| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
੧੧. ਪਞ੍ਚਸਤਿਕਕ੍ਖਨ੍ਧਕਂ
11. Pañcasatikakkhandhakaṃ
ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾ
Khuddānukhuddakasikkhāpadakathā
੪੪੧. ਪਞ੍ਚਸਤਿਕਕ੍ਖਨ੍ਧਕੇ – ਚਤ੍ਤਾਰਿ ਪਾਰਾਜਿਕਾਨਿ ਠਪੇਤ੍વਾ ਅવਸੇਸਾਨਿ ਖੁਦ੍ਦਾਨੁਖੁਦ੍ਦਕਾਨੀਤਿ ਏવਮਾਦਿ ਏਕਸਿਕ੍ਖਾਪਦਮ੍ਪਿ ਅਪਰਿਚ੍ਚਜਿਤ੍વਾ ਸਬ੍ਬੇਸਂ ਸਙ੍ਗਹੇਤਬ੍ਬਭਾવਦਸ੍ਸਨਤ੍ਥਂ ਪਰਿਯਾਯੇਨ વੁਤ੍ਤਂ। ਇਦਂ વੋ ਸਮਣਾਨਨ੍ਤਿ ਇਦਂ ਸਮਣਾਨਂ। ਪਦਪੂਰਣਮਤ੍ਤੇ વੋਕਾਰੋ।
441. Pañcasatikakkhandhake – cattāri pārājikāni ṭhapetvā avasesāni khuddānukhuddakānīti evamādi ekasikkhāpadampi apariccajitvā sabbesaṃ saṅgahetabbabhāvadassanatthaṃ pariyāyena vuttaṃ. Idaṃ vo samaṇānanti idaṃ samaṇānaṃ. Padapūraṇamatte vokāro.
੪੪੩. ਇਦਮ੍ਪਿ ਤੇ ਆવੁਸੋ ਆਨਨ੍ਦ ਦੁਕ੍ਕਟਨ੍ਤਿ ‘‘ਇਦਂ ਤਯਾ ਦੁਟ੍ਠੁ ਕਤ’’ਨ੍ਤਿ ਕੇવਲਂ ਗਰਹਨ੍ਤੇਹਿ ਥੇਰੇਹਿ વੁਤ੍ਤਂ , ਨ ਆਪਤ੍ਤਿਂ ਸਨ੍ਧਾਯ વੁਤ੍ਤਂ। ਨ ਹਿ ਤੇ ਆਪਤ੍ਤਾਨਾਪਤ੍ਤਿਂ ਨ ਜਾਨਨ੍ਤਿ। ਇਦਾਨੇવ ਚੇਤਂ ਅਨੁਸ੍ਸਾવਿਤਂ – ‘‘ਸਙ੍ਘੋ ਅਪਞ੍ਞਤ੍ਤਂ ਨ ਪਞ੍ਞਪੇਤਿ, ਪਞ੍ਞਤ੍ਤਂ ਨ ਸਮੁਚ੍ਛਿਨ੍ਦਤੀ’’ਤਿ। ਦੇਸੇਹਿ ਤਂ ਦੁਕ੍ਕਟਨ੍ਤਿ ਇਦਮ੍ਪਿ ਚ ‘‘ਆਮ, ਭਨ੍ਤੇ, ਦੁਟ੍ਠੁ ਮਯਾ ਕਤ’’ਨ੍ਤਿ ਏવਂ ਪਟਿਜਾਨਾਹਿ, ਤਂ ਦੁਕ੍ਕਟਨ੍ਤਿ ਇਦਂ ਸਨ੍ਧਾਯ વੁਤ੍ਤਂ, ਨ ਆਪਤ੍ਤਿਦੇਸਨਂ। ਥੇਰੋ ਪਨ ਯਸ੍ਮਾ ਅਸਤਿਯਾ ਨ ਪੁਚ੍ਛਿ ਨ ਅਨਾਦਰੇਨ, ਤਸ੍ਮਾ ਤਤ੍ਥ ਦੁਟ੍ਠੁਕਤਭਾવਮ੍ਪਿ ਅਸਲ੍ਲਕ੍ਖੇਨ੍ਤੋ ‘‘ਨਾਹਂ ਤਂ ਦੁਕ੍ਕਟਂ ਪਸ੍ਸਾਮੀ’’ਤਿ વਤ੍વਾ ਥੇਰੇਸੁ ਗਾਰવਂ ਦਸ੍ਸੇਨ੍ਤੋ ‘‘ਅਪਿਚਾਯਸ੍ਮਨ੍ਤਾਨਂ ਸਨ੍ਧਾਯ ਦੇਸੇਮਿ ਤਂ ਦੁਕ੍ਕਟ’’ਨ੍ਤਿ ਆਹ। ਯਥਾ ਤੁਮ੍ਹੇ વਦਥ, ਤਥਾ ਪਟਿਜਾਨਾਮੀਤਿ વੁਤ੍ਤਂ ਹੋਤਿ। ਏਸੇવ ਨਯੋ ਅવਸੇਸੇਸੁ ਚਤੂਸੁ ਠਾਨੇਸੁ। ਸੇਸਮੇਤ੍ਥ ਯਂ વਤ੍ਤਬ੍ਬਂ ਸਿਯਾ, ਤਂ ਨਿਦਾਨવਣ੍ਣਨਾਯਮੇવ વੁਤ੍ਤਂ।
443.Idampi te āvuso ānanda dukkaṭanti ‘‘idaṃ tayā duṭṭhu kata’’nti kevalaṃ garahantehi therehi vuttaṃ , na āpattiṃ sandhāya vuttaṃ. Na hi te āpattānāpattiṃ na jānanti. Idāneva cetaṃ anussāvitaṃ – ‘‘saṅgho apaññattaṃ na paññapeti, paññattaṃ na samucchindatī’’ti. Desehi taṃ dukkaṭanti idampi ca ‘‘āma, bhante, duṭṭhu mayā kata’’nti evaṃ paṭijānāhi, taṃ dukkaṭanti idaṃ sandhāya vuttaṃ, na āpattidesanaṃ. Thero pana yasmā asatiyā na pucchi na anādarena, tasmā tattha duṭṭhukatabhāvampi asallakkhento ‘‘nāhaṃ taṃ dukkaṭaṃ passāmī’’ti vatvā theresu gāravaṃ dassento ‘‘apicāyasmantānaṃ sandhāya desemi taṃ dukkaṭa’’nti āha. Yathā tumhe vadatha, tathā paṭijānāmīti vuttaṃ hoti. Eseva nayo avasesesu catūsu ṭhānesu. Sesamettha yaṃ vattabbaṃ siyā, taṃ nidānavaṇṇanāyameva vuttaṃ.
ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾ ਨਿਟ੍ਠਿਤਾ।
Khuddānukhuddakasikkhāpadakathā niṭṭhitā.
ਪਞ੍ਚਸਤਿਕਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Pañcasatikakkhandhakavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੨. ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾ • 2. Khuddānukhuddakasikkhāpadakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾવਣ੍ਣਨਾ • Khuddānukhuddakasikkhāpadakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਖੁਦ੍ਦਾਨੁਖੁਦ੍ਦਕਕਥਾવਣ੍ਣਨਾ • Khuddānukhuddakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾવਣ੍ਣਨਾ • Khuddānukhuddakasikkhāpadakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾ • 1. Khuddānukhuddakasikkhāpadakathā
