| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
11. பஞ்சஸதிகக்க²ந்த⁴கங்
11. Pañcasatikakkhandhakaṃ
1. கு²த்³தா³னுகு²த்³த³கஸிக்கா²பத³கதா²
1. Khuddānukhuddakasikkhāpadakathā
441. பஞ்சஸதிகக்க²ந்த⁴கே ‘‘சத்தாரி…பே॰… கு²த்³த³கானீ’’தி ஏவமாதி³ வுத்தந்தி ஸம்ப³ந்தோ⁴. பரியாயேனாதி காரணேன. தூ⁴மகாலிகந்தி எத்த² தூ⁴மஸ்ஸ காலோ தூ⁴மகாலோ, தூ⁴மஸ்ஸ உட்டி²தகாலோதி அத்தோ². ஸோ ஏதஸ்ஸத்தீ²தி தூ⁴மகாலிகங், ஸிக்கா²பத³பஞ்ஞத்தங். இதி இமமத்த²ங் த³ஸ்ஸெந்தோ ஆஹ ‘‘யாவா’’திஆதி³.
441. Pañcasatikakkhandhake ‘‘cattāri…pe… khuddakānī’’ti evamādi vuttanti sambandho. Pariyāyenāti kāraṇena. Dhūmakālikanti ettha dhūmassa kālo dhūmakālo, dhūmassa uṭṭhitakāloti attho. So etassatthīti dhūmakālikaṃ, sikkhāpadapaññattaṃ. Iti imamatthaṃ dassento āha ‘‘yāvā’’tiādi.
443. இத³ந்தி ‘‘கதமானி பன ப⁴ந்தே கு²த்³தா³னுகு²த்³த³கானி ஸிக்கா²பதா³னீ’’தி அபுச்ச²னங். ‘‘தயா’’தி இமினா இத³ங் தேதி எத்த² தேஸத்³த³ஸ்ஸ ‘‘துய்ஹங், தவா’’தி அத்தே² படிக்கி²பதி. ஆபத்திந்தி து³க்கடாபத்திங். ஹீதி ஸச்சங், யஸ்மா வா. தேதி தே²ரா. ‘‘ஸங்கோ⁴…பே॰… ந ஸமுச்சி²ந்த³தீ’’தி ஏதங் வசனங் அனுஸ்ஸாவிதந்தி யோஜனா. ‘‘தே³ஸேஹி தங் ஆவுஸோ து³க்கட’’ந்தி இத³ம்பி ச வுத்தந்தி ஸம்ப³ந்தோ⁴. தே²ரோ பனாதி ஆனந்த³த்தே²ரோ பன ஆஹாதி ஸம்ப³ந்தோ⁴. தத்தா²தி அபுச்ச²னே. யதா²தி யேனாகாரேன. சதூஸு டா²னேஸூதி ‘‘ப⁴க³வதோ வஸ்ஸிகஸாடிகங் அக்கமித்வா ஸிப்³பே³ஸீ’’திஆதீ³ஸு சதூஸு டா²னேஸு. எத்தா²தி பஞ்சஸதிகக்க²ந்த⁴கே.
443.Idanti ‘‘katamāni pana bhante khuddānukhuddakāni sikkhāpadānī’’ti apucchanaṃ. ‘‘Tayā’’ti iminā idaṃ teti ettha tesaddassa ‘‘tuyhaṃ, tavā’’ti atthe paṭikkhipati. Āpattinti dukkaṭāpattiṃ. Hīti saccaṃ, yasmā vā. Teti therā. ‘‘Saṅgho…pe… na samucchindatī’’ti etaṃ vacanaṃ anussāvitanti yojanā. ‘‘Desehi taṃ āvuso dukkaṭa’’nti idampi ca vuttanti sambandho. Thero panāti ānandatthero pana āhāti sambandho. Tatthāti apucchane. Yathāti yenākārena. Catūsu ṭhānesūti ‘‘bhagavato vassikasāṭikaṃ akkamitvā sibbesī’’tiādīsu catūsu ṭhānesu. Etthāti pañcasatikakkhandhake.
இதி பஞ்சஸதிகக்க²ந்த⁴கவண்ணனாய யோஜனா ஸமத்தா.
Iti pañcasatikakkhandhakavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 2. கு²த்³தா³னுகு²த்³த³கஸிக்கா²பத³கதா² • 2. Khuddānukhuddakasikkhāpadakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / கு²த்³தா³னுகு²த்³த³கஸிக்கா²பத³கதா² • Khuddānukhuddakasikkhāpadakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / கு²த்³தா³னுகு²த்³த³கஸிக்கா²பத³கதா²வண்ணனா • Khuddānukhuddakasikkhāpadakathāvaṇṇanā
