| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
১১. পঞ্চসতিকক্খন্ধকং
11. Pañcasatikakkhandhakaṃ
খুদ্দানুখুদ্দকসিক্খাপদকথা
Khuddānukhuddakasikkhāpadakathā
৪৪১. পঞ্চসতিকক্খন্ধকে – চত্তারি পারাজিকানি ঠপেত্ৰা অৰসেসানি খুদ্দানুখুদ্দকানীতি এৰমাদি একসিক্খাপদম্পি অপরিচ্চজিত্ৰা সব্বেসং সঙ্গহেতব্বভাৰদস্সনত্থং পরিযাযেন ৰুত্তং। ইদং ৰো সমণানন্তি ইদং সমণানং। পদপূরণমত্তে ৰোকারো।
441. Pañcasatikakkhandhake – cattāri pārājikāni ṭhapetvā avasesāni khuddānukhuddakānīti evamādi ekasikkhāpadampi apariccajitvā sabbesaṃ saṅgahetabbabhāvadassanatthaṃ pariyāyena vuttaṃ. Idaṃ vo samaṇānanti idaṃ samaṇānaṃ. Padapūraṇamatte vokāro.
৪৪৩. ইদম্পি তে আৰুসো আনন্দ দুক্কটন্তি ‘‘ইদং তযা দুট্ঠু কত’’ন্তি কেৰলং গরহন্তেহি থেরেহি ৰুত্তং , ন আপত্তিং সন্ধায ৰুত্তং। ন হি তে আপত্তানাপত্তিং ন জানন্তি। ইদানেৰ চেতং অনুস্সাৰিতং – ‘‘সঙ্ঘো অপঞ্ঞত্তং ন পঞ্ঞপেতি, পঞ্ঞত্তং ন সমুচ্ছিন্দতী’’তি। দেসেহি তং দুক্কটন্তি ইদম্পি চ ‘‘আম, ভন্তে, দুট্ঠু মযা কত’’ন্তি এৰং পটিজানাহি, তং দুক্কটন্তি ইদং সন্ধায ৰুত্তং, ন আপত্তিদেসনং। থেরো পন যস্মা অসতিযা ন পুচ্ছি ন অনাদরেন, তস্মা তত্থ দুট্ঠুকতভাৰম্পি অসল্লক্খেন্তো ‘‘নাহং তং দুক্কটং পস্সামী’’তি ৰত্ৰা থেরেসু গারৰং দস্সেন্তো ‘‘অপিচাযস্মন্তানং সন্ধায দেসেমি তং দুক্কট’’ন্তি আহ। যথা তুম্হে ৰদথ, তথা পটিজানামীতি ৰুত্তং হোতি। এসেৰ নযো অৰসেসেসু চতূসু ঠানেসু। সেসমেত্থ যং ৰত্তব্বং সিযা, তং নিদানৰণ্ণনাযমেৰ ৰুত্তং।
443.Idampi te āvuso ānanda dukkaṭanti ‘‘idaṃ tayā duṭṭhu kata’’nti kevalaṃ garahantehi therehi vuttaṃ , na āpattiṃ sandhāya vuttaṃ. Na hi te āpattānāpattiṃ na jānanti. Idāneva cetaṃ anussāvitaṃ – ‘‘saṅgho apaññattaṃ na paññapeti, paññattaṃ na samucchindatī’’ti. Desehi taṃ dukkaṭanti idampi ca ‘‘āma, bhante, duṭṭhu mayā kata’’nti evaṃ paṭijānāhi, taṃ dukkaṭanti idaṃ sandhāya vuttaṃ, na āpattidesanaṃ. Thero pana yasmā asatiyā na pucchi na anādarena, tasmā tattha duṭṭhukatabhāvampi asallakkhento ‘‘nāhaṃ taṃ dukkaṭaṃ passāmī’’ti vatvā theresu gāravaṃ dassento ‘‘apicāyasmantānaṃ sandhāya desemi taṃ dukkaṭa’’nti āha. Yathā tumhe vadatha, tathā paṭijānāmīti vuttaṃ hoti. Eseva nayo avasesesu catūsu ṭhānesu. Sesamettha yaṃ vattabbaṃ siyā, taṃ nidānavaṇṇanāyameva vuttaṃ.
খুদ্দানুখুদ্দকসিক্খাপদকথা নিট্ঠিতা।
Khuddānukhuddakasikkhāpadakathā niṭṭhitā.
পঞ্চসতিকক্খন্ধকৰণ্ণনা নিট্ঠিতা।
Pañcasatikakkhandhakavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / ২. খুদ্দানুখুদ্দকসিক্খাপদকথা • 2. Khuddānukhuddakasikkhāpadakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / খুদ্দানুখুদ্দকসিক্খাপদকথাৰণ্ণনা • Khuddānukhuddakasikkhāpadakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / খুদ্দানুখুদ্দককথাৰণ্ণনা • Khuddānukhuddakakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / খুদ্দানুখুদ্দকসিক্খাপদকথাৰণ্ণনা • Khuddānukhuddakasikkhāpadakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১. খুদ্দানুখুদ্দকসিক্খাপদকথা • 1. Khuddānukhuddakasikkhāpadakathā
