| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа
Khuddānukhuddakasikkhāpadakathāvaṇṇanā
441. самууханзяяаад̇и ааган̇камаано самууханад̇у, яад̣̇и ижчад̇и, самууханзяяаад̇и ад̇т̇о. гасмаа бана ‘‘самууханат̇аа’’д̇и згам̣сзнзва авад̇ваа ‘‘ааган̇камаано самууханзяяаа’’д̇и вигаббаважанзнзва бхаг̇аваа табзсийд̇и? махаагассабасса н̃аан̣аб̣аласса д̣̇идтад̇д̇аа. бассад̇и хи бхаг̇аваа ‘‘самууханат̇аад̇и вуд̇д̇зби сан̇г̇ийд̇игаалз гассабо на самууханиссад̇ий’’д̇и, д̇асмаа вигаббзнзва табзси. яад̣̇и асамуухананам̣ д̣̇идтам̣, д̇ад̣̇зва жа ижчид̇ам̣, ат̇а гасмаа бхаг̇аваа ‘‘ааган̇камаано самууханад̇уу’’д̇и авожаад̇и? д̇ат̇ааруубабуг̇г̇алаж̇жхаасаяавасзна. санд̇и хи гзжи куд̣̇д̣̇аанукуд̣̇д̣̇агаани сигкаабад̣̇аани самаад̣̇ааяа вад̇д̇ид̇ум̣ анижчанд̇аа, д̇зсам̣ д̇ат̇аа авужжамаанз бхаг̇авад̇и вигхаад̇о уббаж̇ж̇зяяа, д̇ам̣ д̇зсам̣ бхависсад̇и д̣̇ийгхарад̇д̇ам̣ ахид̇ааяа д̣̇угкааяа. д̇ат̇аа бана вуд̇д̇з д̇зсам̣ вигхаад̇о на уббаж̇ж̇зяяа, амхаагамзвааяам̣ д̣̇осо, яад̇о амхзсуязва гзжи самуухананам̣ на ижчанд̇ийд̇и . гзжи ‘‘сагаласса бана саасанасса сан̇гхааяад̇д̇абхаавагаран̣ад̇т̇ам̣ д̇ат̇аа вуд̇д̇а’’нд̇и вад̣̇анд̇и. яам̣ гин̃жи сад̇т̇аараа сигкаабад̣̇ам̣ бан̃н̃ад̇д̇ам̣, д̇ам̣ саман̣аа сагяабуд̇д̇ияаа сирасаа самбадижчид̇ваа ж̇ийвид̇ам̣ вияа рагканд̇и. д̇ат̇аа хи д̇з ‘‘куд̣̇д̣̇аанукуд̣̇д̣̇агаани сигкаабад̣̇аани ааган̇камаано сан̇гхо самууханад̇уу’’д̇и вуд̇д̇зби на самууханим̣су. ан̃н̃ад̣̇ад̇т̇у бурад̇о вияа д̇асса ажжаязби рагким̣суязваад̇и сад̇т̇у саасанасса сан̇гхасса жа маханд̇абхаавад̣̇ассанад̇т̇амби д̇ат̇аа вуд̇д̇анд̇и д̣̇адтаб̣б̣ам̣. д̇ат̇аа хи ааяасмаа аананд̣̇о ан̃н̃зби ваа бхигкуу ‘‘гад̇амам̣ бана, бханд̇з, куд̣̇д̣̇агам̣, гад̇амам̣ анукуд̣̇д̣̇ага’’нд̇и на бужчим̣су самууханаж̇жхаасаяассзва абхаавад̇о, д̇знзва згасигкаабад̣̇амби абарижжаж̇ид̇ваа саб̣б̣зсам̣ ануг̇г̇ахзд̇аб̣б̣абхаавад̣̇ассанад̇т̇ам̣ ‘‘жад̇д̇аари баарааж̇игаани табзд̇ваа авасзсаани куд̣̇д̣̇аанукуд̣̇д̣̇агааний’’д̇иаад̣̇имаахам̣су. зван̃хи вад̣̇анд̇зхи ‘‘куд̣̇д̣̇аанукуд̣̇д̣̇агаа имз наамаа’’д̇и авинижчид̇ад̇д̇аа саб̣б̣зсам̣ ануг̇г̇ахзд̇аб̣б̣абхааво д̣̇ассид̇о ход̇и.
441.Samūhaneyyāti ākaṅkhamāno samūhanatu, yadi icchati, samūhaneyyāti attho. Kasmā pana ‘‘samūhanathā’’ti ekaṃseneva avatvā ‘‘ākaṅkhamāno samūhaneyyā’’ti vikappavacaneneva bhagavā ṭhapesīti? Mahākassapassa ñāṇabalassa diṭṭhattā. Passati hi bhagavā ‘‘samūhanathāti vuttepi saṅgītikāle kassapo na samūhanissatī’’ti, tasmā vikappeneva ṭhapesi. Yadi asamūhananaṃ diṭṭhaṃ, tadeva ca icchitaṃ, atha kasmā bhagavā ‘‘ākaṅkhamāno samūhanatū’’ti avocāti? Tathārūpapuggalajjhāsayavasena. Santi hi keci khuddānukhuddakāni sikkhāpadāni samādāya vattituṃ anicchantā, tesaṃ tathā avuccamāne bhagavati vighāto uppajjeyya, taṃ tesaṃ bhavissati dīgharattaṃ ahitāya dukkhāya. Tathā pana vutte tesaṃ vighāto na uppajjeyya, amhākamevāyaṃ doso, yato amhesuyeva keci samūhananaṃ na icchantīti . Keci ‘‘sakalassa pana sāsanassa saṅghāyattabhāvakaraṇatthaṃ tathā vutta’’nti vadanti. Yaṃ kiñci satthārā sikkhāpadaṃ paññattaṃ, taṃ samaṇā sakyaputtiyā sirasā sampaṭicchitvā jīvitaṃ viya rakkhanti. Tathā hi te ‘‘khuddānukhuddakāni sikkhāpadāni ākaṅkhamāno saṅgho samūhanatū’’ti vuttepi na samūhaniṃsu. Aññadatthu purato viya tassa accayepi rakkhiṃsuyevāti satthu sāsanassa saṅghassa ca mahantabhāvadassanatthampi tathā vuttanti daṭṭhabbaṃ. Tathā hi āyasmā ānando aññepi vā bhikkhū ‘‘katamaṃ pana, bhante, khuddakaṃ, katamaṃ anukhuddaka’’nti na pucchiṃsu samūhanajjhāsayasseva abhāvato, teneva ekasikkhāpadampi apariccajitvā sabbesaṃ anuggahetabbabhāvadassanatthaṃ ‘‘cattāri pārājikāni ṭhapetvā avasesāni khuddānukhuddakānī’’tiādimāhaṃsu. Evañhi vadantehi ‘‘khuddānukhuddakā ime nāmā’’ti avinicchitattā sabbesaṃ anuggahetabbabhāvo dassito hoti.
442. ат̇а ко ааяасмаа махаагассабо сан̇гхам̣ н̃аабзсийд̇и зд̇т̇а бана гзжи вад̣̇анд̇и ‘‘бханд̇з нааг̇асзна, гад̇амам̣ куд̣̇д̣̇агам̣, гад̇амам̣ анукуд̣̇д̣̇аганд̇и милинд̣̇аран̃н̃аа бужчид̇з ‘д̣̇уггадам̣ махаарааж̇а, куд̣̇д̣̇агам̣, д̣̇уб̣бхаасид̇ам̣ анукуд̣̇д̣̇ага’нд̇и (ми. ба. 4.2.1) вуд̇д̇ад̇д̇аа нааг̇асзнад̇т̇зро куд̣̇д̣̇аанукуд̣̇д̣̇агам̣ ж̇аани, махаагассабад̇т̇зро бана д̇ам̣ аж̇аананд̇о ‘сун̣аад̇у мз аавусо’д̇иаад̣̇инаа гаммаваажам̣ саавзсий’’д̇и, на д̇ам̣ звам̣ г̇ахзд̇аб̣б̣ам̣. нааг̇асзнад̇т̇зро хи барзсам̣ ваад̣̇абат̇обажчзд̣̇анад̇т̇ам̣ сан̇г̇ийд̇игаалз д̇хаммасан̇г̇аахагамахаат̇зрзхи г̇ахид̇агодтаасзсу анд̇имагодтаасамзва г̇ахзд̇ваа милинд̣̇арааж̇аанам̣ сан̃н̃аабзси, махаагассабад̇т̇зро бана згасигкаабад̣̇амби асамууханид̇угаамад̇ааяа д̇ат̇аа гаммаваажам̣ саавзси.
442.Athakho āyasmā mahākassapo saṅghaṃ ñāpesīti ettha pana keci vadanti ‘‘bhante nāgasena, katamaṃ khuddakaṃ, katamaṃ anukhuddakanti milindaraññā pucchite ‘dukkaṭaṃ mahārāja, khuddakaṃ, dubbhāsitaṃ anukhuddaka’nti (mi. pa. 4.2.1) vuttattā nāgasenatthero khuddānukhuddakaṃ jāni, mahākassapatthero pana taṃ ajānanto ‘suṇātu me āvuso’tiādinā kammavācaṃ sāvesī’’ti, na taṃ evaṃ gahetabbaṃ. Nāgasenatthero hi paresaṃ vādapathopacchedanatthaṃ saṅgītikāle dhammasaṅgāhakamahātherehi gahitakoṭṭhāsesu antimakoṭṭhāsameva gahetvā milindarājānaṃ saññāpesi, mahākassapatthero pana ekasikkhāpadampi asamūhanitukāmatāya tathā kammavācaṃ sāvesi.
д̇ад̇т̇а г̇ихиг̇ад̇аанийд̇и г̇ихибадисам̣яуд̇д̇аанийд̇и вад̣̇анд̇и. г̇ихийсу г̇ад̇аани, д̇зхи н̃аад̇аани г̇ихиг̇ад̇аанийд̇и звам̣ банзд̇т̇а ад̇т̇о д̣̇адтаб̣б̣о. д̇хуумагаало зд̇ассаад̇и д̇хуумагаалигам̣ жид̇агад̇хуумавуубасамад̇о барам̣ аббавад̇д̇анад̇о. аббан̃н̃ад̇д̇анд̇иаад̣̇ийсу (д̣̇ий. ни. адта. 2.136; а. ни. адта. 3.7.23) навам̣ ад̇хаммигам̣ гад̇игавад̇д̇ам̣ ваа сигкаабад̣̇ам̣ ваа б̣анд̇ханд̇аа аббан̃н̃ад̇д̇ам̣ бан̃н̃абзнд̇и наама бураан̣асант̇ад̇авад̇т̇усмим̣ саавад̇т̇ияам̣ бхигкуу вияа. уд̣̇д̇хаммам̣ уб̣б̣инаяам̣ саасанам̣ д̣̇ийбзнд̇аа бан̃н̃ад̇д̇ам̣ самужчинд̣̇анд̇и наама вассасад̇абариниб̣б̣уд̇з бхаг̇авад̇и взсаалигаа важ̇ж̇ибуд̇д̇агаа вияа. куд̣̇д̣̇аанукуд̣̇д̣̇агаа бана аабад̇д̇ияо сан̃жижжа вийд̇иггаманд̇аа яат̇аабан̃н̃ад̇д̇зсу сигкаабад̣̇зсу самаад̣̇ааяа на вад̇д̇анд̇и наама ассаж̇ибунаб̣б̣асугаа вияа. навам̣ бана гад̇игавад̇д̇ам̣ ваа сигкаабад̣̇ам̣ ваа аб̣анд̇ханд̇аа, д̇хаммад̇о винаяад̇о саасанам̣ д̣̇ийбзнд̇аа, куд̣̇д̣̇аанукуд̣̇д̣̇агамби жа сигкаабад̣̇ам̣ асамуухананд̇аа аббан̃н̃ад̇д̇ам̣ на бан̃н̃абзнд̇и, бан̃н̃ад̇д̇ам̣ на самужчинд̣̇анд̇и, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇анд̇и наама ааяасмаа убасзно вияа ааяасмаа яасо гааган̣д̣агабуд̇д̇о вияа жа.
Tattha gihigatānīti gihipaṭisaṃyuttānīti vadanti. Gihīsu gatāni, tehi ñātāni gihigatānīti evaṃ panettha attho daṭṭhabbo. Dhūmakālo etassāti dhūmakālikaṃ citakadhūmavūpasamato paraṃ appavattanato. Appaññattantiādīsu (dī. ni. aṭṭha. 2.136; a. ni. aṭṭha. 3.7.23) navaṃ adhammikaṃ katikavattaṃ vā sikkhāpadaṃ vā bandhantā appaññattaṃ paññapenti nāma purāṇasanthatavatthusmiṃ sāvatthiyaṃ bhikkhū viya. Uddhammaṃ ubbinayaṃ sāsanaṃ dīpentā paññattaṃ samucchindanti nāma vassasataparinibbute bhagavati vesālikā vajjiputtakā viya. Khuddānukhuddakā pana āpattiyo sañcicca vītikkamantā yathāpaññattesu sikkhāpadesu samādāya na vattanti nāma assajipunabbasukā viya. Navaṃ pana katikavattaṃ vā sikkhāpadaṃ vā abandhantā, dhammato vinayato sāsanaṃ dīpentā, khuddānukhuddakampi ca sikkhāpadaṃ asamūhanantā appaññattaṃ na paññapenti, paññattaṃ na samucchindanti, yathāpaññattesu sikkhāpadesu samādāya vattanti nāma āyasmā upaseno viya āyasmā yaso kākaṇḍakaputto viya ca.
443. бхаг̇авад̇аа ол̣ааригз нимид̇д̇з гаяирамаанзд̇и взсаалим̣ ниссааяа жаабаалз жзд̇ияз вихаранд̇зна бхаг̇авад̇аа –
443.Bhagavatā oḷārike nimitte kayiramāneti vesāliṃ nissāya cāpāle cetiye viharantena bhagavatā –
‘‘раман̣ийяаа, аананд̣̇а, взсаалий, раман̣ийяам̣ уд̣̇знажзд̇ияам̣, раман̣ийяам̣ г̇од̇амагажзд̇ияам̣, раман̣ийяам̣ сад̇д̇амб̣ажзд̇ияам̣, раман̣ийяам̣ б̣ахубуд̇д̇ажзд̇ияам̣, раман̣ийяам̣ сааранд̣̇ад̣̇ажзд̇ияам̣, раман̣ийяам̣ жаабаалажзд̇ияам̣. яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано габбам̣ ваа д̇идтзяяа габбаавасзсам̣ ваа. д̇ат̇ааг̇ад̇асса ко бана, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’’д̇и (д̣̇ий. ни. 2.166) –
‘‘Ramaṇīyā, ānanda, vesālī, ramaṇīyaṃ udenacetiyaṃ, ramaṇīyaṃ gotamakacetiyaṃ, ramaṇīyaṃ sattambacetiyaṃ, ramaṇīyaṃ bahuputtacetiyaṃ, ramaṇīyaṃ sārandadacetiyaṃ, ramaṇīyaṃ cāpālacetiyaṃ. Yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṃ vā tiṭṭheyya kappāvasesaṃ vā. Tathāgatassa kho pana, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’’ti (dī. ni. 2.166) –
звам̣ ол̣ааригз нимид̇д̇з гаяирамаанз.
Evaṃ oḷārike nimitte kayiramāne.
маарзна барияудтид̇ажид̇д̇од̇и маарзна аж̇жход̇т̇адажид̇д̇о. мааро хи яасса саб̣б̣зна саб̣б̣ам̣ д̣̇ваад̣̇аса вибаллаасаа аббахийнаа, д̇асса жид̇д̇ам̣ барияудтаад̇и. т̇зрасса жа жад̇д̇ааро вибаллаасаа аббахийнаа, д̇знасса мааро жид̇д̇ам̣ барияудтааси. со бана жид̇д̇абарияудтаанам̣ гаронд̇о гим̣ гарод̇ийд̇и? бхзравам̣ руубаарамман̣ам̣ ваа д̣̇ассзд̇и, сад̣̇д̣̇аарамман̣ам̣ ваа саавзд̇и, д̇ад̇о сад̇д̇аа д̇ам̣ д̣̇исваа ваа суд̇ваа ваа сад̇им̣ виссаж̇ж̇зд̇ваа вивадамукаа хонд̇и, д̇зсам̣ мукзна хад̇т̇ам̣ бавзсзд̇ваа хад̣̇аяам̣ мад̣̇д̣̇ад̇и, д̇ад̇о висан̃н̃аава худ̇ваа д̇идтанд̇и . т̇зрасса банзса мукзна хад̇т̇ам̣ бавзсзд̇ум̣ гим̣ сагкиссад̇и, бхзраваарамман̣ам̣ бана д̣̇ассзси, д̇ам̣ д̣̇исваа т̇зро нимид̇д̇обхаасам̣ на бадивиж̇жхи.
Mārena pariyuṭṭhitacittoti mārena ajjhotthaṭacitto. Māro hi yassa sabbena sabbaṃ dvādasa vipallāsā appahīnā, tassa cittaṃ pariyuṭṭhāti. Therassa ca cattāro vipallāsā appahīnā, tenassa māro cittaṃ pariyuṭṭhāsi. So pana cittapariyuṭṭhānaṃ karonto kiṃ karotīti? Bheravaṃ rūpārammaṇaṃ vā dasseti, saddārammaṇaṃ vā sāveti, tato sattā taṃ disvā vā sutvā vā satiṃ vissajjetvā vivaṭamukhā honti, tesaṃ mukhena hatthaṃ pavesetvā hadayaṃ maddati, tato visaññāva hutvā tiṭṭhanti . Therassa panesa mukhena hatthaṃ pavesetuṃ kiṃ sakkhissati, bheravārammaṇaṃ pana dassesi, taṃ disvā thero nimittobhāsaṃ na paṭivijjhi.
куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа нидтид̇аа.
Khuddānukhuddakasikkhāpadakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 2. куд̣̇д̣̇аанукуд̣̇д̣̇агасигкаабад̣̇агат̇аа • 2. Khuddānukhuddakasikkhāpadakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / куд̣̇д̣̇аанукуд̣̇д̣̇агасигкаабад̣̇агат̇аа • Khuddānukhuddakasikkhāpadakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / куд̣̇д̣̇аанукуд̣̇д̣̇агагат̇ааван̣н̣анаа • Khuddānukhuddakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа • Khuddānukhuddakasikkhāpadakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. куд̣̇д̣̇аанукуд̣̇д̣̇агасигкаабад̣̇агат̇аа • 1. Khuddānukhuddakasikkhāpadakathā
