| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
11. бан̃жасад̇игагканд̇хаго
11. Pañcasatikakkhandhako
куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа
Khuddānukhuddakasikkhāpadakathāvaṇṇanā
437. бан̃жасад̇игагканд̇хагз баал̣ияам̣ ‘‘абаавусо, амхаагам̣ сад̇т̇аарам̣ ж̇аанаасий’’д̇и ид̣̇ам̣ т̇зро саяам̣ бхаг̇авад̇о бариниб̣б̣уд̇абхаавам̣ ж̇аананд̇оби ад̇д̇анаа сахаг̇ад̇абхигкубарисааяа н̃аабанад̇т̇амзва, субхад̣̇д̣̇асса вуд̣дхабаб̣б̣аж̇ид̇асса саасанасса бадибагкаважанам̣ бхигкуунам̣ вин̃н̃аабанад̇т̇ан̃жа звам̣ бужчи. субхад̣̇д̣̇о хи гусинаарааяам̣ бхаг̇авад̇и абхиббасаннааяа кад̇д̇ияаад̣̇иг̇ахадтабарисааяа маж̇жхз бхаг̇авад̇о бариниб̣б̣аанам̣ суд̇ваа хадтабахадтоби бхаязна бахадтаагаарам̣ ваажааяа багаасзд̇ум̣ на сагкиссад̇и, ид̇хзва бана виж̇анабад̣̇зсз суд̇ваа яат̇ааж̇жхаасаяам̣ ад̇д̇ано баабалад̣̇д̇хим̣ багаасзссад̇и, д̇ад̇о д̇амзва бажжаяам̣ д̣̇ассзд̇ваа бхигкуу самуссаахзд̇ваа д̇хаммавинаяасан̇г̇ахам̣ гаарзд̇ваа зд̇асса баабабхигкусса, ан̃н̃зсан̃жа ийд̣̇исаанам̣ манорат̇авигхаад̇ам̣, саасанадтид̇ин̃жа гариссаамийд̇и ж̇аананд̇ова д̇ам̣ бужчийд̇и взд̣̇ид̇аб̣б̣ам̣. д̇знзва т̇зро ‘‘згамид̣̇аахам̣, аавусо, самаяа’’нд̇иаад̣̇инаа субхад̣̇д̣̇аважанамзва д̣̇ассзд̇ваа д̇хаммавинаяам̣ сан̇г̇ааяаабзси. наанаабхаавод̇и сарийрзна наанаад̣̇зсабхааво, виббаваасод̇и ад̇т̇о. винаабхаавод̇и маран̣зна вияуж̇ж̇анам̣. ан̃н̃ат̇аабхаавод̇и бхаванд̇аруубаг̇аманзна ан̃н̃аагаараббад̇д̇и.
437. Pañcasatikakkhandhake pāḷiyaṃ ‘‘apāvuso, amhākaṃ satthāraṃ jānāsī’’ti idaṃ thero sayaṃ bhagavato parinibbutabhāvaṃ jānantopi attanā sahagatabhikkhuparisāya ñāpanatthameva, subhaddassa vuḍḍhapabbajitassa sāsanassa paṭipakkhavacanaṃ bhikkhūnaṃ viññāpanatthañca evaṃ pucchi. Subhaddo hi kusinārāyaṃ bhagavati abhippasannāya khattiyādigahaṭṭhaparisāya majjhe bhagavato parinibbānaṃ sutvā haṭṭhapahaṭṭhopi bhayena pahaṭṭhākāraṃ vācāya pakāsetuṃ na sakkhissati, idheva pana vijanapadese sutvā yathājjhāsayaṃ attano pāpaladdhiṃ pakāsessati, tato tameva paccayaṃ dassetvā bhikkhū samussāhetvā dhammavinayasaṅgahaṃ kāretvā etassa pāpabhikkhussa, aññesañca īdisānaṃ manorathavighātaṃ, sāsanaṭṭhitiñca karissāmīti jānantova taṃ pucchīti veditabbaṃ. Teneva thero ‘‘ekamidāhaṃ, āvuso, samaya’’ntiādinā subhaddavacanameva dassetvā dhammavinayaṃ saṅgāyāpesi. Nānābhāvoti sarīrena nānādesabhāvo, vippavāsoti attho. Vinābhāvoti maraṇena viyujjanaṃ. Aññathābhāvoti bhavantarūpagamanena aññākārappatti.
441. ‘‘ааган̇камаано…бз… самууханзяяаа’’д̇и ид̣̇ам̣ бхаг̇аваа маяаа ‘‘ааган̇камаано’’д̇и вуд̇д̇ад̇д̇аа згасигкаабад̣̇амби самууханид̇аб̣б̣ам̣ абассанд̇аа, самууханз жа д̣̇осам̣ д̣̇исваа д̇хаммасан̇г̇ахагаа бхигкуу ‘‘абан̃н̃ад̇д̇ам̣ на бан̃н̃аабзссаама, бан̃н̃ад̇д̇ам̣ на самужчинд̣̇иссаамаа’’д̇иаад̣̇инаа буна ‘‘бан̃н̃ад̇д̇исад̣̇исааяа агуббааяа гаммаваажааяа саавзд̇ваа самаад̣̇ааяа вад̇д̇иссанд̇и, д̇ад̇о яаава саасананд̇арад̇хаанаа аббадиб̣аахияаани сигкаабад̣̇аани бхависсанд̇ий’’д̇и иминаа ад̇хиббааязна авожаад̇и д̣̇адтаб̣б̣ам̣. д̇знзва махаат̇зрааби д̇ат̇зва бадибаж̇ж̇им̣су.
441.‘‘Ākaṅkhamāno…pe… samūhaneyyā’’ti idaṃ bhagavā mayā ‘‘ākaṅkhamāno’’ti vuttattā ekasikkhāpadampi samūhanitabbaṃ apassantā, samūhane ca dosaṃ disvā dhammasaṅgahakā bhikkhū ‘‘apaññattaṃ na paññāpessāma, paññattaṃ na samucchindissāmā’’tiādinā puna ‘‘paññattisadisāya akuppāya kammavācāya sāvetvā samādāya vattissanti, tato yāva sāsanantaradhānā appaṭibāhiyāni sikkhāpadāni bhavissantī’’ti iminā adhippāyena avocāti daṭṭhabbaṃ. Teneva mahātherāpi tatheva paṭipajjiṃsu.
г̇ихиг̇ад̇аанийд̇и г̇ихийсу г̇ад̇аани. кад̇д̇ияамахаасаараад̣̇иг̇ихийхи н̃аад̇аанийд̇и ад̇т̇о. жид̇агад̇хуумагаало ад̇д̇ано бавад̇д̇ибарияосаанабхууд̇о зд̇ассаад̇и д̇хуумагаалигам̣.
Gihigatānīti gihīsu gatāni. Khattiyamahāsārādigihīhi ñātānīti attho. Citakadhūmakālo attano pavattipariyosānabhūto etassāti dhūmakālikaṃ.
443. ол̣ааригз нимид̇д̇з гарияамаанзбийд̇и ‘‘ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’’д̇и звам̣ т̇уулад̇арз ‘‘д̇идтад̇у, бхаг̇аваа, габба’’нд̇и яаажанахзд̇убхууд̇з огаасанимид̇д̇з гаммз гарияамаанз. маарзна барияудтид̇ажид̇д̇од̇и маарзна аавидтажид̇д̇о.
443.Oḷārikenimitte kariyamānepīti ‘‘ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’’ti evaṃ thūlatare ‘‘tiṭṭhatu, bhagavā, kappa’’nti yācanahetubhūte okāsanimitte kamme kariyamāne. Mārena pariyuṭṭhitacittoti mārena āviṭṭhacitto.
445. уж̇ж̇аванигааяаад̇и бадисод̇аг̇ааминияаа. гужчид̇о лаво чзд̣̇о винаасо гулаво, нирад̇т̇агавинияог̇о. д̇ам̣ на г̇ажчанд̇ийд̇и на гулавам̣ г̇амзнд̇и.
445.Ujjavanikāyāti paṭisotagāminiyā. Kucchito lavo chedo vināso kulavo, niratthakaviniyogo. Taṃ na gacchantīti na kulavaṃ gamenti.
куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа нидтид̇аа.
Khuddānukhuddakasikkhāpadakathāvaṇṇanā niṭṭhitā.
бан̃жасад̇игагканд̇хагаван̣н̣анаанаяо нидтид̇о.
Pañcasatikakkhandhakavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
1. сан̇г̇ийд̇инид̣̇аанам̣ • 1. Saṅgītinidānaṃ
2. куд̣̇д̣̇аанукуд̣̇д̣̇агасигкаабад̣̇агат̇аа • 2. Khuddānukhuddakasikkhāpadakathā
3. б̣рахмад̣̇ан̣д̣агат̇аа • 3. Brahmadaṇḍakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / куд̣̇д̣̇аанукуд̣̇д̣̇агасигкаабад̣̇агат̇аа • Khuddānukhuddakasikkhāpadakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
сан̇г̇ийд̇инид̣̇аанагат̇ааван̣н̣анаа • Saṅgītinidānakathāvaṇṇanā
куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа • Khuddānukhuddakasikkhāpadakathāvaṇṇanā
б̣рахмад̣̇ан̣д̣агат̇ааван̣н̣анаа • Brahmadaṇḍakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
сан̇г̇ийд̇инид̣̇аанагат̇ааван̣н̣анаа • Saṅgītinidānakathāvaṇṇanā
куд̣̇д̣̇аанукуд̣̇д̣̇агагат̇ааван̣н̣анаа • Khuddānukhuddakakathāvaṇṇanā
б̣рахмад̣̇ан̣д̣агат̇ааван̣н̣анаа • Brahmadaṇḍakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. куд̣̇д̣̇аанукуд̣̇д̣̇агасигкаабад̣̇агат̇аа • 1. Khuddānukhuddakasikkhāpadakathā
