| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
11. பஞ்சஸதிகக்க²ந்த⁴கோ
11. Pañcasatikakkhandhako
கு²த்³தா³னுகு²த்³த³கஸிக்கா²பத³கதா²வண்ணனா
Khuddānukhuddakasikkhāpadakathāvaṇṇanā
437. பஞ்சஸதிகக்க²ந்த⁴கே பாளியங் ‘‘அபாவுஸோ, அம்ஹாகங் ஸத்தா²ரங் ஜானாஸீ’’தி இத³ங் தே²ரோ ஸயங் ப⁴க³வதோ பரினிப்³பு³தபா⁴வங் ஜானந்தோபி அத்தனா ஸஹக³தபி⁴க்கு²பரிஸாய ஞாபனத்த²மேவ, ஸுப⁴த்³த³ஸ்ஸ வுட்³ட⁴பப்³ப³ஜிதஸ்ஸ ஸாஸனஸ்ஸ படிபக்க²வசனங் பி⁴க்கூ²னங் விஞ்ஞாபனத்த²ஞ்ச ஏவங் புச்சி². ஸுப⁴த்³தோ³ ஹி குஸினாராயங் ப⁴க³வதி அபி⁴ப்பஸன்னாய க²த்தியாதி³க³ஹட்ட²பரிஸாய மஜ்ஜே² ப⁴க³வதோ பரினிப்³பா³னங் ஸுத்வா ஹட்ட²பஹட்டோ²பி ப⁴யேன பஹட்டா²காரங் வாசாய பகாஸேதுங் ந ஸக்கி²ஸ்ஸதி, இதே⁴வ பன விஜனபதே³ஸே ஸுத்வா யதா²ஜ்ஜா²ஸயங் அத்தனோ பாபலத்³தி⁴ங் பகாஸெஸ்ஸதி, ததோ தமேவ பச்சயங் த³ஸ்ஸெத்வா பி⁴க்கூ² ஸமுஸ்ஸாஹெத்வா த⁴ம்மவினயஸங்க³ஹங் காரெத்வா ஏதஸ்ஸ பாபபி⁴க்கு²ஸ்ஸ, அஞ்ஞேஸஞ்ச ஈதி³ஸானங் மனோரத²விகா⁴தங், ஸாஸனட்டி²திஞ்ச கரிஸ்ஸாமீதி ஜானந்தோவ தங் புச்சீ²தி வேதி³தப்³ப³ங். தேனேவ தே²ரோ ‘‘ஏகமிதா³ஹங், ஆவுஸோ, ஸமய’’ந்திஆதி³னா ஸுப⁴த்³த³வசனமேவ த³ஸ்ஸெத்வா த⁴ம்மவினயங் ஸங்கா³யாபேஸி. நானாபா⁴வோதி ஸரீரேன நானாதே³ஸபா⁴வோ, விப்பவாஸோதி அத்தோ². வினாபா⁴வோதி மரணேன வியுஜ்ஜனங். அஞ்ஞதா²பா⁴வோதி ப⁴வந்தரூபக³மனேன அஞ்ஞாகாரப்பத்தி.
437. Pañcasatikakkhandhake pāḷiyaṃ ‘‘apāvuso, amhākaṃ satthāraṃ jānāsī’’ti idaṃ thero sayaṃ bhagavato parinibbutabhāvaṃ jānantopi attanā sahagatabhikkhuparisāya ñāpanatthameva, subhaddassa vuḍḍhapabbajitassa sāsanassa paṭipakkhavacanaṃ bhikkhūnaṃ viññāpanatthañca evaṃ pucchi. Subhaddo hi kusinārāyaṃ bhagavati abhippasannāya khattiyādigahaṭṭhaparisāya majjhe bhagavato parinibbānaṃ sutvā haṭṭhapahaṭṭhopi bhayena pahaṭṭhākāraṃ vācāya pakāsetuṃ na sakkhissati, idheva pana vijanapadese sutvā yathājjhāsayaṃ attano pāpaladdhiṃ pakāsessati, tato tameva paccayaṃ dassetvā bhikkhū samussāhetvā dhammavinayasaṅgahaṃ kāretvā etassa pāpabhikkhussa, aññesañca īdisānaṃ manorathavighātaṃ, sāsanaṭṭhitiñca karissāmīti jānantova taṃ pucchīti veditabbaṃ. Teneva thero ‘‘ekamidāhaṃ, āvuso, samaya’’ntiādinā subhaddavacanameva dassetvā dhammavinayaṃ saṅgāyāpesi. Nānābhāvoti sarīrena nānādesabhāvo, vippavāsoti attho. Vinābhāvoti maraṇena viyujjanaṃ. Aññathābhāvoti bhavantarūpagamanena aññākārappatti.
441. ‘‘ஆகங்க²மானோ…பே॰… ஸமூஹனெய்யா’’தி இத³ங் ப⁴க³வா மயா ‘‘ஆகங்க²மானோ’’தி வுத்தத்தா ஏகஸிக்கா²பத³ம்பி ஸமூஹனிதப்³ப³ங் அபஸ்ஸந்தா, ஸமூஹனே ச தோ³ஸங் தி³ஸ்வா த⁴ம்மஸங்க³ஹகா பி⁴க்கூ² ‘‘அபஞ்ஞத்தங் ந பஞ்ஞாபெஸ்ஸாம, பஞ்ஞத்தங் ந ஸமுச்சி²ந்தி³ஸ்ஸாமா’’திஆதி³னா புன ‘‘பஞ்ஞத்திஸதி³ஸாய அகுப்பாய கம்மவாசாய ஸாவெத்வா ஸமாதா³ய வத்திஸ்ஸந்தி, ததோ யாவ ஸாஸனந்தரதா⁴னா அப்படிபா³ஹியானி ஸிக்கா²பதா³னி ப⁴விஸ்ஸந்தீ’’தி இமினா அதி⁴ப்பாயேன அவோசாதி த³ட்ட²ப்³ப³ங். தேனேவ மஹாதே²ராபி ததே²வ படிபஜ்ஜிங்ஸு.
441.‘‘Ākaṅkhamāno…pe… samūhaneyyā’’ti idaṃ bhagavā mayā ‘‘ākaṅkhamāno’’ti vuttattā ekasikkhāpadampi samūhanitabbaṃ apassantā, samūhane ca dosaṃ disvā dhammasaṅgahakā bhikkhū ‘‘apaññattaṃ na paññāpessāma, paññattaṃ na samucchindissāmā’’tiādinā puna ‘‘paññattisadisāya akuppāya kammavācāya sāvetvā samādāya vattissanti, tato yāva sāsanantaradhānā appaṭibāhiyāni sikkhāpadāni bhavissantī’’ti iminā adhippāyena avocāti daṭṭhabbaṃ. Teneva mahātherāpi tatheva paṭipajjiṃsu.
கி³ஹிக³தானீதி கி³ஹீஸு க³தானி. க²த்தியமஹாஸாராதி³கி³ஹீஹி ஞாதானீதி அத்தோ². சிதகதூ⁴மகாலோ அத்தனோ பவத்திபரியோஸானபூ⁴தோ ஏதஸ்ஸாதி தூ⁴மகாலிகங்.
Gihigatānīti gihīsu gatāni. Khattiyamahāsārādigihīhi ñātānīti attho. Citakadhūmakālo attano pavattipariyosānabhūto etassāti dhūmakālikaṃ.
443. ஓளாரிகே நிமித்தே கரியமானேபீதி ‘‘ஆகங்க²மானோ, ஆனந்த³, ததா²க³தோ கப்பங் வா திட்டெ²ய்ய கப்பாவஸேஸங் வா’’தி ஏவங் தூ²லதரே ‘‘திட்ட²து, ப⁴க³வா, கப்ப’’ந்தி யாசனஹேதுபூ⁴தே ஓகாஸனிமித்தே கம்மே கரியமானே. மாரேன பரியுட்டி²தசித்தோதி மாரேன ஆவிட்ட²சித்தோ.
443.Oḷārikenimitte kariyamānepīti ‘‘ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’’ti evaṃ thūlatare ‘‘tiṭṭhatu, bhagavā, kappa’’nti yācanahetubhūte okāsanimitte kamme kariyamāne. Mārena pariyuṭṭhitacittoti mārena āviṭṭhacitto.
445. உஜ்ஜவனிகாயாதி படிஸோதகா³மினியா. குச்சி²தோ லவோ சே²தோ³ வினாஸோ குலவோ, நிரத்த²கவினியோகோ³. தங் ந க³ச்ச²ந்தீதி ந குலவங் க³மெந்தி.
445.Ujjavanikāyāti paṭisotagāminiyā. Kucchito lavo chedo vināso kulavo, niratthakaviniyogo. Taṃ na gacchantīti na kulavaṃ gamenti.
கு²த்³தா³னுகு²த்³த³கஸிக்கா²பத³கதா²வண்ணனா நிட்டி²தா.
Khuddānukhuddakasikkhāpadakathāvaṇṇanā niṭṭhitā.
பஞ்சஸதிகக்க²ந்த⁴கவண்ணனானயோ நிட்டி²தோ.
Pañcasatikakkhandhakavaṇṇanānayo niṭṭhito.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
1. ஸங்கீ³தினிதா³னங் • 1. Saṅgītinidānaṃ
2. கு²த்³தா³னுகு²த்³த³கஸிக்கா²பத³கதா² • 2. Khuddānukhuddakasikkhāpadakathā
3. ப்³ரஹ்மத³ண்ட³கதா² • 3. Brahmadaṇḍakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / கு²த்³தா³னுகு²த்³த³கஸிக்கா²பத³கதா² • Khuddānukhuddakasikkhāpadakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
ஸங்கீ³தினிதா³னகதா²வண்ணனா • Saṅgītinidānakathāvaṇṇanā
கு²த்³தா³னுகு²த்³த³கஸிக்கா²பத³கதா²வண்ணனா • Khuddānukhuddakasikkhāpadakathāvaṇṇanā
ப்³ரஹ்மத³ண்ட³கதா²வண்ணனா • Brahmadaṇḍakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
ஸங்கீ³தினிதா³னகதா²வண்ணனா • Saṅgītinidānakathāvaṇṇanā
கு²த்³தா³னுகு²த்³த³ககதா²வண்ணனா • Khuddānukhuddakakathāvaṇṇanā
ப்³ரஹ்மத³ண்ட³கதா²வண்ணனா • Brahmadaṇḍakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 1. கு²த்³தா³னுகு²த்³த³கஸிக்கா²பத³கதா² • 1. Khuddānukhuddakasikkhāpadakathā
