| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೧೧. ಪಞ್ಚಸತಿಕಕ್ಖನ್ಧಕಂ
11. Pañcasatikakkhandhakaṃ
೧. ಖುದ್ದಾನುಖುದ್ದಕಸಿಕ್ಖಾಪದಕಥಾ
1. Khuddānukhuddakasikkhāpadakathā
೪೪೧. ಪಞ್ಚಸತಿಕಕ್ಖನ್ಧಕೇ ‘‘ಚತ್ತಾರಿ…ಪೇ॰… ಖುದ್ದಕಾನೀ’’ತಿ ಏವಮಾದಿ ವುತ್ತನ್ತಿ ಸಮ್ಬನ್ಧೋ। ಪರಿಯಾಯೇನಾತಿ ಕಾರಣೇನ। ಧೂಮಕಾಲಿಕನ್ತಿ ಏತ್ಥ ಧೂಮಸ್ಸ ಕಾಲೋ ಧೂಮಕಾಲೋ, ಧೂಮಸ್ಸ ಉಟ್ಠಿತಕಾಲೋತಿ ಅತ್ಥೋ। ಸೋ ಏತಸ್ಸತ್ಥೀತಿ ಧೂಮಕಾಲಿಕಂ, ಸಿಕ್ಖಾಪದಪಞ್ಞತ್ತಂ। ಇತಿ ಇಮಮತ್ಥಂ ದಸ್ಸೇನ್ತೋ ಆಹ ‘‘ಯಾವಾ’’ತಿಆದಿ।
441. Pañcasatikakkhandhake ‘‘cattāri…pe… khuddakānī’’ti evamādi vuttanti sambandho. Pariyāyenāti kāraṇena. Dhūmakālikanti ettha dhūmassa kālo dhūmakālo, dhūmassa uṭṭhitakāloti attho. So etassatthīti dhūmakālikaṃ, sikkhāpadapaññattaṃ. Iti imamatthaṃ dassento āha ‘‘yāvā’’tiādi.
೪೪೩. ಇದನ್ತಿ ‘‘ಕತಮಾನಿ ಪನ ಭನ್ತೇ ಖುದ್ದಾನುಖುದ್ದಕಾನಿ ಸಿಕ್ಖಾಪದಾನೀ’’ತಿ ಅಪುಚ್ಛನಂ। ‘‘ತಯಾ’’ತಿ ಇಮಿನಾ ಇದಂ ತೇತಿ ಏತ್ಥ ತೇಸದ್ದಸ್ಸ ‘‘ತುಯ್ಹಂ, ತವಾ’’ತಿ ಅತ್ಥೇ ಪಟಿಕ್ಖಿಪತಿ। ಆಪತ್ತಿನ್ತಿ ದುಕ್ಕಟಾಪತ್ತಿಂ। ಹೀತಿ ಸಚ್ಚಂ, ಯಸ್ಮಾ ವಾ। ತೇತಿ ಥೇರಾ। ‘‘ಸಙ್ಘೋ…ಪೇ॰… ನ ಸಮುಚ್ಛಿನ್ದತೀ’’ತಿ ಏತಂ ವಚನಂ ಅನುಸ್ಸಾವಿತನ್ತಿ ಯೋಜನಾ। ‘‘ದೇಸೇಹಿ ತಂ ಆವುಸೋ ದುಕ್ಕಟ’’ನ್ತಿ ಇದಮ್ಪಿ ಚ ವುತ್ತನ್ತಿ ಸಮ್ಬನ್ಧೋ। ಥೇರೋ ಪನಾತಿ ಆನನ್ದತ್ಥೇರೋ ಪನ ಆಹಾತಿ ಸಮ್ಬನ್ಧೋ। ತತ್ಥಾತಿ ಅಪುಚ್ಛನೇ। ಯಥಾತಿ ಯೇನಾಕಾರೇನ। ಚತೂಸು ಠಾನೇಸೂತಿ ‘‘ಭಗವತೋ ವಸ್ಸಿಕಸಾಟಿಕಂ ಅಕ್ಕಮಿತ್ವಾ ಸಿಬ್ಬೇಸೀ’’ತಿಆದೀಸು ಚತೂಸು ಠಾನೇಸು। ಏತ್ಥಾತಿ ಪಞ್ಚಸತಿಕಕ್ಖನ್ಧಕೇ।
443.Idanti ‘‘katamāni pana bhante khuddānukhuddakāni sikkhāpadānī’’ti apucchanaṃ. ‘‘Tayā’’ti iminā idaṃ teti ettha tesaddassa ‘‘tuyhaṃ, tavā’’ti atthe paṭikkhipati. Āpattinti dukkaṭāpattiṃ. Hīti saccaṃ, yasmā vā. Teti therā. ‘‘Saṅgho…pe… na samucchindatī’’ti etaṃ vacanaṃ anussāvitanti yojanā. ‘‘Desehi taṃ āvuso dukkaṭa’’nti idampi ca vuttanti sambandho. Thero panāti ānandatthero pana āhāti sambandho. Tatthāti apucchane. Yathāti yenākārena. Catūsu ṭhānesūti ‘‘bhagavato vassikasāṭikaṃ akkamitvā sibbesī’’tiādīsu catūsu ṭhānesu. Etthāti pañcasatikakkhandhake.
ಇತಿ ಪಞ್ಚಸತಿಕಕ್ಖನ್ಧಕವಣ್ಣನಾಯ ಯೋಜನಾ ಸಮತ್ತಾ।
Iti pañcasatikakkhandhakavaṇṇanāya yojanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi / ೨. ಖುದ್ದಾನುಖುದ್ದಕಸಿಕ್ಖಾಪದಕಥಾ • 2. Khuddānukhuddakasikkhāpadakathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ಖುದ್ದಾನುಖುದ್ದಕಸಿಕ್ಖಾಪದಕಥಾ • Khuddānukhuddakasikkhāpadakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಖುದ್ದಾನುಖುದ್ದಕಸಿಕ್ಖಾಪದಕಥಾವಣ್ಣನಾ • Khuddānukhuddakasikkhāpadakathāvaṇṇanā
