| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๑๑. ปญฺจสติกกฺขนฺธกํ
11. Pañcasatikakkhandhakaṃ
๑. ขุทฺทานุขุทฺทกสิกฺขาปทกถา
1. Khuddānukhuddakasikkhāpadakathā
๔๔๑. ปญฺจสติกกฺขนฺธเก ‘‘จตฺตาริ…เป.… ขุทฺทกานี’’ติ เอวมาทิ วุตฺตนฺติ สมฺพโนฺธฯ ปริยาเยนาติ การเณนฯ ธูมกาลิกนฺติ เอตฺถ ธูมสฺส กาโล ธูมกาโล, ธูมสฺส อุฎฺฐิตกาโลติ อโตฺถฯ โส เอตสฺสตฺถีติ ธูมกาลิกํ, สิกฺขาปทปญฺญตฺตํฯ อิติ อิมมตฺถํ ทเสฺสโนฺต อาห ‘‘ยาวา’’ติอาทิฯ
441. Pañcasatikakkhandhake ‘‘cattāri…pe… khuddakānī’’ti evamādi vuttanti sambandho. Pariyāyenāti kāraṇena. Dhūmakālikanti ettha dhūmassa kālo dhūmakālo, dhūmassa uṭṭhitakāloti attho. So etassatthīti dhūmakālikaṃ, sikkhāpadapaññattaṃ. Iti imamatthaṃ dassento āha ‘‘yāvā’’tiādi.
๔๔๓. อิทนฺติ ‘‘กตมานิ ปน ภเนฺต ขุทฺทานุขุทฺทกานิ สิกฺขาปทานี’’ติ อปุจฺฉนํฯ ‘‘ตยา’’ติ อิมินา อิทํ เตติ เอตฺถ เตสทฺทสฺส ‘‘ตุยฺหํ, ตวา’’ติ อเตฺถ ปฎิกฺขิปติฯ อาปตฺตินฺติ ทุกฺกฎาปตฺติํฯ หีติ สจฺจํ, ยสฺมา วาฯ เตติ เถราฯ ‘‘สโงฺฆ…เป.… น สมุจฺฉินฺทตี’’ติ เอตํ วจนํ อนุสฺสาวิตนฺติ โยชนาฯ ‘‘เทเสหิ ตํ อาวุโส ทุกฺกฎ’’นฺติ อิทมฺปิ จ วุตฺตนฺติ สมฺพโนฺธฯ เถโร ปนาติ อานนฺทเตฺถโร ปน อาหาติ สมฺพโนฺธฯ ตตฺถาติ อปุจฺฉเนฯ ยถาติ เยนากาเรนฯ จตูสุ ฐาเนสูติ ‘‘ภควโต วสฺสิกสาฎิกํ อกฺกมิตฺวา สิเพฺพสี’’ติอาทีสุ จตูสุ ฐาเนสุฯ เอตฺถาติ ปญฺจสติกกฺขนฺธเกฯ
443.Idanti ‘‘katamāni pana bhante khuddānukhuddakāni sikkhāpadānī’’ti apucchanaṃ. ‘‘Tayā’’ti iminā idaṃ teti ettha tesaddassa ‘‘tuyhaṃ, tavā’’ti atthe paṭikkhipati. Āpattinti dukkaṭāpattiṃ. Hīti saccaṃ, yasmā vā. Teti therā. ‘‘Saṅgho…pe… na samucchindatī’’ti etaṃ vacanaṃ anussāvitanti yojanā. ‘‘Desehi taṃ āvuso dukkaṭa’’nti idampi ca vuttanti sambandho. Thero panāti ānandatthero pana āhāti sambandho. Tatthāti apucchane. Yathāti yenākārena. Catūsu ṭhānesūti ‘‘bhagavato vassikasāṭikaṃ akkamitvā sibbesī’’tiādīsu catūsu ṭhānesu. Etthāti pañcasatikakkhandhake.
อิติ ปญฺจสติกกฺขนฺธกวณฺณนาย โยชนา สมตฺตาฯ
Iti pañcasatikakkhandhakavaṇṇanāya yojanā samattā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๒. ขุทฺทานุขุทฺทกสิกฺขาปทกถา • 2. Khuddānukhuddakasikkhāpadakathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / ขุทฺทานุขุทฺทกสิกฺขาปทกถา • Khuddānukhuddakasikkhāpadakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ขุทฺทานุขุทฺทกสิกฺขาปทกถาวณฺณนา • Khuddānukhuddakasikkhāpadakathāvaṇṇanā
