddakakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / கு²த்³தா³னுகு²த்³த³கஸிக்கா²பத³கதா²வண்ணனா • Khuddānukhuddakasikkhāpadakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 1. கு²த்³தா³னுகு²த்³த³கஸிக்கா²பத³கதா² • 1. Khuddānukhuddakasikkhāpadakathā
