| Library / Tipiṭaka / ติปิฎก • Tipiṭaka / จูฬวคฺค-อฎฺฐกถา • Cūḷavagga-aṭṭhakathā |
๑๑. ปญฺจสติกกฺขนฺธกํ
11. Pañcasatikakkhandhakaṃ
ขุทฺทานุขุทฺทกสิกฺขาปทกถา
Khuddānukhuddakasikkhāpadakathā
๔๔๑. ปญฺจสติกกฺขนฺธเก – จตฺตาริ ปาราชิกานิ ฐเปตฺวา อวเสสานิ ขุทฺทานุขุทฺทกานีติ เอวมาทิ เอกสิกฺขาปทมฺปิ อปริจฺจชิตฺวา สเพฺพสํ สงฺคเหตพฺพภาวทสฺสนตฺถํ ปริยาเยน วุตฺตํฯ อิทํ โว สมณานนฺติ อิทํ สมณานํฯ ปทปูรณมเตฺต โวกาโรฯ
441. Pañcasatikakkhandhake – cattāri pārājikāni ṭhapetvā avasesāni khuddānukhuddakānīti evamādi ekasikkhāpadampi apariccajitvā sabbesaṃ saṅgahetabbabhāvadassanatthaṃ pariyāyena vuttaṃ. Idaṃ vo samaṇānanti idaṃ samaṇānaṃ. Padapūraṇamatte vokāro.
๔๔๓. อิทมฺปิ เต อาวุโส อานนฺท ทุกฺกฎนฺติ ‘‘อิทํ ตยา ทุฎฺฐุ กต’’นฺติ เกวลํ ครหเนฺตหิ เถเรหิ วุตฺตํ , น อาปตฺติํ สนฺธาย วุตฺตํฯ น หิ เต อาปตฺตานาปตฺติํ น ชานนฺติฯ อิทาเนว เจตํ อนุสฺสาวิตํ – ‘‘สโงฺฆ อปญฺญตฺตํ น ปญฺญเปติ, ปญฺญตฺตํ น สมุจฺฉินฺทตี’’ติฯ เทเสหิ ตํ ทุกฺกฎนฺติ อิทมฺปิ จ ‘‘อาม, ภเนฺต, ทุฎฺฐุ มยา กต’’นฺติ เอวํ ปฎิชานาหิ, ตํ ทุกฺกฎนฺติ อิทํ สนฺธาย วุตฺตํ, น อาปตฺติเทสนํฯ เถโร ปน ยสฺมา อสติยา น ปุจฺฉิ น อนาทเรน, ตสฺมา ตตฺถ ทุฎฺฐุกตภาวมฺปิ อสลฺลเกฺขโนฺต ‘‘นาหํ ตํ ทุกฺกฎํ ปสฺสามี’’ติ วตฺวา เถเรสุ คารวํ ทเสฺสโนฺต ‘‘อปิจายสฺมนฺตานํ สนฺธาย เทเสมิ ตํ ทุกฺกฎ’’นฺติ อาหฯ ยถา ตุเมฺห วทถ, ตถา ปฎิชานามีติ วุตฺตํ โหติฯ เอเสว นโย อวเสเสสุ จตูสุ ฐาเนสุฯ เสสเมตฺถ ยํ วตฺตพฺพํ สิยา, ตํ นิทานวณฺณนายเมว วุตฺตํฯ
443.Idampi te āvuso ānanda dukkaṭanti ‘‘idaṃ tayā duṭṭhu kata’’nti kevalaṃ garahantehi therehi vuttaṃ , na āpattiṃ sandhāya vuttaṃ. Na hi te āpattānāpattiṃ na jānanti. Idāneva cetaṃ anussāvitaṃ – ‘‘saṅgho apaññattaṃ na paññapeti, paññattaṃ na samucchindatī’’ti. Desehi taṃ dukkaṭanti idampi ca ‘‘āma, bhante, duṭṭhu mayā kata’’nti evaṃ paṭijānāhi, taṃ dukkaṭanti idaṃ sandhāya vuttaṃ, na āpattidesanaṃ. Thero pana yasmā asatiyā na pucchi na anādarena, tasmā tattha duṭṭhukatabhāvampi asallakkhento ‘‘nāhaṃ taṃ dukkaṭaṃ passāmī’’ti vatvā theresu gāravaṃ dassento ‘‘apicāyasmantānaṃ sandhāya desemi taṃ dukkaṭa’’nti āha. Yathā tumhe vadatha, tathā paṭijānāmīti vuttaṃ hoti. Eseva nayo avasesesu catūsu ṭhānesu. Sesamettha yaṃ vattabbaṃ siyā, taṃ nidānavaṇṇanāyameva vuttaṃ.
ขุทฺทานุขุทฺทกสิกฺขาปทกถา นิฎฺฐิตาฯ
Khuddānukhuddakasikkhāpadakathā niṭṭhitā.
ปญฺจสติกกฺขนฺธกวณฺณนา นิฎฺฐิตาฯ
Pañcasatikakkhandhakavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๒. ขุทฺทานุขุทฺทกสิกฺขาปทกถา • 2. Khuddānukhuddakasikkhāpadakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ขุทฺทานุขุทฺทกสิกฺขาปทกถาวณฺณนา • Khuddānukhuddakasikkhāpadakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ขุทฺทานุขุทฺทกกถาวณฺณนา • Khuddānukhuddakakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ขุทฺทานุขุทฺทกสิกฺขาปทกถาวณฺณนา • Khuddānukhuddakasikkhāpadakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑. ขุทฺทานุขุทฺทกสิกฺขาปทกถา • 1. Khuddānukhuddakasikkhāpadakathā
