| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
2. куд̣̇д̣̇аанукуд̣̇д̣̇агасигкаабад̣̇агат̇аа
2. Khuddānukhuddakasikkhāpadakathā
441. ат̇а ко ааяасмаа аананд̣̇о т̇зрз бхигкуу зд̇ад̣̇авожа – ‘‘бхаг̇аваа мам̣, бханд̇з, бариниб̣б̣аанагаалз звамааха – ‘ааган̇камаано, аананд̣̇а, сан̇гхо мамажжаязна куд̣̇д̣̇аанукуд̣̇д̣̇агаани сигкаабад̣̇аани самууханзяяаа’’’д̇и. ‘‘бужчи бана д̇вам̣, аавусо аананд̣̇а, бхаг̇аванд̇ам̣ – ‘гад̇амаани бана, бханд̇з, куд̣̇д̣̇аанукуд̣̇д̣̇агаани сигкаабад̣̇ааний’’’д̇и? ‘‘на кохам̣, бханд̇з, бхаг̇аванд̇ам̣ бужчим̣ – ‘гад̇амаани бана, бханд̇з, куд̣̇д̣̇аанукуд̣̇д̣̇агаани сигкаабад̣̇ааний’’д̇и. згажжз т̇зраа звамаахам̣су – ‘‘жад̇д̇аари баарааж̇игаани табзд̇ваа, авасзсаани куд̣̇д̣̇аанукуд̣̇д̣̇агаани сигкаабад̣̇ааний’’д̇и. згажжз т̇зраа звамаахам̣су – ‘‘жад̇д̇аари баарааж̇игаани табзд̇ваа , д̇зраса сан̇гхаад̣̇исзсз табзд̇ваа, авасзсаани куд̣̇д̣̇аанукуд̣̇д̣̇агаани сигкаабад̣̇ааний’’д̇и. згажжз т̇зраа звамаахам̣су – ‘‘жад̇д̇аари баарааж̇игаани табзд̇ваа, д̇зраса сан̇гхаад̣̇исзсз табзд̇ваа, д̣̇вз анияад̇з табзд̇ваа, авасзсаани куд̣̇д̣̇аанукуд̣̇д̣̇агаани сигкаабад̣̇ааний’’д̇и. згажжз т̇зраа звамаахам̣су – ‘‘жад̇д̇аари баарааж̇игаани табзд̇ваа, д̇зраса сан̇гхаад̣̇исзсз табзд̇ваа, д̣̇вз анияад̇з табзд̇ваа, д̇им̣са ниссаг̇г̇ияз баажид̇д̇ияз табзд̇ваа, авасзсаани куд̣̇д̣̇аанукуд̣̇д̣̇агаани сигкаабад̣̇ааний’’д̇и. згажжз т̇зраа звамаахам̣су – ‘‘жад̇д̇аари баарааж̇игаани табзд̇ваа, д̇зраса сан̇гхаад̣̇исзсз табзд̇ваа, д̣̇вз анияад̇з табзд̇ваа, д̇им̣са ниссаг̇г̇ияз баажид̇д̇ияз табзд̇ваа, д̣̇взнавуд̇и баажид̇д̇ияз табзд̇ваа, авасзсаани куд̣̇д̣̇аанукуд̣̇д̣̇агаани сигкаабад̣̇ааний’’д̇и. згажжз т̇зраа звамаахам̣су – ‘‘жад̇д̇аари баарааж̇игаани табзд̇ваа, д̇зраса сан̇гхаад̣̇исзсз табзд̇ваа, д̣̇вз анияад̇з табзд̇ваа, д̇им̣са ниссаг̇г̇ияз баажид̇д̇ияз табзд̇ваа, д̣̇взнавуд̇и баажид̇д̇ияз табзд̇ваа, жад̇д̇ааро баадид̣̇зсанийяз табзд̇ваа, авасзсаани куд̣̇д̣̇аанукуд̣̇д̣̇агаани сигкаабад̣̇ааний’’д̇и.
441. Atha kho āyasmā ānando there bhikkhū etadavoca – ‘‘bhagavā maṃ, bhante, parinibbānakāle evamāha – ‘ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhaneyyā’’’ti. ‘‘Pucchi pana tvaṃ, āvuso ānanda, bhagavantaṃ – ‘katamāni pana, bhante, khuddānukhuddakāni sikkhāpadānī’’’ti? ‘‘Na khohaṃ, bhante, bhagavantaṃ pucchiṃ – ‘katamāni pana, bhante, khuddānukhuddakāni sikkhāpadānī’’ti. Ekacce therā evamāhaṃsu – ‘‘cattāri pārājikāni ṭhapetvā, avasesāni khuddānukhuddakāni sikkhāpadānī’’ti. Ekacce therā evamāhaṃsu – ‘‘cattāri pārājikāni ṭhapetvā , terasa saṅghādisese ṭhapetvā, avasesāni khuddānukhuddakāni sikkhāpadānī’’ti. Ekacce therā evamāhaṃsu – ‘‘cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, avasesāni khuddānukhuddakāni sikkhāpadānī’’ti. Ekacce therā evamāhaṃsu – ‘‘cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, tiṃsa nissaggiye pācittiye ṭhapetvā, avasesāni khuddānukhuddakāni sikkhāpadānī’’ti. Ekacce therā evamāhaṃsu – ‘‘cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, tiṃsa nissaggiye pācittiye ṭhapetvā, dvenavuti pācittiye ṭhapetvā, avasesāni khuddānukhuddakāni sikkhāpadānī’’ti. Ekacce therā evamāhaṃsu – ‘‘cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, tiṃsa nissaggiye pācittiye ṭhapetvā, dvenavuti pācittiye ṭhapetvā, cattāro pāṭidesanīye ṭhapetvā, avasesāni khuddānukhuddakāni sikkhāpadānī’’ti.
442. ат̇а ко ааяасмаа махаагассабо сан̇гхам̣ н̃аабзси –
442. Atha kho āyasmā mahākassapo saṅghaṃ ñāpesi –
‘‘сун̣аад̇у мз, аавусо, сан̇гхо. санд̇амхаагам̣ сигкаабад̣̇аани г̇ихиг̇ад̇аани. г̇ихиноби ж̇аананд̇и – ‘ид̣̇ам̣ во саман̣аанам̣ сагяабуд̇д̇ияаанам̣ габбад̇и, ид̣̇ам̣ во на габбад̇ий’д̇и. сажз маяам̣ куд̣̇д̣̇аанукуд̣̇д̣̇агаани сигкаабад̣̇аани самууханиссаама, бхависсанд̇и вад̇д̇ааро – ‘д̇хуумагаалигам̣ саман̣зна г̇од̇амзна саавагаанам̣ сигкаабад̣̇ам̣ бан̃н̃ад̇д̇ам̣. яаавимзсам̣ сад̇т̇аа адтааси д̇аавимз сигкаабад̣̇зсу сигким̣су. яад̇о имзсам̣ сад̇т̇аа бариниб̣б̣уд̇о, на д̣̇аанимз сигкаабад̣̇зсу сигканд̇ий’д̇и. яад̣̇и сан̇гхасса бад̇д̇агаллам̣, сан̇гхо аббан̃н̃ад̇д̇ам̣ наббан̃н̃абзяяа, бан̃н̃ад̇д̇ам̣ на самужчинд̣̇зяяа, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇зяяа. зсаа н̃ад̇д̇и.
‘‘Suṇātu me, āvuso, saṅgho. Santamhākaṃ sikkhāpadāni gihigatāni. Gihinopi jānanti – ‘idaṃ vo samaṇānaṃ sakyaputtiyānaṃ kappati, idaṃ vo na kappatī’ti. Sace mayaṃ khuddānukhuddakāni sikkhāpadāni samūhanissāma, bhavissanti vattāro – ‘dhūmakālikaṃ samaṇena gotamena sāvakānaṃ sikkhāpadaṃ paññattaṃ. Yāvimesaṃ satthā aṭṭhāsi tāvime sikkhāpadesu sikkhiṃsu. Yato imesaṃ satthā parinibbuto, na dānime sikkhāpadesu sikkhantī’ti. Yadi saṅghassa pattakallaṃ, saṅgho appaññattaṃ nappaññapeyya, paññattaṃ na samucchindeyya, yathāpaññattesu sikkhāpadesu samādāya vatteyya. Esā ñatti.
‘‘сун̣аад̇у мз, аавусо, сан̇гхо. санд̇амхаагам̣ сигкаабад̣̇аани г̇ихиг̇ад̇аани. г̇ихиноби ж̇аананд̇и – ‘ид̣̇ам̣ во саман̣аанам̣ сагяабуд̇д̇ияаанам̣ габбад̇и, ид̣̇ам̣ во на габбад̇ий’д̇и. сажз маяам̣ куд̣̇д̣̇аанукуд̣̇д̣̇агаани сигкаабад̣̇аани самууханиссаама, бхависсанд̇и вад̇д̇ааро – ‘д̇хуумагаалигам̣ саман̣зна г̇од̇амзна саавагаанам̣ сигкаабад̣̇ам̣ бан̃н̃ад̇д̇ам̣ . яаавимзсам̣ сад̇т̇аа адтааси д̇аавимз сигкаабад̣̇зсу сигким̣су. яад̇о имзсам̣ сад̇т̇аа бариниб̣б̣уд̇о, на д̣̇аанимз сигкаабад̣̇зсу сигканд̇ий’д̇и. сан̇гхо аббан̃н̃ад̇д̇ам̣ наббан̃н̃абзд̇и, бан̃н̃ад̇д̇ам̣ на самужчинд̣̇ад̇и, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇ад̇и. яассааяасмад̇о камад̇и аббан̃н̃ад̇д̇асса аббан̃н̃аабанаа, бан̃н̃ад̇д̇асса асамужчзд̣̇о, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇анаа, со д̇ун̣хасса; яасса нагкамад̇и, со бхаасзяяа.
‘‘Suṇātu me, āvuso, saṅgho. Santamhākaṃ sikkhāpadāni gihigatāni. Gihinopi jānanti – ‘idaṃ vo samaṇānaṃ sakyaputtiyānaṃ kappati, idaṃ vo na kappatī’ti. Sace mayaṃ khuddānukhuddakāni sikkhāpadāni samūhanissāma, bhavissanti vattāro – ‘dhūmakālikaṃ samaṇena gotamena sāvakānaṃ sikkhāpadaṃ paññattaṃ . Yāvimesaṃ satthā aṭṭhāsi tāvime sikkhāpadesu sikkhiṃsu. Yato imesaṃ satthā parinibbuto, na dānime sikkhāpadesu sikkhantī’ti. Saṅgho appaññattaṃ nappaññapeti, paññattaṃ na samucchindati, yathāpaññattesu sikkhāpadesu samādāya vattati. Yassāyasmato khamati appaññattassa appaññāpanā, paññattassa asamucchedo, yathāpaññattesu sikkhāpadesu samādāya vattanā, so tuṇhassa; yassa nakkhamati, so bhāseyya.
‘‘сан̇гхо аббан̃н̃ад̇д̇ам̣ наббан̃н̃абзд̇и, бан̃н̃ад̇д̇ам̣ на самужчинд̣̇ад̇и, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇ад̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Saṅgho appaññattaṃ nappaññapeti, paññattaṃ na samucchindati, yathāpaññattesu sikkhāpadesu samādāya vattati. Khamati saṅghassa, tasmā tuṇhī, evametaṃ dhārayāmī’’ti.
443. ат̇а ко т̇зраа бхигкуу ааяасманд̇ам̣ аананд̣̇ам̣ зд̇ад̣̇авожум̣ – ‘‘ид̣̇ам̣ д̇з, аавусо аананд̣̇а, д̣̇уггадам̣, яам̣ д̇вам̣ бхаг̇аванд̇ам̣ на бужчи – ‘гад̇амаани бана, бханд̇з, куд̣̇д̣̇аанукуд̣̇д̣̇агаани сигкаабад̣̇ааний’д̇и. д̣̇зсзхи д̇ам̣ д̣̇уггада’’нд̇и. ‘‘ахам̣ ко, бханд̇з, ассад̇ияаа бхаг̇аванд̇ам̣ на бужчим̣ – ‘гад̇амаани бана, бханд̇з, куд̣̇д̣̇аанукуд̣̇д̣̇агаани сигкаабад̣̇ааний’д̇и. наахам̣ д̇ам̣ д̣̇уггадам̣ бассаами, аби жааяасманд̇аанам̣ сад̣̇д̇хааяа д̣̇зсзми д̇ам̣ д̣̇уггада’’нд̇и. ‘‘ид̣̇амби д̇з, аавусо аананд̣̇а, д̣̇уггадам̣, яам̣ д̇вам̣ бхаг̇авад̇о вассигасаадигам̣ аггамид̇ваа сиб̣б̣зси. д̣̇зсзхи д̇ам̣ д̣̇уггада’’нд̇и. ‘‘ахам̣ ко, бханд̇з, на аг̇ааравзна бхаг̇авад̇о вассигасаадигам̣ аггамид̇ваа сиб̣б̣зсим̣. наахам̣ д̇ам̣ д̣̇уггадам̣ бассаами, аби жааяасманд̇аанам̣ сад̣̇д̇хааяа д̣̇зсзми д̇ам̣ д̣̇уггада’’нд̇и. ‘‘ид̣̇амби д̇з, аавусо аананд̣̇а, д̣̇уггадам̣, яам̣ д̇вам̣ маад̇уг̇аамзхи бхаг̇авад̇о сарийрам̣ батамам̣ ванд̣̇аабзси, д̇аасам̣ род̣̇анд̇ийнам̣ бхаг̇авад̇о сарийрам̣ ассугзна магкид̇ам̣. д̣̇зсзхи д̇ам̣ д̣̇уггада’’нд̇и. ахам̣ ко, бханд̇з – мааяимаасам̣ 1 вигаалз ахзсунд̇и – маад̇уг̇аамзхи бхаг̇авад̇о сарийрам̣ батамам̣ ванд̣̇аабзсим̣. наахам̣ д̇ам̣ д̣̇уггадам̣ бассаами, аби жааяасманд̇аанам̣ сад̣̇д̇хааяа д̣̇зсзми д̇ам̣ д̣̇уггада’’нд̇и. ‘‘ид̣̇амби д̇з, аавусо аананд̣̇а, д̣̇уггадам̣, яам̣ д̇вам̣ бхаг̇авад̇аа ол̣ааригз нимид̇д̇з гаяирамаанз, ол̣ааригз обхаасз гаяирамаанз, на бхаг̇аванд̇ам̣ яаажи – ‘д̇идтад̇у бхаг̇аваа габбам̣, д̇идтад̇у суг̇ад̇о габбам̣, б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. д̣̇зсзхи д̇ам̣ д̣̇уггада’’нд̇и. ‘‘ахам̣ ко, бханд̇з, маарзна барияудтид̇ажид̇д̇о на бхаг̇аванд̇ам̣ яаажим̣ – ‘д̇идтад̇у бхаг̇аваа габбам̣, д̇идтад̇у суг̇ад̇о габбам̣, б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. наахам̣ д̇ам̣ д̣̇уггадам̣ бассаами, аби жааяасманд̇аанам̣ сад̣̇д̇хааяа д̣̇зсзми д̇ам̣ д̣̇уггада’’нд̇и. ‘‘ид̣̇амби д̇з, аавусо аананд̣̇а, д̣̇уггадам̣ яам̣ д̇вам̣ маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз баб̣б̣аж̇ж̇ам̣ уссуггам̣ агааси. д̣̇зсзхи д̇ам̣ д̣̇уггада’’нд̇и. ‘‘ахам̣ ко, бханд̇з, аяам̣ махаабаж̇аабад̇и г̇од̇амий бхаг̇авад̇о маад̇ужчаа аабаад̣̇игаа босигаа кийрасса д̣̇ааяигаа бхаг̇аванд̇ам̣ ж̇анзд̇д̇ияаа гаалан̇гад̇ааяа т̇ан̃н̃ам̣ бааязсийд̇и маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз баб̣б̣аж̇ж̇ам̣ уссуггам̣ агаасим̣. наахам̣ д̇ам̣ д̣̇уггадам̣ бассаами, аби жааяасманд̇аанам̣ сад̣̇д̇хааяа д̣̇зсзми д̇ам̣ д̣̇уггада’’нд̇и.
443. Atha kho therā bhikkhū āyasmantaṃ ānandaṃ etadavocuṃ – ‘‘idaṃ te, āvuso ānanda, dukkaṭaṃ, yaṃ tvaṃ bhagavantaṃ na pucchi – ‘katamāni pana, bhante, khuddānukhuddakāni sikkhāpadānī’ti. Desehi taṃ dukkaṭa’’nti. ‘‘Ahaṃ kho, bhante, assatiyā bhagavantaṃ na pucchiṃ – ‘katamāni pana, bhante, khuddānukhuddakāni sikkhāpadānī’ti. Nāhaṃ taṃ dukkaṭaṃ passāmi, api cāyasmantānaṃ saddhāya desemi taṃ dukkaṭa’’nti. ‘‘Idampi te, āvuso ānanda, dukkaṭaṃ, yaṃ tvaṃ bhagavato vassikasāṭikaṃ akkamitvā sibbesi. Desehi taṃ dukkaṭa’’nti. ‘‘Ahaṃ kho, bhante, na agāravena bhagavato vassikasāṭikaṃ akkamitvā sibbesiṃ. Nāhaṃ taṃ dukkaṭaṃ passāmi, api cāyasmantānaṃ saddhāya desemi taṃ dukkaṭa’’nti. ‘‘Idampi te, āvuso ānanda, dukkaṭaṃ, yaṃ tvaṃ mātugāmehi bhagavato sarīraṃ paṭhamaṃ vandāpesi, tāsaṃ rodantīnaṃ bhagavato sarīraṃ assukena makkhitaṃ. Desehi taṃ dukkaṭa’’nti. Ahaṃ kho, bhante – māyimāsaṃ 2 vikāle ahesunti – mātugāmehi bhagavato sarīraṃ paṭhamaṃ vandāpesiṃ. Nāhaṃ taṃ dukkaṭaṃ passāmi, api cāyasmantānaṃ saddhāya desemi taṃ dukkaṭa’’nti. ‘‘Idampi te, āvuso ānanda, dukkaṭaṃ, yaṃ tvaṃ bhagavatā oḷārike nimitte kayiramāne, oḷārike obhāse kayiramāne, na bhagavantaṃ yāci – ‘tiṭṭhatu bhagavā kappaṃ, tiṭṭhatu sugato kappaṃ, bahujanahitāya bahujanasukhāya lokānukampāya atthāya hitāya sukhāya devamanussāna’nti. Desehi taṃ dukkaṭa’’nti. ‘‘Ahaṃ kho, bhante, mārena pariyuṭṭhitacitto na bhagavantaṃ yāciṃ – ‘tiṭṭhatu bhagavā kappaṃ, tiṭṭhatu sugato kappaṃ, bahujanahitāya bahujanasukhāya lokānukampāya atthāya hitāya sukhāya devamanussāna’nti. Nāhaṃ taṃ dukkaṭaṃ passāmi, api cāyasmantānaṃ saddhāya desemi taṃ dukkaṭa’’nti. ‘‘Idampi te, āvuso ānanda, dukkaṭaṃ yaṃ tvaṃ mātugāmassa tathāgatappavedite dhammavinaye pabbajjaṃ ussukkaṃ akāsi. Desehi taṃ dukkaṭa’’nti. ‘‘Ahaṃ kho, bhante, ayaṃ mahāpajāpati gotamī bhagavato mātucchā āpādikā posikā khīrassa dāyikā bhagavantaṃ janettiyā kālaṅkatāya thaññaṃ pāyesīti mātugāmassa tathāgatappavedite dhammavinaye pabbajjaṃ ussukkaṃ akāsiṃ. Nāhaṃ taṃ dukkaṭaṃ passāmi, api cāyasmantānaṃ saddhāya desemi taṃ dukkaṭa’’nti.
444. д̇зна ко бана самаязна ааяасмаа бураан̣о д̣̇агкин̣ааг̇ирисмим̣ жааригам̣ жарад̇и махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи. ат̇а ко ааяасмаа бураан̣о т̇зрзхи бхигкуухи д̇хаммз жа винаяз жа сан̇г̇ийд̇з д̣̇агкин̣ааг̇ирисмим̣ яат̇аабхиранд̇ам̣ вихарид̇ваа язна рааж̇аг̇ахам̣ язна взл̣уванам̣ галанд̣̇аганиваабо язна т̇зраа бхигкуу д̇знубасан̇гами, убасан̇гамид̇ваа т̇зрзхи бхигкуухи сад̣̇д̇хим̣ бадисаммод̣̇ид̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ бураан̣ам̣ т̇зраа бхигкуу зд̇ад̣̇авожум̣ – ‘‘т̇зрзхи, аавусо бураан̣а, д̇хаммо жа винаяо жа сан̇г̇ийд̇о. убзхи д̇ам̣ сан̇г̇ийд̇и’’нд̇и. ‘‘сусан̇г̇ийд̇аавусо, т̇зрзхи д̇хаммо жа винаяо жа. абижа яат̇зва маяаа бхаг̇авад̇о саммукаа суд̇ам̣, саммукаа бадиг̇г̇ахид̇ам̣, д̇ат̇зваахам̣ д̇хаарзссаамий’’д̇и.
444. Tena kho pana samayena āyasmā purāṇo dakkhiṇāgirismiṃ cārikaṃ carati mahatā bhikkhusaṅghena saddhiṃ pañcamattehi bhikkhusatehi. Atha kho āyasmā purāṇo therehi bhikkhūhi dhamme ca vinaye ca saṅgīte dakkhiṇāgirismiṃ yathābhirantaṃ viharitvā yena rājagahaṃ yena veḷuvanaṃ kalandakanivāpo yena therā bhikkhū tenupasaṅkami, upasaṅkamitvā therehi bhikkhūhi saddhiṃ paṭisammoditvā ekamantaṃ nisīdi. Ekamantaṃ nisinnaṃ kho āyasmantaṃ purāṇaṃ therā bhikkhū etadavocuṃ – ‘‘therehi, āvuso purāṇa, dhammo ca vinayo ca saṅgīto. Upehi taṃ saṅgīti’’nti. ‘‘Susaṅgītāvuso, therehi dhammo ca vinayo ca. Apica yatheva mayā bhagavato sammukhā sutaṃ, sammukhā paṭiggahitaṃ, tathevāhaṃ dhāressāmī’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / куд̣̇д̣̇аанукуд̣̇д̣̇агасигкаабад̣̇агат̇аа • Khuddānukhuddakasikkhāpadakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа • Khuddānukhuddakasikkhāpadakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / куд̣̇д̣̇аанукуд̣̇д̣̇агагат̇ааван̣н̣анаа • Khuddānukhuddakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа • Khuddānukhuddakasikkhāpadakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. куд̣̇д̣̇аанукуд̣̇д̣̇агасигкаабад̣̇агат̇аа • 1. Khuddānukhuddakasikkhāpadakathā
