| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. куж̇ж̇асобхид̇ад̇т̇зраг̇аат̇ааван̣н̣анаа
6. Khujjasobhitattheragāthāvaṇṇanā
яз жид̇д̇агат̇ий б̣ахуссуд̇аад̇и ааяасмад̇о куж̇ж̇асобхид̇ад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ бхаг̇аванд̇ам̣ махад̇аа бхигкусан̇гхзна сад̣̇д̇хим̣ г̇ажчанд̇ам̣ д̣̇исваа басаннамаанасо д̣̇асахи г̇аат̇аахи абхид̇т̇ави. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з баадалибуд̇д̇анаг̇арз б̣раахман̣агулз ниб̣б̣ад̇д̇и, ‘‘собхид̇о’’д̇исса наамам̣ ахоси. т̇огам̣ куж̇ж̇ад̇хаад̇угад̇ааяа бана куж̇ж̇асобхид̇од̇взва бан̃н̃ааяид̇т̇а. со ваяаббад̇д̇о сад̇т̇ари бариниб̣б̣уд̇з аананд̣̇ад̇т̇зрасса санд̇игз баб̣б̣аж̇ид̇ваа чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.47.49-58) –
Ye cittakathī bahussutāti āyasmato khujjasobhitattherassa gāthā. Kā uppatti? Ayaṃ kira padumuttarassa bhagavato kāle kulagehe nibbattitvā viññutaṃ patto ekadivasaṃ bhagavantaṃ mahatā bhikkhusaṅghena saddhiṃ gacchantaṃ disvā pasannamānaso dasahi gāthāhi abhitthavi. So tena puññakammena devamanussesu saṃsaranto imasmiṃ buddhuppāde pāṭaliputtanagare brāhmaṇakule nibbatti, ‘‘sobhito’’tissa nāmaṃ ahosi. Thokaṃ khujjadhātukatāya pana khujjasobhitotveva paññāyittha. So vayappatto satthari parinibbute ānandattherassa santike pabbajitvā chaḷabhiñño ahosi. Tena vuttaṃ apadāne (apa. thera 2.47.49-58) –
‘‘гагуд̇хам̣ виласанд̇ам̣ва, д̣̇звад̣̇звам̣ нараасабхам̣;
‘‘Kakudhaṃ vilasantaṃva, devadevaṃ narāsabhaṃ;
рат̇ияам̣ бадибаж̇ж̇анд̇ам̣, го д̣̇исваа на басийд̣̇ад̇и.
Rathiyaṃ paṭipajjantaṃ, ko disvā na pasīdati.
‘‘д̇аманд̇хагаарам̣ наасзд̇ваа, санд̇аарзд̇ваа б̣ахум̣ ж̇анам̣;
‘‘Tamandhakāraṃ nāsetvā, santāretvā bahuṃ janaṃ;
н̃аан̣аалогзна ж̇од̇анд̇ам̣, го д̣̇исваа на басийд̣̇ад̇и.
Ñāṇālokena jotantaṃ, ko disvā na pasīdati.
‘‘васийсад̇асахассзхи, нийяанд̇ам̣ логанааяагам̣;
‘‘Vasīsatasahassehi, nīyantaṃ lokanāyakaṃ;
уд̣̇д̇харанд̇ам̣ б̣ахуу сад̇д̇з, го д̣̇исваа на басийд̣̇ад̇и.
Uddharantaṃ bahū satte, ko disvā na pasīdati.
‘‘аахананд̇ам̣ д̇хаммабхзрим̣, мад̣̇д̣̇анд̇ам̣ д̇ид̇т̇ияз г̇ан̣з;
‘‘Āhanantaṃ dhammabheriṃ, maddantaṃ titthiye gaṇe;
сийханаад̣̇ам̣ винад̣̇анд̇ам̣, го д̣̇исваа на басийд̣̇ад̇и.
Sīhanādaṃ vinadantaṃ, ko disvā na pasīdati.
‘‘яаавад̇аа б̣рахмалогад̇о, ааг̇анд̇ваана саб̣рахмагаа;
‘‘Yāvatā brahmalokato, āgantvāna sabrahmakā;
бужчанд̇и нибун̣з бан̃хз, го д̣̇исваа на басийд̣̇ад̇и.
Pucchanti nipuṇe pañhe, ko disvā na pasīdati.
‘‘яассан̃ж̇алим̣ гарид̇ваана, ааяаажанд̇и сад̣̇звагаа;
‘‘Yassañjaliṃ karitvāna, āyācanti sadevakā;
д̇зна бун̃н̃ам̣ анубхонд̇и, го д̣̇исваа на басийд̣̇ад̇и.
Tena puññaṃ anubhonti, ko disvā na pasīdati.
‘‘саб̣б̣з ж̇анаа самааг̇анд̇ваа, самбаваарзнд̇и жагкумам̣;
‘‘Sabbe janā samāgantvā, sampavārenti cakkhumaṃ;
на вигамбад̇и аж̇жхидто, го д̣̇исваа на басийд̣̇ад̇и.
Na vikampati ajjhiṭṭho, ko disvā na pasīdati.
‘‘наг̇арам̣ бависад̇о яасса, раванд̇и бхзрияо б̣ахуу;
‘‘Nagaraṃ pavisato yassa, ravanti bheriyo bahū;
винад̣̇анд̇и г̇аж̇аа мад̇д̇аа, го д̣̇исваа на басийд̣̇ад̇и.
Vinadanti gajā mattā, ko disvā na pasīdati.
‘‘вийт̇ияаа г̇ажчад̇о яасса, саб̣б̣аабхаа ж̇од̇ад̇з сад̣̇аа;
‘‘Vīthiyā gacchato yassa, sabbābhā jotate sadā;
аб̣бхуннад̇аа самаа хонд̇и, го д̣̇исваа на басийд̣̇ад̇и.
Abbhunnatā samā honti, ko disvā na pasīdati.
‘‘б̣яаахаранд̇асса б̣уд̣̇д̇хасса, жаггаваал̣амби суяяад̇и;
‘‘Byāharantassa buddhassa, cakkavāḷampi suyyati;
саб̣б̣з сад̇д̇з вин̃н̃аабзд̇и, го д̣̇исваа на басийд̣̇ад̇и.
Sabbe satte viññāpeti, ko disvā na pasīdati.
‘‘сад̇асахассид̇о габбз, яам̣ б̣уд̣̇д̇хамабхигид̇д̇аяим̣;
‘‘Satasahassito kappe, yaṃ buddhamabhikittayiṃ;
д̣̇уг̇г̇ад̇им̣ наабхиж̇аанаами, гид̇д̇анааяа ид̣̇ам̣ палам̣.
Duggatiṃ nābhijānāmi, kittanāya idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа батамамахаасан̇г̇ийд̇игаалз рааж̇аг̇ахз сад̇д̇абан̣н̣иг̇ухааяам̣ саннибад̇ид̇зна сан̇гхзна ‘‘ааяасманд̇ам̣ аананд̣̇ам̣ ааманд̇зхий’’д̇и аан̣ад̇д̇о бат̇авияам̣ нимуж̇ж̇ид̇ваа т̇зрасса бурад̇о удтахид̇ваа сан̇гхасса саасанам̣ аарожзд̇ваа саяам̣ бурзд̇арам̣ аагаасзна г̇анд̇ваа сад̇д̇абан̣н̣иг̇ухаад̣̇ваарам̣ самбаабун̣и. д̇зна жа самаязна маарасса маарагааяигаанан̃жа бадисзд̇ханад̇т̇ам̣ д̣̇звасан̇гхзна бзсид̇аа ан̃н̃ад̇араа д̣̇звад̇аа сад̇д̇абан̣н̣иг̇ухаад̣̇ваарз тид̇аа ход̇и, д̇ассаа куж̇ж̇асобхид̇о т̇зро ад̇д̇ано ааг̇аманам̣ гат̇знд̇о –
Chaḷabhiñño pana hutvā paṭhamamahāsaṅgītikāle rājagahe sattapaṇṇiguhāyaṃ sannipatitena saṅghena ‘‘āyasmantaṃ ānandaṃ āmantehī’’ti āṇatto pathaviyaṃ nimujjitvā therassa purato uṭṭhahitvā saṅghassa sāsanaṃ ārocetvā sayaṃ puretaraṃ ākāsena gantvā sattapaṇṇiguhādvāraṃ sampāpuṇi. Tena ca samayena mārassa mārakāyikānañca paṭisedhanatthaṃ devasaṅghena pesitā aññatarā devatā sattapaṇṇiguhādvāre ṭhitā hoti, tassā khujjasobhito thero attano āgamanaṃ kathento –
234.
234.
‘‘яз жид̇д̇агат̇ий б̣ахуссуд̇аа, саман̣аа баадалибуд̇д̇аваасино;
‘‘Ye cittakathī bahussutā, samaṇā pāṭaliputtavāsino;
д̇зсан̃н̃ад̇арояамааяуваа, д̣̇ваарз д̇идтад̇и куж̇ж̇асобхид̇о’’д̇и. – батамам̣ г̇аат̇амааха;
Tesaññataroyamāyuvā, dvāre tiṭṭhati khujjasobhito’’ti. – paṭhamaṃ gāthamāha;
д̇ад̇т̇а жид̇д̇агат̇ийд̇и вижид̇д̇ад̇хаммагат̇игаа, сан̇кибанам̣, вид̇т̇ааран̣ам̣ г̇амбхийрагаран̣ам̣ уд̇д̇аанийгаран̣ам̣ ган̇каавинод̣̇анам̣ д̇хаммабад̇идтаабананд̇и звамаад̣̇ийхи наанаанаязхи барзсам̣ аж̇жхаасаяаануруубам̣ д̇хаммасса гат̇анасийлаад̇и ад̇т̇о. б̣ахуссуд̇аад̇и барияад̇д̇ибадивзд̇хаб̣аахусажжабаарибуурияаа б̣ахуссуд̇аа. саб̣б̣асо самид̇абаабад̇ааяа саман̣аа. баадалибуд̇д̇аваасино, д̇зсан̃н̃ад̇арод̇и баадалибуд̇д̇анаг̇араваасид̇ааяа баадалибуд̇д̇аваасино, д̇зсам̣ ан̃н̃ад̇аро, аяам̣ ааяуваа д̣̇ийгхааяу ааяасмаа. д̣̇ваарз д̇идтад̇ийд̇и сад̇д̇абан̣н̣иг̇ухааяа д̣̇ваарз д̇идтад̇и, сан̇гхасса анумад̇ияаа бависид̇унд̇и ад̇т̇о. д̇ам̣ суд̇ваа саа д̣̇звад̇аа т̇зрасса ааг̇аманам̣ сан̇гхасса нивзд̣̇знд̇ий –
Tattha cittakathīti vicittadhammakathikā, saṅkhipanaṃ, vitthāraṇaṃ gambhīrakaraṇaṃ uttānīkaraṇaṃ kaṅkhāvinodanaṃ dhammapatiṭṭhāpananti evamādīhi nānānayehi paresaṃ ajjhāsayānurūpaṃ dhammassa kathanasīlāti attho. Bahussutāti pariyattipaṭivedhabāhusaccapāripūriyā bahussutā. Sabbaso samitapāpatāya samaṇā. Pāṭaliputtavāsino, tesaññataroti pāṭaliputtanagaravāsitāya pāṭaliputtavāsino, tesaṃ aññataro, ayaṃ āyuvā dīghāyu āyasmā. Dvāre tiṭṭhatīti sattapaṇṇiguhāya dvāre tiṭṭhati, saṅghassa anumatiyā pavisitunti attho. Taṃ sutvā sā devatā therassa āgamanaṃ saṅghassa nivedentī –
235.
235.
‘‘яз жид̇д̇агат̇ий…бз… д̣̇ваарз д̇идтад̇и маалуд̇зрид̇о’’д̇и. – д̣̇уд̇ияам̣ г̇аат̇амааха;
‘‘Ye cittakathī…pe… dvāre tiṭṭhati māluterito’’ti. – dutiyaṃ gāthamāha;
д̇ад̇т̇а маалуд̇зрид̇од̇и ид̣̇д̇хижид̇д̇аж̇анид̇зна вааяунаа зрид̇о, ид̣̇д̇хиб̣алзна ааг̇ад̇од̇и ад̇т̇о.
Tattha māluteritoti iddhicittajanitena vāyunā erito, iddhibalena āgatoti attho.
звам̣ д̇ааяа д̣̇звад̇ааяа нивзд̣̇ид̇зна сан̇гхзна гад̇огаасо т̇зро сан̇гхасса санд̇игам̣ г̇ажчанд̇о –
Evaṃ tāya devatāya niveditena saṅghena katokāso thero saṅghassa santikaṃ gacchanto –
236.
236.
‘‘суяуд̣̇д̇хзна суяидтзна, сан̇г̇аамавиж̇аязна жа;
‘‘Suyuddhena suyiṭṭhena, saṅgāmavijayena ca;
б̣рахмажарияаанужин̣н̣зна, звааяам̣ сукамзд̇хад̇ий’’д̇и. –
Brahmacariyānuciṇṇena, evāyaṃ sukhamedhatī’’ti. –
имааяа д̇ад̇ияаг̇аат̇ааяа ан̃н̃ам̣ б̣яаагааси.
Imāya tatiyagāthāya aññaṃ byākāsi.
д̇ад̇т̇а суяуд̣̇д̇хзнаад̇и буб̣б̣абхааг̇з д̇ад̣̇ан̇г̇авигкамбханаббахаанавасзна гилзсзхи судту яуж̇жханзна. суяидтзнаад̇и анд̇аранд̇араа галяаан̣амид̇д̇зхи д̣̇иннасаббааяад̇хаммад̣̇аанзна. сан̇г̇аамавиж̇аязна жаад̇и самужчзд̣̇аббахаанавасзна саб̣б̣асо гилзсаабхисан̇каараниммат̇анзна лад̣̇д̇хасан̇г̇аамавиж̇аязна жа. б̣рахмажарияаанужин̣н̣знаад̇и анужин̣н̣зна аг̇г̇амаг̇г̇аб̣рахмажариязна. звааяам̣ сукамзд̇хад̇ийд̇и звам̣ вуд̇д̇аббагаарзна аяам̣ куж̇ж̇асобхид̇о ниб̣б̣аанасукам̣ паласамаабад̇д̇исукан̃жа зд̇хад̇и, анубхавад̇ийд̇и ад̇т̇о.
Tattha suyuddhenāti pubbabhāge tadaṅgavikkhambhanappahānavasena kilesehi suṭṭhu yujjhanena. Suyiṭṭhenāti antarantarā kalyāṇamittehi dinnasappāyadhammadānena. Saṅgāmavijayena cāti samucchedappahānavasena sabbaso kilesābhisaṅkhāranimmathanena laddhasaṅgāmavijayena ca. Brahmacariyānuciṇṇenāti anuciṇṇena aggamaggabrahmacariyena. Evāyaṃ sukhamedhatīti evaṃ vuttappakārena ayaṃ khujjasobhito nibbānasukhaṃ phalasamāpattisukhañca edhati, anubhavatīti attho.
куж̇ж̇асобхид̇ад̇т̇зраг̇аат̇ааван̣н̣анаа нидтид̇аа.
Khujjasobhitattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. куж̇ж̇асобхид̇ад̇т̇зраг̇аат̇аа • 6. Khujjasobhitattheragāthā
