| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੧. ਪਞ੍ਚਸਤਿਕਕ੍ਖਨ੍ਧਕਂ
11. Pañcasatikakkhandhakaṃ
੧. ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾ
1. Khuddānukhuddakasikkhāpadakathā
੪੪੧. ਪਞ੍ਚਸਤਿਕਕ੍ਖਨ੍ਧਕੇ ‘‘ਚਤ੍ਤਾਰਿ…ਪੇ॰… ਖੁਦ੍ਦਕਾਨੀ’’ਤਿ ਏવਮਾਦਿ વੁਤ੍ਤਨ੍ਤਿ ਸਮ੍ਬਨ੍ਧੋ। ਪਰਿਯਾਯੇਨਾਤਿ ਕਾਰਣੇਨ। ਧੂਮਕਾਲਿਕਨ੍ਤਿ ਏਤ੍ਥ ਧੂਮਸ੍ਸ ਕਾਲੋ ਧੂਮਕਾਲੋ, ਧੂਮਸ੍ਸ ਉਟ੍ਠਿਤਕਾਲੋਤਿ ਅਤ੍ਥੋ। ਸੋ ਏਤਸ੍ਸਤ੍ਥੀਤਿ ਧੂਮਕਾਲਿਕਂ, ਸਿਕ੍ਖਾਪਦਪਞ੍ਞਤ੍ਤਂ। ਇਤਿ ਇਮਮਤ੍ਥਂ ਦਸ੍ਸੇਨ੍ਤੋ ਆਹ ‘‘ਯਾવਾ’’ਤਿਆਦਿ।
441. Pañcasatikakkhandhake ‘‘cattāri…pe… khuddakānī’’ti evamādi vuttanti sambandho. Pariyāyenāti kāraṇena. Dhūmakālikanti ettha dhūmassa kālo dhūmakālo, dhūmassa uṭṭhitakāloti attho. So etassatthīti dhūmakālikaṃ, sikkhāpadapaññattaṃ. Iti imamatthaṃ dassento āha ‘‘yāvā’’tiādi.
੪੪੩. ਇਦਨ੍ਤਿ ‘‘ਕਤਮਾਨਿ ਪਨ ਭਨ੍ਤੇ ਖੁਦ੍ਦਾਨੁਖੁਦ੍ਦਕਾਨਿ ਸਿਕ੍ਖਾਪਦਾਨੀ’’ਤਿ ਅਪੁਚ੍ਛਨਂ। ‘‘ਤਯਾ’’ਤਿ ਇਮਿਨਾ ਇਦਂ ਤੇਤਿ ਏਤ੍ਥ ਤੇਸਦ੍ਦਸ੍ਸ ‘‘ਤੁਯ੍ਹਂ, ਤવਾ’’ਤਿ ਅਤ੍ਥੇ ਪਟਿਕ੍ਖਿਪਤਿ। ਆਪਤ੍ਤਿਨ੍ਤਿ ਦੁਕ੍ਕਟਾਪਤ੍ਤਿਂ। ਹੀਤਿ ਸਚ੍ਚਂ, ਯਸ੍ਮਾ વਾ। ਤੇਤਿ ਥੇਰਾ। ‘‘ਸਙ੍ਘੋ…ਪੇ॰… ਨ ਸਮੁਚ੍ਛਿਨ੍ਦਤੀ’’ਤਿ ਏਤਂ વਚਨਂ ਅਨੁਸ੍ਸਾવਿਤਨ੍ਤਿ ਯੋਜਨਾ। ‘‘ਦੇਸੇਹਿ ਤਂ ਆવੁਸੋ ਦੁਕ੍ਕਟ’’ਨ੍ਤਿ ਇਦਮ੍ਪਿ ਚ વੁਤ੍ਤਨ੍ਤਿ ਸਮ੍ਬਨ੍ਧੋ। ਥੇਰੋ ਪਨਾਤਿ ਆਨਨ੍ਦਤ੍ਥੇਰੋ ਪਨ ਆਹਾਤਿ ਸਮ੍ਬਨ੍ਧੋ। ਤਤ੍ਥਾਤਿ ਅਪੁਚ੍ਛਨੇ। ਯਥਾਤਿ ਯੇਨਾਕਾਰੇਨ। ਚਤੂਸੁ ਠਾਨੇਸੂਤਿ ‘‘ਭਗવਤੋ વਸ੍ਸਿਕਸਾਟਿਕਂ ਅਕ੍ਕਮਿਤ੍વਾ ਸਿਬ੍ਬੇਸੀ’’ਤਿਆਦੀਸੁ ਚਤੂਸੁ ਠਾਨੇਸੁ। ਏਤ੍ਥਾਤਿ ਪਞ੍ਚਸਤਿਕਕ੍ਖਨ੍ਧਕੇ।
443.Idanti ‘‘katamāni pana bhante khuddānukhuddakāni sikkhāpadānī’’ti apucchanaṃ. ‘‘Tayā’’ti iminā idaṃ teti ettha tesaddassa ‘‘tuyhaṃ, tavā’’ti atthe paṭikkhipati. Āpattinti dukkaṭāpattiṃ. Hīti saccaṃ, yasmā vā. Teti therā. ‘‘Saṅgho…pe… na samucchindatī’’ti etaṃ vacanaṃ anussāvitanti yojanā. ‘‘Desehi taṃ āvuso dukkaṭa’’nti idampi ca vuttanti sambandho. Thero panāti ānandatthero pana āhāti sambandho. Tatthāti apucchane. Yathāti yenākārena. Catūsu ṭhānesūti ‘‘bhagavato vassikasāṭikaṃ akkamitvā sibbesī’’tiādīsu catūsu ṭhānesu. Etthāti pañcasatikakkhandhake.
ਇਤਿ ਪਞ੍ਚਸਤਿਕਕ੍ਖਨ੍ਧਕવਣ੍ਣਨਾਯ ਯੋਜਨਾ ਸਮਤ੍ਤਾ।
Iti pañcasatikakkhandhakavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੨. ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾ • 2. Khuddānukhuddakasikkhāpadakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾ • Khuddānukhuddakasikkhāpadakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾવਣ੍ਣਨਾ • Khuddānukhuddakasikkhāpadakathāvaṇṇanā
