Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi

    ។ នមោ តស្ស ភគវតោ អរហតោ សម្មាសម្ពុទ្ធស្ស។

    Namo tassa bhagavato arahato sammāsambuddhassa

    អភិធម្មបិដកេ

    Abhidhammapiṭake

    បដ្ឋានបាឡិ

    Paṭṭhānapāḷi

    (ចតុត្ថោ ភាគោ)

    (Catuttho bhāgo)

    ធម្មានុលោមេ ទុកបដ្ឋានំ

    Dhammānulome dukapaṭṭhānaṃ

    ១២. កិលេសគោច្ឆកំ

    12. Kilesagocchakaṃ

    ៧៥. កិលេសទុកំ

    75. Kilesadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១. កិលេសំ ធម្មំ បដិច្ច កិលេសោ ធម្មោ ឧប្បជ្ជតិ ហេតុបច្ចយា – លោភំ បដិច្ច មោហោ ទិដ្ឋិ ថិនំ 1 ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ទិដ្ឋិ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ មានោ ថិនំ ឧទ្ធច្ចំ អហិរិកំ អនោត្តប្បំ , លោភំ បដិច្ច មោហោ មានោ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ថិនំ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ឧទ្ធច្ចំ អហិរិកំ អនោត្តប្បំ; ទោសំ បដិច្ច មោហោ ថិនំ ឧទ្ធច្ចំ អហិរិកំ អនោត្តប្បំ, ទោសំ បដិច្ច មោហោ ឧទ្ធច្ចំ អហិរិកំ អនោត្តប្បំ ; វិចិកិច្ឆំ បដិច្ច មោហោ ឧទ្ធច្ចំ អហិរិកំ អនោត្តប្បំ; ឧទ្ធច្ចំ បដិច្ច មោហោ អហិរិកំ អនោត្តប្បំ។ (១)

    1. Kilesaṃ dhammaṃ paṭicca kileso dhammo uppajjati hetupaccayā – lobhaṃ paṭicca moho diṭṭhi thinaṃ 2 uddhaccaṃ ahirikaṃ anottappaṃ, lobhaṃ paṭicca moho diṭṭhi uddhaccaṃ ahirikaṃ anottappaṃ, lobhaṃ paṭicca moho māno thinaṃ uddhaccaṃ ahirikaṃ anottappaṃ , lobhaṃ paṭicca moho māno uddhaccaṃ ahirikaṃ anottappaṃ, lobhaṃ paṭicca moho thinaṃ uddhaccaṃ ahirikaṃ anottappaṃ, lobhaṃ paṭicca moho uddhaccaṃ ahirikaṃ anottappaṃ; dosaṃ paṭicca moho thinaṃ uddhaccaṃ ahirikaṃ anottappaṃ, dosaṃ paṭicca moho uddhaccaṃ ahirikaṃ anottappaṃ ; vicikicchaṃ paṭicca moho uddhaccaṃ ahirikaṃ anottappaṃ; uddhaccaṃ paṭicca moho ahirikaṃ anottappaṃ. (1)

    កិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ ហេតុបច្ចយា – កិលេសំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (២)

    Kilesaṃ dhammaṃ paṭicca nokileso dhammo uppajjati hetupaccayā – kilesaṃ paṭicca sampayuttakā khandhā cittasamuṭṭhānañca rūpaṃ. (2)

    កិលេសំ ធម្មំ បដិច្ច កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ សម្បយុត្តកា ច ខន្ធា ចិត្តសមុដ្ឋានញ្ច រូបំ (ចក្កំ)។ (៣)

    Kilesaṃ dhammaṃ paṭicca kileso ca nokileso ca dhammā uppajjanti hetupaccayā – lobhaṃ paṭicca moho diṭṭhi thinaṃ uddhaccaṃ ahirikaṃ anottappaṃ sampayuttakā ca khandhā cittasamuṭṭhānañca rūpaṃ (cakkaṃ). (3)

    ២. នោកិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ ហេតុបច្ចយា – នោកិលេសំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (១)

    2. Nokilesaṃ dhammaṃ paṭicca nokileso dhammo uppajjati hetupaccayā – nokilesaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    នោកិលេសំ ធម្មំ បដិច្ច កិលេសោ ធម្មោ ឧប្បជ្ជតិ ហេតុបច្ចយា – នោកិលេសេ ខន្ធេ បដិច្ច កិលេសា។ (២)

    Nokilesaṃ dhammaṃ paṭicca kileso dhammo uppajjati hetupaccayā – nokilese khandhe paṭicca kilesā. (2)

    នោកិលេសំ ធម្មំ បដិច្ច កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – នោកិលេសំ ឯកំ ខន្ធំ បដិច្ច តយោ ខន្ធា កិលេសា ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Nokilesaṃ dhammaṃ paṭicca kileso ca nokileso ca dhammā uppajjanti hetupaccayā – nokilesaṃ ekaṃ khandhaṃ paṭicca tayo khandhā kilesā ca cittasamuṭṭhānañca rūpaṃ…pe… dve khandhe…pe…. (3)

    ៣. កិលេសញ្ច នោកិលេសញ្ច ធម្មំ បដិច្ច កិលេសោ ធម្មោ ឧប្បជ្ជតិ ហេតុបច្ចយា – លោភញ្ច សម្បយុត្តកេ ច ខន្ធេ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ (ចក្កំ)។ (១)

    3. Kilesañca nokilesañca dhammaṃ paṭicca kileso dhammo uppajjati hetupaccayā – lobhañca sampayuttake ca khandhe paṭicca moho diṭṭhi thinaṃ uddhaccaṃ ahirikaṃ anottappaṃ (cakkaṃ). (1)

    កិលេសញ្ច នោកិលេសញ្ច ធម្មំ បដិច្ច នោកិលេសោ ធម្មោ ឧប្បជ្ជតិ ហេតុបច្ចយា – នោកិលេសំ ឯកំ ខន្ធញ្ច កិលេសេ ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… កិលេសេ ច មហាភូតេ ច បដិច្ច ចិត្តសមុដ្ឋានំ រូបំ។ (២)

    Kilesañca nokilesañca dhammaṃ paṭicca nokileso dhammo uppajjati hetupaccayā – nokilesaṃ ekaṃ khandhañca kilese ca paṭicca tayo khandhā cittasamuṭṭhānañca rūpaṃ…pe… dve khandhe ca…pe… kilese ca mahābhūte ca paṭicca cittasamuṭṭhānaṃ rūpaṃ. (2)

    កិលេសញ្ច នោកិលេសញ្ច ធម្មំ បដិច្ច កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – នោកិលេសំ ឯកំ ខន្ធញ្ច លោភញ្ច បដិច្ច តយោ ខន្ធា មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… (ចក្កំ, សំខិត្តំ)។ (៣)

    Kilesañca nokilesañca dhammaṃ paṭicca kileso ca nokileso ca dhammā uppajjanti hetupaccayā – nokilesaṃ ekaṃ khandhañca lobhañca paṭicca tayo khandhā moho diṭṭhi thinaṃ uddhaccaṃ ahirikaṃ anottappaṃ cittasamuṭṭhānañca rūpaṃ…pe… dve khandhe ca…pe… (cakkaṃ, saṃkhittaṃ). (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៤. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ (សព្ពត្ថ នវ), វិបាកេ ឯកំ…បេ.… អវិគតេ នវ។

    4. Hetuyā nava, ārammaṇe nava, adhipatiyā nava, anantare nava, samanantare nava (sabbattha nava), vipāke ekaṃ…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៥. កិលេសំ ធម្មំ បដិច្ច កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆំ បដិច្ច មោហោ, ឧទ្ធច្ចំ បដិច្ច មោហោ។ (១)

    5. Kilesaṃ dhammaṃ paṭicca kileso dhammo uppajjati nahetupaccayā – vicikicchaṃ paṭicca moho, uddhaccaṃ paṭicca moho. (1)

    នោកិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នហេតុបច្ចយា – អហេតុកំ នោកិលេសំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា)។ (១)

    Nokilesaṃ dhammaṃ paṭicca nokileso dhammo uppajjati nahetupaccayā – ahetukaṃ nokilesaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā). (1)

    នោកិលេសំ ធម្មំ បដិច្ច កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (២)

    Nokilesaṃ dhammaṃ paṭicca kileso dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (2)

    កិលេសញ្ច នោកិលេសញ្ច ធម្មំ បដិច្ច កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ ច វិចិកិច្ឆញ្ច បដិច្ច វិចិកិច្ឆាសហគតោ មោហោ, ឧទ្ធច្ចសហគតេ ខន្ធេ ច ឧទ្ធច្ចញ្ច បដិច្ច ឧទ្ធច្ចសហគតោ មោហោ។ (១)

    Kilesañca nokilesañca dhammaṃ paṭicca kileso dhammo uppajjati nahetupaccayā – vicikicchāsahagate khandhe ca vicikicchañca paṭicca vicikicchāsahagato moho, uddhaccasahagate khandhe ca uddhaccañca paṭicca uddhaccasahagato moho. (1)

    នអារម្មណបច្ចយាទិ

    Naārammaṇapaccayādi

    ៦. កិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នអារម្មណបច្ចយា – កិលេសេ បដិច្ច ចិត្តសមុដ្ឋានំ រូបំ។ (១)

    6. Kilesaṃ dhammaṃ paṭicca nokileso dhammo uppajjati naārammaṇapaccayā – kilese paṭicca cittasamuṭṭhānaṃ rūpaṃ. (1)

    នោកិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នអារម្មណបច្ចយា – នោកិលេសេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… ខន្ធេ បដិច្ច វត្ថុ (យាវ អសញ្ញសត្តា)។ (១)

    Nokilesaṃ dhammaṃ paṭicca nokileso dhammo uppajjati naārammaṇapaccayā – nokilese khandhe paṭicca cittasamuṭṭhānaṃ rūpaṃ; paṭisandhikkhaṇe…pe… khandhe paṭicca vatthu (yāva asaññasattā). (1)

    កិលេសញ្ច នោកិលេសញ្ច ធម្មំ បដិច្ច នោកិលេសោ ធម្មោ ឧប្បជ្ជតិ នអារម្មណបច្ចយា – កិលេសេ ច សម្បយុត្តកេ ច ខន្ធេ បដិច្ច ចិត្តសមុដ្ឋានំ រូបំ, កិលេសេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Kilesañca nokilesañca dhammaṃ paṭicca nokileso dhammo uppajjati naārammaṇapaccayā – kilese ca sampayuttake ca khandhe paṭicca cittasamuṭṭhānaṃ rūpaṃ, kilese ca mahābhūte ca paṭicca cittasamuṭṭhānaṃ rūpaṃ. (1)

    នអធិបតិបច្ចយា… នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា។

    Naadhipatipaccayā… naanantarapaccayā… nasamanantarapaccayā… naaññamaññapaccayā… naupanissayapaccayā.

    នបុរេជាតបច្ចយាទិ

    Napurejātapaccayādi

    ៧. កិលេសំ ធម្មំ បដិច្ច កិលេសោ ធម្មោ ឧប្បជ្ជតិ នបុរេជាតបច្ចយា – អរូបេ លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ទិដ្ឋិ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ មានោ ថិនំ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ មានោ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ថិនំ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ឧទ្ធច្ចំ អហិរិកំ អនោត្តប្បំ; វិចិកិច្ឆំ បដិច្ច មោហោ ឧទ្ធច្ចំ អហិរិកំ អនោត្តប្បំ; ឧទ្ធច្ចំ បដិច្ច មោហោ អហិរិកំ អនោត្តប្បំ (អរូបេ ទោសមូលកំ នត្ថិ)។ (១)

    7. Kilesaṃ dhammaṃ paṭicca kileso dhammo uppajjati napurejātapaccayā – arūpe lobhaṃ paṭicca moho diṭṭhi thinaṃ uddhaccaṃ ahirikaṃ anottappaṃ, lobhaṃ paṭicca moho diṭṭhi uddhaccaṃ ahirikaṃ anottappaṃ, lobhaṃ paṭicca moho māno thinaṃ uddhaccaṃ ahirikaṃ anottappaṃ, lobhaṃ paṭicca moho māno uddhaccaṃ ahirikaṃ anottappaṃ, lobhaṃ paṭicca moho thinaṃ uddhaccaṃ ahirikaṃ anottappaṃ, lobhaṃ paṭicca moho uddhaccaṃ ahirikaṃ anottappaṃ; vicikicchaṃ paṭicca moho uddhaccaṃ ahirikaṃ anottappaṃ; uddhaccaṃ paṭicca moho ahirikaṃ anottappaṃ (arūpe dosamūlakaṃ natthi). (1)

    កិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នបុរេជាតបច្ចយា – អរូបេ កិលេសេ បដិច្ច សម្បយុត្តកា ខន្ធា, កិលេសេ បដិច្ច ចិត្តសមុដ្ឋានំ រូបំ (ឯវំ នវបិ បញ្ហា កាតព្ពា), នបច្ឆាជាតបច្ចយា, នអាសេវនបច្ចយា។

    Kilesaṃ dhammaṃ paṭicca nokileso dhammo uppajjati napurejātapaccayā – arūpe kilese paṭicca sampayuttakā khandhā, kilese paṭicca cittasamuṭṭhānaṃ rūpaṃ (evaṃ navapi pañhā kātabbā), napacchājātapaccayā, naāsevanapaccayā.

    នកម្មបច្ចយោ

    Nakammapaccayo

    ៨. កិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នកម្មបច្ចយា – កិលេសេ បដិច្ច សម្បយុត្តកា ចេតនា។ (១)

    8. Kilesaṃ dhammaṃ paṭicca nokileso dhammo uppajjati nakammapaccayā – kilese paṭicca sampayuttakā cetanā. (1)

    នោកិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នកម្មបច្ចយា – នោកិលេសេ ខន្ធេ បដិច្ច សម្បយុត្តកា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ…បេ.…។ (១)

    Nokilesaṃ dhammaṃ paṭicca nokileso dhammo uppajjati nakammapaccayā – nokilese khandhe paṭicca sampayuttakā cetanā; bāhiraṃ… āhārasamuṭṭhānaṃ… utusamuṭṭhānaṃ…pe…. (1)

    កិលេសញ្ច នោកិលេសញ្ច ធម្មំ បដិច្ច នោកិលេសោ ធម្មោ ឧប្បជ្ជតិ នកម្មបច្ចយា – កិលេសេ ច សម្បយុត្តកេ ច ខន្ធេ បដិច្ច សម្បយុត្តកា ចេតនា។ (១) (ឯវំ សព្ពេ បច្ចយា កាតព្ពា។)

    Kilesañca nokilesañca dhammaṃ paṭicca nokileso dhammo uppajjati nakammapaccayā – kilese ca sampayuttake ca khandhe paṭicca sampayuttakā cetanā. (1) (Evaṃ sabbe paccayā kātabbā.)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៩. នហេតុយា ចត្តារិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ។

    9. Nahetuyā cattāri, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte nava, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (ឯវំ ឥតរេ ទ្វេ គណនាបិ សហជាតវារោបិ កាតព្ពោ។)

    (Evaṃ itare dve gaṇanāpi sahajātavāropi kātabbo.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១០. កិលេសំ ធម្មំ បច្ចយា កិលេសោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា)។

    10. Kilesaṃ dhammaṃ paccayā kileso dhammo uppajjati hetupaccayā… tīṇi (paṭiccasadisā).

    នោកិលេសំ ធម្មំ បច្ចយា នោកិលេសោ ធម្មោ ឧប្បជ្ជតិ ហេតុបច្ចយា – នោកិលេសំ ឯកំ ខន្ធំ បច្ចយា តយោ ខន្ធា…បេ.… (យាវ អជ្ឈត្តិកា មហាភូតា) វត្ថុំ បច្ចយា នោកិលេសា ខន្ធា។ (១)

    Nokilesaṃ dhammaṃ paccayā nokileso dhammo uppajjati hetupaccayā – nokilesaṃ ekaṃ khandhaṃ paccayā tayo khandhā…pe… (yāva ajjhattikā mahābhūtā) vatthuṃ paccayā nokilesā khandhā. (1)

    នោកិលេសំ ធម្មំ បច្ចយា កិលេសោ ធម្មោ ឧប្បជ្ជតិ ហេតុបច្ចយា – នោកិលេសេ ខន្ធេ បច្ចយា កិលេសា, វត្ថុំ បច្ចយា កិលេសា។ (២)

    Nokilesaṃ dhammaṃ paccayā kileso dhammo uppajjati hetupaccayā – nokilese khandhe paccayā kilesā, vatthuṃ paccayā kilesā. (2)

    នោកិលេសំ ធម្មំ បច្ចយា កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – នោកិលេសំ ឯកំ ខន្ធំ បច្ចយា តយោ ខន្ធា កិលេសា ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… វត្ថុំ បច្ចយា កិលេសា, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា កិលេសា ច សម្បយុត្តកា ច ខន្ធា។ (៣)

    Nokilesaṃ dhammaṃ paccayā kileso ca nokileso ca dhammā uppajjanti hetupaccayā – nokilesaṃ ekaṃ khandhaṃ paccayā tayo khandhā kilesā ca cittasamuṭṭhānañca rūpaṃ…pe… dve khandhe…pe… vatthuṃ paccayā kilesā, mahābhūte paccayā cittasamuṭṭhānaṃ rūpaṃ, vatthuṃ paccayā kilesā ca sampayuttakā ca khandhā. (3)

    ១១. កិលេសញ្ច នោកិលេសញ្ច ធម្មំ បច្ចយា កិលេសោ ធម្មោ ឧប្បជ្ជតិ ហេតុបច្ចយា – លោភញ្ច សម្បយុត្តកេ ច ខន្ធេ បច្ចយា មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ (ចក្កំ)។ លោភញ្ច វត្ថុញ្ច បច្ចយា កិលេសា។ (១)

    11. Kilesañca nokilesañca dhammaṃ paccayā kileso dhammo uppajjati hetupaccayā – lobhañca sampayuttake ca khandhe paccayā moho diṭṭhi thinaṃ uddhaccaṃ ahirikaṃ anottappaṃ (cakkaṃ). Lobhañca vatthuñca paccayā kilesā. (1)

    កិលេសញ្ច នោកិលេសញ្ច ធម្មំ បច្ចយា នោកិលេសោ ធម្មោ ឧប្បជ្ជតិ ហេតុបច្ចយា – នោកិលេសំ ឯកំ ខន្ធញ្ច កិលេសញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… កិលេសេ ច មហាភូតេ ច បច្ចយា ចិត្តសមុដ្ឋានំ រូបំ, កិលេសេ ច វត្ថុញ្ច បច្ចយា នោកិលេសា ខន្ធា។ (២)

    Kilesañca nokilesañca dhammaṃ paccayā nokileso dhammo uppajjati hetupaccayā – nokilesaṃ ekaṃ khandhañca kilesañca paccayā tayo khandhā cittasamuṭṭhānañca rūpaṃ…pe… dve khandhe ca…pe… kilese ca mahābhūte ca paccayā cittasamuṭṭhānaṃ rūpaṃ, kilese ca vatthuñca paccayā nokilesā khandhā. (2)

    កិលេសញ្ច នោកិលេសញ្ច ធម្មំ បច្ចយា កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – នោកិលេសំ ឯកំ ខន្ធញ្ច លោភញ្ច បច្ចយា តយោ ខន្ធា មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… (ចក្កំ)។ លោភញ្ច វត្ថុញ្ច បច្ចយា មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ សម្បយុត្តកា ច ខន្ធា (ចក្កំ)។ (៣)

    Kilesañca nokilesañca dhammaṃ paccayā kileso ca nokileso ca dhammā uppajjanti hetupaccayā – nokilesaṃ ekaṃ khandhañca lobhañca paccayā tayo khandhā moho diṭṭhi thinaṃ uddhaccaṃ ahirikaṃ anottappaṃ cittasamuṭṭhānañca rūpaṃ…pe… dve khandhe ca…pe… (cakkaṃ). Lobhañca vatthuñca paccayā moho diṭṭhi thinaṃ uddhaccaṃ ahirikaṃ anottappaṃ sampayuttakā ca khandhā (cakkaṃ). (3)

    (អារម្មណបច្ចយេ នោកិលេសមូលេ បញ្ច វិញ្ញាណា កាតព្ពា។)

    (Ārammaṇapaccaye nokilesamūle pañca viññāṇā kātabbā.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ១២. ហេតុយា នវ, អារម្មណេ នវ, អធិបតិយា នវ (សព្ពត្ថ នវ), វិបាកេ ឯកំ…បេ.… អវិគតេ នវ។

    12. Hetuyā nava, ārammaṇe nava, adhipatiyā nava (sabbattha nava), vipāke ekaṃ…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ១៣. កិលេសំ ធម្មំ បច្ចយា កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆំ បច្ចយា វិចិកិច្ឆាសហគតោ មោហោ, ឧទ្ធច្ចំ បច្ចយា ឧទ្ធច្ចសហគតោ មោហោ។ (១)

    13. Kilesaṃ dhammaṃ paccayā kileso dhammo uppajjati nahetupaccayā – vicikicchaṃ paccayā vicikicchāsahagato moho, uddhaccaṃ paccayā uddhaccasahagato moho. (1)

    នោកិលេសំ ធម្មំ បច្ចយា នោកិលេសោ ធម្មោ ឧប្បជ្ជតិ នហេតុបច្ចយា (យាវ អសញ្ញសត្តា) – ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ…បេ.… វត្ថុំ បច្ចយា អហេតុកា នោកិលេសា ខន្ធា។ (១)

    Nokilesaṃ dhammaṃ paccayā nokileso dhammo uppajjati nahetupaccayā (yāva asaññasattā) – cakkhāyatanaṃ paccayā cakkhuviññāṇaṃ…pe… kāyāyatanaṃ…pe… vatthuṃ paccayā ahetukā nokilesā khandhā. (1)

    នោកិលេសំ ធម្មំ បច្ចយា កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (២)

    Nokilesaṃ dhammaṃ paccayā kileso dhammo uppajjati nahetupaccayā – vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (2)

    កិលេសញ្ច នោកិលេសញ្ច ធម្មំ បច្ចយា កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆញ្ច សម្បយុត្តកេ ច ខន្ធេ វត្ថុញ្ច បច្ចយា វិចិកិច្ឆាសហគតោ មោហោ, ឧទ្ធច្ចញ្ច សម្បយុត្តកេ ច ខន្ធេ វត្ថុញ្ច បច្ចយា ឧទ្ធច្ចសហគតោ មោហោ (សំខិត្តំ)។ (១)

    Kilesañca nokilesañca dhammaṃ paccayā kileso dhammo uppajjati nahetupaccayā – vicikicchañca sampayuttake ca khandhe vatthuñca paccayā vicikicchāsahagato moho, uddhaccañca sampayuttake ca khandhe vatthuñca paccayā uddhaccasahagato moho (saṃkhittaṃ). (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ១៤. នហេតុយា ចត្តារិ, នអារម្មណេ តីណិ, នអធិបតិយា នវ…បេ.… នកម្មេ តីណិ, នវិបាកេ នវ, នអាហារេ ឯកំ…បេ.… នោវិគតេ តីណិ។

    14. Nahetuyā cattāri, naārammaṇe tīṇi, naadhipatiyā nava…pe… nakamme tīṇi, navipāke nava, naāhāre ekaṃ…pe… novigate tīṇi.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ១៥. កិលេសំ ធម្មំ សំសដ្ឋោ កិលេសោ ធម្មោ ឧប្បជ្ជតិ ហេតុបច្ចយា – លោភំ សំសដ្ឋោ មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ។ (ចក្កំ។ ឯវំ នវ បញ្ហា កាតព្ពា។)

    15. Kilesaṃ dhammaṃ saṃsaṭṭho kileso dhammo uppajjati hetupaccayā – lobhaṃ saṃsaṭṭho moho diṭṭhi thinaṃ uddhaccaṃ ahirikaṃ anottappaṃ. (Cakkaṃ. Evaṃ nava pañhā kātabbā.)

    ហេតុយា នវ, អារម្មណេ នវ (សព្ពត្ថ នវ), វិបាកេ ឯកំ…បេ.… អវិគតេ នវ។

    Hetuyā nava, ārammaṇe nava (sabbattha nava), vipāke ekaṃ…pe… avigate nava.

    អនុលោមំ។

    Anulomaṃ.

    កិលេសំ ធម្មំ សំសដ្ឋោ កិលេសោ ធម្មោ ឧប្បជ្ជតិ នហេតុបច្ចយា (ឯវំ នហេតុបញ្ហា ចត្តារិ កាតព្ពា។)

    Kilesaṃ dhammaṃ saṃsaṭṭho kileso dhammo uppajjati nahetupaccayā (evaṃ nahetupañhā cattāri kātabbā.)

    នហេតុយា ចត្តារិ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នឈានេ ឯកំ, នមគ្គេ ឯកំ, នវិប្បយុត្តេ នវ។

    Nahetuyā cattāri, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, najhāne ekaṃ, namagge ekaṃ, navippayutte nava.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៦. កិលេសោ ធម្មោ កិលេសស្ស ធម្មស្ស ហេតុបច្ចយេន បច្ចយោ – កិលេសា ហេតូ សម្បយុត្តកានំ កិលេសានំ ហេតុបច្ចយេន បច្ចយោ។ (មូលំ បុច្ឆិតព្ពំ។) កិលេសា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (មូលំ បុច្ឆិតព្ពំ។) កិលេសា ហេតូ សម្បយុត្តកានំ ខន្ធានំ កិលេសានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    16. Kileso dhammo kilesassa dhammassa hetupaccayena paccayo – kilesā hetū sampayuttakānaṃ kilesānaṃ hetupaccayena paccayo. (Mūlaṃ pucchitabbaṃ.) Kilesā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (Mūlaṃ pucchitabbaṃ.) Kilesā hetū sampayuttakānaṃ khandhānaṃ kilesānaṃ cittasamuṭṭhānānañca rūpānaṃ hetupaccayena paccayo. (3)

    នោកិលេសោ ធម្មោ នោកិលេសស្ស ធម្មស្ស ហេតុបច្ចយេន បច្ចយោ – នោកិលេសា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    Nokileso dhammo nokilesassa dhammassa hetupaccayena paccayo – nokilesā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    អារម្មណបច្ចយោ

    Ārammaṇapaccayo

    ១៧. កិលេសោ ធម្មោ កិលេសស្ស ធម្មស្ស អារម្មណបច្ចយេន បច្ចយោ – កិលេសេ អារព្ភ កិលេសា ឧប្បជ្ជន្តិ។ (មូលំ បុច្ឆិតព្ពំ។) កិលេសេ អារព្ភ នោកិលេសា ខន្ធា ឧប្បជ្ជន្តិ។ (មូលំ បុច្ឆិតព្ពំ។) កិលេសេ អារព្ភ កិលេសា ច សម្បយុត្តកា ច ខន្ធា ឧប្បជ្ជន្តិ។ (៣)

    17. Kileso dhammo kilesassa dhammassa ārammaṇapaccayena paccayo – kilese ārabbha kilesā uppajjanti. (Mūlaṃ pucchitabbaṃ.) Kilese ārabbha nokilesā khandhā uppajjanti. (Mūlaṃ pucchitabbaṃ.) Kilese ārabbha kilesā ca sampayuttakā ca khandhā uppajjanti. (3)

    ១៨. នោកិលេសោ ធម្មោ នោកិលេសស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ សុចិណ្ណានិ…បេ.… ឈានា វុដ្ឋហិត្វា ឈានំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ…បេ.… ទិដ្ឋិ…បេ.… វិចិកិច្ឆា…បេ.… ឧទ្ធច្ចំ…បេ.… ទោមនស្សំ ឧប្បជ្ជតិ; អរិយា មគ្គា វុដ្ឋហិត្វា…បេ.… ផលស្ស, អាវជ្ជនាយ អារម្មណបច្ចយេន បច្ចយោ; ចក្ខុំ…បេ.… វត្ថុំ នោកិលេសេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ…បេ.… អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    18. Nokileso dhammo nokilesassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe suciṇṇāni…pe… jhānā vuṭṭhahitvā jhānaṃ paccavekkhati assādeti abhinandati, taṃ ārabbha rāgo…pe… diṭṭhi…pe… vicikicchā…pe… uddhaccaṃ…pe… domanassaṃ uppajjati; ariyā maggā vuṭṭhahitvā…pe… phalassa, āvajjanāya ārammaṇapaccayena paccayo; cakkhuṃ…pe… vatthuṃ nokilese khandhe aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti…pe… anāgataṃsañāṇassa, āvajjanāya ārammaṇapaccayena paccayo. (1)

    នោកិលេសោ ធម្មោ កិលេសស្ស ធម្មស្ស អារម្មណបច្ចយេន បច្ចយោ – ទានំ…បេ.… ឈានា វុដ្ឋហិត្វា ឈានំ អស្សាទេតិ អភិនន្ទតិ, តំ អារព្ភ រាគោ…បេ.… ទិដ្ឋិ…បេ.… វិចិកិច្ឆា…បេ.… ឧទ្ធច្ចំ ឧប្បជ្ជតិ, ឈានេ បរិហីនេ វិប្បដិសារិស្ស ទោមនស្សំ ឧប្បជ្ជតិ, ចក្ខុំ…បេ.… វត្ថុំ នោកិលេសេ ខន្ធេ អស្សាទេតិ អភិនន្ទតិ, តំ អារព្ភ រាគោ…បេ.… ទោមនស្សំ ឧប្បជ្ជតិ។ (២)

    Nokileso dhammo kilesassa dhammassa ārammaṇapaccayena paccayo – dānaṃ…pe… jhānā vuṭṭhahitvā jhānaṃ assādeti abhinandati, taṃ ārabbha rāgo…pe… diṭṭhi…pe… vicikicchā…pe… uddhaccaṃ uppajjati, jhāne parihīne vippaṭisārissa domanassaṃ uppajjati, cakkhuṃ…pe… vatthuṃ nokilese khandhe assādeti abhinandati, taṃ ārabbha rāgo…pe… domanassaṃ uppajjati. (2)

    នោកិលេសោ ធម្មោ កិលេសស្ស ច នោកិលេសស្ស ច ធម្មស្ស អារម្មណបច្ចយេន បច្ចយោ – ទានំ…បេ.… ឈានា វុដ្ឋហិត្វា…បេ.… ចក្ខុំ…បេ.… វត្ថុំ នោកិលេសេ ខន្ធេ អស្សាទេតិ អភិនន្ទតិ, តំ អារព្ភ កិលេសា ច សម្បយុត្តកា ច ខន្ធា ឧប្បជ្ជន្តិ។ (៣)

    Nokileso dhammo kilesassa ca nokilesassa ca dhammassa ārammaṇapaccayena paccayo – dānaṃ…pe… jhānā vuṭṭhahitvā…pe… cakkhuṃ…pe… vatthuṃ nokilese khandhe assādeti abhinandati, taṃ ārabbha kilesā ca sampayuttakā ca khandhā uppajjanti. (3)

    កិលេសោ ច នោកិលេសោ ច ធម្មា កិលេសស្ស ធម្មស្ស អារម្មណបច្ចយេន បច្ចយោ… តីណិ។

    Kileso ca nokileso ca dhammā kilesassa dhammassa ārammaṇapaccayena paccayo… tīṇi.

    អធិបតិបច្ចយោ

    Adhipatipaccayo

    ១៩. កិលេសោ ធម្មោ កិលេសស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – កិលេសេ គរុំ កត្វា កិលេសា ឧប្បជ្ជន្តិ… តីណិ (អារម្មណាធិបតិយេវ)។ (៣)

    19. Kileso dhammo kilesassa dhammassa adhipatipaccayena paccayo. Ārammaṇādhipati – kilese garuṃ katvā kilesā uppajjanti… tīṇi (ārammaṇādhipatiyeva). (3)

    នោកិលេសោ ធម្មោ នោកិលេសស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; បុព្ពេ…បេ.… ឈានា…បេ.… អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ…បេ.… ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ នោកិលេសេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នោកិលេសាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    Nokileso dhammo nokilesassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā paccavekkhati assādeti abhinandati, taṃ garuṃ katvā rāgo uppajjati, diṭṭhi uppajjati; pubbe…pe… jhānā…pe… ariyā maggā vuṭṭhahitvā maggaṃ garuṃ katvā paccavekkhanti…pe… phalassa adhipatipaccayena paccayo; cakkhuṃ…pe… vatthuṃ nokilese khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – nokilesādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    នោកិលេសោ ធម្មោ កិលេសស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… ឈានំ…បេ.… ចក្ខុំ…បេ.… វត្ថុំ នោកិលេសេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នោកិលេសាធិបតិ សម្បយុត្តកានំ កិលេសានំ អធិបតិបច្ចយេន បច្ចយោ។ (២)

    Nokileso dhammo kilesassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… jhānaṃ…pe… cakkhuṃ…pe… vatthuṃ nokilese khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – nokilesādhipati sampayuttakānaṃ kilesānaṃ adhipatipaccayena paccayo. (2)

    នោកិលេសោ ធម្មោ កិលេសស្ស ច នោកិលេសស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… ឈានំ…បេ.… ចក្ខុំ…បេ.… វត្ថុំ នោកិលេសេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា កិលេសា ច សម្បយុត្តកា ច ខន្ធា ឧប្បជ្ជន្តិ។ សហជាតាធិបតិ – នោកិលេសាធិបតិ សម្បយុត្តកានំ ខន្ធានំ កិលេសានញ្ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Nokileso dhammo kilesassa ca nokilesassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… jhānaṃ…pe… cakkhuṃ…pe… vatthuṃ nokilese khandhe garuṃ katvā assādeti abhinandati, taṃ garuṃ katvā kilesā ca sampayuttakā ca khandhā uppajjanti. Sahajātādhipati – nokilesādhipati sampayuttakānaṃ khandhānaṃ kilesānañca cittasamuṭṭhānānañca rūpānaṃ adhipatipaccayena paccayo. (3)

    កិលេសោ ច នោកិលេសោ ច ធម្មា កិលេសស្ស ធម្មស្ស អធិបតិបច្ចយេន បច្ចយោ… តីណិ (អារម្មណាធិបតិយេវ)។ (៣)

    Kileso ca nokileso ca dhammā kilesassa dhammassa adhipatipaccayena paccayo… tīṇi (ārammaṇādhipatiyeva). (3)

    អនន្តរបច្ចយាទិ

    Anantarapaccayādi

    ២០. កិលេសោ ធម្មោ កិលេសស្ស ធម្មស្ស អនន្តរបច្ចយេន បច្ចយោ – បុរិមា បុរិមា កិលេសា បច្ឆិមានំ បច្ឆិមានំ កិលេសានំ អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា កិលេសា បច្ឆិមានំ បច្ឆិមានំ នោកិលេសានំ ខន្ធានំ អនន្តរបច្ចយេន បច្ចយោ; កិលេសា វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា កិលេសា បច្ឆិមានំ បច្ឆិមានំ កិលេសានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    20. Kileso dhammo kilesassa dhammassa anantarapaccayena paccayo – purimā purimā kilesā pacchimānaṃ pacchimānaṃ kilesānaṃ anantarapaccayena paccayo. (Mūlaṃ kātabbaṃ.) Purimā purimā kilesā pacchimānaṃ pacchimānaṃ nokilesānaṃ khandhānaṃ anantarapaccayena paccayo; kilesā vuṭṭhānassa anantarapaccayena paccayo. (Mūlaṃ kātabbaṃ.) Purimā purimā kilesā pacchimānaṃ pacchimānaṃ kilesānaṃ sampayuttakānañca khandhānaṃ anantarapaccayena paccayo. (3)

    ២១. នោកិលេសោ ធម្មោ នោកិលេសស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោកិលេសា ខន្ធា បច្ឆិមានំ បច្ឆិមានំ នោកិលេសានំ ខន្ធានំ អនន្តរបច្ចយេន បច្ចយោ…បេ.… ផលសមាបត្តិយា អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា នោកិលេសា ខន្ធា បច្ឆិមានំ បច្ឆិមានំ កិលេសានំ អនន្តរបច្ចយេន បច្ចយោ; អាវជ្ជនា កិលេសានំ អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា នោកិលេសា ខន្ធា បច្ឆិមានំ បច្ឆិមានំ កិលេសានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ; អាវជ្ជនា កិលេសានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    21. Nokileso dhammo nokilesassa dhammassa anantarapaccayena paccayo – purimā purimā nokilesā khandhā pacchimānaṃ pacchimānaṃ nokilesānaṃ khandhānaṃ anantarapaccayena paccayo…pe… phalasamāpattiyā anantarapaccayena paccayo. (Mūlaṃ kātabbaṃ.) Purimā purimā nokilesā khandhā pacchimānaṃ pacchimānaṃ kilesānaṃ anantarapaccayena paccayo; āvajjanā kilesānaṃ anantarapaccayena paccayo. (Mūlaṃ kātabbaṃ.) Purimā purimā nokilesā khandhā pacchimānaṃ pacchimānaṃ kilesānaṃ sampayuttakānañca khandhānaṃ anantarapaccayena paccayo; āvajjanā kilesānaṃ sampayuttakānañca khandhānaṃ anantarapaccayena paccayo. (3)

    ២២. កិលេសោ ច នោកិលេសោ ច ធម្មា កិលេសស្ស ធម្មស្ស អនន្តរបច្ចយេន បច្ចយោ – បុរិមា បុរិមា កិលេសា ច សម្បយុត្តកា ច ខន្ធា បច្ឆិមានំ បច្ឆិមានំ កិលេសានំ អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា កិលេសា ច សម្បយុត្តកា ច ខន្ធា បច្ឆិមានំ បច្ឆិមានំ នោកិលេសានំ ខន្ធានំ អនន្តរបច្ចយេន បច្ចយោ; កិលេសា ច សម្បយុត្តកា ច ខន្ធា វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា កិលេសា ច សម្បយុត្តកា ច ខន្ធា បច្ឆិមានំ បច្ឆិមានំ កិលេសានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    22. Kileso ca nokileso ca dhammā kilesassa dhammassa anantarapaccayena paccayo – purimā purimā kilesā ca sampayuttakā ca khandhā pacchimānaṃ pacchimānaṃ kilesānaṃ anantarapaccayena paccayo. (Mūlaṃ kātabbaṃ.) Purimā purimā kilesā ca sampayuttakā ca khandhā pacchimānaṃ pacchimānaṃ nokilesānaṃ khandhānaṃ anantarapaccayena paccayo; kilesā ca sampayuttakā ca khandhā vuṭṭhānassa anantarapaccayena paccayo. (Mūlaṃ kātabbaṃ.) Purimā purimā kilesā ca sampayuttakā ca khandhā pacchimānaṃ pacchimānaṃ kilesānaṃ sampayuttakānañca khandhānaṃ anantarapaccayena paccayo. (3)

    សមនន្តរបច្ចយេន បច្ចយោ, សហជាតបច្ចយេន បច្ចយោ, អញ្ញមញ្ញបច្ចយេន បច្ចយោ, និស្សយបច្ចយេន បច្ចយោ។

    Samanantarapaccayena paccayo, sahajātapaccayena paccayo, aññamaññapaccayena paccayo, nissayapaccayena paccayo.

    ឧបនិស្សយបច្ចយោ

    Upanissayapaccayo

    ២៣. កិលេសោ ធម្មោ កិលេសស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – កិលេសា កិលេសានំ ឧបនិស្សយបច្ចយេន បច្ចយោ… តីណិ។

    23. Kileso dhammo kilesassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kilesā kilesānaṃ upanissayapaccayena paccayo… tīṇi.

    ២៤. នោកិលេសោ ធម្មោ នោកិលេសស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… មានំ ជប្បេតិ, ទិដ្ឋិំ គណ្ហាតិ; សីលំ…បេ.… បញ្ញំ… រាគំ… ទោសំ… មោហំ… មានំ… ទិដ្ឋិំ… បត្ថនំ… កាយិកំ សុខំ…បេ.… សេនាសនំ ឧបនិស្សាយ ទានំ ទេតិ…បេ.… សង្ឃំ ភិន្ទតិ; សទ្ធា…បេ.… សេនាសនំ សទ្ធាយ…បេ.… ផលសមាបត្តិយា ឧបនិស្សយបច្ចយេន បច្ចយោ។ (១)

    24. Nokileso dhammo nokilesassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… mānaṃ jappeti, diṭṭhiṃ gaṇhāti; sīlaṃ…pe… paññaṃ… rāgaṃ… dosaṃ… mohaṃ… mānaṃ… diṭṭhiṃ… patthanaṃ… kāyikaṃ sukhaṃ…pe… senāsanaṃ upanissāya dānaṃ deti…pe… saṅghaṃ bhindati; saddhā…pe… senāsanaṃ saddhāya…pe… phalasamāpattiyā upanissayapaccayena paccayo. (1)

    នោកិលេសោ ធម្មោ កិលេសស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ… ទិដ្ឋិំ គណ្ហាតិ; សីលំ…បេ.… សេនាសនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; សទ្ធា…បេ.… សេនាសនំ កិលេសានំ ឧបនិស្សយបច្ចយេន បច្ចយោ។ (២)

    Nokileso dhammo kilesassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti… diṭṭhiṃ gaṇhāti; sīlaṃ…pe… senāsanaṃ upanissāya pāṇaṃ hanati…pe… saṅghaṃ bhindati; saddhā…pe… senāsanaṃ kilesānaṃ upanissayapaccayena paccayo. (2)

    នោកិលេសោ ធម្មោ កិលេសស្ស ច នោកិលេសស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ… ទិដ្ឋិំ គណ្ហាតិ; សីលំ…បេ.… សេនាសនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; សទ្ធា…បេ.… សេនាសនំ កិលេសានំ សម្បយុត្តកានញ្ច ខន្ធានំ ឧបនិស្សយបច្ចយេន បច្ចយោ។ (៣)

    Nokileso dhammo kilesassa ca nokilesassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti… diṭṭhiṃ gaṇhāti; sīlaṃ…pe… senāsanaṃ upanissāya pāṇaṃ hanati…pe… saṅghaṃ bhindati; saddhā…pe… senāsanaṃ kilesānaṃ sampayuttakānañca khandhānaṃ upanissayapaccayena paccayo. (3)

    កិលេសោ ច នោកិលេសោ ច ធម្មា កិលេសស្ស ធម្មស្ស ឧបនិស្សយបច្ចយេន បច្ចយោ… តីណិ។

    Kileso ca nokileso ca dhammā kilesassa dhammassa upanissayapaccayena paccayo… tīṇi.

    បុរេជាតបច្ចយោ

    Purejātapaccayo

    ២៥. នោកិលេសោ ធម្មោ នោកិលេសស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ នោកិលេសានំ ខន្ធានំ បុរេជាតបច្ចយេន បច្ចយោ។ (១)

    25. Nokileso dhammo nokilesassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu nokilesānaṃ khandhānaṃ purejātapaccayena paccayo. (1)

    នោកិលេសោ ធម្មោ កិលេសស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ , តំ អារព្ភ រាគោ…បេ.… ទោមនស្សំ ឧប្បជ្ជតិ។ វត្ថុបុរេជាតំ – វត្ថុ កិលេសានំ បុរេជាតបច្ចយេន បច្ចយោ។ (២)

    Nokileso dhammo kilesassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati , taṃ ārabbha rāgo…pe… domanassaṃ uppajjati. Vatthupurejātaṃ – vatthu kilesānaṃ purejātapaccayena paccayo. (2)

    នោកិលេសោ ធម្មោ កិលេសស្ស ច នោកិលេសស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ កិលេសា ច សម្បយុត្តកា ច ខន្ធា ឧប្បជ្ជន្តិ។ វត្ថុបុរេជាតំ – វត្ថុ កិលេសានំ សម្បយុត្តកានញ្ច ខន្ធានំ បុរេជាតបច្ចយេន បច្ចយោ។ (៣)

    Nokileso dhammo kilesassa ca nokilesassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha kilesā ca sampayuttakā ca khandhā uppajjanti. Vatthupurejātaṃ – vatthu kilesānaṃ sampayuttakānañca khandhānaṃ purejātapaccayena paccayo. (3)

    បច្ឆាជាតាសេវនបច្ចយា

    Pacchājātāsevanapaccayā

    ២៦. កិលេសោ ធម្មោ នោកិលេសស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ (១)

    26. Kileso dhammo nokilesassa dhammassa pacchājātapaccayena paccayo (saṃkhittaṃ). (1)

    នោកិលេសោ ធម្មោ នោកិលេសស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ (១)

    Nokileso dhammo nokilesassa dhammassa pacchājātapaccayena paccayo (saṃkhittaṃ). (1)

    កិលេសោ ច នោកិលេសោ ច ធម្មា នោកិលេសស្ស ធម្មស្ស បច្ឆាជាតបច្ចយេន បច្ចយោ (សំខិត្តំ) អាសេវនបច្ចយេន បច្ចយោ …នវ។

    Kileso ca nokileso ca dhammā nokilesassa dhammassa pacchājātapaccayena paccayo (saṃkhittaṃ) āsevanapaccayena paccayo …nava.

    កម្មបច្ចយោ

    Kammapaccayo

    ២៧. នោកិលេសោ ធម្មោ នោកិលេសស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នោកិលេសា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – នោកិលេសា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

    27. Nokileso dhammo nokilesassa dhammassa kammapaccayena paccayo – sahajātā, nānākkhaṇikā. Sahajātā – nokilesā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – nokilesā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    នោកិលេសោ ធម្មោ កិលេសស្ស ធម្មស្ស កម្មបច្ចយេន បច្ចយោ – នោកិលេសា ចេតនា កិលេសានំ កម្មបច្ចយេន បច្ចយោ។ (២)

    Nokileso dhammo kilesassa dhammassa kammapaccayena paccayo – nokilesā cetanā kilesānaṃ kammapaccayena paccayo. (2)

    នោកិលេសោ ធម្មោ កិលេសស្ស ច នោកិលេសស្ស ច ធម្មស្ស កម្មបច្ចយេន បច្ចយោ – នោកិលេសា ចេតនា សម្បយុត្តកានំ ខន្ធានំ កិលេសានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    Nokileso dhammo kilesassa ca nokilesassa ca dhammassa kammapaccayena paccayo – nokilesā cetanā sampayuttakānaṃ khandhānaṃ kilesānaṃ cittasamuṭṭhānānañca rūpānaṃ kammapaccayena paccayo. (3)

    វិបាកបច្ចយាទិ

    Vipākapaccayādi

    ២៨. នោកិលេសោ ធម្មោ នោកិលេសស្ស ធម្មស្ស វិបាកបច្ចយេន បច្ចយោ… ឯកំ… អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ។

    28. Nokileso dhammo nokilesassa dhammassa vipākapaccayena paccayo… ekaṃ… āhārapaccayena paccayo… tīṇi… indriyapaccayena paccayo… tīṇi… jhānapaccayena paccayo… tīṇi… maggapaccayena paccayo… nava… sampayuttapaccayena paccayo… nava.

    វិប្បយុត្តបច្ចយោ

    Vippayuttapaccayo

    ២៩. កិលេសោ ធម្មោ នោកិលេសស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ (១)

    29. Kileso dhammo nokilesassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    នោកិលេសោ ធម្មោ នោកិលេសស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ)។ (១)

    Nokileso dhammo nokilesassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    នោកិលេសោ ធម្មោ កិលេសស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ កិលេសានំ វិប្បយុត្តបច្ចយេន បច្ចយោ។ (២)

    Nokileso dhammo kilesassa dhammassa vippayuttapaccayena paccayo. Purejātaṃ – vatthu kilesānaṃ vippayuttapaccayena paccayo. (2)

    នោកិលេសោ ធម្មោ កិលេសស្ស ច នោកិលេសស្ស ច ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ កិលេសានំ សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ។ (៣)

    Nokileso dhammo kilesassa ca nokilesassa ca dhammassa vippayuttapaccayena paccayo. Purejātaṃ – vatthu kilesānaṃ sampayuttakānañca khandhānaṃ vippayuttapaccayena paccayo. (3)

    កិលេសោ ច នោកិលេសោ ច ធម្មា នោកិលេសស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ។ វិត្ថារេតព្ពំ។)

    Kileso ca nokileso ca dhammā nokilesassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ. Vitthāretabbaṃ.)

    អត្ថិបច្ចយាទិ

    Atthipaccayādi

    ៣០. កិលេសោ ធម្មោ កិលេសស្ស ធម្មស្ស អត្ថិបច្ចយេន បច្ចយោ… ឯកំ (បដិច្ចសទិសំ)។ (១)

    30. Kileso dhammo kilesassa dhammassa atthipaccayena paccayo… ekaṃ (paṭiccasadisaṃ). (1)

    កិលេសោ ធម្មោ នោកិលេសស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ (២)

    Kileso dhammo nokilesassa dhammassa atthipaccayena paccayo – sahajātaṃ, pacchājātaṃ (saṃkhittaṃ). (2)

    កិលេសោ ធម្មោ កិលេសស្ស ច នោកិលេសស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ) ។ (៣)

    Kileso dhammo kilesassa ca nokilesassa ca dhammassa atthipaccayena paccayo (paṭiccasadisaṃ) . (3)

    នោកិលេសោ ធម្មោ នោកិលេសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ (១)

    Nokileso dhammo nokilesassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). (1)

    នោកិលេសោ ធម្មោ កិលេសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ។ សហជាតំ សហជាតសទិសំ, បុរេជាតំ បុរេជាតសទិសំ។) (២)

    Nokileso dhammo kilesassa dhammassa atthipaccayena paccayo – sahajātaṃ, purejātaṃ (saṃkhittaṃ. Sahajātaṃ sahajātasadisaṃ, purejātaṃ purejātasadisaṃ.) (2)

    នោកិលេសោ ធម្មោ កិលេសស្ស ច នោកិលេសស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សហជាតំ សហជាតសទិសំ, បុរេជាតំ បុរេជាតសទិសំ។) (៣)

    Nokileso dhammo kilesassa ca nokilesassa ca dhammassa atthipaccayena paccayo – sahajātaṃ, purejātaṃ (sahajātaṃ sahajātasadisaṃ, purejātaṃ purejātasadisaṃ.) (3)

    ៣១. កិលេសោ ច នោកិលេសោ ច ធម្មា កិលេសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – លោភោ ច សម្បយុត្តកា ច ខន្ធា មោហស្ស, ទិដ្ឋិយា, ថិនស្ស, ឧទ្ធច្ចស្ស, អហិរិកស្ស, អនោត្តប្បស្ស អត្ថិបច្ចយេន បច្ចយោ (ចក្កំ)។ សហជាតោ – លោភោ ច វត្ថុ ច មោហស្ស, ទិដ្ឋិយា, ថិនស្ស, ឧទ្ធច្ចស្ស, អហិរិកស្ស, អនោត្តប្បស្ស អត្ថិបច្ចយេន បច្ចយោ (ចក្កំ)។ (១)

    31. Kileso ca nokileso ca dhammā kilesassa dhammassa atthipaccayena paccayo – sahajātaṃ, purejātaṃ. Sahajāto – lobho ca sampayuttakā ca khandhā mohassa, diṭṭhiyā, thinassa, uddhaccassa, ahirikassa, anottappassa atthipaccayena paccayo (cakkaṃ). Sahajāto – lobho ca vatthu ca mohassa, diṭṭhiyā, thinassa, uddhaccassa, ahirikassa, anottappassa atthipaccayena paccayo (cakkaṃ). (1)

    កិលេសោ ច នោកិលេសោ ច ធម្មា នោកិលេសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតោ – នោកិលេសោ ឯកោ ខន្ធោ ច កិលេសោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ សហជាតា – កិលេសា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ សហជាតា – កិលេសា ច វត្ថុ ច នោកិលេសានំ ខន្ធានំ អត្ថិបច្ចយេន បច្ចយោ។ បច្ឆាជាតា – កិលេសា ច សម្បយុត្តកា ខន្ធា ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – កិលេសា ច សម្បយុត្តកា ច ខន្ធា កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – កិលេសា ច សម្បយុត្តកា ច ខន្ធា រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    Kileso ca nokileso ca dhammā nokilesassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – nokileso eko khandho ca kileso ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajātā – kilesā ca mahābhūtā ca cittasamuṭṭhānānaṃ rūpānaṃ atthipaccayena paccayo. Sahajātā – kilesā ca vatthu ca nokilesānaṃ khandhānaṃ atthipaccayena paccayo. Pacchājātā – kilesā ca sampayuttakā khandhā ca purejātassa imassa kāyassa atthipaccayena paccayo. Pacchājātā – kilesā ca sampayuttakā ca khandhā kabaḷīkāro āhāro ca imassa kāyassa atthipaccayena paccayo. Pacchājātā – kilesā ca sampayuttakā ca khandhā rūpajīvitindriyañca kaṭattārūpānaṃ atthipaccayena paccayo. (2)

    កិលេសោ ច នោកិលេសោ ច ធម្មា កិលេសស្ស ច នោកិលេសស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – នោកិលេសោ ឯកោ ខន្ធោ ច លោភោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ មោហស្ស ច, ទិដ្ឋិយា, ថិនស្ស, ឧទ្ធច្ចស្ស, អហិរិកស្ស, អនោត្តប្បស្ស អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ សហជាតោ – លោភោ ច វត្ថុ ច មោហស្ស, ទិដ្ឋិយា, ថិនស្ស, ឧទ្ធច្ចស្ស, អហិរិកស្ស, អនោត្តប្បស្ស សម្បយុត្តកានញ្ច ខន្ធានំ អត្ថិបច្ចយេន បច្ចយោ (ចក្កំ)។ (៣)

    Kileso ca nokileso ca dhammā kilesassa ca nokilesassa ca dhammassa atthipaccayena paccayo – sahajātaṃ, purejātaṃ. Sahajāto – nokileso eko khandho ca lobho ca tiṇṇannaṃ khandhānaṃ cittasamuṭṭhānānañca rūpānaṃ mohassa ca, diṭṭhiyā, thinassa, uddhaccassa, ahirikassa, anottappassa atthipaccayena paccayo…pe… dve khandhā ca…pe…. Sahajāto – lobho ca vatthu ca mohassa, diṭṭhiyā, thinassa, uddhaccassa, ahirikassa, anottappassa sampayuttakānañca khandhānaṃ atthipaccayena paccayo (cakkaṃ). (3)

    នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។

    Natthipaccayena paccayo… vigatapaccayena paccayo… avigatapaccayena paccayo.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៣២. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    32. Hetuyā cattāri, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke ekaṃ, āhāre tīṇi, indriye tīṇi, jhāne tīṇi, magge nava, sampayutte nava, vippayutte pañca, atthiyā nava, natthiyā nava, vigate nava, avigate nava.

    បច្ចនីយុទ្ធារោ

    Paccanīyuddhāro

    ៣៣. កិលេសោ ធម្មោ កិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    33. Kileso dhammo kilesassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    កិលេសោ ធម្មោ នោកិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Kileso dhammo nokilesassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    កិលេសោ ធម្មោ កិលេសស្ស ច នោកិលេសស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Kileso dhammo kilesassa ca nokilesassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ៣៤. នោកិលេសោ ធម្មោ នោកិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ … បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

    34. Nokileso dhammo nokilesassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo … purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    នោកិលេសោ ធម្មោ កិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    Nokileso dhammo kilesassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    នោកិលេសោ ធម្មោ កិលេសស្ស ច នោកិលេសស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

    Nokileso dhammo kilesassa ca nokilesassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ៣៥. កិលេសោ ច នោកិលេសោ ច ធម្មា កិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    35. Kileso ca nokileso ca dhammā kilesassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    កិលេសោ ច នោកិលេសោ ច ធម្មា នោកិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Kileso ca nokileso ca dhammā nokilesassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    កិលេសោ ច នោកិលេសោ ច ធម្មា កិលេសស្ស ច នោកិលេសស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Kileso ca nokileso ca dhammā kilesassa ca nokilesassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៣៦. នហេតុយា នវ, នអារម្មណេ នវ, នអធិបតិយា នវ (សព្ពត្ថ នវ), នោអវិគតេ នវ។

    36. Nahetuyā nava, naārammaṇe nava, naadhipatiyā nava (sabbattha nava), noavigate nava.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៣៧. ហេតុបច្ចយា នអារម្មណេ ចត្តារិ, នអធិបតិយា ចត្តារិ, នអនន្តរេ ចត្តារិ, នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ (សព្ពត្ថ ចត្តារិ), នសម្បយុត្តេ ទ្វេ, នវិប្បយុត្តេ ចត្តារិ, នោនត្ថិយា ចត្តារិ, នោវិគតេ ចត្តារិ។

    37. Hetupaccayā naārammaṇe cattāri, naadhipatiyā cattāri, naanantare cattāri, nasamanantare cattāri, naaññamaññe dve, naupanissaye cattāri (sabbattha cattāri), nasampayutte dve, navippayutte cattāri, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៣៨. នហេតុបច្ចយា អារម្មណេ នវ, អធិបតិយា នវ (អនុលោមមាតិកា កាតព្ពា)…បេ.… អវិគតេ នវ។

    38. Nahetupaccayā ārammaṇe nava, adhipatiyā nava (anulomamātikā kātabbā)…pe… avigate nava.

    កិលេសទុកំ និដ្ឋិតំ។

    Kilesadukaṃ niṭṭhitaṃ.

    ៧៦. សំកិលេសិកទុកំ

    76. Saṃkilesikadukaṃ

    ១. បដិច្ចវារោ

    1. Paṭiccavāro

    ៣៩. សំកិលេសិកំ ធម្មំ បដិច្ច សំកិលេសិកោ ធម្មោ ឧប្បជ្ជតិ ហេតុបច្ចយា (យថា លោកិយទុកំ, ឯវំ និន្នានាករណំ។)

    39. Saṃkilesikaṃ dhammaṃ paṭicca saṃkilesiko dhammo uppajjati hetupaccayā (yathā lokiyadukaṃ, evaṃ ninnānākaraṇaṃ.)

    សំកិលេសិកទុកំ និដ្ឋិតំ។

    Saṃkilesikadukaṃ niṭṭhitaṃ.

    ៧៧. សំកិលិដ្ឋទុកំ

    77. Saṃkiliṭṭhadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៤០. សំកិលិដ្ឋំ ធម្មំ បដិច្ច សំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    40. Saṃkiliṭṭhaṃ dhammaṃ paṭicca saṃkiliṭṭho dhammo uppajjati hetupaccayā – saṃkiliṭṭhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    សំកិលិដ្ឋំ ធម្មំ បដិច្ច អសំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋេ ខន្ធេ បដិច្ច ចិត្តសមុដ្ឋានំ រូបំ។ (២)

    Saṃkiliṭṭhaṃ dhammaṃ paṭicca asaṃkiliṭṭho dhammo uppajjati hetupaccayā – saṃkiliṭṭhe khandhe paṭicca cittasamuṭṭhānaṃ rūpaṃ. (2)

    សំកិលិដ្ឋំ ធម្មំ បដិច្ច សំកិលិដ្ឋោ ច អសំកិលិដ្ឋោ ច ធម្មា ឧប្បជ្ជន្តិ ហេតុបច្ចយា – សំកិលិដ្ឋំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Saṃkiliṭṭhaṃ dhammaṃ paṭicca saṃkiliṭṭho ca asaṃkiliṭṭho ca dhammā uppajjanti hetupaccayā – saṃkiliṭṭhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    អសំកិលិដ្ឋំ ធម្មំ បដិច្ច អសំកិលិដ្ឋោ ធម្មោ ឧប្បជ្ជតិ ហេតុបច្ចយា – អសំកិលិដ្ឋំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (១)

    Asaṃkiliṭṭhaṃ dhammaṃ paṭicca asaṃkiliṭṭho dhammo uppajjati hetupaccayā – asaṃkiliṭṭhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    សំកិលិដ្ឋញ្ច អសំកិលិដ្ឋញ្ច ធម្មំ បដិច្ច អសំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ (សំខិត្តំ)។ (១)

    Saṃkiliṭṭhañca asaṃkiliṭṭhañca dhammaṃ paṭicca asaṃkiliṭṭho dhammo uppajjati hetupaccayā – saṃkiliṭṭhe khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៤១. ហេតុយា បញ្ច, អារម្មណេ ទ្វេ, អធិបតិយា បញ្ច, អនន្តរេ ទ្វេ, សមនន្តរេ ទ្វេ, សហជាតេ បញ្ច, អញ្ញមញ្ញេ ទ្វេ, និស្សយេ បញ្ច, ឧបនិស្សយេ ទ្វេ, បុរេជាតេ ទ្វេ, អាសេវនេ ទ្វេ, កម្មេ បញ្ច, វិបាកេ ឯកំ, អាហារេ បញ្ច (សំខិត្តំ), អវិគតេ បញ្ច។

    41. Hetuyā pañca, ārammaṇe dve, adhipatiyā pañca, anantare dve, samanantare dve, sahajāte pañca, aññamaññe dve, nissaye pañca, upanissaye dve, purejāte dve, āsevane dve, kamme pañca, vipāke ekaṃ, āhāre pañca (saṃkhittaṃ), avigate pañca.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៤២. សំកិលិដ្ឋំ ធម្មំ បដិច្ច សំកិលិដ្ឋោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    42. Saṃkiliṭṭhaṃ dhammaṃ paṭicca saṃkiliṭṭho dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    អសំកិលិដ្ឋំ ធម្មំ បដិច្ច អសំកិលិដ្ឋោ ធម្មោ ឧប្បជ្ជតិ នហេតុបច្ចយា – អហេតុកំ អសំកិលិដ្ឋំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា)។ (១)

    Asaṃkiliṭṭhaṃ dhammaṃ paṭicca asaṃkiliṭṭho dhammo uppajjati nahetupaccayā – ahetukaṃ asaṃkiliṭṭhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā). (1)

    ១. បច្ចយបច្ចនីយំ

    1. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៤៣. នហេតុយា ទ្វេ, នអារម្មណេ តីណិ, នអធិបតិយា បញ្ច, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ បញ្ច, នអាសេវនេ បញ្ច, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    43. Nahetuyā dve, naārammaṇe tīṇi, naadhipatiyā pañca, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte pañca, naāsevane pañca, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (ឯវំ ឥតរេ ទ្វេ គណនាបិ សហជាតវារោបិ កាតព្ពោ។)

    (Evaṃ itare dve gaṇanāpi sahajātavāropi kātabbo.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៤៤. សំកិលិដ្ឋំ ធម្មំ បច្ចយា សំកិលិដ្ឋោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសំ)។

    44. Saṃkiliṭṭhaṃ dhammaṃ paccayā saṃkiliṭṭho dhammo uppajjati hetupaccayā… tīṇi (paṭiccasadisaṃ).

    អសំកិលិដ្ឋំ ធម្មំ បច្ចយា អសំកិលិដ្ឋោ ធម្មោ ឧប្បជ្ជតិ ហេតុបច្ចយា – អសំកិលិដ្ឋំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… (យាវ អជ្ឈត្តិកា មហាភូតា) វត្ថុំ បច្ចយា អសំកិលិដ្ឋា ខន្ធា។ (១)

    Asaṃkiliṭṭhaṃ dhammaṃ paccayā asaṃkiliṭṭho dhammo uppajjati hetupaccayā – asaṃkiliṭṭhaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā) vatthuṃ paccayā asaṃkiliṭṭhā khandhā. (1)

    អសំកិលិដ្ឋំ ធម្មំ បច្ចយា សំកិលិដ្ឋោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា សំកិលិដ្ឋា ខន្ធា។ (២)

    Asaṃkiliṭṭhaṃ dhammaṃ paccayā saṃkiliṭṭho dhammo uppajjati hetupaccayā – vatthuṃ paccayā saṃkiliṭṭhā khandhā. (2)

    អសំកិលិដ្ឋំ ធម្មំ បច្ចយា សំកិលិដ្ឋោ ច អសំកិលិដ្ឋោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា សំកិលិដ្ឋា ខន្ធា, មហាភូតេ បច្ចយា ចិត្តសមុដ្ឋានំ រូបំ។ (៣)

    Asaṃkiliṭṭhaṃ dhammaṃ paccayā saṃkiliṭṭho ca asaṃkiliṭṭho ca dhammā uppajjanti hetupaccayā – vatthuṃ paccayā saṃkiliṭṭhā khandhā, mahābhūte paccayā cittasamuṭṭhānaṃ rūpaṃ. (3)

    ៤៥. សំកិលិដ្ឋញ្ច អសំកិលិដ្ឋញ្ច ធម្មំ បច្ចយា សំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ (១)

    45. Saṃkiliṭṭhañca asaṃkiliṭṭhañca dhammaṃ paccayā saṃkiliṭṭho dhammo uppajjati hetupaccayā – saṃkiliṭṭhaṃ ekaṃ khandhañca vatthuñca paccayā tayo khandhā…pe… dve khandhe ca…pe…. (1)

    សំកិលិដ្ឋញ្ច អសំកិលិដ្ឋញ្ច ធម្មំ បច្ចយា អសំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (២)

    Saṃkiliṭṭhañca asaṃkiliṭṭhañca dhammaṃ paccayā asaṃkiliṭṭho dhammo uppajjati hetupaccayā – saṃkiliṭṭhe khandhe ca mahābhūte ca paccayā cittasamuṭṭhānaṃ rūpaṃ. (2)

    សំកិលិដ្ឋញ្ច អសំកិលិដ្ឋញ្ច ធម្មំ បច្ចយា សំកិលិដ្ឋោ ច អសំកិលិដ្ឋោ ច ធម្មា ឧប្បជ្ជន្តិ ហេតុបច្ចយា – សំកិលិដ្ឋំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… សំកិលិដ្ឋេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ (សំខិត្តំ)។ (៣)

    Saṃkiliṭṭhañca asaṃkiliṭṭhañca dhammaṃ paccayā saṃkiliṭṭho ca asaṃkiliṭṭho ca dhammā uppajjanti hetupaccayā – saṃkiliṭṭhaṃ ekaṃ khandhañca vatthuñca paccayā tayo khandhā…pe… dve khandhe ca…pe… saṃkiliṭṭhe khandhe ca mahābhūte ca paccayā cittasamuṭṭhānaṃ rūpaṃ (saṃkhittaṃ). (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៤៦. ហេតុយា នវ, អារម្មណេ ចត្តារិ, អធិបតិយា នវ, អនន្តរេ ចត្តារិ, សមនន្តរេ ចត្តារិ, សហជាតេ នវ, អញ្ញមញ្ញេ ចត្តារិ, និស្សយេ នវ, ឧបនិស្សយេ ចត្តារិ, បុរេជាតេ ចត្តារិ, អាសេវនេ ចត្តារិ , កម្មេ នវ, វិបាកេ ឯកំ, អាហារេ នវ, ឥន្ទ្រិយេ នវ…បេ.… វិគតេ ចត្តារិ, អវិគតេ នវ។

    46. Hetuyā nava, ārammaṇe cattāri, adhipatiyā nava, anantare cattāri, samanantare cattāri, sahajāte nava, aññamaññe cattāri, nissaye nava, upanissaye cattāri, purejāte cattāri, āsevane cattāri , kamme nava, vipāke ekaṃ, āhāre nava, indriye nava…pe… vigate cattāri, avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៤៧. សំកិលិដ្ឋំ ធម្មំ បច្ចយា សំកិលិដ្ឋោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    47. Saṃkiliṭṭhaṃ dhammaṃ paccayā saṃkiliṭṭho dhammo uppajjati nahetupaccayā – vicikicchāsahagate uddhaccasahagate khandhe paccayā vicikicchāsahagato uddhaccasahagato moho. (1)

    អសំកិលិដ្ឋំ ធម្មំ បច្ចយា អសំកិលិដ្ឋោ ធម្មោ ឧប្បជ្ជតិ នហេតុបច្ចយា – អហេតុកំ អសំកិលិដ្ឋំ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា អសំកិលិដ្ឋា ខន្ធា។ (១)

    Asaṃkiliṭṭhaṃ dhammaṃ paccayā asaṃkiliṭṭho dhammo uppajjati nahetupaccayā – ahetukaṃ asaṃkiliṭṭhaṃ…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā asaṃkiliṭṭhā khandhā. (1)

    អសំកិលិដ្ឋំ ធម្មំ បច្ចយា សំកិលិដ្ឋោ ធម្មោ ឧប្បជ្ជតិ នហេតុបច្ចយា – វត្ថុំ បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (២)

    Asaṃkiliṭṭhaṃ dhammaṃ paccayā saṃkiliṭṭho dhammo uppajjati nahetupaccayā – vatthuṃ paccayā vicikicchāsahagato uddhaccasahagato moho. (2)

    សំកិលិដ្ឋញ្ច អសំកិលិដ្ឋញ្ច ធម្មំ បច្ចយា សំកិលិដ្ឋោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    Saṃkiliṭṭhañca asaṃkiliṭṭhañca dhammaṃ paccayā saṃkiliṭṭho dhammo uppajjati nahetupaccayā – vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៤៨. នហេតុយា ចត្តារិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    48. Nahetuyā cattāri, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ៤៩. សំកិលិដ្ឋំ ធម្មំ សំសដ្ឋោ សំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ …បេ.…។ (១)

    49. Saṃkiliṭṭhaṃ dhammaṃ saṃsaṭṭho saṃkiliṭṭho dhammo uppajjati hetupaccayā – saṃkiliṭṭhaṃ ekaṃ khandhaṃ saṃsaṭṭhā tayo khandhā…pe… dve khandhe …pe…. (1)

    អសំកិលិដ្ឋំ ធម្មំ សំសដ្ឋោ អសំកិលិដ្ឋោ ធម្មោ ឧប្បជ្ជតិ ហេតុបច្ចយា – អសំកិលិដ្ឋំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Asaṃkiliṭṭhaṃ dhammaṃ saṃsaṭṭho asaṃkiliṭṭho dhammo uppajjati hetupaccayā – asaṃkiliṭṭhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    ហេតុយា ទ្វេ, អារម្មណេ ទ្វេ, អធិបតិយា ទ្វេ (សព្ពត្ថ ទ្វេ), វិបាកេ ឯកំ…បេ.… អវិគតេ ទ្វេ។

    Hetuyā dve, ārammaṇe dve, adhipatiyā dve (sabbattha dve), vipāke ekaṃ…pe… avigate dve.

    អនុលោមំ។

    Anulomaṃ.

    ៥០. សំកិលិដ្ឋំ ធម្មំ សំសដ្ឋោ សំកិលិដ្ឋោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ។ (១)

    50. Saṃkiliṭṭhaṃ dhammaṃ saṃsaṭṭho saṃkiliṭṭho dhammo uppajjati nahetupaccayā – vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)

    អសំកិលិដ្ឋំ ធម្មំ សំសដ្ឋោ អសំកិលិដ្ឋោ ធម្មោ ឧប្បជ្ជតិ នហេតុបច្ចយា – អហេតុកំ អសំកិលិដ្ឋំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.…។ (១)

    Asaṃkiliṭṭhaṃ dhammaṃ saṃsaṭṭho asaṃkiliṭṭho dhammo uppajjati nahetupaccayā – ahetukaṃ asaṃkiliṭṭhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe…. (1)

    នហេតុយា ទ្វេ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នឈានេ ឯកំ, នមគ្គេ ឯកំ, នវិប្បយុត្តេ ទ្វេ។

    Nahetuyā dve, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, najhāne ekaṃ, namagge ekaṃ, navippayutte dve.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៥១. សំកិលិដ្ឋោ ធម្មោ សំកិលិដ្ឋស្ស ធម្មស្ស ហេតុបច្ចយេន បច្ចយោ – សំកិលិដ្ឋា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

    51. Saṃkiliṭṭho dhammo saṃkiliṭṭhassa dhammassa hetupaccayena paccayo – saṃkiliṭṭhā hetū sampayuttakānaṃ khandhānaṃ hetupaccayena paccayo. (1)

    សំកិលិដ្ឋោ ធម្មោ អសំកិលិដ្ឋស្ស ធម្មស្ស ហេតុបច្ចយេន បច្ចយោ – សំកិលិដ្ឋា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ។ (២)

    Saṃkiliṭṭho dhammo asaṃkiliṭṭhassa dhammassa hetupaccayena paccayo – saṃkiliṭṭhā hetū cittasamuṭṭhānānaṃ rūpānaṃ hetupaccayena paccayo. (2)

    សំកិលិដ្ឋោ ធម្មោ សំកិលិដ្ឋស្ស ច អសំកិលិដ្ឋស្ស ច ធម្មស្ស ហេតុបច្ចយេន បច្ចយោ – សំកិលិដ្ឋា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    Saṃkiliṭṭho dhammo saṃkiliṭṭhassa ca asaṃkiliṭṭhassa ca dhammassa hetupaccayena paccayo – saṃkiliṭṭhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    អសំកិលិដ្ឋោ ធម្មោ អសំកិលិដ្ឋស្ស ធម្មស្ស ហេតុបច្ចយេន បច្ចយោ – អសំកិលិដ្ឋា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    Asaṃkiliṭṭho dhammo asaṃkiliṭṭhassa dhammassa hetupaccayena paccayo – asaṃkiliṭṭhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    អារម្មណបច្ចយោ

    Ārammaṇapaccayo

    ៥២. សំកិលិដ្ឋោ ធម្មោ សំកិលិដ្ឋស្ស ធម្មស្ស អារម្មណបច្ចយេន បច្ចយោ – រាគំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ; វិចិកិច្ឆា…បេ.… ឧទ្ធច្ច…បេ.… ទោមនស្សំ ឧប្បជ្ជតិ; ទិដ្ឋិំ អស្សាទេតិ…បេ.… (កុសលត្តិកសទិសំ); វិចិកិច្ឆំ អារព្ភ…បេ.… ឧទ្ធច្ចំ អារព្ភ…បេ.… ទោមនស្សំ ឧប្បជ្ជតិ; ទិដ្ឋិ…បេ.… វិចិកិច្ឆា…បេ.… ឧទ្ធច្ចំ ឧប្បជ្ជតិ។ (១)

    52. Saṃkiliṭṭho dhammo saṃkiliṭṭhassa dhammassa ārammaṇapaccayena paccayo – rāgaṃ assādeti abhinandati, taṃ ārabbha rāgo uppajjati, diṭṭhi uppajjati; vicikicchā…pe… uddhacca…pe… domanassaṃ uppajjati; diṭṭhiṃ assādeti…pe… (kusalattikasadisaṃ); vicikicchaṃ ārabbha…pe… uddhaccaṃ ārabbha…pe… domanassaṃ uppajjati; diṭṭhi…pe… vicikicchā…pe… uddhaccaṃ uppajjati. (1)

    សំកិលិដ្ឋោ ធម្មោ អសំកិលិដ្ឋស្ស ធម្មស្ស អារម្មណបច្ចយេន បច្ចយោ – អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ.… បុព្ពេ សមុទាចិណ្ណេ…បេ.… សំកិលិដ្ឋេ ខន្ធេ អនិច្ចតោ…បេ.… វិបស្សតិ, ចេតោបរិយញាណេន សំកិលិដ្ឋចិត្តសមង្គិស្ស ចិត្តំ ជានាតិ; សំកិលិដ្ឋា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (២)

    Saṃkiliṭṭho dhammo asaṃkiliṭṭhassa dhammassa ārammaṇapaccayena paccayo – ariyā pahīne kilese paccavekkhanti, vikkhambhite kilese…pe… pubbe samudāciṇṇe…pe… saṃkiliṭṭhe khandhe aniccato…pe… vipassati, cetopariyañāṇena saṃkiliṭṭhacittasamaṅgissa cittaṃ jānāti; saṃkiliṭṭhā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)

    ៥៣. អសំកិលិដ្ឋោ ធម្មោ អសំកិលិដ្ឋស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ…បេ.… ឈានា វុដ្ឋហិត្វា ឈានំ បច្ចវេក្ខតិ, អរិយា មគ្គា វុដ្ឋហិត្វា មគ្គំ បច្ចវេក្ខន្តិ…បេ.… អាវជ្ជនាយ អារម្មណបច្ចយេន បច្ចយោ; ចក្ខុំ…បេ.… វត្ថុំ អសំកិលិដ្ឋេ ខន្ធេ អនិច្ចតោ…បេ.… វិបស្សតិ, ទិព្ពេន ចក្ខុនា រូបំ បស្សតិ…បេ.… អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    53. Asaṃkiliṭṭho dhammo asaṃkiliṭṭhassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā vuṭṭhahitvā jhānaṃ paccavekkhati, ariyā maggā vuṭṭhahitvā maggaṃ paccavekkhanti…pe… āvajjanāya ārammaṇapaccayena paccayo; cakkhuṃ…pe… vatthuṃ asaṃkiliṭṭhe khandhe aniccato…pe… vipassati, dibbena cakkhunā rūpaṃ passati…pe… anāgataṃsañāṇassa, āvajjanāya ārammaṇapaccayena paccayo. (1)

    អសំកិលិដ្ឋោ ធម្មោ សំកិលិដ្ឋស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឈានា វុដ្ឋហិត្វា…បេ.… ចក្ខុំ…បេ.… វត្ថុំ អសំកិលិដ្ឋេ ខន្ធេ អស្សាទេតិ អភិនន្ទតិ, តំ អារព្ភ រាគោ…បេ.… ទោមនស្សំ ឧប្បជ្ជតិ។ (២)

    Asaṃkiliṭṭho dhammo saṃkiliṭṭhassa dhammassa ārammaṇapaccayena paccayo – dānaṃ…pe… sīlaṃ…pe… jhānā vuṭṭhahitvā…pe… cakkhuṃ…pe… vatthuṃ asaṃkiliṭṭhe khandhe assādeti abhinandati, taṃ ārabbha rāgo…pe… domanassaṃ uppajjati. (2)

    អធិបតិបច្ចយោ

    Adhipatipaccayo

    ៥៤. សំកិលិដ្ឋោ ធម្មោ សំកិលិដ្ឋស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; ទិដ្ឋិំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – សំកិលិដ្ឋាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    54. Saṃkiliṭṭho dhammo saṃkiliṭṭhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – rāgaṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati; diṭṭhiṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – saṃkiliṭṭhādhipati sampayuttakānaṃ khandhānaṃ adhipatipaccayena paccayo. (1)

    សំកិលិដ្ឋោ ធម្មោ អសំកិលិដ្ឋស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – សំកិលិដ្ឋាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)

    Saṃkiliṭṭho dhammo asaṃkiliṭṭhassa dhammassa adhipatipaccayena paccayo. Sahajātādhipati – saṃkiliṭṭhādhipati cittasamuṭṭhānānaṃ rūpānaṃ adhipatipaccayena paccayo. (2)

    សំកិលិដ្ឋោ ធម្មោ សំកិលិដ្ឋស្ស ច អសំកិលិដ្ឋស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – សំកិលិដ្ឋាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Saṃkiliṭṭho dhammo saṃkiliṭṭhassa ca asaṃkiliṭṭhassa ca dhammassa adhipatipaccayena paccayo. Sahajātādhipati – saṃkiliṭṭhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៥៥. អសំកិលិដ្ឋោ ធម្មោ អសំកិលិដ្ឋស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ…បេ.… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ…បេ.… និព្ពានំ ផលស្ស អធិបតិបច្ចយេន បច្ចយោ។ សហជាតាធិបតិ – អសំកិលិដ្ឋាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    55. Asaṃkiliṭṭho dhammo asaṃkiliṭṭhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā vuṭṭhahitvā jhānaṃ garuṃ katvā paccavekkhati, ariyā maggā vuṭṭhahitvā maggaṃ garuṃ katvā paccavekkhanti…pe… nibbānaṃ phalassa adhipatipaccayena paccayo. Sahajātādhipati – asaṃkiliṭṭhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    អសំកិលិដ្ឋោ ធម្មោ សំកិលិដ្ឋស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ…បេ.… ឈានា វុដ្ឋហិត្វា…បេ.… ចក្ខុំ…បេ.… វត្ថុំ អសំកិលិដ្ឋេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)

    Asaṃkiliṭṭho dhammo saṃkiliṭṭhassa dhammassa adhipatipaccayena paccayo. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā vuṭṭhahitvā…pe… cakkhuṃ…pe… vatthuṃ asaṃkiliṭṭhe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)

    អនន្តរបច្ចយាទិ

    Anantarapaccayādi

    ៥៦. សំកិលិដ្ឋោ ធម្មោ សំកិលិដ្ឋស្ស ធម្មស្ស អនន្តរបច្ចយេន បច្ចយោ – បុរិមា បុរិមា សំកិលិដ្ឋា ខន្ធា បច្ឆិមានំ បច្ឆិមានំ សំកិលិដ្ឋានំ ខន្ធានំ អនន្តរបច្ចយេន បច្ចយោ។ (១)

    56. Saṃkiliṭṭho dhammo saṃkiliṭṭhassa dhammassa anantarapaccayena paccayo – purimā purimā saṃkiliṭṭhā khandhā pacchimānaṃ pacchimānaṃ saṃkiliṭṭhānaṃ khandhānaṃ anantarapaccayena paccayo. (1)

    សំកិលិដ្ឋោ ធម្មោ អសំកិលិដ្ឋស្ស ធម្មស្ស អនន្តរបច្ចយេន បច្ចយោ – សំកិលិដ្ឋា ខន្ធា វុដ្ឋានស្ស អនន្តរបច្ចយេន បច្ចយោ។ (២)

    Saṃkiliṭṭho dhammo asaṃkiliṭṭhassa dhammassa anantarapaccayena paccayo – saṃkiliṭṭhā khandhā vuṭṭhānassa anantarapaccayena paccayo. (2)

    ៥៧. អសំកិលិដ្ឋោ ធម្មោ អសំកិលិដ្ឋស្ស ធម្មស្ស អនន្តរបច្ចយេន បច្ចយោ – បុរិមា បុរិមា អសំកិលិដ្ឋា ខន្ធា បច្ឆិមានំ បច្ឆិមានំ អសំកិលិដ្ឋានំ ខន្ធានំ…បេ.… ផលសមាបត្តិយា អនន្តរបច្ចយេន បច្ចយោ។ (១)

    57. Asaṃkiliṭṭho dhammo asaṃkiliṭṭhassa dhammassa anantarapaccayena paccayo – purimā purimā asaṃkiliṭṭhā khandhā pacchimānaṃ pacchimānaṃ asaṃkiliṭṭhānaṃ khandhānaṃ…pe… phalasamāpattiyā anantarapaccayena paccayo. (1)

    អសំកិលិដ្ឋោ ធម្មោ សំកិលិដ្ឋស្ស ធម្មស្ស អនន្តរបច្ចយេន បច្ចយោ – អាវជ្ជនា សំកិលិដ្ឋានំ ខន្ធានំ អនន្តរបច្ចយេន បច្ចយោ។ (២)

    Asaṃkiliṭṭho dhammo saṃkiliṭṭhassa dhammassa anantarapaccayena paccayo – āvajjanā saṃkiliṭṭhānaṃ khandhānaṃ anantarapaccayena paccayo. (2)

    សមនន្តរបច្ចយេន បច្ចយោ… ចត្តារិ… សហជាតបច្ចយេន បច្ចយោ… បញ្ច… អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ… សត្ត។

    Samanantarapaccayena paccayo… cattāri… sahajātapaccayena paccayo… pañca… aññamaññapaccayena paccayo… dve… nissayapaccayena paccayo… satta.

    ឧបនិស្សយបច្ចយោ

    Upanissayapaccayo

    ៥៨. សំកិលិដ្ឋោ ធម្មោ សំកិលិដ្ឋស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – រាគំ ឧបនិស្សាយ បាណំ ហនតិ…បេ.… សង្ឃំ ភិន្ទតិ, ទោសំ…បេ.… បត្ថនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ, រាគោ…បេ.… បត្ថនា រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (១)

    58. Saṃkiliṭṭho dhammo saṃkiliṭṭhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – rāgaṃ upanissāya pāṇaṃ hanati…pe… saṅghaṃ bhindati, dosaṃ…pe… patthanaṃ upanissāya pāṇaṃ hanati…pe… saṅghaṃ bhindati, rāgo…pe… patthanā rāgassa…pe… patthanāya upanissayapaccayena paccayo. (1)

    សំកិលិដ្ឋោ ធម្មោ អសំកិលិដ្ឋស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – រាគំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, ទោសំ…បេ.… បត្ថនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, រាគោ…បេ.… បត្ថនា សទ្ធាយ…បេ.… បញ្ញាយ កាយិកស្ស សុខស្ស… កាយិកស្ស ទុក្ខស្ស… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (២)

    Saṃkiliṭṭho dhammo asaṃkiliṭṭhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – rāgaṃ upanissāya dānaṃ deti…pe… samāpattiṃ uppādeti, dosaṃ…pe… patthanaṃ upanissāya dānaṃ deti…pe… samāpattiṃ uppādeti, rāgo…pe… patthanā saddhāya…pe… paññāya kāyikassa sukhassa… kāyikassa dukkhassa… maggassa, phalasamāpattiyā upanissayapaccayena paccayo. (2)

    ៥៩. អសំកិលិដ្ឋោ ធម្មោ អសំកិលិដ្ឋស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ , អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ; សីលំ…បេ.… បញ្ញំ, កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ; សទ្ធា…បេ.… សេនាសនំ សទ្ធាយ…បេ.… ផលសមាបត្តិយា ឧបនិស្សយបច្ចយេន បច្ចយោ។ (១)

    59. Asaṃkiliṭṭho dhammo asaṃkiliṭṭhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti; sīlaṃ…pe… paññaṃ, kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti; saddhā…pe… senāsanaṃ saddhāya…pe… phalasamāpattiyā upanissayapaccayena paccayo. (1)

    អសំកិលិដ្ឋោ ធម្មោ សំកិលិដ្ឋស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ.… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; សទ្ធា…បេ.… សេនាសនំ រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (២)

    Asaṃkiliṭṭho dhammo saṃkiliṭṭhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya pāṇaṃ hanati…pe… saṅghaṃ bhindati; saddhā…pe… senāsanaṃ rāgassa…pe… patthanāya upanissayapaccayena paccayo. (2)

    បុរេជាតបច្ចយោ

    Purejātapaccayo

    ៦០. អសំកិលិដ្ឋោ ធម្មោ អសំកិលិដ្ឋស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ (សំខិត្តំ)។ អសំកិលិដ្ឋោ ធម្មោ សំកិលិដ្ឋស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ (សំខិត្តំ)។ (២)

    60. Asaṃkiliṭṭho dhammo asaṃkiliṭṭhassa dhammassa purejātapaccayena paccayo – ārammaṇapurejātaṃ, vatthupurejātaṃ (saṃkhittaṃ). Asaṃkiliṭṭho dhammo saṃkiliṭṭhassa dhammassa purejātapaccayena paccayo – ārammaṇapurejātaṃ, vatthupurejātaṃ (saṃkhittaṃ). (2)

    បច្ឆាជាតាសេវនបច្ចយា

    Pacchājātāsevanapaccayā

    ៦១. សំកិលិដ្ឋោ ធម្មោ អសំកិលិដ្ឋស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ អសំកិលិដ្ឋោ ធម្មោ អសំកិលិដ្ឋស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ …អាសេវនបច្ចយេន បច្ចយោ… ទ្វេ។

    61. Saṃkiliṭṭho dhammo asaṃkiliṭṭhassa dhammassa pacchājātapaccayena paccayo (saṃkhittaṃ). Asaṃkiliṭṭho dhammo asaṃkiliṭṭhassa dhammassa pacchājātapaccayena paccayo (saṃkhittaṃ). …Āsevanapaccayena paccayo… dve.

    កម្មបច្ចយោ

    Kammapaccayo

    ៦២. សំកិលិដ្ឋោ ធម្មោ សំកិលិដ្ឋស្ស ធម្មស្ស កម្មបច្ចយេន បច្ចយោ – សំកិលិដ្ឋា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (១)

    62. Saṃkiliṭṭho dhammo saṃkiliṭṭhassa dhammassa kammapaccayena paccayo – saṃkiliṭṭhā cetanā sampayuttakānaṃ khandhānaṃ kammapaccayena paccayo. (1)

    សំកិលិដ្ឋោ ធម្មោ អសំកិលិដ្ឋស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – សំកិលិដ្ឋា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ នានាក្ខណិកា – សំកិលិដ្ឋា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (មូលំ កាតព្ពំ។) សំកិលិដ្ឋា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    Saṃkiliṭṭho dhammo asaṃkiliṭṭhassa dhammassa kammapaccayena paccayo – sahajātā, nānākkhaṇikā. Sahajātā – saṃkiliṭṭhā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – saṃkiliṭṭhā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (Mūlaṃ kātabbaṃ.) Saṃkiliṭṭhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    អសំកិលិដ្ឋោ ធម្មោ អសំកិលិដ្ឋស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – អសំកិលិដ្ឋា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – អសំកិលិដ្ឋា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

    Asaṃkiliṭṭho dhammo asaṃkiliṭṭhassa dhammassa kammapaccayena paccayo – sahajātā, nānākkhaṇikā. Sahajātā – asaṃkiliṭṭhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – asaṃkiliṭṭhā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    វិបាកបច្ចយាទិ

    Vipākapaccayādi

    ៦៣. អសំកិលិដ្ឋោ ធម្មោ អសំកិលិដ្ឋស្ស ធម្មស្ស វិបាកបច្ចយេន បច្ចយោ… ឯកំ។

    63. Asaṃkiliṭṭho dhammo asaṃkiliṭṭhassa dhammassa vipākapaccayena paccayo… ekaṃ.

    សំកិលិដ្ឋោ ធម្មោ សំកិលិដ្ឋស្ស ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ។

    Saṃkiliṭṭho dhammo saṃkiliṭṭhassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo.

    វិប្បយុត្តបច្ចយោ

    Vippayuttapaccayo

    ៦៤. សំកិលិដ្ឋោ ធម្មោ អសំកិលិដ្ឋស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ (១)

    64. Saṃkiliṭṭho dhammo asaṃkiliṭṭhassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    អសំកិលិដ្ឋោ ធម្មោ អសំកិលិដ្ឋស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ)។ (១)

    Asaṃkiliṭṭho dhammo asaṃkiliṭṭhassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    អសំកិលិដ្ឋោ ធម្មោ សំកិលិដ្ឋស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ សំកិលិដ្ឋានំ ខន្ធានំ វិប្បយុត្តបច្ចយេន បច្ចយោ។ (២)

    Asaṃkiliṭṭho dhammo saṃkiliṭṭhassa dhammassa vippayuttapaccayena paccayo. Purejātaṃ – vatthu saṃkiliṭṭhānaṃ khandhānaṃ vippayuttapaccayena paccayo. (2)

    អត្ថិបច្ចយាទិ

    Atthipaccayādi

    ៦៥. សំកិលិដ្ឋោ ធម្មោ សំកិលិដ្ឋស្ស ធម្មស្ស អត្ថិបច្ចយេន បច្ចយោ … ឯកំ (បដិច្ចវារសទិសំ)។ សំកិលិដ្ឋោ ធម្មោ អសំកិលិដ្ឋស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ សំកិលិដ្ឋោ ធម្មោ សំកិលិដ្ឋស្ស ច អសំកិលិដ្ឋស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ)។ (៣)

    65. Saṃkiliṭṭho dhammo saṃkiliṭṭhassa dhammassa atthipaccayena paccayo … ekaṃ (paṭiccavārasadisaṃ). Saṃkiliṭṭho dhammo asaṃkiliṭṭhassa dhammassa atthipaccayena paccayo – sahajātaṃ, pacchājātaṃ (saṃkhittaṃ). Saṃkiliṭṭho dhammo saṃkiliṭṭhassa ca asaṃkiliṭṭhassa ca dhammassa atthipaccayena paccayo (paṭiccasadisaṃ). (3)

    អសំកិលិដ្ឋោ ធម្មោ អសំកិលិដ្ឋស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ អសំកិលិដ្ឋោ ធម្មោ សំកិលិដ្ឋស្ស ធម្មស្ស អត្ថិបច្ចយេន បច្ចយោ – បុរេជាតំ (សំខិត្តំ)។ (២)

    Asaṃkiliṭṭho dhammo asaṃkiliṭṭhassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). Asaṃkiliṭṭho dhammo saṃkiliṭṭhassa dhammassa atthipaccayena paccayo – purejātaṃ (saṃkhittaṃ). (2)

    ៦៦. សំកិលិដ្ឋោ ច អសំកិលិដ្ឋោ ច ធម្មា សំកិលិដ្ឋស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – សំកិលិដ្ឋោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.… (សំខិត្តំ)។ (១)

    66. Saṃkiliṭṭho ca asaṃkiliṭṭho ca dhammā saṃkiliṭṭhassa dhammassa atthipaccayena paccayo – sahajātaṃ, purejātaṃ. Sahajāto – saṃkiliṭṭho eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe… (saṃkhittaṃ). (1)

    សំកិលិដ្ឋោ ច អសំកិលិដ្ឋោ ច ធម្មា អសំកិលិដ្ឋស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – សំកិលិដ្ឋា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – សំកិលិដ្ឋា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – សំកិលិដ្ឋា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    Saṃkiliṭṭho ca asaṃkiliṭṭho ca dhammā asaṃkiliṭṭhassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – saṃkiliṭṭhā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – saṃkiliṭṭhā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – saṃkiliṭṭhā khandhā ca rūpajīvitindriyañca kaṭattārūpānaṃ atthipaccayena paccayo. (2)

    នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។

    Natthipaccayena paccayo… vigatapaccayena paccayo… avigatapaccayena paccayo.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៦៧. ហេតុយា ចត្តារិ, អារម្មណេ ចត្តារិ, អធិបតិយា បញ្ច, អនន្តរេ ចត្តារិ, សមនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ទ្វេ, កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ, វិគតេ ចត្តារិ, អវិគតេ សត្ត។

    67. Hetuyā cattāri, ārammaṇe cattāri, adhipatiyā pañca, anantare cattāri, samanantare cattāri, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane dve, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta.

    ២. បច្ចនីយុទ្ធារោ

    2. Paccanīyuddhāro

    ៦៨. សំកិលិដ្ឋោ ធម្មោ សំកិលិដ្ឋស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    68. Saṃkiliṭṭho dhammo saṃkiliṭṭhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    សំកិលិដ្ឋោ ធម្មោ អសំកិលិដ្ឋស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ (២)

    Saṃkiliṭṭho dhammo asaṃkiliṭṭhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)

    សំកិលិដ្ឋោ ធម្មោ សំកិលិដ្ឋស្ស ច អសំកិលិដ្ឋស្ស ច ធម្មស្ស សហជាតបច្ចយេន បច្ចយោ។ (៣)

    Saṃkiliṭṭho dhammo saṃkiliṭṭhassa ca asaṃkiliṭṭhassa ca dhammassa sahajātapaccayena paccayo. (3)

    ៦៩. អសំកិលិដ្ឋោ ធម្មោ អសំកិលិដ្ឋស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

    69. Asaṃkiliṭṭho dhammo asaṃkiliṭṭhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    អសំកិលិដ្ឋោ ធម្មោ សំកិលិដ្ឋស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    Asaṃkiliṭṭho dhammo saṃkiliṭṭhassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)

    សំកិលិដ្ឋោ ច អសំកិលិដ្ឋោ ច ធម្មា សំកិលិដ្ឋស្ស ធម្មស្ស សហជាតំ… បុរេជាតំ ។ (១)

    Saṃkiliṭṭho ca asaṃkiliṭṭho ca dhammā saṃkiliṭṭhassa dhammassa sahajātaṃ… purejātaṃ . (1)

    សំកិលិដ្ឋោ ច អសំកិលិដ្ឋោ ច ធម្មា អសំកិលិដ្ឋស្ស ធម្មស្ស សហជាតំ… បច្ឆាជាតំ… អាហារំ… ឥន្ទ្រិយំ។ (២)

    Saṃkiliṭṭho ca asaṃkiliṭṭho ca dhammā asaṃkiliṭṭhassa dhammassa sahajātaṃ… pacchājātaṃ… āhāraṃ… indriyaṃ. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៧០. នហេតុយា សត្ត, នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ សត្ត, នសហជាតេ បញ្ច, នអញ្ញមញ្ញេ បញ្ច, ននិស្សយេ បញ្ច, នឧបនិស្សយេ សត្ត, នបុរេជាតេ ឆ, នបច្ឆាជាតេ សត្ត…បេ.… នមគ្គេ សត្ត, នសម្បយុត្តេ បញ្ច, នវិប្បយុត្តេ ចត្តារិ, នោអត្ថិយា ចត្តារិ, នោនត្ថិយា សត្ត, នោវិគតេ សត្ត, នោអវិគតេ ចត្តារិ។

    70. Nahetuyā satta, naārammaṇe satta, naadhipatiyā satta, naanantare satta, nasamanantare satta, nasahajāte pañca, naaññamaññe pañca, nanissaye pañca, naupanissaye satta, napurejāte cha, napacchājāte satta…pe… namagge satta, nasampayutte pañca, navippayutte cattāri, noatthiyā cattāri, nonatthiyā satta, novigate satta, noavigate cattāri.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៧១. ហេតុបច្ចយា នអារម្មណេ ចត្តារិ, នអធិបតិយា ចត្តារិ, នអនន្តរេ ចត្តារិ, នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ…បេ.… នសម្បយុត្តេ ទ្វេ, នវិប្បយុត្តេ ទ្វេ, នោនត្ថិយា ចត្តារិ, នោវិគតេ ចត្តារិ។

    71. Hetupaccayā naārammaṇe cattāri, naadhipatiyā cattāri, naanantare cattāri, nasamanantare cattāri, naaññamaññe dve, naupanissaye cattāri…pe… nasampayutte dve, navippayutte dve, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៧២. នហេតុបច្ចយា អារម្មណេ ចត្តារិ, អធិបតិយា បញ្ច (អនុលោមមាតិកា)…បេ.… អវិគតេ សត្ត។

    72. Nahetupaccayā ārammaṇe cattāri, adhipatiyā pañca (anulomamātikā)…pe… avigate satta.

    សំកិលិដ្ឋទុកំ និដ្ឋិតំ។

    Saṃkiliṭṭhadukaṃ niṭṭhitaṃ.

    ៧៨. កិលេសសម្បយុត្តទុកំ

    78. Kilesasampayuttadukaṃ

    ១. បដិច្ចវារោ

    1. Paṭiccavāro

    ៧៣. កិលេសសម្បយុត្តំ ធម្មំ បដិច្ច កិលេសសម្បយុត្តោ ធម្មោ ឧប្បជ្ជតិ ហេតុបច្ចយា – កិលេសសម្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    73. Kilesasampayuttaṃ dhammaṃ paṭicca kilesasampayutto dhammo uppajjati hetupaccayā – kilesasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    កិលេសសម្បយុត្តំ ធម្មំ បដិច្ច កិលេសវិប្បយុត្តោ ធម្មោ ឧប្បជ្ជតិ ហេតុបច្ចយា – កិលេសសម្បយុត្តេ ខន្ធេ បដិច្ច ចិត្តសមុដ្ឋានំ រូបំ។ (២)

    Kilesasampayuttaṃ dhammaṃ paṭicca kilesavippayutto dhammo uppajjati hetupaccayā – kilesasampayutte khandhe paṭicca cittasamuṭṭhānaṃ rūpaṃ. (2)

    (កិលេសសម្បយុត្តទុកំ សំកិលិដ្ឋទុកសទិសំ, និន្នានាករណំ។)

    (Kilesasampayuttadukaṃ saṃkiliṭṭhadukasadisaṃ, ninnānākaraṇaṃ.)

    កិលេសសម្បយុត្តទុកំ និដ្ឋិតំ។

    Kilesasampayuttadukaṃ niṭṭhitaṃ.

    ៧៩. កិលេសសំកិលេសិកទុកំ

    79. Kilesasaṃkilesikadukaṃ

    ១. បដិច្ចវារោ

    1. Paṭiccavāro

    ហេតុបច្ចយោ

    Hetupaccayo

    ៧៤. កិលេសញ្ចេវ សំកិលេសិកញ្ច ធម្មំ បដិច្ច កិលេសោ ចេវ សំកិលេសិកោ ច ធម្មោ ឧប្បជ្ជតិ ហេតុបច្ចយា – លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ (ចក្កំ)។ (១)

    74. Kilesañceva saṃkilesikañca dhammaṃ paṭicca kileso ceva saṃkilesiko ca dhammo uppajjati hetupaccayā – lobhaṃ paṭicca moho diṭṭhi thinaṃ uddhaccaṃ ahirikaṃ anottappaṃ (cakkaṃ). (1)

    កិលេសញ្ចេវ សំកិលេសិកញ្ច ធម្មំ បដិច្ច សំកិលេសិកោ ចេវ នោ ច កិលេសោ ធម្មោ ឧប្បជ្ជតិ ហេតុបច្ចយា – កិលេសេ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (២)

    Kilesañceva saṃkilesikañca dhammaṃ paṭicca saṃkilesiko ceva no ca kileso dhammo uppajjati hetupaccayā – kilese paṭicca sampayuttakā khandhā cittasamuṭṭhānañca rūpaṃ. (2)

    កិលេសញ្ចេវ សំកិលេសិកញ្ច ធម្មំ បដិច្ច កិលេសោ ចេវ សំកិលេសិកោ ច សំកិលេសិកោ ចេវ នោ ច កិលេសោ ច ធម្មា ឧប្បជ្ជន្តិ ហេតុបច្ចយា – លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ សម្បយុត្តកា ច ខន្ធា ចិត្តសមុដ្ឋានញ្ច រូបំ។ (៣)

    Kilesañceva saṃkilesikañca dhammaṃ paṭicca kileso ceva saṃkilesiko ca saṃkilesiko ceva no ca kileso ca dhammā uppajjanti hetupaccayā – lobhaṃ paṭicca moho diṭṭhi thinaṃ uddhaccaṃ ahirikaṃ anottappaṃ sampayuttakā ca khandhā cittasamuṭṭhānañca rūpaṃ. (3)

    ២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

    2-6. Sahajāta-paccaya-nissaya-saṃsaṭṭha-sampayuttavāro

    (ឯវំ បដិច្ចវារោបិ សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ កិលេសទុកសទិសា។ និន្នានាករណំ។ អាមសនំ នានំ។)

    (Evaṃ paṭiccavāropi sahajātavāropi paccayavāropi nissayavāropi saṃsaṭṭhavāropi sampayuttavāropi kilesadukasadisā. Ninnānākaraṇaṃ. Āmasanaṃ nānaṃ.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៧៥. កិលេសោ ចេវ សំកិលេសិកោ ច ធម្មោ កិលេសស្ស ចេវ សំកិលេសិកស្ស ច ធម្មស្ស ហេតុបច្ចយេន បច្ចយោ – កិលេសា ចេវ សំកិលេសិកា ច ហេតូ សម្បយុត្តកានំ កិលេសានំ ហេតុបច្ចយេន បច្ចយោ (ឯវំ ចត្តារិ, កិលេសទុកសទិសំ។) (៤)

    75. Kileso ceva saṃkilesiko ca dhammo kilesassa ceva saṃkilesikassa ca dhammassa hetupaccayena paccayo – kilesā ceva saṃkilesikā ca hetū sampayuttakānaṃ kilesānaṃ hetupaccayena paccayo (evaṃ cattāri, kilesadukasadisaṃ.) (4)

    អារម្មណបច្ចយោ

    Ārammaṇapaccayo

    ៧៦. កិលេសោ ចេវ សំកិលេសិកោ ច ធម្មោ កិលេសស្ស ចេវ សំកិលេសិកស្ស ច ធម្មស្ស អារម្មណបច្ចយេន បច្ចយោ – កិលេសេ អារព្ភ កិលេសា ឧប្បជ្ជន្តិ។ (មូលំ កាតព្ពំ។) កិលេសេ អារព្ភ សំកិលេសិកា ចេវ នោ ច កិលេសា ខន្ធា ឧប្បជ្ជន្តិ។ (មូលំ កាតព្ពំ។) កិលេសេ អារព្ភ កិលេសា ច សម្បយុត្តកា ច ខន្ធា ឧប្បជ្ជន្តិ។ (៣)

    76. Kileso ceva saṃkilesiko ca dhammo kilesassa ceva saṃkilesikassa ca dhammassa ārammaṇapaccayena paccayo – kilese ārabbha kilesā uppajjanti. (Mūlaṃ kātabbaṃ.) Kilese ārabbha saṃkilesikā ceva no ca kilesā khandhā uppajjanti. (Mūlaṃ kātabbaṃ.) Kilese ārabbha kilesā ca sampayuttakā ca khandhā uppajjanti. (3)

    ៧៧. សំកិលេសិកោ ចេវ នោ ច កិលេសោ ធម្មោ សំកិលេសិកស្ស ចេវ នោ ច កិលេសស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ សុចិណ្ណានិ…បេ.… ឈានា វុដ្ឋហិត្វា ឈានំ បច្ចវេក្ខតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ឧទ្ធច្ចំ ឧប្បជ្ជតិ, ឈានេ បរិហីនេ វិប្បដិសារិស្ស ទោមនស្សំ ឧប្បជ្ជតិ; អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ, ចក្ខុំ…បេ.… វត្ថុំ សំកិលេសិកេ ចេវ នោ ច កិលេសេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ…បេ.… អាវជ្ជនាយ អារម្មណបច្ចយេន បច្ចយោ (ឥតរេ ទ្វេ កិលេសទុកសទិសា, ឃដនារម្មណាបិ កិលេសទុកសទិសា)។

    77. Saṃkilesiko ceva no ca kileso dhammo saṃkilesikassa ceva no ca kilesassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe suciṇṇāni…pe… jhānā vuṭṭhahitvā jhānaṃ paccavekkhati, assādeti abhinandati, taṃ ārabbha rāgo uppajjati…pe… uddhaccaṃ uppajjati, jhāne parihīne vippaṭisārissa domanassaṃ uppajjati; ariyā gotrabhuṃ paccavekkhanti, vodānaṃ paccavekkhanti, cakkhuṃ…pe… vatthuṃ saṃkilesike ceva no ca kilese khandhe aniccato…pe… domanassaṃ uppajjati; dibbena cakkhunā rūpaṃ passati…pe… āvajjanāya ārammaṇapaccayena paccayo (itare dve kilesadukasadisā, ghaṭanārammaṇāpi kilesadukasadisā).

    អធិបតិបច្ចយោ

    Adhipatipaccayo

    ៧៨. កិលេសោ ចេវ សំកិលេសិកោ ច ធម្មោ កិលេសស្ស ចេវ សំកិលេសិកស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ។

    78. Kileso ceva saṃkilesiko ca dhammo kilesassa ceva saṃkilesikassa ca dhammassa adhipatipaccayena paccayo – ārammaṇādhipati… tīṇi.

    សំកិលេសិកោ ចេវ នោ ច កិលេសោ ធម្មោ សំកិលេសិកស្ស ចេវ នោ ច កិលេសស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ សុចិណ្ណានិ…បេ.… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, សេក្ខា គោត្រភុំ គរុំ កត្វា បច្ចវេក្ខន្តិ, វោទានំ គរុំ កត្វា បច្ចវេក្ខន្តិ; ចក្ខុំ…បេ.… វត្ថុំ សំកិលេសិកេ ចេវ នោ ច កិលេសេ ខន្ធេ គរុំ កត្វា សំកិលេសិកា ចេវ នោ ច កិលេសា ខន្ធា ឧប្បជ្ជន្តិ។ សហជាតាធិបតិ – សំកិលេសិកា ចេវ នោ ច កិលេសាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (ឥតរេ ទ្វេបិ កិលេសទុកសទិសា។ ឃដនាធិបតិបិ។)

    Saṃkilesiko ceva no ca kileso dhammo saṃkilesikassa ceva no ca kilesassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe suciṇṇāni…pe… jhānā vuṭṭhahitvā jhānaṃ garuṃ katvā paccavekkhati, sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti; cakkhuṃ…pe… vatthuṃ saṃkilesike ceva no ca kilese khandhe garuṃ katvā saṃkilesikā ceva no ca kilesā khandhā uppajjanti. Sahajātādhipati – saṃkilesikā ceva no ca kilesādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (Itare dvepi kilesadukasadisā. Ghaṭanādhipatipi.)

    អនន្តរបច្ចយាទិ

    Anantarapaccayādi

    ៧៩. កិលេសោ ចេវ សំកិលេសិកោ ច ធម្មោ កិលេសស្ស ចេវ សំកិលេសិកស្ស ច ធម្មស្ស អនន្តរបច្ចយេន បច្ចយោ… តីណិ (កិលេសទុកសទិសា)។

    79. Kileso ceva saṃkilesiko ca dhammo kilesassa ceva saṃkilesikassa ca dhammassa anantarapaccayena paccayo… tīṇi (kilesadukasadisā).

    សំកិលេសិកោ ចេវ នោ ច កិលេសោ ធម្មោ សំកិលេសិកស្ស ចេវ នោ ច កិលេសស្ស ធម្មស្ស អនន្តរបច្ចយេន បច្ចយោ – បុរិមា បុរិមា សំកិលេសិកា ចេវ នោ ច កិលេសា ខន្ធា បច្ឆិមានំ បច្ឆិមានំ សំកិលេសិកានញ្ចេវ នោ ច កិលេសានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស… អាវជ្ជនា សំកិលេសិកានញ្ចេវ នោ ច កិលេសានំ ខន្ធានំ អនន្តរបច្ចយេន បច្ចយោ។

    Saṃkilesiko ceva no ca kileso dhammo saṃkilesikassa ceva no ca kilesassa dhammassa anantarapaccayena paccayo – purimā purimā saṃkilesikā ceva no ca kilesā khandhā pacchimānaṃ pacchimānaṃ saṃkilesikānañceva no ca kilesānaṃ khandhānaṃ anantarapaccayena paccayo; anulomaṃ gotrabhussa… anulomaṃ vodānassa… āvajjanā saṃkilesikānañceva no ca kilesānaṃ khandhānaṃ anantarapaccayena paccayo.

    (ឥតរេ ទ្វេ អនន្តរា កិលេសទុកសទិសា, និន្នានាករណា។ ឃដនានន្តរម្បិ សព្ពេ បច្ចយា កិលេសទុកសទិសា , និន្នានាករណា។ ឧបនិស្សយេ លោកុត្តរំ នត្ថិ, ឥទំ ទុកំ កិលេសទុកសទិសំ, និន្នានាករណំ។)

    (Itare dve anantarā kilesadukasadisā, ninnānākaraṇā. Ghaṭanānantarampi sabbe paccayā kilesadukasadisā , ninnānākaraṇā. Upanissaye lokuttaraṃ natthi, idaṃ dukaṃ kilesadukasadisaṃ, ninnānākaraṇaṃ.)

    កិលេសសំកិលេសិកទុកំ និដ្ឋិតំ។

    Kilesasaṃkilesikadukaṃ niṭṭhitaṃ.

    ៨០. កិលេសសំកិលិដ្ឋទុកំ

    80. Kilesasaṃkiliṭṭhadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៨០. កិលេសញ្ចេវ សំកិលិដ្ឋញ្ច ធម្មំ បដិច្ច កិលេសោ ចេវ សំកិលិដ្ឋោ ច ធម្មោ ឧប្បជ្ជតិ ហេតុបច្ចយា – លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ (ចក្កំ)។ (១)

    80. Kilesañceva saṃkiliṭṭhañca dhammaṃ paṭicca kileso ceva saṃkiliṭṭho ca dhammo uppajjati hetupaccayā – lobhaṃ paṭicca moho diṭṭhi thinaṃ uddhaccaṃ ahirikaṃ anottappaṃ (cakkaṃ). (1)

    កិលេសញ្ចេវ សំកិលិដ្ឋញ្ច ធម្មំ បដិច្ច សំកិលិដ្ឋោ ចេវ នោ ច កិលេសោ ធម្មោ ឧប្បជ្ជតិ ហេតុបច្ចយា – កិលេសេ បដិច្ច សម្បយុត្តកា ខន្ធា។ (២)

    Kilesañceva saṃkiliṭṭhañca dhammaṃ paṭicca saṃkiliṭṭho ceva no ca kileso dhammo uppajjati hetupaccayā – kilese paṭicca sampayuttakā khandhā. (2)

    កិលេសញ្ចេវ សំកិលិដ្ឋញ្ច ធម្មំ បដិច្ច កិលេសោ ចេវ សំកិលិដ្ឋោ ច សំកិលិដ្ឋោ ចេវ នោ ច កិលេសោ ច ធម្មា ឧប្បជ្ជន្តិ ហេតុបច្ចយា – លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ សម្បយុត្តកា ច ខន្ធា (ចក្កំ)។ (៣)

    Kilesañceva saṃkiliṭṭhañca dhammaṃ paṭicca kileso ceva saṃkiliṭṭho ca saṃkiliṭṭho ceva no ca kileso ca dhammā uppajjanti hetupaccayā – lobhaṃ paṭicca moho diṭṭhi thinaṃ uddhaccaṃ ahirikaṃ anottappaṃ sampayuttakā ca khandhā (cakkaṃ). (3)

    ៨១. សំកិលិដ្ឋញ្ចេវ នោ ច កិលេសំ ធម្មំ បដិច្ច សំកិលិដ្ឋោ ចេវ នោ ច កិលេសោ ធម្មោ ឧប្បជ្ជតិ ហេតុបច្ចយា – សំកិលិដ្ឋញ្ចេវ នោ ច កិលេសំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    81. Saṃkiliṭṭhañceva no ca kilesaṃ dhammaṃ paṭicca saṃkiliṭṭho ceva no ca kileso dhammo uppajjati hetupaccayā – saṃkiliṭṭhañceva no ca kilesaṃ ekaṃ khandhaṃ paṭicca tayo khandhā…pe… dve khandhe…pe…. (1)

    សំកិលិដ្ឋញ្ចេវ នោ ច កិលេសំ ធម្មំ បដិច្ច កិលេសោ ចេវ សំកិលិដ្ឋោ ច ធម្មោ ឧប្បជ្ជតិ ហេតុបច្ចយា – សំកិលិដ្ឋេ ចេវ នោ ច កិលេសេ ខន្ធេ បដិច្ច កិលេសា។ (២)

    Saṃkiliṭṭhañceva no ca kilesaṃ dhammaṃ paṭicca kileso ceva saṃkiliṭṭho ca dhammo uppajjati hetupaccayā – saṃkiliṭṭhe ceva no ca kilese khandhe paṭicca kilesā. (2)

    សំកិលិដ្ឋញ្ចេវ នោ ច កិលេសំ ធម្មំ បដិច្ច កិលេសោ ចេវ សំកិលិដ្ឋោ ច សំកិលិដ្ឋោ ចេវ នោ ច កិលេសោ ច ធម្មា ឧប្បជ្ជន្តិ ហេតុបច្ចយា – សំកិលិដ្ឋញ្ចេវ នោ ច កិលេសំ ឯកំ ខន្ធំ បដិច្ច តយោ ខន្ធា កិលេសា ច…បេ.… ទ្វេ ខន្ធេ…បេ.…។ (៣)

    Saṃkiliṭṭhañceva no ca kilesaṃ dhammaṃ paṭicca kileso ceva saṃkiliṭṭho ca saṃkiliṭṭho ceva no ca kileso ca dhammā uppajjanti hetupaccayā – saṃkiliṭṭhañceva no ca kilesaṃ ekaṃ khandhaṃ paṭicca tayo khandhā kilesā ca…pe… dve khandhe…pe…. (3)

    ៨២. កិលេសញ្ចេវ សំកិលិដ្ឋញ្ច សំកិលិដ្ឋញ្ចេវ នោ ច កិលេសញ្ច ធម្មំ បដិច្ច កិលេសោ ចេវ សំកិលិដ្ឋោ ច ធម្មោ ឧប្បជ្ជតិ ហេតុបច្ចយា – លោភញ្ច សម្បយុត្តកេ ច ខន្ធេ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ (ចក្កំ)។ (១)

    82. Kilesañceva saṃkiliṭṭhañca saṃkiliṭṭhañceva no ca kilesañca dhammaṃ paṭicca kileso ceva saṃkiliṭṭho ca dhammo uppajjati hetupaccayā – lobhañca sampayuttake ca khandhe paṭicca moho diṭṭhi thinaṃ uddhaccaṃ ahirikaṃ anottappaṃ (cakkaṃ). (1)

    កិលេសញ្ចេវ សំកិលិដ្ឋញ្ច សំកិលិដ្ឋញ្ចេវ នោ ច កិលេសញ្ច ធម្មំ បដិច្ច សំកិលិដ្ឋោ ចេវ នោ ច កិលេសោ ធម្មោ ឧប្បជ្ជតិ ហេតុបច្ចយា – សំកិលិដ្ឋញ្ចេវ នោ ច កិលេសំ ឯកំ ខន្ធញ្ច កិលេសេ ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ (២)

    Kilesañceva saṃkiliṭṭhañca saṃkiliṭṭhañceva no ca kilesañca dhammaṃ paṭicca saṃkiliṭṭho ceva no ca kileso dhammo uppajjati hetupaccayā – saṃkiliṭṭhañceva no ca kilesaṃ ekaṃ khandhañca kilese ca paṭicca tayo khandhā…pe… dve khandhe ca…pe…. (2)

    កិលេសញ្ចេវ សំកិលិដ្ឋញ្ច សំកិលិដ្ឋញ្ចេវ នោ ច កិលេសញ្ច ធម្មំ បដិច្ច កិលេសោ ចេវ សំកិលិដ្ឋោ ច សំកិលិដ្ឋោ ចេវ នោ ច កិលេសោ ច ធម្មា ឧប្បជ្ជន្តិ ហេតុបច្ចយា – សំកិលិដ្ឋញ្ចេវ នោ ច កិលេសំ ឯកំ ខន្ធញ្ច លោភញ្ច បដិច្ច តយោ ខន្ធា មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ…បេ.… ទ្វេ ខន្ធេ ច…បេ.… (ចក្កំ)។ (៣)

    Kilesañceva saṃkiliṭṭhañca saṃkiliṭṭhañceva no ca kilesañca dhammaṃ paṭicca kileso ceva saṃkiliṭṭho ca saṃkiliṭṭho ceva no ca kileso ca dhammā uppajjanti hetupaccayā – saṃkiliṭṭhañceva no ca kilesaṃ ekaṃ khandhañca lobhañca paṭicca tayo khandhā moho diṭṭhi thinaṃ uddhaccaṃ ahirikaṃ anottappaṃ…pe… dve khandhe ca…pe… (cakkaṃ). (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៨៣. ហេតុយា នវ, អារម្មណេ នវ (សព្ពត្ថ នវ), កម្មេ នវ, អាហារេ នវ…បេ.… អវិគតេ នវ។

    83. Hetuyā nava, ārammaṇe nava (sabbattha nava), kamme nava, āhāre nava…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៨៤. កិលេសញ្ចេវ សំកិលិដ្ឋញ្ច ធម្មំ បដិច្ច កិលេសោ ចេវ សំកិលិដ្ឋោ ច ធម្មោ ឧប្បជ្ជតិ នហេតុបច្ចយា – វិចិកិច្ឆំ បដិច្ច វិចិកិច្ឆាសហគតោ មោហោ, ឧទ្ធច្ចំ បដិច្ច ឧទ្ធច្ចសហគតោ មោហោ។ (១)

    84. Kilesañceva saṃkiliṭṭhañca dhammaṃ paṭicca kileso ceva saṃkiliṭṭho ca dhammo uppajjati nahetupaccayā – vicikicchaṃ paṭicca vicikicchāsahagato moho, uddhaccaṃ paṭicca uddhaccasahagato moho. (1)

    សំកិលិដ្ឋញ្ចេវ នោ ច កិលេសំ ធម្មំ បដិច្ច កិលេសោ ចេវ សំកិលិដ្ឋោ ច ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    Saṃkiliṭṭhañceva no ca kilesaṃ dhammaṃ paṭicca kileso ceva saṃkiliṭṭho ca dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    កិលេសញ្ចេវ សំកិលិដ្ឋញ្ច សំកិលិដ្ឋញ្ចេវ នោ ច កិលេសញ្ច ធម្មំ បដិច្ច កិលេសោ ចេវ សំកិលិដ្ឋោ ច ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ ច វិចិកិច្ឆញ្ច ឧទ្ធច្ចញ្ច បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    Kilesañceva saṃkiliṭṭhañca saṃkiliṭṭhañceva no ca kilesañca dhammaṃ paṭicca kileso ceva saṃkiliṭṭho ca dhammo uppajjati nahetupaccayā – vicikicchāsahagate uddhaccasahagate khandhe ca vicikicchañca uddhaccañca paṭicca vicikicchāsahagato uddhaccasahagato moho. (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៨៥. នហេតុយា តីណិ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ។

    85. Nahetuyā tīṇi, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava.

    ២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

    2-6. Sahajāta-paccaya-nissaya-saṃsaṭṭha-sampayuttavāro

    (ឯវំ ឥតរេ ទ្វេ គណនាបិ សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា។)

    (Evaṃ itare dve gaṇanāpi sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៨៦. កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច ធម្មស្ស ហេតុបច្ចយេន បច្ចយោ – កិលេសា ចេវ សំកិលិដ្ឋា ច ហេតូ សម្បយុត្តកានំ កិលេសានំ ហេតុបច្ចយេន បច្ចយោ។ (១)

    86. Kileso ceva saṃkiliṭṭho ca dhammo kilesassa ceva saṃkiliṭṭhassa ca dhammassa hetupaccayena paccayo – kilesā ceva saṃkiliṭṭhā ca hetū sampayuttakānaṃ kilesānaṃ hetupaccayena paccayo. (1)

    កិលេសោ ចេវ សំកិលិដ្ឋោ ច ធម្មោ សំកិលិដ្ឋស្ស ចេវ នោ ច កិលេសស្ស ធម្មស្ស ហេតុបច្ចយេន បច្ចយោ – កិលេសា ចេវ សំកិលិដ្ឋា ច ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។

    Kileso ceva saṃkiliṭṭho ca dhammo saṃkiliṭṭhassa ceva no ca kilesassa dhammassa hetupaccayena paccayo – kilesā ceva saṃkiliṭṭhā ca hetū sampayuttakānaṃ khandhānaṃ hetupaccayena paccayo.

    កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច សំកិលិដ្ឋស្ស ចេវ នោ ច កិលេសស្ស ច ធម្មស្ស ហេតុបច្ចយេន បច្ចយោ – កិលេសា ចេវ សំកិលិដ្ឋា ច ហេតូ សម្បយុត្តកានំ ខន្ធានំ កិលេសានញ្ច ហេតុបច្ចយេន បច្ចយោ។ (៣)

    Kileso ceva saṃkiliṭṭho ca dhammo kilesassa ceva saṃkiliṭṭhassa ca saṃkiliṭṭhassa ceva no ca kilesassa ca dhammassa hetupaccayena paccayo – kilesā ceva saṃkiliṭṭhā ca hetū sampayuttakānaṃ khandhānaṃ kilesānañca hetupaccayena paccayo. (3)

    អារម្មណបច្ចយោ

    Ārammaṇapaccayo

    ៨៧. កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច ធម្មស្ស អារម្មណបច្ចយេន បច្ចយោ – កិលេសេ អារព្ភ កិលេសា ឧប្បជ្ជន្តិ។ (មូលំ កាតព្ពំ។) កិលេសេ អារព្ភ សំកិលិដ្ឋា ចេវ នោ ច កិលេសា ខន្ធា ឧប្បជ្ជន្តិ។ (មូលំ កាតព្ពំ។) កិលេសេ អារព្ភ កិលេសា ច សម្បយុត្តកា ខន្ធា ច ឧប្បជ្ជន្តិ។ (៣)

    87. Kileso ceva saṃkiliṭṭho ca dhammo kilesassa ceva saṃkiliṭṭhassa ca dhammassa ārammaṇapaccayena paccayo – kilese ārabbha kilesā uppajjanti. (Mūlaṃ kātabbaṃ.) Kilese ārabbha saṃkiliṭṭhā ceva no ca kilesā khandhā uppajjanti. (Mūlaṃ kātabbaṃ.) Kilese ārabbha kilesā ca sampayuttakā khandhā ca uppajjanti. (3)

    ៨៨. សំកិលិដ្ឋោ ចេវ នោ ច កិលេសោ ធម្មោ សំកិលិដ្ឋស្ស ចេវ នោ ច កិលេសស្ស ធម្មស្ស អារម្មណបច្ចយេន បច្ចយោ – សំកិលិដ្ឋេ ចេវ នោ ច កិលេសេ ខន្ធេ អារព្ភ សំកិលិដ្ឋា ចេវ នោ ច កិលេសា ខន្ធា ឧប្បជ្ជន្តិ។ (មូលំ កាតព្ពំ។) សំកិលិដ្ឋេ ចេវ នោ ច កិលេសេ ខន្ធេ អារព្ភ កិលេសា ឧប្បជ្ជន្តិ។ (មូលំ កាតព្ពំ។) សំកិលិដ្ឋេ ចេវ នោ ច កិលេសេ ខន្ធេ អារព្ភ កិលេសា ច សម្បយុត្តកា ខន្ធា ច ឧប្បជ្ជន្តិ។ (៣)

    88. Saṃkiliṭṭho ceva no ca kileso dhammo saṃkiliṭṭhassa ceva no ca kilesassa dhammassa ārammaṇapaccayena paccayo – saṃkiliṭṭhe ceva no ca kilese khandhe ārabbha saṃkiliṭṭhā ceva no ca kilesā khandhā uppajjanti. (Mūlaṃ kātabbaṃ.) Saṃkiliṭṭhe ceva no ca kilese khandhe ārabbha kilesā uppajjanti. (Mūlaṃ kātabbaṃ.) Saṃkiliṭṭhe ceva no ca kilese khandhe ārabbha kilesā ca sampayuttakā khandhā ca uppajjanti. (3)

    (ឥតរេបិ តីណិ កាតព្ពា។)

    (Itarepi tīṇi kātabbā.)

    អធិបតិបច្ចយោ

    Adhipatipaccayo

    ៨៩. កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ។

    89. Kileso ceva saṃkiliṭṭho ca dhammo kilesassa ceva saṃkiliṭṭhassa ca dhammassa adhipatipaccayena paccayo – ārammaṇādhipati… tīṇi.

    សំកិលិដ្ឋោ ចេវ នោ ច កិលេសោ ធម្មោ សំកិលិដ្ឋស្ស ចេវ នោ ច កិលេសស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – សំកិលិដ្ឋេ ចេវ នោ ច កិលេសេ ខន្ធេ គរុំ កត្វា…បេ.… តីណិ។ (ទ្វេ អធិបតិ តីណិបិ កាតព្ពា, ឥតរេ ទ្វេបិ តីណិ កាតព្ពា។)

    Saṃkiliṭṭho ceva no ca kileso dhammo saṃkiliṭṭhassa ceva no ca kilesassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – saṃkiliṭṭhe ceva no ca kilese khandhe garuṃ katvā…pe… tīṇi. (Dve adhipati tīṇipi kātabbā, itare dvepi tīṇi kātabbā.)

    អនន្តរបច្ចយាទិ

    Anantarapaccayādi

    ៩០. កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច ធម្មស្ស អនន្តរបច្ចយេន បច្ចយោ (នវបិ កាតព្ពា, អាវជ្ជនាបិ វុដ្ឋានម្បិ នត្ថិ)… សមនន្តរបច្ចយេន បច្ចយោ… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ… ឧបនិស្សយបច្ចយេន បច្ចយោ… នវ បញ្ហា (បុរេជាតបច្ចយោ បច្ឆាជាតបច្ចយោបិ នត្ថិ)… អាសេវនបច្ចយេន បច្ចយោ។

    90. Kileso ceva saṃkiliṭṭho ca dhammo kilesassa ceva saṃkiliṭṭhassa ca dhammassa anantarapaccayena paccayo (navapi kātabbā, āvajjanāpi vuṭṭhānampi natthi)… samanantarapaccayena paccayo… sahajātapaccayena paccayo… aññamaññapaccayena paccayo… nissayapaccayena paccayo… upanissayapaccayena paccayo… nava pañhā (purejātapaccayo pacchājātapaccayopi natthi)… āsevanapaccayena paccayo.

    កម្មបច្ចយាទិ

    Kammapaccayādi

    ៩១. សំកិលិដ្ឋោ ចេវ នោ ច កិលេសោ ធម្មោ សំកិលិដ្ឋស្ស ចេវ នោ ច កិលេសស្ស ធម្មស្ស កម្មបច្ចយេន បច្ចយោ – សំកិលិដ្ឋា ចេវ នោ ច កិលេសា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (១)

    91. Saṃkiliṭṭho ceva no ca kileso dhammo saṃkiliṭṭhassa ceva no ca kilesassa dhammassa kammapaccayena paccayo – saṃkiliṭṭhā ceva no ca kilesā cetanā sampayuttakānaṃ khandhānaṃ kammapaccayena paccayo. (1)

    សំកិលិដ្ឋោ ចេវ នោ ច កិលេសោ ធម្មោ កិលេសស្ស ចេវ សំកិលិដ្ឋស្ស ច ធម្មស្ស កម្មបច្ចយេន បច្ចយោ – សំកិលិដ្ឋា ចេវ នោ ច កិលេសា ចេតនា សម្បយុត្តកានំ កិលេសានំ កម្មបច្ចយេន បច្ចយោ។ (២)

    Saṃkiliṭṭho ceva no ca kileso dhammo kilesassa ceva saṃkiliṭṭhassa ca dhammassa kammapaccayena paccayo – saṃkiliṭṭhā ceva no ca kilesā cetanā sampayuttakānaṃ kilesānaṃ kammapaccayena paccayo. (2)

    សំកិលិដ្ឋោ ចេវ នោ ច កិលេសោ ធម្មោ កិលេសស្ស ចេវ សំកិលិដ្ឋស្ស ច សំកិលិដ្ឋស្ស ចេវ នោ ច កិលេសស្ស ធម្មស្ស កម្មបច្ចយេន បច្ចយោ – សំកិលិដ្ឋា ចេវ នោ ច កិលេសា ចេតនា សម្បយុត្តកានំ ខន្ធានំ កិលេសានញ្ច កម្មបច្ចយេន បច្ចយោ។ (៣)

    Saṃkiliṭṭho ceva no ca kileso dhammo kilesassa ceva saṃkiliṭṭhassa ca saṃkiliṭṭhassa ceva no ca kilesassa dhammassa kammapaccayena paccayo – saṃkiliṭṭhā ceva no ca kilesā cetanā sampayuttakānaṃ khandhānaṃ kilesānañca kammapaccayena paccayo. (3)

    អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ… អត្ថិបច្ចយេន បច្ចយោ… នវ… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ… នវ។

    Āhārapaccayena paccayo… tīṇi… indriyapaccayena paccayo… tīṇi… jhānapaccayena paccayo… tīṇi… maggapaccayena paccayo… nava… sampayuttapaccayena paccayo… nava… atthipaccayena paccayo… nava… natthipaccayena paccayo… vigatapaccayena paccayo… avigatapaccayena paccayo… nava.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៩២. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ។

    92. Hetuyā tīṇi, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, āhāre tīṇi, indriye tīṇi, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava.

    បច្ចនីយុទ្ធារោ

    Paccanīyuddhāro

    ៩៣. កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (នវបិ, តីណិយេវ បទា កាតព្ពា។)

    93. Kileso ceva saṃkiliṭṭho ca dhammo kilesassa ceva saṃkiliṭṭhassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (Navapi, tīṇiyeva padā kātabbā.)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៩៤. នហេតុយា នវ, នអារម្មណេ នវ (សព្ពត្ថ នវ), នោអវិគតេ នវ។

    94. Nahetuyā nava, naārammaṇe nava (sabbattha nava), noavigate nava.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៩៥. ហេតុបច្ចយា នអារម្មណេ តីណិ, នអធិបតិយា តីណិ, នអនន្តរេ តីណិ, នសមនន្តរេ តីណិ, នឧបនិស្សយេ តីណិ…បេ.… នមគ្គេ តីណិ…បេ.… នវិប្បយុត្តេ តីណិ, នោនត្ថិយា តីណិ, នោវិគតេ តីណិ។

    95. Hetupaccayā naārammaṇe tīṇi, naadhipatiyā tīṇi, naanantare tīṇi, nasamanantare tīṇi, naupanissaye tīṇi…pe… namagge tīṇi…pe… navippayutte tīṇi, nonatthiyā tīṇi, novigate tīṇi.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៩៦. នហេតុបច្ចយា អារម្មណេ នវ (អនុលោមមាតិកា កាតព្ពា)…បេ.… អវិគតេ នវ។

    96. Nahetupaccayā ārammaṇe nava (anulomamātikā kātabbā)…pe… avigate nava.

    កិលេសសំកិលិដ្ឋទុកំ និដ្ឋិតំ។

    Kilesasaṃkiliṭṭhadukaṃ niṭṭhitaṃ.

    ៨១. កិលេសកិលេសសម្បយុត្តទុកំ

    81. Kilesakilesasampayuttadukaṃ

    ១. បដិច្ចវារោ

    1. Paṭiccavāro

    ៩៧. កិលេសញ្ចេវ កិលេសសម្បយុត្តញ្ច ធម្មំ បដិច្ច កិលេសោ ចេវ កិលេសសម្បយុត្តោ ច ធម្មោ ឧប្បជ្ជតិ ហេតុបច្ចយា – លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ។ (កិលេសសំកិលិដ្ឋទុកសទិសំ និន្នានាករណំ, សព្ពេ វារា។)

    97. Kilesañceva kilesasampayuttañca dhammaṃ paṭicca kileso ceva kilesasampayutto ca dhammo uppajjati hetupaccayā – lobhaṃ paṭicca moho diṭṭhi thinaṃ uddhaccaṃ ahirikaṃ anottappaṃ. (Kilesasaṃkiliṭṭhadukasadisaṃ ninnānākaraṇaṃ, sabbe vārā.)

    កិលេសកិលេសសម្បយុត្តទុកំ និដ្ឋិតំ។

    Kilesakilesasampayuttadukaṃ niṭṭhitaṃ.

    ៨២. កិលេសវិប្បយុត្តសំកិលេសិកទុកំ

    82. Kilesavippayuttasaṃkilesikadukaṃ

    ១. បដិច្ចវារោ

    1. Paṭiccavāro

    ៩៨. កិលេសវិប្បយុត្តំ សំកិលេសិកំ ធម្មំ បដិច្ច កិលេសវិប្បយុត្តោ សំកិលេសិកោ ធម្មោ ឧប្បជ្ជតិ ហេតុបច្ចយា – កិលេសវិប្បយុត្តំ សំកិលេសិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។

    98. Kilesavippayuttaṃ saṃkilesikaṃ dhammaṃ paṭicca kilesavippayutto saṃkilesiko dhammo uppajjati hetupaccayā – kilesavippayuttaṃ saṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe….

    (យថា លោកិយទុកំ, ឯវំ និន្នានាករណំ។)

    (Yathā lokiyadukaṃ, evaṃ ninnānākaraṇaṃ.)

    កិលេសវិប្បយុត្តសំកិលេសិកទុកំ និដ្ឋិតំ។

    Kilesavippayuttasaṃkilesikadukaṃ niṭṭhitaṃ.

    កិលេសគោច្ឆកំ និដ្ឋិតំ។

    Kilesagocchakaṃ niṭṭhitaṃ.

    ១៣. បិដ្ឋិទុកំ

    13. Piṭṭhidukaṃ

    ៨៣. ទស្សនេនបហាតព្ពទុកំ

    83. Dassanenapahātabbadukaṃ

    ៣. បដិច្ចវារោ

    3. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    1. Dassanena pahātabbaṃ dhammaṃ paṭicca dassanena pahātabbo dhammo uppajjati hetupaccayā – dassanena pahātabbaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ទស្សនេន បហាតព្ពំ ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពេ ខន្ធេ បដិច្ច ចិត្តសមុដ្ឋានំ រូបំ។ (២)

    Dassanena pahātabbaṃ dhammaṃ paṭicca nadassanena pahātabbo dhammo uppajjati hetupaccayā – dassanena pahātabbe khandhe paṭicca cittasamuṭṭhānaṃ rūpaṃ. (2)

    ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ច នទស្សនេន បហាតព្ពោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច…បេ.… ទ្វេ ខន្ធេ…បេ.…។ (៣)

    Dassanena pahātabbaṃ dhammaṃ paṭicca dassanena pahātabbo ca nadassanena pahātabbo ca dhammā uppajjanti hetupaccayā – dassanena pahātabbaṃ ekaṃ khandhaṃ paṭicca tayo khandhā cittasamuṭṭhānañca…pe… dve khandhe…pe…. (3)

    នទស្សនេន បហាតព្ពំ ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – នទស្សនេន បហាតព្ពំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (១)

    Nadassanena pahātabbaṃ dhammaṃ paṭicca nadassanena pahātabbo dhammo uppajjati hetupaccayā – nadassanena pahātabbaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    ទស្សនេន បហាតព្ពញ្ច នទស្សនេន បហាតព្ពញ្ច ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ (សំខិត្តំ)។ (១)

    Dassanena pahātabbañca nadassanena pahātabbañca dhammaṃ paṭicca nadassanena pahātabbo dhammo uppajjati hetupaccayā – dassanena pahātabbe khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ២. ហេតុយា បញ្ច, អារម្មណេ ទ្វេ, អធិបតិយា បញ្ច, អនន្តរេ ទ្វេ, សមនន្តរេ ទ្វេ, សហជាតេ បញ្ច, អញ្ញមញ្ញេ ទ្វេ, និស្សយេ បញ្ច, ឧបនិស្សយេ ទ្វេ, បុរេជាតេ ទ្វេ, អាសេវនេ ទ្វេ, កម្មេ បញ្ច, វិបាកេ ឯកំ, អាហារេ បញ្ច…បេ.… អវិគតេ បញ្ច។

    2. Hetuyā pañca, ārammaṇe dve, adhipatiyā pañca, anantare dve, samanantare dve, sahajāte pañca, aññamaññe dve, nissaye pañca, upanissaye dve, purejāte dve, āsevane dve, kamme pañca, vipāke ekaṃ, āhāre pañca…pe… avigate pañca.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៣. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ។ (១)

    3. Dassanena pahātabbaṃ dhammaṃ paṭicca dassanena pahātabbo dhammo uppajjati nahetupaccayā – vicikicchāsahagate khandhe paṭicca vicikicchāsahagato moho. (1)

    នទស្សនេន បហាតព្ពំ ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – អហេតុកំ នទស្សនេន បហាតព្ពំ ឯកំ ខន្ធំ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) ឧទ្ធច្ចសហគតេ ខន្ធេ បដិច្ច ឧទ្ធច្ចសហគតោ មោហោ។ (១)

    Nadassanena pahātabbaṃ dhammaṃ paṭicca nadassanena pahātabbo dhammo uppajjati nahetupaccayā – ahetukaṃ nadassanena pahātabbaṃ ekaṃ khandhaṃ…pe… ahetukapaṭisandhikkhaṇe…pe… (yāva asaññasattā) uddhaccasahagate khandhe paṭicca uddhaccasahagato moho. (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៤. នហេតុយា ទ្វេ, នអារម្មណេ តីណិ, នអធិបតិយា បញ្ច, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ បញ្ច, នអាសេវនេ បញ្ច, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    4. Nahetuyā dve, naārammaṇe tīṇi, naadhipatiyā pañca, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte pañca, naāsevane pañca, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (ឥតរេ ទ្វេ គណនាបិ សហជាតវារោបិ កាតព្ពោ។)

    (Itare dve gaṇanāpi sahajātavāropi kātabbo.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៥. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា)។

    5. Dassanena pahātabbaṃ dhammaṃ paccayā dassanena pahātabbo dhammo uppajjati hetupaccayā… tīṇi (paṭiccasadisā).

    ៦. នទស្សនេន បហាតព្ពំ ធម្មំ បច្ចយា នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – នទស្សនេន បហាតព្ពំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… (យាវ អជ្ឈត្តិកា មហាភូតា) វត្ថុំ បច្ចយា នទស្សនេន បហាតព្ពា ខន្ធា។ (១)

    6. Nadassanena pahātabbaṃ dhammaṃ paccayā nadassanena pahātabbo dhammo uppajjati hetupaccayā – nadassanena pahātabbaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā) vatthuṃ paccayā nadassanena pahātabbā khandhā. (1)

    នទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ទស្សនេន បហាតព្ពា ខន្ធា។ (២)

    Nadassanena pahātabbaṃ dhammaṃ paccayā dassanena pahātabbo dhammo uppajjati hetupaccayā – vatthuṃ paccayā dassanena pahātabbā khandhā. (2)

    នទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ច នទស្សនេន បហាតព្ពោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ទស្សនេន បហាតព្ពា ខន្ធា, មហាភូតេ បច្ចយា ចិត្តសមុដ្ឋានំ។ (៣)

    Nadassanena pahātabbaṃ dhammaṃ paccayā dassanena pahātabbo ca nadassanena pahātabbo ca dhammā uppajjanti hetupaccayā – vatthuṃ paccayā dassanena pahātabbā khandhā, mahābhūte paccayā cittasamuṭṭhānaṃ. (3)

    ៧. ទស្សនេន បហាតព្ពញ្ច នទស្សនេន បហាតព្ពញ្ច ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ (១)

    7. Dassanena pahātabbañca nadassanena pahātabbañca dhammaṃ paccayā dassanena pahātabbo dhammo uppajjati hetupaccayā – dassanena pahātabbaṃ ekaṃ khandhañca vatthuñca paccayā tayo khandhā…pe… dve khandhe ca…pe…. (1)

    ទស្សនេន បហាតព្ពញ្ច នទស្សនេន បហាតព្ពញ្ច ធម្មំ បច្ចយា នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (២)

    Dassanena pahātabbañca nadassanena pahātabbañca dhammaṃ paccayā nadassanena pahātabbo dhammo uppajjati hetupaccayā – dassanena pahātabbe khandhe ca mahābhūte ca paccayā cittasamuṭṭhānaṃ rūpaṃ. (2)

    ទស្សនេន បហាតព្ពញ្ច នទស្សនេន បហាតព្ពញ្ច ធម្មំ បច្ចយា ទស្សនេន បហាតព្ពោ ច នទស្សនេន បហាតព្ពោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… ទស្សនេន បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (៣)

    Dassanena pahātabbañca nadassanena pahātabbañca dhammaṃ paccayā dassanena pahātabbo ca nadassanena pahātabbo ca dhammā uppajjanti hetupaccayā – dassanena pahātabbaṃ ekaṃ khandhañca vatthuñca paccayā tayo khandhā…pe… dve khandhe ca…pe… dassanena pahātabbe khandhe ca mahābhūte ca paccayā cittasamuṭṭhānaṃ rūpaṃ. (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៨. ហេតុយា នវ, អារម្មណេ ចត្តារិ, អធិបតិយា នវ…បេ.… អវិគតេ នវ។

    8. Hetuyā nava, ārammaṇe cattāri, adhipatiyā nava…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៩. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បច្ចយា វិចិកិច្ឆាសហគតោ មោហោ។ (១)

    9. Dassanena pahātabbaṃ dhammaṃ paccayā dassanena pahātabbo dhammo uppajjati nahetupaccayā – vicikicchāsahagate khandhe paccayā vicikicchāsahagato moho. (1)

    នទស្សនេន បហាតព្ពំ ធម្មំ បច្ចយា នទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – អហេតុកំ នទស្សនេន បហាតព្ពំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ …បេ.… ទ្វេ ខន្ធេ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ; វត្ថុំ បច្ចយា អហេតុកា នទស្សនេន បហាតព្ពា ខន្ធា, ឧទ្ធច្ចសហគតេ ខន្ធេ បច្ចយា ឧទ្ធច្ចសហគតោ មោហោ, វត្ថុំ បច្ចយា ឧទ្ធច្ចសហគតោ មោហោ។ (១)

    Nadassanena pahātabbaṃ dhammaṃ paccayā nadassanena pahātabbo dhammo uppajjati nahetupaccayā – ahetukaṃ nadassanena pahātabbaṃ ekaṃ khandhaṃ paccayā tayo khandhā cittasamuṭṭhānañca rūpaṃ …pe… dve khandhe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ; vatthuṃ paccayā ahetukā nadassanena pahātabbā khandhā, uddhaccasahagate khandhe paccayā uddhaccasahagato moho, vatthuṃ paccayā uddhaccasahagato moho. (1)

    នទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វត្ថុំ បច្ចយា វិចិកិច្ឆាសហគតោ មោហោ។ (២)

    Nadassanena pahātabbaṃ dhammaṃ paccayā dassanena pahātabbo dhammo uppajjati nahetupaccayā – vatthuṃ paccayā vicikicchāsahagato moho. (2)

    ទស្សនេន បហាតព្ពញ្ច នទស្សនេន បហាតព្ពញ្ច ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ។ (១)

    Dassanena pahātabbañca nadassanena pahātabbañca dhammaṃ paccayā dassanena pahātabbo dhammo uppajjati nahetupaccayā – vicikicchāsahagate khandhe ca vatthuñca paccayā vicikicchāsahagato moho. (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១០. នហេតុយា ចត្តារិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    10. Nahetuyā cattāri, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ៤. និស្សយវារោ

    4. Nissayavāro

    (ឥតរេ ទ្វេ គណនាបិ និស្សយវារោបិ កាតព្ពោ។)

    (Itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ១១. ទស្សនេន បហាតព្ពំ ធម្មំ សំសដ្ឋោ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា (សំខិត្តំ)។ (១)

    11. Dassanena pahātabbaṃ dhammaṃ saṃsaṭṭho dassanena pahātabbo dhammo uppajjati hetupaccayā (saṃkhittaṃ). (1)

    នទស្សនេន បហាតព្ពំ ធម្មំ សំសដ្ឋោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា (សំខិត្តំ)។ (១)

    Nadassanena pahātabbaṃ dhammaṃ saṃsaṭṭho nadassanena pahātabbo dhammo uppajjati hetupaccayā (saṃkhittaṃ). (1)

    ហេតុយា ទ្វេ, អារម្មណេ ទ្វេ, អធិបតិយា ទ្វេ, អវិគតេ ទ្វេ។

    Hetuyā dve, ārammaṇe dve, adhipatiyā dve, avigate dve.

    អនុលោមំ។

    Anulomaṃ.

    ១២. ទស្សនេន បហាតព្ពំ ធម្មំ សំសដ្ឋោ ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ សំសដ្ឋោ វិចិកិច្ឆាសហគតោ មោហោ។ (១)

    12. Dassanena pahātabbaṃ dhammaṃ saṃsaṭṭho dassanena pahātabbo dhammo uppajjati nahetupaccayā – vicikicchāsahagate khandhe saṃsaṭṭho vicikicchāsahagato moho. (1)

    នទស្សនេន បហាតព្ពំ ធម្មំ សំសដ្ឋោ នទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា (សំខិត្តំ)។ (១)

    Nadassanena pahātabbaṃ dhammaṃ saṃsaṭṭho nadassanena pahātabbo dhammo uppajjati nahetupaccayā (saṃkhittaṃ). (1)

    នហេតុយា ទ្វេ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នឈានេ ឯកំ, នមគ្គេ ឯកំ, នវិប្បយុត្តេ ទ្វេ។

    Nahetuyā dve, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, najhāne ekaṃ, namagge ekaṃ, navippayutte dve.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៣. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស ហេតុបច្ចយេន បច្ចយោ… តីណិ។

    13. Dassanena pahātabbo dhammo dassanena pahātabbassa dhammassa hetupaccayena paccayo… tīṇi.

    នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស ហេតុបច្ចយេន បច្ចយោ – នទស្សនេន បហាតព្ពា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    Nadassanena pahātabbo dhammo nadassanena pahātabbassa dhammassa hetupaccayena paccayo – nadassanena pahātabbā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    អារម្មណបច្ចយោ

    Ārammaṇapaccayo

    ១៤. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ – ទស្សនេន បហាតព្ពំ រាគំ អស្សាទេតិ អភិនន្ទតិ, តំ អារព្ភ ទស្សនេន បហាតព្ពោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា ឧប្បជ្ជតិ, ទស្សនេន បហាតព្ពំ ទោមនស្សំ ឧប្បជ្ជតិ; ទស្សនេន បហាតព្ពំ ទិដ្ឋិំ អស្សាទេតិ អភិនន្ទតិ, តំ អារព្ភ ទស្សនេន បហាតព្ពោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… ទោមនស្សំ ឧប្បជ្ជតិ; វិចិកិច្ឆំ អារព្ភ វិចិកិច្ឆា ឧប្បជ្ជតិ, ទិដ្ឋិ…បេ.… ទោមនស្សំ ឧប្បជ្ជតិ; ទស្សនេន បហាតព្ពំ ទោមនស្សំ អារព្ភ ទស្សនេន បហាតព្ពំ ទោមនស្សំ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ។ (១)

    14. Dassanena pahātabbo dhammo dassanena pahātabbassa dhammassa ārammaṇapaccayena paccayo – dassanena pahātabbaṃ rāgaṃ assādeti abhinandati, taṃ ārabbha dassanena pahātabbo rāgo uppajjati, diṭṭhi…pe… vicikicchā uppajjati, dassanena pahātabbaṃ domanassaṃ uppajjati; dassanena pahātabbaṃ diṭṭhiṃ assādeti abhinandati, taṃ ārabbha dassanena pahātabbo rāgo uppajjati, diṭṭhi…pe… vicikicchā…pe… domanassaṃ uppajjati; vicikicchaṃ ārabbha vicikicchā uppajjati, diṭṭhi…pe… domanassaṃ uppajjati; dassanena pahātabbaṃ domanassaṃ ārabbha dassanena pahātabbaṃ domanassaṃ uppajjati, diṭṭhi uppajjati, vicikicchā uppajjati. (1)

    ទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ – អរិយា ទស្សនេន បហាតព្ពេ បហីនេ កិលេសេ បច្ចវេក្ខន្តិ, បុព្ពេ សមុទាចិណ្ណេ…បេ.… ទស្សនេន បហាតព្ពេ ខន្ធេ អនិច្ចតោ…បេ.… វិបស្សតិ, ចេតោបរិយញាណេន ទស្សនេន បហាតព្ពចិត្តសមង្គិស្ស ចិត្តំ ជានាតិ, ទស្សនេន បហាតព្ពា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (២)

    Dassanena pahātabbo dhammo nadassanena pahātabbassa dhammassa ārammaṇapaccayena paccayo – ariyā dassanena pahātabbe pahīne kilese paccavekkhanti, pubbe samudāciṇṇe…pe… dassanena pahātabbe khandhe aniccato…pe… vipassati, cetopariyañāṇena dassanena pahātabbacittasamaṅgissa cittaṃ jānāti, dassanena pahātabbā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)

    ១៥. នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ នទស្សនេន បហាតព្ពោ រាគោ ឧប្បជ្ជតិ; ឧទ្ធច្ចំ…បេ.… នទស្សនេន បហាតព្ពំ ទោមនស្សំ ឧប្បជ្ជតិ, បុព្ពេ សុចិណ្ណានិ…បេ.… ឈានា …បេ.… អរិយា មគ្គា វុដ្ឋហិត្វា មគ្គំ បច្ចវេក្ខន្តិ…បេ.… ផលស្ស អាវជ្ជនាយ អារម្មណបច្ចយេន បច្ចយោ; អរិយា នទស្សនេន បហាតព្ពេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ.… បុព្ពេ…បេ.… ចក្ខុំ…បេ.… វត្ថុំ នទស្សនេន បហាតព្ពេ ខន្ធេ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ នទស្សនេន បហាតព្ពោ រាគោ ឧប្បជ្ជតិ, ឧទ្ធច្ចំ…បេ.… នទស្សនេន បហាតព្ពំ ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ…បេ.… អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    15. Nadassanena pahātabbo dhammo nadassanena pahātabbassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati assādeti abhinandati, taṃ ārabbha nadassanena pahātabbo rāgo uppajjati; uddhaccaṃ…pe… nadassanena pahātabbaṃ domanassaṃ uppajjati, pubbe suciṇṇāni…pe… jhānā …pe… ariyā maggā vuṭṭhahitvā maggaṃ paccavekkhanti…pe… phalassa āvajjanāya ārammaṇapaccayena paccayo; ariyā nadassanena pahātabbe pahīne kilese paccavekkhanti, vikkhambhite kilese…pe… pubbe…pe… cakkhuṃ…pe… vatthuṃ nadassanena pahātabbe khandhe aniccato…pe… vipassati assādeti abhinandati, taṃ ārabbha nadassanena pahātabbo rāgo uppajjati, uddhaccaṃ…pe… nadassanena pahātabbaṃ domanassaṃ uppajjati; dibbena cakkhunā rūpaṃ passati…pe… anāgataṃsañāṇassa, āvajjanāya ārammaṇapaccayena paccayo. (1)

    នទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ…បេ.… ឈានា…បេ.… ចក្ខុំ …បេ.… វត្ថុំ នទស្សនេន បហាតព្ពេ ខន្ធេ អស្សាទេតិ អភិនន្ទតិ, តំ អារព្ភ ទស្សនេន បហាតព្ពោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… ទស្សនេន បហាតព្ពំ ទោមនស្សំ ឧប្បជ្ជតិ។ (២)

    Nadassanena pahātabbo dhammo dassanena pahātabbassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… cakkhuṃ …pe… vatthuṃ nadassanena pahātabbe khandhe assādeti abhinandati, taṃ ārabbha dassanena pahātabbo rāgo uppajjati, diṭṭhi…pe… vicikicchā…pe… dassanena pahātabbaṃ domanassaṃ uppajjati. (2)

    អធិបតិបច្ចយោ

    Adhipatipaccayo

    ១៦. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទស្សនេន បហាតព្ពំ រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ, ទិដ្ឋិំ គរុំ កត្វា…បេ.…។ សហជាតាធិបតិ – ទស្សនេន បហាតព្ពាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    16. Dassanena pahātabbo dhammo dassanena pahātabbassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dassanena pahātabbaṃ rāgaṃ garuṃ katvā assādeti abhinandati, taṃ garuṃ katvā dassanena pahātabbo rāgo uppajjati, diṭṭhi uppajjati, diṭṭhiṃ garuṃ katvā…pe…. Sahajātādhipati – dassanena pahātabbādhipati sampayuttakānaṃ khandhānaṃ adhipatipaccayena paccayo. (1)

    ទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – ទស្សនេន បហាតព្ពាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)

    Dassanena pahātabbo dhammo nadassanena pahātabbassa dhammassa adhipatipaccayena paccayo. Sahajātādhipati – dassanena pahātabbādhipati cittasamuṭṭhānānaṃ rūpānaṃ adhipatipaccayena paccayo. (2)

    ទស្សនេន បហាតព្ពោ ធម្មោ ទស្សនេន បហាតព្ពស្ស ច នទស្សនេន បហាតព្ពស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – ទស្សនេន បហាតព្ពាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Dassanena pahātabbo dhammo dassanena pahātabbassa ca nadassanena pahātabbassa ca dhammassa adhipatipaccayena paccayo. Sahajātādhipati – dassanena pahātabbādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ១៧. នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ…បេ.… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អស្សាទេតិ អភិនន្ទតិ, តំ គរុំ កត្វា នទស្សនេន បហាតព្ពោ រាគោ ឧប្បជ្ជតិ, អរិយា មគ្គា វុដ្ឋហិត្វា មគ្គំ គរុំ កត្វា…បេ.… ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ នទស្សនេន បហាតព្ពេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា នទស្សនេន បហាតព្ពោ រាគោ ឧប្បជ្ជតិ។ សហជាតាធិបតិ – នទស្សនេន បហាតព្ពាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    17. Nadassanena pahātabbo dhammo nadassanena pahātabbassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā vuṭṭhahitvā jhānaṃ garuṃ katvā paccavekkhati, assādeti abhinandati, taṃ garuṃ katvā nadassanena pahātabbo rāgo uppajjati, ariyā maggā vuṭṭhahitvā maggaṃ garuṃ katvā…pe… phalassa adhipatipaccayena paccayo; cakkhuṃ…pe… vatthuṃ nadassanena pahātabbe khandhe garuṃ katvā assādeti abhinandati, taṃ garuṃ katvā nadassanena pahātabbo rāgo uppajjati. Sahajātādhipati – nadassanena pahātabbādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    នទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ទានំ ទត្វា…បេ.… ឈានំ…បេ.… ចក្ខុំ…បេ.… វត្ថុំ នទស្សនេន បហាតព្ពេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)

    Nadassanena pahātabbo dhammo dassanena pahātabbassa dhammassa adhipatipaccayena paccayo. Ārammaṇādhipati – dānaṃ datvā…pe… jhānaṃ…pe… cakkhuṃ…pe… vatthuṃ nadassanena pahātabbe khandhe garuṃ katvā assādeti abhinandati, taṃ garuṃ katvā dassanena pahātabbo rāgo uppajjati, diṭṭhi uppajjati. (2)

    អនន្តរបច្ចយោ

    Anantarapaccayo

    ១៨. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទស្សនេន បហាតព្ពា ខន្ធា បច្ឆិមានំ បច្ឆិមានំ ទស្សនេន បហាតព្ពានំ ខន្ធានំ អនន្តរបច្ចយេន បច្ចយោ។ (១)

    18. Dassanena pahātabbo dhammo dassanena pahātabbassa dhammassa anantarapaccayena paccayo – purimā purimā dassanena pahātabbā khandhā pacchimānaṃ pacchimānaṃ dassanena pahātabbānaṃ khandhānaṃ anantarapaccayena paccayo. (1)

    ទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស អនន្តរបច្ចយេន បច្ចយោ – ទស្សនេន បហាតព្ពា ខន្ធា វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា នទស្សនេន បហាតព្ពា ខន្ធា…បេ.… ផលសមាបត្តិយា អនន្តរបច្ចយេន បច្ចយោ។ (មូលំ កាតព្ពំ។) អាវជ្ជនា ទស្សនេន បហាតព្ពានំ ខន្ធានំ អនន្តរបច្ចយេន បច្ចយោ។ (២)

    Dassanena pahātabbo dhammo nadassanena pahātabbassa dhammassa anantarapaccayena paccayo – dassanena pahātabbā khandhā vuṭṭhānassa anantarapaccayena paccayo. (Mūlaṃ kātabbaṃ.) Purimā purimā nadassanena pahātabbā khandhā…pe… phalasamāpattiyā anantarapaccayena paccayo. (Mūlaṃ kātabbaṃ.) Āvajjanā dassanena pahātabbānaṃ khandhānaṃ anantarapaccayena paccayo. (2)

    សមនន្តរបច្ចយេន បច្ចយោ… សហជាតបច្ចយេន បច្ចយោ… បញ្ច… អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ… សត្ត។

    Samanantarapaccayena paccayo… sahajātapaccayena paccayo… pañca… aññamaññapaccayena paccayo… dve… nissayapaccayena paccayo… satta.

    ឧបនិស្សយបច្ចយោ

    Upanissayapaccayo

    ១៩. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ទស្សនេន បហាតព្ពំ រាគំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; ទស្សនេន បហាតព្ពំ ទោសំ… មោហំ… ទិដ្ឋិំ… បត្ថនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; ទស្សនេន បហាតព្ពោ រាគោ…បេ.… បត្ថនា ទស្សនេន បហាតព្ពស្ស រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (២)

    19. Dassanena pahātabbo dhammo dassanena pahātabbassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – dassanena pahātabbaṃ rāgaṃ upanissāya pāṇaṃ hanati…pe… saṅghaṃ bhindati; dassanena pahātabbaṃ dosaṃ… mohaṃ… diṭṭhiṃ… patthanaṃ upanissāya pāṇaṃ hanati…pe… saṅghaṃ bhindati; dassanena pahātabbo rāgo…pe… patthanā dassanena pahātabbassa rāgassa…pe… patthanāya upanissayapaccayena paccayo. (2)

    ទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ទស្សនេន បហាតព្ពំ រាគំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ ទស្សនេន បហាតព្ពំ ទោសំ… មោហំ… ទិដ្ឋិំ… បត្ថនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ; ទស្សនេន បហាតព្ពោ រាគោ…បេ.… បត្ថនា សទ្ធាយ…បេ.… បញ្ញាយ នទស្សនេន បហាតព្ពស្ស រាគស្ស… ទោសស្ស… មោហស្ស… មានស្ស … បត្ថនាយ… កាយិកស្ស សុខស្ស…បេ.… ផលសមាបត្តិយា ឧបនិស្សយបច្ចយេន បច្ចយោ។ (២)

    Dassanena pahātabbo dhammo nadassanena pahātabbassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – dassanena pahātabbaṃ rāgaṃ upanissāya dānaṃ deti…pe… samāpattiṃ uppādeti dassanena pahātabbaṃ dosaṃ… mohaṃ… diṭṭhiṃ… patthanaṃ upanissāya dānaṃ deti…pe… samāpattiṃ uppādeti; dassanena pahātabbo rāgo…pe… patthanā saddhāya…pe… paññāya nadassanena pahātabbassa rāgassa… dosassa… mohassa… mānassa … patthanāya… kāyikassa sukhassa…pe… phalasamāpattiyā upanissayapaccayena paccayo. (2)

    ២០. នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ; សីលំ…បេ.… បញ្ញំ, នទស្សនេន បហាតព្ពំ រាគំ… ទោសំ… មោហំ… មានំ… បត្ថនំ… កាយិកំ សុខំ…បេ.… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ; សទ្ធា…បេ.… បញ្ញា, នទស្សនេន បហាតព្ពោ រាគោ…បេ.… បត្ថនា… កាយិកំ សុខំ…បេ.… សេនាសនំ សទ្ធាយ…បេ.… បញ្ញាយ នទស្សនេន បហាតព្ពស្ស រាគស្ស…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (២)

    20. Nadassanena pahātabbo dhammo nadassanena pahātabbassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti, mānaṃ jappeti; sīlaṃ…pe… paññaṃ, nadassanena pahātabbaṃ rāgaṃ… dosaṃ… mohaṃ… mānaṃ… patthanaṃ… kāyikaṃ sukhaṃ…pe… senāsanaṃ upanissāya dānaṃ deti…pe… samāpattiṃ uppādeti, mānaṃ jappeti; saddhā…pe… paññā, nadassanena pahātabbo rāgo…pe… patthanā… kāyikaṃ sukhaṃ…pe… senāsanaṃ saddhāya…pe… paññāya nadassanena pahātabbassa rāgassa…pe… patthanāya… kāyikassa sukhassa… kāyikassa dukkhassa… maggassa, phalasamāpattiyā upanissayapaccayena paccayo. (2)

    នទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទិដ្ឋិំ គណ្ហាតិ; សីលំ…បេ.… បញ្ញំ ឧបនិស្សាយ ទិដ្ឋិំ គណ្ហាតិ, នទស្សនេន បហាតព្ពំ រាគំ… ទោសំ… មោហំ… មានំ… បត្ថនំ… កាយិកំ សុខំ…បេ.… សេនាសនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; សទ្ធា…បេ.… សេនាសនំ ទស្សនេន បហាតព្ពស្ស រាគស្ស… ទោសស្ស… មោហស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ។ (២)

    Nadassanena pahātabbo dhammo dassanena pahātabbassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya diṭṭhiṃ gaṇhāti; sīlaṃ…pe… paññaṃ upanissāya diṭṭhiṃ gaṇhāti, nadassanena pahātabbaṃ rāgaṃ… dosaṃ… mohaṃ… mānaṃ… patthanaṃ… kāyikaṃ sukhaṃ…pe… senāsanaṃ upanissāya pāṇaṃ hanati…pe… saṅghaṃ bhindati; saddhā…pe… senāsanaṃ dassanena pahātabbassa rāgassa… dosassa… mohassa… diṭṭhiyā… patthanāya upanissayapaccayena paccayo. (2)

    បុរេជាតបច្ចយោ

    Purejātapaccayo

    ២១. នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ នទស្សនេន បហាតព្ពោ រាគោ …បេ.… ឧទ្ធច្ចំ…បេ.… នទស្សនេន បហាតព្ពំ ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស …បេ.… កាយាយតនំ កាយវិញ្ញាណស្ស…បេ.… វត្ថុ នទស្សនេន បហាតព្ពានំ ខន្ធានំ បុរេជាតបច្ចយេន បច្ចយោ។ (១)

    21. Nadassanena pahātabbo dhammo nadassanena pahātabbassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati assādeti abhinandati, taṃ ārabbha nadassanena pahātabbo rāgo …pe… uddhaccaṃ…pe… nadassanena pahātabbaṃ domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa …pe… kāyāyatanaṃ kāyaviññāṇassa…pe… vatthu nadassanena pahātabbānaṃ khandhānaṃ purejātapaccayena paccayo. (1)

    នទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ ទស្សនេន បហាតព្ពោ រាគោ…បេ.… ទិដ្ឋិ…បេ.… វិចិកិច្ឆា…បេ.… ទស្សនេន បហាតព្ពំ ទោមនស្សំ ឧប្បជ្ជតិ។ វត្ថុបុរេជាតំ – វត្ថុ ទស្សនេន បហាតព្ពានំ ខន្ធានំ បុរេជាតបច្ចយេន បច្ចយោ។ (២)

    Nadassanena pahātabbo dhammo dassanena pahātabbassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha dassanena pahātabbo rāgo…pe… diṭṭhi…pe… vicikicchā…pe… dassanena pahātabbaṃ domanassaṃ uppajjati. Vatthupurejātaṃ – vatthu dassanena pahātabbānaṃ khandhānaṃ purejātapaccayena paccayo. (2)

    បច្ឆាជាតាសេវនបច្ចយា

    Pacchājātāsevanapaccayā

    ២២. ទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ (១)

    22. Dassanena pahātabbo dhammo nadassanena pahātabbassa dhammassa pacchājātapaccayena paccayo (saṃkhittaṃ). (1)

    នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)… អាសេវនបច្ចយេន បច្ចយោ… ទ្វេ។

    Nadassanena pahātabbo dhammo nadassanena pahātabbassa dhammassa pacchājātapaccayena paccayo (saṃkhittaṃ)… āsevanapaccayena paccayo… dve.

    កម្មបច្ចយោ

    Kammapaccayo

    ២៣. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស កម្មបច្ចយេន បច្ចយោ – ទស្សនេន បហាតព្ពា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (១)

    23. Dassanena pahātabbo dhammo dassanena pahātabbassa dhammassa kammapaccayena paccayo – dassanena pahātabbā cetanā sampayuttakānaṃ khandhānaṃ kammapaccayena paccayo. (1)

    ទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – ទស្សនេន បហាតព្ពា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ នានាក្ខណិកា – ទស្សនេន បហាតព្ពា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (២)

    Dassanena pahātabbo dhammo nadassanena pahātabbassa dhammassa kammapaccayena paccayo – sahajātā, nānākkhaṇikā. Sahajātā – dassanena pahātabbā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – dassanena pahātabbā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)

    ទស្សនេន បហាតព្ពោ ធម្មោ ទស្សនេន បហាតព្ពស្ស ច នទស្សនេន បហាតព្ពស្ស ច ធម្មស្ស កម្មបច្ចយេន បច្ចយោ – ទស្សនេន បហាតព្ពា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    Dassanena pahātabbo dhammo dassanena pahātabbassa ca nadassanena pahātabbassa ca dhammassa kammapaccayena paccayo – dassanena pahātabbā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    ២៤. នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នទស្សនេន បហាតព្ពា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – នទស្សនេន បហាតព្ពា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។

    24. Nadassanena pahātabbo dhammo nadassanena pahātabbassa dhammassa kammapaccayena paccayo – sahajātā, nānākkhaṇikā. Sahajātā – nadassanena pahātabbā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – nadassanena pahātabbā cetanā vipākānaṃ khandhānaṃ kaṭattā ca rūpānaṃ kammapaccayena paccayo.

    វិបាកបច្ចយាទិ

    Vipākapaccayādi

    ២៥. នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស វិបាកបច្ចយេន បច្ចយោ… ឯកំ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ទ្វេ។

    25. Nadassanena pahātabbo dhammo nadassanena pahātabbassa dhammassa vipākapaccayena paccayo… ekaṃ… āhārapaccayena paccayo… cattāri… indriyapaccayena paccayo… cattāri… jhānapaccayena paccayo… cattāri… maggapaccayena paccayo… cattāri… sampayuttapaccayena paccayo… dve.

    វិប្បយុត្តបច្ចយោ

    Vippayuttapaccayo

    ២៦. ទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ (១)

    26. Dassanena pahātabbo dhammo nadassanena pahātabbassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ)។

    Nadassanena pahātabbo dhammo nadassanena pahātabbassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ).

    នទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ ទស្សនេន បហាតព្ពានំ ខន្ធានំ វិប្បយុត្តបច្ចយេន បច្ចយោ។ (២)

    Nadassanena pahātabbo dhammo dassanena pahātabbassa dhammassa vippayuttapaccayena paccayo. Purejātaṃ – vatthu dassanena pahātabbānaṃ khandhānaṃ vippayuttapaccayena paccayo. (2)

    អត្ថិបច្ចយាទិ

    Atthipaccayādi

    ២៧. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អត្ថិបច្ចយេន បច្ចយោ (បដិច្ចសទិសំ)។ ទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ ទស្សនេន បហាតព្ពោ ធម្មោ ទស្សនេន បហាតព្ពស្ស ច នទស្សនេន បហាតព្ពស្ស ច ធម្មស្ស អត្ថិបច្ចយេន បច្ចយោ (បដិច្ចវារសទិសា)។ (៣)

    27. Dassanena pahātabbo dhammo dassanena pahātabbassa dhammassa atthipaccayena paccayo (paṭiccasadisaṃ). Dassanena pahātabbo dhammo nadassanena pahātabbassa dhammassa atthipaccayena paccayo – sahajātaṃ, pacchājātaṃ (saṃkhittaṃ). Dassanena pahātabbo dhammo dassanena pahātabbassa ca nadassanena pahātabbassa ca dhammassa atthipaccayena paccayo (paṭiccavārasadisā). (3)

    នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ នទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អត្ថិបច្ចយេន បច្ចយោ។ បុរេជាតំ – ចក្ខុំ…បេ.… (សំខិត្តំ, បុរេជាតសទិសំ)។ (២)

    Nadassanena pahātabbo dhammo nadassanena pahātabbassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). Nadassanena pahātabbo dhammo dassanena pahātabbassa dhammassa atthipaccayena paccayo. Purejātaṃ – cakkhuṃ…pe… (saṃkhittaṃ, purejātasadisaṃ). (2)

    ២៨. ទស្សនេន បហាតព្ពោ ច នទស្សនេន បហាតព្ពោ ច ធម្មា ទស្សនេន បហាតព្ពស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ទស្សនេន បហាតព្ពោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ (១)

    28. Dassanena pahātabbo ca nadassanena pahātabbo ca dhammā dassanena pahātabbassa dhammassa atthipaccayena paccayo – sahajātaṃ, purejātaṃ. Sahajāto – dassanena pahātabbo eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe…. (1)

    ទស្សនេន បហាតព្ពោ ច នទស្សនេន បហាតព្ពោ ច ធម្មា នទស្សនេន បហាតព្ពស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ , ឥន្ទ្រិយំ។ សហជាតា – ទស្សនេន បហាតព្ពា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – ទស្សនេន បហាតព្ពា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – ទស្សនេន បហាតព្ពា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    Dassanena pahātabbo ca nadassanena pahātabbo ca dhammā nadassanena pahātabbassa dhammassa atthipaccayena paccayo – sahajātaṃ, pacchājātaṃ, āhāraṃ , indriyaṃ. Sahajātā – dassanena pahātabbā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – dassanena pahātabbā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – dassanena pahātabbā khandhā ca rūpajīvitindriyañca kaṭattārūpānaṃ atthipaccayena paccayo. (2)

    នត្ថិបច្ចយេន បច្ចយោ, វិគតបច្ចយេន បច្ចយោ, អវិគតបច្ចយេន បច្ចយោ។

    Natthipaccayena paccayo, vigatapaccayena paccayo, avigatapaccayena paccayo.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ២៩. ហេតុយា ចត្តារិ, អារម្មណេ ចត្តារិ, អធិបតិយា បញ្ច, អនន្តរេ ចត្តារិ, សមនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ទ្វេ, កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ, វិគតេ ចត្តារិ, អវិគតេ សត្ត។

    29. Hetuyā cattāri, ārammaṇe cattāri, adhipatiyā pañca, anantare cattāri, samanantare cattāri, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane dve, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta.

    បច្ចនីយុទ្ធារោ

    Paccanīyuddhāro

    ៣០. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    30. Dassanena pahātabbo dhammo dassanena pahātabbassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    ទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ (២)

    Dassanena pahātabbo dhammo nadassanena pahātabbassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)

    ទស្សនេន បហាតព្ពោ ធម្មោ ទស្សនេន បហាតព្ពស្ស ច នទស្សនេន បហាតព្ពស្ស ច ធម្មស្ស សហជាតបច្ចយេន បច្ចយោ។ (៣)

    Dassanena pahātabbo dhammo dassanena pahātabbassa ca nadassanena pahātabbassa ca dhammassa sahajātapaccayena paccayo. (3)

    ៣១. នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

    31. Nadassanena pahātabbo dhammo nadassanena pahātabbassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    នទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    Nadassanena pahātabbo dhammo dassanena pahātabbassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)

    ទស្សនេន បហាតព្ពោ ច នទស្សនេន បហាតព្ពោ ច ធម្មា ទស្សនេន បហាតព្ពស្ស ធម្មស្ស សហជាតំ, បុរេជាតំ។ (១)

    Dassanena pahātabbo ca nadassanena pahātabbo ca dhammā dassanena pahātabbassa dhammassa sahajātaṃ, purejātaṃ. (1)

    ទស្សនេន បហាតព្ពោ ច នទស្សនេន បហាតព្ពោ ច ធម្មា នទស្សនេន បហាតព្ពស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (២)

    Dassanena pahātabbo ca nadassanena pahātabbo ca dhammā nadassanena pahātabbassa dhammassa sahajātaṃ, pacchājātaṃ, āhāraṃ, indriyaṃ. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៣២. នហេតុយា សត្ត, នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ សត្ត, នសហជាតេ បញ្ច, នអញ្ញមញ្ញេ បញ្ច, ននិស្សយេ បញ្ច, នឧបនិស្សយេ សត្ត, នបុរេជាតេ ឆ, នបច្ឆាជាតេ សត្ត…បេ.… នមគ្គេ សត្ត, នសម្បយុត្តេ បញ្ច, នវិប្បយុត្តេ ចត្តារិ, នោអត្ថិយា ចត្តារិ, នោនត្ថិយា សត្ត, នោវិគតេ សត្ត, នោអវិគតេ ចត្តារិ។

    32. Nahetuyā satta, naārammaṇe satta, naadhipatiyā satta, naanantare satta, nasamanantare satta, nasahajāte pañca, naaññamaññe pañca, nanissaye pañca, naupanissaye satta, napurejāte cha, napacchājāte satta…pe… namagge satta, nasampayutte pañca, navippayutte cattāri, noatthiyā cattāri, nonatthiyā satta, novigate satta, noavigate cattāri.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៣៣. ហេតុបច្ចយា នអារម្មណេ ចត្តារិ, នអធិបតិយា នវ, នអនន្តរេ ចត្តារិ, នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ (សព្ពត្ថ ចត្តារិ), នសម្បយុត្តេ ទ្វេ, នវិប្បយុត្តេ ទ្វេ, នោនត្ថិយា ចត្តារិ, នោវិគតេ ចត្តារិ។

    33. Hetupaccayā naārammaṇe cattāri, naadhipatiyā nava, naanantare cattāri, nasamanantare cattāri, naaññamaññe dve, naupanissaye cattāri (sabbattha cattāri), nasampayutte dve, navippayutte dve, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៣៤. នហេតុបច្ចយា អារម្មណេ ចត្តារិ, អធិបតិយា បញ្ច (អនុលោមមាតិកា កាតព្ពា)…បេ.… អវិគតេ សត្ត។

    34. Nahetupaccayā ārammaṇe cattāri, adhipatiyā pañca (anulomamātikā kātabbā)…pe… avigate satta.

    ទស្សនេនបហាតព្ពទុកំ និដ្ឋិតំ។

    Dassanenapahātabbadukaṃ niṭṭhitaṃ.

    ៨៤. ភាវនាយបហាតព្ពទុកំ

    84. Bhāvanāyapahātabbadukaṃ

    ១-៦. បដិច្ចវារាទិ

    1-6. Paṭiccavārādi

    ១-៤. បច្ចយានុលោមាទិ

    1-4. Paccayānulomādi

    ៣៥. ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា (យថា ទស្សនទុកំ, ឯវំ វិត្ថារេតព្ពំ, និន្នានាករណំ)។

    35. Bhāvanāya pahātabbaṃ dhammaṃ paṭicca bhāvanāya pahātabbo dhammo uppajjati hetupaccayā (yathā dassanadukaṃ, evaṃ vitthāretabbaṃ, ninnānākaraṇaṃ).

    ហេតុយា បញ្ច…បេ.… អវិគតេ បញ្ច។

    Hetuyā pañca…pe… avigate pañca.

    អនុលោមំ។

    Anulomaṃ.

    ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ បដិច្ច ឧទ្ធច្ចសហគតោ មោហោ។

    Bhāvanāya pahātabbaṃ dhammaṃ paṭicca bhāvanāya pahātabbo dhammo uppajjati nahetupaccayā – uddhaccasahagate khandhe paṭicca uddhaccasahagato moho.

    នភាវនាយ បហាតព្ពំ ធម្មំ បដិច្ច នភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – អហេតុកំ នភាវនាយ បហាតព្ពំ ឯកំ ខន្ធំ…បេ.… (យាវ អសញ្ញសត្តា) វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ (សំខិត្តំ)។

    Nabhāvanāya pahātabbaṃ dhammaṃ paṭicca nabhāvanāya pahātabbo dhammo uppajjati nahetupaccayā – ahetukaṃ nabhāvanāya pahātabbaṃ ekaṃ khandhaṃ…pe… (yāva asaññasattā) vicikicchāsahagate khandhe paṭicca vicikicchāsahagato moho (saṃkhittaṃ).

    នហេតុយា ទ្វេ…បេ.… នោវិគតេ តីណិ។

    Nahetuyā dve…pe… novigate tīṇi.

    បច្ចនីយំ។

    Paccanīyaṃ.

    (បច្ចយវារបច្ចនីយេ នហេតុបច្ចយេ ឧទ្ធច្ចសហគតេ តីណិ, មោហោ ឧទ្ធរិតព្ពោ។ សព្ពេបិ វារា ទស្សនទុកសទិសា, ឧទ្ធច្ចបច្ចនីយម្បិ នានំ។)

    (Paccayavārapaccanīye nahetupaccaye uddhaccasahagate tīṇi, moho uddharitabbo. Sabbepi vārā dassanadukasadisā, uddhaccapaccanīyampi nānaṃ.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៣៦. ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស ហេតុបច្ចយេន បច្ចយោ – ភាវនាយ បហាតព្ពា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ… តីណិ។

    36. Bhāvanāya pahātabbo dhammo bhāvanāya pahātabbassa dhammassa hetupaccayena paccayo – bhāvanāya pahātabbā hetū sampayuttakānaṃ khandhānaṃ hetupaccayena paccayo… tīṇi.

    នភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស ហេតុបច្ចយេន បច្ចយោ (សំខិត្តំ)។ (១)

    Nabhāvanāya pahātabbo dhammo nabhāvanāya pahātabbassa dhammassa hetupaccayena paccayo (saṃkhittaṃ). (1)

    អារម្មណបច្ចយោ

    Ārammaṇapaccayo

    ៣៧. ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ – ភាវនាយ បហាតព្ពំ រាគំ អស្សាទេតិ អភិនន្ទតិ, តំ អារព្ភ ភាវនាយ បហាតព្ពោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ; ភាវនាយ បហាតព្ពំ ទោមនស្សំ ឧប្បជ្ជតិ; ឧទ្ធច្ចំ អារព្ភ ឧទ្ធច្ចំ ឧប្បជ្ជតិ, ភាវនាយ បហាតព្ពំ ទោមនស្សំ ឧប្បជ្ជតិ; ភាវនាយ បហាតព្ពំ ទោមនស្សំ អារព្ភ ភាវនាយ បហាតព្ពំ ទោមនស្សំ ឧប្បជ្ជតិ, ឧទ្ធច្ចំ ឧប្បជ្ជតិ។ (១)

    37. Bhāvanāya pahātabbo dhammo bhāvanāya pahātabbassa dhammassa ārammaṇapaccayena paccayo – bhāvanāya pahātabbaṃ rāgaṃ assādeti abhinandati, taṃ ārabbha bhāvanāya pahātabbo rāgo uppajjati, uddhaccaṃ uppajjati; bhāvanāya pahātabbaṃ domanassaṃ uppajjati; uddhaccaṃ ārabbha uddhaccaṃ uppajjati, bhāvanāya pahātabbaṃ domanassaṃ uppajjati; bhāvanāya pahātabbaṃ domanassaṃ ārabbha bhāvanāya pahātabbaṃ domanassaṃ uppajjati, uddhaccaṃ uppajjati. (1)

    ភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ – អរិយា ភាវនាយ បហាតព្ពេ បហីនេ កិលេសេ…បេ.… វិក្ខម្ភិតេ កិលេសេ…បេ.… បុព្ពេ សមុទាចិណ្ណេ…បេ.… ភាវនាយ បហាតព្ពេ ខន្ធេ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ នភាវនាយ បហាតព្ពោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… នភាវនាយ បហាតព្ពំ ទោមនស្សំ ឧប្បជ្ជតិ; ចេតោបរិយញាណេន ភាវនាយ បហាតព្ពចិត្តសមង្គិស្ស ចិត្តំ ជានាតិ, ភាវនាយ បហាតព្ពា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស , យថាកម្មូបគញាណស្ស , អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (២)

    Bhāvanāya pahātabbo dhammo nabhāvanāya pahātabbassa dhammassa ārammaṇapaccayena paccayo – ariyā bhāvanāya pahātabbe pahīne kilese…pe… vikkhambhite kilese…pe… pubbe samudāciṇṇe…pe… bhāvanāya pahātabbe khandhe aniccato…pe… vipassati assādeti abhinandati, taṃ ārabbha nabhāvanāya pahātabbo rāgo uppajjati, diṭṭhi…pe… vicikicchā…pe… nabhāvanāya pahātabbaṃ domanassaṃ uppajjati; cetopariyañāṇena bhāvanāya pahātabbacittasamaṅgissa cittaṃ jānāti, bhāvanāya pahātabbā khandhā cetopariyañāṇassa, pubbenivāsānussatiñāṇassa , yathākammūpagañāṇassa , anāgataṃsañāṇassa, āvajjanāya ārammaṇapaccayena paccayo. (2)

    ៣៨. នភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ នភាវនាយ បហាតព្ពោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… នភាវនាយ បហាតព្ពំ ទោមនស្សំ ឧប្បជ្ជតិ, បុព្ពេ…បេ.… ឈានា…បេ.… អរិយា មគ្គា វុដ្ឋហិត្វា…បេ.… ផលស្ស, អាវជ្ជនាយ អារម្មណបច្ចយេន បច្ចយោ; អរិយា នភាវនាយ បហាតព្ពេ បហីនេ កិលេសេ…បេ.… ចក្ខុំ…បេ.… វត្ថុំ នភាវនាយ បហាតព្ពេ ខន្ធេ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ នភាវនាយ បហាតព្ពោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… នភាវនាយ បហាតព្ពំ ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ…បេ.… យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    38. Nabhāvanāya pahātabbo dhammo nabhāvanāya pahātabbassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati assādeti abhinandati, taṃ ārabbha nabhāvanāya pahātabbo rāgo uppajjati, diṭṭhi…pe… vicikicchā…pe… nabhāvanāya pahātabbaṃ domanassaṃ uppajjati, pubbe…pe… jhānā…pe… ariyā maggā vuṭṭhahitvā…pe… phalassa, āvajjanāya ārammaṇapaccayena paccayo; ariyā nabhāvanāya pahātabbe pahīne kilese…pe… cakkhuṃ…pe… vatthuṃ nabhāvanāya pahātabbe khandhe aniccato…pe… vipassati assādeti abhinandati, taṃ ārabbha nabhāvanāya pahātabbo rāgo uppajjati, diṭṭhi…pe… vicikicchā…pe… nabhāvanāya pahātabbaṃ domanassaṃ uppajjati; dibbena cakkhunā rūpaṃ passati…pe… yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឈានំ…បេ.… ចក្ខុំ…បេ.… វត្ថុំ នភាវនាយ បហាតព្ពេ ខន្ធេ អស្សាទេតិ អភិនន្ទតិ, តំ អារព្ភ ភាវនាយ បហាតព្ពោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, ភាវនាយ បហាតព្ពំ ទោមនស្សំ ឧប្បជ្ជតិ។ (២)

    Nabhāvanāya pahātabbo dhammo bhāvanāya pahātabbassa dhammassa ārammaṇapaccayena paccayo – dānaṃ…pe… sīlaṃ…pe… jhānaṃ…pe… cakkhuṃ…pe… vatthuṃ nabhāvanāya pahātabbe khandhe assādeti abhinandati, taṃ ārabbha bhāvanāya pahātabbo rāgo uppajjati, uddhaccaṃ uppajjati, bhāvanāya pahātabbaṃ domanassaṃ uppajjati. (2)

    អធិបតិបច្ចយោ

    Adhipatipaccayo

    ៣៩. ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អធិបតិបច្ចយេន បច្ចយោ – អារម្មណាធិបតិ សហជាតាធិបតិ។ អារម្មណាធិបតិ – ភាវនាយ បហាតព្ពំ រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា ភាវនាយ បហាតព្ពោ រាគោ ឧប្បជ្ជតិ។ សហជាតាធិបតិ – ភាវនាយ បហាតព្ពាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    39. Bhāvanāya pahātabbo dhammo bhāvanāya pahātabbassa dhammassa adhipatipaccayena paccayo – ārammaṇādhipati sahajātādhipati. Ārammaṇādhipati – bhāvanāya pahātabbaṃ rāgaṃ garuṃ katvā assādeti abhinandati, taṃ garuṃ katvā bhāvanāya pahātabbo rāgo uppajjati. Sahajātādhipati – bhāvanāya pahātabbādhipati sampayuttakānaṃ khandhānaṃ adhipatipaccayena paccayo. (1)

    ភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស អធិបតិបច្ចយេន បច្ចយោ – អារម្មណាធិបតិ , សហជាតាធិបតិ។ អារម្មណាធិបតិ – ភាវនាយ បហាតព្ពំ រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា នភាវនាយ បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – ភាវនាយ បហាតព្ពាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)

    Bhāvanāya pahātabbo dhammo nabhāvanāya pahātabbassa dhammassa adhipatipaccayena paccayo – ārammaṇādhipati , sahajātādhipati. Ārammaṇādhipati – bhāvanāya pahātabbaṃ rāgaṃ garuṃ katvā assādeti abhinandati, taṃ garuṃ katvā nabhāvanāya pahātabbo rāgo uppajjati, diṭṭhi uppajjati. Sahajātādhipati – bhāvanāya pahātabbādhipati cittasamuṭṭhānānaṃ rūpānaṃ adhipatipaccayena paccayo. (2)

    ភាវនាយ បហាតព្ពោ ធម្មោ ភាវនាយ បហាតព្ពស្ស ច នភាវនាយ បហាតព្ពស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – ភាវនាយ បហាតព្ពាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Bhāvanāya pahātabbo dhammo bhāvanāya pahātabbassa ca nabhāvanāya pahātabbassa ca dhammassa adhipatipaccayena paccayo. Sahajātādhipati – bhāvanāya pahātabbādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៤០. នភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ ទត្វា សីលំ…បេ.… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា នភាវនាយ បហាតព្ពោ រាគោ ឧប្បជ្ជតិ។ សហជាតាធិបតិ – នភាវនាយ បហាតព្ពាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    40. Nabhāvanāya pahātabbo dhammo nabhāvanāya pahātabbassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ…pe… uposathakammaṃ katvā taṃ garuṃ katvā paccavekkhati assādeti abhinandati, taṃ garuṃ katvā nabhāvanāya pahātabbo rāgo uppajjati. Sahajātādhipati – nabhāvanāya pahātabbādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ទានំ…បេ.… ឈានំ…បេ.… ចក្ខុំ…បេ.… វត្ថុំ នភាវនាយ បហាតព្ពេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ភាវនាយ បហាតព្ពោ រាគោ ឧប្បជ្ជតិ។ (២)

    Nabhāvanāya pahātabbo dhammo bhāvanāya pahātabbassa dhammassa adhipatipaccayena paccayo. Ārammaṇādhipati – dānaṃ…pe… jhānaṃ…pe… cakkhuṃ…pe… vatthuṃ nabhāvanāya pahātabbe khandhe garuṃ katvā assādeti abhinandati, taṃ garuṃ katvā bhāvanāya pahātabbo rāgo uppajjati. (2)

    អនន្តរបច្ចយាទិ

    Anantarapaccayādi

    ៤១. ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អនន្តរបច្ចយេន បច្ចយោ… ចត្តារិ (ទស្សនទុកសទិសា ភាវនា និន្នានាករណា)… សមនន្តរបច្ចយេន បច្ចយោ… ចត្តារិ… សហជាតបច្ចយេន បច្ចយោ… បញ្ច… អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ… សត្ត។

    41. Bhāvanāya pahātabbo dhammo bhāvanāya pahātabbassa dhammassa anantarapaccayena paccayo… cattāri (dassanadukasadisā bhāvanā ninnānākaraṇā)… samanantarapaccayena paccayo… cattāri… sahajātapaccayena paccayo… pañca… aññamaññapaccayena paccayo… dve… nissayapaccayena paccayo… satta.

    ឧបនិស្សយបច្ចយោ

    Upanissayapaccayo

    ៤២. ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ភាវនាយ បហាតព្ពោ រាគោ… ទោសោ… មោហោ… មានោ… បត្ថនា ភាវនាយ បហាតព្ពស្ស រាគស្ស … ទោសស្ស… មោហស្ស… មានស្ស… បត្ថនាយ ឧបនិស្សយបច្ចយេន បច្ចយោ។ (១)

    42. Bhāvanāya pahātabbo dhammo bhāvanāya pahātabbassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – bhāvanāya pahātabbo rāgo… doso… moho… māno… patthanā bhāvanāya pahātabbassa rāgassa … dosassa… mohassa… mānassa… patthanāya upanissayapaccayena paccayo. (1)

    ភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ភាវនាយ បហាតព្ពំ រាគំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ; ភាវនាយ បហាតព្ពំ ទោសំ… មោហំ… មានំ… បត្ថនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ; ភាវនាយ បហាតព្ពោ រាគោ…បេ.… បត្ថនា សទ្ធាយ…បេ.… បញ្ញាយ នភាវនាយ បហាតព្ពស្ស, រាគស្ស… ទោសស្ស… មោហស្ស… ទិដ្ឋិយា… បត្ថនាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស… ផលសមាបត្តិយា ឧបនិស្សយបច្ចយេន បច្ចយោ។ (២)

    Bhāvanāya pahātabbo dhammo nabhāvanāya pahātabbassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – bhāvanāya pahātabbaṃ rāgaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; bhāvanāya pahātabbaṃ dosaṃ… mohaṃ… mānaṃ… patthanaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; bhāvanāya pahātabbo rāgo…pe… patthanā saddhāya…pe… paññāya nabhāvanāya pahātabbassa, rāgassa… dosassa… mohassa… diṭṭhiyā… patthanāya… kāyikassa sukhassa… kāyikassa dukkhassa… maggassa… phalasamāpattiyā upanissayapaccayena paccayo. (2)

    ៤៣. នភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, ទិដ្ឋិំ គណ្ហាតិ; សីលំ…បេ.… បញ្ញំ, នភាវនាយ បហាតព្ពំ រាគំ… ទោសំ… មោហំ… ទិដ្ឋិំ… បត្ថនំ… កាយិកំ សុខំ… កាយិកំ ទុក្ខំ…បេ.… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ; សទ្ធា…បេ.… សេនាសនំ សទ្ធាយ…បេ.… បញ្ញាយ នភាវនាយ បហាតព្ពស្ស រាគស្ស… ទោសស្ស… មោហស្ស… ទិដ្ឋិយា… បត្ថនាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស… ផលសមាបត្តិយា ឧបនិស្សយបច្ចយេន បច្ចយោ។ (១)

    43. Nabhāvanāya pahātabbo dhammo nabhāvanāya pahātabbassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti, diṭṭhiṃ gaṇhāti; sīlaṃ…pe… paññaṃ, nabhāvanāya pahātabbaṃ rāgaṃ… dosaṃ… mohaṃ… diṭṭhiṃ… patthanaṃ… kāyikaṃ sukhaṃ… kāyikaṃ dukkhaṃ…pe… senāsanaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; saddhā…pe… senāsanaṃ saddhāya…pe… paññāya nabhāvanāya pahātabbassa rāgassa… dosassa… mohassa… diṭṭhiyā… patthanāya… kāyikassa sukhassa… kāyikassa dukkhassa… maggassa… phalasamāpattiyā upanissayapaccayena paccayo. (1)

    នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ , អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ…បេ.… សីលំ…បេ.… បញ្ញំ… រាគំ…បេ.… កាយិកំ សុខំ… កាយិកំ ទុក្ខំ… សេនាសនំ ឧបនិស្សាយ មានំ ជប្បេតិ; សទ្ធា…បេ.… សេនាសនំ ភាវនាយ បហាតព្ពស្ស រាគស្ស… ទោសស្ស… មោហស្ស… មានស្ស… បត្ថនាយ ឧបនិស្សយបច្ចយេន បច្ចយោ។ (២)

    Nabhāvanāya pahātabbo dhammo bhāvanāya pahātabbassa dhammassa upanissayapaccayena paccayo – ārammaṇūpanissayo , anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti…pe… sīlaṃ…pe… paññaṃ… rāgaṃ…pe… kāyikaṃ sukhaṃ… kāyikaṃ dukkhaṃ… senāsanaṃ upanissāya mānaṃ jappeti; saddhā…pe… senāsanaṃ bhāvanāya pahātabbassa rāgassa… dosassa… mohassa… mānassa… patthanāya upanissayapaccayena paccayo. (2)

    បុរេជាតបច្ចយាទិ

    Purejātapaccayādi

    ៤៤. នភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ នភាវនាយ បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ; នភាវនាយ បហាតព្ពំ ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ…បេ.… ផោដ្ឋព្ពាយតនំ កាយវិញ្ញាណស្ស…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ នភាវនាយ បហាតព្ពានំ ខន្ធានំ បុរេជាតបច្ចយេន បច្ចយោ។ (១)

    44. Nabhāvanāya pahātabbo dhammo nabhāvanāya pahātabbassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati assādeti abhinandati, taṃ ārabbha nabhāvanāya pahātabbo rāgo uppajjati, diṭṭhi uppajjati, vicikicchā uppajjati; nabhāvanāya pahātabbaṃ domanassaṃ uppajjati, dibbena cakkhunā rūpaṃ passati…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu nabhāvanāya pahātabbānaṃ khandhānaṃ purejātapaccayena paccayo. (1)

    នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ ភាវនាយ បហាតព្ពោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, ភាវនាយ បហាតព្ពំ ទោមនស្សំ ឧប្បជ្ជតិ។ វត្ថុបុរេជាតំ – វត្ថុ ភាវនាយ បហាតព្ពានំ ខន្ធានំ បុរេជាតបច្ចយេន បច្ចយោ។ (២)

    Nabhāvanāya pahātabbo dhammo bhāvanāya pahātabbassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha bhāvanāya pahātabbo rāgo uppajjati, uddhaccaṃ uppajjati, bhāvanāya pahātabbaṃ domanassaṃ uppajjati. Vatthupurejātaṃ – vatthu bhāvanāya pahātabbānaṃ khandhānaṃ purejātapaccayena paccayo. (2)

    ៤៥. បច្ឆាជាតបច្ចយេន បច្ចយោ… ទ្វេ, អាសេវនបច្ចយេន បច្ចយោ… ទ្វេ, កម្មបច្ចយេន បច្ចយោ – ភាវនាយ បហាតព្ពា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (មូលំ កាតព្ពំ។) ភាវនាយ បហាតព្ពា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ (មូលំ កាតព្ពំ។) ភាវនាយ បហាតព្ពា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    45. Pacchājātapaccayena paccayo… dve, āsevanapaccayena paccayo… dve, kammapaccayena paccayo – bhāvanāya pahātabbā cetanā sampayuttakānaṃ khandhānaṃ kammapaccayena paccayo. (Mūlaṃ kātabbaṃ.) Bhāvanāya pahātabbā cetanā cittasamuṭṭhānānaṃ rūpānaṃ kammapaccayena paccayo. (Mūlaṃ kātabbaṃ.) Bhāvanāya pahātabbā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    នភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នភាវនាយ បហាតព្ពា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – នភាវនាយ បហាតព្ពា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ… វិបាកបច្ចយេន បច្ចយោ… ឯកំ…បេ.… អវិគតបច្ចយេន បច្ចយោ។ (សព្ពបច្ចយា ទស្សនទុកសទិសា, ភាវនា និន្នានាករណា។)

    Nabhāvanāya pahātabbo dhammo nabhāvanāya pahātabbassa dhammassa kammapaccayena paccayo – sahajātā, nānākkhaṇikā. Sahajātā – nabhāvanāya pahātabbā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – nabhāvanāya pahātabbā cetanā vipākānaṃ khandhānaṃ kaṭattā ca rūpānaṃ kammapaccayena paccayo… vipākapaccayena paccayo… ekaṃ…pe… avigatapaccayena paccayo. (Sabbapaccayā dassanadukasadisā, bhāvanā ninnānākaraṇā.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៤៦. ហេតុយា ចត្តារិ, អារម្មណេ ចត្តារិ, អធិបតិយា បញ្ច, អនន្តរេ ចត្តារិ, សមនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ទ្វេ, កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ, វិគតេ ចត្តារិ, អវិគតេ សត្ត។

    46. Hetuyā cattāri, ārammaṇe cattāri, adhipatiyā pañca, anantare cattāri, samanantare cattāri, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane dve, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta.

    (បច្ចនីយវិភង្គោ ទស្សនទុកសទិសោ វិភជិតព្ពោ។ ឯវំ តីណិ គណនាបិ គណេតព្ពា។)

    (Paccanīyavibhaṅgo dassanadukasadiso vibhajitabbo. Evaṃ tīṇi gaṇanāpi gaṇetabbā.)

    ភាវនាយបហាតព្ពទុកំ និដ្ឋិតំ។

    Bhāvanāyapahātabbadukaṃ niṭṭhitaṃ.

    ៨៥. ទស្សនេនបហាតព្ពហេតុកទុកំ

    85. Dassanenapahātabbahetukadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៤៧. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    47. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati hetupaccayā – dassanena pahātabbahetukaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ។ (២)

    Dassanena pahātabbahetukaṃ dhammaṃ paṭicca nadassanena pahātabbahetuko dhammo uppajjati hetupaccayā – dassanena pahātabbahetuke khandhe paṭicca cittasamuṭṭhānaṃ rūpaṃ. (2)

    ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Dassanena pahātabbahetukaṃ dhammaṃ paṭicca dassanena pahātabbahetuko ca nadassanena pahātabbahetuko ca dhammā uppajjanti hetupaccayā – dassanena pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ៤៨. នទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – នទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… វិចិកិច្ឆាសហគតំ មោហំ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… (យាវ អជ្ឈត្តិកា មហាភូតា)។ (១)

    48. Nadassanena pahātabbahetukaṃ dhammaṃ paṭicca nadassanena pahātabbahetuko dhammo uppajjati hetupaccayā – nadassanena pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… vicikicchāsahagataṃ mohaṃ paṭicca cittasamuṭṭhānaṃ rūpaṃ; paṭisandhikkhaṇe…pe… (yāva ajjhattikā mahābhūtā). (1)

    នទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា។ (២)

    Nadassanena pahātabbahetukaṃ dhammaṃ paṭicca dassanena pahātabbahetuko dhammo uppajjati hetupaccayā – vicikicchāsahagataṃ mohaṃ paṭicca sampayuttakā khandhā. (2)

    នទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (៣)

    Nadassanena pahātabbahetukaṃ dhammaṃ paṭicca dassanena pahātabbahetuko ca nadassanena pahātabbahetuko ca dhammā uppajjanti hetupaccayā – vicikicchāsahagataṃ mohaṃ paṭicca sampayuttakā khandhā cittasamuṭṭhānañca rūpaṃ. (3)

    ៤៩. ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ (១)

    49. Dassanena pahātabbahetukañca nadassanena pahātabbahetukañca dhammaṃ paṭicca dassanena pahātabbahetuko dhammo uppajjati hetupaccayā – vicikicchāsahagataṃ ekaṃ khandhañca mohañca paṭicca tayo khandhā…pe… dve khandhe ca…pe…. (1)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, វិចិកិច្ឆាសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (២)

    Dassanena pahātabbahetukañca nadassanena pahātabbahetukañca dhammaṃ paṭicca nadassanena pahātabbahetuko dhammo uppajjati hetupaccayā – dassanena pahātabbahetuke khandhe ca mahābhūte ca paṭicca cittasamuṭṭhānaṃ rūpaṃ, vicikicchāsahagate khandhe ca mohañca paṭicca cittasamuṭṭhānaṃ rūpaṃ. (2)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.…។ (៣)

    Dassanena pahātabbahetukañca nadassanena pahātabbahetukañca dhammaṃ paṭicca dassanena pahātabbahetuko ca nadassanena pahātabbahetuko ca dhammā uppajjanti hetupaccayā – vicikicchāsahagataṃ ekaṃ khandhañca mohañca paṭicca tayo khandhā cittasamuṭṭhānañca rūpaṃ…pe… dve khandhe ca…pe…. (3)

    អារម្មណបច្ចយោ

    Ārammaṇapaccayo

    ៥០. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    50. Dassanena pahātabbahetukaṃ dhammaṃ paṭicca dassanena pahātabbahetuko dhammo uppajjati ārammaṇapaccayā – dassanena pahātabbahetukaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ។ (២)

    Dassanena pahātabbahetukaṃ dhammaṃ paṭicca nadassanena pahātabbahetuko dhammo uppajjati ārammaṇapaccayā – vicikicchāsahagate khandhe paṭicca vicikicchāsahagato moho. (2)

    ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា មោហោ ច…បេ.… ទ្វេ ខន្ធេ…បេ.…។ (៣)

    Dassanena pahātabbahetukaṃ dhammaṃ paṭicca dassanena pahātabbahetuko ca nadassanena pahātabbahetuko ca dhammā uppajjanti ārammaṇapaccayā – vicikicchāsahagataṃ ekaṃ khandhaṃ paṭicca tayo khandhā moho ca…pe… dve khandhe…pe…. (3)

    ៥១. នទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    51. Nadassanena pahātabbahetukaṃ dhammaṃ paṭicca nadassanena pahātabbahetuko dhammo uppajjati ārammaṇapaccayā – nadassanena pahātabbahetukaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. (1)

    នទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា។ (២)

    Nadassanena pahātabbahetukaṃ dhammaṃ paṭicca dassanena pahātabbahetuko dhammo uppajjati ārammaṇapaccayā – vicikicchāsahagataṃ mohaṃ paṭicca sampayuttakā khandhā. (2)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ (១) (សំខិត្តំ។)

    Dassanena pahātabbahetukañca nadassanena pahātabbahetukañca dhammaṃ paṭicca dassanena pahātabbahetuko dhammo uppajjati ārammaṇapaccayā – vicikicchāsahagataṃ ekaṃ khandhañca mohañca paṭicca tayo khandhā…pe… dve khandhe ca…pe…. (1) (Saṃkhittaṃ.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៥២. ហេតុយា នវ, អារម្មណេ ឆ, អធិបតិយា បញ្ច, អនន្តរេ ឆ, សមនន្តរេ ឆ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ ឆ, បុរេជាតេ ឆ, អាសេវនេ ឆ, កម្មេ នវ, វិបាកេ ឯកំ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ ឆ, វិប្បយុត្តេ នវ, អត្ថិយា នវ, នត្ថិយា ឆ, វិគតេ ឆ, អវិគតេ នវ។

    52. Hetuyā nava, ārammaṇe cha, adhipatiyā pañca, anantare cha, samanantare cha, sahajāte nava, aññamaññe cha, nissaye nava, upanissaye cha, purejāte cha, āsevane cha, kamme nava, vipāke ekaṃ, āhāre nava, indriye nava, jhāne nava, magge nava, sampayutte cha, vippayutte nava, atthiyā nava, natthiyā cha, vigate cha, avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៥៣. ទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ។ (១)

    53. Dassanena pahātabbahetukaṃ dhammaṃ paṭicca nadassanena pahātabbahetuko dhammo uppajjati nahetupaccayā – vicikicchāsahagate khandhe paṭicca vicikicchāsahagato moho. (1)

    នទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ នហេតុបច្ចយា អហេតុកំ នទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… (យាវ អសញ្ញសត្តា) ឧទ្ធច្ចសហគតេ ខន្ធេ បដិច្ច ឧទ្ធច្ចសហគតោ មោហោ។ (១)

    Nadassanena pahātabbahetukaṃ dhammaṃ paṭicca nadassanena pahātabbahetuko dhammo uppajjati nahetupaccayā ahetukaṃ nadassanena pahātabbahetukaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… (yāva asaññasattā) uddhaccasahagate khandhe paṭicca uddhaccasahagato moho. (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៥៤. នហេតុយា ទ្វេ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    54. Nahetuyā dve, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៥៥. ហេតុបច្ចយា នអារម្មណេ តីណិ, នអធិបតិយា នវ…បេ.… នបុរេជាតេ សត្ត…បេ.… នវិប្បយុត្តេ ចត្តារិ, នោនត្ថិយា តីណិ, នោវិគតេ តីណិ។

    55. Hetupaccayā naārammaṇe tīṇi, naadhipatiyā nava…pe… napurejāte satta…pe… navippayutte cattāri, nonatthiyā tīṇi, novigate tīṇi.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៥៦. នហេតុបច្ចយា អារម្មណេ ទ្វេ, អនន្តរេ ទ្វេ…បេ.… វិបាកេ ឯកំ…បេ.… មគ្គេ ទ្វេ…បេ.… អវិគតេ ទ្វេ។

    56. Nahetupaccayā ārammaṇe dve, anantare dve…pe… vipāke ekaṃ…pe… magge dve…pe… avigate dve.

    ២. សហជាតវារោ

    2. Sahajātavāro

    (សហជាតវារោ បដិច្ចវារសទិសោ។)

    (Sahajātavāro paṭiccavārasadiso.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៥៧. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា… តីណិ។

    57. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati hetupaccayā… tīṇi.

    នទស្សនេន បហាតព្ពហេតុកំ ធម្មំ បច្ចយា នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – នទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… (យាវ អជ្ឈត្តិកា មហាភូតា) វត្ថុំ បច្ចយា នទស្សនេន បហាតព្ពហេតុកា ខន្ធា។ (១)

    Nadassanena pahātabbahetukaṃ dhammaṃ paccayā nadassanena pahātabbahetuko dhammo uppajjati hetupaccayā – nadassanena pahātabbahetukaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā) vatthuṃ paccayā nadassanena pahātabbahetukā khandhā. (1)

    នទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា, វិចិកិច្ឆាសហគតំ មោហំ បច្ចយា សម្បយុត្តកា ខន្ធា។ (២)

    Nadassanena pahātabbahetukaṃ dhammaṃ paccayā dassanena pahātabbahetuko dhammo uppajjati hetupaccayā – vatthuṃ paccayā dassanena pahātabbahetukā khandhā, vicikicchāsahagataṃ mohaṃ paccayā sampayuttakā khandhā. (2)

    នទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា, មហាភូតេ បច្ចយា ចិត្តសមុដ្ឋានំ រូបំ, វិចិកិច្ឆាសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ។ (៣)

    Nadassanena pahātabbahetukaṃ dhammaṃ paccayā dassanena pahātabbahetuko ca nadassanena pahātabbahetuko ca dhammā uppajjanti hetupaccayā – vatthuṃ paccayā dassanena pahātabbahetukā khandhā, mahābhūte paccayā cittasamuṭṭhānaṃ rūpaṃ, vicikicchāsahagataṃ mohaṃ paccayā sampayuttakā khandhā cittasamuṭṭhānañca rūpaṃ. (3)

    ៥៨. ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… វិចិកិច្ឆាសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ (១)

    58. Dassanena pahātabbahetukañca nadassanena pahātabbahetukañca dhammaṃ paccayā dassanena pahātabbahetuko dhammo uppajjati hetupaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… dve khandhe ca…pe… vicikicchāsahagataṃ ekaṃ khandhañca vatthuñca paccayā tayo khandhā…pe… dve khandhe ca…pe…. (1)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បច្ចយា នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ , វិចិកិច្ឆាសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ។ (២)

    Dassanena pahātabbahetukañca nadassanena pahātabbahetukañca dhammaṃ paccayā nadassanena pahātabbahetuko dhammo uppajjati hetupaccayā – dassanena pahātabbahetuke khandhe ca mahābhūte ca paccayā cittasamuṭṭhānaṃ rūpaṃ , vicikicchāsahagate khandhe ca mohañca paccayā cittasamuṭṭhānaṃ rūpaṃ. (2)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.…។ (៣)

    Dassanena pahātabbahetukañca nadassanena pahātabbahetukañca dhammaṃ paccayā dassanena pahātabbahetuko ca nadassanena pahātabbahetuko ca dhammā uppajjanti hetupaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… dve khandhe ca…pe… dassanena pahātabbahetuke khandhe ca mahābhūte ca paccayā cittasamuṭṭhānaṃ rūpaṃ, vicikicchāsahagataṃ ekaṃ khandhañca mohañca paccayā tayo khandhā cittasamuṭṭhānañca rūpaṃ…pe… dve khandhe ca…pe…. (3)

    អារម្មណបច្ចយោ

    Ārammaṇapaccayo

    ៥៩. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា… តីណិ (បដិច្ចសទិសា)។

    59. Dassanena pahātabbahetukaṃ dhammaṃ paccayā dassanena pahātabbahetuko dhammo uppajjati ārammaṇapaccayā… tīṇi (paṭiccasadisā).

    នទស្សនេន បហាតព្ពហេតុកំ ធម្មំ បច្ចយា នទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ចក្ខាយតនំ បច្ចយា ចក្ខុវិញ្ញាណំ…បេ.… វត្ថុំ បច្ចយា នទស្សនេន បហាតព្ពហេតុកា ខន្ធា, វត្ថុំ បច្ចយា វិចិកិច្ឆាសហគតោ មោហោ។ នទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា, វិចិកិច្ឆាសហគតំ មោហំ បច្ចយា សម្បយុត្តកា ខន្ធា។ នទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វត្ថុំ បច្ចយា វិចិកិច្ឆាសហគតា ខន្ធា ច មោហោ ច។ (៣)

    Nadassanena pahātabbahetukaṃ dhammaṃ paccayā nadassanena pahātabbahetuko dhammo uppajjati ārammaṇapaccayā – nadassanena pahātabbahetukaṃ ekaṃ khandhaṃ paccayā tayo khandhā…pe… dve khandhe…pe… paṭisandhikkhaṇe…pe… cakkhāyatanaṃ paccayā cakkhuviññāṇaṃ…pe… vatthuṃ paccayā nadassanena pahātabbahetukā khandhā, vatthuṃ paccayā vicikicchāsahagato moho. Nadassanena pahātabbahetukaṃ dhammaṃ paccayā dassanena pahātabbahetuko dhammo uppajjati ārammaṇapaccayā – vatthuṃ paccayā dassanena pahātabbahetukā khandhā, vicikicchāsahagataṃ mohaṃ paccayā sampayuttakā khandhā. Nadassanena pahātabbahetukaṃ dhammaṃ paccayā dassanena pahātabbahetuko ca nadassanena pahātabbahetuko ca dhammā uppajjanti ārammaṇapaccayā – vatthuṃ paccayā vicikicchāsahagatā khandhā ca moho ca. (3)

    ៦០. ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ (១)

    60. Dassanena pahātabbahetukañca nadassanena pahātabbahetukañca dhammaṃ paccayā dassanena pahātabbahetuko dhammo uppajjati ārammaṇapaccayā – dassanena pahātabbahetukaṃ ekaṃ khandhañca vatthuñca paccayā tayo khandhā…pe… dve khandhe ca…pe… vicikicchāsahagataṃ ekaṃ khandhañca mohañca paccayā tayo khandhā…pe… dve khandhe ca…pe…. (1)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បច្ចយា នទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ។ (២)

    Dassanena pahātabbahetukañca nadassanena pahātabbahetukañca dhammaṃ paccayā nadassanena pahātabbahetuko dhammo uppajjati ārammaṇapaccayā – vicikicchāsahagate khandhe ca vatthuñca paccayā vicikicchāsahagato moho. (2)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ.… ទ្វេ ខន្ធេ ច…បេ.…។ (៣)

    Dassanena pahātabbahetukañca nadassanena pahātabbahetukañca dhammaṃ paccayā dassanena pahātabbahetuko ca nadassanena pahātabbahetuko ca dhammā uppajjanti ārammaṇapaccayā – vicikicchāsahagataṃ ekaṃ khandhañca vatthuñca paccayā tayo khandhā moho ca…pe… dve khandhe ca…pe…. (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៦១. ហេតុយា នវ, អារម្មណេ នវ, អធិបតិយា នវ (សព្ពត្ថ នវ), វិបាកេ ឯកំ…បេ.… អវិគតេ នវ។

    61. Hetuyā nava, ārammaṇe nava, adhipatiyā nava (sabbattha nava), vipāke ekaṃ…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៦២. ទស្សនេន បហាតព្ពហេតុកំ ធម្មំ បច្ចយា នទស្សនេន បហាតព្ពហេតុកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បច្ចយា វិចិកិច្ឆាសហគតោ មោហោ។ (១)

    62. Dassanena pahātabbahetukaṃ dhammaṃ paccayā nadassanena pahātabbahetuko dhammo uppajjati nahetupaccayā – vicikicchāsahagate khandhe paccayā vicikicchāsahagato moho. (1)

    នទស្សនេន បហាតព្ពហេតុកំ ធម្មំ បច្ចយា នទស្សនេន បហាតព្ពហេតុកោ ធម្មោ ឧប្បជ្ជតិ នហេតុបច្ចយា – អហេតុកំ នទស្សនេន បហាតព្ពហេតុកំ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នទស្សនេន បហាតព្ពហេតុកា ខន្ធា, ឧទ្ធច្ចសហគតេ ខន្ធេ ច វត្ថុញ្ច បច្ចយា ឧទ្ធច្ចសហគតោ មោហោ។ (១)

    Nadassanena pahātabbahetukaṃ dhammaṃ paccayā nadassanena pahātabbahetuko dhammo uppajjati nahetupaccayā – ahetukaṃ nadassanena pahātabbahetukaṃ…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā nadassanena pahātabbahetukā khandhā, uddhaccasahagate khandhe ca vatthuñca paccayā uddhaccasahagato moho. (1)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បច្ចយា នទស្សនេន បហាតព្ពហេតុកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ (សំខិត្តំ)។ (១)

    Dassanena pahātabbahetukañca nadassanena pahātabbahetukañca dhammaṃ paccayā nadassanena pahātabbahetuko dhammo uppajjati nahetupaccayā – vicikicchāsahagate khandhe ca vatthuñca paccayā vicikicchāsahagato moho (saṃkhittaṃ). (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៦៣. នហេតុយា តីណិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    63. Nahetuyā tīṇi, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយចតុក្កំ

    1-4. Paccayacatukkaṃ

    ហេតុបច្ចយោ

    Hetupaccayo

    ៦៤. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.…។ (១)

    64. Dassanena pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati hetupaccayā – dassanena pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    នទស្សនេន បហាតព្ពហេតុកំ ធម្មំ សំសដ្ឋោ នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – នទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Nadassanena pahātabbahetukaṃ dhammaṃ saṃsaṭṭho nadassanena pahātabbahetuko dhammo uppajjati hetupaccayā – nadassanena pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    នទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ មោហំ សំសដ្ឋា សម្បយុត្តកា ខន្ធា។ (២)

    Nadassanena pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati hetupaccayā – vicikicchāsahagataṃ mohaṃ saṃsaṭṭhā sampayuttakā khandhā. (2)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ.… ទ្វេ ខន្ធេ ច…បេ.…។ (១)

    Dassanena pahātabbahetukañca nadassanena pahātabbahetukañca dhammaṃ saṃsaṭṭho dassanena pahātabbahetuko dhammo uppajjati hetupaccayā – vicikicchāsahagataṃ ekaṃ khandhañca mohañca saṃsaṭṭhā tayo khandhā…pe… dve khandhe ca…pe…. (1)

    អារម្មណបច្ចយោ

    Ārammaṇapaccayo

    ៦៥. ទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា… តីណិ (បដិច្ចសទិសា)។

    65. Dassanena pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati ārammaṇapaccayā… tīṇi (paṭiccasadisā).

    នទស្សនេន បហាតព្ពហេតុកំ ធម្មំ សំសដ្ឋោ នទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Nadassanena pahātabbahetukaṃ dhammaṃ saṃsaṭṭho nadassanena pahātabbahetuko dhammo uppajjati ārammaṇapaccayā – nadassanena pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    នទស្សនេន បហាតព្ពហេតុកំ ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា (បដិច្ចសទិសំ)។ (២)

    Nadassanena pahātabbahetukaṃ dhammaṃ saṃsaṭṭho dassanena pahātabbahetuko dhammo uppajjati ārammaṇapaccayā (paṭiccasadisaṃ). (2)

    ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ សំសដ្ឋោ ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា (បដិច្ចសទិសំ, សំខិត្តំ)។ (១)

    Dassanena pahātabbahetukañca nadassanena pahātabbahetukañca dhammaṃ saṃsaṭṭho dassanena pahātabbahetuko dhammo uppajjati ārammaṇapaccayā (paṭiccasadisaṃ, saṃkhittaṃ). (1)

    ៦៦. ហេតុយា ចត្តារិ, អារម្មណេ ឆ, អធិបតិយា ទ្វេ, អនន្តរេ ឆ (សព្ពត្ថ ឆ), វិបាកេ ឯកំ…បេ.… អវិគតេ ឆ។

    66. Hetuyā cattāri, ārammaṇe cha, adhipatiyā dve, anantare cha (sabbattha cha), vipāke ekaṃ…pe… avigate cha.

    អនុលោមំ។

    Anulomaṃ.

    នហេតុបច្ចយោ

    Nahetupaccayo

    ៦៧. ទស្សនេន បហាតព្ពហេតុកំ ធម្មំ សំសដ្ឋោ នទស្សនេន បហាតព្ពហេតុកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ សំសដ្ឋោ វិចិកិច្ឆាសហគតោ មោហោ។ (១)

    67. Dassanena pahātabbahetukaṃ dhammaṃ saṃsaṭṭho nadassanena pahātabbahetuko dhammo uppajjati nahetupaccayā – vicikicchāsahagate khandhe saṃsaṭṭho vicikicchāsahagato moho. (1)

    នទស្សនេន បហាតព្ពហេតុកំ ធម្មំ សំសដ្ឋោ នទស្សនេន បហាតព្ពហេតុកោ ធម្មោ ឧប្បជ្ជតិ នហេតុបច្ចយា – អហេតុកំ នទស្សនេន បហាតព្ពហេតុកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… ឧទ្ធច្ចសហគតេ ខន្ធេ សំសដ្ឋោ ឧទ្ធច្ចសហគតោ មោហោ។ (១)

    Nadassanena pahātabbahetukaṃ dhammaṃ saṃsaṭṭho nadassanena pahātabbahetuko dhammo uppajjati nahetupaccayā – ahetukaṃ nadassanena pahātabbahetukaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… uddhaccasahagate khandhe saṃsaṭṭho uddhaccasahagato moho. (1)

    នហេតុយា ទ្វេ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នឈានេ ឯកំ, នមគ្គេ ឯកំ, នវិប្បយុត្តេ ឆ។

    Nahetuyā dve, naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, najhāne ekaṃ, namagge ekaṃ, navippayutte cha.

    បច្ចនីយំ។

    Paccanīyaṃ.

    ហេតុទុកំ

    Hetudukaṃ

    ហេតុបច្ចយា នអធិបតិយា ចត្តារិ, នបុរេជាតេ ចត្តារិ…បេ.… នវិប្បយុត្តេ ចត្តារិ។

    Hetupaccayā naadhipatiyā cattāri, napurejāte cattāri…pe… navippayutte cattāri.

    នហេតុទុកំ

    Nahetudukaṃ

    នហេតុបច្ចយា អារម្មណេ ទ្វេ, អនន្តរេ ទ្វេ…បេ.… វិបាកេ ឯកំ…បេ.… អវិគតេ ទ្វេ។

    Nahetupaccayā ārammaṇe dve, anantare dve…pe… vipāke ekaṃ…pe… avigate dve.

    ៦. សម្បយុត្តវារោ

    6. Sampayuttavāro

    (សម្បយុត្តវារោ សំសដ្ឋវារសទិសោ។)

    (Sampayuttavāro saṃsaṭṭhavārasadiso.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៦៨. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ហេតុបច្ចយេន បច្ចយោ – ទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (មូលំ កាតព្ពំ។) ទស្សនេន បហាតព្ពហេតុកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ។ (មូលំ កាតព្ពំ។) ទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    68. Dassanena pahātabbahetuko dhammo dassanena pahātabbahetukassa dhammassa hetupaccayena paccayo – dassanena pahātabbahetukā hetū sampayuttakānaṃ khandhānaṃ hetupaccayena paccayo. (Mūlaṃ kātabbaṃ.) Dassanena pahātabbahetukā hetū cittasamuṭṭhānānaṃ rūpānaṃ hetupaccayena paccayo. (Mūlaṃ kātabbaṃ.) Dassanena pahātabbahetukā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    ៦៩ . នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស ហេតុបច្ចយេន បច្ចយោ – នទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ, វិចិកិច្ឆាសហគតោ មោហោ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (មូលំ កាតព្ពំ។) វិចិកិច្ឆាសហគតោ មោហោ សម្បយុត្តកានំ ខន្ធានំ ហេតុបច្ចយេន បច្ចយោ។ (មូលំ កាតព្ពំ។) វិចិកិច្ឆាសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    69. Nadassanena pahātabbahetuko dhammo nadassanena pahātabbahetukassa dhammassa hetupaccayena paccayo – nadassanena pahātabbahetukā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo, vicikicchāsahagato moho cittasamuṭṭhānānaṃ rūpānaṃ hetupaccayena paccayo; paṭisandhikkhaṇe…pe…. (Mūlaṃ kātabbaṃ.) Vicikicchāsahagato moho sampayuttakānaṃ khandhānaṃ hetupaccayena paccayo. (Mūlaṃ kātabbaṃ.) Vicikicchāsahagato moho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    អារម្មណបច្ចយោ

    Ārammaṇapaccayo

    ៧០. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទស្សនេន បហាតព្ពហេតុកេ ខន្ធេ អារព្ភ ទស្សនេន បហាតព្ពហេតុកា ខន្ធា ឧប្បជ្ជន្តិ។ (មូលំ កាតព្ពំ។) ទស្សនេន បហាតព្ពហេតុកេ ខន្ធេ អារព្ភ នទស្សនេន បហាតព្ពហេតុកា ខន្ធា ច មោហោ ច ឧប្បជ្ជន្តិ។ (មូលំ កាតព្ពំ។) ទស្សនេន បហាតព្ពហេតុកេ ខន្ធេ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ (៣)

    70. Dassanena pahātabbahetuko dhammo dassanena pahātabbahetukassa dhammassa ārammaṇapaccayena paccayo – dassanena pahātabbahetuke khandhe ārabbha dassanena pahātabbahetukā khandhā uppajjanti. (Mūlaṃ kātabbaṃ.) Dassanena pahātabbahetuke khandhe ārabbha nadassanena pahātabbahetukā khandhā ca moho ca uppajjanti. (Mūlaṃ kātabbaṃ.) Dassanena pahātabbahetuke khandhe ārabbha vicikicchāsahagatā khandhā ca moho ca uppajjanti. (3)

    ៧១. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ កត្វា តំ បច្ចវេក្ខតិ, អស្សាទេតិ អភិនន្ទតិ, តំ អារព្ភ នទស្សនេន បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, នទស្សនេន បហាតព្ពហេតុកំ ទោមនស្សំ ឧប្បជ្ជតិ, បុព្ពេ សុចិណ្ណានិ …បេ.… ឈានា វុដ្ឋហិត្វា…បេ.… អរិយា មគ្គា វុដ្ឋហិត្វា មគ្គំ បច្ចវេក្ខន្តិ…បេ.… អរិយា នទស្សនេន បហាតព្ពហេតុកេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ.… បុព្ពេ សមុទាចិណ្ណេ កិលេសេ ជានន្តិ, ចក្ខុំ…បេ.… វត្ថុំ នទស្សនេន បហាតព្ពហេតុកេ ខន្ធេ ច មោហញ្ច អនិច្ចតោ…បេ.… វិបស្សតិ, អស្សាទេតិ អភិនន្ទតិ, តំ អារព្ភ នទស្សនេន បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, នទស្សនេន បហាតព្ពហេតុកំ ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ…បេ.… អនាគតំសញាណស្ស, អាវជ្ជនាយ, មោហស្ស ច អារម្មណបច្ចយេន បច្ចយោ។

    71. Nadassanena pahātabbahetuko dhammo nadassanena pahātabbahetukassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati, assādeti abhinandati, taṃ ārabbha nadassanena pahātabbahetuko rāgo uppajjati, uddhaccaṃ uppajjati, nadassanena pahātabbahetukaṃ domanassaṃ uppajjati, pubbe suciṇṇāni …pe… jhānā vuṭṭhahitvā…pe… ariyā maggā vuṭṭhahitvā maggaṃ paccavekkhanti…pe… ariyā nadassanena pahātabbahetuke pahīne kilese paccavekkhanti, vikkhambhite kilese…pe… pubbe samudāciṇṇe kilese jānanti, cakkhuṃ…pe… vatthuṃ nadassanena pahātabbahetuke khandhe ca mohañca aniccato…pe… vipassati, assādeti abhinandati, taṃ ārabbha nadassanena pahātabbahetuko rāgo uppajjati, uddhaccaṃ uppajjati, nadassanena pahātabbahetukaṃ domanassaṃ uppajjati, dibbena cakkhunā rūpaṃ passati…pe… anāgataṃsañāṇassa, āvajjanāya, mohassa ca ārammaṇapaccayena paccayo.

    នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ…បេ.… ឈានំ…បេ.… ចក្ខុំ…បេ.… វត្ថុំ នទស្សនេន បហាតព្ពហេតុកេ ខន្ធេ ច មោហញ្ច អស្សាទេតិ អភិនន្ទតិ, តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… ទស្សនេន បហាតព្ពហេតុកំ ទោមនស្សំ ឧប្បជ្ជតិ។

    Nadassanena pahātabbahetuko dhammo dassanena pahātabbahetukassa dhammassa ārammaṇapaccayena paccayo – dānaṃ…pe… jhānaṃ…pe… cakkhuṃ…pe… vatthuṃ nadassanena pahātabbahetuke khandhe ca mohañca assādeti abhinandati, taṃ ārabbha dassanena pahātabbahetuko rāgo uppajjati, diṭṭhi…pe… vicikicchā…pe… dassanena pahātabbahetukaṃ domanassaṃ uppajjati.

    នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ចក្ខុំ…បេ.… វត្ថុំ នទស្សនេន បហាតព្ពហេតុកេ ខន្ធេ ច មោហញ្ច អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ (៣)

    Nadassanena pahātabbahetuko dhammo dassanena pahātabbahetukassa ca nadassanena pahātabbahetukassa ca dhammassa ārammaṇapaccayena paccayo – cakkhuṃ…pe… vatthuṃ nadassanena pahātabbahetuke khandhe ca mohañca ārabbha vicikicchāsahagatā khandhā ca moho ca uppajjanti. (3)

    ៧២. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ខន្ធេ ច មោហញ្ច អារព្ភ ទស្សនេន បហាតព្ពហេតុកា ខន្ធា ឧប្បជ្ជន្តិ។ (មូលំ កាតព្ពំ។) វិចិកិច្ឆាសហគតេ ខន្ធេ ច មោហញ្ច អារព្ភ នទស្សនេន បហាតព្ពហេតុកា ខន្ធា ច មោហោ ច ឧប្បជ្ជន្តិ។ (មូលំ កាតព្ពំ។) វិចិកិច្ឆាសហគតេ ខន្ធេ ច មោហញ្ច អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ (៣)

    72. Dassanena pahātabbahetuko ca nadassanena pahātabbahetuko ca dhammā dassanena pahātabbahetukassa dhammassa ārammaṇapaccayena paccayo – vicikicchāsahagate khandhe ca mohañca ārabbha dassanena pahātabbahetukā khandhā uppajjanti. (Mūlaṃ kātabbaṃ.) Vicikicchāsahagate khandhe ca mohañca ārabbha nadassanena pahātabbahetukā khandhā ca moho ca uppajjanti. (Mūlaṃ kātabbaṃ.) Vicikicchāsahagate khandhe ca mohañca ārabbha vicikicchāsahagatā khandhā ca moho ca uppajjanti. (3)

    អធិបតិបច្ចយោ

    Adhipatipaccayo

    ៧៣. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទស្សនេន បហាតព្ពហេតុកេ ខន្ធេ គរុំ កត្វា ទស្សនេន បហាតព្ពហេតុកា ខន្ធា ឧប្បជ្ជន្តិ។ សហជាតាធិបតិ – ទស្សនេន បហាតព្ពហេតុកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    73. Dassanena pahātabbahetuko dhammo dassanena pahātabbahetukassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dassanena pahātabbahetuke khandhe garuṃ katvā dassanena pahātabbahetukā khandhā uppajjanti. Sahajātādhipati – dassanena pahātabbahetukādhipati sampayuttakānaṃ khandhānaṃ adhipatipaccayena paccayo. (1)

    ទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – ទស្សនេន បហាតព្ពហេតុកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)

    Dassanena pahātabbahetuko dhammo nadassanena pahātabbahetukassa dhammassa adhipatipaccayena paccayo. Sahajātādhipati – dassanena pahātabbahetukādhipati cittasamuṭṭhānānaṃ rūpānaṃ adhipatipaccayena paccayo. (2)

    ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – ទស្សនេន បហាតព្ពហេតុកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Dassanena pahātabbahetuko dhammo dassanena pahātabbahetukassa ca nadassanena pahātabbahetukassa ca dhammassa adhipatipaccayena paccayo. Sahajātādhipati – dassanena pahātabbahetukādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៧៤. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា នទស្សនេន បហាតព្ពហេតុកោ រាគោ ឧប្បជ្ជតិ, បុព្ពេ សុចិណ្ណានិ…បេ.… ឈានា…បេ.… អរិយា មគ្គា វុដ្ឋហិត្វា មគ្គំ គរុំ កត្វា…បេ.… ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ នទស្សនេន បហាតព្ពហេតុកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា នទស្សនេន បហាតព្ពហេតុកោ រាគោ ឧប្បជ្ជតិ។ សហជាតាធិបតិ – នទស្សនេន បហាតព្ពហេតុកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    74. Nadassanena pahātabbahetuko dhammo nadassanena pahātabbahetukassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā paccavekkhati assādeti abhinandati, taṃ garuṃ katvā nadassanena pahātabbahetuko rāgo uppajjati, pubbe suciṇṇāni…pe… jhānā…pe… ariyā maggā vuṭṭhahitvā maggaṃ garuṃ katvā…pe… phalassa adhipatipaccayena paccayo; cakkhuṃ…pe… vatthuṃ nadassanena pahātabbahetuke khandhe garuṃ katvā assādeti abhinandati, taṃ garuṃ katvā nadassanena pahātabbahetuko rāgo uppajjati. Sahajātādhipati – nadassanena pahātabbahetukādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ កត្វា…បេ.… ឈានា…បេ.… ចក្ខុំ…បេ.… វត្ថុំ នទស្សនេន បហាតព្ពហេតុកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)

    Nadassanena pahātabbahetuko dhammo dassanena pahātabbahetukassa dhammassa adhipatipaccayena paccayo. Ārammaṇādhipati – dānaṃ…pe… sīlaṃ…pe… uposathakammaṃ katvā…pe… jhānā…pe… cakkhuṃ…pe… vatthuṃ nadassanena pahātabbahetuke khandhe garuṃ katvā assādeti abhinandati, taṃ garuṃ katvā dassanena pahātabbahetuko rāgo uppajjati, diṭṭhi uppajjati. (2)

    អនន្តរបច្ចយោ

    Anantarapaccayo

    ៧៥. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទស្សនេន បហាតព្ពហេតុកា ខន្ធា បច្ឆិមានំ បច្ឆិមានំ ទស្សនេន បហាតព្ពហេតុកានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា វិចិកិច្ឆាសហគតា ខន្ធា បច្ឆិមស្ស បច្ឆិមស្ស វិចិកិច្ឆាសហគតស្ស មោហស្ស អនន្តរបច្ចយេន បច្ចយោ; ទស្សនេន បហាតព្ពហេតុកា ខន្ធា វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ ។) បុរិមា បុរិមា វិចិកិច្ឆាសហគតា ខន្ធា បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៣)

    75. Dassanena pahātabbahetuko dhammo dassanena pahātabbahetukassa dhammassa anantarapaccayena paccayo – purimā purimā dassanena pahātabbahetukā khandhā pacchimānaṃ pacchimānaṃ dassanena pahātabbahetukānaṃ khandhānaṃ anantarapaccayena paccayo. (Mūlaṃ kātabbaṃ.) Purimā purimā vicikicchāsahagatā khandhā pacchimassa pacchimassa vicikicchāsahagatassa mohassa anantarapaccayena paccayo; dassanena pahātabbahetukā khandhā vuṭṭhānassa anantarapaccayena paccayo. (Mūlaṃ kātabbaṃ .) Purimā purimā vicikicchāsahagatā khandhā pacchimānaṃ pacchimānaṃ vicikicchāsahagatānaṃ khandhānaṃ mohassa ca anantarapaccayena paccayo. (3)

    ៧៦. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ មោហោ បច្ឆិមស្ស បច្ឆិមស្ស វិចិកិច្ឆាសហគតស្ស មោហស្ស អនន្តរបច្ចយេន បច្ចយោ; បុរិមា បុរិមា នទស្សនេន បហាតព្ពហេតុកា ខន្ធា…បេ.… ផលសមាបត្តិយា អនន្តរបច្ចយេន បច្ចយោ។ (មូលំ កាតព្ពំ។) បុរិមោ បុរិមោ វិចិកិច្ឆាសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ អនន្តរបច្ចយេន បច្ចយោ; អាវជ្ជនា ទស្សនេន បហាតព្ពហេតុកានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ។) បុរិមោ បុរិមោ វិចិកិច្ឆាសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ; អាវជ្ជនា វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៣)

    76. Nadassanena pahātabbahetuko dhammo nadassanena pahātabbahetukassa dhammassa anantarapaccayena paccayo – purimo purimo vicikicchāsahagato moho pacchimassa pacchimassa vicikicchāsahagatassa mohassa anantarapaccayena paccayo; purimā purimā nadassanena pahātabbahetukā khandhā…pe… phalasamāpattiyā anantarapaccayena paccayo. (Mūlaṃ kātabbaṃ.) Purimo purimo vicikicchāsahagato moho pacchimānaṃ pacchimānaṃ vicikicchāsahagatānaṃ khandhānaṃ anantarapaccayena paccayo; āvajjanā dassanena pahātabbahetukānaṃ khandhānaṃ anantarapaccayena paccayo. (Mūlaṃ kātabbaṃ.) Purimo purimo vicikicchāsahagato moho pacchimānaṃ pacchimānaṃ vicikicchāsahagatānaṃ khandhānaṃ mohassa ca anantarapaccayena paccayo; āvajjanā vicikicchāsahagatānaṃ khandhānaṃ mohassa ca anantarapaccayena paccayo. (3)

    ៧៧. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមស្ស បច្ឆិមស្ស វិចិកិច្ឆាសហគតស្ស មោហស្ស អនន្តរបច្ចយេន បច្ចយោ; វិចិកិច្ឆាសហគតា ខន្ធា ច មោហោ ច វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៣)

    77. Dassanena pahātabbahetuko ca nadassanena pahātabbahetuko ca dhammā dassanena pahātabbahetukassa dhammassa anantarapaccayena paccayo – purimā purimā vicikicchāsahagatā khandhā ca moho ca pacchimānaṃ pacchimānaṃ vicikicchāsahagatānaṃ khandhānaṃ anantarapaccayena paccayo. (Mūlaṃ kātabbaṃ.) Purimā purimā vicikicchāsahagatā khandhā ca moho ca pacchimassa pacchimassa vicikicchāsahagatassa mohassa anantarapaccayena paccayo; vicikicchāsahagatā khandhā ca moho ca vuṭṭhānassa anantarapaccayena paccayo. (Mūlaṃ kātabbaṃ.) Purimā purimā vicikicchāsahagatā khandhā ca moho ca pacchimānaṃ pacchimānaṃ vicikicchāsahagatānaṃ khandhānaṃ mohassa ca anantarapaccayena paccayo. (3)

    សមនន្តរបច្ចយេន បច្ចយោ… នវ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… ឆ… និស្សយបច្ចយេន បច្ចយោ… នវ។

    Samanantarapaccayena paccayo… nava… sahajātapaccayena paccayo… nava… aññamaññapaccayena paccayo… cha… nissayapaccayena paccayo… nava.

    ឧបនិស្សយបច្ចយោ

    Upanissayapaccayo

    ៧៨. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ទស្សនេន បហាតព្ពហេតុកា ខន្ធា ទស្សនេន បហាតព្ពហេតុកានំ ខន្ធានំ ឧបនិស្សយបច្ចយេន បច្ចយោ។ (អវសេសេសុ ទ្វីសុ អនន្តរូបនិស្សយោ, បកតូបនិស្សយោ ។) (មូលំ កាតព្ពំ។) ទស្សនេន បហាតព្ពហេតុកា ខន្ធា នទស្សនេន បហាតព្ពហេតុកានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (មូលំ កាតព្ពំ។) ទស្សនេន បហាតព្ពហេតុកា ខន្ធា វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៣)

    78. Dassanena pahātabbahetuko dhammo dassanena pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – dassanena pahātabbahetukā khandhā dassanena pahātabbahetukānaṃ khandhānaṃ upanissayapaccayena paccayo. (Avasesesu dvīsu anantarūpanissayo, pakatūpanissayo .) (Mūlaṃ kātabbaṃ.) Dassanena pahātabbahetukā khandhā nadassanena pahātabbahetukānaṃ khandhānaṃ mohassa ca upanissayapaccayena paccayo. (Mūlaṃ kātabbaṃ.) Dassanena pahātabbahetukā khandhā vicikicchāsahagatānaṃ khandhānaṃ mohassa ca upanissayapaccayena paccayo. (3)

    ៧៩. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ មានំ ជប្បេតិ; សីលំ …បេ.… បញ្ញំ… នទស្សនេន បហាតព្ពហេតុកំ រាគំ… ទោសំ… មោហំ… មានំ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ; សទ្ធា…បេ.… សេនាសនំ សទ្ធាយ…បេ.… បញ្ញាយ នទស្សនេន បហាតព្ពហេតុកស្ស រាគស្ស…បេ.… បត្ថនាយ ផលសមាបត្តិយា ឧបនិស្សយបច្ចយេន បច្ចយោ។ (១)

    79. Nadassanena pahātabbahetuko dhammo nadassanena pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti mānaṃ jappeti; sīlaṃ …pe… paññaṃ… nadassanena pahātabbahetukaṃ rāgaṃ… dosaṃ… mohaṃ… mānaṃ… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti; saddhā…pe… senāsanaṃ saddhāya…pe… paññāya nadassanena pahātabbahetukassa rāgassa…pe… patthanāya phalasamāpattiyā upanissayapaccayena paccayo. (1)

    នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទិដ្ឋិំ គណ្ហាតិ; សីលំ…បេ.… បញ្ញំ… នទស្សនេន បហាតព្ពហេតុកំ រាគំ… ទោសំ… មោហំ… មានំ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; សទ្ធា…បេ.… សេនាសនំ ទស្សនេន បហាតព្ពហេតុកស្ស រាគស្ស… ទោសស្ស… មោហស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ។ (២)

    Nadassanena pahātabbahetuko dhammo dassanena pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya diṭṭhiṃ gaṇhāti; sīlaṃ…pe… paññaṃ… nadassanena pahātabbahetukaṃ rāgaṃ… dosaṃ… mohaṃ… mānaṃ… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya pāṇaṃ hanati…pe… saṅghaṃ bhindati; saddhā…pe… senāsanaṃ dassanena pahātabbahetukassa rāgassa… dosassa… mohassa… diṭṭhiyā… patthanāya upanissayapaccayena paccayo. (2)

    នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធា…បេ.… បញ្ញា, នទស្សនេន បហាតព្ពហេតុកោ រាគោ… ទោសោ… មោហោ… មានោ… បត្ថនា… កាយិកំ សុខំ…បេ.… សេនាសនំ, វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៣)

    Nadassanena pahātabbahetuko dhammo dassanena pahātabbahetukassa ca nadassanena pahātabbahetukassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – saddhā…pe… paññā, nadassanena pahātabbahetuko rāgo… doso… moho… māno… patthanā… kāyikaṃ sukhaṃ…pe… senāsanaṃ, vicikicchāsahagatānaṃ khandhānaṃ mohassa ca upanissayapaccayena paccayo. (3)

    ៨០. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – វិចិកិច្ឆាសហគតា ខន្ធា ច មោហោ ច ទស្សនេន បហាតព្ពហេតុកានំ ខន្ធានំ ឧបនិស្សយបច្ចយេន បច្ចយោ។ (មូលំ កាតព្ពំ។) វិចិកិច្ឆាសហគតា ខន្ធា ច មោហោ ច នទស្សនេន បហាតព្ពហេតុកានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (មូលំ កាតព្ពំ។) វិចិកិច្ឆាសហគតា ខន្ធា ច មោហោ ច វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៣)

    80. Dassanena pahātabbahetuko ca nadassanena pahātabbahetuko ca dhammā dassanena pahātabbahetukassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – vicikicchāsahagatā khandhā ca moho ca dassanena pahātabbahetukānaṃ khandhānaṃ upanissayapaccayena paccayo. (Mūlaṃ kātabbaṃ.) Vicikicchāsahagatā khandhā ca moho ca nadassanena pahātabbahetukānaṃ khandhānaṃ mohassa ca upanissayapaccayena paccayo. (Mūlaṃ kātabbaṃ.) Vicikicchāsahagatā khandhā ca moho ca vicikicchāsahagatānaṃ khandhānaṃ mohassa ca upanissayapaccayena paccayo. (3)

    បុរេជាតបច្ចយោ

    Purejātapaccayo

    ៨១. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… វិបស្សតិ, អស្សាទេតិ អភិនន្ទតិ, តំ អារព្ភ នទស្សនេន បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, នទស្សនេន បហាតព្ពហេតុកំ ទោមនស្សំ ឧប្បជ្ជតិ; ទិព្ពេន…បេ.…។ (សំខិត្តំ។ វត្ថុបុរេជាតំ សំខិត្តំ។) (១)

    81. Nadassanena pahātabbahetuko dhammo nadassanena pahātabbahetukassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati, assādeti abhinandati, taṃ ārabbha nadassanena pahātabbahetuko rāgo uppajjati, uddhaccaṃ uppajjati, nadassanena pahātabbahetukaṃ domanassaṃ uppajjati; dibbena…pe…. (Saṃkhittaṃ. Vatthupurejātaṃ saṃkhittaṃ.) (1)

    នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… ទស្សនេន បហាតព្ពហេតុកំ ទោមនស្សំ ឧប្បជ្ជតិ។ (វត្ថុបុរេជាតំ សំខិត្តំ។) (២)

    Nadassanena pahātabbahetuko dhammo dassanena pahātabbahetukassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha dassanena pahātabbahetuko rāgo uppajjati, diṭṭhi…pe… vicikicchā…pe… dassanena pahātabbahetukaṃ domanassaṃ uppajjati. (Vatthupurejātaṃ saṃkhittaṃ.) (2)

    នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ។ (វត្ថុបុរេជាតំ សំខិត្តំ។) (៣)

    Nadassanena pahātabbahetuko dhammo dassanena pahātabbahetukassa ca nadassanena pahātabbahetukassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ ārabbha vicikicchāsahagatā khandhā ca moho ca uppajjanti. (Vatthupurejātaṃ saṃkhittaṃ.) (3)

    បច្ឆាជាតាសេវនបច្ចយា

    Pacchājātāsevanapaccayā

    ៨២. ទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)។ ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា នទស្សនេន បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)… អាសេវនបច្ចយេន បច្ចយោ។

    82. Dassanena pahātabbahetuko dhammo nadassanena pahātabbahetukassa dhammassa pacchājātapaccayena paccayo (saṃkhittaṃ). Nadassanena pahātabbahetuko dhammo nadassanena pahātabbahetukassa dhammassa pacchājātapaccayena paccayo (saṃkhittaṃ). Dassanena pahātabbahetuko ca nadassanena pahātabbahetuko ca dhammā nadassanena pahātabbahetukassa dhammassa pacchājātapaccayena paccayo (saṃkhittaṃ)… āsevanapaccayena paccayo.

    កម្មបច្ចយាទិ

    Kammapaccayādi

    ៨៣. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស កម្មបច្ចយេន បច្ចយោ – ទស្សនេន បហាតព្ពហេតុកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (មូលំ កាតព្ពំ។) សហជាតា, នានាក្ខណិកា។ សហជាតា – ទស្សនេន បហាតព្ពហេតុកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ នានាក្ខណិកា – ទស្សនេន បហាតព្ពហេតុកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស កម្មបច្ចយេន បច្ចយោ – ទស្សនេន បហាតព្ពហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    83. Dassanena pahātabbahetuko dhammo dassanena pahātabbahetukassa dhammassa kammapaccayena paccayo – dassanena pahātabbahetukā cetanā sampayuttakānaṃ khandhānaṃ kammapaccayena paccayo. (Mūlaṃ kātabbaṃ.) Sahajātā, nānākkhaṇikā. Sahajātā – dassanena pahātabbahetukā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – dassanena pahātabbahetukā cetanā vipākānaṃ khandhānaṃ kaṭattā ca rūpānaṃ kammapaccayena paccayo. Dassanena pahātabbahetuko dhammo dassanena pahātabbahetukassa ca nadassanena pahātabbahetukassa ca dhammassa kammapaccayena paccayo – dassanena pahātabbahetukā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នទស្សនេន បហាតព្ពហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – នទស្សនេន បហាតព្ពហេតុកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

    Nadassanena pahātabbahetuko dhammo nadassanena pahātabbahetukassa dhammassa kammapaccayena paccayo – sahajātā, nānākkhaṇikā. Sahajātā – nadassanena pahātabbahetukā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – nadassanena pahātabbahetukā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    វិបាកបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ… ឆ… វិប្បយុត្តបច្ចយេន បច្ចយោ… បញ្ច។

    Vipākapaccayena paccayo… āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo… cha… vippayuttapaccayena paccayo… pañca.

    អត្ថិបច្ចយាទិ

    Atthipaccayādi

    ៨៤. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ… តីណិ។

    84. Dassanena pahātabbahetuko dhammo dassanena pahātabbahetukassa dhammassa atthipaccayena paccayo… tīṇi.

    នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ)។ នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ)។ (៣)

    Nadassanena pahātabbahetuko dhammo nadassanena pahātabbahetukassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). Nadassanena pahātabbahetuko dhammo dassanena pahātabbahetukassa dhammassa atthipaccayena paccayo – sahajātaṃ, purejātaṃ (saṃkhittaṃ). Nadassanena pahātabbahetuko dhammo dassanena pahātabbahetukassa ca nadassanena pahātabbahetukassa ca dhammassa atthipaccayena paccayo – sahajātaṃ, purejātaṃ (saṃkhittaṃ). (3)

    ៨៥. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ទស្សនេន បហាតព្ពហេតុកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.… វិចិកិច្ឆាសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា នទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ)។ (៣)

    85. Dassanena pahātabbahetuko ca nadassanena pahātabbahetuko ca dhammā dassanena pahātabbahetukassa dhammassa atthipaccayena paccayo – sahajātaṃ, purejātaṃ. Sahajāto – dassanena pahātabbahetuko eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe… vicikicchāsahagato eko khandho ca moho ca tiṇṇannaṃ khandhānaṃ atthipaccayena paccayo…pe… dve khandhā ca…pe…. Dassanena pahātabbahetuko ca nadassanena pahātabbahetuko ca dhammā nadassanena pahātabbahetukassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). Dassanena pahātabbahetuko ca nadassanena pahātabbahetuko ca dhammā dassanena pahātabbahetukassa ca nadassanena pahātabbahetukassa ca dhammassa atthipaccayena paccayo – sahajātaṃ, purejātaṃ (saṃkhittaṃ). (3)

    នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។

    Natthipaccayena paccayo… vigatapaccayena paccayo… avigatapaccayena paccayo.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៨៦. ហេតុយា ឆ, អារម្មណេ នវ, អធិបតិយា បញ្ច, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ឆ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    86. Hetuyā cha, ārammaṇe nava, adhipatiyā pañca, anantare nava, samanantare nava, sahajāte nava, aññamaññe cha, nissaye nava, upanissaye nava, purejāte tīṇi, pacchājāte tīṇi, āsevane nava, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte cha, vippayutte pañca, atthiyā nava, natthiyā nava, vigate nava, avigate nava.

    បច្ចនីយុទ្ធារោ

    Paccanīyuddhāro

    ៨៧. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ ទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    87. Dassanena pahātabbahetuko dhammo dassanena pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. Dassanena pahātabbahetuko dhammo nadassanena pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. Dassanena pahātabbahetuko dhammo dassanena pahātabbahetukassa ca nadassanena pahātabbahetukassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ៨៨. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

    88. Nadassanena pahātabbahetuko dhammo nadassanena pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. Nadassanena pahātabbahetuko dhammo dassanena pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. Nadassanena pahātabbahetuko dhammo dassanena pahātabbahetukassa ca nadassanena pahātabbahetukassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ៨៩. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា នទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    89. Dassanena pahātabbahetuko ca nadassanena pahātabbahetuko ca dhammā dassanena pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. Dassanena pahātabbahetuko ca nadassanena pahātabbahetuko ca dhammā nadassanena pahātabbahetukassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. Dassanena pahātabbahetuko ca nadassanena pahātabbahetuko ca dhammā dassanena pahātabbahetukassa ca nadassanena pahātabbahetukassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៩០. នហេតុយា នវ, នអារម្មណេ នវ (សព្ពត្ថ នវ), នោអវិគតេ នវ។

    90. Nahetuyā nava, naārammaṇe nava (sabbattha nava), noavigate nava.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៩១. ហេតុបច្ចយា នអារម្មណេ ឆ, នអធិបតិយា ឆ, នអនន្តរេ ឆ, នសមនន្តរេ ឆ, នអញ្ញមញ្ញេ ទ្វេ, នឧបនិស្សយេ ឆ…បេ.… នសម្បយុត្តេ ទ្វេ, នវិប្បយុត្តេ តីណិ, នោនត្ថិយា ឆ, នោវិគតេ ឆ។

    91. Hetupaccayā naārammaṇe cha, naadhipatiyā cha, naanantare cha, nasamanantare cha, naaññamaññe dve, naupanissaye cha…pe… nasampayutte dve, navippayutte tīṇi, nonatthiyā cha, novigate cha.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៩២. នហេតុបច្ចយា អារម្មណេ នវ, អធិបតិយា បញ្ច (អនុលោមមាតិកា)…បេ.… អវិគតេ នវ។

    92. Nahetupaccayā ārammaṇe nava, adhipatiyā pañca (anulomamātikā)…pe… avigate nava.

    ទស្សនេនបហាតព្ពហេតុកទុកំ និដ្ឋិតំ។

    Dassanenapahātabbahetukadukaṃ niṭṭhitaṃ.

    ៨៦. ភាវនាយបហាតព្ពហេតុកទុកំ

    86. Bhāvanāyapahātabbahetukadukaṃ

    ១-៦. បដិច្ចវារាទិ

    1-6. Paṭiccavārādi

    ៩៣. ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។

    93. Bhāvanāya pahātabbahetukaṃ dhammaṃ paṭicca bhāvanāya pahātabbahetuko dhammo uppajjati hetupaccayā – bhāvanāya pahātabbahetukaṃ ekaṃ khandhaṃ paṭicca tayo khandhā…pe… dve khandhe…pe….

    ២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

    2-6. Sahajāta-paccaya-nissaya-saṃsaṭṭha-sampayuttavāro

    (ឯវំ បដិច្ចវារោបិ សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ ទស្សនេន បហាតព្ពហេតុកទុកសទិសា។ ឧទ្ធច្ចសហគតោ មោហោ វិចិកិច្ឆាសហគតមោហដ្ឋានេ ឋបេតព្ពោ។)

    (Evaṃ paṭiccavāropi sahajātavāropi paccayavāropi nissayavāropi saṃsaṭṭhavāropi sampayuttavāropi dassanena pahātabbahetukadukasadisā. Uddhaccasahagato moho vicikicchāsahagatamohaṭṭhāne ṭhapetabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៩៤. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស ហេតុបច្ចយេន បច្ចយោ… ឆ…បេ.… (ទស្សនេន បហាតព្ពហេតុកទុកសទិសា)។

    94. Bhāvanāya pahātabbahetuko dhammo bhāvanāya pahātabbahetukassa dhammassa hetupaccayena paccayo… cha…pe… (dassanena pahātabbahetukadukasadisā).

    អារម្មណបច្ចយោ

    Ārammaṇapaccayo

    ៩៥. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ… តីណិ (អារព្ភ ទស្សនេន បហាតព្ពហេតុកទុកសទិសា)។

    95. Bhāvanāya pahātabbahetuko dhammo bhāvanāya pahātabbahetukassa dhammassa ārammaṇapaccayena paccayo… tīṇi (ārabbha dassanena pahātabbahetukadukasadisā).

    ៩៦. នភាវនាយ បហាតព្ពហេតុកោ ធម្មោ នភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ នភាវនាយ បហាតព្ពហេតុកោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… នភាវនាយ បហាតព្ពហេតុកំ ទោមនស្សំ ឧប្បជ្ជតិ, បុព្ពេ សុចិណ្ណានិ…បេ.… ឈានា…បេ.… អរិយា មគ្គា…បេ.… ផលស្ស, អាវជ្ជនាយ អារម្មណបច្ចយេន បច្ចយោ; អរិយា នភាវនាយ បហាតព្ពហេតុកេ បហីនេ កិលេសេ…បេ.… បុព្ពេ សមុទាចិណ្ណេ…បេ.… ចក្ខុំ…បេ.… វត្ថុំ នភាវនាយ បហាតព្ពហេតុកេ ខន្ធេ ច មោហញ្ច អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ នភាវនាយ បហាតព្ពហេតុកោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… នភាវនាយ បហាតព្ពហេតុកំ ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ…បេ.… អនាគតំសញាណស្ស, អាវជ្ជនាយ, មោហស្ស ច អារម្មណបច្ចយេន បច្ចយោ។ (១)

    96. Nabhāvanāya pahātabbahetuko dhammo nabhāvanāya pahātabbahetukassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati assādeti abhinandati, taṃ ārabbha nabhāvanāya pahātabbahetuko rāgo uppajjati, diṭṭhi…pe… vicikicchā…pe… nabhāvanāya pahātabbahetukaṃ domanassaṃ uppajjati, pubbe suciṇṇāni…pe… jhānā…pe… ariyā maggā…pe… phalassa, āvajjanāya ārammaṇapaccayena paccayo; ariyā nabhāvanāya pahātabbahetuke pahīne kilese…pe… pubbe samudāciṇṇe…pe… cakkhuṃ…pe… vatthuṃ nabhāvanāya pahātabbahetuke khandhe ca mohañca aniccato…pe… vipassati assādeti abhinandati, taṃ ārabbha nabhāvanāya pahātabbahetuko rāgo uppajjati, diṭṭhi…pe… vicikicchā…pe… nabhāvanāya pahātabbahetukaṃ domanassaṃ uppajjati; dibbena cakkhunā rūpaṃ passati…pe… anāgataṃsañāṇassa, āvajjanāya, mohassa ca ārammaṇapaccayena paccayo. (1)

    នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឈានំ…បេ.… ចក្ខុំ…បេ.… វត្ថុំ នភាវនាយ បហាតព្ពហេតុកេ ខន្ធេ ច មោហញ្ច អស្សាទេតិ អភិនន្ទតិ, តំ អារព្ភ ភាវនាយ បហាតព្ពហេតុកោ រាគោ ឧប្បជ្ជតិ, ឧទ្ធច្ចំ…បេ.… ភាវនាយ បហាតព្ពហេតុកំ ទោមនស្សំ ឧប្បជ្ជតិ។ (២)

    Nabhāvanāya pahātabbahetuko dhammo bhāvanāya pahātabbahetukassa dhammassa ārammaṇapaccayena paccayo – dānaṃ…pe… sīlaṃ…pe… jhānaṃ…pe… cakkhuṃ…pe… vatthuṃ nabhāvanāya pahātabbahetuke khandhe ca mohañca assādeti abhinandati, taṃ ārabbha bhāvanāya pahātabbahetuko rāgo uppajjati, uddhaccaṃ…pe… bhāvanāya pahātabbahetukaṃ domanassaṃ uppajjati. (2)

    នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នភាវនាយ បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ចក្ខុំ…បេ.… វត្ថុំ នភាវនាយ បហាតព្ពហេតុកេ ខន្ធេ ច មោហញ្ច អារព្ភ ឧទ្ធច្ចសហគតា ខន្ធា ច មោហោ ច ឧប្បជ្ជន្តិ (ឃដនារម្មណា តីណិបិ កាតព្ពា)។ (៣)

    Nabhāvanāya pahātabbahetuko dhammo bhāvanāya pahātabbahetukassa ca nabhāvanāya pahātabbahetukassa ca dhammassa ārammaṇapaccayena paccayo – cakkhuṃ…pe… vatthuṃ nabhāvanāya pahātabbahetuke khandhe ca mohañca ārabbha uddhaccasahagatā khandhā ca moho ca uppajjanti (ghaṭanārammaṇā tīṇipi kātabbā). (3)

    អធិបតិបច្ចយាទិ

    Adhipatipaccayādi

    ៩៧. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ភាវនាយ បហាតព្ពហេតុកំ រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា ភាវនាយ បហាតព្ពហេតុកោ រាគោ ឧប្បជ្ជតិ។ សហជាតាធិបតិ – ភាវនាយ បហាតព្ពហេតុកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    97. Bhāvanāya pahātabbahetuko dhammo bhāvanāya pahātabbahetukassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – bhāvanāya pahātabbahetukaṃ rāgaṃ garuṃ katvā assādeti abhinandati, taṃ garuṃ katvā bhāvanāya pahātabbahetuko rāgo uppajjati. Sahajātādhipati – bhāvanāya pahātabbahetukādhipati sampayuttakānaṃ khandhānaṃ adhipatipaccayena paccayo. (1)

    ភាវនាយ បហាតព្ពហេតុកោ ធម្មោ នភាវនាយ បហាតព្ពហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ភាវនាយ បហាតព្ពហេតុកំ រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា នភាវនាយ បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – ភាវនាយ បហាតព្ពហេតុកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)

    Bhāvanāya pahātabbahetuko dhammo nabhāvanāya pahātabbahetukassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – bhāvanāya pahātabbahetukaṃ rāgaṃ garuṃ katvā assādeti abhinandati, taṃ garuṃ katvā nabhāvanāya pahātabbahetuko rāgo uppajjati, diṭṭhi uppajjati. Sahajātādhipati – bhāvanāya pahātabbahetukādhipati cittasamuṭṭhānānaṃ rūpānaṃ adhipatipaccayena paccayo. (2)

    ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នភាវនាយ បហាតព្ពហេតុកស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – ភាវនាយ បហាតព្ពហេតុកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Bhāvanāya pahātabbahetuko dhammo bhāvanāya pahātabbahetukassa ca nabhāvanāya pahātabbahetukassa ca dhammassa adhipatipaccayena paccayo. Sahajātādhipati – bhāvanāya pahātabbahetukādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៩៨. នភាវនាយ បហាតព្ពហេតុកោ ធម្មោ នភាវនាយ បហាតព្ពហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា នភាវនាយ បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ, បុព្ពេ…បេ.… ឈានា…បេ.… អរិយា មគ្គា វុដ្ឋហិត្វា…បេ.… ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ នភាវនាយ បហាតព្ពហេតុកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា នភាវនាយ បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នភាវនាយ បហាតព្ពហេតុកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    98. Nabhāvanāya pahātabbahetuko dhammo nabhāvanāya pahātabbahetukassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā paccavekkhati assādeti abhinandati, taṃ garuṃ katvā nabhāvanāya pahātabbahetuko rāgo uppajjati, diṭṭhi uppajjati, pubbe…pe… jhānā…pe… ariyā maggā vuṭṭhahitvā…pe… phalassa adhipatipaccayena paccayo; cakkhuṃ…pe… vatthuṃ nabhāvanāya pahātabbahetuke khandhe garuṃ katvā assādeti abhinandati, taṃ garuṃ katvā nabhāvanāya pahātabbahetuko rāgo uppajjati, diṭṭhi uppajjati. Sahajātādhipati – nabhāvanāya pahātabbahetukādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ – ទានំ…បេ.… ឈានំ…បេ.… ចក្ខុំ…បេ.… វត្ថុំ នភាវនាយ បហាតព្ពហេតុកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ភាវនាយ បហាតព្ពហេតុកោ រាគោ ឧប្បជ្ជតិ។ (២)

    Nabhāvanāya pahātabbahetuko dhammo bhāvanāya pahātabbahetukassa dhammassa adhipatipaccayena paccayo – ārammaṇādhipati – dānaṃ…pe… jhānaṃ…pe… cakkhuṃ…pe… vatthuṃ nabhāvanāya pahātabbahetuke khandhe garuṃ katvā assādeti abhinandati, taṃ garuṃ katvā bhāvanāya pahātabbahetuko rāgo uppajjati. (2)

    (អនន្តរបច្ចយេ នភាវនាយ បហាតព្ពហេតុកការណា វិចិកិច្ឆាសហគតោ មោហោ ន កាតព្ពោ, ឧទ្ធច្ចសហគតោ មោហោ កាតព្ពោ។) សមនន្តរបច្ចយេន បច្ចយោ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… ឆ… និស្សយបច្ចយេន បច្ចយោ… នវ។

    (Anantarapaccaye nabhāvanāya pahātabbahetukakāraṇā vicikicchāsahagato moho na kātabbo, uddhaccasahagato moho kātabbo.) Samanantarapaccayena paccayo… sahajātapaccayena paccayo… nava… aññamaññapaccayena paccayo… cha… nissayapaccayena paccayo… nava.

    ឧបនិស្សយបច្ចយោ

    Upanissayapaccayo

    ៩៩. ភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ភាវនាយ បហាតព្ពហេតុកា ខន្ធា ភាវនាយ បហាតព្ពហេតុកានំ ខន្ធានំ ឧបនិស្សយបច្ចយេន បច្ចយោ។ (មូលំ កាតព្ពំ។) ភាវនាយ បហាតព្ពហេតុកា ខន្ធា នភាវនាយ បហាតព្ពហេតុកានំ ខន្ធានំ មោហស្ស ច ឧបនិស្សយបច្ចយេន បច្ចយោ; សកភណ្ឌេ ឆន្ទរាគោ បរភណ្ឌេ ឆន្ទរាគស្ស ឧបនិស្សយបច្ចយេន បច្ចយោ; សកបរិគ្គហេ ឆន្ទរាគោ បរបរិគ្គហេ ឆន្ទរាគស្ស ឧបនិស្សយបច្ចយេន បច្ចយោ។ (មូលំ កាតព្ពំ។) ភាវនាយ បហាតព្ពហេតុកា ខន្ធា ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៣)

    99. Bhāvanāya pahātabbahetuko dhammo bhāvanāya pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – bhāvanāya pahātabbahetukā khandhā bhāvanāya pahātabbahetukānaṃ khandhānaṃ upanissayapaccayena paccayo. (Mūlaṃ kātabbaṃ.) Bhāvanāya pahātabbahetukā khandhā nabhāvanāya pahātabbahetukānaṃ khandhānaṃ mohassa ca upanissayapaccayena paccayo; sakabhaṇḍe chandarāgo parabhaṇḍe chandarāgassa upanissayapaccayena paccayo; sakapariggahe chandarāgo parapariggahe chandarāgassa upanissayapaccayena paccayo. (Mūlaṃ kātabbaṃ.) Bhāvanāya pahātabbahetukā khandhā uddhaccasahagatānaṃ khandhānaṃ mohassa ca upanissayapaccayena paccayo. (3)

    ១០០. នភាវនាយ បហាតព្ពហេតុកោ ធម្មោ នភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, ទិដ្ឋិំ គណ្ហាតិ; សីលំ…បេ.… បញ្ញំ… នភាវនាយ បហាតព្ពហេតុកំ រាគំ… ទោសំ… មោហំ… ទិដ្ឋិំ… បត្ថនំ… កាយិកំ សុខំ… កាយិកំ ទុក្ខំ…បេ.… សេនាសនំ ឧបនិស្សាយ ទានំ ទេតិ…បេ.… បាណំ ហនតិ…បេ.… សង្ឃំ ភិន្ទតិ; សទ្ធា…បេ.… សេនាសនំ សទ្ធាយ…បេ.… បញ្ញាយ… នភាវនាយ បហាតព្ពហេតុកស្ស រាគស្ស … ទោសស្ស… មោហស្ស… ទិដ្ឋិយា… បត្ថនាយ… កាយិកស្ស សុខស្ស…បេ.… ផលសមាបត្តិយា ឧបនិស្សយបច្ចយេន បច្ចយោ។ (១)

    100. Nabhāvanāya pahātabbahetuko dhammo nabhāvanāya pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti, diṭṭhiṃ gaṇhāti; sīlaṃ…pe… paññaṃ… nabhāvanāya pahātabbahetukaṃ rāgaṃ… dosaṃ… mohaṃ… diṭṭhiṃ… patthanaṃ… kāyikaṃ sukhaṃ… kāyikaṃ dukkhaṃ…pe… senāsanaṃ upanissāya dānaṃ deti…pe… pāṇaṃ hanati…pe… saṅghaṃ bhindati; saddhā…pe… senāsanaṃ saddhāya…pe… paññāya… nabhāvanāya pahātabbahetukassa rāgassa … dosassa… mohassa… diṭṭhiyā… patthanāya… kāyikassa sukhassa…pe… phalasamāpattiyā upanissayapaccayena paccayo. (1)

    នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ…បេ.… សទ្ធា …បេ.… សេនាសនំ ភាវនាយ បហាតព្ពហេតុកស្ស រាគស្ស… ទោសស្ស… មោហស្ស… មានស្ស… បត្ថនាយ ឧបនិស្សយបច្ចយេន បច្ចយោ។ (២)

    Nabhāvanāya pahātabbahetuko dhammo bhāvanāya pahātabbahetukassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti…pe… saddhā …pe… senāsanaṃ bhāvanāya pahātabbahetukassa rāgassa… dosassa… mohassa… mānassa… patthanāya upanissayapaccayena paccayo. (2)

    នភាវនាយ បហាតព្ពហេតុកោ ធម្មោ ភាវនាយ បហាតព្ពហេតុកស្ស ច នភាវនាយ បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធា…បេ.… បញ្ញា… កាយិកំ សុខំ…បេ.… សេនាសនំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ (ឃដនូបនិស្សយាបិ តីណិបិ កាតព្ពា)។ (៣)

    Nabhāvanāya pahātabbahetuko dhammo bhāvanāya pahātabbahetukassa ca nabhāvanāya pahātabbahetukassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhā…pe… paññā… kāyikaṃ sukhaṃ…pe… senāsanaṃ uddhaccasahagatānaṃ khandhānaṃ mohassa ca upanissayapaccayena paccayo (ghaṭanūpanissayāpi tīṇipi kātabbā). (3)

    បុរេជាតបច្ចយាទិ

    Purejātapaccayādi

    ១០១. នភាវនាយ បហាតព្ពហេតុកោ ធម្មោ នភាវនាយ បហាតព្ពហេតុកស្ស ធម្មស្ស បុរេជាតបច្ចយេន បច្ចយោ… តីណិ… បច្ឆាជាតបច្ចយេន បច្ចយោ… តីណិ… អាសេវនបច្ចយេន បច្ចយោ… នវ… កម្មបច្ចយេន បច្ចយោ (នភាវនាយ បហាតព្ពភាជនការណេ នានាក្ខណិកា លព្ភតិ ) …បេ.… នោវិគតបច្ចយេន បច្ចយោ។ (សំខិត្តំ។ យថា ទស្សនេន បហាតព្ពហេតុកទុកំ ឯវំ ភាវនាយ បហាតព្ពហេតុកបច្ចយាបិ បច្ចនីយាបិ វិភាគោបិ គណនាបិ និន្នានាករណា។)

    101. Nabhāvanāya pahātabbahetuko dhammo nabhāvanāya pahātabbahetukassa dhammassa purejātapaccayena paccayo… tīṇi… pacchājātapaccayena paccayo… tīṇi… āsevanapaccayena paccayo… nava… kammapaccayena paccayo (nabhāvanāya pahātabbabhājanakāraṇe nānākkhaṇikā labbhati ) …pe… novigatapaccayena paccayo. (Saṃkhittaṃ. Yathā dassanena pahātabbahetukadukaṃ evaṃ bhāvanāya pahātabbahetukapaccayāpi paccanīyāpi vibhāgopi gaṇanāpi ninnānākaraṇā.)

    នទស្សនេន បហាតព្ពោ ធម្មោ នទស្សនេន បហាតព្ពស្ស ធម្មស្ស…បេ.…។ (បរន្តេន សកភណ្ឌឆន្ទរាគោបិ កាតព្ពោ។)

    Nadassanena pahātabbo dhammo nadassanena pahātabbassa dhammassa…pe…. (Parantena sakabhaṇḍachandarāgopi kātabbo.)

    ភាវនាយ បហាតព្ពោ ធម្មោ នភាវនាយ បហាតព្ពស្ស ធម្មស្ស…បេ.…។ (បរន្តេន ‘‘សកភណ្ឌឆន្ទរាគោ’’តិ កាតព្ពំ។)

    Bhāvanāya pahātabbo dhammo nabhāvanāya pahātabbassa dhammassa…pe…. (Parantena ‘‘sakabhaṇḍachandarāgo’’ti kātabbaṃ.)

    ភាវនាយបហាតព្ពហេតុកទុកំ និដ្ឋិតំ។

    Bhāvanāyapahātabbahetukadukaṃ niṭṭhitaṃ.

    ៨៧. សវិតក្កទុកំ

    87. Savitakkadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១០២. សវិតក្កំ ធម្មំ បដិច្ច សវិតក្កោ ធម្មោ ឧប្បជ្ជតិ ហេតុបច្ចយា – សវិតក្កំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ សវិតក្កំ ធម្មំ បដិច្ច អវិតក្កោ ធម្មោ ឧប្បជ្ជតិ ហេតុបច្ចយា – សវិតក្កេ ខន្ធេ បដិច្ច វិតក្កោ ចិត្តសមុដ្ឋានញ្ច រូបំ; បដិសន្ធិក្ខណេ…បេ.…។ សវិតក្កំ ធម្មំ បដិច្ច សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា – សវិតក្កំ ឯកំ ខន្ធំ បដិច្ច តយោ ខន្ធា វិតក្កោ ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    102. Savitakkaṃ dhammaṃ paṭicca savitakko dhammo uppajjati hetupaccayā – savitakkaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Savitakkaṃ dhammaṃ paṭicca avitakko dhammo uppajjati hetupaccayā – savitakke khandhe paṭicca vitakko cittasamuṭṭhānañca rūpaṃ; paṭisandhikkhaṇe…pe…. Savitakkaṃ dhammaṃ paṭicca savitakko ca avitakko ca dhammā uppajjanti hetupaccayā – savitakkaṃ ekaṃ khandhaṃ paṭicca tayo khandhā vitakko ca cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    ១០៣. អវិតក្កំ ធម្មំ បដិច្ច អវិតក្កោ ធម្មោ ឧប្បជ្ជតិ ហេតុបច្ចយា – អវិតក្កំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… វិតក្កំ បដិច្ច ចិត្តសមុដ្ឋានំ រូបំ; បដិសន្ធិក្ខណេ អវិតក្កំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.… វិតក្កំ បដិច្ច កដត្តារូបំ, ខន្ធេ បដិច្ច វត្ថុ, វត្ថុំ បដិច្ច ខន្ធា, វិតក្កំ បដិច្ច វត្ថុ, វត្ថុំ បដិច្ច វិតក្កោ, ឯកំ មហាភូតំ…បេ.…។ (១)

    103. Avitakkaṃ dhammaṃ paṭicca avitakko dhammo uppajjati hetupaccayā – avitakkaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… vitakkaṃ paṭicca cittasamuṭṭhānaṃ rūpaṃ; paṭisandhikkhaṇe avitakkaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… vitakkaṃ paṭicca kaṭattārūpaṃ, khandhe paṭicca vatthu, vatthuṃ paṭicca khandhā, vitakkaṃ paṭicca vatthu, vatthuṃ paṭicca vitakko, ekaṃ mahābhūtaṃ…pe…. (1)

    អវិតក្កំ ធម្មំ បដិច្ច សវិតក្កោ ធម្មោ ឧប្បជ្ជតិ ហេតុបច្ចយា – វិតក្កំ បដិច្ច សម្បយុត្តកា ខន្ធា; បដិសន្ធិក្ខណេ វិតក្កំ បដិច្ច សម្បយុត្តកា ខន្ធា, បដិសន្ធិក្ខណេ វត្ថុំ បដិច្ច សវិតក្កា ខន្ធា។ (២)

    Avitakkaṃ dhammaṃ paṭicca savitakko dhammo uppajjati hetupaccayā – vitakkaṃ paṭicca sampayuttakā khandhā; paṭisandhikkhaṇe vitakkaṃ paṭicca sampayuttakā khandhā, paṭisandhikkhaṇe vatthuṃ paṭicca savitakkā khandhā. (2)

    អវិតក្កំ ធម្មំ បដិច្ច សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា – វិតក្កំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ, វិតក្កំ បដិច្ច សវិតក្កា ខន្ធា, មហាភូតេ បដិច្ច ចិត្តសមុដ្ឋានំ រូបំ; បដិសន្ធិក្ខណេ វិតក្កំ បដិច្ច សម្បយុត្តកា ខន្ធា កដត្តា ច រូបំ, បដិសន្ធិក្ខណេ វិតក្កំ បដិច្ច សវិតក្កា ខន្ធា, មហាភូតេ បដិច្ច កដត្តារូបំ, បដិសន្ធិក្ខណេ វត្ថុំ បដិច្ច សវិតក្កា ខន្ធា, មហាភូតេ បដិច្ច កដត្តារូបំ, បដិសន្ធិក្ខណេ វត្ថុំ បដិច្ច វិតក្កោ សម្បយុត្តកា ច ខន្ធា។ (៣)

    Avitakkaṃ dhammaṃ paṭicca savitakko ca avitakko ca dhammā uppajjanti hetupaccayā – vitakkaṃ paṭicca sampayuttakā khandhā cittasamuṭṭhānañca rūpaṃ, vitakkaṃ paṭicca savitakkā khandhā, mahābhūte paṭicca cittasamuṭṭhānaṃ rūpaṃ; paṭisandhikkhaṇe vitakkaṃ paṭicca sampayuttakā khandhā kaṭattā ca rūpaṃ, paṭisandhikkhaṇe vitakkaṃ paṭicca savitakkā khandhā, mahābhūte paṭicca kaṭattārūpaṃ, paṭisandhikkhaṇe vatthuṃ paṭicca savitakkā khandhā, mahābhūte paṭicca kaṭattārūpaṃ, paṭisandhikkhaṇe vatthuṃ paṭicca vitakko sampayuttakā ca khandhā. (3)

    ១០៤. សវិតក្កញ្ច អវិតក្កញ្ច ធម្មំ បដិច្ច សវិតក្កោ ធម្មោ ឧប្បជ្ជតិ ហេតុបច្ចយា – សវិតក្កំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ.… ទ្វេ ខន្ធេ …បេ.… បដិសន្ធិក្ខណេ សវិតក្កំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ សវិតក្កំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    104. Savitakkañca avitakkañca dhammaṃ paṭicca savitakko dhammo uppajjati hetupaccayā – savitakkaṃ ekaṃ khandhañca vitakkañca paṭicca tayo khandhā…pe… dve khandhe …pe… paṭisandhikkhaṇe savitakkaṃ ekaṃ khandhañca vitakkañca paṭicca tayo khandhā…pe… dve khandhe…pe… paṭisandhikkhaṇe savitakkaṃ ekaṃ khandhañca vatthuñca paṭicca tayo khandhā…pe… dve khandhe…pe…. (1)

    សវិតក្កញ្ច អវិតក្កញ្ច ធម្មំ បដិច្ច អវិតក្កោ ធម្មោ ឧប្បជ្ជតិ ហេតុបច្ចយា – សវិតក្កេ ខន្ធេ ច វិតក្កញ្ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ សវិតក្កេ ខន្ធេ ច វិតក្កញ្ច មហាភូតេ ច បដិច្ច កដត្តារូបំ, បដិសន្ធិក្ខណេ សវិតក្កេ ខន្ធេ ច វត្ថុញ្ច បដិច្ច វិតក្កោ។ (២)

    Savitakkañca avitakkañca dhammaṃ paṭicca avitakko dhammo uppajjati hetupaccayā – savitakke khandhe ca vitakkañca mahābhūte ca paṭicca cittasamuṭṭhānaṃ rūpaṃ; paṭisandhikkhaṇe savitakke khandhe ca vitakkañca mahābhūte ca paṭicca kaṭattārūpaṃ, paṭisandhikkhaṇe savitakke khandhe ca vatthuñca paṭicca vitakko. (2)

    សវិតក្កញ្ច អវិតក្កញ្ច ធម្មំ បដិច្ច សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា – សវិតក្កំ ឯកំ ខន្ធញ្ច វិតក្កញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… សវិតក្កំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… សវិតក្កេ ខន្ធេ ច វិតក្កញ្ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ សវិតក្កំ ឯកំ ខន្ធញ្ច វិតក្កញ្ច បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ សវិតក្កំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… សវិតក្កេ ខន្ធេ ច វិតក្កញ្ច មហាភូតេ ច បដិច្ច កដត្តារូបំ, បដិសន្ធិក្ខណេ សវិតក្កំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិតក្កោ ច…បេ.… ទ្វេ ខន្ធេ…បេ.…។ (៣) (សំខិត្តំ។)

    Savitakkañca avitakkañca dhammaṃ paṭicca savitakko ca avitakko ca dhammā uppajjanti hetupaccayā – savitakkaṃ ekaṃ khandhañca vitakkañca paṭicca tayo khandhā cittasamuṭṭhānañca rūpaṃ…pe… dve khandhe…pe… savitakkaṃ ekaṃ khandhañca vitakkañca paṭicca tayo khandhā…pe… dve khandhe…pe… savitakke khandhe ca vitakkañca mahābhūte ca paṭicca cittasamuṭṭhānaṃ rūpaṃ; paṭisandhikkhaṇe savitakkaṃ ekaṃ khandhañca vitakkañca paṭicca tayo khandhā kaṭattā ca rūpaṃ…pe… dve khandhe…pe… paṭisandhikkhaṇe savitakkaṃ ekaṃ khandhañca vitakkañca paṭicca tayo khandhā…pe… dve khandhe…pe… savitakke khandhe ca vitakkañca mahābhūte ca paṭicca kaṭattārūpaṃ, paṭisandhikkhaṇe savitakkaṃ ekaṃ khandhañca vatthuñca paṭicca tayo khandhā vitakko ca…pe… dve khandhe…pe…. (3) (Saṃkhittaṃ.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ១០៥. ហេតុយា នវ, អារម្មណេ នវ, អធិបតិយា នវ…បេ.… ឧបនិស្សយេ នវ, បុរេជាតេ ឆ, អាសេវនេ ឆ, កម្មេ នវ, វិបាកេ នវ (សព្ពត្ថ នវ), អវិគតេ នវ។

    105. Hetuyā nava, ārammaṇe nava, adhipatiyā nava…pe… upanissaye nava, purejāte cha, āsevane cha, kamme nava, vipāke nava (sabbattha nava), avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ១០៦. សវិតក្កំ ធម្មំ បដិច្ច សវិតក្កោ ធម្មោ ឧប្បជ្ជតិ នហេតុបច្ចយា – អហេតុកំ សវិតក្កំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (សវិតក្កមូលកា អវសេសា ទ្វេ បញ្ហា កាតព្ពា, អហេតុកំ និន្នានំ។) (៣)

    106. Savitakkaṃ dhammaṃ paṭicca savitakko dhammo uppajjati nahetupaccayā – ahetukaṃ savitakkaṃ ekaṃ khandhaṃ paṭicca tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (Savitakkamūlakā avasesā dve pañhā kātabbā, ahetukaṃ ninnānaṃ.) (3)

    អវិតក្កំ ធម្មំ បដិច្ច អវិតក្កោ ធម្មោ ឧប្បជ្ជតិ នហេតុបច្ចយា – អហេតុកំ អវិតក្កំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… អហេតុកំ វិតក្កំ បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ វិតក្កំ បដិច្ច កដត្តារូបំ, វិតក្កំ បដិច្ច វត្ថុ, វត្ថុំ បដិច្ច វិតក្កោ, ឯកំ មហាភូតំ…បេ.…។ (១)

    Avitakkaṃ dhammaṃ paṭicca avitakko dhammo uppajjati nahetupaccayā – ahetukaṃ avitakkaṃ ekaṃ khandhaṃ paṭicca tayo khandhā…pe… dve khandhe…pe… ahetukaṃ vitakkaṃ paṭicca cittasamuṭṭhānaṃ rūpaṃ; ahetukapaṭisandhikkhaṇe vitakkaṃ paṭicca kaṭattārūpaṃ, vitakkaṃ paṭicca vatthu, vatthuṃ paṭicca vitakko, ekaṃ mahābhūtaṃ…pe…. (1)

    អវិតក្កំ ធម្មំ បដិច្ច សវិតក្កោ ធម្មោ ឧប្បជ្ជតិ នហេតុបច្ចយា – អហេតុកំ វិតក្កំ បដិច្ច សម្បយុត្តកា ខន្ធា, អហេតុកបដិសន្ធិក្ខណេ វិតក្កំ បដិច្ច សម្បយុត្តកា ខន្ធា; បដិសន្ធិក្ខណេ វត្ថុំ បដិច្ច អហេតុកា សវិតក្កា ខន្ធា, វិតក្កំ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (២)

    Avitakkaṃ dhammaṃ paṭicca savitakko dhammo uppajjati nahetupaccayā – ahetukaṃ vitakkaṃ paṭicca sampayuttakā khandhā, ahetukapaṭisandhikkhaṇe vitakkaṃ paṭicca sampayuttakā khandhā; paṭisandhikkhaṇe vatthuṃ paṭicca ahetukā savitakkā khandhā, vitakkaṃ paṭicca vicikicchāsahagato uddhaccasahagato moho. (2)

    អវិតក្កំ ធម្មំ បដិច្ច សវិតក្កោ ច អវិតក្កោ ច ធម្មា ឧប្បជ្ជន្តិ នហេតុបច្ចយា។ (សំខិត្តំ។ ហេតុបច្ចយសទិសំ។ ‘‘អហេតុក’’ន្តិ និយាមេតព្ពំ។) (៣)

    Avitakkaṃ dhammaṃ paṭicca savitakko ca avitakko ca dhammā uppajjanti nahetupaccayā. (Saṃkhittaṃ. Hetupaccayasadisaṃ. ‘‘Ahetuka’’nti niyāmetabbaṃ.) (3)

    សវិតក្កញ្ច អវិតក្កញ្ច ធម្មំ បដិច្ច សវិតក្កោ ធម្មោ ឧប្បជ្ជតិ នហេតុបច្ចយា – អហេតុកំ សវិតក្កំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… អហេតុកបដិសន្ធិក្ខណេ សវិតក្កំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… អហេតុកបដិសន្ធិក្ខណេ សវិតក្កំ ឯកំ ខន្ធញ្ច វត្ថុញ្ច វិតក្កញ្ច បដិច្ច តយោ ខន្ធា…បេ.… ទ្វេ ខន្ធេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ ច វិតក្កញ្ច បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (អវសេសា ទ្វេ បញ្ហា ហេតុបច្ចយសទិសា និន្នានា, អហេតុកន្តិ និយាមេតព្ពំ។) (៣)

    Savitakkañca avitakkañca dhammaṃ paṭicca savitakko dhammo uppajjati nahetupaccayā – ahetukaṃ savitakkaṃ ekaṃ khandhañca vitakkañca paṭicca tayo khandhā…pe… dve khandhe…pe… ahetukapaṭisandhikkhaṇe savitakkaṃ ekaṃ khandhañca vitakkañca paṭicca tayo khandhā…pe… dve khandhe…pe… ahetukapaṭisandhikkhaṇe savitakkaṃ ekaṃ khandhañca vatthuñca vitakkañca paṭicca tayo khandhā…pe… dve khandhe…pe… vicikicchāsahagate uddhaccasahagate khandhe ca vitakkañca paṭicca vicikicchāsahagato uddhaccasahagato moho. (Avasesā dve pañhā hetupaccayasadisā ninnānā, ahetukanti niyāmetabbaṃ.) (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ១០៧. នហេតុយា នវ, នអារម្មណេ តីណិ, នអធិបតិយា នវ, នអនន្តរេ តីណិ…បេ.… នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    107. Nahetuyā nava, naārammaṇe tīṇi, naadhipatiyā nava, naanantare tīṇi…pe… naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge nava, nasampayutte tīṇi, navippayutte cha, nonatthiyā tīṇi, novigate tīṇi.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ១០៨. ហេតុបច្ចយា នអារម្មណេ តីណិ, នអធិបតិយា នវ, នអនន្តរេ តីណិ…បេ.… នកម្មេ ចត្តារិ, នវិបាកេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    108. Hetupaccayā naārammaṇe tīṇi, naadhipatiyā nava, naanantare tīṇi…pe… nakamme cattāri, navipāke nava, nasampayutte tīṇi, navippayutte cha, nonatthiyā tīṇi, novigate tīṇi.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ១០៩. នហេតុបច្ចយា អារម្មណេ នវ…បេ.… អនន្តរេ នវ…បេ.… បុរេជាតេ ឆ, អាសេវនេ បញ្ច, កម្មេ នវ…បេ.… មគ្គេ តីណិ, សម្បយុត្តេ នវ (សព្ពត្ថ នវ)។

    109. Nahetupaccayā ārammaṇe nava…pe… anantare nava…pe… purejāte cha, āsevane pañca, kamme nava…pe… magge tīṇi, sampayutte nava (sabbattha nava).

    ២. សហជាតវារោ

    2. Sahajātavāro

    (សហជាតវារោ បដិច្ចវារសទិសោ។)

    (Sahajātavāro paṭiccavārasadiso.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១១០. សវិតក្កំ ធម្មំ បច្ចយា សវិតក្កោ ធម្មោ ឧប្បជ្ជតិ ហេតុបច្ចយា… តីណិ (បដិច្ចវារសទិសា)។

    110. Savitakkaṃ dhammaṃ paccayā savitakko dhammo uppajjati hetupaccayā… tīṇi (paṭiccavārasadisā).

    អវិតក្កំ ធម្មំ បច្ចយា អវិតក្កោ ធម្មោ ឧប្បជ្ជតិ ហេតុបច្ចយា – អវិតក្កំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… វិតក្កំ បច្ចយា ចិត្តសមុដ្ឋានំ រូបំ; បដិសន្ធិក្ខណេ អវិតក្កំ ឯកំ ខន្ធំ បច្ចយា តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ វិតក្កំ បច្ចយា កដត្តារូបំ, ខន្ធេ បច្ចយា វត្ថុ, វត្ថុំ បច្ចយា ខន្ធា, វិតក្កំ បច្ចយា វត្ថុ, វត្ថុំ បច្ចយា វិតក្កោ, ឯកំ មហាភូតំ បច្ចយា តយោ មហាភូតា…បេ.… វត្ថុំ បច្ចយា អវិតក្កា ខន្ធា, វត្ថុំ បច្ចយា វិតក្កោ។

    Avitakkaṃ dhammaṃ paccayā avitakko dhammo uppajjati hetupaccayā – avitakkaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… vitakkaṃ paccayā cittasamuṭṭhānaṃ rūpaṃ; paṭisandhikkhaṇe avitakkaṃ ekaṃ khandhaṃ paccayā tayo khandhā kaṭattā ca rūpaṃ…pe… dve khandhe…pe… paṭisandhikkhaṇe vitakkaṃ paccayā kaṭattārūpaṃ, khandhe paccayā vatthu, vatthuṃ paccayā khandhā, vitakkaṃ paccayā vatthu, vatthuṃ paccayā vitakko, ekaṃ mahābhūtaṃ paccayā tayo mahābhūtā…pe… vatthuṃ paccayā avitakkā khandhā, vatthuṃ paccayā vitakko.

    អវិតក្កំ ធម្មំ បច្ចយា សវិតក្កោ ធម្មោ ឧប្បជ្ជតិ ហេតុបច្ចយា – វិតក្កំ បច្ចយា សម្បយុត្តកា ខន្ធា, វត្ថុំ បច្ចយា សវិតក្កា ខន្ធា (បដិសន្ធិយាបិ ទ្វេ)។

    Avitakkaṃ dhammaṃ paccayā savitakko dhammo uppajjati hetupaccayā – vitakkaṃ paccayā sampayuttakā khandhā, vatthuṃ paccayā savitakkā khandhā (paṭisandhiyāpi dve).

    អវិតក្កំ ធម្មំ បច្ចយា សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា – វិតក្កំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ, វិតក្កំ បច្ចយា សម្បយុត្តកា ខន្ធា, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា សវិតក្កា ខន្ធា, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា វិតក្កោ សម្បយុត្តកា ច ខន្ធា; បដិសន្ធិក្ខណេ…បេ.… (បដិសន្ធិយាបិ បវត្តិសទិសាយេវ)។ (៣)

    Avitakkaṃ dhammaṃ paccayā savitakko ca avitakko ca dhammā uppajjanti hetupaccayā – vitakkaṃ paccayā sampayuttakā khandhā cittasamuṭṭhānañca rūpaṃ, vitakkaṃ paccayā sampayuttakā khandhā, mahābhūte paccayā cittasamuṭṭhānaṃ rūpaṃ, vatthuṃ paccayā savitakkā khandhā, mahābhūte paccayā cittasamuṭṭhānaṃ rūpaṃ, vatthuṃ paccayā vitakko sampayuttakā ca khandhā; paṭisandhikkhaṇe…pe… (paṭisandhiyāpi pavattisadisāyeva). (3)

    ១១១. សវិតក្កញ្ច អវិតក្កញ្ច ធម្មំ បច្ចយា សវិតក្កោ ធម្មោ ឧប្បជ្ជតិ ហេតុបច្ចយា – សវិតក្កំ ឯកំ ខន្ធញ្ច វិតក្កញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… សវិតក្កំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… (បដិសន្ធិក្ខណេ ទ្វេ កាតព្ពា)។ (១)

    111. Savitakkañca avitakkañca dhammaṃ paccayā savitakko dhammo uppajjati hetupaccayā – savitakkaṃ ekaṃ khandhañca vitakkañca paccayā tayo khandhā…pe… dve khandhe…pe… savitakkaṃ ekaṃ khandhañca vatthuñca paccayā tayo khandhā…pe… dve khandhe…pe… (paṭisandhikkhaṇe dve kātabbā). (1)

    សវិតក្កញ្ច អវិតក្កញ្ច ធម្មំ បច្ចយា អវិតក្កោ ធម្មោ ឧប្បជ្ជតិ ហេតុបច្ចយា – សវិតក្កេ ខន្ធេ ច វិតក្កញ្ច បច្ចយា ចិត្តសមុដ្ឋានំ រូបំ, សវិតក្កេ ខន្ធេ ច វិតក្កញ្ច មហាភូតេ ច បច្ចយា ចិត្តសមុដ្ឋានំ រូបំ, សវិតក្កេ ខន្ធេ ច វត្ថុញ្ច បច្ចយា វិតក្កោ; បដិសន្ធិក្ខណេ…បេ.… (តីណិ, បដិសន្ធិយាបិ)។ (២)

    Savitakkañca avitakkañca dhammaṃ paccayā avitakko dhammo uppajjati hetupaccayā – savitakke khandhe ca vitakkañca paccayā cittasamuṭṭhānaṃ rūpaṃ, savitakke khandhe ca vitakkañca mahābhūte ca paccayā cittasamuṭṭhānaṃ rūpaṃ, savitakke khandhe ca vatthuñca paccayā vitakko; paṭisandhikkhaṇe…pe… (tīṇi, paṭisandhiyāpi). (2)

    សវិតក្កញ្ច អវិតក្កញ្ច ធម្មំ បច្ចយា សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា – សវិតក្កំ ឯកំ ខន្ធញ្ច វិតក្កញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… សវិតក្កំ ឯកំ ខន្ធញ្ច វិតក្កញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… សវិតក្កេ ខន្ធេ ច វិតក្កញ្ច មហាភូតេ ច បច្ចយា ចិត្តសមុដ្ឋានំ រូបំ, សវិតក្កំ ឯកំ ខន្ធញ្ច វត្ថុញ្ច បច្ចយា តយោ ខន្ធា វិតក្កោ ច…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    Savitakkañca avitakkañca dhammaṃ paccayā savitakko ca avitakko ca dhammā uppajjanti hetupaccayā – savitakkaṃ ekaṃ khandhañca vitakkañca paccayā tayo khandhā cittasamuṭṭhānañca rūpaṃ…pe… dve khandhe…pe… savitakkaṃ ekaṃ khandhañca vitakkañca vatthuñca paccayā tayo khandhā…pe… dve khandhe…pe… savitakke khandhe ca vitakkañca mahābhūte ca paccayā cittasamuṭṭhānaṃ rūpaṃ, savitakkaṃ ekaṃ khandhañca vatthuñca paccayā tayo khandhā vitakko ca…pe… dve khandhe…pe… paṭisandhikkhaṇe…pe…. (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ១១២. ហេតុយា នវ, អារម្មណេ នវ, អធិបតិយា នវ (សព្ពត្ថ នវ), អវិគតេ នវ។

    112. Hetuyā nava, ārammaṇe nava, adhipatiyā nava (sabbattha nava), avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    ១១៣. សវិតក្កំ ធម្មំ បច្ចយា សវិតក្កោ ធម្មោ ឧប្បជ្ជតិ នហេតុបច្ចយា។ (នវ បញ្ហា កាតព្ពា។ ‘‘អហេតុកា’’តិ និយាមេតព្ពា តីណិយេវ។ មោហោ ឧទ្ធរិតព្ពោ, យថា បដិច្ចវារេ ហេតុបច្ចយសទិសាយេវ បញ្ហា បញ្ចវិញ្ញាណា អតិរេកា មោហោ វិតក្កំ។)

    113. Savitakkaṃ dhammaṃ paccayā savitakko dhammo uppajjati nahetupaccayā. (Nava pañhā kātabbā. ‘‘Ahetukā’’ti niyāmetabbā tīṇiyeva. Moho uddharitabbo, yathā paṭiccavāre hetupaccayasadisāyeva pañhā pañcaviññāṇā atirekā moho vitakkaṃ.)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ១១៤. នហេតុយា នវ, នអារម្មណេ តីណិ, នអធិបតិយា នវ, នអនន្តរេ តីណិ…បេ.… នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    114. Nahetuyā nava, naārammaṇe tīṇi, naadhipatiyā nava, naanantare tīṇi…pe… naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge nava, nasampayutte tīṇi, navippayutte cha, nonatthiyā tīṇi, novigate tīṇi.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ១១៥. សវិតក្កំ ធម្មំ សំសដ្ឋោ សវិតក្កោ ធម្មោ ឧប្បជ្ជតិ ហេតុបច្ចយា – សវិតក្កំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ សវិតក្កំ ធម្មំ សំសដ្ឋោ អវិតក្កោ ធម្មោ ឧប្បជ្ជតិ ហេតុបច្ចយា – សវិតក្កេ ខន្ធេ សំសដ្ឋោ វិតក្កោ; បដិសន្ធិក្ខណេ…បេ.…។ សវិតក្កំ ធម្មំ សំសដ្ឋោ សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា – សវិតក្កំ ឯកំ ខន្ធំ សំសដ្ឋា តយោ ខន្ធា វិតក្កោ ច…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    115. Savitakkaṃ dhammaṃ saṃsaṭṭho savitakko dhammo uppajjati hetupaccayā – savitakkaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. Savitakkaṃ dhammaṃ saṃsaṭṭho avitakko dhammo uppajjati hetupaccayā – savitakke khandhe saṃsaṭṭho vitakko; paṭisandhikkhaṇe…pe…. Savitakkaṃ dhammaṃ saṃsaṭṭho savitakko ca avitakko ca dhammā uppajjanti hetupaccayā – savitakkaṃ ekaṃ khandhaṃ saṃsaṭṭhā tayo khandhā vitakko ca…pe… dve khandhe…pe… paṭisandhikkhaṇe…pe…. (3)

    អវិតក្កំ ធម្មំ សំសដ្ឋោ អវិតក្កោ ធម្មោ ឧប្បជ្ជតិ ហេតុបច្ចយា – អវិតក្កំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ អវិតក្កំ ធម្មំ សំសដ្ឋោ សវិតក្កោ ធម្មោ ឧប្បជ្ជតិ ហេតុបច្ចយា – វិតក្កំ សំសដ្ឋា សម្បយុត្តកា ខន្ធា; បដិសន្ធិក្ខណេ…បេ.…។ (២)

    Avitakkaṃ dhammaṃ saṃsaṭṭho avitakko dhammo uppajjati hetupaccayā – avitakkaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. Avitakkaṃ dhammaṃ saṃsaṭṭho savitakko dhammo uppajjati hetupaccayā – vitakkaṃ saṃsaṭṭhā sampayuttakā khandhā; paṭisandhikkhaṇe…pe…. (2)

    សវិតក្កញ្ច អវិតក្កញ្ច ធម្មំ សំសដ្ឋោ សវិតក្កោ ធម្មោ ឧប្បជ្ជតិ ហេតុបច្ចយា – សវិតក្កំ ឯកំ ខន្ធញ្ច វិតក្កញ្ច សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១) (សំខិត្តំ។)

    Savitakkañca avitakkañca dhammaṃ saṃsaṭṭho savitakko dhammo uppajjati hetupaccayā – savitakkaṃ ekaṃ khandhañca vitakkañca saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1) (Saṃkhittaṃ.)

    ហេតុយា ឆ, អារម្មណេ ឆ, អធិបតិយា ឆ (សព្ពត្ថ ឆ) អវិគតេ ឆ។

    Hetuyā cha, ārammaṇe cha, adhipatiyā cha (sabbattha cha) avigate cha.

    អនុលោមំ។

    Anulomaṃ.

    សវិតក្កំ ធម្មំ សំសដ្ឋោ សវិតក្កោ ធម្មោ ឧប្បជ្ជតិ នហេតុបច្ចយា។ (ឯវំ ឆ បញ្ហា កាតព្ពា អនុលោមសទិសា, អហេតុកាតិ និយាមេតព្ពា, តីណិយេវ, មោហោ ឧទ្ធរិតព្ពោ។)

    Savitakkaṃ dhammaṃ saṃsaṭṭho savitakko dhammo uppajjati nahetupaccayā. (Evaṃ cha pañhā kātabbā anulomasadisā, ahetukāti niyāmetabbā, tīṇiyeva, moho uddharitabbo.)

    នហេតុយា ឆ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នឈានេ ឯកំ, នមគ្គេ ឆ, នវិប្បយុត្តេ ឆ។

    Nahetuyā cha, naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, najhāne ekaṃ, namagge cha, navippayutte cha.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១១៦. សវិតក្កោ ធម្មោ សវិតក្កស្ស ធម្មស្ស ហេតុបច្ចយេន បច្ចយោ – សវិតក្កា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ.…។ សវិតក្កោ ធម្មោ អវិតក្កស្ស ធម្មស្ស ហេតុបច្ចយេន បច្ចយោ – សវិតក្កា ហេតូ វិតក្កស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (មូលំ កាតព្ពំ។) សវិតក្កា ហេតូ សម្បយុត្តកានំ ខន្ធានំ វិតក្កស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.… (៣)

    116. Savitakko dhammo savitakkassa dhammassa hetupaccayena paccayo – savitakkā hetū sampayuttakānaṃ khandhānaṃ hetupaccayena paccayo; paṭisandhikkhaṇe…pe…. Savitakko dhammo avitakkassa dhammassa hetupaccayena paccayo – savitakkā hetū vitakkassa cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (Mūlaṃ kātabbaṃ.) Savitakkā hetū sampayuttakānaṃ khandhānaṃ vitakkassa ca cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe… (3)

    អវិតក្កោ ធម្មោ អវិតក្កស្ស ធម្មស្ស ហេតុបច្ចយេន បច្ចយោ – អវិតក្កា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    Avitakko dhammo avitakkassa dhammassa hetupaccayena paccayo – avitakkā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    អារម្មណបច្ចយោ

    Ārammaṇapaccayo

    ១១៧. សវិតក្កោ ធម្មោ សវិតក្កស្ស ធម្មស្ស អារម្មណបច្ចយេន បច្ចយោ – សវិតក្កេ ខន្ធេ អារព្ភ សវិតក្កា ខន្ធា ឧប្បជ្ជន្តិ។ (មូលំ កាតព្ពំ។) សវិតក្កេ ខន្ធេ អារព្ភ អវិតក្កា ខន្ធា ច វិតក្កោ ច ឧប្បជ្ជន្តិ ។ (មូលំ កាតព្ពំ។) សវិតក្កេ ខន្ធេ អារព្ភ សវិតក្កា ខន្ធា ច វិតក្កោ ច ឧប្បជ្ជន្តិ។ (៣)

    117. Savitakko dhammo savitakkassa dhammassa ārammaṇapaccayena paccayo – savitakke khandhe ārabbha savitakkā khandhā uppajjanti. (Mūlaṃ kātabbaṃ.) Savitakke khandhe ārabbha avitakkā khandhā ca vitakko ca uppajjanti . (Mūlaṃ kātabbaṃ.) Savitakke khandhe ārabbha savitakkā khandhā ca vitakko ca uppajjanti. (3)

    ១១៨. អវិតក្កោ ធម្មោ អវិតក្កស្ស ធម្មស្ស អារម្មណបច្ចយេន បច្ចយោ – អរិយា អវិតក្កា ឈានា វុដ្ឋហិត្វា អវិតក្កំ ឈានំ បច្ចវេក្ខន្តិ, មគ្គា វុដ្ឋហិត្វា មគ្គំ បច្ចវេក្ខន្តិ, ផលា វុដ្ឋហិត្វា ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ អវិតក្កស្ស មគ្គស្ស, ផលស្ស, វិតក្កស្ស ច អារម្មណបច្ចយេន បច្ចយោ; ចក្ខុំ…បេ.… វត្ថុំ អវិតក្កេ ខន្ធេ ច វិតក្កញ្ច អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ វិតក្កោ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន អវិតក្កចិត្តសមង្គិស្ស ចិត្តំ ជានាតិ, អាកាសានញ្ចាយតនំ…បេ.… អាកិញ្ចញ្ញាយតនំ…បេ.… រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ…បេ.… អវិតក្កា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស យថាកម្មូបគញាណស្ស, អនាគតំសញាណស្ស, វិតក្កស្ស ច អារម្មណបច្ចយេន បច្ចយោ; អវិតក្កេ ខន្ធេ ច វិតក្កញ្ច អារព្ភ អវិតក្កា ខន្ធា ច វិតក្កោ ច ឧប្បជ្ជន្តិ។ (១)

    118. Avitakko dhammo avitakkassa dhammassa ārammaṇapaccayena paccayo – ariyā avitakkā jhānā vuṭṭhahitvā avitakkaṃ jhānaṃ paccavekkhanti, maggā vuṭṭhahitvā maggaṃ paccavekkhanti, phalā vuṭṭhahitvā phalaṃ paccavekkhanti, nibbānaṃ paccavekkhanti, nibbānaṃ avitakkassa maggassa, phalassa, vitakkassa ca ārammaṇapaccayena paccayo; cakkhuṃ…pe… vatthuṃ avitakke khandhe ca vitakkañca aniccato…pe… vipassati assādeti abhinandati, taṃ ārabbha vitakko uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena avitakkacittasamaṅgissa cittaṃ jānāti, ākāsānañcāyatanaṃ…pe… ākiñcaññāyatanaṃ…pe… rūpāyatanaṃ cakkhuviññāṇassa…pe… phoṭṭhabbāyatanaṃ…pe… avitakkā khandhā iddhividhañāṇassa, cetopariyañāṇassa, pubbenivāsānussatiñāṇassa yathākammūpagañāṇassa, anāgataṃsañāṇassa, vitakkassa ca ārammaṇapaccayena paccayo; avitakke khandhe ca vitakkañca ārabbha avitakkā khandhā ca vitakko ca uppajjanti. (1)

    អវិតក្កោ ធម្មោ សវិតក្កស្ស ធម្មស្ស អារម្មណបច្ចយេន បច្ចយោ – អរិយា អវិតក្កា ឈានា វុដ្ឋហិត្វា…បេ.… មគ្គា វុដ្ឋហិត្វា…បេ.… ផលា វុដ្ឋហិត្វា ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, សវិតក្កស្ស មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; ចក្ខុំ…បេ.… វត្ថុំ អវិតក្កេ ខន្ធេ ច វិតក្កញ្ច អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ; អវិតក្កេ ខន្ធេ ច វិតក្កញ្ច អារព្ភ សវិតក្កា ខន្ធា ឧប្បជ្ជន្តិ។ (២)

    Avitakko dhammo savitakkassa dhammassa ārammaṇapaccayena paccayo – ariyā avitakkā jhānā vuṭṭhahitvā…pe… maggā vuṭṭhahitvā…pe… phalā vuṭṭhahitvā phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, savitakkassa maggassa, phalassa, āvajjanāya ārammaṇapaccayena paccayo; cakkhuṃ…pe… vatthuṃ avitakke khandhe ca vitakkañca aniccato…pe… vipassati assādeti abhinandati, taṃ ārabbha rāgo uppajjati…pe… domanassaṃ uppajjati; avitakke khandhe ca vitakkañca ārabbha savitakkā khandhā uppajjanti. (2)

    អវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស អារម្មណបច្ចយេន បច្ចយោ – អរិយា អវិតក្កា ឈានា វុដ្ឋហិត្វា…បេ.… មគ្គា វុដ្ឋហិត្វា…បេ.… ផលា វុដ្ឋហិត្វា ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, សវិតក្កស្ស មគ្គស្ស, ផលស្ស, អាវជ្ជនាយ, វិតក្កស្ស ច អារម្មណបច្ចយេន បច្ចយោ; ចក្ខុំ…បេ.… វត្ថុំ អវិតក្កេ ខន្ធេ ច វិតក្កញ្ច អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ សវិតក្កា ខន្ធា ច វិតក្កោ ច ឧប្បជ្ជន្តិ, អវិតក្កេ ខន្ធេ ច វិតក្កញ្ច អារព្ភ សវិតក្កា ខន្ធា ច វិតក្កោ ច ឧប្បជ្ជន្តិ។ (៣)

    Avitakko dhammo savitakkassa ca avitakkassa ca dhammassa ārammaṇapaccayena paccayo – ariyā avitakkā jhānā vuṭṭhahitvā…pe… maggā vuṭṭhahitvā…pe… phalā vuṭṭhahitvā phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, savitakkassa maggassa, phalassa, āvajjanāya, vitakkassa ca ārammaṇapaccayena paccayo; cakkhuṃ…pe… vatthuṃ avitakke khandhe ca vitakkañca aniccato…pe… vipassati assādeti abhinandati, taṃ ārabbha savitakkā khandhā ca vitakko ca uppajjanti, avitakke khandhe ca vitakkañca ārabbha savitakkā khandhā ca vitakko ca uppajjanti. (3)

    ១១៩. សវិតក្កោ ច អវិតក្កោ ច ធម្មា សវិតក្កស្ស ធម្មស្ស អារម្មណបច្ចយេន បច្ចយោ – សវិតក្កេ ខន្ធេ ច វិតក្កញ្ច អារព្ភ សវិតក្កា ខន្ធា ឧប្បជ្ជន្តិ។ (មូលំ កាតព្ពំ ។) សវិតក្កេ ខន្ធេ ច វិតក្កញ្ច អារព្ភ អវិតក្កា ខន្ធា ច វិតក្កោ ច ឧប្បជ្ជន្តិ។ (មូលំ កាតព្ពំ។) សវិតក្កេ ខន្ធេ ច វិតក្កញ្ច អារព្ភ សវិតក្កា ខន្ធា ច វិតក្កោ ច ឧប្បជ្ជន្តិ។ (៣)

    119. Savitakko ca avitakko ca dhammā savitakkassa dhammassa ārammaṇapaccayena paccayo – savitakke khandhe ca vitakkañca ārabbha savitakkā khandhā uppajjanti. (Mūlaṃ kātabbaṃ .) Savitakke khandhe ca vitakkañca ārabbha avitakkā khandhā ca vitakko ca uppajjanti. (Mūlaṃ kātabbaṃ.) Savitakke khandhe ca vitakkañca ārabbha savitakkā khandhā ca vitakko ca uppajjanti. (3)

    អធិបតិបច្ចយោ

    Adhipatipaccayo

    ១២០. សវិតក្កោ ធម្មោ សវិតក្កស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – សវិតក្កេ ខន្ធេ គរុំ កត្វា សវិតក្កា ខន្ធា ឧប្បជ្ជន្តិ។ សហជាតាធិបតិ – សវិតក្កាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    120. Savitakko dhammo savitakkassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – savitakke khandhe garuṃ katvā savitakkā khandhā uppajjanti. Sahajātādhipati – savitakkādhipati sampayuttakānaṃ khandhānaṃ adhipatipaccayena paccayo. (1)

    សវិតក្កោ ធម្មោ អវិតក្កស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – សវិតក្កេ ខន្ធេ គរុំ កត្វា វិតក្កោ ឧប្បជ្ជតិ។ សហជាតាធិបតិ – សវិតក្កាធិបតិ វិតក្កស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (២)

    Savitakko dhammo avitakkassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – savitakke khandhe garuṃ katvā vitakko uppajjati. Sahajātādhipati – savitakkādhipati vitakkassa ca cittasamuṭṭhānānañca rūpānaṃ adhipatipaccayena paccayo. (2)

    សវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – សវិតក្កេ ខន្ធេ គរុំ កត្វា សវិតក្កា ខន្ធា ច វិតក្កោ ច ឧប្បជ្ជន្តិ។ សហជាតាធិបតិ – សវិតក្កាធិបតិ សម្បយុត្តកានំ ខន្ធានំ វិតក្កស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Savitakko dhammo savitakkassa ca avitakkassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – savitakke khandhe garuṃ katvā savitakkā khandhā ca vitakko ca uppajjanti. Sahajātādhipati – savitakkādhipati sampayuttakānaṃ khandhānaṃ vitakkassa ca cittasamuṭṭhānānañca rūpānaṃ adhipatipaccayena paccayo. (3)

    ១២១. អវិតក្កោ ធម្មោ អវិតក្កស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា អវិតក្កា ឈានា វុដ្ឋហិត្វា…បេ.… មគ្គា វុដ្ឋហិត្វា…បេ.… ផលា វុដ្ឋហិត្វា ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ, និព្ពានំ អវិតក្កស្ស មគ្គស្ស, ផលស្ស, វិតក្កស្ស ច អធិបតិបច្ចយេន បច្ចយោ; ចក្ខុំ…បេ.… វត្ថុំ អវិតក្កេ ខន្ធេ ច វិតក្កញ្ច គរុំ កត្វា អស្សាទេតិ អភិនន្ទតិ, តំ គរុំ កត្វា វិតក្កោ ឧប្បជ្ជតិ។ សហជាតាធិបតិ – អវិតក្កាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    121. Avitakko dhammo avitakkassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā avitakkā jhānā vuṭṭhahitvā…pe… maggā vuṭṭhahitvā…pe… phalā vuṭṭhahitvā phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ avitakkassa maggassa, phalassa, vitakkassa ca adhipatipaccayena paccayo; cakkhuṃ…pe… vatthuṃ avitakke khandhe ca vitakkañca garuṃ katvā assādeti abhinandati, taṃ garuṃ katvā vitakko uppajjati. Sahajātādhipati – avitakkādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    អវិតក្កោ ធម្មោ សវិតក្កស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – អរិយា អវិតក្កា ឈានា វុដ្ឋហិត្វា…បេ.… មគ្គា វុដ្ឋហិត្វា…បេ.… ផលា វុដ្ឋហិត្វា ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស, សវិតក្កស្ស មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ អវិតក្កេ ខន្ធេ ច វិតក្កញ្ច គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, អវិតក្កេ ខន្ធេ ច វិតក្កញ្ច គរុំ កត្វា សវិតក្កា ខន្ធា ឧប្បជ្ជន្តិ។ (២)

    Avitakko dhammo savitakkassa dhammassa adhipatipaccayena paccayo. Ārammaṇādhipati – ariyā avitakkā jhānā vuṭṭhahitvā…pe… maggā vuṭṭhahitvā…pe… phalā vuṭṭhahitvā phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa, savitakkassa maggassa, phalassa adhipatipaccayena paccayo; cakkhuṃ…pe… vatthuṃ avitakke khandhe ca vitakkañca garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati, avitakke khandhe ca vitakkañca garuṃ katvā savitakkā khandhā uppajjanti. (2)

    អវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស អធិបតិបច្ចយេន បច្ចយោ។ អារម្មណាធិបតិ – អរិយា អវិតក្កា ឈានា វុដ្ឋហិត្វា…បេ.… មគ្គា វុដ្ឋហិត្វា…បេ.… ផលា វុដ្ឋហិត្វា ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស, សវិតក្កស្ស មគ្គស្ស, ផលស្ស, វិតក្កស្ស ច អធិបតិបច្ចយេន បច្ចយោ; ចក្ខុំ…បេ.… វត្ថុំ អវិតក្កេ ខន្ធេ ច វិតក្កញ្ច គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; អវិតក្កេ ខន្ធេ ច វិតក្កញ្ច គរុំ កត្វា សវិតក្កា ខន្ធា ច វិតក្កោ ច ឧប្បជ្ជន្តិ។ (៣)

    Avitakko dhammo savitakkassa ca avitakkassa ca dhammassa adhipatipaccayena paccayo. Ārammaṇādhipati – ariyā avitakkā jhānā vuṭṭhahitvā…pe… maggā vuṭṭhahitvā…pe… phalā vuṭṭhahitvā phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa, savitakkassa maggassa, phalassa, vitakkassa ca adhipatipaccayena paccayo; cakkhuṃ…pe… vatthuṃ avitakke khandhe ca vitakkañca garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati; avitakke khandhe ca vitakkañca garuṃ katvā savitakkā khandhā ca vitakko ca uppajjanti. (3)

    សវិតក្កោ ច អវិតក្កោ ច ធម្មា សវិតក្កស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – សវិតក្កេ ខន្ធេ ច វិតក្កញ្ច គរុំ កត្វា សវិតក្កា ខន្ធា ឧប្បជ្ជន្តិ។ (មូលំ កាតព្ពំ។) សវិតក្កេ ខន្ធេ ច វិតក្កញ្ច គរុំ កត្វា វិតក្កោ ឧប្បជ្ជតិ។ (មូលំ កាតព្ពំ។) សវិតក្កេ ខន្ធេ ច វិតក្កញ្ច គរុំ កត្វា សវិតក្កា ខន្ធា ច វិតក្កោ ច ឧប្បជ្ជន្តិ។ (៣)

    Savitakko ca avitakko ca dhammā savitakkassa dhammassa adhipatipaccayena paccayo. Ārammaṇādhipati – savitakke khandhe ca vitakkañca garuṃ katvā savitakkā khandhā uppajjanti. (Mūlaṃ kātabbaṃ.) Savitakke khandhe ca vitakkañca garuṃ katvā vitakko uppajjati. (Mūlaṃ kātabbaṃ.) Savitakke khandhe ca vitakkañca garuṃ katvā savitakkā khandhā ca vitakko ca uppajjanti. (3)

    អនន្តរបច្ចយាទិ

    Anantarapaccayādi

    ១២២. សវិតក្កោ ធម្មោ សវិតក្កស្ស ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កា ខន្ធា បច្ឆិមានំ បច្ឆិមានំ សវិតក្កានំ ខន្ធានំ អនន្តរបច្ចយេន បច្ចយោ។ (១)

    122. Savitakko dhammo savitakkassa dhammassa anantarapaccayena paccayo – purimā purimā savitakkā khandhā pacchimānaṃ pacchimānaṃ savitakkānaṃ khandhānaṃ anantarapaccayena paccayo. (1)

    សវិតក្កោ ធម្មោ អវិតក្កស្ស ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កា ខន្ធា បច្ឆិមស្ស បច្ឆិមស្ស វិតក្កស្ស អនន្តរបច្ចយេន បច្ចយោ; សវិតក្កំ ចុតិចិត្តំ អវិតក្កស្ស ឧបបត្តិចិត្តស្ស អនន្តរបច្ចយេន បច្ចយោ; អាវជ្ជនា បញ្ចន្នំ វិញ្ញាណានំ អនន្តរបច្ចយេន បច្ចយោ; សវិតក្កា ខន្ធា អវិតក្កស្ស វុដ្ឋានស្ស អនន្តរបច្ចយេន បច្ចយោ; ទុតិយស្ស ឈានស្ស បរិកម្មំ ទុតិយស្ស ឈានស្ស អនន្តរបច្ចយេន បច្ចយោ; តតិយស្ស ឈានស្ស បរិកម្មំ…បេ.… នេវសញ្ញានាសញ្ញាយតនស្ស បរិកម្មំ នេវសញ្ញានាសញ្ញាយតនស្ស…បេ.… ទិព្ពស្ស ចក្ខុស្ស បរិកម្មំ…បេ.… ទិព្ពាយ សោតធាតុយា បរិកម្មំ…បេ.… ឥទ្ធិវិធញាណស្ស បរិកម្មំ…បេ.… ចេតោបរិយញាណស្ស បរិកម្មំ…បេ.… បុព្ពេនិវាសានុស្សតិញាណស្ស បរិកម្មំ…បេ.… យថាកម្មូបគញាណស្ស បរិកម្មំ យថាកម្មូបគញាណស្ស…បេ.… អនាគតំសញាណស្ស បរិកម្មំ អនាគតំសញាណស្ស អនន្តរបច្ចយេន បច្ចយោ។ គោត្រភុ អវិតក្កស្ស មគ្គស្ស… វោទានំ អវិតក្កស្ស មគ្គស្ស… អនុលោមំ អវិតក្កាយ ផលសមាបត្តិយា អនន្តរបច្ចយេន បច្ចយោ។ (២)

    Savitakko dhammo avitakkassa dhammassa anantarapaccayena paccayo – purimā purimā savitakkā khandhā pacchimassa pacchimassa vitakkassa anantarapaccayena paccayo; savitakkaṃ cuticittaṃ avitakkassa upapatticittassa anantarapaccayena paccayo; āvajjanā pañcannaṃ viññāṇānaṃ anantarapaccayena paccayo; savitakkā khandhā avitakkassa vuṭṭhānassa anantarapaccayena paccayo; dutiyassa jhānassa parikammaṃ dutiyassa jhānassa anantarapaccayena paccayo; tatiyassa jhānassa parikammaṃ…pe… nevasaññānāsaññāyatanassa parikammaṃ nevasaññānāsaññāyatanassa…pe… dibbassa cakkhussa parikammaṃ…pe… dibbāya sotadhātuyā parikammaṃ…pe… iddhividhañāṇassa parikammaṃ…pe… cetopariyañāṇassa parikammaṃ…pe… pubbenivāsānussatiñāṇassa parikammaṃ…pe… yathākammūpagañāṇassa parikammaṃ yathākammūpagañāṇassa…pe… anāgataṃsañāṇassa parikammaṃ anāgataṃsañāṇassa anantarapaccayena paccayo. Gotrabhu avitakkassa maggassa… vodānaṃ avitakkassa maggassa… anulomaṃ avitakkāya phalasamāpattiyā anantarapaccayena paccayo. (2)

    សវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កា ខន្ធា បច្ឆិមានំ បច្ឆិមានំ សវិតក្កានំ ខន្ធានំ វិតក្កស្ស ច អនន្តរបច្ចយេន បច្ចយោ។ (៣)

    Savitakko dhammo savitakkassa ca avitakkassa ca dhammassa anantarapaccayena paccayo – purimā purimā savitakkā khandhā pacchimānaṃ pacchimānaṃ savitakkānaṃ khandhānaṃ vitakkassa ca anantarapaccayena paccayo. (3)

    ១២៣. អវិតក្កោ ធម្មោ អវិតក្កស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិតក្កោ បច្ឆិមស្ស បច្ឆិមស្ស វិតក្កស្ស អនន្តរបច្ចយេន បច្ចយោ; បុរិមា បុរិមា អវិតក្កា ខន្ធា បច្ឆិមានំ បច្ឆិមានំ អវិតក្កានំ ខន្ធានំ អនន្តរបច្ចយេន បច្ចយោ; អវិតក្កោ មគ្គោ អវិតក្កស្ស ផលស្ស…បេ.… អវិតក្កំ ផលំ អវិតក្កស្ស ផលស្ស …បេ.… និរោធា វុដ្ឋហន្តស្ស នេវសញ្ញានាសញ្ញាយតនំ អវិតក្កាយ ផលសមាបត្តិយា អនន្តរបច្ចយេន បច្ចយោ។ (១)

    123. Avitakko dhammo avitakkassa dhammassa anantarapaccayena paccayo – purimo purimo vitakko pacchimassa pacchimassa vitakkassa anantarapaccayena paccayo; purimā purimā avitakkā khandhā pacchimānaṃ pacchimānaṃ avitakkānaṃ khandhānaṃ anantarapaccayena paccayo; avitakko maggo avitakkassa phalassa…pe… avitakkaṃ phalaṃ avitakkassa phalassa …pe… nirodhā vuṭṭhahantassa nevasaññānāsaññāyatanaṃ avitakkāya phalasamāpattiyā anantarapaccayena paccayo. (1)

    អវិតក្កោ ធម្មោ សវិតក្កស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិតក្កោ បច្ឆិមានំ បច្ឆិមានំ សវិតក្កានំ ខន្ធានំ អនន្តរបច្ចយេន បច្ចយោ; អវិតក្កំ ចុតិចិត្តំ សវិតក្កស្ស ឧបបត្តិចិត្តស្ស, អវិតក្កំ ភវង្គំ អាវជ្ជនាយ, អវិតក្កា ខន្ធា សវិតក្កស្ស វុដ្ឋានស្ស អនន្តរបច្ចយេន បច្ចយោ។ (២)

    Avitakko dhammo savitakkassa dhammassa anantarapaccayena paccayo – purimo purimo vitakko pacchimānaṃ pacchimānaṃ savitakkānaṃ khandhānaṃ anantarapaccayena paccayo; avitakkaṃ cuticittaṃ savitakkassa upapatticittassa, avitakkaṃ bhavaṅgaṃ āvajjanāya, avitakkā khandhā savitakkassa vuṭṭhānassa anantarapaccayena paccayo. (2)

    អវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ វិតក្កោ បច្ឆិមានំ បច្ឆិមានំ សវិតក្កានំ ខន្ធានំ វិតក្កស្ស ច អនន្តរបច្ចយេន បច្ចយោ។ (៣)

    Avitakko dhammo savitakkassa ca avitakkassa ca dhammassa anantarapaccayena paccayo – purimo purimo vitakko pacchimānaṃ pacchimānaṃ savitakkānaṃ khandhānaṃ vitakkassa ca anantarapaccayena paccayo. (3)

    ១២៤. សវិតក្កោ ច អវិតក្កោ ច ធម្មា សវិតក្កស្ស ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កា ខន្ធា ច វិតក្កោ ច បច្ឆិមានំ បច្ឆិមានំ សវិតក្កានំ ខន្ធានំ អនន្តរបច្ចយេន បច្ចយោ។ (១)

    124. Savitakko ca avitakko ca dhammā savitakkassa dhammassa anantarapaccayena paccayo – purimā purimā savitakkā khandhā ca vitakko ca pacchimānaṃ pacchimānaṃ savitakkānaṃ khandhānaṃ anantarapaccayena paccayo. (1)

    សវិតក្កោ ច អវិតក្កោ ច ធម្មា អវិតក្កស្ស ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កា ខន្ធា ច វិតក្កោ ច បច្ឆិមស្ស បច្ឆិមស្ស វិតក្កស្ស អនន្តរបច្ចយេន បច្ចយោ; សវិតក្កំ ចុតិចិត្តញ្ច វិតក្កោ ច អវិតក្កស្ស ឧបបត្តិចិត្តស្ស…បេ.… អាវជ្ជនា ច វិតក្កោ ច បញ្ចន្នំ វិញ្ញាណានំ…បេ.… សវិតក្កា ខន្ធា ច វិតក្កោ ច អវិតក្កស្ស វុដ្ឋានស្ស អនន្តរបច្ចយេន បច្ចយោ; ទុតិយស្ស ឈានស្ស បរិកម្មញ្ច វិតក្កោ ច…បេ.… (ហេដ្ឋា លិខិតំ លេខំ ឥមិនា ការណេន ទដ្ឋព្ពំ); អនុលោមញ្ច វិតក្កោ ច អវិតក្កាយ ផលសមាបត្តិយា អនន្តរបច្ចយេន បច្ចយោ។ (២)

    Savitakko ca avitakko ca dhammā avitakkassa dhammassa anantarapaccayena paccayo – purimā purimā savitakkā khandhā ca vitakko ca pacchimassa pacchimassa vitakkassa anantarapaccayena paccayo; savitakkaṃ cuticittañca vitakko ca avitakkassa upapatticittassa…pe… āvajjanā ca vitakko ca pañcannaṃ viññāṇānaṃ…pe… savitakkā khandhā ca vitakko ca avitakkassa vuṭṭhānassa anantarapaccayena paccayo; dutiyassa jhānassa parikammañca vitakko ca…pe… (heṭṭhā likhitaṃ lekhaṃ iminā kāraṇena daṭṭhabbaṃ); anulomañca vitakko ca avitakkāya phalasamāpattiyā anantarapaccayena paccayo. (2)

    សវិតក្កោ ច អវិតក្កោ ច ធម្មា សវិតក្កស្ស ច អវិតក្កស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កា ខន្ធា ច វិតក្កោ ច បច្ឆិមានំ បច្ឆិមានំ សវិតក្កានំ ខន្ធានំ វិតក្កស្ស ច អនន្តរបច្ចយេន បច្ចយោ។ (៣)

    Savitakko ca avitakko ca dhammā savitakkassa ca avitakkassa ca dhammassa anantarapaccayena paccayo – purimā purimā savitakkā khandhā ca vitakko ca pacchimānaṃ pacchimānaṃ savitakkānaṃ khandhānaṃ vitakkassa ca anantarapaccayena paccayo. (3)

    សមនន្តរបច្ចយេន បច្ចយោ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ… និស្សយបច្ចយេន បច្ចយោ… នវ។

    Samanantarapaccayena paccayo… sahajātapaccayena paccayo… nava… aññamaññapaccayena paccayo… nava… nissayapaccayena paccayo… nava.

    ឧបនិស្សយបច្ចយោ

    Upanissayapaccayo

    ១២៥. សវិតក្កោ ធម្មោ សវិតក្កស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សវិតក្កា ខន្ធា សវិតក្កានំ ខន្ធានំ ឧបនិស្សយបច្ចយេន បច្ចយោ។ (មូលំ កាតព្ពំ។) សវិតក្កា ខន្ធា អវិតក្កានំ ខន្ធានំ វិតក្កស្ស ច ឧបនិស្សយបច្ចយេន បច្ចយោ។ (មូលំ កាតព្ពំ។) សវិតក្កា ខន្ធា សវិតក្កានំ ខន្ធានំ វិតក្កស្ស ច ឧបនិស្សយបច្ចយេន បច្ចយោ។ (៣)

    125. Savitakko dhammo savitakkassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – savitakkā khandhā savitakkānaṃ khandhānaṃ upanissayapaccayena paccayo. (Mūlaṃ kātabbaṃ.) Savitakkā khandhā avitakkānaṃ khandhānaṃ vitakkassa ca upanissayapaccayena paccayo. (Mūlaṃ kātabbaṃ.) Savitakkā khandhā savitakkānaṃ khandhānaṃ vitakkassa ca upanissayapaccayena paccayo. (3)

    ១២៦. អវិតក្កោ ធម្មោ អវិតក្កស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អវិតក្កំ សទ្ធំ ឧបនិស្សាយ អវិតក្កំ ឈានំ ឧប្បាទេតិ, មគ្គំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ; អវិតក្កំ សីលំ…បេ.… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ វិតក្កំ ឧបនិស្សាយ អវិតក្កំ ឈានំ ឧប្បាទេតិ, មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ; អវិតក្កា សទ្ធា…បេ.… សេនាសនំ វិតក្កោ ច អវិតក្កាយ សទ្ធាយ…បេ.… បញ្ញាយ… កាយិកស្ស សុខស្ស… កាយិកស្ស ទុក្ខស្ស… អវិតក្កស្ស មគ្គស្ស… ផលសមាបត្តិយា ឧបនិស្សយបច្ចយេន បច្ចយោ។ (១)

    126. Avitakko dhammo avitakkassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – avitakkaṃ saddhaṃ upanissāya avitakkaṃ jhānaṃ uppādeti, maggaṃ uppādeti, abhiññaṃ uppādeti, samāpattiṃ uppādeti; avitakkaṃ sīlaṃ…pe… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ vitakkaṃ upanissāya avitakkaṃ jhānaṃ uppādeti, maggaṃ…pe… abhiññaṃ…pe… samāpattiṃ uppādeti; avitakkā saddhā…pe… senāsanaṃ vitakko ca avitakkāya saddhāya…pe… paññāya… kāyikassa sukhassa… kāyikassa dukkhassa… avitakkassa maggassa… phalasamāpattiyā upanissayapaccayena paccayo. (1)

    អវិតក្កោ ធម្មោ សវិតក្កស្ស ធម្មស្ស ឧបនិស្សយបច្ចយេន បច្ចយោ (តីណិបិ ឧបនិស្សយា សព្ពត្ថ កាតព្ពា)។ អវិតក្កំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ; សវិតក្កំ ឈានំ ឧប្បាទេតិ, វិបស្សនំ…បេ.… មគ្គំ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; អវិតក្កំ សីលំ…បេ.… សេនាសនំ វិតក្កំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ; អវិតក្កា សទ្ធា…បេ.… សេនាសនំ វិតក្កោ ច សវិតក្កាយ សទ្ធាយ…បេ.… បញ្ញាយ… រាគស្ស…បេ.… បត្ថនាយ សវិតក្កស្ស មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (២)

    Avitakko dhammo savitakkassa dhammassa upanissayapaccayena paccayo (tīṇipi upanissayā sabbattha kātabbā). Avitakkaṃ saddhaṃ upanissāya dānaṃ deti, sīlaṃ samādiyati, uposathakammaṃ karoti; savitakkaṃ jhānaṃ uppādeti, vipassanaṃ…pe… maggaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti; avitakkaṃ sīlaṃ…pe… senāsanaṃ vitakkaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; avitakkā saddhā…pe… senāsanaṃ vitakko ca savitakkāya saddhāya…pe… paññāya… rāgassa…pe… patthanāya savitakkassa maggassa, phalasamāpattiyā upanissayapaccayena paccayo. (2)

    អវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស ឧបនិស្សយបច្ចយេន បច្ចយោ – អវិតក្កំ សទ្ធំ ឧបនិស្សាយ ទានំ ទេតិ…បេ.… (ទុតិយវារេ លិខិតបទា សព្ពេ កាតព្ពា) សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; សីលំ…បេ.… បញ្ញំ…បេ.… សេនាសនំ វិតក្កំ ឧបនិស្សាយ ទានំ ទេតិ…បេ.… បាណំ ហនតិ…បេ.… សង្ឃំ ភិន្ទតិ; អវិតក្កា សទ្ធា…បេ.… សេនាសនំ វិតក្កោ ច សវិតក្កាយ សទ្ធាយ…បេ.… បញ្ញាយ… រាគស្ស …បេ.… បត្ថនាយ សវិតក្កស្ស មគ្គស្ស , ផលសមាបត្តិយា វិតក្កស្ស ច ឧបនិស្សយបច្ចយេន បច្ចយោ។ (៣)

    Avitakko dhammo savitakkassa ca avitakkassa ca dhammassa upanissayapaccayena paccayo – avitakkaṃ saddhaṃ upanissāya dānaṃ deti…pe… (dutiyavāre likhitapadā sabbe kātabbā) samāpattiṃ uppādeti, mānaṃ jappeti, diṭṭhiṃ gaṇhāti; sīlaṃ…pe… paññaṃ…pe… senāsanaṃ vitakkaṃ upanissāya dānaṃ deti…pe… pāṇaṃ hanati…pe… saṅghaṃ bhindati; avitakkā saddhā…pe… senāsanaṃ vitakko ca savitakkāya saddhāya…pe… paññāya… rāgassa …pe… patthanāya savitakkassa maggassa , phalasamāpattiyā vitakkassa ca upanissayapaccayena paccayo. (3)

    ១២៧. សវិតក្កោ ច អវិតក្កោ ច ធម្មា សវិតក្កស្ស ធម្មស្ស ឧបនិស្សយបច្ចយេន បច្ចយោ – សវិតក្កា ខន្ធា ច វិតក្កោ ច សវិតក្កានំ ខន្ធានំ ឧបនិស្សយបច្ចយេន បច្ចយោ។ (មូលំ កាតព្ពំ។) សវិតក្កា ខន្ធា ច វិតក្កោ ច អវិតក្កានំ ខន្ធានំ វិតក្កស្ស ច ឧបនិស្សយបច្ចយេន បច្ចយោ។ (មូលំ កាតព្ពំ។) សវិតក្កា ខន្ធា ច វិតក្កោ ច សវិតក្កានំ ខន្ធានំ វិតក្កស្ស ច ឧបនិស្សយបច្ចយេន បច្ចយោ។ (៣)

    127. Savitakko ca avitakko ca dhammā savitakkassa dhammassa upanissayapaccayena paccayo – savitakkā khandhā ca vitakko ca savitakkānaṃ khandhānaṃ upanissayapaccayena paccayo. (Mūlaṃ kātabbaṃ.) Savitakkā khandhā ca vitakko ca avitakkānaṃ khandhānaṃ vitakkassa ca upanissayapaccayena paccayo. (Mūlaṃ kātabbaṃ.) Savitakkā khandhā ca vitakko ca savitakkānaṃ khandhānaṃ vitakkassa ca upanissayapaccayena paccayo. (3)

    បុរេជាតបច្ចយោ

    Purejātapaccayo

    ១២៨. អវិតក្កោ ធម្មោ អវិតក្កស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ វិតក្កោ ឧប្បជ្ជតិ, ទិព្ពេន ចក្ខុនា រូបំ បស្សតិ…បេ.… ផោដ្ឋព្ពាយតនំ កាយវិញ្ញាណស្ស…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ អវិតក្កានំ ខន្ធានំ វិតក្កស្ស ច បុរេជាតបច្ចយេន បច្ចយោ។

    128. Avitakko dhammo avitakkassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati assādeti abhinandati, taṃ ārabbha vitakko uppajjati, dibbena cakkhunā rūpaṃ passati…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu avitakkānaṃ khandhānaṃ vitakkassa ca purejātapaccayena paccayo.

    អវិតក្កោ ធម្មោ សវិតក្កស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ សវិតក្កា ខន្ធា ឧប្បជ្ជន្តិ។ វត្ថុបុរេជាតំ – វត្ថុ សវិតក្កានំ ខន្ធានំ បុរេជាតបច្ចយេន បច្ចយោ។

    Avitakko dhammo savitakkassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati assādeti abhinandati, taṃ ārabbha savitakkā khandhā uppajjanti. Vatthupurejātaṃ – vatthu savitakkānaṃ khandhānaṃ purejātapaccayena paccayo.

    អវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… វិបស្សតិ, អស្សាទេតិ អភិនន្ទតិ, តំ អារព្ភ សវិតក្កា ខន្ធា ច វិតក្កោ ច ឧប្បជ្ជន្តិ។ វត្ថុបុរេជាតំ – វត្ថុ សវិតក្កានំ ខន្ធានំ វិតក្កស្ស ច បុរេជាតបច្ចយេន បច្ចយោ។ (៣)

    Avitakko dhammo savitakkassa ca avitakkassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati, assādeti abhinandati, taṃ ārabbha savitakkā khandhā ca vitakko ca uppajjanti. Vatthupurejātaṃ – vatthu savitakkānaṃ khandhānaṃ vitakkassa ca purejātapaccayena paccayo. (3)

    បច្ឆាជាតាសេវនបច្ចយា

    Pacchājātāsevanapaccayā

    ១២៩. សវិតក្កោ ធម្មោ អវិតក្កស្ស ធម្មស្ស បច្ឆាជាតបច្ចយេន បច្ចយោ (តីណិ, បច្ឆាជាតា)… អាសេវនបច្ចយេន បច្ចយោ… នវ។

    129. Savitakko dhammo avitakkassa dhammassa pacchājātapaccayena paccayo (tīṇi, pacchājātā)… āsevanapaccayena paccayo… nava.

    កម្មបច្ចយាទិ

    Kammapaccayādi

    ១៣០. សវិតក្កោ ធម្មោ សវិតក្កស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – សវិតក្កា ចេតនា សម្បយុត្តកានំ ខន្ធានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – សវិតក្កា ចេតនា វិបាកានំ សវិតក្កានំ ខន្ធានំ កម្មបច្ចយេន បច្ចយោ។ (ឯវំ ចត្តារិ, សហជាតាបិ នានាក្ខណិកាបិ កាតព្ពា។)

    130. Savitakko dhammo savitakkassa dhammassa kammapaccayena paccayo – sahajātā, nānākkhaṇikā. Sahajātā – savitakkā cetanā sampayuttakānaṃ khandhānaṃ kammapaccayena paccayo; paṭisandhikkhaṇe…pe…. Nānākkhaṇikā – savitakkā cetanā vipākānaṃ savitakkānaṃ khandhānaṃ kammapaccayena paccayo. (Evaṃ cattāri, sahajātāpi nānākkhaṇikāpi kātabbā.)

    វិបាកបច្ចយេន បច្ចយោ… នវ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… នវ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… ឆ។

    Vipākapaccayena paccayo… nava… āhārapaccayena paccayo… cattāri… indriyapaccayena paccayo… cattāri… jhānapaccayena paccayo… nava… maggapaccayena paccayo… nava… sampayuttapaccayena paccayo… cha.

    ១៣១. សវិតក្កោ ធម្មោ សវិតក្កស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ (១)

    131. Savitakko dhammo savitakkassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    អវិតក្កោ ធម្មោ អវិតក្កស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ , បច្ឆាជាតំ (សំខិត្តំ)។ អវិតក្កោ ធម្មោ សវិតក្កស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ (សំខិត្តំ)។ អវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ។ សហជាតំ – បដិសន្ធិក្ខណេ វត្ថុ វិតក្កស្ស សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ។ បុរេជាតំ – វត្ថុ វិតក្កស្ស សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ។ (៣)

    Avitakko dhammo avitakkassa dhammassa vippayuttapaccayena paccayo – sahajātaṃ, purejātaṃ , pacchājātaṃ (saṃkhittaṃ). Avitakko dhammo savitakkassa dhammassa vippayuttapaccayena paccayo – sahajātaṃ, purejātaṃ (saṃkhittaṃ). Avitakko dhammo savitakkassa ca avitakkassa ca dhammassa vippayuttapaccayena paccayo – sahajātaṃ, purejātaṃ. Sahajātaṃ – paṭisandhikkhaṇe vatthu vitakkassa sampayuttakānañca khandhānaṃ vippayuttapaccayena paccayo. Purejātaṃ – vatthu vitakkassa sampayuttakānañca khandhānaṃ vippayuttapaccayena paccayo. (3)

    សវិតក្កោ ច អវិតក្កោ ច ធម្មា អវិតក្កស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ)។

    Savitakko ca avitakko ca dhammā avitakkassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ).

    អត្ថិបច្ចយាទិ

    Atthipaccayādi

    ១៣២. សវិតក្កោ ធម្មោ សវិតក្កស្ស ធម្មស្ស អត្ថិបច្ចយេន បច្ចយោ (ឯកំ, បដិច្ចសទិសំ)។ សវិតក្កោ ធម្មោ អវិតក្កស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ សវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ)។ (៣)

    132. Savitakko dhammo savitakkassa dhammassa atthipaccayena paccayo (ekaṃ, paṭiccasadisaṃ). Savitakko dhammo avitakkassa dhammassa atthipaccayena paccayo – sahajātaṃ, pacchājātaṃ (saṃkhittaṃ). Savitakko dhammo savitakkassa ca avitakkassa ca dhammassa atthipaccayena paccayo (paṭiccasadisaṃ). (3)

    អវិតក្កោ ធម្មោ អវិតក្កស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ អវិតក្កោ ធម្មោ សវិតក្កស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ)។ អវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – វិតក្កោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ; បដិសន្ធិក្ខណេ វិតក្កោ សម្បយុត្តកានំ ខន្ធានំ កដត្តា ច រូបានំ អត្ថិបច្ចយេន បច្ចយោ, បដិសន្ធិក្ខណេ វត្ថុ វិតក្កស្ស សម្បយុត្តកានញ្ច ខន្ធានំ អត្ថិបច្ចយេន បច្ចយោ។ បុរេជាតំ – ចក្ខុំ…បេ.… វត្ថុំ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ វិតក្កោ ច សម្បយុត្តកា ច ខន្ធា ឧប្បជ្ជន្តិ, វត្ថុ វិតក្កស្ស សម្បយុត្តកានញ្ច ខន្ធានំ អត្ថិបច្ចយេន បច្ចយោ។ (៣)

    Avitakko dhammo avitakkassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). Avitakko dhammo savitakkassa dhammassa atthipaccayena paccayo – sahajātaṃ, purejātaṃ (saṃkhittaṃ). Avitakko dhammo savitakkassa ca avitakkassa ca dhammassa atthipaccayena paccayo – sahajātaṃ, purejātaṃ. Sahajāto – vitakko sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo; paṭisandhikkhaṇe vitakko sampayuttakānaṃ khandhānaṃ kaṭattā ca rūpānaṃ atthipaccayena paccayo, paṭisandhikkhaṇe vatthu vitakkassa sampayuttakānañca khandhānaṃ atthipaccayena paccayo. Purejātaṃ – cakkhuṃ…pe… vatthuṃ aniccato…pe… vipassati assādeti abhinandati, taṃ ārabbha vitakko ca sampayuttakā ca khandhā uppajjanti, vatthu vitakkassa sampayuttakānañca khandhānaṃ atthipaccayena paccayo. (3)

    ១៣៣. សវិតក្កោ ច អវិតក្កោ ច ធម្មា សវិតក្កស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – សវិតក្កោ ឯកោ ខន្ធោ ច វិតក្កោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ សហជាតោ – សវិតក្កោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.… (បដិសន្ធិក្ខណេ សហជាតាបិ ទ្វេបិ កាតព្ពា)។ (១)

    133. Savitakko ca avitakko ca dhammā savitakkassa dhammassa atthipaccayena paccayo – sahajātaṃ, purejātaṃ. Sahajāto – savitakko eko khandho ca vitakko ca tiṇṇannaṃ khandhānaṃ atthipaccayena paccayo…pe… dve khandhā ca…pe…. Sahajāto – savitakko eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe… (paṭisandhikkhaṇe sahajātāpi dvepi kātabbā). (1)

    សវិតក្កោ ច អវិតក្កោ ច ធម្មា អវិតក្កស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតា – សវិតក្កា ខន្ធា ច វិតក្កោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ សហជាតា – សវិតក្កា ខន្ធា ច វត្ថុ ច វិតក្កស្ស អត្ថិបច្ចយេន បច្ចយោ (បដិសន្ធិក្ខណេ, តីណិ)។ បច្ឆាជាតា – សវិតក្កា ខន្ធា ច វិតក្កោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – សវិតក្កា ខន្ធា ច វិតក្កោ ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – សវិតក្កា ខន្ធា ច វិតក្កោ ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (៣)

    Savitakko ca avitakko ca dhammā avitakkassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajātā – savitakkā khandhā ca vitakko ca cittasamuṭṭhānānaṃ rūpānaṃ atthipaccayena paccayo. Sahajātā – savitakkā khandhā ca vatthu ca vitakkassa atthipaccayena paccayo (paṭisandhikkhaṇe, tīṇi). Pacchājātā – savitakkā khandhā ca vitakko ca purejātassa imassa kāyassa atthipaccayena paccayo. Pacchājātā – savitakkā khandhā ca vitakko ca kabaḷīkāro āhāro ca imassa kāyassa atthipaccayena paccayo. Pacchājātā – savitakkā khandhā ca vitakko ca rūpajīvitindriyañca kaṭattārūpānaṃ atthipaccayena paccayo. (3)

    សវិតក្កោ ច អវិតក្កោ ច ធម្មា សវិតក្កស្ស ច អវិតក្កស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – សវិតក្កោ ឯកោ ខន្ធោ ច វិតក្កោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ សហជាតោ – សវិតក្កោ ឯកោ ខន្ធោ ច វត្ថុ ច តិណ្ណន្នំ ខន្ធានំ វិតក្កស្ស ច អត្ថិបច្ចយេន បច្ចយោ…បេ.… ទ្វេ ខន្ធា ច…បេ.… (បដិសន្ធិយាបិ ទ្វេ)។ (៣)

    Savitakko ca avitakko ca dhammā savitakkassa ca avitakkassa ca dhammassa atthipaccayena paccayo – sahajātaṃ, purejātaṃ. Sahajāto – savitakko eko khandho ca vitakko ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajāto – savitakko eko khandho ca vatthu ca tiṇṇannaṃ khandhānaṃ vitakkassa ca atthipaccayena paccayo…pe… dve khandhā ca…pe… (paṭisandhiyāpi dve). (3)

    នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។

    Natthipaccayena paccayo… vigatapaccayena paccayo… avigatapaccayena paccayo.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១៣៤. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ ចត្តារិ, វិបាកេ នវ, អាហារេ ចត្តារិ, ឥន្ទ្រិយេ ចត្តារិ, ឈានេ នវ, មគ្គេ នវ, សម្បយុត្តេ ឆ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    134. Hetuyā cattāri, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme cattāri, vipāke nava, āhāre cattāri, indriye cattāri, jhāne nava, magge nava, sampayutte cha, vippayutte pañca, atthiyā nava, natthiyā nava, vigate nava, avigate nava.

    អនុលោមំ។

    Anulomaṃ.

    បច្ចនីយុទ្ធារោ

    Paccanīyuddhāro

    ១៣៥. សវិតក្កោ ធម្មោ សវិតក្កស្ស ធម្មស្ស អារម្មណបច្ចយេន បច្ចយោ … សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ សវិតក្កោ ធម្មោ អវិតក្កស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ សវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៣)

    135. Savitakko dhammo savitakkassa dhammassa ārammaṇapaccayena paccayo … sahajātapaccayena paccayo… upanissayapaccayena paccayo… kammapaccayena paccayo. Savitakko dhammo avitakkassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. Savitakko dhammo savitakkassa ca avitakkassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (3)

    ១៣៦. អវិតក្កោ ធម្មោ អវិតក្កស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ អវិតក្កោ ធម្មោ សវិតក្កស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ អវិតក្កោ ធម្មោ សវិតក្កស្ស ច អវិតក្កស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

    136. Avitakko dhammo avitakkassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. Avitakko dhammo savitakkassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. Avitakko dhammo savitakkassa ca avitakkassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ១៣៧. សវិតក្កោ ច អវិតក្កោ ច ធម្មា សវិតក្កស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ សវិតក្កោ ច អវិតក្កោ ច ធម្មា អវិតក្កស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ … ឧបនិស្សយបច្ចយេន បច្ចយោ … បច្ឆាជាតបច្ចយេន បច្ចយោ។ សវិតក្កោ ច អវិតក្កោ ច ធម្មា សវិតក្កស្ស ច អវិតក្កស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    137. Savitakko ca avitakko ca dhammā savitakkassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. Savitakko ca avitakko ca dhammā avitakkassa dhammassa ārammaṇapaccayena paccayo… sahajātapaccayena paccayo … upanissayapaccayena paccayo … pacchājātapaccayena paccayo. Savitakko ca avitakko ca dhammā savitakkassa ca avitakkassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ១៣៨. នហេតុយា នវ, នអារម្មណេ នវ (សព្ពត្ថ នវ), នោអវិគតេ នវ។

    138. Nahetuyā nava, naārammaṇe nava (sabbattha nava), noavigate nava.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ១៣៩. ហេតុបច្ចយា នអារម្មណេ ចត្តារិ…បេ.… នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ…បេ.… នសម្បយុត្តេ ទ្វេ, នវិប្បយុត្តេ ចត្តារិ, នោនត្ថិយា ចត្តារិ, នោវិគតេ ចត្តារិ។

    139. Hetupaccayā naārammaṇe cattāri…pe… nasamanantare cattāri, naaññamaññe dve, naupanissaye cattāri…pe… nasampayutte dve, navippayutte cattāri, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ១៤០. នហេតុបច្ចយា អារម្មណេ នវ, អធិបតិយា នវ (អនុលោមមាតិកា វិត្ថារេតព្ពា)…បេ.… អវិគតេ នវ។

    140. Nahetupaccayā ārammaṇe nava, adhipatiyā nava (anulomamātikā vitthāretabbā)…pe… avigate nava.

    សវិតក្កទុកំ និដ្ឋិតំ។

    Savitakkadukaṃ niṭṭhitaṃ.

    ៨៨. សវិចារទុកំ

    88. Savicāradukaṃ

    ១-៧. បដិច្ចវារាទិ

    1-7. Paṭiccavārādi

    ១៤១. សវិចារំ ធម្មំ បដិច្ច សវិចារោ ធម្មោ ឧប្បជ្ជតិ ហេតុបច្ចយា – សវិចារំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (យថា សវិតក្កទុកំ, ឯវំ កាតព្ពំ, និន្នានាករណំ។ ឥធ មគ្គេ ចត្តារិ កាតព្ពានិ។ សវិចារទុកេ ឥមំ នានាករណំ។)

    141. Savicāraṃ dhammaṃ paṭicca savicāro dhammo uppajjati hetupaccayā – savicāraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. (Yathā savitakkadukaṃ, evaṃ kātabbaṃ, ninnānākaraṇaṃ. Idha magge cattāri kātabbāni. Savicāraduke imaṃ nānākaraṇaṃ.)

    សវិចារទុកំ និដ្ឋិតំ។

    Savicāradukaṃ niṭṭhitaṃ.

    ៨៩. សប្បីតិកទុកំ

    89. Sappītikadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៤២. សប្បីតិកំ ធម្មំ បដិច្ច សប្បីតិកោ ធម្មោ ឧប្បជ្ជតិ ហេតុបច្ចយា – សប្បីតិកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ សប្បីតិកំ ធម្មំ បដិច្ច អប្បីតិកោ ធម្មោ ឧប្បជ្ជតិ ហេតុបច្ចយា – សប្បីតិកេ ខន្ធេ បដិច្ច បីតិ ច ចិត្តសមុដ្ឋានញ្ច រូបំ; បដិសន្ធិក្ខណេ…បេ.…។ សប្បីតិកំ ធម្មំ បដិច្ច សប្បីតិកោ ច អប្បីតិកោ ច ធម្មា ឧប្បជ្ជន្តិ ហេតុបច្ចយា – សប្បីតិកំ ឯកំ ខន្ធំ បដិច្ច តយោ ខន្ធា បីតិ ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    142. Sappītikaṃ dhammaṃ paṭicca sappītiko dhammo uppajjati hetupaccayā – sappītikaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Sappītikaṃ dhammaṃ paṭicca appītiko dhammo uppajjati hetupaccayā – sappītike khandhe paṭicca pīti ca cittasamuṭṭhānañca rūpaṃ; paṭisandhikkhaṇe…pe…. Sappītikaṃ dhammaṃ paṭicca sappītiko ca appītiko ca dhammā uppajjanti hetupaccayā – sappītikaṃ ekaṃ khandhaṃ paṭicca tayo khandhā pīti ca cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    អប្បីតិកំ ធម្មំ បដិច្ច អប្បីតិកោ ធម្មោ ឧប្បជ្ជតិ ហេតុបច្ចយា – អប្បីតិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បីតិំ បដិច្ច ចិត្តសមុដ្ឋានំ រូបំ; បដិសន្ធិក្ខណេ អប្បីតិកំ ឯកំ ខន្ធំ បដិច្ច តយោ ខន្ធា កដត្តា ច រូបំ, ទ្វេ ខន្ធេ…បេ.… បីតិំ បដិច្ច កដត្តារូបំ, ខន្ធេ បដិច្ច វត្ថុ, វត្ថុំ បដិច្ច ខន្ធា, បីតិំ បដិច្ច វត្ថុ, វត្ថុំ បដិច្ច បីតិ, ឯកំ មហាភូតំ…បេ.…។ (យថា សវិតក្កទុកំ សព្ពត្ថ, ឯវំ សប្បីតិកទុកំ កាតព្ពំ, សព្ពត្ថ បវត្តិបដិសន្ធិ នវបិ បញ្ហា។)

    Appītikaṃ dhammaṃ paṭicca appītiko dhammo uppajjati hetupaccayā – appītikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… pītiṃ paṭicca cittasamuṭṭhānaṃ rūpaṃ; paṭisandhikkhaṇe appītikaṃ ekaṃ khandhaṃ paṭicca tayo khandhā kaṭattā ca rūpaṃ, dve khandhe…pe… pītiṃ paṭicca kaṭattārūpaṃ, khandhe paṭicca vatthu, vatthuṃ paṭicca khandhā, pītiṃ paṭicca vatthu, vatthuṃ paṭicca pīti, ekaṃ mahābhūtaṃ…pe…. (Yathā savitakkadukaṃ sabbattha, evaṃ sappītikadukaṃ kātabbaṃ, sabbattha pavattipaṭisandhi navapi pañhā.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ១៤៣. ហេតុយា នវ, អារម្មណេ នវ, អធិបតិយា នវ…បេ.… បុរេជាតេ ឆ…បេ.… កម្មេ នវ, វិបាកេ នវ…បេ.… អវិគតេ នវ។

    143. Hetuyā nava, ārammaṇe nava, adhipatiyā nava…pe… purejāte cha…pe… kamme nava, vipāke nava…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ១៤៤. សប្បីតិកំ ធម្មំ បដិច្ច សប្បីតិកោ ធម្មោ ឧប្បជ្ជតិ នហេតុបច្ចយា – អហេតុកំ សប្បីតិកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ សប្បីតិកំ ធម្មំ បដិច្ច អប្បីតិកោ ធម្មោ ឧប្បជ្ជតិ នហេតុបច្ចយា – អហេតុកេ សប្បីតិកេ ខន្ធេ បដិច្ច បីតិ ច ចិត្តសមុដ្ឋានញ្ច រូបំ។ សប្បីតិកំ ធម្មំ បដិច្ច សប្បីតិកោ ច អប្បីតិកោ ច ធម្មា ឧប្បជ្ជន្តិ នហេតុបច្ចយា – អហេតុកំ សប្បីតិកំ ឯកំ ខន្ធំ បដិច្ច តយោ ខន្ធា បីតិ ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    144. Sappītikaṃ dhammaṃ paṭicca sappītiko dhammo uppajjati nahetupaccayā – ahetukaṃ sappītikaṃ ekaṃ khandhaṃ paṭicca tayo khandhā…pe… dve khandhe…pe…. Sappītikaṃ dhammaṃ paṭicca appītiko dhammo uppajjati nahetupaccayā – ahetuke sappītike khandhe paṭicca pīti ca cittasamuṭṭhānañca rūpaṃ. Sappītikaṃ dhammaṃ paṭicca sappītiko ca appītiko ca dhammā uppajjanti nahetupaccayā – ahetukaṃ sappītikaṃ ekaṃ khandhaṃ paṭicca tayo khandhā pīti ca cittasamuṭṭhānañca rūpaṃ…pe… dve khandhe…pe…. (3)

    អប្បីតិកំ ធម្មំ បដិច្ច អប្បីតិកោ ធម្មោ ឧប្បជ្ជតិ នហេតុបច្ចយា – អហេតុកំ អប្បីតិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បីតិំ បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ អប្បីតិកំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ, ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… (យាវ អសញ្ញសត្តាបិ) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ អប្បីតិកំ ធម្មំ បដិច្ច សប្បីតិកោ ធម្មោ ឧប្បជ្ជតិ នហេតុបច្ចយា – អហេតុកំ បីតិំ បដិច្ច សប្បីតិកា ខន្ធា។ (មូលំ កាតព្ពំ។) បីតិំ បដិច្ច សប្បីតិកា ខន្ធា ចិត្តសមុដ្ឋានញ្ច រូបំ។ (៣)

    Appītikaṃ dhammaṃ paṭicca appītiko dhammo uppajjati nahetupaccayā – ahetukaṃ appītikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… pītiṃ paṭicca cittasamuṭṭhānaṃ rūpaṃ; ahetukapaṭisandhikkhaṇe appītikaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe paṭicca dve khandhā kaṭattā ca rūpaṃ, khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… (yāva asaññasattāpi) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. Appītikaṃ dhammaṃ paṭicca sappītiko dhammo uppajjati nahetupaccayā – ahetukaṃ pītiṃ paṭicca sappītikā khandhā. (Mūlaṃ kātabbaṃ.) Pītiṃ paṭicca sappītikā khandhā cittasamuṭṭhānañca rūpaṃ. (3)

    ១៤៥. សប្បីតិកញ្ច អប្បីតិកញ្ច ធម្មំ បដិច្ច សប្បីតិកោ ធម្មោ ឧប្បជ្ជតិ នហេតុបច្ចយា – អហេតុកំ សប្បីតិកំ ឯកំ ខន្ធញ្ច បីតិញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ សប្បីតិកញ្ច អប្បីតិកញ្ច ធម្មំ បដិច្ច អប្បីតិកោ ធម្មោ ឧប្បជ្ជតិ នហេតុបច្ចយា – អហេតុកេ សប្បីតិកេ ខន្ធេ ច បីតិញ្ច បដិច្ច ចិត្តសមុដ្ឋានំ រូបំ, អហេតុកេ សប្បីតិកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ សប្បីតិកញ្ច អប្បីតិកញ្ច ធម្មំ បដិច្ច សប្បីតិកោ ច អប្បីតិកោ ច ធម្មា ឧប្បជ្ជន្តិ នហេតុបច្ចយា – អហេតុកំ សប្បីតិកំ ឯកំ ខន្ធញ្ច បីតិញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… អហេតុកំ សប្បីតិកំ ឯកំ ខន្ធញ្ច បីតិញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.… អហេតុកេ សប្បីតិកេ ខន្ធេ ច បីតិញ្ច មហាភូតេ ច បដិច្ច ចិត្តសមុដ្ឋានំ រូបំ។ (៣)

    145. Sappītikañca appītikañca dhammaṃ paṭicca sappītiko dhammo uppajjati nahetupaccayā – ahetukaṃ sappītikaṃ ekaṃ khandhañca pītiñca paṭicca tayo khandhā…pe… dve khandhe ca…pe…. Sappītikañca appītikañca dhammaṃ paṭicca appītiko dhammo uppajjati nahetupaccayā – ahetuke sappītike khandhe ca pītiñca paṭicca cittasamuṭṭhānaṃ rūpaṃ, ahetuke sappītike khandhe ca mahābhūte ca paṭicca cittasamuṭṭhānaṃ rūpaṃ. Sappītikañca appītikañca dhammaṃ paṭicca sappītiko ca appītiko ca dhammā uppajjanti nahetupaccayā – ahetukaṃ sappītikaṃ ekaṃ khandhañca pītiñca paṭicca tayo khandhā cittasamuṭṭhānañca rūpaṃ…pe… dve khandhe ca…pe… ahetukaṃ sappītikaṃ ekaṃ khandhañca pītiñca paṭicca tayo khandhā…pe… dve khandhe ca…pe… ahetuke sappītike khandhe ca pītiñca mahābhūte ca paṭicca cittasamuṭṭhānaṃ rūpaṃ. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១៤៦. នហេតុយា នវ, នអារម្មណេ តីណិ, នអធិបតិយា នវ, នអនន្តរេ តីណិ…បេ.… នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    146. Nahetuyā nava, naārammaṇe tīṇi, naadhipatiyā nava, naanantare tīṇi…pe… naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge nava, nasampayutte tīṇi, navippayutte cha, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (ឯវំ ឥតរេ ទ្វេ គណនាបិ សហជាតវារោបិ កាតព្ពោ។)

    (Evaṃ itare dve gaṇanāpi sahajātavāropi kātabbo.)

    ៣. បច្ចយវារោ

    3. Paccayavāro

    ១-៤. បច្ចយានុលោមាទិ

    1-4. Paccayānulomādi

    ១៤៧. សប្បីតិកំ ធម្មំ បច្ចយា សប្បីតិកោ ធម្មោ ឧប្បជ្ជតិ ហេតុបច្ចយា។ (សំខិត្តំ។ យថា សវិតក្កទុកេ អនុលោមបច្ចយវារំ, ឯវំ បវត្តិបដិសន្ធិ នវ បញ្ហា បរិបុណ្ណា បីតិ និន្នានាករណា។)

    147. Sappītikaṃ dhammaṃ paccayā sappītiko dhammo uppajjati hetupaccayā. (Saṃkhittaṃ. Yathā savitakkaduke anulomapaccayavāraṃ, evaṃ pavattipaṭisandhi nava pañhā paripuṇṇā pīti ninnānākaraṇā.)

    ហេតុយា នវ, អារម្មណេ នវ, អធិបតិយា នវ…បេ.… អវិគតេ នវ។

    Hetuyā nava, ārammaṇe nava, adhipatiyā nava…pe… avigate nava.

    អនុលោមំ។

    Anulomaṃ.

    សប្បីតិកំ ធម្មំ បច្ចយា សប្បីតិកោ ធម្មោ ឧប្បជ្ជតិ នហេតុបច្ចយា… តីណិ (បដិច្ចសទិសា)។

    Sappītikaṃ dhammaṃ paccayā sappītiko dhammo uppajjati nahetupaccayā… tīṇi (paṭiccasadisā).

    អប្បីតិកំ ធម្មំ បច្ចយា អប្បីតិកោ ធម្មោ ឧប្បជ្ជតិ នហេតុបច្ចយា។ (បវត្តិបដិសន្ធិ កាតព្ពា បដិច្ចវារសទិសា, យាវ អសញ្ញសត្តា។) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា អប្បីតិកា ខន្ធា បីតិ ច, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (អនុលោមសទិសា នវ បញ្ហា, បវត្តិយេវ បដិសន្ធិ នត្ថិ, ឯកោយេវ មោហោ។)

    Appītikaṃ dhammaṃ paccayā appītiko dhammo uppajjati nahetupaccayā. (Pavattipaṭisandhi kātabbā paṭiccavārasadisā, yāva asaññasattā.) Cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā appītikā khandhā pīti ca, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (Anulomasadisā nava pañhā, pavattiyeva paṭisandhi natthi, ekoyeva moho.)

    នហេតុយា នវ, នអារម្មណេ តីណិ, នអធិបតិយា នវ, នអនន្តរេ តីណិ…បេ.… នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ នវ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    Nahetuyā nava, naārammaṇe tīṇi, naadhipatiyā nava, naanantare tīṇi…pe… naupanissaye tīṇi, napurejāte nava, napacchājāte nava, naāsevane nava, nakamme nava, navipāke nava, naāhāre ekaṃ, naindriye ekaṃ, najhāne ekaṃ, namagge nava, nasampayutte tīṇi, navippayutte cha, nonatthiyā tīṇi, novigate tīṇi.

    បច្ចនីយំ។

    Paccanīyaṃ.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ១៤៨. សប្បីតិកំ ធម្មំ សំសដ្ឋោ សប្បីតិកោ ធម្មោ ឧប្បជ្ជតិ ហេតុបច្ចយា…បេ.… ហេតុយា ឆ, អារម្មណេ ឆ (សព្ពត្ថ ឆ), អវិគតេ ឆ។

    148. Sappītikaṃ dhammaṃ saṃsaṭṭho sappītiko dhammo uppajjati hetupaccayā…pe… hetuyā cha, ārammaṇe cha (sabbattha cha), avigate cha.

    អនុលោមំ។

    Anulomaṃ.

    នហេតុយា ឆ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នឈានេ ឯកំ, នមគ្គេ ឆ, នវិប្បយុត្តេ ឆ។

    Nahetuyā cha, naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, najhāne ekaṃ, namagge cha, navippayutte cha.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៤៩. សប្បីតិកោ ធម្មោ សប្បីតិកស្ស ធម្មស្ស ហេតុបច្ចយេន បច្ចយោ – សប្បីតិកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ.…។ សប្បីតិកោ ធម្មោ អប្បីតិកស្ស ធម្មស្ស ហេតុបច្ចយេន បច្ចយោ – សប្បីតិកា ហេតូ បីតិយា ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (មូលំ កាតព្ពំ។) សប្បីតិកា ហេតូ សម្បយុត្តកានំ ខន្ធានំ បីតិយា ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (៣)

    149. Sappītiko dhammo sappītikassa dhammassa hetupaccayena paccayo – sappītikā hetū sampayuttakānaṃ khandhānaṃ hetupaccayena paccayo; paṭisandhikkhaṇe…pe…. Sappītiko dhammo appītikassa dhammassa hetupaccayena paccayo – sappītikā hetū pītiyā ca cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (Mūlaṃ kātabbaṃ.) Sappītikā hetū sampayuttakānaṃ khandhānaṃ pītiyā ca cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (3)

    អប្បីតិកោ ធម្មោ អប្បីតិកស្ស ធម្មស្ស ហេតុបច្ចយេន បច្ចយោ – អប្បីតិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    Appītiko dhammo appītikassa dhammassa hetupaccayena paccayo – appītikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    អារម្មណបច្ចយោ

    Ārammaṇapaccayo

    ១៥០. សប្បីតិកោ ធម្មោ សប្បីតិកស្ស ធម្មស្ស អារម្មណបច្ចយេន បច្ចយោ – សប្បីតិកេ ខន្ធេ អារព្ភ សប្បីតិកា ខន្ធា ឧប្បជ្ជន្តិ។ (មូលំ កាតព្ពំ។) សប្បីតិកេ ខន្ធេ អារព្ភ អប្បីតិកា ខន្ធា ច បីតិ ច ឧប្បជ្ជន្តិ។ (មូលំ កាតព្ពំ។) សប្បីតិកេ ខន្ធេ អារព្ភ សប្បីតិកា ខន្ធា ច បីតិ ច ឧប្បជ្ជន្តិ។ (៣)

    150. Sappītiko dhammo sappītikassa dhammassa ārammaṇapaccayena paccayo – sappītike khandhe ārabbha sappītikā khandhā uppajjanti. (Mūlaṃ kātabbaṃ.) Sappītike khandhe ārabbha appītikā khandhā ca pīti ca uppajjanti. (Mūlaṃ kātabbaṃ.) Sappītike khandhe ārabbha sappītikā khandhā ca pīti ca uppajjanti. (3)

    ១៥១. អប្បីតិកោ ធម្មោ អប្បីតិកស្ស ធម្មស្ស អារម្មណបច្ចយេន បច្ចយោ – អប្បីតិកេន ចិត្តេន ទានំ ទត្វា សីលំ…បេ.… ឧបោសថកម្មំ កត្វា អប្បីតិកេន ចិត្តេន បច្ចវេក្ខតិ, អស្សាទេតិ អភិនន្ទតិ, តំ អារព្ភ អប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ, ទោមនស្សំ ឧប្បជ្ជតិ; អប្បីតិកា ឈានា វុដ្ឋហិត្វា…បេ.… មគ្គា វុដ្ឋហិត្វា…បេ.… ផលា វុដ្ឋហិត្វា អប្បីតិកេន ចិត្តេន ផលំ បច្ចវេក្ខតិ, អរិយា អប្បីតិកេន ចិត្តេន និព្ពានំ បច្ចវេក្ខន្តិ, និព្ពានំ អប្បីតិកស្ស គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ បីតិយា ច អារម្មណបច្ចយេន បច្ចយោ; អរិយា អប្បីតិកេន ចិត្តេន អប្បីតិកេ បហីនេ កិលេសេ…បេ.… វិក្ខម្ភិតេ កិលេសេ…បេ.… បុព្ពេ…បេ.… ចក្ខុំ…បេ.… វត្ថុំ អប្បីតិកេ ខន្ធេ ច បីតិញ្ច អប្បីតិកេន ចិត្តេន អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ អប្បីតិកោ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ…បេ.… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ; អប្បីតិកា ខន្ធា ឥទ្ធិវិធញាណស្ស ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ បីតិយា ច អារម្មណបច្ចយេន បច្ចយោ; អប្បីតិកេ ខន្ធេ ច បីតិញ្ច អារព្ភ អប្បីតិកា ខន្ធា ច បីតិ ច ឧប្បជ្ជន្តិ។ (១)

    151. Appītiko dhammo appītikassa dhammassa ārammaṇapaccayena paccayo – appītikena cittena dānaṃ datvā sīlaṃ…pe… uposathakammaṃ katvā appītikena cittena paccavekkhati, assādeti abhinandati, taṃ ārabbha appītiko rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati; appītikā jhānā vuṭṭhahitvā…pe… maggā vuṭṭhahitvā…pe… phalā vuṭṭhahitvā appītikena cittena phalaṃ paccavekkhati, ariyā appītikena cittena nibbānaṃ paccavekkhanti, nibbānaṃ appītikassa gotrabhussa, vodānassa, maggassa, phalassa, āvajjanāya pītiyā ca ārammaṇapaccayena paccayo; ariyā appītikena cittena appītike pahīne kilese…pe… vikkhambhite kilese…pe… pubbe…pe… cakkhuṃ…pe… vatthuṃ appītike khandhe ca pītiñca appītikena cittena aniccato…pe… vipassati assādeti abhinandati, taṃ ārabbha appītiko rāgo uppajjati…pe… domanassaṃ uppajjati; dibbena cakkhunā rūpaṃ passati…pe… phoṭṭhabbāyatanaṃ kāyaviññāṇassa ārammaṇapaccayena paccayo; appītikā khandhā iddhividhañāṇassa cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya pītiyā ca ārammaṇapaccayena paccayo; appītike khandhe ca pītiñca ārabbha appītikā khandhā ca pīti ca uppajjanti. (1)

    អប្បីតិកោ ធម្មោ សប្បីតិកស្ស ធម្មស្ស អារម្មណបច្ចយេន បច្ចយោ – អប្បីតិកេន ចិត្តេន ទានំ ទត្វា សីលំ…បេ.… ឧបោសថកម្មំ…បេ.… សប្បីតិកេន ចិត្តេន បច្ចវេក្ខតិ អស្សាទេតិ អភិនន្ទតិ, តំ អារព្ភ សប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ; អប្បីតិកា ឈានា វុដ្ឋហិត្វា…បេ.… មគ្គា វុដ្ឋហិត្វា…បេ.… ផលា វុដ្ឋហិត្វា សប្បីតិកេន ចិត្តេន ផលំ បច្ចវេក្ខតិ, អរិយា សប្បីតិកេន ចិត្តេន និព្ពានំ បច្ចវេក្ខន្តិ, និព្ពានំ សប្បីតិកស្ស គោត្រភុស្ស, វោទានស្ស, មគ្គស្ស, ផលស្ស អារម្មណបច្ចយេន បច្ចយោ; អរិយា សប្បីតិកេន ចិត្តេន អប្បីតិកេ បហីនេ កិលេសេ…បេ.… វិក្ខម្ភិតេ កិលេសេ …បេ.… បុព្ពេ…បេ.… ចក្ខុំ…បេ.… វត្ថុំ អប្បីតិកេ ខន្ធេ ច បីតិញ្ច សប្បីតិកេន ចិត្តេន អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ សប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ; អប្បីតិកេ ខន្ធេ ច បីតិញ្ច អារព្ភ សប្បីតិកា ខន្ធា ឧប្បជ្ជន្តិ។ (២)

    Appītiko dhammo sappītikassa dhammassa ārammaṇapaccayena paccayo – appītikena cittena dānaṃ datvā sīlaṃ…pe… uposathakammaṃ…pe… sappītikena cittena paccavekkhati assādeti abhinandati, taṃ ārabbha sappītiko rāgo uppajjati, diṭṭhi uppajjati; appītikā jhānā vuṭṭhahitvā…pe… maggā vuṭṭhahitvā…pe… phalā vuṭṭhahitvā sappītikena cittena phalaṃ paccavekkhati, ariyā sappītikena cittena nibbānaṃ paccavekkhanti, nibbānaṃ sappītikassa gotrabhussa, vodānassa, maggassa, phalassa ārammaṇapaccayena paccayo; ariyā sappītikena cittena appītike pahīne kilese…pe… vikkhambhite kilese …pe… pubbe…pe… cakkhuṃ…pe… vatthuṃ appītike khandhe ca pītiñca sappītikena cittena aniccato…pe… vipassati assādeti abhinandati, taṃ ārabbha sappītiko rāgo uppajjati, diṭṭhi uppajjati; appītike khandhe ca pītiñca ārabbha sappītikā khandhā uppajjanti. (2)

    អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អារម្មណបច្ចយេន បច្ចយោ – អប្បីតិកេន ចិត្តេន ទានំ ទត្វា សីលំ…បេ.… ឧបោសថកម្មំ…បេ.… សប្បីតិកេន ចិត្តេន បច្ចវេក្ខតិ អស្សាទេតិ អភិនន្ទតិ, តំ អារព្ភ សប្បីតិកា ខន្ធា ច បីតិ ច ឧប្បជ្ជន្តិ, អប្បីតិកា ឈានា…បេ.… មគ្គា…បេ.… ផលា វុដ្ឋហិត្វា សប្បីតិកេន ចិត្តេន ផលំ បច្ចវេក្ខតិ, អរិយា សប្បីតិកេន ចិត្តេន និព្ពានំ បច្ចវេក្ខន្តិ, និព្ពានំ សប្បីតិកស្ស គោត្រភុស្ស, វោទានស្ស, មគ្គស្ស, ផលស្ស, បីតិយា ច អារម្មណបច្ចយេន បច្ចយោ; អរិយា សប្បីតិកេន ចិត្តេន អប្បីតិកេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ.… បុព្ពេ…បេ.… ចក្ខុំ…បេ.… វត្ថុំ អប្បីតិកេ ខន្ធេ ច បីតិញ្ច សប្បីតិកេន ចិត្តេន អនិច្ចតោ…បេ.… វិបស្សតិ អស្សាទេតិ អភិនន្ទតិ , តំ អារព្ភ សប្បីតិកា ខន្ធា ច បីតិ ច ឧប្បជ្ជន្តិ, អប្បីតិកេ ខន្ធេ ច បីតិញ្ច អារព្ភ សប្បីតិកា ខន្ធា ច បីតិ ច ឧប្បជ្ជន្តិ។ (៣)

    Appītiko dhammo sappītikassa ca appītikassa ca dhammassa ārammaṇapaccayena paccayo – appītikena cittena dānaṃ datvā sīlaṃ…pe… uposathakammaṃ…pe… sappītikena cittena paccavekkhati assādeti abhinandati, taṃ ārabbha sappītikā khandhā ca pīti ca uppajjanti, appītikā jhānā…pe… maggā…pe… phalā vuṭṭhahitvā sappītikena cittena phalaṃ paccavekkhati, ariyā sappītikena cittena nibbānaṃ paccavekkhanti, nibbānaṃ sappītikassa gotrabhussa, vodānassa, maggassa, phalassa, pītiyā ca ārammaṇapaccayena paccayo; ariyā sappītikena cittena appītike pahīne kilese paccavekkhanti, vikkhambhite kilese…pe… pubbe…pe… cakkhuṃ…pe… vatthuṃ appītike khandhe ca pītiñca sappītikena cittena aniccato…pe… vipassati assādeti abhinandati , taṃ ārabbha sappītikā khandhā ca pīti ca uppajjanti, appītike khandhe ca pītiñca ārabbha sappītikā khandhā ca pīti ca uppajjanti. (3)

    ១៥២. សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស អារម្មណបច្ចយេន បច្ចយោ – សប្បីតិកេ ខន្ធេ ច បីតិញ្ច អារព្ភ សប្បីតិកា ខន្ធា ឧប្បជ្ជន្តិ។ (មូលំ កាតព្ពំ។) សប្បីតិកេ ខន្ធេ ច បីតិញ្ច អារព្ភ អប្បីតិកា ខន្ធា ច បីតិ ច ឧប្បជ្ជន្តិ។

    152. Sappītiko ca appītiko ca dhammā sappītikassa dhammassa ārammaṇapaccayena paccayo – sappītike khandhe ca pītiñca ārabbha sappītikā khandhā uppajjanti. (Mūlaṃ kātabbaṃ.) Sappītike khandhe ca pītiñca ārabbha appītikā khandhā ca pīti ca uppajjanti.

    (មូលំ កាតព្ពំ។) សប្បីតិកេ ខន្ធេ ច បីតិញ្ច អារព្ភ សប្បីតិកា ខន្ធា ច បីតិ ច ឧប្បជ្ជន្តិ។ (៣)

    (Mūlaṃ kātabbaṃ.) Sappītike khandhe ca pītiñca ārabbha sappītikā khandhā ca pīti ca uppajjanti. (3)

    អធិបតិបច្ចយោ

    Adhipatipaccayo

    ១៥៣. សប្បីតិកោ ធម្មោ សប្បីតិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – សប្បីតិកេ ខន្ធេ គរុំ កត្វា សប្បីតិកា ខន្ធា ឧប្បជ្ជន្តិ។ សហជាតាធិបតិ – សប្បីតិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    153. Sappītiko dhammo sappītikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – sappītike khandhe garuṃ katvā sappītikā khandhā uppajjanti. Sahajātādhipati – sappītikādhipati sampayuttakānaṃ khandhānaṃ adhipatipaccayena paccayo. (1)

    សប្បីតិកោ ធម្មោ អប្បីតិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – សប្បីតិកេ ខន្ធេ គរុំ កត្វា អប្បីតិកា ខន្ធា ច បីតិ ច ឧប្បជ្ជន្តិ។ សហជាតាធិបតិ – សប្បីតិកាធិបតិ បីតិយា ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (២)

    Sappītiko dhammo appītikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – sappītike khandhe garuṃ katvā appītikā khandhā ca pīti ca uppajjanti. Sahajātādhipati – sappītikādhipati pītiyā ca cittasamuṭṭhānānañca rūpānaṃ adhipatipaccayena paccayo. (2)

    សប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – សប្បីតិកេ ខន្ធេ គរុំ កត្វា សប្បីតិកា ខន្ធា ច បីតិ ច ឧប្បជ្ជន្តិ។ សហជាតាធិបតិ – សប្បីតិកាធិបតិ សម្បយុត្តកានំ ខន្ធានំ បីតិយា ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Sappītiko dhammo sappītikassa ca appītikassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – sappītike khandhe garuṃ katvā sappītikā khandhā ca pīti ca uppajjanti. Sahajātādhipati – sappītikādhipati sampayuttakānaṃ khandhānaṃ pītiyā ca cittasamuṭṭhānānañca rūpānaṃ adhipatipaccayena paccayo. (3)

    ១៥៤. អប្បីតិកោ ធម្មោ អប្បីតិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អប្បីតិកេន ចិត្តេន ទានំ…បេ.… សីលំ…បេ.… ឧបោសថកម្មំ…បេ.… អប្បីតិកេន ចិត្តេន តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា អប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ; អប្បីតិកា ឈានា…បេ.… មគ្គា…បេ.… ផលា វុដ្ឋហិត្វា អប្បីតិកេន ចិត្តេន ផលំ គរុំ កត្វា បច្ចវេក្ខតិ; អរិយា អប្បីតិកេន ចិត្តេន និព្ពានំ គរុំ កត្វា បច្ចវេក្ខន្តិ, និព្ពានំ អប្បីតិកស្ស គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ អប្បីតិកេ ខន្ធេ ច បីតិញ្ច អប្បីតិកេន ចិត្តេន គរុំ កត្វា អស្សាទេតិ អភិនន្ទតិ, តំ គរុំ កត្វា អប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ, អប្បីតិកេ ខន្ធេ ច បីតិញ្ច គរុំ កត្វា អប្បីតិកា ខន្ធា ច បីតិ ច ឧប្បជ្ជន្តិ។ សហជាតាធិបតិ – អប្បីតិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    154. Appītiko dhammo appītikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – appītikena cittena dānaṃ…pe… sīlaṃ…pe… uposathakammaṃ…pe… appītikena cittena taṃ garuṃ katvā paccavekkhati assādeti abhinandati, taṃ garuṃ katvā appītiko rāgo uppajjati, diṭṭhi uppajjati; appītikā jhānā…pe… maggā…pe… phalā vuṭṭhahitvā appītikena cittena phalaṃ garuṃ katvā paccavekkhati; ariyā appītikena cittena nibbānaṃ garuṃ katvā paccavekkhanti, nibbānaṃ appītikassa gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ appītike khandhe ca pītiñca appītikena cittena garuṃ katvā assādeti abhinandati, taṃ garuṃ katvā appītiko rāgo uppajjati, diṭṭhi uppajjati, appītike khandhe ca pītiñca garuṃ katvā appītikā khandhā ca pīti ca uppajjanti. Sahajātādhipati – appītikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    អប្បីតិកោ ធម្មោ សប្បីតិកស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – អប្បីតិកេន ចិត្តេន ទានំ…បេ.… សីលំ…បេ.… ឧបោសថកម្មំ…បេ.… (សំខិត្តំ) និព្ពានំ សប្បីតិកស្ស គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ អប្បីតិកេ ខន្ធេ ច បីតិញ្ច សប្បីតិកេន ចិត្តេន គរុំ កត្វា អស្សាទេតិ អភិនន្ទតិ, តំ គរុំ កត្វា សប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ; អប្បីតិកេ ខន្ធេ ច បីតិញ្ច គរុំ កត្វា សប្បីតិកា ខន្ធា ឧប្បជ្ជន្តិ។ (២)

    Appītiko dhammo sappītikassa dhammassa adhipatipaccayena paccayo. Ārammaṇādhipati – appītikena cittena dānaṃ…pe… sīlaṃ…pe… uposathakammaṃ…pe… (saṃkhittaṃ) nibbānaṃ sappītikassa gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ appītike khandhe ca pītiñca sappītikena cittena garuṃ katvā assādeti abhinandati, taṃ garuṃ katvā sappītiko rāgo uppajjati, diṭṭhi uppajjati; appītike khandhe ca pītiñca garuṃ katvā sappītikā khandhā uppajjanti. (2)

    អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អធិបតិបច្ចយេន បច្ចយោ។ អារម្មណាធិបតិ – ទានំ…បេ.… (សំខិត្តំ) និព្ពានំ សប្បីតិកស្ស គោត្រភុស្ស, វោទានស្ស, មគ្គស្ស, ផលស្ស, បីតិយា ច អធិបតិបច្ចយេន បច្ចយោ; ចក្ខុំ…បេ.… វត្ថុំ អប្បីតិកេ ខន្ធេ ច បីតិញ្ច សប្បីតិកេន ចិត្តេន គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ អប្បីតិកេ ខន្ធេ ច បីតិញ្ច គរុំ កត្វា សប្បីតិកា ខន្ធា ច បីតិ ច ឧប្បជ្ជន្តិ។ (៣)

    Appītiko dhammo sappītikassa ca appītikassa ca dhammassa adhipatipaccayena paccayo. Ārammaṇādhipati – dānaṃ…pe… (saṃkhittaṃ) nibbānaṃ sappītikassa gotrabhussa, vodānassa, maggassa, phalassa, pītiyā ca adhipatipaccayena paccayo; cakkhuṃ…pe… vatthuṃ appītike khandhe ca pītiñca sappītikena cittena garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati appītike khandhe ca pītiñca garuṃ katvā sappītikā khandhā ca pīti ca uppajjanti. (3)

    ១៥៥. សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – សប្បីតិកេ ខន្ធេ ច បីតិញ្ច គរុំ កត្វា សប្បីតិកា ខន្ធា ឧប្បជ្ជន្តិ។ (មូលំ កាតព្ពំ។) សប្បីតិកេ ខន្ធេ ច បីតិញ្ច គរុំ កត្វា អប្បីតិកា ខន្ធា ច បីតិ ច ឧប្បជ្ជន្តិ។ (មូលំ កាតព្ពំ។) សប្បីតិកេ ខន្ធេ ច បីតិញ្ច គរុំ កត្វា សប្បីតិកា ខន្ធា ច បីតិ ច ឧប្បជ្ជន្តិ។ (៣)

    155. Sappītiko ca appītiko ca dhammā sappītikassa dhammassa adhipatipaccayena paccayo. Ārammaṇādhipati – sappītike khandhe ca pītiñca garuṃ katvā sappītikā khandhā uppajjanti. (Mūlaṃ kātabbaṃ.) Sappītike khandhe ca pītiñca garuṃ katvā appītikā khandhā ca pīti ca uppajjanti. (Mūlaṃ kātabbaṃ.) Sappītike khandhe ca pītiñca garuṃ katvā sappītikā khandhā ca pīti ca uppajjanti. (3)

    អនន្តរបច្ចយាទិ

    Anantarapaccayādi

    ១៥៦. សប្បីតិកោ ធម្មោ សប្បីតិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា សប្បីតិកា ខន្ធា បច្ឆិមានំ បច្ឆិមានំ សប្បីតិកានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា សប្បីតិកា ខន្ធា បច្ឆិមាយ បច្ឆិមាយ បីតិយា អនន្តរបច្ចយេន បច្ចយោ – សប្បីតិកំ ចុតិចិត្តំ អប្បីតិកស្ស ឧបបត្តិចិត្តស្ស , សប្បីតិកំ ភវង្គំ អាវជ្ជនាយ, សប្បីតិកា ខន្ធា អប្បីតិកស្ស វុដ្ឋានស្ស, បីតិសហគតា វិបាកមនោវិញ្ញាណធាតុ កិរិយមនោវិញ្ញាណធាតុយា, សប្បីតិកំ ភវង្គំ អប្បីតិកស្ស ភវង្គស្ស, សប្បីតិកំ កុសលាកុសលំ អប្បីតិកស្ស វុដ្ឋានស្ស, កិរិយំ វុដ្ឋានស្ស, ផលំ វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា សប្បីតិកា ខន្ធា បច្ឆិមានំ បច្ឆិមានំ សប្បីតិកានំ ខន្ធានំ បីតិយា ច អនន្តរបច្ចយេន បច្ចយោ។ (៣)

    156. Sappītiko dhammo sappītikassa dhammassa anantarapaccayena paccayo – purimā purimā sappītikā khandhā pacchimānaṃ pacchimānaṃ sappītikānaṃ khandhānaṃ anantarapaccayena paccayo. (Mūlaṃ kātabbaṃ.) Purimā purimā sappītikā khandhā pacchimāya pacchimāya pītiyā anantarapaccayena paccayo – sappītikaṃ cuticittaṃ appītikassa upapatticittassa , sappītikaṃ bhavaṅgaṃ āvajjanāya, sappītikā khandhā appītikassa vuṭṭhānassa, pītisahagatā vipākamanoviññāṇadhātu kiriyamanoviññāṇadhātuyā, sappītikaṃ bhavaṅgaṃ appītikassa bhavaṅgassa, sappītikaṃ kusalākusalaṃ appītikassa vuṭṭhānassa, kiriyaṃ vuṭṭhānassa, phalaṃ vuṭṭhānassa anantarapaccayena paccayo. (Mūlaṃ kātabbaṃ.) Purimā purimā sappītikā khandhā pacchimānaṃ pacchimānaṃ sappītikānaṃ khandhānaṃ pītiyā ca anantarapaccayena paccayo. (3)

    ១៥៧. អប្បីតិកោ ធម្មោ អប្បីតិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា បីតិ បច្ឆិមាយ បច្ឆិមាយ បីតិយា អនន្តរបច្ចយេន បច្ចយោ; បុរិមា បុរិមា អប្បីតិកា ខន្ធា បច្ឆិមានំ បច្ឆិមានំ អប្បីតិកានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ.… អប្បីតិកាយ ផលសមាបត្តិយា បីតិយា ច អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា បីតិ បច្ឆិមានំ បច្ឆិមានំ សប្បីតិកានំ ខន្ធានំ អនន្តរបច្ចយេន បច្ចយោ; អប្បីតិកំ ចុតិចិត្តំ សប្បីតិកស្ស ឧបបត្តិចិត្តស្ស, អាវជ្ជនា សប្បីតិកានំ ខន្ធានំ, អប្បីតិកា ខន្ធា សប្បីតិកស្ស វុដ្ឋានស្ស, វិបាកមនោធាតុ សប្បីតិកាយ វិបាកមនោវិញ្ញាណធាតុយា, អប្បីតិកំ ភវង្គំ សប្បីតិកស្ស ភវង្គស្ស, អប្បីតិកំ កុសលាកុសលំ សប្បីតិកស្ស វុដ្ឋានស្ស, កិរិយំ វុដ្ឋានស្ស, ផលំ វុដ្ឋានស្ស អនន្តរបច្ចយេន បច្ចយោ; និរោធា វុដ្ឋហន្តស្ស នេវសញ្ញានាសញ្ញាយតនំ សប្បីតិកាយ ផលសមាបត្តិយា អនន្តរបច្ចយេន បច្ចយោ។ (២)

    157. Appītiko dhammo appītikassa dhammassa anantarapaccayena paccayo – purimā purimā pīti pacchimāya pacchimāya pītiyā anantarapaccayena paccayo; purimā purimā appītikā khandhā pacchimānaṃ pacchimānaṃ appītikānaṃ khandhānaṃ anantarapaccayena paccayo; anulomaṃ gotrabhussa…pe… appītikāya phalasamāpattiyā pītiyā ca anantarapaccayena paccayo. (Mūlaṃ kātabbaṃ.) Purimā purimā pīti pacchimānaṃ pacchimānaṃ sappītikānaṃ khandhānaṃ anantarapaccayena paccayo; appītikaṃ cuticittaṃ sappītikassa upapatticittassa, āvajjanā sappītikānaṃ khandhānaṃ, appītikā khandhā sappītikassa vuṭṭhānassa, vipākamanodhātu sappītikāya vipākamanoviññāṇadhātuyā, appītikaṃ bhavaṅgaṃ sappītikassa bhavaṅgassa, appītikaṃ kusalākusalaṃ sappītikassa vuṭṭhānassa, kiriyaṃ vuṭṭhānassa, phalaṃ vuṭṭhānassa anantarapaccayena paccayo; nirodhā vuṭṭhahantassa nevasaññānāsaññāyatanaṃ sappītikāya phalasamāpattiyā anantarapaccayena paccayo. (2)

    អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា បីតិ បច្ឆិមានំ បច្ឆិមានំ សប្បីតិកានំ ខន្ធានំ បីតិយា ច អនន្តរបច្ចយេន បច្ចយោ។ (៣)

    Appītiko dhammo sappītikassa ca appītikassa ca dhammassa anantarapaccayena paccayo – purimā purimā pīti pacchimānaṃ pacchimānaṃ sappītikānaṃ khandhānaṃ pītiyā ca anantarapaccayena paccayo. (3)

    ១៥៨. សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា សប្បីតិកា ខន្ធា ច បីតិ ច បច្ឆិមានំ បច្ឆិមានំ សប្បីតិកានំ ខន្ធានំ អនន្តរបច្ចយេន បច្ចយោ។ (១)

    158. Sappītiko ca appītiko ca dhammā sappītikassa dhammassa anantarapaccayena paccayo – purimā purimā sappītikā khandhā ca pīti ca pacchimānaṃ pacchimānaṃ sappītikānaṃ khandhānaṃ anantarapaccayena paccayo. (1)

    សប្បីតិកោ ច អប្បីតិកោ ច ធម្មា អប្បីតិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា សប្បីតិកា ខន្ធា ច បីតិ ច បច្ឆិមាយ បច្ឆិមាយ បីតិយា អនន្តរបច្ចយេន បច្ចយោ; សប្បីតិកំ ចុតិចិត្តញ្ច បីតិ ច អប្បីតិកស្ស ឧបបត្តិចិត្តស្ស… សប្បីតិកំ ភវង្គញ្ច បីតិ ច អាវជ្ជនាយ… សប្បីតិកា ខន្ធា ច បីតិ ច អប្បីតិកស្ស វុដ្ឋានស្ស… សប្បីតិកា វិបាកមនោវិញ្ញាណធាតុ ច បីតិ ច កិរិយមនោវិញ្ញាណធាតុយា… សប្បីតិកំ ភវង្គញ្ច បីតិ ច អប្បីតិកស្ស ភវង្គស្ស… សប្បីតិកំ កុសលាកុសលញ្ច បីតិ ច អប្បីតិកស្ស វុដ្ឋានស្ស… កិរិយញ្ច បីតិ ច វុដ្ឋានស្ស… ផលញ្ច បីតិ ច វុដ្ឋានស្ស អនន្តរបច្ចយេន បច្ចយោ។ (២)

    Sappītiko ca appītiko ca dhammā appītikassa dhammassa anantarapaccayena paccayo – purimā purimā sappītikā khandhā ca pīti ca pacchimāya pacchimāya pītiyā anantarapaccayena paccayo; sappītikaṃ cuticittañca pīti ca appītikassa upapatticittassa… sappītikaṃ bhavaṅgañca pīti ca āvajjanāya… sappītikā khandhā ca pīti ca appītikassa vuṭṭhānassa… sappītikā vipākamanoviññāṇadhātu ca pīti ca kiriyamanoviññāṇadhātuyā… sappītikaṃ bhavaṅgañca pīti ca appītikassa bhavaṅgassa… sappītikaṃ kusalākusalañca pīti ca appītikassa vuṭṭhānassa… kiriyañca pīti ca vuṭṭhānassa… phalañca pīti ca vuṭṭhānassa anantarapaccayena paccayo. (2)

    សប្បីតិកោ ច អប្បីតិកោ ច ធម្មា សប្បីតិកស្ស ច អប្បីតិកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សប្បីតិកា ខន្ធា ច បីតិ ច បច្ឆិមានំ បច្ឆិមានំ សប្បីតិកានំ ខន្ធានំ បីតិយា ច អនន្តរបច្ចយេន បច្ចយោ។ (៣)

    Sappītiko ca appītiko ca dhammā sappītikassa ca appītikassa ca dhammassa anantarapaccayena paccayo – purimā purimā sappītikā khandhā ca pīti ca pacchimānaṃ pacchimānaṃ sappītikānaṃ khandhānaṃ pītiyā ca anantarapaccayena paccayo. (3)

    សមនន្តរបច្ចយេន បច្ចយោ… នវ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ… និស្សយបច្ចយេន បច្ចយោ… នវ។

    Samanantarapaccayena paccayo… nava… sahajātapaccayena paccayo… nava… aññamaññapaccayena paccayo… nava… nissayapaccayena paccayo… nava.

    ឧបនិស្សយបច្ចយោ

    Upanissayapaccayo

    ១៥៩. សប្បីតិកោ ធម្មោ សប្បីតិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សប្បីតិកា ខន្ធា សប្បីតិកានំ ខន្ធានំ ឧបនិស្សយបច្ចយេន បច្ចយោ។ (មូលំ កាតព្ពំ។) សប្បីតិកា ខន្ធា អប្បីតិកានំ ខន្ធានំ បីតិយា ច ឧបនិស្សយបច្ចយេន បច្ចយោ។ (មូលំ កាតព្ពំ។) សប្បីតិកា ខន្ធា សប្បីតិកានំ ខន្ធានំ បីតិយា ច ឧបនិស្សយបច្ចយេន បច្ចយោ។ (៣)

    159. Sappītiko dhammo sappītikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sappītikā khandhā sappītikānaṃ khandhānaṃ upanissayapaccayena paccayo. (Mūlaṃ kātabbaṃ.) Sappītikā khandhā appītikānaṃ khandhānaṃ pītiyā ca upanissayapaccayena paccayo. (Mūlaṃ kātabbaṃ.) Sappītikā khandhā sappītikānaṃ khandhānaṃ pītiyā ca upanissayapaccayena paccayo. (3)

    ១៦០. អប្បីតិកោ ធម្មោ អប្បីតិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អប្បីតិកំ សទ្ធំ ឧបនិស្សាយ អប្បីតិកេន ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ; អប្បីតិកំ ឈានំ…បេ.… វិបស្សនំ… មគ្គំ… អភិញ្ញំ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; អប្បីតិកំ សីលំ…បេ.… បញ្ញំ… រាគំ… ទោសំ… មោហំ… មានំ… ទិដ្ឋិំ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ… បីតិំ ឧបនិស្សាយ អប្បីតិកេន ចិត្តេន ទានំ ទេតិ…បេ.… សមាបត្តិំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ; អប្បីតិកា សទ្ធា…បេ.… សេនាសនំ បីតិ ច អប្បីតិកាយ សទ្ធាយ…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស ផលសមាបត្តិយា បីតិយា ច ឧបនិស្សយបច្ចយេន បច្ចយោ។ (១)

    160. Appītiko dhammo appītikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – appītikaṃ saddhaṃ upanissāya appītikena cittena dānaṃ deti, sīlaṃ samādiyati, uposathakammaṃ karoti; appītikaṃ jhānaṃ…pe… vipassanaṃ… maggaṃ… abhiññaṃ… samāpattiṃ uppādeti, mānaṃ jappeti, diṭṭhiṃ gaṇhāti; appītikaṃ sīlaṃ…pe… paññaṃ… rāgaṃ… dosaṃ… mohaṃ… mānaṃ… diṭṭhiṃ… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ… pītiṃ upanissāya appītikena cittena dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; appītikā saddhā…pe… senāsanaṃ pīti ca appītikāya saddhāya…pe… patthanāya… kāyikassa sukhassa… kāyikassa dukkhassa… maggassa phalasamāpattiyā pītiyā ca upanissayapaccayena paccayo. (1)

    អប្បីតិកោ ធម្មោ សប្បីតិកស្ស ធម្មស្ស ឧបនិស្សយបច្ចយេន បច្ចយោ (តីណិ ឧបនិស្សយា)។ អប្បីតិកំ សទ្ធំ ឧបនិស្សាយ សប្បីតិកេន ចិត្តេន ទានំ ទេតិ…បេ.… អប្បីតិកា ឈានា…បេ.… មានំ ជប្បេតិ, ទិដ្ឋិំ គណ្ហាតិ; អប្បីតិកំ សីលំ…បេ.… សេនាសនំ បីតិំ ឧបនិស្សាយ សប្បីតិកេន ចិត្តេន ទានំ ទេតិ…បេ.… សមាបត្តិំ ឧប្បាទេតិ; សប្បីតិកេន ចិត្តេន អទិន្នំ អាទិយតិ, មុសា…បេ.… បិសុណំ…បេ.… សម្ផំ…បេ.… សន្ធិំ…បេ.… និល្លោបំ…បេ.… ឯកាគារិកំ…បេ.… បរិបន្ថេ…បេ.… បរទារំ…បេ.… គាមឃាតំ…បេ.… និគមឃាតំ ករោតិ; អប្បីតិកា សទ្ធា…បេ.… សេនាសនំ បីតិ ច សប្បីតិកាយ សទ្ធាយ…បេ.… បញ្ញាយ រាគស្ស, មោហស្ស… មានស្ស… ទិដ្ឋិយា… បត្ថនាយ… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (២)

    Appītiko dhammo sappītikassa dhammassa upanissayapaccayena paccayo (tīṇi upanissayā). Appītikaṃ saddhaṃ upanissāya sappītikena cittena dānaṃ deti…pe… appītikā jhānā…pe… mānaṃ jappeti, diṭṭhiṃ gaṇhāti; appītikaṃ sīlaṃ…pe… senāsanaṃ pītiṃ upanissāya sappītikena cittena dānaṃ deti…pe… samāpattiṃ uppādeti; sappītikena cittena adinnaṃ ādiyati, musā…pe… pisuṇaṃ…pe… samphaṃ…pe… sandhiṃ…pe… nillopaṃ…pe… ekāgārikaṃ…pe… paripanthe…pe… paradāraṃ…pe… gāmaghātaṃ…pe… nigamaghātaṃ karoti; appītikā saddhā…pe… senāsanaṃ pīti ca sappītikāya saddhāya…pe… paññāya rāgassa, mohassa… mānassa… diṭṭhiyā… patthanāya… maggassa, phalasamāpattiyā upanissayapaccayena paccayo. (2)

    អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស ឧបនិស្សយបច្ចយេន បច្ចយោ (តីណិ ឧបនិស្សយា)។ អប្បីតិកំ សទ្ធំ ឧបនិស្សាយ សប្បីតិកេន ចិត្តេន ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; អប្បីតិកំ សីលំ…បេ.… សេនាសនំ បីតិំ ឧបនិស្សាយ សប្បីតិកេន ចិត្តេន ទានំ ទេតិ…បេ.… សមាបត្តិំ ឧប្បាទេតិ; សប្បីតិកេន ចិត្តេន អទិន្នំ អាទិយតិ…បេ.… (ទុតិយវារសទិសំ) និគមឃាតំ ករោតិ; អប្បីតិកា សទ្ធា…បេ.… សេនាសនំ បីតិ ច សប្បីតិកាយ សទ្ធាយ…បេ.… បញ្ញាយ… រាគស្ស… មោហស្ស… មានស្ស… ទិដ្ឋិយា… បត្ថនាយ… មគ្គស្ស, ផលសមាបត្តិយា បីតិយា ច ឧបនិស្សយបច្ចយេន បច្ចយោ។ (៣)

    Appītiko dhammo sappītikassa ca appītikassa ca dhammassa upanissayapaccayena paccayo (tīṇi upanissayā). Appītikaṃ saddhaṃ upanissāya sappītikena cittena dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti; appītikaṃ sīlaṃ…pe… senāsanaṃ pītiṃ upanissāya sappītikena cittena dānaṃ deti…pe… samāpattiṃ uppādeti; sappītikena cittena adinnaṃ ādiyati…pe… (dutiyavārasadisaṃ) nigamaghātaṃ karoti; appītikā saddhā…pe… senāsanaṃ pīti ca sappītikāya saddhāya…pe… paññāya… rāgassa… mohassa… mānassa… diṭṭhiyā… patthanāya… maggassa, phalasamāpattiyā pītiyā ca upanissayapaccayena paccayo. (3)

    សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស ឧបនិស្សយបច្ចយេន បច្ចយោ (តីណិបិ ឧបនិស្សយា)។ សប្បីតិកា ខន្ធា ច បីតិ ច សប្បីតិកានំ ខន្ធានំ ឧបនិស្សយបច្ចយេន បច្ចយោ។ (មូលំ កាតព្ពំ។) សប្បីតិកា ខន្ធា ច បីតិ ច អប្បីតិកានំ ខន្ធានំ បីតិយា ច ឧបនិស្សយបច្ចយេន បច្ចយោ។ (មូលំ កាតព្ពំ។) សប្បីតិកា ខន្ធា ច បីតិ ច សប្បីតិកានំ ខន្ធានំ បីតិយា ច ឧបនិស្សយបច្ចយេន បច្ចយោ។ (៣)

    Sappītiko ca appītiko ca dhammā sappītikassa dhammassa upanissayapaccayena paccayo (tīṇipi upanissayā). Sappītikā khandhā ca pīti ca sappītikānaṃ khandhānaṃ upanissayapaccayena paccayo. (Mūlaṃ kātabbaṃ.) Sappītikā khandhā ca pīti ca appītikānaṃ khandhānaṃ pītiyā ca upanissayapaccayena paccayo. (Mūlaṃ kātabbaṃ.) Sappītikā khandhā ca pīti ca sappītikānaṃ khandhānaṃ pītiyā ca upanissayapaccayena paccayo. (3)

    បុរេជាតបច្ចយោ

    Purejātapaccayo

    ១៦១. អប្បីតិកោ ធម្មោ អប្បីតិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អប្បីតិកេន ចិត្តេន អនិច្ចតោ…បេ.… វិបស្សតិ, អស្សាទេតិ អភិនន្ទតិ, តំ អារព្ភ អប្បីតិកោ រាគោ…បេ.… ទោមនស្សំ ឧប្បជ្ជតិ, បីតិ ឧប្បជ្ជតិ, ទិព្ពេន ចក្ខុនា រូបំ បស្សតិ…បេ.… ផោដ្ឋព្ពាយតនំ កាយវិញ្ញាណស្ស…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ អប្បីតិកានំ ខន្ធានំ បីតិយា ច បុរេជាតបច្ចយេន បច្ចយោ។ (១)

    161. Appītiko dhammo appītikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ appītikena cittena aniccato…pe… vipassati, assādeti abhinandati, taṃ ārabbha appītiko rāgo…pe… domanassaṃ uppajjati, pīti uppajjati, dibbena cakkhunā rūpaṃ passati…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu appītikānaṃ khandhānaṃ pītiyā ca purejātapaccayena paccayo. (1)

    អប្បីតិកោ ធម្មោ សប្បីតិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ សប្បីតិកេន ចិត្តេន អនិច្ចតោ…បេ.… វិបស្សតិ, អស្សាទេតិ អភិនន្ទតិ, តំ អារព្ភ សប្បីតិកោ រាគោ ឧប្បជ្ជតិ, ទិដ្ឋិ ឧប្បជ្ជតិ។ វត្ថុបុរេជាតំ – វត្ថុ សប្បីតិកានំ ខន្ធានំ បុរេជាតបច្ចយេន បច្ចយោ។ (២)

    Appītiko dhammo sappītikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ sappītikena cittena aniccato…pe… vipassati, assādeti abhinandati, taṃ ārabbha sappītiko rāgo uppajjati, diṭṭhi uppajjati. Vatthupurejātaṃ – vatthu sappītikānaṃ khandhānaṃ purejātapaccayena paccayo. (2)

    អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ សប្បីតិកេន ចិត្តេន អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ បីតិ ច សម្បយុត្តកា ខន្ធា ច ឧប្បជ្ជន្តិ។ វត្ថុបុរេជាតំ – វត្ថុ សប្បីតិកានំ ខន្ធានំ បីតិយា ច បុរេជាតបច្ចយេន បច្ចយោ។ (៣)

    Appītiko dhammo sappītikassa ca appītikassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ sappītikena cittena aniccato…pe… vipassati assādeti abhinandati, taṃ ārabbha pīti ca sampayuttakā khandhā ca uppajjanti. Vatthupurejātaṃ – vatthu sappītikānaṃ khandhānaṃ pītiyā ca purejātapaccayena paccayo. (3)

    បច្ឆាជាតបច្ចយាទិ

    Pacchājātapaccayādi

    ១៦២. សប្បីតិកោ ធម្មោ អប្បីតិកស្ស ធម្មស្ស បច្ឆាជាតបច្ចយេន បច្ចយោ… តីណិ… អាសេវនបច្ចយេន បច្ចយោ… នវ… កម្មបច្ចយេន បច្ចយោ… ឆ (សហជាតាបិ នានាក្ខណិកាបិ កាតព្ពា… ទ្វេ នានាក្ខណិកា)… វិបាកបច្ចយេន បច្ចយោ… នវ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… នវ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ឆ… វិប្បយុត្តបច្ចយេន បច្ចយោ… បញ្ច… អត្ថិបច្ចយេន បច្ចយោ… នវ (សំខិត្តំ។ សវិតក្កទុកសទិសំ កាតព្ពំ។)… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ… នវ។

    162. Sappītiko dhammo appītikassa dhammassa pacchājātapaccayena paccayo… tīṇi… āsevanapaccayena paccayo… nava… kammapaccayena paccayo… cha (sahajātāpi nānākkhaṇikāpi kātabbā… dve nānākkhaṇikā)… vipākapaccayena paccayo… nava… āhārapaccayena paccayo… cattāri… indriyapaccayena paccayo… cattāri… jhānapaccayena paccayo… nava… maggapaccayena paccayo… cattāri… sampayuttapaccayena paccayo… cha… vippayuttapaccayena paccayo… pañca… atthipaccayena paccayo… nava (saṃkhittaṃ. Savitakkadukasadisaṃ kātabbaṃ.)… Natthipaccayena paccayo… vigatapaccayena paccayo… avigatapaccayena paccayo… nava.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ១៦៣. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ ឆ, វិបាកេ នវ, អាហារេ ចត្តារិ, ឥន្ទ្រិយេ ចត្តារិ, ឈានេ នវ, មគ្គេ ចត្តារិ, សម្បយុត្តេ ឆ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    163. Hetuyā cattāri, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme cha, vipāke nava, āhāre cattāri, indriye cattāri, jhāne nava, magge cattāri, sampayutte cha, vippayutte pañca, atthiyā nava, natthiyā nava, vigate nava, avigate nava.

    អនុលោមំ។

    Anulomaṃ.

    បច្ចនីយុទ្ធារោ

    Paccanīyuddhāro

    ១៦៤. សប្បីតិកោ ធម្មោ សប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ សប្បីតិកោ ធម្មោ អប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ សប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៣)

    164. Sappītiko dhammo sappītikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. Sappītiko dhammo appītikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. Sappītiko dhammo sappītikassa ca appītikassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (3)

    ១៦៥. អប្បីតិកោ ធម្មោ អប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ អប្បីតិកោ ធម្មោ សប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ អប្បីតិកោ ធម្មោ សប្បីតិកស្ស ច អប្បីតិកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

    165. Appītiko dhammo appītikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. Appītiko dhammo sappītikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. Appītiko dhammo sappītikassa ca appītikassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ១៦៦. សប្បីតិកោ ច អប្បីតិកោ ច ធម្មា សប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ ។ សប្បីតិកោ ច អប្បីតិកោ ច ធម្មា អប្បីតិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ សប្បីតិកោ ច អប្បីតិកោ ច ធម្មា សប្បីតិកស្ស ច អប្បីតិកស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    166. Sappītiko ca appītiko ca dhammā sappītikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo . Sappītiko ca appītiko ca dhammā appītikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. Sappītiko ca appītiko ca dhammā sappītikassa ca appītikassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    (បច្ចនីយវិភង្គគណនាបិ សវិតក្កទុកសទិសា។ យទិបិ ន សមេតិ ឥមំ អនុលោមំ បច្ចវេក្ខិត្វា គណេតព្ពំ, ឥតរេ ទ្វេ គណនា គណេតព្ពា។)

    (Paccanīyavibhaṅgagaṇanāpi savitakkadukasadisā. Yadipi na sameti imaṃ anulomaṃ paccavekkhitvā gaṇetabbaṃ, itare dve gaṇanā gaṇetabbā.)

    សប្បីតិកទុកំ និដ្ឋិតំ។

    Sappītikadukaṃ niṭṭhitaṃ.

    ៩០. បីតិសហគតទុកំ

    90. Pītisahagatadukaṃ

    ១-៧. បដិច្ចវារាទិ

    1-7. Paṭiccavārādi

    ១៦៧. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា – បីតិសហគតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… (ឯវំ បីតិសហគតទុកំ វិត្ថារេតព្ពំ, សប្បីតិកទុកសទិសំ និន្នានាករណំ, អាមសនំ និន្នានំ។)

    167. Pītisahagataṃ dhammaṃ paṭicca pītisahagato dhammo uppajjati hetupaccayā – pītisahagataṃ ekaṃ khandhaṃ paṭicca tayo khandhā…pe… dve khandhe…pe… (evaṃ pītisahagatadukaṃ vitthāretabbaṃ, sappītikadukasadisaṃ ninnānākaraṇaṃ, āmasanaṃ ninnānaṃ.)

    បីតិសហគតទុកំ និដ្ឋិតំ។

    Pītisahagatadukaṃ niṭṭhitaṃ.

    ៩១. សុខសហគតទុកំ

    91. Sukhasahagatadukaṃ

    ១-៦. បដិច្ចវារាទិ

    1-6. Paṭiccavārādi

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ១៦៨. សុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ ហេតុបច្ចយា – សុខសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ…បេ.…។ សុខសហគតំ ធម្មំ បដិច្ច នសុខសហគតោ ធម្មោ ឧប្បជ្ជតិ ហេតុបច្ចយា – សុខសហគតេ ខន្ធេ បដិច្ច សុខំ ចិត្តសមុដ្ឋានញ្ច រូបំ។ (ឯវំ សុខសហគតទុកំ វិត្ថារេតព្ពំ, យថា សប្បីតិកទុកស្ស អនុលោមបដិច្ចវារោ។)

    168. Sukhasahagataṃ dhammaṃ paṭicca sukhasahagato dhammo uppajjati hetupaccayā – sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe…pe…. Sukhasahagataṃ dhammaṃ paṭicca nasukhasahagato dhammo uppajjati hetupaccayā – sukhasahagate khandhe paṭicca sukhaṃ cittasamuṭṭhānañca rūpaṃ. (Evaṃ sukhasahagatadukaṃ vitthāretabbaṃ, yathā sappītikadukassa anulomapaṭiccavāro.)

    ហេតុយា នវ, អារម្មណេ នវ…បេ.… បុរេជាតេ ឆ, អាសេវនេ ឆ, កម្មេ នវ…បេ.… អវិគតេ នវ។

    Hetuyā nava, ārammaṇe nava…pe… purejāte cha, āsevane cha, kamme nava…pe… avigate nava.

    អនុលោមំ។

    Anulomaṃ.

    ១៦៩. សុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ នហេតុបច្ចយា – អហេតុកំ សុខសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ…បេ.… (មូលំ កាតព្ពំ។) អហេតុកេ សុខសហគតេ ខន្ធេ បដិច្ច សុខញ្ច ចិត្តសមុដ្ឋានញ្ច រូបំ។ សុខសហគតំ ធម្មំ បដិច្ច សុខសហគតោ ច នសុខសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ សុខសហគតំ ឯកំ ខន្ធំ បដិច្ច ទ្វេ ខន្ធា សុខញ្ច ចិត្តសមុដ្ឋានញ្ច រូបំ, ទ្វេ ខន្ធេ…បេ.…។ (៣)

    169. Sukhasahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca dve khandhā, dve khandhe…pe… (mūlaṃ kātabbaṃ.) Ahetuke sukhasahagate khandhe paṭicca sukhañca cittasamuṭṭhānañca rūpaṃ. Sukhasahagataṃ dhammaṃ paṭicca sukhasahagato ca nasukhasahagato ca dhammā uppajjanti nahetupaccayā – ahetukaṃ sukhasahagataṃ ekaṃ khandhaṃ paṭicca dve khandhā sukhañca cittasamuṭṭhānañca rūpaṃ, dve khandhe…pe…. (3)

    នសុខសហគតំ ធម្មំ បដិច្ច នសុខសហគតោ ធម្មោ ឧប្បជ្ជតិ នហេតុបច្ចយា – អហេតុកំ នសុខសហគតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកំ សុខំ បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ នសុខសហគតំ ឯកំ ខន្ធំ បដិច្ច តយោ ខន្ធា កដត្តា ច រូបំ …បេ.… ទ្វេ ខន្ធេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (យថា សប្បីតិកេ នហេតុបច្ចយសទិសំ, និន្នានំ សព្ពត្ថមេវ នវ បញ្ហា។)

    Nasukhasahagataṃ dhammaṃ paṭicca nasukhasahagato dhammo uppajjati nahetupaccayā – ahetukaṃ nasukhasahagataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukaṃ sukhaṃ paṭicca cittasamuṭṭhānaṃ rūpaṃ; ahetukapaṭisandhikkhaṇe nasukhasahagataṃ ekaṃ khandhaṃ paṭicca tayo khandhā kaṭattā ca rūpaṃ …pe… dve khandhe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (Yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (Yathā sappītike nahetupaccayasadisaṃ, ninnānaṃ sabbatthameva nava pañhā.)

    នហេតុយា នវ, នអារម្មណេ តីណិ…បេ.… នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឆ, នមគ្គេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    Nahetuyā nava, naārammaṇe tīṇi…pe… naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne cha, namagge nava, nasampayutte tīṇi, navippayutte cha, nonatthiyā tīṇi, novigate tīṇi.

    បច្ចនីយំ។

    Paccanīyaṃ.

    (ឯវំ ឥតរេ ទ្វេ គណនាបិ សហជាតវារោបិ បដិច្ចវារសទិសា។ បច្ចយវារេ បវត្តិបិ បដិសន្ធិបិ វិត្ថារេតព្ពា, យថា សប្បីតិកទុកបច្ចយវារបច្ចនីយេបិ បវត្តេ វត្ថុ ច វិត្ថារេតព្ពំ, យថា សប្បីតិកទុកេ ឯកោយេវ មោហោ, ឯវំ ឥតរេ ទ្វេ គណនាបិ និស្សយវារោបិ សំសដ្ឋវារោបិ សម្បយុត្តវារោបិ យថា សប្បីតិកទុកំ, ឯវំ កាតព្ពំ។)

    (Evaṃ itare dve gaṇanāpi sahajātavāropi paṭiccavārasadisā. Paccayavāre pavattipi paṭisandhipi vitthāretabbā, yathā sappītikadukapaccayavārapaccanīyepi pavatte vatthu ca vitthāretabbaṃ, yathā sappītikaduke ekoyeva moho, evaṃ itare dve gaṇanāpi nissayavāropi saṃsaṭṭhavāropi sampayuttavāropi yathā sappītikadukaṃ, evaṃ kātabbaṃ.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៧០. សុខសហគតោ ធម្មោ សុខសហគតស្ស ធម្មស្ស ហេតុបច្ចយេន បច្ចយោ… ចត្តារិ។ (អារម្មណេបិ អធិបតិយាបិ សប្បីតិកទុកសទិសា, សុខន្តិ នានាករណំ។)

    170. Sukhasahagato dhammo sukhasahagatassa dhammassa hetupaccayena paccayo… cattāri. (Ārammaṇepi adhipatiyāpi sappītikadukasadisā, sukhanti nānākaraṇaṃ.)

    អនន្តរបច្ចយាទិ

    Anantarapaccayādi

    ១៧១. សុខសហគតោ ធម្មោ សុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា បច្ឆិមានំ បច្ឆិមានំ សុខសហគតានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា សុខសហគតា ខន្ធា បច្ឆិមស្ស បច្ឆិមស្ស សុខស្ស អនន្តរបច្ចយេន បច្ចយោ។ សុខសហគតំ ចុតិចិត្តំ នសុខសហគតស្ស ឧបបត្តិចិត្តស្ស… សុខសហគតំ ភវង្គំ អាវជ្ជនាយ… សុខសហគតំ កាយវិញ្ញាណំ វិបាកមនោធាតុយា… សុខសហគតា វិបាកមនោវិញ្ញាណធាតុ កិរិយមនោវិញ្ញាណធាតុយា… សុខសហគតំ ភវង្គំ នសុខសហគតស្ស ភវង្គស្ស… សុខសហគតំ កុសលាកុសលំ នសុខសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា សុខសហគតា ខន្ធា បច្ឆិមានំ បច្ឆិមានំ សុខសហគតានំ ខន្ធានំ សុខស្ស ច អនន្តរបច្ចយេន បច្ចយោ។ (១)

    171. Sukhasahagato dhammo sukhasahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. (Mūlaṃ kātabbaṃ.) Purimā purimā sukhasahagatā khandhā pacchimassa pacchimassa sukhassa anantarapaccayena paccayo. Sukhasahagataṃ cuticittaṃ nasukhasahagatassa upapatticittassa… sukhasahagataṃ bhavaṅgaṃ āvajjanāya… sukhasahagataṃ kāyaviññāṇaṃ vipākamanodhātuyā… sukhasahagatā vipākamanoviññāṇadhātu kiriyamanoviññāṇadhātuyā… sukhasahagataṃ bhavaṅgaṃ nasukhasahagatassa bhavaṅgassa… sukhasahagataṃ kusalākusalaṃ nasukhasahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (Mūlaṃ kātabbaṃ.) Purimā purimā sukhasahagatā khandhā pacchimānaṃ pacchimānaṃ sukhasahagatānaṃ khandhānaṃ sukhassa ca anantarapaccayena paccayo. (1)

    នសុខសហគតោ ធម្មោ នសុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា នសុខសហគតា…បេ.…។ (មូលំ។ តីណិបិ សប្បីតិកទុកសទិសា។)

    Nasukhasahagato dhammo nasukhasahagatassa dhammassa anantarapaccayena paccayo – purimā purimā nasukhasahagatā…pe…. (Mūlaṃ. Tīṇipi sappītikadukasadisā.)

    ១៧២. សុខសហគតោ ច នសុខសហគតោ ច ធម្មា សុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា ច សុខញ្ច បច្ឆិមានំ បច្ឆិមានំ សុខសហគតានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា សុខសហគតា ខន្ធា ច សុខញ្ច បច្ឆិមស្ស បច្ឆិមស្ស សុខស្ស អនន្តរបច្ចយេន បច្ចយោ; សុខសហគតំ ចុតិចិត្តញ្ច សុខញ្ច នសុខសហគតស្ស ឧបបត្តិចិត្តស្ស សុខសហគតំ ភវង្គញ្ច សុខញ្ច អាវជ្ជនាយ … សុខសហគតំ កាយវិញ្ញាណញ្ច សុខញ្ច វិបាកមនោធាតុយា… សុខសហគតា វិបាកមនោវិញ្ញាណធាតុ ច សុខញ្ច កិរិយមនោវិញ្ញាណធាតុយា… សុខសហគតំ ភវង្គញ្ច សុខញ្ច នសុខសហគតស្ស ភវង្គស្ស… សុខសហគតំ កុសលាកុសលញ្ច សុខញ្ច នសុខសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា សុខសហគតា ខន្ធា ច សុខញ្ច បច្ឆិមានំ បច្ឆិមានំ សុខសហគតានំ ខន្ធានំ សុខស្ស ច អនន្តរបច្ចយេន បច្ចយោ។ (៣)

    172. Sukhasahagato ca nasukhasahagato ca dhammā sukhasahagatassa dhammassa anantarapaccayena paccayo – purimā purimā sukhasahagatā khandhā ca sukhañca pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. (Mūlaṃ kātabbaṃ.) Purimā purimā sukhasahagatā khandhā ca sukhañca pacchimassa pacchimassa sukhassa anantarapaccayena paccayo; sukhasahagataṃ cuticittañca sukhañca nasukhasahagatassa upapatticittassa sukhasahagataṃ bhavaṅgañca sukhañca āvajjanāya … sukhasahagataṃ kāyaviññāṇañca sukhañca vipākamanodhātuyā… sukhasahagatā vipākamanoviññāṇadhātu ca sukhañca kiriyamanoviññāṇadhātuyā… sukhasahagataṃ bhavaṅgañca sukhañca nasukhasahagatassa bhavaṅgassa… sukhasahagataṃ kusalākusalañca sukhañca nasukhasahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (Mūlaṃ kātabbaṃ.) Purimā purimā sukhasahagatā khandhā ca sukhañca pacchimānaṃ pacchimānaṃ sukhasahagatānaṃ khandhānaṃ sukhassa ca anantarapaccayena paccayo. (3)

    សមនន្តរបច្ចយេន បច្ចយោ… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ។

    Samanantarapaccayena paccayo… sahajātapaccayena paccayo… aññamaññapaccayena paccayo… nissayapaccayena paccayo.

    ឧបនិស្សយបច្ចយោ

    Upanissayapaccayo

    ១៧៣. សុខសហគតោ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ… តីណិ។

    173. Sukhasahagato dhammo sukhasahagatassa dhammassa upanissayapaccayena paccayo… tīṇi.

    នសុខសហគតោ ធម្មោ នសុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នសុខសហគតំ សទ្ធំ ឧបនិស្សាយ នសុខសហគតេន ចិត្តេន ទានំ ទេតិ, សីលំ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នសុខសហគតំ សីលំ…បេ.… បញ្ញំ… រាគំ…បេ.… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ សុខំ ឧបនិស្សាយ នសុខសហគតេន ចិត្តេន ទានំ ទេតិ…បេ.… សមាបត្តិំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ; នសុខសហគតា សទ្ធា…បេ.… សេនាសនំ សុខញ្ច នសុខសហគតាយ សទ្ធាយ…បេ.… បញ្ញាយ… រាគស្ស… ទោសស្ស…បេ.… បត្ថនាយ… កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា សុខស្ស ច ឧបនិស្សយបច្ចយេន បច្ចយោ។ (១)

    Nasukhasahagato dhammo nasukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – nasukhasahagataṃ saddhaṃ upanissāya nasukhasahagatena cittena dānaṃ deti, sīlaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti; nasukhasahagataṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ sukhaṃ upanissāya nasukhasahagatena cittena dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; nasukhasahagatā saddhā…pe… senāsanaṃ sukhañca nasukhasahagatāya saddhāya…pe… paññāya… rāgassa… dosassa…pe… patthanāya… kāyikassa sukhassa, kāyikassa dukkhassa, maggassa, phalasamāpattiyā sukhassa ca upanissayapaccayena paccayo. (1)

    នសុខសហគតោ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នសុខសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នសុខសហគតំ សីលំ…បេ.… បញ្ញំ… រាគំ…បេ.… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ សុខំ ឧបនិស្សាយ សុខសហគតេន ចិត្តេន ទានំ ទេតិ…បេ.… សមាបត្តិំ ឧប្បាទេតិ; សុខសហគតេន ចិត្តេន អទិន្នំ អាទិយតិ; មុសា…បេ.… បិសុណំ…បេ.… សម្ផំ…បេ.… សន្ធិំ…បេ.… និល្លោបំ…បេ.… ឯកាគារិកំ…បេ.… បរិបន្ថេ…បេ.… បរទារំ…បេ.… គាមឃាតំ…បេ.… និគមឃាតំ ករោតិ; នសុខសហគតា សទ្ធា…បេ.… សេនាសនំ សុខញ្ច សុខសហគតាយ សទ្ធាយ…បេ.… បញ្ញាយ… រាគស្ស… មានស្ស… ទិដ្ឋិយា… បត្ថនាយ… កាយិកស្ស សុខស្ស… មគ្គស្ស ផលសមាបត្តិយា ឧបនិស្សយបច្ចយេន បច្ចយោ។ (២)

    Nasukhasahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – nasukhasahagataṃ saddhaṃ upanissāya sukhasahagatena cittena dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti; nasukhasahagataṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ sukhaṃ upanissāya sukhasahagatena cittena dānaṃ deti…pe… samāpattiṃ uppādeti; sukhasahagatena cittena adinnaṃ ādiyati; musā…pe… pisuṇaṃ…pe… samphaṃ…pe… sandhiṃ…pe… nillopaṃ…pe… ekāgārikaṃ…pe… paripanthe…pe… paradāraṃ…pe… gāmaghātaṃ…pe… nigamaghātaṃ karoti; nasukhasahagatā saddhā…pe… senāsanaṃ sukhañca sukhasahagatāya saddhāya…pe… paññāya… rāgassa… mānassa… diṭṭhiyā… patthanāya… kāyikassa sukhassa… maggassa phalasamāpattiyā upanissayapaccayena paccayo. (2)

    នសុខសហគតោ ធម្មោ សុខសហគតស្ស ច នសុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នសុខសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ.… (ទុតិយគមនសទិសំ) មានំ ជប្បេតិ, ទិដ្ឋិំ គណ្ហាតិ; នសុខសហគតំ សីលំ…បេ.… សេនាសនំ សុខំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, សុខសហគតេន ចិត្តេន អទិន្នំ អាទិយតិ…បេ.… នសុខសហគតា សទ្ធា…បេ.… សេនាសនំ សុខញ្ច សុខសហគតាយ … សទ្ធាយ…បេ.… បត្ថនាយ … កាយិកស្ស សុខស្ស, មគ្គស្ស, ផលសមាបត្តិយា សុខស្ស ច ឧបនិស្សយបច្ចយេន បច្ចយោ។ (៣)

    Nasukhasahagato dhammo sukhasahagatassa ca nasukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – nasukhasahagataṃ saddhaṃ upanissāya sukhasahagatena cittena dānaṃ deti…pe… (dutiyagamanasadisaṃ) mānaṃ jappeti, diṭṭhiṃ gaṇhāti; nasukhasahagataṃ sīlaṃ…pe… senāsanaṃ sukhaṃ upanissāya dānaṃ deti…pe… samāpattiṃ uppādeti, sukhasahagatena cittena adinnaṃ ādiyati…pe… nasukhasahagatā saddhā…pe… senāsanaṃ sukhañca sukhasahagatāya … saddhāya…pe… patthanāya … kāyikassa sukhassa, maggassa, phalasamāpattiyā sukhassa ca upanissayapaccayena paccayo. (3)

    សុខសហគតោ ច នសុខសហគតោ ច ធម្មា សុខសហគតស្ស ធម្មស្ស ឧបនិស្សយបច្ចយេន បច្ចយោ… តីណិ។

    Sukhasahagato ca nasukhasahagato ca dhammā sukhasahagatassa dhammassa upanissayapaccayena paccayo… tīṇi.

    បុរេជាតបច្ចយាទិ

    Purejātapaccayādi

    ១៧៤. នសុខសហគតោ ធម្មោ នសុខសហគតស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ នសុខសហគតេន ចិត្តេន អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ នសុខសហគតោ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ, សុខំ ឧប្បជ្ជតិ, ទិព្ពេន ចក្ខុនា រូបំ បស្សតិ…បេ.… ផោដ្ឋព្ពាយតនំ កាយវិញ្ញាណស្ស…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ នសុខសហគតានំ ខន្ធានំ សុខស្ស ច បុរេជាតបច្ចយេន បច្ចយោ។ (១)

    174. Nasukhasahagato dhammo nasukhasahagatassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ nasukhasahagatena cittena aniccato…pe… vipassati assādeti abhinandati, taṃ ārabbha nasukhasahagato rāgo uppajjati…pe… domanassaṃ uppajjati, sukhaṃ uppajjati, dibbena cakkhunā rūpaṃ passati…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu nasukhasahagatānaṃ khandhānaṃ sukhassa ca purejātapaccayena paccayo. (1)

    នសុខសហគតោ ធម្មោ សុខសហគតស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ សុខសហគតេន ចិត្តេន អនិច្ចតោ…បេ.… វិបស្សតិ, អស្សាទេតិ អភិនន្ទតិ, តំ អារព្ភ សុខសហគតោ រាគោ ឧប្បជ្ជតិ , ទិដ្ឋិ ឧប្បជ្ជតិ។ វត្ថុបុរេជាតំ – វត្ថុ សុខសហគតានំ ខន្ធានំ បុរេជាតបច្ចយេន បច្ចយោ។ (២)

    Nasukhasahagato dhammo sukhasahagatassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ sukhasahagatena cittena aniccato…pe… vipassati, assādeti abhinandati, taṃ ārabbha sukhasahagato rāgo uppajjati , diṭṭhi uppajjati. Vatthupurejātaṃ – vatthu sukhasahagatānaṃ khandhānaṃ purejātapaccayena paccayo. (2)

    នសុខសហគតោ ធម្មោ សុខសហគតស្ស ច នសុខសហគតស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ សុខសហគតេន ចិត្តេន អនិច្ចតោ…បេ.… វិបស្សតិ, អស្សាទេតិ អភិនន្ទតិ, តំ អារព្ភ សុខញ្ច សម្បយុត្តកា ខន្ធា ច ឧប្បជ្ជន្តិ។ វត្ថុបុរេជាតំ – វត្ថុ សុខសហគតានំ ខន្ធានំ សុខស្ស ច បុរេជាតបច្ចយេន បច្ចយោ។ (៣)

    Nasukhasahagato dhammo sukhasahagatassa ca nasukhasahagatassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ sukhasahagatena cittena aniccato…pe… vipassati, assādeti abhinandati, taṃ ārabbha sukhañca sampayuttakā khandhā ca uppajjanti. Vatthupurejātaṃ – vatthu sukhasahagatānaṃ khandhānaṃ sukhassa ca purejātapaccayena paccayo. (3)

    បច្ឆាជាតបច្ចយេន បច្ចយោ… តីណិ… អាសេវនបច្ចយេន បច្ចយោ… នវ។

    Pacchājātapaccayena paccayo… tīṇi… āsevanapaccayena paccayo… nava.

    កម្មបច្ចយាទិ

    Kammapaccayādi

    ១៧៥. សុខសហគតោ ធម្មោ សុខសហគតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ (ឆ កម្មានិ ចត្តារិ សហជាតាបិ នានាក្ខណិកាបិ កាតព្ពា, ទ្វេ នានាក្ខណិកា។)… វិបាកបច្ចយេន បច្ចយោ… នវ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… នវ… ឈានបច្ចយេន បច្ចយោ… នវ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ឆ… វិប្បយុត្តបច្ចយេន បច្ចយោ… បញ្ច… អត្ថិបច្ចយេន បច្ចយោ… នវ… នត្ថិបច្ចយេន បច្ចយោ… នវ… វិគតបច្ចយេន បច្ចយោ… នវ… អវិគតបច្ចយេន បច្ចយោ… នវ។

    175. Sukhasahagato dhammo sukhasahagatassa dhammassa kammapaccayena paccayo – sahajātā, nānākkhaṇikā. (Cha kammāni cattāri sahajātāpi nānākkhaṇikāpi kātabbā, dve nānākkhaṇikā.)… Vipākapaccayena paccayo… nava… āhārapaccayena paccayo… cattāri… indriyapaccayena paccayo… nava… jhānapaccayena paccayo… nava… maggapaccayena paccayo… cattāri… sampayuttapaccayena paccayo… cha… vippayuttapaccayena paccayo… pañca… atthipaccayena paccayo… nava… natthipaccayena paccayo… nava… vigatapaccayena paccayo… nava… avigatapaccayena paccayo… nava.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១៧៦. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ ឆ, វិបាកេ នវ, អាហារេ ចត្តារិ, ឥន្ទ្រិយេ នវ, ឈានេ នវ, មគ្គេ ចត្តារិ, សម្បយុត្តេ ឆ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    176. Hetuyā cattāri, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme cha, vipāke nava, āhāre cattāri, indriye nava, jhāne nava, magge cattāri, sampayutte cha, vippayutte pañca, atthiyā nava, natthiyā nava, vigate nava, avigate nava.

    (ឯវំ បច្ចនីយវិភង្គោបិ គណនាបិ សប្បីតិកទុកសទិសំ កាតព្ពំ, យទិបិ វិមតិ អត្ថិ អនុលោមំ បស្សិត្វា គណេតព្ពំ។)

    (Evaṃ paccanīyavibhaṅgopi gaṇanāpi sappītikadukasadisaṃ kātabbaṃ, yadipi vimati atthi anulomaṃ passitvā gaṇetabbaṃ.)

    សុខសហគតទុកំ និដ្ឋិតំ។

    Sukhasahagatadukaṃ niṭṭhitaṃ.

    ៩២. ឧបេក្ខាសហគតទុកំ

    92. Upekkhāsahagatadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៧៧. ឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ ហេតុបច្ចយា – ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ …បេ.… បដិសន្ធិក្ខណេ…បេ.… ឧបេក្ខាសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ ហេតុបច្ចយា – ឧបេក្ខាសហគតេ ខន្ធេ បដិច្ច ឧបេក្ខា ចិត្តសមុដ្ឋានញ្ច រូបំ; បដិសន្ធិក្ខណេ…បេ.…។ ឧបេក្ខាសហគតំ ធម្មំ បដិច្ច ឧបេក្ខាសហគតោ ច នឧបេក្ខាសហគតោ ច ធម្មា ឧប្បជ្ជន្តិ ហេតុបច្ចយា – ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា ឧបេក្ខា ច ចិត្តសមុដ្ឋានញ្ច រូបំ, ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    177. Upekkhāsahagataṃ dhammaṃ paṭicca upekkhāsahagato dhammo uppajjati hetupaccayā – upekkhāsahagataṃ ekaṃ khandhaṃ paṭicca dve khandhā, dve khandhe …pe… paṭisandhikkhaṇe…pe… upekkhāsahagataṃ dhammaṃ paṭicca naupekkhāsahagato dhammo uppajjati hetupaccayā – upekkhāsahagate khandhe paṭicca upekkhā cittasamuṭṭhānañca rūpaṃ; paṭisandhikkhaṇe…pe…. Upekkhāsahagataṃ dhammaṃ paṭicca upekkhāsahagato ca naupekkhāsahagato ca dhammā uppajjanti hetupaccayā – upekkhāsahagataṃ ekaṃ khandhaṃ paṭicca dve khandhā upekkhā ca cittasamuṭṭhānañca rūpaṃ, dve khandhe…pe… paṭisandhikkhaṇe…pe…. (3)

    នឧបេក្ខាសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ ហេតុបច្ចយា – នឧបេក្ខាសហគតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ឧបេក្ខំ បដិច្ច ចិត្តសមុដ្ឋានំ រូបំ; បដិសន្ធិក្ខណេ នឧបេក្ខាសហគតំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ ឧបេក្ខំ បដិច្ច កដត្តារូបំ, ខន្ធេ បដិច្ច វត្ថុ, វត្ថុំ បដិច្ច ខន្ធា, ឧបេក្ខំ បដិច្ច វត្ថុ, វត្ថុំ បដិច្ច ឧបេក្ខា, ឯកំ មហាភូតំ…បេ.…។ (សប្បីតិកទុកសទិសំ, អនុលោមេ នវបិ បញ្ហា។)

    Naupekkhāsahagataṃ dhammaṃ paṭicca naupekkhāsahagato dhammo uppajjati hetupaccayā – naupekkhāsahagataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… upekkhaṃ paṭicca cittasamuṭṭhānaṃ rūpaṃ; paṭisandhikkhaṇe naupekkhāsahagataṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… paṭisandhikkhaṇe upekkhaṃ paṭicca kaṭattārūpaṃ, khandhe paṭicca vatthu, vatthuṃ paṭicca khandhā, upekkhaṃ paṭicca vatthu, vatthuṃ paṭicca upekkhā, ekaṃ mahābhūtaṃ…pe…. (Sappītikadukasadisaṃ, anulome navapi pañhā.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ១៧៨. ហេតុយា នវ, អារម្មណេ នវ, អធិបតិយា នវ…បេ.… បុរេជាតេ ឆ, អាសេវនេ ឆ, កម្មេ នវ (សព្ពត្ថ នវ), អវិគតេ នវ។

    178. Hetuyā nava, ārammaṇe nava, adhipatiyā nava…pe… purejāte cha, āsevane cha, kamme nava (sabbattha nava), avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ១៧៩. ឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ…បេ.… អហេតុកបដិសន្ធិក្ខណេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ ឧបេក្ខាសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកេ ឧបេក្ខាសហគតេ ខន្ធេ បដិច្ច ឧបេក្ខា ចិត្តសមុដ្ឋានញ្ច រូបំ; អហេតុកបដិសន្ធិក្ខណេ…បេ.…។ ឧបេក្ខាសហគតំ ធម្មំ បដិច្ច ឧបេក្ខាសហគតោ ច នឧបេក្ខាសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា ឧបេក្ខា ច ចិត្តសមុដ្ឋានញ្ច រូបំ, ទ្វេ ខន្ធេ…បេ.… អហេតុកបដិសន្ធិក្ខណេ…បេ.…។ (៣)

    179. Upekkhāsahagataṃ dhammaṃ paṭicca upekkhāsahagato dhammo uppajjati nahetupaccayā – ahetukaṃ upekkhāsahagataṃ ekaṃ khandhaṃ paṭicca dve khandhā, dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. Upekkhāsahagataṃ dhammaṃ paṭicca naupekkhāsahagato dhammo uppajjati nahetupaccayā – ahetuke upekkhāsahagate khandhe paṭicca upekkhā cittasamuṭṭhānañca rūpaṃ; ahetukapaṭisandhikkhaṇe…pe…. Upekkhāsahagataṃ dhammaṃ paṭicca upekkhāsahagato ca naupekkhāsahagato ca dhammā uppajjanti nahetupaccayā – ahetukaṃ upekkhāsahagataṃ ekaṃ khandhaṃ paṭicca dve khandhā upekkhā ca cittasamuṭṭhānañca rūpaṃ, dve khandhe…pe… ahetukapaṭisandhikkhaṇe…pe…. (3)

    ១៨០. នឧបេក្ខាសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ នឧបេក្ខាសហគតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកំ ឧបេក្ខំ បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ…បេ.… ឧបេក្ខំ បដិច្ច វត្ថុ, វត្ថុំ បដិច្ច ឧបេក្ខា, ឯកំ មហាភូតំ…បេ.… (យាវ អសញ្ញសត្តា)។

    180. Naupekkhāsahagataṃ dhammaṃ paṭicca naupekkhāsahagato dhammo uppajjati nahetupaccayā – ahetukaṃ naupekkhāsahagataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukaṃ upekkhaṃ paṭicca cittasamuṭṭhānaṃ rūpaṃ; ahetukapaṭisandhikkhaṇe…pe… upekkhaṃ paṭicca vatthu, vatthuṃ paṭicca upekkhā, ekaṃ mahābhūtaṃ…pe… (yāva asaññasattā).

    នឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខំ បដិច្ច សម្បយុត្តកា ខន្ធា; អហេតុកបដិសន្ធិក្ខណេ ឧបេក្ខំ បដិច្ច សម្បយុត្តកា ខន្ធា; អហេតុកបដិសន្ធិក្ខណេ វត្ថុំ បដិច្ច ឧបេក្ខាសហគតា ខន្ធា; វិចិកិច្ឆាសហគតំ ឧទ្ធច្ចសហគតំ ឧបេក្ខំ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។

    Naupekkhāsahagataṃ dhammaṃ paṭicca upekkhāsahagato dhammo uppajjati nahetupaccayā – ahetukaṃ upekkhaṃ paṭicca sampayuttakā khandhā; ahetukapaṭisandhikkhaṇe upekkhaṃ paṭicca sampayuttakā khandhā; ahetukapaṭisandhikkhaṇe vatthuṃ paṭicca upekkhāsahagatā khandhā; vicikicchāsahagataṃ uddhaccasahagataṃ upekkhaṃ paṭicca vicikicchāsahagato uddhaccasahagato moho.

    នឧបេក្ខាសហគតំ ធម្មំ បដិច្ច ឧបេក្ខាសហគតោ ច នឧបេក្ខាសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ ឧបេក្ខំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ, អហេតុកំ ឧបេក្ខំ បដិច្ច សម្បយុត្តកា ខន្ធា, មហាភូតេ បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ ឧបេក្ខំ បដិច្ច សម្បយុត្តកា ខន្ធា កដត្តា ច រូបំ, អហេតុកបដិសន្ធិក្ខណេ ឧបេក្ខំ បដិច្ច សម្បយុត្តកា ខន្ធា, មហាភូតេ បដិច្ច កដត្តារូបំ, អហេតុកបដិសន្ធិក្ខណេ វត្ថុំ បដិច្ច ឧបេក្ខាសហគតា ខន្ធា, មហាភូតេ បដិច្ច កដត្តារូបំ, អហេតុកបដិសន្ធិក្ខណេ វត្ថុំ បដិច្ច ឧបេក្ខា ច សម្បយុត្តកា ច ខន្ធា។ (៣)

    Naupekkhāsahagataṃ dhammaṃ paṭicca upekkhāsahagato ca naupekkhāsahagato ca dhammā uppajjanti nahetupaccayā – ahetukaṃ upekkhaṃ paṭicca sampayuttakā khandhā cittasamuṭṭhānañca rūpaṃ, ahetukaṃ upekkhaṃ paṭicca sampayuttakā khandhā, mahābhūte paṭicca cittasamuṭṭhānaṃ rūpaṃ; ahetukapaṭisandhikkhaṇe upekkhaṃ paṭicca sampayuttakā khandhā kaṭattā ca rūpaṃ, ahetukapaṭisandhikkhaṇe upekkhaṃ paṭicca sampayuttakā khandhā, mahābhūte paṭicca kaṭattārūpaṃ, ahetukapaṭisandhikkhaṇe vatthuṃ paṭicca upekkhāsahagatā khandhā, mahābhūte paṭicca kaṭattārūpaṃ, ahetukapaṭisandhikkhaṇe vatthuṃ paṭicca upekkhā ca sampayuttakā ca khandhā. (3)

    ១៨១. ឧបេក្ខាសហគតញ្ច នឧបេក្ខាសហគតញ្ច ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា , ទ្វេ ខន្ធេ…បេ.… អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា, ទ្វេ ខន្ធេ…បេ.… អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា; ទ្វេ ខន្ធេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ ច ឧបេក្ខញ្ច បដិច្ច វិចិកិច្ឆាសហគតោ ឧទ្ធច្ចសហគតោ មោហោ។

    181. Upekkhāsahagatañca naupekkhāsahagatañca dhammaṃ paṭicca upekkhāsahagato dhammo uppajjati nahetupaccayā – ahetukaṃ upekkhāsahagataṃ ekaṃ khandhañca upekkhañca paṭicca dve khandhā , dve khandhe…pe… ahetukapaṭisandhikkhaṇe upekkhāsahagataṃ ekaṃ khandhañca upekkhañca paṭicca dve khandhā, dve khandhe…pe… ahetukapaṭisandhikkhaṇe upekkhāsahagataṃ ekaṃ khandhañca vatthuñca paṭicca dve khandhā; dve khandhe…pe… vicikicchāsahagate uddhaccasahagate khandhe ca upekkhañca paṭicca vicikicchāsahagato uddhaccasahagato moho.

    ឧបេក្ខាសហគតញ្ច នឧបេក្ខាសហគតញ្ច ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកេ ឧបេក្ខាសហគតេ ខន្ធេ ច ឧបេក្ខញ្ច បដិច្ច ចិត្តសមុដ្ឋានំ រូបំ, អហេតុកេ ឧបេក្ខាសហគតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ ឧបេក្ខាសហគតេ ខន្ធេ ច ឧបេក្ខញ្ច បដិច្ច កដត្តារូបំ, អហេតុកបដិសន្ធិក្ខណេ ឧបេក្ខាសហគតេ ខន្ធេ ច មហាភូតេ ច បដិច្ច កដត្តារូបំ, អហេតុកបដិសន្ធិក្ខណេ ឧបេក្ខាសហគតេ ខន្ធេ ច វត្ថុញ្ច បដិច្ច ឧបេក្ខា។

    Upekkhāsahagatañca naupekkhāsahagatañca dhammaṃ paṭicca naupekkhāsahagato dhammo uppajjati nahetupaccayā – ahetuke upekkhāsahagate khandhe ca upekkhañca paṭicca cittasamuṭṭhānaṃ rūpaṃ, ahetuke upekkhāsahagate khandhe ca mahābhūte ca paṭicca cittasamuṭṭhānaṃ rūpaṃ; ahetukapaṭisandhikkhaṇe upekkhāsahagate khandhe ca upekkhañca paṭicca kaṭattārūpaṃ, ahetukapaṭisandhikkhaṇe upekkhāsahagate khandhe ca mahābhūte ca paṭicca kaṭattārūpaṃ, ahetukapaṭisandhikkhaṇe upekkhāsahagate khandhe ca vatthuñca paṭicca upekkhā.

    ឧបេក្ខាសហគតញ្ច នឧបេក្ខាសហគតញ្ច ធម្មំ បដិច្ច ឧបេក្ខាសហគតោ ច នឧបេក្ខាសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ.… អហេតុកំ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា, ទ្វេ ខន្ធេ…បេ.… អហេតុកេ ឧបេក្ខាសហគតេ ខន្ធេ ច ឧបេក្ខញ្ច មហាភូតេ ច បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា កដត្តា ច រូបំ, ទ្វេ ខន្ធេ…បេ.… អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា, ទ្វេ ខន្ធេ…បេ.… អហេតុកេ ឧបេក្ខាសហគតេ ខន្ធេ ច ឧបេក្ខញ្ច មហាភូតេ ច បដិច្ច កដត្តារូបំ; អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា ឧបេក្ខា ច, ទ្វេ ខន្ធេ…បេ.… (សំខិត្តំ)។ (៣)

    Upekkhāsahagatañca naupekkhāsahagatañca dhammaṃ paṭicca upekkhāsahagato ca naupekkhāsahagato ca dhammā uppajjanti nahetupaccayā – ahetukaṃ upekkhāsahagataṃ ekaṃ khandhañca upekkhañca paṭicca dve khandhā cittasamuṭṭhānañca rūpaṃ, dve khandhe…pe… ahetukaṃ upekkhāsahagataṃ ekaṃ khandhañca upekkhañca paṭicca dve khandhā, dve khandhe…pe… ahetuke upekkhāsahagate khandhe ca upekkhañca mahābhūte ca paṭicca cittasamuṭṭhānaṃ rūpaṃ; ahetukapaṭisandhikkhaṇe upekkhāsahagataṃ ekaṃ khandhañca upekkhañca paṭicca dve khandhā kaṭattā ca rūpaṃ, dve khandhe…pe… ahetukapaṭisandhikkhaṇe upekkhāsahagataṃ ekaṃ khandhañca upekkhañca paṭicca dve khandhā, dve khandhe…pe… ahetuke upekkhāsahagate khandhe ca upekkhañca mahābhūte ca paṭicca kaṭattārūpaṃ; ahetukapaṭisandhikkhaṇe upekkhāsahagataṃ ekaṃ khandhañca vatthuñca paṭicca dve khandhā upekkhā ca, dve khandhe…pe… (saṃkhittaṃ). (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១៨២. នហេតុយា នវ, នអារម្មណេ តីណិ, នអធិបតិយា នវ, នអនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ នវ, នមគ្គេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    182. Nahetuyā nava, naārammaṇe tīṇi, naadhipatiyā nava, naanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne nava, namagge nava, nasampayutte tīṇi, navippayutte cha, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (ឯវំ ឥតរេ ទ្វេ គណនាបិ សហជាតវារោបិ កាតព្ពោ។)

    (Evaṃ itare dve gaṇanāpi sahajātavāropi kātabbo.)

    ៣. បច្ចយវារោ

    3. Paccayavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ១៨៣. ឧបេក្ខាសហគតំ ធម្មំ បច្ចយា ឧបេក្ខាសហគតោ ធម្មោ ឧប្បជ្ជតិ ហេតុបច្ចយា – ឧបេក្ខាសហគតំ ឯកំ ខន្ធំ បច្ចយា ទ្វេ ខន្ធា, ទ្វេ ខន្ធេ…បេ.… បដិសន្ធិក្ខណេ…បេ.… (យថា សវិតក្កទុកសទិសំ បច្ចយវារេ នានាករណំ។ ‘‘ឧបេក្ខ’’ន្តិ នវបិ បញ្ហា កាតព្ពា, បដិសន្ធិបវត្តិបិ វត្ថុបិ។)

    183. Upekkhāsahagataṃ dhammaṃ paccayā upekkhāsahagato dhammo uppajjati hetupaccayā – upekkhāsahagataṃ ekaṃ khandhaṃ paccayā dve khandhā, dve khandhe…pe… paṭisandhikkhaṇe…pe… (yathā savitakkadukasadisaṃ paccayavāre nānākaraṇaṃ. ‘‘Upekkha’’nti navapi pañhā kātabbā, paṭisandhipavattipi vatthupi.)

    ហេតុយា នវ, អារម្មណេ នវ…បេ.… បុរេជាតេ នវ, អាសេវនេ នវ (សព្ពត្ថ នវ), អវិគតេ នវ។

    Hetuyā nava, ārammaṇe nava…pe… purejāte nava, āsevane nava (sabbattha nava), avigate nava.

    អនុលោមំ។

    Anulomaṃ.

    ១៨៤. ឧបេក្ខាសហគតំ ធម្មំ បច្ចយា ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធំ បច្ចយា ទ្វេ ខន្ធា, ទ្វេ ខន្ធេ…បេ.… អហេតុកបដិសន្ធិក្ខណេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (ឯវំ នវបិ បញ្ហា បវត្តិបដិសន្ធិយោ យថា សវិតក្កទុកស្ស ឯវំ កាតព្ពា។ តីណិយេវ មោហោ, បវត្តេ វត្ថុបិ កាតព្ពា។)

    184. Upekkhāsahagataṃ dhammaṃ paccayā upekkhāsahagato dhammo uppajjati nahetupaccayā – ahetukaṃ upekkhāsahagataṃ ekaṃ khandhaṃ paccayā dve khandhā, dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe paccayā vicikicchāsahagato uddhaccasahagato moho. (Evaṃ navapi pañhā pavattipaṭisandhiyo yathā savitakkadukassa evaṃ kātabbā. Tīṇiyeva moho, pavatte vatthupi kātabbā.)

    នហេតុយា នវ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    Nahetuyā nava, naārammaṇe tīṇi, naadhipatiyā nava, naanantare tīṇi, nasamanantare tīṇi, naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge nava, nasampayutte tīṇi, navippayutte cha, nonatthiyā tīṇi, novigate tīṇi.

    បច្ចនីយំ។

    Paccanīyaṃ.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ១៨៥. ឧបេក្ខាសហគតំ ធម្មំ សំសដ្ឋោ ឧបេក្ខាសហគតោ ធម្មោ ឧប្បជ្ជតិ ហេតុបច្ចយា – ឧបេក្ខាសហគតំ ឯកំ ខន្ធំ សំសដ្ឋា ទ្វេ ខន្ធា, ទ្វេ ខន្ធេ …បេ.… បដិសន្ធិក្ខណេ…បេ.…។ (យថា សវិតក្កទុកំ សម្បយុត្តវារោ ឯវំ កាតព្ពោ។)

    185. Upekkhāsahagataṃ dhammaṃ saṃsaṭṭho upekkhāsahagato dhammo uppajjati hetupaccayā – upekkhāsahagataṃ ekaṃ khandhaṃ saṃsaṭṭhā dve khandhā, dve khandhe …pe… paṭisandhikkhaṇe…pe…. (Yathā savitakkadukaṃ sampayuttavāro evaṃ kātabbo.)

    ហេតុយា ឆ, អារម្មណេ ឆ (សព្ពត្ថ ឆ), អវិគតេ ឆ។

    Hetuyā cha, ārammaṇe cha (sabbattha cha), avigate cha.

    អនុលោមំ។

    Anulomaṃ.

    ឧបេក្ខាសហគតំ ធម្មំ សំសដ្ឋោ ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធំ សំសដ្ឋា ទ្វេ ខន្ធា, ទ្វេ ខន្ធេ…បេ.… អហេតុកបដិសន្ធិក្ខណេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ។ (ឯវំ បញ្ច បញ្ហា យថា សវិតក្កទុកេ ឯវំ កាតព្ពា។)

    Upekkhāsahagataṃ dhammaṃ saṃsaṭṭho upekkhāsahagato dhammo uppajjati nahetupaccayā – ahetukaṃ upekkhāsahagataṃ ekaṃ khandhaṃ saṃsaṭṭhā dve khandhā, dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (Evaṃ pañca pañhā yathā savitakkaduke evaṃ kātabbā.)

    នហេតុយា ឆ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នវិប្បយុត្តេ ឆ។

    Nahetuyā cha, naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, navippayutte cha.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយាទិ

    Hetupaccayādi

    ១៨៦. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស ហេតុបច្ចយេន បច្ចយោ – ឧបេក្ខាសហគតា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (ឯវំ ចត្តារិ បញ្ហា យថា សវិតក្កទុកស្ស។)

    186. Upekkhāsahagato dhammo upekkhāsahagatassa dhammassa hetupaccayena paccayo – upekkhāsahagatā hetū sampayuttakānaṃ khandhānaṃ hetupaccayena paccayo; paṭisandhikkhaṇe…pe…. (Evaṃ cattāri pañhā yathā savitakkadukassa.)

    ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ… អធិបតិបច្ចយេន បច្ចយោ។ (យថា សប្បីតិកទុកំ ឯវំ អារម្មណម្បិ អធិបតិបិ វិត្ថារេតព្ពា, ‘‘ឧបេក្ខា’’តិ នានំ។)

    Upekkhāsahagato dhammo upekkhāsahagatassa dhammassa ārammaṇapaccayena paccayo… adhipatipaccayena paccayo. (Yathā sappītikadukaṃ evaṃ ārammaṇampi adhipatipi vitthāretabbā, ‘‘upekkhā’’ti nānaṃ.)

    អនន្តរបច្ចយាទិ

    Anantarapaccayādi

    ១៨៧. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបេក្ខាសហគតា ខន្ធា បច្ឆិមានំ បច្ឆិមានំ ឧបេក្ខាសហគតានំ ខន្ធានំ អនន្តរបច្ចយេន បច្ចយោ។ (១)

    187. Upekkhāsahagato dhammo upekkhāsahagatassa dhammassa anantarapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ anantarapaccayena paccayo. (1)

    ឧបេក្ខាសហគតោ ធម្មោ នឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបេក្ខាសហគតា ខន្ធា បច្ឆិមាយ បច្ឆិមាយ ឧបេក្ខាយ អនន្តរបច្ចយេន បច្ចយោ; ឧបេក្ខាសហគតំ ចុតិចិត្តំ នឧបេក្ខាសហគតស្ស ឧបបត្តិចិត្តស្ស… អាវជ្ជនា នឧបេក្ខាសហគតានំ ខន្ធានំ… វិបាកមនោធាតុ នឧបេក្ខាសហគតាយ វិបាកមនោវិញ្ញាណធាតុយា… ឧបេក្ខាសហគតំ ភវង្គំ នឧបេក្ខាសហគតស្ស ភវង្គស្ស… ឧបេក្ខាសហគតំ កុសលាកុសលំ នឧបេក្ខាសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស… និរោធា វុដ្ឋហន្តស្ស នេវសញ្ញានាសញ្ញាយតនំ នឧបេក្ខាសហគតាយ ផលសមាបត្តិយា អនន្តរបច្ចយេន បច្ចយោ។ (២)

    Upekkhāsahagato dhammo naupekkhāsahagatassa dhammassa anantarapaccayena paccayo – purimā purimā upekkhāsahagatā khandhā pacchimāya pacchimāya upekkhāya anantarapaccayena paccayo; upekkhāsahagataṃ cuticittaṃ naupekkhāsahagatassa upapatticittassa… āvajjanā naupekkhāsahagatānaṃ khandhānaṃ… vipākamanodhātu naupekkhāsahagatāya vipākamanoviññāṇadhātuyā… upekkhāsahagataṃ bhavaṅgaṃ naupekkhāsahagatassa bhavaṅgassa… upekkhāsahagataṃ kusalākusalaṃ naupekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa… nirodhā vuṭṭhahantassa nevasaññānāsaññāyatanaṃ naupekkhāsahagatāya phalasamāpattiyā anantarapaccayena paccayo. (2)

    ឧបេក្ខាសហគតោ ធម្មោ ឧបេក្ខាសហគតស្ស ច នឧបេក្ខាសហគតស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ឧបេក្ខាសហគតា ខន្ធា បច្ឆិមានំ បច្ឆិមានំ ឧបេក្ខាសហគតានំ ខន្ធានំ ឧបេក្ខាយ ច អនន្តរបច្ចយេន បច្ចយោ។ (៣)

    Upekkhāsahagato dhammo upekkhāsahagatassa ca naupekkhāsahagatassa ca dhammassa anantarapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ upekkhāya ca anantarapaccayena paccayo. (3)

    ១៨៨. នឧបេក្ខាសហគតោ ធម្មោ នឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបេក្ខា បច្ឆិមាយ បច្ឆិមាយ ឧបេក្ខាយ អនន្តរបច្ចយេន បច្ចយោ; បុរិមា បុរិមា នឧបេក្ខាសហគតា ខន្ធា បច្ឆិមានំ បច្ឆិមានំ នឧបេក្ខាសហគតានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ.… អនុលោមំ ផលសមាបត្តិយា អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា ឧបេក្ខា បច្ឆិមានំ បច្ឆិមានំ ឧបេក្ខាសហគតានំ ខន្ធានំ អនន្តរបច្ចយេន បច្ចយោ ; នឧបេក្ខាសហគតំ ចុតិចិត្តំ ឧបេក្ខាសហគតស្ស ឧបបត្តិចិត្តស្ស… នឧបេក្ខាសហគតំ ភវង្គំ អាវជ្ជនាយ… កាយវិញ្ញាណធាតុ វិបាកមនោធាតុយា… នឧបេក្ខាសហគតា វិបាកមនោវិញ្ញាណធាតុ កិរិយមនោវិញ្ញាណធាតុយា… នឧបេក្ខាសហគតំ ភវង្គំ ឧបេក្ខាសហគតស្ស ភវង្គស្ស… នឧបេក្ខាសហគតំ កុសលាកុសលំ ឧបេក្ខាសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ។ (២)

    188. Naupekkhāsahagato dhammo naupekkhāsahagatassa dhammassa anantarapaccayena paccayo – purimā purimā upekkhā pacchimāya pacchimāya upekkhāya anantarapaccayena paccayo; purimā purimā naupekkhāsahagatā khandhā pacchimānaṃ pacchimānaṃ naupekkhāsahagatānaṃ khandhānaṃ anantarapaccayena paccayo; anulomaṃ gotrabhussa…pe… anulomaṃ phalasamāpattiyā anantarapaccayena paccayo. (Mūlaṃ kātabbaṃ.) Purimā purimā upekkhā pacchimānaṃ pacchimānaṃ upekkhāsahagatānaṃ khandhānaṃ anantarapaccayena paccayo ; naupekkhāsahagataṃ cuticittaṃ upekkhāsahagatassa upapatticittassa… naupekkhāsahagataṃ bhavaṅgaṃ āvajjanāya… kāyaviññāṇadhātu vipākamanodhātuyā… naupekkhāsahagatā vipākamanoviññāṇadhātu kiriyamanoviññāṇadhātuyā… naupekkhāsahagataṃ bhavaṅgaṃ upekkhāsahagatassa bhavaṅgassa… naupekkhāsahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (2)

    នឧបេក្ខាសហគតោ ធម្មោ ឧបេក្ខាសហគតស្ស ច នឧបេក្ខាសហគតស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ឧបេក្ខា បច្ឆិមានំ បច្ឆិមានំ ឧបេក្ខាសហគតានំ ខន្ធានំ ឧបេក្ខាយ ច អនន្តរបច្ចយេន បច្ចយោ។ (៣)

    Naupekkhāsahagato dhammo upekkhāsahagatassa ca naupekkhāsahagatassa ca dhammassa anantarapaccayena paccayo – purimā purimā upekkhā pacchimānaṃ pacchimānaṃ upekkhāsahagatānaṃ khandhānaṃ upekkhāya ca anantarapaccayena paccayo. (3)

    ១៨៩. ឧបេក្ខាសហគតោ ច នឧបេក្ខាសហគតោ ច ធម្មា ឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបេក្ខាសហគតា ខន្ធា ច ឧបេក្ខា ច បច្ឆិមានំ បច្ឆិមានំ ឧបេក្ខាសហគតានំ ខន្ធានំ អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា ឧបេក្ខាសហគតា ខន្ធា ច ឧបេក្ខា ច បច្ឆិមាយ បច្ឆិមាយ ឧបេក្ខាយ អនន្តរបច្ចយេន បច្ចយោ; ឧបេក្ខាសហគតំ ចុតិចិត្តញ្ច ឧបេក្ខា ច នឧបេក្ខាសហគតស្ស ឧបបត្តិចិត្តស្ស… អាវជ្ជនា ច ឧបេក្ខា ច នឧបេក្ខាសហគតានំ ខន្ធានំ… វិបាកមនោធាតុ ច ឧបេក្ខា ច នឧបេក្ខាសហគតាយ វិបាកមនោវិញ្ញាណធាតុយា… ឧបេក្ខាសហគតំ ភវង្គញ្ច ឧបេក្ខា ច នឧបេក្ខាសហគតស្ស ភវង្គស្ស… ឧបេក្ខាសហគតំ កុសលាកុសលញ្ច ឧបេក្ខា ច នឧបេក្ខាសហគតស្ស វុដ្ឋានស្ស… កិរិយញ្ច ឧបេក្ខា ច វុដ្ឋានស្ស… ផលញ្ច ឧបេក្ខា ច វុដ្ឋានស្ស… និរោធា វុដ្ឋហន្តស្ស នេវសញ្ញានាសញ្ញាយតនញ្ច ឧបេក្ខា ច នឧបេក្ខាសហគតាយ ផលសមាបត្តិយា អនន្តរបច្ចយេន បច្ចយោ។ (មូលំ កាតព្ពំ។) បុរិមា បុរិមា ឧបេក្ខាសហគតា ខន្ធា ច ឧបេក្ខា ច បច្ឆិមានំ បច្ឆិមានំ ឧបេក្ខាសហគតានំ ខន្ធានំ ឧបេក្ខាយ ច អនន្តរបច្ចយេន បច្ចយោ។ (៣)

    189. Upekkhāsahagato ca naupekkhāsahagato ca dhammā upekkhāsahagatassa dhammassa anantarapaccayena paccayo – purimā purimā upekkhāsahagatā khandhā ca upekkhā ca pacchimānaṃ pacchimānaṃ upekkhāsahagatānaṃ khandhānaṃ anantarapaccayena paccayo. (Mūlaṃ kātabbaṃ.) Purimā purimā upekkhāsahagatā khandhā ca upekkhā ca pacchimāya pacchimāya upekkhāya anantarapaccayena paccayo; upekkhāsahagataṃ cuticittañca upekkhā ca naupekkhāsahagatassa upapatticittassa… āvajjanā ca upekkhā ca naupekkhāsahagatānaṃ khandhānaṃ… vipākamanodhātu ca upekkhā ca naupekkhāsahagatāya vipākamanoviññāṇadhātuyā… upekkhāsahagataṃ bhavaṅgañca upekkhā ca naupekkhāsahagatassa bhavaṅgassa… upekkhāsahagataṃ kusalākusalañca upekkhā ca naupekkhāsahagatassa vuṭṭhānassa… kiriyañca upekkhā ca vuṭṭhānassa… phalañca upekkhā ca vuṭṭhānassa… nirodhā vuṭṭhahantassa nevasaññānāsaññāyatanañca upekkhā ca naupekkhāsahagatāya phalasamāpattiyā anantarapaccayena paccayo. (Mūlaṃ kātabbaṃ.) Purimā purimā upekkhāsahagatā khandhā ca upekkhā ca pacchimānaṃ pacchimānaṃ upekkhāsahagatānaṃ khandhānaṃ upekkhāya ca anantarapaccayena paccayo. (3)

    សមនន្តរបច្ចយេន បច្ចយោ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ… និស្សយបច្ចយេន បច្ចយោ… នវ។

    Samanantarapaccayena paccayo… sahajātapaccayena paccayo… nava… aññamaññapaccayena paccayo… nava… nissayapaccayena paccayo… nava.

    ឧបនិស្សយបច្ចយោ

    Upanissayapaccayo

    ១៩០. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ… តីណិ។

    190. Upekkhāsahagato dhammo upekkhāsahagatassa dhammassa upanissayapaccayena paccayo… tīṇi.

    នឧបេក្ខាសហគតោ ធម្មោ នឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នឧបេក្ខាសហគតំ សទ្ធំ ឧបនិស្សាយ នឧបេក្ខាសហគតេន ចិត្តេន ទានំ ទេតិ, សីលំ…បេ.… ឧបោសថកម្មំ…បេ.… នឧបេក្ខាសហគតំ ឈានំ…បេ.… វិបស្សនំ…បេ.… មគ្គំ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នឧបេក្ខាសហគតំ សីលំ…បេ.… បញ្ញំ… រាគំ… ទោសំ… មោហំ… មានំ… ទិដ្ឋិំ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបេក្ខំ ឧបនិស្សាយ នឧបេក្ខាសហគតេន ចិត្តេន ទានំ ទេតិ…បេ.… សមាបត្តិំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ; នឧបេក្ខាសហគតា សទ្ធា…បេ.… សេនាសនំ ឧបេក្ខា ច នឧបេក្ខាសហគតាយ សទ្ធាយ…បេ.… បញ្ញាយ… រាគស្ស…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស … មគ្គស្ស, ផលសមាបត្តិយា ឧបេក្ខាយ ច ឧបនិស្សយបច្ចយេន បច្ចយោ។ (១)

    Naupekkhāsahagato dhammo naupekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – naupekkhāsahagataṃ saddhaṃ upanissāya naupekkhāsahagatena cittena dānaṃ deti, sīlaṃ…pe… uposathakammaṃ…pe… naupekkhāsahagataṃ jhānaṃ…pe… vipassanaṃ…pe… maggaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti; naupekkhāsahagataṃ sīlaṃ…pe… paññaṃ… rāgaṃ… dosaṃ… mohaṃ… mānaṃ… diṭṭhiṃ… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upekkhaṃ upanissāya naupekkhāsahagatena cittena dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; naupekkhāsahagatā saddhā…pe… senāsanaṃ upekkhā ca naupekkhāsahagatāya saddhāya…pe… paññāya… rāgassa…pe… patthanāya… kāyikassa sukhassa… kāyikassa dukkhassa … maggassa, phalasamāpattiyā upekkhāya ca upanissayapaccayena paccayo. (1)

    នឧបេក្ខាសហគតោ ធម្មោ ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ (តីណិបិ ឧបនិស្សយា)។ នឧបេក្ខាសហគតំ សទ្ធំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នឧបេក្ខាសហគតំ សីលំ…បេ.… សេនាសនំ ឧបេក្ខំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ.… សមាបត្តិំ ឧប្បាទេតិ, ឧបេក្ខាសហគតេន ចិត្តេន អទិន្នំ អាទិយតិ, មុសា ភណតិ, បិសុណំ…បេ.… សម្ផំ…បេ.… សន្ធិំ…បេ.… និល្លោបំ…បេ.… ឯកាគារិកំ…បេ.… បរិបន្ថេ…បេ.… បរទារំ…បេ.… គាមឃាតំ…បេ.… និគមឃាតំ ករោតិ; នឧបេក្ខាសហគតា សទ្ធា…បេ.… សេនាសនំ ឧបេក្ខា ច ឧបេក្ខាសហគតាយ សទ្ធាយ…បេ.… បត្ថនាយ… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។

    Naupekkhāsahagato dhammo upekkhāsahagatassa dhammassa upanissayapaccayena paccayo (tīṇipi upanissayā). Naupekkhāsahagataṃ saddhaṃ upanissāya upekkhāsahagatena cittena dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti; naupekkhāsahagataṃ sīlaṃ…pe… senāsanaṃ upekkhaṃ upanissāya upekkhāsahagatena cittena dānaṃ deti…pe… samāpattiṃ uppādeti, upekkhāsahagatena cittena adinnaṃ ādiyati, musā bhaṇati, pisuṇaṃ…pe… samphaṃ…pe… sandhiṃ…pe… nillopaṃ…pe… ekāgārikaṃ…pe… paripanthe…pe… paradāraṃ…pe… gāmaghātaṃ…pe… nigamaghātaṃ karoti; naupekkhāsahagatā saddhā…pe… senāsanaṃ upekkhā ca upekkhāsahagatāya saddhāya…pe… patthanāya… maggassa, phalasamāpattiyā upanissayapaccayena paccayo.

    នឧបេក្ខាសហគតោ ធម្មោ ឧបេក្ខាសហគតស្ស ច នឧបេក្ខាសហគតស្ស ច ធម្មស្ស ឧបនិស្សយបច្ចយេន បច្ចយោ (តីណិ ឧបនិស្សយា ទុតិយគមនសទិសា)។ (៣)

    Naupekkhāsahagato dhammo upekkhāsahagatassa ca naupekkhāsahagatassa ca dhammassa upanissayapaccayena paccayo (tīṇi upanissayā dutiyagamanasadisā). (3)

    ឧបេក្ខាសហគតោ ច នឧបេក្ខាសហគតោ ច ធម្មា ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ… តីណិ។

    Upekkhāsahagato ca naupekkhāsahagato ca dhammā upekkhāsahagatassa dhammassa upanissayapaccayena paccayo… tīṇi.

    បុរេជាតបច្ចយោ

    Purejātapaccayo

    ១៩១. នឧបេក្ខាសហគតោ ធម្មោ នឧបេក្ខាសហគតស្ស ធម្មស្ស បុរេជាតបច្ចយេន បច្ចយោ… តីណិ (សប្បីតិកទុកសទិសា)។

    191. Naupekkhāsahagato dhammo naupekkhāsahagatassa dhammassa purejātapaccayena paccayo… tīṇi (sappītikadukasadisā).

    បច្ឆាជាតបច្ចយាទិ

    Pacchājātapaccayādi

    ១៩២. ឧបេក្ខាសហគតោ ធម្មោ នឧបេក្ខាសហគតស្ស ធម្មស្ស បច្ឆាជាតបច្ចយេន បច្ចយោ… តីណិ… អាសេវនបច្ចយេន បច្ចយោ… នវ… កម្មបច្ចយេន បច្ចយោ… ឆ។ (ចត្តារិ សហជាតា នានាក្ខណិកា កាតព្ពា , ទ្វេ នានាក្ខណិកា ច។)… វិបាកបច្ចយេន បច្ចយោ… នវ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… នវ… ឈានបច្ចយេន បច្ចយោ… នវ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ឆ… វិប្បយុត្តបច្ចយេន បច្ចយោ… បញ្ច… អត្ថិបច្ចយេន បច្ចយោ… នវ… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។ (ឥមានិ បច្ចយានិ សប្បីតិកករណេន វិភជិតព្ពានិ។)

    192. Upekkhāsahagato dhammo naupekkhāsahagatassa dhammassa pacchājātapaccayena paccayo… tīṇi… āsevanapaccayena paccayo… nava… kammapaccayena paccayo… cha. (Cattāri sahajātā nānākkhaṇikā kātabbā , dve nānākkhaṇikā ca.)… Vipākapaccayena paccayo… nava… āhārapaccayena paccayo… cattāri… indriyapaccayena paccayo… nava… jhānapaccayena paccayo… nava… maggapaccayena paccayo… cattāri… sampayuttapaccayena paccayo… cha… vippayuttapaccayena paccayo… pañca… atthipaccayena paccayo… nava… natthipaccayena paccayo… vigatapaccayena paccayo… avigatapaccayena paccayo. (Imāni paccayāni sappītikakaraṇena vibhajitabbāni.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១៩៣. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ , សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ ឆ, វិបាកេ នវ, អាហារេ ចត្តារិ, ឥន្ទ្រិយេ នវ, ឈានេ នវ, មគ្គេ ចត្តារិ, សម្បយុត្តេ ឆ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    193. Hetuyā cattāri, ārammaṇe nava, adhipatiyā nava, anantare nava, samanantare nava , sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme cha, vipāke nava, āhāre cattāri, indriye nava, jhāne nava, magge cattāri, sampayutte cha, vippayutte pañca, atthiyā nava, natthiyā nava, vigate nava, avigate nava.

    (ឯវំ បច្ចនីយវិភង្គោបិ ឥតរេ តីណិ គណនាបិ សប្បីតិកទុកសទិសា កាតព្ពា។)

    (Evaṃ paccanīyavibhaṅgopi itare tīṇi gaṇanāpi sappītikadukasadisā kātabbā.)

    ឧបេក្ខាសហគតទុកំ និដ្ឋិតំ។

    Upekkhāsahagatadukaṃ niṭṭhitaṃ.

    ៩៣. កាមាវចរទុកំ

    93. Kāmāvacaradukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៩៤. កាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ ហេតុបច្ចយា – កាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ឯកំ មហាភូតំ…បេ.… (សំខិត្តំ)។ កាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វត្ថុំ បដិច្ច នកាមាវចរា ខន្ធា។ កាមាវចរំ ធម្មំ បដិច្ច កាមាវចរោ ច នកាមាវចរោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច នកាមាវចរា ខន្ធា, មហាភូតេ បដិច្ច កដត្តារូបំ។ (៣)

    194. Kāmāvacaraṃ dhammaṃ paṭicca kāmāvacaro dhammo uppajjati hetupaccayā – kāmāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… ekaṃ mahābhūtaṃ…pe… (saṃkhittaṃ). Kāmāvacaraṃ dhammaṃ paṭicca nakāmāvacaro dhammo uppajjati hetupaccayā – paṭisandhikkhaṇe vatthuṃ paṭicca nakāmāvacarā khandhā. Kāmāvacaraṃ dhammaṃ paṭicca kāmāvacaro ca nakāmāvacaro ca dhammā uppajjanti hetupaccayā – paṭisandhikkhaṇe vatthuṃ paṭicca nakāmāvacarā khandhā, mahābhūte paṭicca kaṭattārūpaṃ. (3)

    ១៩៥. នកាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ ហេតុបច្ចយា – នកាមាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ នកាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ ហេតុបច្ចយា – នកាមាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ នកាមាវចរេ ខន្ធេ បដិច្ច កដត្តារូបំ។ នកាមាវចរំ ធម្មំ បដិច្ច កាមាវចរោ ច នកាមាវចរោ ច ធម្មា ឧប្បជ្ជន្តិ ហេតុបច្ចយា – នកាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    195. Nakāmāvacaraṃ dhammaṃ paṭicca nakāmāvacaro dhammo uppajjati hetupaccayā – nakāmāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Nakāmāvacaraṃ dhammaṃ paṭicca kāmāvacaro dhammo uppajjati hetupaccayā – nakāmāvacare khandhe paṭicca cittasamuṭṭhānaṃ rūpaṃ; paṭisandhikkhaṇe nakāmāvacare khandhe paṭicca kaṭattārūpaṃ. Nakāmāvacaraṃ dhammaṃ paṭicca kāmāvacaro ca nakāmāvacaro ca dhammā uppajjanti hetupaccayā – nakāmāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    ១៩៦. កាមាវចរញ្ច នកាមាវចរញ្ច ធម្មំ បដិច្ច កាមាវចរោ ធម្មោ ឧប្បជ្ជតិ ហេតុបច្ចយា – នកាមាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ នកាមាវចរេ ខន្ធេ ច មហាភូតេ ច បដិច្ច កដត្តារូបំ។ កាមាវចរញ្ច នកាមាវចរញ្ច ធម្មំ បដិច្ច នកាមាវចរោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ នកាមាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ កាមាវចរញ្ច នកាមាវចរញ្ច ធម្មំ បដិច្ច កាមាវចរោ ច នកាមាវចរោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ នកាមាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.… នកាមាវចរេ ខន្ធេ ច មហាភូតេ ច បដិច្ច កដត្តារូបំ។ (៣) (សំខិត្តំ។)

    196. Kāmāvacarañca nakāmāvacarañca dhammaṃ paṭicca kāmāvacaro dhammo uppajjati hetupaccayā – nakāmāvacare khandhe ca mahābhūte ca paṭicca cittasamuṭṭhānaṃ rūpaṃ; paṭisandhikkhaṇe nakāmāvacare khandhe ca mahābhūte ca paṭicca kaṭattārūpaṃ. Kāmāvacarañca nakāmāvacarañca dhammaṃ paṭicca nakāmāvacaro dhammo uppajjati hetupaccayā – paṭisandhikkhaṇe nakāmāvacaraṃ ekaṃ khandhañca vatthuñca paṭicca tayo khandhā…pe… dve khandhe ca…pe…. Kāmāvacarañca nakāmāvacarañca dhammaṃ paṭicca kāmāvacaro ca nakāmāvacaro ca dhammā uppajjanti hetupaccayā – paṭisandhikkhaṇe nakāmāvacaraṃ ekaṃ khandhañca vatthuñca paṭicca tayo khandhā…pe… dve khandhe ca…pe… nakāmāvacare khandhe ca mahābhūte ca paṭicca kaṭattārūpaṃ. (3) (Saṃkhittaṃ.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១៩៧. ហេតុយា នវ, អារម្មណេ ចត្តារិ, អធិបតិយា បញ្ច, អនន្តរេ ចត្តារិ, សមនន្តរេ ចត្តារិ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ ចត្តារិ, បុរេជាតេ ទ្វេ, អាសេវនេ ទ្វេ, កម្មេ នវ, វិបាកេ នវ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ ចត្តារិ, វិប្បយុត្តេ នវ, អត្ថិយា នវ, នត្ថិយា ចត្តារិ, វិគតេ ចត្តារិ, អវិគតេ នវ។

    197. Hetuyā nava, ārammaṇe cattāri, adhipatiyā pañca, anantare cattāri, samanantare cattāri, sahajāte nava, aññamaññe cha, nissaye nava, upanissaye cattāri, purejāte dve, āsevane dve, kamme nava, vipāke nava, āhāre nava, indriye nava, jhāne nava, magge nava, sampayutte cattāri, vippayutte nava, atthiyā nava, natthiyā cattāri, vigate cattāri, avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយាទិ

    Nahetupaccayādi

    ១៩៨. កាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នហេតុបច្ចយា – អហេតុកំ កាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    198. Kāmāvacaraṃ dhammaṃ paṭicca kāmāvacaro dhammo uppajjati nahetupaccayā – ahetukaṃ kāmāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    នអារម្មណបច្ចយា… តីណិ។

    Naārammaṇapaccayā… tīṇi.

    នអធិបតិបច្ចយាទិ

    Naadhipatipaccayādi

    ១៩៩. កាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នអធិបតិបច្ចយា… តីណិ។

    199. Kāmāvacaraṃ dhammaṃ paṭicca kāmāvacaro dhammo uppajjati naadhipatipaccayā… tīṇi.

    នកាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ នអធិបតិបច្ចយា – នកាមាវចរេ ខន្ធេ បដិច្ច នកាមាវចរាធិបតិ, វិបាកំ នកាមាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ នកាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នអធិបតិបច្ចយា – វិបាកេ នកាមាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.…។ នកាមាវចរំ ធម្មំ បដិច្ច កាមាវចរោ ច នកាមាវចរោ ច ធម្មា ឧប្បជ្ជន្តិ នអធិបតិបច្ចយា – វិបាកំ នកាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    Nakāmāvacaraṃ dhammaṃ paṭicca nakāmāvacaro dhammo uppajjati naadhipatipaccayā – nakāmāvacare khandhe paṭicca nakāmāvacarādhipati, vipākaṃ nakāmāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Nakāmāvacaraṃ dhammaṃ paṭicca kāmāvacaro dhammo uppajjati naadhipatipaccayā – vipāke nakāmāvacare khandhe paṭicca cittasamuṭṭhānaṃ rūpaṃ; paṭisandhikkhaṇe…pe…. Nakāmāvacaraṃ dhammaṃ paṭicca kāmāvacaro ca nakāmāvacaro ca dhammā uppajjanti naadhipatipaccayā – vipākaṃ nakāmāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    កាមាវចរញ្ច នកាមាវចរញ្ច ធម្មំ បដិច្ច កាមាវចរោ ធម្មោ ឧប្បជ្ជតិ នអធិបតិបច្ចយា – វិបាកេ នកាមាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… (ឥតរេ ទ្វេ បាកតិកា) នអនន្តរបច្ចយា…បេ.… នបុរេជាតបច្ចយា… នបច្ឆាជាតបច្ចយា។

    Kāmāvacarañca nakāmāvacarañca dhammaṃ paṭicca kāmāvacaro dhammo uppajjati naadhipatipaccayā – vipāke nakāmāvacare khandhe ca mahābhūte ca paṭicca cittasamuṭṭhānaṃ rūpaṃ; paṭisandhikkhaṇe…pe… (itare dve pākatikā) naanantarapaccayā…pe… napurejātapaccayā… napacchājātapaccayā.

    នអាសេវនបច្ចយោ

    Naāsevanapaccayo

    ២០០. កាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នអាសេវនបច្ចយា… តីណិ។

    200. Kāmāvacaraṃ dhammaṃ paṭicca kāmāvacaro dhammo uppajjati naāsevanapaccayā… tīṇi.

    នកាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ នអាសេវនបច្ចយា – វិបាកំ នកាមាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ នកាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នអាសេវនបច្ចយា – នកាមាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… (មូលំ កាតព្ពំ) វិបាកំ នកាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    Nakāmāvacaraṃ dhammaṃ paṭicca nakāmāvacaro dhammo uppajjati naāsevanapaccayā – vipākaṃ nakāmāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Nakāmāvacaraṃ dhammaṃ paṭicca kāmāvacaro dhammo uppajjati naāsevanapaccayā – nakāmāvacare khandhe paṭicca cittasamuṭṭhānaṃ rūpaṃ; paṭisandhikkhaṇe…pe… (mūlaṃ kātabbaṃ) vipākaṃ nakāmāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    (អវសេសា តីណិ បាកតិកា។ សំខិត្តំ។)

    (Avasesā tīṇi pākatikā. Saṃkhittaṃ.)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ២០១. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    201. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naupanissaye tīṇi, napurejāte nava, napacchājāte nava, naāsevane nava, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (អវសេសា គណនាបិ សហជាតវារោបិ កាតព្ពោ។)

    (Avasesā gaṇanāpi sahajātavāropi kātabbo.)

    ៩៣. កាមាវចរទុកំ

    93. Kāmāvacaradukaṃ

    ៣. បច្ចយវារោ

    3. Paccayavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ២០២. កាមាវចរំ ធម្មំ បច្ចយា កាមាវចរោ ធម្មោ ឧប្បជ្ជតិ ហេតុបច្ចយា – កាមាវចរំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ …បេ.… ទ្វេ ខន្ធេ…បេ.… បដិសន្ធិក្ខណេ…បេ.… (យាវ អជ្ឈត្តិកា មហាភូតា) វត្ថុំ បច្ចយា កាមាវចរា ខន្ធា។ កាមាវចរំ ធម្មំ បច្ចយា នកាមាវចរោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា នកាមាវចរា ខន្ធា; បដិសន្ធិក្ខណេ…បេ.…។ កាមាវចរំ ធម្មំ បច្ចយា កាមាវចរោ ច នកាមាវចរោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា នកាមាវចរា ខន្ធា, មហាភូតេ បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ (៣)

    202. Kāmāvacaraṃ dhammaṃ paccayā kāmāvacaro dhammo uppajjati hetupaccayā – kāmāvacaraṃ ekaṃ khandhaṃ paccayā tayo khandhā cittasamuṭṭhānañca rūpaṃ …pe… dve khandhe…pe… paṭisandhikkhaṇe…pe… (yāva ajjhattikā mahābhūtā) vatthuṃ paccayā kāmāvacarā khandhā. Kāmāvacaraṃ dhammaṃ paccayā nakāmāvacaro dhammo uppajjati hetupaccayā – vatthuṃ paccayā nakāmāvacarā khandhā; paṭisandhikkhaṇe…pe…. Kāmāvacaraṃ dhammaṃ paccayā kāmāvacaro ca nakāmāvacaro ca dhammā uppajjanti hetupaccayā – vatthuṃ paccayā nakāmāvacarā khandhā, mahābhūte paccayā cittasamuṭṭhānaṃ rūpaṃ; paṭisandhikkhaṇe…pe…. (3)

    នកាមាវចរំ ធម្មំ បច្ចយា នកាមាវចរោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា)។

    Nakāmāvacaraṃ dhammaṃ paccayā nakāmāvacaro dhammo uppajjati hetupaccayā… tīṇi (paṭiccasadisā).

    កាមាវចរញ្ច នកាមាវចរញ្ច ធម្មំ បច្ចយា កាមាវចរោ ធម្មោ ឧប្បជ្ជតិ ហេតុបច្ចយា (បដិច្ចសទិសា)។ កាមាវចរញ្ច នកាមាវចរញ្ច ធម្មំ បច្ចយា នកាមាវចរោ ធម្មោ ឧប្បជ្ជតិ ហេតុបច្ចយា – នកាមាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… បដិសន្ធិក្ខណេ…បេ.…។ កាមាវចរញ្ច នកាមាវចរញ្ច ធម្មំ បច្ចយា កាមាវចរោ ច នកាមាវចរោ ច ធម្មា ឧប្បជ្ជន្តិ ហេតុបច្ចយា – នកាមាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… នកាមាវចរេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ (៣) (សំខិត្តំ។)

    Kāmāvacarañca nakāmāvacarañca dhammaṃ paccayā kāmāvacaro dhammo uppajjati hetupaccayā (paṭiccasadisā). Kāmāvacarañca nakāmāvacarañca dhammaṃ paccayā nakāmāvacaro dhammo uppajjati hetupaccayā – nakāmāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe… paṭisandhikkhaṇe…pe…. Kāmāvacarañca nakāmāvacarañca dhammaṃ paccayā kāmāvacaro ca nakāmāvacaro ca dhammā uppajjanti hetupaccayā – nakāmāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe… nakāmāvacare khandhe ca mahābhūte ca paccayā cittasamuṭṭhānaṃ rūpaṃ; paṭisandhikkhaṇe…pe…. (3) (Saṃkhittaṃ.)

    ហេតុយា នវ, អារម្មណេ ចត្តារិ, អធិបតិយា នវ, អនន្តរេ ចត្តារិ, សមនន្តរេ ចត្តារិ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ ចត្តារិ, បុរេជាតេ ចត្តារិ, អាសេវនេ ចត្តារិ, កម្មេ នវ…បេ.… អវិគតេ នវ។

    Hetuyā nava, ārammaṇe cattāri, adhipatiyā nava, anantare cattāri, samanantare cattāri, sahajāte nava, aññamaññe cha, nissaye nava, upanissaye cattāri, purejāte cattāri, āsevane cattāri, kamme nava…pe… avigate nava.

    អនុលោមំ។

    Anulomaṃ.

    នហេតុបច្ចយាទិ

    Nahetupaccayādi

    ២០៣. កាមាវចរំ ធម្មំ បច្ចយា កាមាវចរោ ធម្មោ ឧប្បជ្ជតិ នហេតុបច្ចយា – អហេតុកំ កាមាវចរំ ឯកំ ខន្ធំ បច្ចយា…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា កាមាវចរា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    203. Kāmāvacaraṃ dhammaṃ paccayā kāmāvacaro dhammo uppajjati nahetupaccayā – ahetukaṃ kāmāvacaraṃ ekaṃ khandhaṃ paccayā…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā kāmāvacarā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    នអារម្មណបច្ចយា… តីណិ។

    Naārammaṇapaccayā… tīṇi.

    នអធិបតិបច្ចយាទិ

    Naadhipatipaccayādi

    ២០៤. កាមាវចរំ ធម្មំ បច្ចយា កាមាវចរោ ធម្មោ ឧប្បជ្ជតិ នអធិបតិបច្ចយា… ឯកំ (យាវ អសញ្ញសត្តា)។ កាមាវចរំ ធម្មំ បច្ចយា នកាមាវចរោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា នកាមាវចរាធិបតិ, វត្ថុំ បច្ចយា វិបាកា នកាមាវចរា ខន្ធា; បដិសន្ធិក្ខណេ…បេ.…។ កាមាវចរំ ធម្មំ បច្ចយា កាមាវចរោ ច នកាមាវចរោ ច ធម្មា ឧប្បជ្ជន្តិ នអធិបតិបច្ចយា – វត្ថុំ បច្ចយា វិបាកា នកាមាវចរា ខន្ធា, មហាភូតេ បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ (៣)

    204. Kāmāvacaraṃ dhammaṃ paccayā kāmāvacaro dhammo uppajjati naadhipatipaccayā… ekaṃ (yāva asaññasattā). Kāmāvacaraṃ dhammaṃ paccayā nakāmāvacaro dhammo uppajjati naadhipatipaccayā – vatthuṃ paccayā nakāmāvacarādhipati, vatthuṃ paccayā vipākā nakāmāvacarā khandhā; paṭisandhikkhaṇe…pe…. Kāmāvacaraṃ dhammaṃ paccayā kāmāvacaro ca nakāmāvacaro ca dhammā uppajjanti naadhipatipaccayā – vatthuṃ paccayā vipākā nakāmāvacarā khandhā, mahābhūte paccayā cittasamuṭṭhānaṃ rūpaṃ; paṭisandhikkhaṇe…pe…. (3)

    នកាមាវចរំ ធម្មំ បច្ចយា នកាមាវចរោ ធម្មោ ឧប្បជ្ជតិ នអធិបតិបច្ចយា… តីណិ (បដិច្ចសទិសា)។

    Nakāmāvacaraṃ dhammaṃ paccayā nakāmāvacaro dhammo uppajjati naadhipatipaccayā… tīṇi (paṭiccasadisā).

    កាមាវចរញ្ច នកាមាវចរញ្ច ធម្មំ បច្ចយា កាមាវចរោ ធម្មោ ឧប្បជ្ជតិ នអធិបតិបច្ចយា (បដិច្ចសទិសា។ មូលំ កាតព្ពំ។) នកាមាវចរេ ខន្ធេ ច វត្ថុញ្ច បច្ចយា នកាមាវចរាធិបតិ, វិបាកំ នកាមាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… បដិសន្ធិក្ខណេ…បេ.…។ (មូលំ កាតព្ពំ។) វិបាកំ នកាមាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… វិបាកេ នកាមាវចរេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ (៣)

    Kāmāvacarañca nakāmāvacarañca dhammaṃ paccayā kāmāvacaro dhammo uppajjati naadhipatipaccayā (paṭiccasadisā. Mūlaṃ kātabbaṃ.) Nakāmāvacare khandhe ca vatthuñca paccayā nakāmāvacarādhipati, vipākaṃ nakāmāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe… paṭisandhikkhaṇe…pe…. (Mūlaṃ kātabbaṃ.) Vipākaṃ nakāmāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe… vipāke nakāmāvacare khandhe ca mahābhūte ca paccayā cittasamuṭṭhānaṃ rūpaṃ; paṭisandhikkhaṇe…pe…. (3)

    នឧបនិស្សយបច្ចយា… តីណិ… នអាសេវនបច្ចយា (សុទ្ធកេ អរូបមិស្សកេ ច ‘‘វិបាក’’ន្តិ និយាមេតព្ពំ, រូបមិស្សកេ នត្ថិ។ សំខិត្តំ)។

    Naupanissayapaccayā… tīṇi… naāsevanapaccayā (suddhake arūpamissake ca ‘‘vipāka’’nti niyāmetabbaṃ, rūpamissake natthi. Saṃkhittaṃ).

    សុទ្ធំ

    Suddhaṃ

    នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    បច្ចនីយំ។

    Paccanīyaṃ.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ២០៥. កាមាវចរំ ធម្មំ សំសដ្ឋោ កាមាវចរោ ធម្មោ ឧប្បជ្ជតិ ហេតុបច្ចយា – កាមាវចរំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    205. Kāmāvacaraṃ dhammaṃ saṃsaṭṭho kāmāvacaro dhammo uppajjati hetupaccayā – kāmāvacaraṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    នកាមាវចរំ ធម្មំ សំសដ្ឋោ នកាមាវចរោ ធម្មោ ឧប្បជ្ជតិ ហេតុបច្ចយា – នកាមាវចរំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Nakāmāvacaraṃ dhammaṃ saṃsaṭṭho nakāmāvacaro dhammo uppajjati hetupaccayā – nakāmāvacaraṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    ហេតុយា ទ្វេ, អារម្មណេ ទ្វេ, អធិបតិយា ទ្វេ (សព្ពត្ថ ទ្វេ), អវិគតេ ទ្វេ។

    Hetuyā dve, ārammaṇe dve, adhipatiyā dve (sabbattha dve), avigate dve.

    អនុលោមំ។

    Anulomaṃ.

    កាមាវចរំ ធម្មំ សំសដ្ឋោ កាមាវចរោ ធម្មោ ឧប្បជ្ជតិ នហេតុបច្ចយា – អហេតុកំ កាមាវចរំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ។

    Kāmāvacaraṃ dhammaṃ saṃsaṭṭho kāmāvacaro dhammo uppajjati nahetupaccayā – ahetukaṃ kāmāvacaraṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho.

    នហេតុយា ឯកំ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នឈានេ ឯកំ, នមគ្គេ ឯកំ, នវិប្បយុត្តេ ទ្វេ។

    Nahetuyā ekaṃ, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, najhāne ekaṃ, namagge ekaṃ, navippayutte dve.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ២០៦. កាមាវចរោ ធម្មោ កាមាវចរស្ស ធម្មស្ស ហេតុបច្ចយេន បច្ចយោ – កាមាវចរា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    206. Kāmāvacaro dhammo kāmāvacarassa dhammassa hetupaccayena paccayo – kāmāvacarā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    នកាមាវចរោ ធម្មោ នកាមាវចរស្ស ធម្មស្ស ហេតុបច្ចយេន បច្ចយោ – នកាមាវចរា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ.…។ នកាមាវចរោ ធម្មោ កាមាវចរស្ស ធម្មស្ស ហេតុបច្ចយេន បច្ចយោ – នកាមាវចរា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (មូលំ កាតព្ពំ។) នកាមាវចរា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (៣)

    Nakāmāvacaro dhammo nakāmāvacarassa dhammassa hetupaccayena paccayo – nakāmāvacarā hetū sampayuttakānaṃ khandhānaṃ hetupaccayena paccayo; paṭisandhikkhaṇe…pe…. Nakāmāvacaro dhammo kāmāvacarassa dhammassa hetupaccayena paccayo – nakāmāvacarā hetū cittasamuṭṭhānānaṃ rūpānaṃ hetupaccayena paccayo; paṭisandhikkhaṇe…pe…. (Mūlaṃ kātabbaṃ.) Nakāmāvacarā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (3)

    អារម្មណបច្ចយោ

    Ārammaṇapaccayo

    ២០៧. កាមាវចរោ ធម្មោ កាមាវចរស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ.… ឧបោសថកម្មំ…បេ.… បុព្ពេ សុចិណ្ណានិ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ…បេ.… ទោមនស្សំ ឧប្បជ្ជតិ; អរិយា គោត្រភុំ បច្ចវេក្ខន្តិ , វោទានំ បច្ចវេក្ខន្តិ; បហីនេ កិលេសេ…បេ.… វិក្ខម្ភិតេ កិលេសេ…បេ.… បុព្ពេ សុចិណ្ណានិ…បេ.… ចក្ខុំ…បេ.… វត្ថុំ កាមាវចរេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ; រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ។ (១)

    207. Kāmāvacaro dhammo kāmāvacarassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ…pe… pubbe suciṇṇāni paccavekkhati assādeti abhinandati, taṃ ārabbha rāgo…pe… domanassaṃ uppajjati; ariyā gotrabhuṃ paccavekkhanti , vodānaṃ paccavekkhanti; pahīne kilese…pe… vikkhambhite kilese…pe… pubbe suciṇṇāni…pe… cakkhuṃ…pe… vatthuṃ kāmāvacare khandhe aniccato…pe… domanassaṃ uppajjati; rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa ārammaṇapaccayena paccayo. (1)

    កាមាវចរោ ធម្មោ នកាមាវចរស្ស ធម្មស្ស អារម្មណបច្ចយេន បច្ចយោ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន កាមាវចរចិត្តសមង្គិស្ស ចិត្តំ ជានាតិ, កាមាវចរា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ។ (២)

    Kāmāvacaro dhammo nakāmāvacarassa dhammassa ārammaṇapaccayena paccayo – dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena kāmāvacaracittasamaṅgissa cittaṃ jānāti, kāmāvacarā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa ārammaṇapaccayena paccayo. (2)

    ២០៨. នកាមាវចរោ ធម្មោ នកាមាវចរស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស, ផលស្ស អារម្មណបច្ចយេន បច្ចយោ; ចេតោបរិយញាណេន នកាមាវចរចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ.… នកាមាវចរា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ។ (១)

    208. Nakāmāvacaro dhammo nakāmāvacarassa dhammassa ārammaṇapaccayena paccayo – nibbānaṃ maggassa, phalassa ārammaṇapaccayena paccayo; cetopariyañāṇena nakāmāvacaracittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… nakāmāvacarā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa ārammaṇapaccayena paccayo. (1)

    នកាមាវចរោ ធម្មោ កាមាវចរស្ស ធម្មស្ស អារម្មណបច្ចយេន បច្ចយោ – ឈានា វុដ្ឋហិត្វា ឈានំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ…បេ.… អរិយា មគ្គា វុដ្ឋហិត្វា មគ្គំ បច្ចវេក្ខន្តិ; ផលំ…បេ.… និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, អាវជ្ជនាយ អារម្មណបច្ចយេន បច្ចយោ; អាកាសានញ្ចាយតនំ បច្ចវេក្ខតិ, វិញ្ញាណញ្ចាយតនំ បច្ចវេក្ខតិ, អាកិញ្ចញ្ញាយតនំ បច្ចវេក្ខតិ, នេវសញ្ញានាសញ្ញាយតនំ បច្ចវេក្ខតិ, ទិព្ពំ ចក្ខុំ បច្ចវេក្ខតិ, ទិព្ពំ សោតធាតុំ បច្ចវេក្ខតិ, ឥទ្ធិវិធញាណំ បច្ចវេក្ខតិ, ចេតោបរិយញាណំ…បេ.… បុព្ពេនិវាសានុស្សតិញាណំ…បេ.… យថាកម្មូបគញាណំ…បេ.… អនាគតំសញាណំ បច្ចវេក្ខតិ, នកាមាវចរេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ។ (២)

    Nakāmāvacaro dhammo kāmāvacarassa dhammassa ārammaṇapaccayena paccayo – jhānā vuṭṭhahitvā jhānaṃ paccavekkhati assādeti abhinandati, taṃ ārabbha rāgo uppajjati, diṭṭhi uppajjati…pe… ariyā maggā vuṭṭhahitvā maggaṃ paccavekkhanti; phalaṃ…pe… nibbānaṃ paccavekkhanti, nibbānaṃ gotrabhussa, vodānassa, āvajjanāya ārammaṇapaccayena paccayo; ākāsānañcāyatanaṃ paccavekkhati, viññāṇañcāyatanaṃ paccavekkhati, ākiñcaññāyatanaṃ paccavekkhati, nevasaññānāsaññāyatanaṃ paccavekkhati, dibbaṃ cakkhuṃ paccavekkhati, dibbaṃ sotadhātuṃ paccavekkhati, iddhividhañāṇaṃ paccavekkhati, cetopariyañāṇaṃ…pe… pubbenivāsānussatiñāṇaṃ…pe… yathākammūpagañāṇaṃ…pe… anāgataṃsañāṇaṃ paccavekkhati, nakāmāvacare khandhe aniccato…pe… domanassaṃ uppajjati. (2)

    អធិបតិបច្ចយោ

    Adhipatipaccayo

    ២០៩. កាមាវចរោ ធម្មោ កាមាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ សុចិណ្ណានិ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, សេក្ខា គោត្រភុំ គរុំ កត្វា បច្ចវេក្ខន្តិ, វោទានំ គរុំ កត្វា បច្ចវេក្ខន្តិ, ចក្ខុំ…បេ.… វត្ថុំ កាមាវចរេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – កាមាវចរាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    209. Kāmāvacaro dhammo kāmāvacarassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe suciṇṇāni garuṃ katvā paccavekkhati assādeti abhinandati, taṃ garuṃ katvā rāgo uppajjati, diṭṭhi uppajjati, sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti, cakkhuṃ…pe… vatthuṃ kāmāvacare khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – kāmāvacarādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    ២១០. នកាមាវចរោ ធម្មោ នកាមាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – និព្ពានំ មគ្គស្ស, ផលស្ស អធិបតិបច្ចយេន បច្ចយោ។ សហជាតាធិបតិ – នកាមាវចរាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ នកាមាវចរោ ធម្មោ កាមាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ , សហជាតាធិបតិ។ អារម្មណាធិបតិ – ឈានា វុដ្ឋហិត្វា ឈានំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ…បេ.… និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស អធិបតិបច្ចយេន បច្ចយោ; អាកាសានញ្ចាយតនំ គរុំ កត្វា បច្ចវេក្ខតិ វិញ្ញាណញ្ចាយតនំ…បេ.… អាកិញ្ចញ្ញាយតនំ…បេ.… នេវសញ្ញានាសញ្ញាយតនំ គរុំ កត្វា បច្ចវេក្ខតិ, ទិព្ពំ ចក្ខុំ…បេ.… ទិព្ពំ សោតធាតុំ…បេ.… ឥទ្ធិវិធញាណំ…បេ.… អនាគតំសញាណំ គរុំ កត្វា បច្ចវេក្ខតិ, នកាមាវចរេ ខន្ធេ គរុំ កត្វា អស្សាទេតិ អភិនន្ទតិ តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នកាមាវចរាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ; នកាមាវចរោ ធម្មោ កាមាវចរស្ស ច នកាមាវចរស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – នកាមាវចរាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    210. Nakāmāvacaro dhammo nakāmāvacarassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – nibbānaṃ maggassa, phalassa adhipatipaccayena paccayo. Sahajātādhipati – nakāmāvacarādhipati sampayuttakānaṃ khandhānaṃ adhipatipaccayena paccayo. Nakāmāvacaro dhammo kāmāvacarassa dhammassa adhipatipaccayena paccayo – ārammaṇādhipati , sahajātādhipati. Ārammaṇādhipati – jhānā vuṭṭhahitvā jhānaṃ garuṃ katvā paccavekkhati assādeti abhinandati, taṃ garuṃ katvā rāgo uppajjati, diṭṭhi uppajjati, ariyā maggā vuṭṭhahitvā maggaṃ garuṃ katvā paccavekkhanti, phalaṃ…pe… nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo; ākāsānañcāyatanaṃ garuṃ katvā paccavekkhati viññāṇañcāyatanaṃ…pe… ākiñcaññāyatanaṃ…pe… nevasaññānāsaññāyatanaṃ garuṃ katvā paccavekkhati, dibbaṃ cakkhuṃ…pe… dibbaṃ sotadhātuṃ…pe… iddhividhañāṇaṃ…pe… anāgataṃsañāṇaṃ garuṃ katvā paccavekkhati, nakāmāvacare khandhe garuṃ katvā assādeti abhinandati taṃ garuṃ katvā rāgo uppajjati, diṭṭhi uppajjati. Sahajātādhipati – nakāmāvacarādhipati cittasamuṭṭhānānaṃ rūpānaṃ adhipatipaccayena paccayo; nakāmāvacaro dhammo kāmāvacarassa ca nakāmāvacarassa ca dhammassa adhipatipaccayena paccayo. Sahajātādhipati – nakāmāvacarādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    អនន្តរបច្ចយាទិ

    Anantarapaccayādi

    ២១១. កាមាវចរោ ធម្មោ កាមាវចរស្ស ធម្មស្ស អនន្តរបច្ចយេន បច្ចយោ – បុរិមា បុរិមា កាមាវចរា ខន្ធា បច្ឆិមានំ បច្ឆិមានំ កាមាវចរានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស… អាវជ្ជនា កាមាវចរានំ ខន្ធានំ អនន្តរបច្ចយេន បច្ចយោ។

    211. Kāmāvacaro dhammo kāmāvacarassa dhammassa anantarapaccayena paccayo – purimā purimā kāmāvacarā khandhā pacchimānaṃ pacchimānaṃ kāmāvacarānaṃ khandhānaṃ anantarapaccayena paccayo; anulomaṃ gotrabhussa… anulomaṃ vodānassa… āvajjanā kāmāvacarānaṃ khandhānaṃ anantarapaccayena paccayo.

    កាមាវចរោ ធម្មោ នកាមាវចរស្ស ធម្មស្ស អនន្តរបច្ចយេន បច្ចយោ – កាមាវចរំ ចុតិចិត្តំ នកាមាវចរស្ស ឧបបត្តិចិត្តស្ស… អាវជ្ជនា នកាមាវចរានំ ខន្ធានំ អនន្តរបច្ចយេន បច្ចយោ; កាមាវចរា ខន្ធា នកាមាវចរស្ស វុដ្ឋានស្ស អនន្តរបច្ចយេន បច្ចយោ; បឋមស្ស ឈានស្ស បរិកម្មំ បឋមស្ស ឈានស្ស អនន្តរបច្ចយេន បច្ចយោ…បេ.… ចតុត្ថស្ស ឈានស្ស…បេ.… នេវសញ្ញានាសញ្ញាយតនស្ស បរិកម្មំ…បេ.… ទិព្ពស្ស ចក្ខុស្ស…បេ.… ទិព្ពាយ សោតធាតុយា…បេ.… ឥទ្ធិវិធញាណស្ស…បេ.… ចេតោបរិយញាណស្ស…បេ.… បុព្ពេនិវាសានុស្សតិញាណស្ស…បេ.… យថាកម្មូបគញាណស្ស…បេ.… អនាគតំសញាណស្ស បរិកម្មំ អនាគតំសញាណស្ស អនន្តរបច្ចយេន បច្ចយោ; គោត្រភុ មគ្គស្ស… វោទានំ មគ្គស្ស… អនុលោមំ ផលសមាបត្តិយា អនន្តរបច្ចយេន បច្ចយោ។ (២)

    Kāmāvacaro dhammo nakāmāvacarassa dhammassa anantarapaccayena paccayo – kāmāvacaraṃ cuticittaṃ nakāmāvacarassa upapatticittassa… āvajjanā nakāmāvacarānaṃ khandhānaṃ anantarapaccayena paccayo; kāmāvacarā khandhā nakāmāvacarassa vuṭṭhānassa anantarapaccayena paccayo; paṭhamassa jhānassa parikammaṃ paṭhamassa jhānassa anantarapaccayena paccayo…pe… catutthassa jhānassa…pe… nevasaññānāsaññāyatanassa parikammaṃ…pe… dibbassa cakkhussa…pe… dibbāya sotadhātuyā…pe… iddhividhañāṇassa…pe… cetopariyañāṇassa…pe… pubbenivāsānussatiñāṇassa…pe… yathākammūpagañāṇassa…pe… anāgataṃsañāṇassa parikammaṃ anāgataṃsañāṇassa anantarapaccayena paccayo; gotrabhu maggassa… vodānaṃ maggassa… anulomaṃ phalasamāpattiyā anantarapaccayena paccayo. (2)

    ២១២. នកាមាវចរោ ធម្មោ នកាមាវចរស្ស ធម្មស្ស អនន្តរបច្ចយេន បច្ចយោ – បុរិមា បុរិមា នកាមាវចរា ខន្ធា បច្ឆិមានំ បច្ឆិមានំ នកាមាវចរានំ ខន្ធានំ អនន្តរបច្ចយេន បច្ចយោ; មគ្គោ ផលស្ស, ផលំ ផលស្ស, និរោធា វុដ្ឋហន្តស្ស, នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ។ នកាមាវចរោ ធម្មោ កាមាវចរស្ស ធម្មស្ស អនន្តរបច្ចយេន បច្ចយោ – នកាមាវចរំ ចុតិចិត្តំ កាមាវចរស្ស ឧបបត្តិចិត្តស្ស, នកាមាវចរំ ភវង្គំ អាវជ្ជនាយ, នកាមាវចរា ខន្ធា កាមាវចរស្ស វុដ្ឋានស្ស អនន្តរបច្ចយេន បច្ចយោ…។ (២)

    212. Nakāmāvacaro dhammo nakāmāvacarassa dhammassa anantarapaccayena paccayo – purimā purimā nakāmāvacarā khandhā pacchimānaṃ pacchimānaṃ nakāmāvacarānaṃ khandhānaṃ anantarapaccayena paccayo; maggo phalassa, phalaṃ phalassa, nirodhā vuṭṭhahantassa, nevasaññānāsaññāyatanaṃ phalasamāpattiyā anantarapaccayena paccayo. Nakāmāvacaro dhammo kāmāvacarassa dhammassa anantarapaccayena paccayo – nakāmāvacaraṃ cuticittaṃ kāmāvacarassa upapatticittassa, nakāmāvacaraṃ bhavaṅgaṃ āvajjanāya, nakāmāvacarā khandhā kāmāvacarassa vuṭṭhānassa anantarapaccayena paccayo…. (2)

    សមនន្តរបច្ចយេន បច្ចយោ… សហជាតបច្ចយេន បច្ចយោ… សត្ត… អញ្ញមញ្ញបច្ចយេន បច្ចយោ… ឆ… និស្សយបច្ចយេន បច្ចយោ… សត្ត។

    Samanantarapaccayena paccayo… sahajātapaccayena paccayo… satta… aññamaññapaccayena paccayo… cha… nissayapaccayena paccayo… satta.

    ឧបនិស្សយបច្ចយោ

    Upanissayapaccayo

    ២១៣. កាមាវចរោ ធម្មោ កាមាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – កាមាវចរំ សទ្ធំ ឧបនិស្សាយ ទានំ ទេតិ…បេ.… សីលំ…បេ.… ឧបោសថកម្មំ…បេ.… វិបស្សនំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; កាមាវចរំ សីលំ…បេ.… បញ្ញំ… រាគំ…បេ.… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ.… វិបស្សនំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ; កាមាវចរា សទ្ធា…បេ.… សេនាសនំ កាមាវចរាយ សទ្ធាយ…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស ឧបនិស្សយបច្ចយេន បច្ចយោ។ (១)

    213. Kāmāvacaro dhammo kāmāvacarassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kāmāvacaraṃ saddhaṃ upanissāya dānaṃ deti…pe… sīlaṃ…pe… uposathakammaṃ…pe… vipassanaṃ uppādeti, mānaṃ jappeti, diṭṭhiṃ gaṇhāti; kāmāvacaraṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… vipassanaṃ uppādeti, pāṇaṃ hanati…pe… saṅghaṃ bhindati; kāmāvacarā saddhā…pe… senāsanaṃ kāmāvacarāya saddhāya…pe… patthanāya… kāyikassa sukhassa… kāyikassa dukkhassa upanissayapaccayena paccayo. (1)

    កាមាវចរោ ធម្មោ នកាមាវចរស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – កាមាវចរំ សទ្ធំ ឧបនិស្សាយ នកាមាវចរំ ឈានំ ឧប្បាទេតិ, មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ; កាមាវចរំ សីលំ…បេ.… សេនាសនំ ឧបនិស្សាយ នកាមាវចរំ ឈានំ ឧប្បាទេតិ, មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ; កាមាវចរា សទ្ធា…បេ.… សេនាសនំ នកាមាវចរាយ សទ្ធាយ…បេ.… បញ្ញាយ… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ; បឋមស្ស ឈានស្ស បរិកម្មំ បឋមស្ស ឈានស្ស…បេ.… ចតុត្ថស្ស ឈានស្ស…បេ.… អាកាសានញ្ចាយតនស្ស…បេ.… បឋមស្ស មគ្គស្ស…បេ.… ចតុត្ថស្ស មគ្គស្ស បរិកម្មំ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (២)

    Kāmāvacaro dhammo nakāmāvacarassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – kāmāvacaraṃ saddhaṃ upanissāya nakāmāvacaraṃ jhānaṃ uppādeti, maggaṃ…pe… abhiññaṃ…pe… samāpattiṃ uppādeti; kāmāvacaraṃ sīlaṃ…pe… senāsanaṃ upanissāya nakāmāvacaraṃ jhānaṃ uppādeti, maggaṃ…pe… abhiññaṃ…pe… samāpattiṃ uppādeti; kāmāvacarā saddhā…pe… senāsanaṃ nakāmāvacarāya saddhāya…pe… paññāya… maggassa, phalasamāpattiyā upanissayapaccayena paccayo; paṭhamassa jhānassa parikammaṃ paṭhamassa jhānassa…pe… catutthassa jhānassa…pe… ākāsānañcāyatanassa…pe… paṭhamassa maggassa…pe… catutthassa maggassa parikammaṃ catutthassa maggassa upanissayapaccayena paccayo. (2)

    ២១៤. នកាមាវចរោ ធម្មោ នកាមាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ , អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នកាមាវចរំ សទ្ធំ ឧបនិស្សាយ ឈានំ ឧប្បាទេតិ, មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ; នកាមាវចរំ សីលំ …បេ.… បញ្ញំ ឧបនិស្សាយ នកាមាវចរំ ឈានំ ឧប្បាទេតិ…បេ.… មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ; នកាមាវចរា សទ្ធា…បេ.… បញ្ញា នកាមាវចរាយ សទ្ធាយ…បេ.… បញ្ញាយ, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ; បឋមំ ឈានំ ទុតិយស្ស ឈានស្ស ឧបនិស្សយបច្ចយេន បច្ចយោ…បេ.… តតិយំ ឈានំ…បេ.… ចតុត្ថំ ឈានំ…បេ.… អាកាសានញ្ចាយតនំ វិញ្ញាណញ្ចាយតនស្ស …បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស ឧបនិស្សយបច្ចយេន បច្ចយោ; បឋមោ មគ្គោ ទុតិយស្ស មគ្គស្ស…បេ.… ទុតិយោ មគ្គោ តតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ; មគ្គោ ផលសមាបត្តិយា ឧបនិស្សយបច្ចយេន បច្ចយោ។ (១)

    214. Nakāmāvacaro dhammo nakāmāvacarassa dhammassa upanissayapaccayena paccayo – ārammaṇūpanissayo , anantarūpanissayo, pakatūpanissayo…pe…. Pakatūpanissayo – nakāmāvacaraṃ saddhaṃ upanissāya jhānaṃ uppādeti, maggaṃ…pe… abhiññaṃ…pe… samāpattiṃ uppādeti; nakāmāvacaraṃ sīlaṃ …pe… paññaṃ upanissāya nakāmāvacaraṃ jhānaṃ uppādeti…pe… maggaṃ…pe… abhiññaṃ…pe… samāpattiṃ uppādeti; nakāmāvacarā saddhā…pe… paññā nakāmāvacarāya saddhāya…pe… paññāya, maggassa, phalasamāpattiyā upanissayapaccayena paccayo; paṭhamaṃ jhānaṃ dutiyassa jhānassa upanissayapaccayena paccayo…pe… tatiyaṃ jhānaṃ…pe… catutthaṃ jhānaṃ…pe… ākāsānañcāyatanaṃ viññāṇañcāyatanassa …pe… ākiñcaññāyatanaṃ nevasaññānāsaññāyatanassa upanissayapaccayena paccayo; paṭhamo maggo dutiyassa maggassa…pe… dutiyo maggo tatiyassa maggassa…pe… tatiyo maggo catutthassa maggassa upanissayapaccayena paccayo; maggo phalasamāpattiyā upanissayapaccayena paccayo. (1)

    នកាមាវចរោ ធម្មោ កាមាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នកាមាវចរំ សទ្ធំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ…បេ.… វិបស្សនំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នកាមាវចរំ សីលំ…បេ.… បញ្ញំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ…បេ.… វិបស្សនំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នកាមាវចរា សទ្ធា…បេ.… បញ្ញា កាមាវចរាយ សទ្ធាយ…បេ.… បញ្ញាយ, រាគស្ស…បេ.… បត្ថនាយ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ; អរិយា មគ្គំ ឧបនិស្សាយ សង្ខារេ អនិច្ចតោ…បេ.… វិបស្សន្តិ, មគ្គោ អរិយានំ អត្ថបដិសម្ភិទាយ… ធម្មបដិសម្ភិទាយ… និរុត្តិបដិសម្ភិទាយ… បដិភានបដិសម្ភិទាយ… ឋានាឋានកោសល្លស្ស ឧបនិស្សយបច្ចយេន បច្ចយោ; ផលសមាបត្តិ កាយិកស្ស សុខស្ស ឧបនិស្សយបច្ចយេន បច្ចយោ។ (២)

    Nakāmāvacaro dhammo kāmāvacarassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – nakāmāvacaraṃ saddhaṃ upanissāya dānaṃ deti, sīlaṃ…pe… uposathakammaṃ…pe… vipassanaṃ uppādeti, mānaṃ jappeti, diṭṭhiṃ gaṇhāti; nakāmāvacaraṃ sīlaṃ…pe… paññaṃ upanissāya dānaṃ deti, sīlaṃ…pe… uposathakammaṃ…pe… vipassanaṃ uppādeti, mānaṃ jappeti, diṭṭhiṃ gaṇhāti; nakāmāvacarā saddhā…pe… paññā kāmāvacarāya saddhāya…pe… paññāya, rāgassa…pe… patthanāya kāyikassa sukhassa, kāyikassa dukkhassa upanissayapaccayena paccayo; ariyā maggaṃ upanissāya saṅkhāre aniccato…pe… vipassanti, maggo ariyānaṃ atthapaṭisambhidāya… dhammapaṭisambhidāya… niruttipaṭisambhidāya… paṭibhānapaṭisambhidāya… ṭhānāṭhānakosallassa upanissayapaccayena paccayo; phalasamāpatti kāyikassa sukhassa upanissayapaccayena paccayo. (2)

    បុរេជាតបច្ចយាទិ

    Purejātapaccayādi

    ២១៥. កាមាវចរោ ធម្មោ កាមាវចរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… ទោមនស្សំ ឧប្បជ្ជតិ; រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស …បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ កាមាវចរានំ ខន្ធានំ បុរេជាតបច្ចយេន បច្ចយោ។ កាមាវចរោ ធម្មោ នកាមាវចរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ វត្ថុបុរេជាតំ – វត្ថុ នកាមាវចរានំ ខន្ធានំ បុរេជាតបច្ចយេន បច្ចយោ។ (២)

    215. Kāmāvacaro dhammo kāmāvacarassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… domanassaṃ uppajjati; rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa …pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu kāmāvacarānaṃ khandhānaṃ purejātapaccayena paccayo. Kāmāvacaro dhammo nakāmāvacarassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – dibbena cakkhunā rūpaṃ passati, dibbāya sotadhātuyā saddaṃ suṇāti. Vatthupurejātaṃ – vatthu nakāmāvacarānaṃ khandhānaṃ purejātapaccayena paccayo. (2)

    បច្ឆាជាតបច្ចយេន បច្ចយោ… ទ្វេ… អាសេវនបច្ចយេន បច្ចយោ… តីណិ។

    Pacchājātapaccayena paccayo… dve… āsevanapaccayena paccayo… tīṇi.

    កម្មបច្ចយាទិ

    Kammapaccayādi

    ២១៦. កាមាវចរោ ធម្មោ កាមាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា (សំខិត្តំ)។

    216. Kāmāvacaro dhammo kāmāvacarassa dhammassa kammapaccayena paccayo – sahajātā, nānākkhaṇikā (saṃkhittaṃ).

    នកាមាវចរោ ធម្មោ នកាមាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា (សំខិត្តំ)។ នកាមាវចរោ ធម្មោ កាមាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា (សំខិត្តំ)។ នកាមាវចរោ ធម្មោ កាមាវចរស្ស ច នកាមាវចរស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា (សំខិត្តំ)។ (៣)

    Nakāmāvacaro dhammo nakāmāvacarassa dhammassa kammapaccayena paccayo – sahajātā, nānākkhaṇikā (saṃkhittaṃ). Nakāmāvacaro dhammo kāmāvacarassa dhammassa kammapaccayena paccayo – sahajātā, nānākkhaṇikā (saṃkhittaṃ). Nakāmāvacaro dhammo kāmāvacarassa ca nakāmāvacarassa ca dhammassa kammapaccayena paccayo – sahajātā, nānākkhaṇikā (saṃkhittaṃ). (3)

    វិបាកបច្ចយេន បច្ចយោ… ចត្តារិ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ទ្វេ។

    Vipākapaccayena paccayo… cattāri… āhārapaccayena paccayo… cattāri… indriyapaccayena paccayo… cattāri… jhānapaccayena paccayo… cattāri… maggapaccayena paccayo… cattāri… sampayuttapaccayena paccayo… dve.

    វិប្បយុត្តបច្ចយោ

    Vippayuttapaccayo

    ២១៧. កាមាវចរោ ធម្មោ កាមាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ)។ កាមាវចរោ ធម្មោ នកាមាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ។ សហជាតំ (សំខិត្តំ) បដិសន្ធិក្ខណេ វត្ថុ នកាមាវចរានំ ខន្ធានំ វិប្បយុត្តបច្ចយេន បច្ចយោ។ បុរេជាតំ – វត្ថុ នកាមាវចរានំ ខន្ធានំ វិប្បយុត្តបច្ចយេន បច្ចយោ។ (២)

    217. Kāmāvacaro dhammo kāmāvacarassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). Kāmāvacaro dhammo nakāmāvacarassa dhammassa vippayuttapaccayena paccayo – sahajātaṃ, purejātaṃ. Sahajātaṃ (saṃkhittaṃ) paṭisandhikkhaṇe vatthu nakāmāvacarānaṃ khandhānaṃ vippayuttapaccayena paccayo. Purejātaṃ – vatthu nakāmāvacarānaṃ khandhānaṃ vippayuttapaccayena paccayo. (2)

    នកាមាវចរោ ធម្មោ កាមាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – នកាមាវចរា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ.…។ បច្ឆាជាតា – នកាមាវចរា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    Nakāmāvacaro dhammo kāmāvacarassa dhammassa vippayuttapaccayena paccayo – sahajātaṃ, pacchājātaṃ. Sahajātā – nakāmāvacarā khandhā cittasamuṭṭhānānaṃ rūpānaṃ vippayuttapaccayena paccayo; paṭisandhikkhaṇe…pe…. Pacchājātā – nakāmāvacarā khandhā purejātassa imassa kāyassa vippayuttapaccayena paccayo. (1)

    អត្ថិបច្ចយាទិ

    Atthipaccayādi

    ២១៨. កាមាវចរោ ធម្មោ កាមាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ កាមាវចរោ ធម្មោ នកាមាវចរស្ស ធម្មស្ស អត្ថិបច្ចយេន បច្ចយោ – សហជាតំ , បុរេជាតំ។ សហជាតំ – បដិសន្ធិក្ខណេ វត្ថុ នកាមាវចរានំ ខន្ធានំ អត្ថិបច្ចយេន បច្ចយោ។ បុរេជាតំ – ទិព្ពេន ចក្ខុនា រូបំ បស្សតិ…បេ.… (បុរេជាតសទិសំ)។ (២)

    218. Kāmāvacaro dhammo kāmāvacarassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). Kāmāvacaro dhammo nakāmāvacarassa dhammassa atthipaccayena paccayo – sahajātaṃ , purejātaṃ. Sahajātaṃ – paṭisandhikkhaṇe vatthu nakāmāvacarānaṃ khandhānaṃ atthipaccayena paccayo. Purejātaṃ – dibbena cakkhunā rūpaṃ passati…pe… (purejātasadisaṃ). (2)

    នកាមាវចរោ ធម្មោ នកាមាវចរស្ស ធម្មស្ស អត្ថិបច្ចយេន បច្ចយោ – សហជាតំ (សំខិត្តំ)។ នកាមាវចរោ ធម្មោ កាមាវចរស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (វិប្បយុត្តសទិសំ)។ នកាមាវចរោ ធម្មោ កាមាវចរស្ស ច នកាមាវចរស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ)។ (៣)

    Nakāmāvacaro dhammo nakāmāvacarassa dhammassa atthipaccayena paccayo – sahajātaṃ (saṃkhittaṃ). Nakāmāvacaro dhammo kāmāvacarassa dhammassa atthipaccayena paccayo – sahajātaṃ, pacchājātaṃ (vippayuttasadisaṃ). Nakāmāvacaro dhammo kāmāvacarassa ca nakāmāvacarassa ca dhammassa atthipaccayena paccayo (paṭiccasadisaṃ). (3)

    ២១៩. កាមាវចរោ ច នកាមាវចរោ ច ធម្មា កាមាវចរស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – នកាមាវចរា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; បដិសន្ធិក្ខណេ…បេ.…។ បច្ឆាជាតា – នកាមាវចរា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – នកាមាវចរា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ កាមាវចរោ ច នកាមាវចរោ ច ធម្មា នកាមាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – នកាមាវចរោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.… បដិសន្ធិក្ខណេ…បេ.…។ នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។ (២)

    219. Kāmāvacaro ca nakāmāvacaro ca dhammā kāmāvacarassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – nakāmāvacarā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo; paṭisandhikkhaṇe…pe…. Pacchājātā – nakāmāvacarā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – nakāmāvacarā khandhā ca rūpajīvitindriyañca kaṭattārūpānaṃ atthipaccayena paccayo. Kāmāvacaro ca nakāmāvacaro ca dhammā nakāmāvacarassa dhammassa atthipaccayena paccayo – sahajātaṃ, purejātaṃ. Sahajāto – nakāmāvacaro eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe… paṭisandhikkhaṇe…pe…. Natthipaccayena paccayo… vigatapaccayena paccayo… avigatapaccayena paccayo. (2)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ២២០. ហេតុយា ចត្តារិ, អារម្មណេ ចត្តារិ, អធិបតិយា ចត្តារិ , អនន្តរេ ចត្តារិ, សមនន្តរេ ចត្តារិ, សហជាតេ សត្ត, អញ្ញមញ្ញេ ឆ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ តីណិ, កម្មេ ចត្តារិ, វិបាកេ ចត្តារិ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ, វិគតេ ចត្តារិ, អវិគតេ សត្ត។

    220. Hetuyā cattāri, ārammaṇe cattāri, adhipatiyā cattāri , anantare cattāri, samanantare cattāri, sahajāte satta, aññamaññe cha, nissaye satta, upanissaye cattāri, purejāte dve, pacchājāte dve, āsevane tīṇi, kamme cattāri, vipāke cattāri, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta.

    ២. បច្ចនីយុទ្ធារោ

    2. Paccanīyuddhāro

    ២២១. កាមាវចរោ ធម្មោ កាមាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ កាមាវចរោ ធម្មោ នកាមាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    221. Kāmāvacaro dhammo kāmāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. Kāmāvacaro dhammo nakāmāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    ២២២. នកាមាវចរោ ធម្មោ នកាមាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ នកាមាវចរោ ធម្មោ កាមាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ នកាមាវចរោ ធម្មោ កាមាវចរស្ស ច នកាមាវចរស្ស ច ធម្មស្ស សហជាតបច្ចយេន បច្ចយោ… កម្មបច្ចយេន បច្ចយោ។ (៣)

    222. Nakāmāvacaro dhammo nakāmāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. Nakāmāvacaro dhammo kāmāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. Nakāmāvacaro dhammo kāmāvacarassa ca nakāmāvacarassa ca dhammassa sahajātapaccayena paccayo… kammapaccayena paccayo. (3)

    កាមាវចរោ ច នកាមាវចរោ ច ធម្មា កាមាវចរស្ស ធម្មស្ស សហជាតំ, បច្ឆាជាតំ, អាហារំ , ឥន្ទ្រិយំ។ កាមាវចរោ ច នកាមាវចរោ ច ធម្មា នកាមាវចរស្ស ធម្មស្ស សហជាតំ, បុរេជាតំ។ (២)

    Kāmāvacaro ca nakāmāvacaro ca dhammā kāmāvacarassa dhammassa sahajātaṃ, pacchājātaṃ, āhāraṃ , indriyaṃ. Kāmāvacaro ca nakāmāvacaro ca dhammā nakāmāvacarassa dhammassa sahajātaṃ, purejātaṃ. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ២២៣. នហេតុយា សត្ត, នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ សត្ត, ន សហជាតេ ឆ, នអញ្ញមញ្ញេ ឆ, ននិស្សយេ ឆ, នឧបនិស្សយេ សត្ត, នបុរេជាតេ ឆ…បេ.… នសម្បយុត្តេ ឆ, នវិប្បយុត្តេ បញ្ច, នោអត្ថិយា បញ្ច, នោនត្ថិយា សត្ត, នោវិគតេ សត្ត, នោអវិគតេ បញ្ច។

    223. Nahetuyā satta, naārammaṇe satta, naadhipatiyā satta, naanantare satta, nasamanantare satta, na sahajāte cha, naaññamaññe cha, nanissaye cha, naupanissaye satta, napurejāte cha…pe… nasampayutte cha, navippayutte pañca, noatthiyā pañca, nonatthiyā satta, novigate satta, noavigate pañca.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ២២៤. ហេតុបច្ចយា នអារម្មណេ ចត្តារិ, នអធិបតិយា ចត្តារិ, នអនន្តរេ ចត្តារិ, នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ…បេ.… នសម្បយុត្តេ ទ្វេ, នវិប្បយុត្តេ ទ្វេ, នោនត្ថិយា ចត្តារិ, នោវិគតេ ចត្តារិ។

    224. Hetupaccayā naārammaṇe cattāri, naadhipatiyā cattāri, naanantare cattāri, nasamanantare cattāri, naaññamaññe dve, naupanissaye cattāri…pe… nasampayutte dve, navippayutte dve, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ២២៥. នហេតុបច្ចយា អារម្មណេ ចត្តារិ, អធិបតិយា ចត្តារិ (អនុលោមមាតិកា កាតព្ពា)…បេ.… អវិគតេ សត្ត។

    225. Nahetupaccayā ārammaṇe cattāri, adhipatiyā cattāri (anulomamātikā kātabbā)…pe… avigate satta.

    កាមាវចរទុកំ និដ្ឋិតំ។

    Kāmāvacaradukaṃ niṭṭhitaṃ.

    ៩៤. រូបាវចរទុកំ

    94. Rūpāvacaradukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ២២៦. រូបាវចរំ ធម្មំ បដិច្ច រូបាវចរោ ធម្មោ ឧប្បជ្ជតិ ហេតុបច្ចយា – រូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ រូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ ហេតុបច្ចយា – រូបាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.…។ រូបាវចរំ ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ ហេតុបច្ចយា – រូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    226. Rūpāvacaraṃ dhammaṃ paṭicca rūpāvacaro dhammo uppajjati hetupaccayā – rūpāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Rūpāvacaraṃ dhammaṃ paṭicca narūpāvacaro dhammo uppajjati hetupaccayā – rūpāvacare khandhe paṭicca cittasamuṭṭhānaṃ rūpaṃ; paṭisandhikkhaṇe…pe…. Rūpāvacaraṃ dhammaṃ paṭicca rūpāvacaro ca narūpāvacaro ca dhammā uppajjanti hetupaccayā – rūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    ២២៧. នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ ហេតុបច្ចយា – នរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ …បេ.… ឯកំ មហាភូតំ…បេ.…។ នរូបាវចរំ ធម្មំ បដិច្ច រូបាវចរោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វត្ថុំ បដិច្ច រូបាវចរា ខន្ធា។ នរូបាវចរំ ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច រូបាវចរា ខន្ធា, មហាភូតេ បដិច្ច កដត្តារូបំ។ (៣)

    227. Narūpāvacaraṃ dhammaṃ paṭicca narūpāvacaro dhammo uppajjati hetupaccayā – narūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe …pe… ekaṃ mahābhūtaṃ…pe…. Narūpāvacaraṃ dhammaṃ paṭicca rūpāvacaro dhammo uppajjati hetupaccayā – paṭisandhikkhaṇe vatthuṃ paṭicca rūpāvacarā khandhā. Narūpāvacaraṃ dhammaṃ paṭicca rūpāvacaro ca narūpāvacaro ca dhammā uppajjanti hetupaccayā – paṭisandhikkhaṇe vatthuṃ paṭicca rūpāvacarā khandhā, mahābhūte paṭicca kaṭattārūpaṃ. (3)

    ២២៨. រូបាវចរញ្ច នរូបាវចរញ្ច ធម្មំ បដិច្ច រូបាវចរោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ រូបាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ រូបាវចរញ្ច នរូបាវចរញ្ច ធម្មំ បដិច្ច នរូបាវចរោ ធម្មោ ឧប្បជ្ជតិ ហេតុបច្ចយា – រូបាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ រូបាវចរេ ខន្ធេ ច មហាភូតេ ច បដិច្ច កដត្តារូបំ។ រូបាវចរញ្ច នរូបាវចរញ្ច ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ រូបាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.… រូបាវចរេ ខន្ធេ ច មហាភូតេ ច បដិច្ច កដត្តារូបំ (សំខិត្តំ)។ (៣)

    228. Rūpāvacarañca narūpāvacarañca dhammaṃ paṭicca rūpāvacaro dhammo uppajjati hetupaccayā – paṭisandhikkhaṇe rūpāvacaraṃ ekaṃ khandhañca vatthuñca paṭicca tayo khandhā…pe… dve khandhe ca…pe…. Rūpāvacarañca narūpāvacarañca dhammaṃ paṭicca narūpāvacaro dhammo uppajjati hetupaccayā – rūpāvacare khandhe ca mahābhūte ca paṭicca cittasamuṭṭhānaṃ rūpaṃ; paṭisandhikkhaṇe rūpāvacare khandhe ca mahābhūte ca paṭicca kaṭattārūpaṃ. Rūpāvacarañca narūpāvacarañca dhammaṃ paṭicca rūpāvacaro ca narūpāvacaro ca dhammā uppajjanti hetupaccayā – paṭisandhikkhaṇe rūpāvacaraṃ ekaṃ khandhañca vatthuñca paṭicca tayo khandhā…pe… dve khandhe ca…pe… rūpāvacare khandhe ca mahābhūte ca paṭicca kaṭattārūpaṃ (saṃkhittaṃ). (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ២២៩. ហេតុយា នវ, អារម្មណេ ចត្តារិ, អធិបតិយា បញ្ច, អនន្តរេ ចត្តារិ, សមនន្តរេ ចត្តារិ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ ចត្តារិ, បុរេជាតេ ទ្វេ, អាសេវនេ ទ្វេ, កម្មេ នវ, វិបាកេ នវ, ឈានេ នវ, មគ្គេ នវ, សម្បយុត្តេ ចត្តារិ, វិប្បយុត្តេ នវ, អត្ថិយា នវ, នត្ថិយា ចត្តារិ, វិគតេ ចត្តារិ, អវិគតេ នវ។

    229. Hetuyā nava, ārammaṇe cattāri, adhipatiyā pañca, anantare cattāri, samanantare cattāri, sahajāte nava, aññamaññe cha, nissaye nava, upanissaye cattāri, purejāte dve, āsevane dve, kamme nava, vipāke nava, jhāne nava, magge nava, sampayutte cattāri, vippayutte nava, atthiyā nava, natthiyā cattāri, vigate cattāri, avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុ-នអារម្មណបច្ចយា

    Nahetu-naārammaṇapaccayā

    ២៣០. នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នហេតុបច្ចយា – អហេតុកំ នរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    230. Narūpāvacaraṃ dhammaṃ paṭicca narūpāvacaro dhammo uppajjati nahetupaccayā – ahetukaṃ narūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    នអារម្មណបច្ចយា… តីណិ។

    Naārammaṇapaccayā… tīṇi.

    នអធិបតិបច្ចយាទិ

    Naadhipatipaccayādi

    ២៣១. រូបាវចរំ ធម្មំ បដិច្ច រូបាវចរោ ធម្មោ ឧប្បជ្ជតិ នអធិបតិបច្ចយា – រូបាវចរេ ខន្ធេ បដិច្ច រូបាវចរាធិបតិ វិបាកំ, រូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ រូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នអធិបតិបច្ចយា – វិបាកេ រូបាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.…។ រូបាវចរំ ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ នអធិបតិបច្ចយា – វិបាកំ រូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (៣)

    231. Rūpāvacaraṃ dhammaṃ paṭicca rūpāvacaro dhammo uppajjati naadhipatipaccayā – rūpāvacare khandhe paṭicca rūpāvacarādhipati vipākaṃ, rūpāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Rūpāvacaraṃ dhammaṃ paṭicca narūpāvacaro dhammo uppajjati naadhipatipaccayā – vipāke rūpāvacare khandhe paṭicca cittasamuṭṭhānaṃ rūpaṃ; paṭisandhikkhaṇe…pe…. Rūpāvacaraṃ dhammaṃ paṭicca rūpāvacaro ca narūpāvacaro ca dhammā uppajjanti naadhipatipaccayā – vipākaṃ rūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (3)

    នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នអធិបតិបច្ចយា – នរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… តីណិ។ (នកាមាវចរំ បដិច្ចវារសទិសំ និន្នានំ, ឥធ សព្ពេ មហាភូតា កាតព្ពា។) (៣)

    Narūpāvacaraṃ dhammaṃ paṭicca narūpāvacaro dhammo uppajjati naadhipatipaccayā – narūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… tīṇi. (Nakāmāvacaraṃ paṭiccavārasadisaṃ ninnānaṃ, idha sabbe mahābhūtā kātabbā.) (3)

    ២៣២. រូបាវចរញ្ច នរូបាវចរញ្ច ធម្មំ បដិច្ច រូបាវចរោ ធម្មោ ឧប្បជ្ជតិ នអធិបតិបច្ចយា – បដិសន្ធិក្ខណេ រូបាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ រូបាវចរញ្ច នរូបាវចរញ្ច ធម្មំ បដិច្ច នរូបាវចរោ ធម្មោ ឧប្បជ្ជតិ នអធិបតិបច្ចយា – វិបាកេ រូបាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.…។ រូបាវចរញ្ច នរូបាវចរញ្ច ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ នអធិបតិបច្ចយា – បដិសន្ធិក្ខណេ រូបាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.… រូបាវចរេ ខន្ធេ ច មហាភូតេ ច បដិច្ច កដត្តារូបំ។ (៣) នអនន្តរបច្ចយា…បេ.… នឧបនិស្សយបច្ចយា ។

    232. Rūpāvacarañca narūpāvacarañca dhammaṃ paṭicca rūpāvacaro dhammo uppajjati naadhipatipaccayā – paṭisandhikkhaṇe rūpāvacaraṃ ekaṃ khandhañca vatthuñca paṭicca tayo khandhā…pe… dve khandhe ca…pe…. Rūpāvacarañca narūpāvacarañca dhammaṃ paṭicca narūpāvacaro dhammo uppajjati naadhipatipaccayā – vipāke rūpāvacare khandhe ca mahābhūte ca paṭicca cittasamuṭṭhānaṃ rūpaṃ; paṭisandhikkhaṇe…pe…. Rūpāvacarañca narūpāvacarañca dhammaṃ paṭicca rūpāvacaro ca narūpāvacaro ca dhammā uppajjanti naadhipatipaccayā – paṭisandhikkhaṇe rūpāvacaraṃ ekaṃ khandhañca vatthuñca paṭicca tayo khandhā…pe… dve khandhe ca…pe… rūpāvacare khandhe ca mahābhūte ca paṭicca kaṭattārūpaṃ. (3) Naanantarapaccayā…pe… naupanissayapaccayā .

    នបុរេជាតបច្ចយាទិ

    Napurejātapaccayādi

    ២៣៣. រូបាវចរំ ធម្មំ បដិច្ច រូបាវចរោ ធម្មោ ឧប្បជ្ជតិ នបុរេជាតបច្ចយា – បដិសន្ធិក្ខណេ រូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ រូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នបុរេជាតបច្ចយា – រូបាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.…។ រូបាវចរំ ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ រូបាវចរំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.…។ (៣)

    233. Rūpāvacaraṃ dhammaṃ paṭicca rūpāvacaro dhammo uppajjati napurejātapaccayā – paṭisandhikkhaṇe rūpāvacaraṃ ekaṃ khandhaṃ paṭicca tayo khandhā…pe… dve khandhe…pe…. Rūpāvacaraṃ dhammaṃ paṭicca narūpāvacaro dhammo uppajjati napurejātapaccayā – rūpāvacare khandhe paṭicca cittasamuṭṭhānaṃ rūpaṃ; paṭisandhikkhaṇe…pe…. Rūpāvacaraṃ dhammaṃ paṭicca rūpāvacaro ca narūpāvacaro ca dhammā uppajjanti napurejātapaccayā – paṭisandhikkhaṇe rūpāvacaraṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe…. (3)

    នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នបុរេជាតបច្ចយា – អរូបេ នរូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… នរូបាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… (យាវ អសញ្ញសត្តា, ឥតរេ បញ្ចបិ បញ្ហា, អនុលោមំ កាតព្ពំ) នបច្ឆាជាតបច្ចយា… នវ។

    Narūpāvacaraṃ dhammaṃ paṭicca narūpāvacaro dhammo uppajjati napurejātapaccayā – arūpe narūpāvacaraṃ ekaṃ khandhaṃ paṭicca tayo khandhā…pe… dve khandhe…pe… narūpāvacare khandhe paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā, itare pañcapi pañhā, anulomaṃ kātabbaṃ) napacchājātapaccayā… nava.

    នអាសេវនបច្ចយាទិ

    Naāsevanapaccayādi

    ២៣៤. រូបាវចរំ ធម្មំ បដិច្ច រូបាវចរោ ធម្មោ ឧប្បជ្ជតិ នអាសេវនបច្ចយា – វិបាកំ រូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ រូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នអាសេវនបច្ចយា – រូបាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.…។ រូបាវចរំ ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ នអាសេវនបច្ចយា – វិបាកំ រូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ …បេ.…។ (៣)

    234. Rūpāvacaraṃ dhammaṃ paṭicca rūpāvacaro dhammo uppajjati naāsevanapaccayā – vipākaṃ rūpāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Rūpāvacaraṃ dhammaṃ paṭicca narūpāvacaro dhammo uppajjati naāsevanapaccayā – rūpāvacare khandhe paṭicca cittasamuṭṭhānaṃ rūpaṃ; paṭisandhikkhaṇe…pe…. Rūpāvacaraṃ dhammaṃ paṭicca rūpāvacaro ca narūpāvacaro ca dhammā uppajjanti naāsevanapaccayā – vipākaṃ rūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe …pe…. (3)

    នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នអាសេវនបច្ចយា… តីណិ។

    Narūpāvacaraṃ dhammaṃ paṭicca narūpāvacaro dhammo uppajjati naāsevanapaccayā… tīṇi.

    រូបាវចរញ្ច នរូបាវចរញ្ច ធម្មំ បដិច្ច រូបាវចរោ ធម្មោ ឧប្បជ្ជតិ នអាសេវនបច្ចយា (សំខិត្តំ។ មូលំ។ ឥតរេបិ បញ្ហា កាតព្ពា)… នកម្មបច្ចយា… ទ្វេ…បេ.… នសម្បយុត្តបច្ចយា។

    Rūpāvacarañca narūpāvacarañca dhammaṃ paṭicca rūpāvacaro dhammo uppajjati naāsevanapaccayā (saṃkhittaṃ. Mūlaṃ. Itarepi pañhā kātabbā)… nakammapaccayā… dve…pe… nasampayuttapaccayā.

    ២៣៥. នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នវិប្បយុត្តបច្ចយា – អរូបេ នរូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.… (សំខិត្តំ)។

    235. Narūpāvacaraṃ dhammaṃ paṭicca narūpāvacaro dhammo uppajjati navippayuttapaccayā – arūpe narūpāvacaraṃ ekaṃ khandhaṃ paṭicca tayo khandhā…pe… dve khandhe…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… (saṃkhittaṃ).

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ២៣៦. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ទ្វេ, នវិបាកេ បញ្ច , នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ឯកំ, នោនត្ថិយា តីណិ, នោវិគតេ តីណិ។

    236. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naupanissaye tīṇi, napurejāte nava, napacchājāte nava, naāsevane nava, nakamme dve, navipāke pañca , naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte ekaṃ, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (ឯវំ ឥតរេ ទ្វេ គណនាបិ សហជាតវារោបិ កាតព្ពោ។)

    (Evaṃ itare dve gaṇanāpi sahajātavāropi kātabbo.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ២៣៧. រូបាវចរំ ធម្មំ បច្ចយា រូបាវចរោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសំ)។

    237. Rūpāvacaraṃ dhammaṃ paccayā rūpāvacaro dhammo uppajjati hetupaccayā… tīṇi (paṭiccasadisaṃ).

    នរូបាវចរំ ធម្មំ បច្ចយា នរូបាវចរោ ធម្មោ ឧប្បជ្ជតិ ហេតុបច្ចយា – នរូបាវចរំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… (យាវ អជ្ឈត្តិកំ មហាភូតំ) វត្ថុំ បច្ចយា នរូបាវចរា ខន្ធា។ នរូបាវចរំ ធម្មំ បច្ចយា រូបាវចរោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា រូបាវចរា ខន្ធា; បដិសន្ធិក្ខណេ…បេ.…។ នរូបាវចរំ ធម្មំ បច្ចយា រូបាវចរោ ច នរូបាវចរោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា រូបាវចរា ខន្ធា, មហាភូតេ បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ (៣)

    Narūpāvacaraṃ dhammaṃ paccayā narūpāvacaro dhammo uppajjati hetupaccayā – narūpāvacaraṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… (yāva ajjhattikaṃ mahābhūtaṃ) vatthuṃ paccayā narūpāvacarā khandhā. Narūpāvacaraṃ dhammaṃ paccayā rūpāvacaro dhammo uppajjati hetupaccayā – vatthuṃ paccayā rūpāvacarā khandhā; paṭisandhikkhaṇe…pe…. Narūpāvacaraṃ dhammaṃ paccayā rūpāvacaro ca narūpāvacaro ca dhammā uppajjanti hetupaccayā – vatthuṃ paccayā rūpāvacarā khandhā, mahābhūte paccayā cittasamuṭṭhānaṃ rūpaṃ; paṭisandhikkhaṇe…pe…. (3)

    ២៣៨. រូបាវចរញ្ច នរូបាវចរញ្ច ធម្មំ បច្ចយា រូបាវចរោ ធម្មោ ឧប្បជ្ជតិ ហេតុបច្ចយា – រូបាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… បដិសន្ធិក្ខណេ…បេ.…។ រូបាវចរញ្ច នរូបាវចរញ្ច ធម្មំ បច្ចយា នរូបាវចរោ ធម្មោ ឧប្បជ្ជតិ ហេតុបច្ចយា – រូបាវចរេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ រូបាវចរញ្ច នរូបាវចរញ្ច ធម្មំ បច្ចយា រូបាវចរោ ច នរូបាវចរោ ច ធម្មា ឧប្បជ្ជន្តិ ហេតុបច្ចយា – រូបាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… រូបាវចរេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ (៣) (សំខិត្តំ។)

    238. Rūpāvacarañca narūpāvacarañca dhammaṃ paccayā rūpāvacaro dhammo uppajjati hetupaccayā – rūpāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe… paṭisandhikkhaṇe…pe…. Rūpāvacarañca narūpāvacarañca dhammaṃ paccayā narūpāvacaro dhammo uppajjati hetupaccayā – rūpāvacare khandhe ca mahābhūte ca paccayā cittasamuṭṭhānaṃ rūpaṃ; paṭisandhikkhaṇe…pe…. Rūpāvacarañca narūpāvacarañca dhammaṃ paccayā rūpāvacaro ca narūpāvacaro ca dhammā uppajjanti hetupaccayā – rūpāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe… rūpāvacare khandhe ca mahābhūte ca paccayā cittasamuṭṭhānaṃ rūpaṃ; paṭisandhikkhaṇe…pe…. (3) (Saṃkhittaṃ.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ២៣៩. ហេតុយា នវ, អារម្មណេ ចត្តារិ, អធិបតិយា នវ, អនន្តរេ ចត្តារិ, សមនន្តរេ ចត្តារិ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ ចត្តារិ, បុរេជាតេ ចត្តារិ, អាសេវនេ ចត្តារិ, កម្មេ នវ…បេ.… អវិគតេ នវ។

    239. Hetuyā nava, ārammaṇe cattāri, adhipatiyā nava, anantare cattāri, samanantare cattāri, sahajāte nava, aññamaññe cha, nissaye nava, upanissaye cattāri, purejāte cattāri, āsevane cattāri, kamme nava…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ២៤០. នរូបាវចរំ ធម្មំ បច្ចយា នរូបាវចរោ ធម្មោ ឧប្បជ្ជតិ នហេតុបច្ចយា – អហេតុកំ នរូបាវចរំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នរូបាវចរា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១) (សំខិត្តំ។)

    240. Narūpāvacaraṃ dhammaṃ paccayā narūpāvacaro dhammo uppajjati nahetupaccayā – ahetukaṃ narūpāvacaraṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā narūpāvacarā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1) (Saṃkhittaṃ.)

    នអធិបតិបច្ចយោ

    Naadhipatipaccayo

    ២៤១. រូបាវចរំ ធម្មំ បច្ចយា រូបាវចរោ ធម្មោ ឧប្បជ្ជតិ នអធិបតិបច្ចយា… តីណិ (បដិច្ចវារសទិសំ)។

    241. Rūpāvacaraṃ dhammaṃ paccayā rūpāvacaro dhammo uppajjati naadhipatipaccayā… tīṇi (paṭiccavārasadisaṃ).

    នរូបាវចរំ ធម្មំ បច្ចយា នរូបាវចរោ ធម្មោ ឧប្បជ្ជតិ នអធិបតិបច្ចយា (បដិច្ចវារសទិសំ)។ នរូបាវចរំ ធម្មំ បច្ចយា រូបាវចរោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា រូបាវចរាធិបតិ, វត្ថុំ បច្ចយា វិបាកា រូបាវចរា ខន្ធា; បដិសន្ធិក្ខណេ…បេ.…។ នរូបាវចរំ ធម្មំ បច្ចយា រូបាវចរោ ច នរូបាវចរោ ច ធម្មា ឧប្បជ្ជន្តិ នអធិបតិបច្ចយា – វត្ថុំ បច្ចយា វិបាកា រូបាវចរា ខន្ធា, មហាភូតេ បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ (៣)

    Narūpāvacaraṃ dhammaṃ paccayā narūpāvacaro dhammo uppajjati naadhipatipaccayā (paṭiccavārasadisaṃ). Narūpāvacaraṃ dhammaṃ paccayā rūpāvacaro dhammo uppajjati naadhipatipaccayā – vatthuṃ paccayā rūpāvacarādhipati, vatthuṃ paccayā vipākā rūpāvacarā khandhā; paṭisandhikkhaṇe…pe…. Narūpāvacaraṃ dhammaṃ paccayā rūpāvacaro ca narūpāvacaro ca dhammā uppajjanti naadhipatipaccayā – vatthuṃ paccayā vipākā rūpāvacarā khandhā, mahābhūte paccayā cittasamuṭṭhānaṃ rūpaṃ; paṭisandhikkhaṇe…pe…. (3)

    ២៤២. រូបាវចរញ្ច នរូបាវចរញ្ច ធម្មំ បច្ចយា រូបាវចរោ ធម្មោ ឧប្បជ្ជតិ នអធិបតិបច្ចយា – រូបាវចរេ ខន្ធេ ច វត្ថុញ្ច បច្ចយា រូបាវចរាធិបតិ, វិបាកំ រូបាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… បដិសន្ធិក្ខណេ រូបាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ រូបាវចរញ្ច នរូបាវចរញ្ច ធម្មំ បច្ចយា នរូបាវចរោ ធម្មោ ឧប្បជ្ជតិ នអធិបតិបច្ចយា – វិបាកេ រូបាវចរេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ រូបាវចរញ្ច នរូបាវចរញ្ច ធម្មំ បច្ចយា រូបាវចរោ ច នរូបាវចរោ ច ធម្មា ឧប្បជ្ជន្តិ នអធិបតិបច្ចយា – វិបាកំ រូបាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… វិបាកេ រូបាវចរេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.…។ (៣) (សំខិត្តំ។)

    242. Rūpāvacarañca narūpāvacarañca dhammaṃ paccayā rūpāvacaro dhammo uppajjati naadhipatipaccayā – rūpāvacare khandhe ca vatthuñca paccayā rūpāvacarādhipati, vipākaṃ rūpāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe… paṭisandhikkhaṇe rūpāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe…. Rūpāvacarañca narūpāvacarañca dhammaṃ paccayā narūpāvacaro dhammo uppajjati naadhipatipaccayā – vipāke rūpāvacare khandhe ca mahābhūte ca paccayā cittasamuṭṭhānaṃ rūpaṃ; paṭisandhikkhaṇe…pe…. Rūpāvacarañca narūpāvacarañca dhammaṃ paccayā rūpāvacaro ca narūpāvacaro ca dhammā uppajjanti naadhipatipaccayā – vipākaṃ rūpāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe… vipāke rūpāvacare khandhe ca mahābhūte ca paccayā cittasamuṭṭhānaṃ rūpaṃ; paṭisandhikkhaṇe…pe…. (3) (Saṃkhittaṃ.)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ២៤៣. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ…បេ.… នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ (សុទ្ធិកេ អរូបេ ច មិស្សកេ ច ‘‘វិបាក’’ន្តិ និយាមេតព្ពំ), នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ឯកំ, នោនត្ថិយា តីណិ, នោវិគតេ តីណិ។

    243. Nahetuyā ekaṃ, naārammaṇe tīṇi, naadhipatiyā nava, naanantare tīṇi…pe… naupanissaye tīṇi, napurejāte nava, napacchājāte nava, naāsevane nava (suddhike arūpe ca missake ca ‘‘vipāka’’nti niyāmetabbaṃ), nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte ekaṃ, nonatthiyā tīṇi, novigate tīṇi.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ២៤៤. រូបាវចរំ ធម្មំ សំសដ្ឋោ រូបាវចរោ ធម្មោ ឧប្បជ្ជតិ ហេតុបច្ចយា – រូបាវចរំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    244. Rūpāvacaraṃ dhammaṃ saṃsaṭṭho rūpāvacaro dhammo uppajjati hetupaccayā – rūpāvacaraṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    នរូបាវចរំ ធម្មំ សំសដ្ឋោ នរូបាវចរោ ធម្មោ ឧប្បជ្ជតិ ហេតុបច្ចយា – នរូបាវចរំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Narūpāvacaraṃ dhammaṃ saṃsaṭṭho narūpāvacaro dhammo uppajjati hetupaccayā – narūpāvacaraṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    ហេតុយា ទ្វេ, អារម្មណេ ទ្វេ (សព្ពត្ថ ទ្វេ), អវិគតេ ទ្វេ។

    Hetuyā dve, ārammaṇe dve (sabbattha dve), avigate dve.

    អនុលោមំ។

    Anulomaṃ.

    នរូបាវចរំ ធម្មំ សំសដ្ឋោ នរូបាវចរោ ធម្មោ ឧប្បជ្ជតិ នហេតុបច្ចយា (សំខិត្តំ)។

    Narūpāvacaraṃ dhammaṃ saṃsaṭṭho narūpāvacaro dhammo uppajjati nahetupaccayā (saṃkhittaṃ).

    នហេតុយា ឯកំ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នឈានេ ឯកំ, នមគ្គេ ឯកំ, នវិប្បយុត្តេ ឯកំ។

    Nahetuyā ekaṃ, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, najhāne ekaṃ, namagge ekaṃ, navippayutte ekaṃ.

    បច្ចនីយំ។

    Paccanīyaṃ.

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ២៤៥. រូបាវចរោ ធម្មោ រូបាវចរស្ស ធម្មស្ស ហេតុបច្ចយេន បច្ចយោ – រូបាវចរា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (មូលំ កាតព្ពំ។) រូបាវចរា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (មូលំ កាតព្ពំ។) រូបាវចរា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (៣)

    245. Rūpāvacaro dhammo rūpāvacarassa dhammassa hetupaccayena paccayo – rūpāvacarā hetū sampayuttakānaṃ khandhānaṃ hetupaccayena paccayo; paṭisandhikkhaṇe…pe…. (Mūlaṃ kātabbaṃ.) Rūpāvacarā hetū cittasamuṭṭhānānaṃ rūpānaṃ hetupaccayena paccayo; paṭisandhikkhaṇe…pe…. (Mūlaṃ kātabbaṃ.) Rūpāvacarā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (3)

    នរូបាវចរោ ធម្មោ នរូបាវចរស្ស ធម្មស្ស ហេតុបច្ចយេន បច្ចយោ – នរូបាវចរា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    Narūpāvacaro dhammo narūpāvacarassa dhammassa hetupaccayena paccayo – narūpāvacarā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    អារម្មណបច្ចយោ

    Ārammaṇapaccayo

    ២៤៦. រូបាវចរោ ធម្មោ រូបាវចរស្ស ធម្មស្ស អារម្មណបច្ចយេន បច្ចយោ – ចេតោបរិយញាណេន រូបាវចរចិត្តសមង្គិស្ស ចិត្តំ ជានាតិ , រូបាវចរា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ។ រូបាវចរោ ធម្មោ នរូបាវចរស្ស ធម្មស្ស អារម្មណបច្ចយេន បច្ចយោ – បឋមំ ឈានំ បច្ចវេក្ខតិ…បេ.… ចតុត្ថំ ឈានំ បច្ចវេក្ខតិ, ទិព្ពំ ចក្ខុំ បច្ចវេក្ខតិ, ទិព្ពំ សោតធាតុំ…បេ.… ឥទ្ធិវិធញាណំ…បេ.… ចេតោបរិយញាណំ…បេ.… បុព្ពេនិវាសានុស្សតិញាណំ…បេ.… យថាកម្មូបគញាណំ…បេ.… អនាគតំសញាណំ បច្ចវេក្ខតិ, រូបាវចរេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ។ (២)

    246. Rūpāvacaro dhammo rūpāvacarassa dhammassa ārammaṇapaccayena paccayo – cetopariyañāṇena rūpāvacaracittasamaṅgissa cittaṃ jānāti , rūpāvacarā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa ārammaṇapaccayena paccayo. Rūpāvacaro dhammo narūpāvacarassa dhammassa ārammaṇapaccayena paccayo – paṭhamaṃ jhānaṃ paccavekkhati…pe… catutthaṃ jhānaṃ paccavekkhati, dibbaṃ cakkhuṃ paccavekkhati, dibbaṃ sotadhātuṃ…pe… iddhividhañāṇaṃ…pe… cetopariyañāṇaṃ…pe… pubbenivāsānussatiñāṇaṃ…pe… yathākammūpagañāṇaṃ…pe… anāgataṃsañāṇaṃ paccavekkhati, rūpāvacare khandhe aniccato…pe… domanassaṃ uppajjati. (2)

    ២៤៧. នរូបាវចរោ ធម្មោ នរូបាវចរស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ.… ឧបោសថកម្មំ…បេ.… បុព្ពេ សុចិណ្ណានិ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ…បេ.… ទោមនស្សំ ឧប្បជ្ជតិ; អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា បហីនេ កិលេសេ…បេ.… វិក្ខម្ភិតេ កិលេសេ…បេ.… បុព្ពេ…បេ.… ចក្ខុំ…បេ.… វត្ថុំ នរូបាវចរេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ; អាកាសានញ្ចាយតនំ វិញ្ញាណញ្ចាយតនស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ.… រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ។ (១)

    247. Narūpāvacaro dhammo narūpāvacarassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ…pe… pubbe suciṇṇāni paccavekkhati assādeti abhinandati, taṃ ārabbha rāgo…pe… domanassaṃ uppajjati; ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā pahīne kilese…pe… vikkhambhite kilese…pe… pubbe…pe… cakkhuṃ…pe… vatthuṃ narūpāvacare khandhe aniccato…pe… domanassaṃ uppajjati; ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa ārammaṇapaccayena paccayo. (1)

    នរូបាវចរោ ធម្មោ រូបាវចរស្ស ធម្មស្ស អារម្មណបច្ចយេន បច្ចយោ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន នរូបាវចរចិត្តសមង្គិស្ស ចិត្តំ ជានាតិ, នរូបាវចរា ខន្ធា ឥទ្ធិវិធញាណស្ស, ចេតោបរិយញាណស្ស , បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ។ (២)

    Narūpāvacaro dhammo rūpāvacarassa dhammassa ārammaṇapaccayena paccayo – dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena narūpāvacaracittasamaṅgissa cittaṃ jānāti, narūpāvacarā khandhā iddhividhañāṇassa, cetopariyañāṇassa , pubbenivāsānussatiñāṇassa, yathākammūpagañāṇassa, anāgataṃsañāṇassa ārammaṇapaccayena paccayo. (2)

    អធិបតិបច្ចយោ

    Adhipatipaccayo

    ២៤៨. រូបាវចរោ ធម្មោ រូបាវចរស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – រូបាវចរាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ ។ រូបាវចរោ ធម្មោ នរូបាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – បឋមំ ឈានំ គរុំ កត្វា បច្ចវេក្ខតិ, អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ…បេ.… ចតុត្ថំ ឈានំ…បេ.… ទិព្ពំ ចក្ខុំ…បេ.… ទិព្ពំ សោតធាតុំ…បេ.… ឥទ្ធិវិធញាណំ…បេ.… ចេតោបរិយញាណំ…បេ.… បុព្ពេនិវាសានុស្សតិញាណំ…បេ.… យថាកម្មូបគញាណំ…បេ.… អនាគតំសញាណំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, រូបាវចរេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – រូបាវចរាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ រូបាវចរោ ធម្មោ រូបាវចរស្ស ច នរូបាវចរស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – រូបាវចរាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    248. Rūpāvacaro dhammo rūpāvacarassa dhammassa adhipatipaccayena paccayo. Sahajātādhipati – rūpāvacarādhipati sampayuttakānaṃ khandhānaṃ adhipatipaccayena paccayo . Rūpāvacaro dhammo narūpāvacarassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – paṭhamaṃ jhānaṃ garuṃ katvā paccavekkhati, assādeti abhinandati, taṃ garuṃ katvā rāgo uppajjati, diṭṭhi uppajjati…pe… catutthaṃ jhānaṃ…pe… dibbaṃ cakkhuṃ…pe… dibbaṃ sotadhātuṃ…pe… iddhividhañāṇaṃ…pe… cetopariyañāṇaṃ…pe… pubbenivāsānussatiñāṇaṃ…pe… yathākammūpagañāṇaṃ…pe… anāgataṃsañāṇaṃ garuṃ katvā paccavekkhati assādeti abhinandati, taṃ garuṃ katvā rāgo uppajjati, diṭṭhi uppajjati, rūpāvacare khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – rūpāvacarādhipati cittasamuṭṭhānānaṃ rūpānaṃ adhipatipaccayena paccayo. Rūpāvacaro dhammo rūpāvacarassa ca narūpāvacarassa ca dhammassa adhipatipaccayena paccayo. Sahajātādhipati – rūpāvacarādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ២៤៩. នរូបាវចរោ ធម្មោ នរូបាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ សុចិណ្ណានិ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; អរិយា មគ្គា វុដ្ឋហិត្វា មគ្គំ គរុំ កត្វា…បេ.… ផលំ…បេ.… និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ នរូបាវចរេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; អាកាសានញ្ចាយតនំ គរុំ កត្វា បច្ចវេក្ខតិ…បេ.… នេវសញ្ញានាសញ្ញាយតនំ គរុំ កត្វា បច្ចវេក្ខតិ។ សហជាតាធិបតិ – នរូបាវចរាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    249. Narūpāvacaro dhammo narūpāvacarassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe suciṇṇāni garuṃ katvā paccavekkhati assādeti abhinandati, taṃ garuṃ katvā rāgo uppajjati, diṭṭhi uppajjati; ariyā maggā vuṭṭhahitvā maggaṃ garuṃ katvā…pe… phalaṃ…pe… nibbānaṃ garuṃ katvā paccavekkhanti, nibbānaṃ gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ narūpāvacare khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati; ākāsānañcāyatanaṃ garuṃ katvā paccavekkhati…pe… nevasaññānāsaññāyatanaṃ garuṃ katvā paccavekkhati. Sahajātādhipati – narūpāvacarādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    អនន្តរបច្ចយាទិ

    Anantarapaccayādi

    ២៥០. រូបាវចរោ ធម្មោ រូបាវចរស្ស ធម្មស្ស អនន្តរបច្ចយេន បច្ចយោ – បុរិមា បុរិមា រូបាវចរា ខន្ធា បច្ឆិមានំ បច្ឆិមានំ រូបាវចរានំ ខន្ធានំ អនន្តរបច្ចយេន បច្ចយោ។ រូបាវចរោ ធម្មោ នរូបាវចរស្ស ធម្មស្ស អនន្តរបច្ចយេន បច្ចយោ – រូបាវចរំ ចុតិចិត្តំ នរូបាវចរស្ស ឧបបត្តិចិត្តស្ស អនន្តរបច្ចយេន បច្ចយោ; រូបាវចរំ ភវង្គំ អាវជ្ជនាយ… រូបាវចរា ខន្ធា នរូបាវចរស្ស វុដ្ឋានស្ស អនន្តរបច្ចយេន បច្ចយោ។ (២)

    250. Rūpāvacaro dhammo rūpāvacarassa dhammassa anantarapaccayena paccayo – purimā purimā rūpāvacarā khandhā pacchimānaṃ pacchimānaṃ rūpāvacarānaṃ khandhānaṃ anantarapaccayena paccayo. Rūpāvacaro dhammo narūpāvacarassa dhammassa anantarapaccayena paccayo – rūpāvacaraṃ cuticittaṃ narūpāvacarassa upapatticittassa anantarapaccayena paccayo; rūpāvacaraṃ bhavaṅgaṃ āvajjanāya… rūpāvacarā khandhā narūpāvacarassa vuṭṭhānassa anantarapaccayena paccayo. (2)

    ២៥១. នរូបាវចរោ ធម្មោ នរូបាវចរស្ស ធម្មស្ស អនន្តរបច្ចយេន បច្ចយោ – បុរិមា បុរិមា នរូបាវចរា ខន្ធា បច្ឆិមានំ បច្ឆិមានំ នរូបាវចរានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ.… នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ។ នរូបាវចរោ ធម្មោ រូបាវចរស្ស ធម្មស្ស អនន្តរបច្ចយេន បច្ចយោ – នរូបាវចរំ ចុតិចិត្តំ រូបាវចរស្ស ឧបបត្តិចិត្តស្ស អនន្តរបច្ចយេន បច្ចយោ; នរូបាវចរា ខន្ធា រូបាវចរស្ស វុដ្ឋានស្ស អនន្តរបច្ចយេន បច្ចយោ; បឋមស្ស ឈានស្ស បរិកម្មំ បឋមស្ស ឈានស្ស អនន្តរបច្ចយេន បច្ចយោ…បេ.… ចតុត្ថស្ស ឈានស្ស…បេ.… ទិព្ពស្ស ចក្ខុស្ស…បេ.… ទិព្ពាយ សោតធាតុយា…បេ.… ឥទ្ធិវិធញាណស្ស…បេ.… ចេតោបរិយញាណស្ស…បេ.… បុព្ពេនិវាសានុស្សតិញាណស្ស…បេ.… យថាកម្មូបគញាណស្ស…បេ.… អនាគតំសញាណស្ស, បរិកម្មំ អនាគតំសញាណស្ស អនន្តរបច្ចយេន បច្ចយោ។ (២)

    251. Narūpāvacaro dhammo narūpāvacarassa dhammassa anantarapaccayena paccayo – purimā purimā narūpāvacarā khandhā pacchimānaṃ pacchimānaṃ narūpāvacarānaṃ khandhānaṃ anantarapaccayena paccayo; anulomaṃ gotrabhussa…pe… nevasaññānāsaññāyatanaṃ phalasamāpattiyā anantarapaccayena paccayo. Narūpāvacaro dhammo rūpāvacarassa dhammassa anantarapaccayena paccayo – narūpāvacaraṃ cuticittaṃ rūpāvacarassa upapatticittassa anantarapaccayena paccayo; narūpāvacarā khandhā rūpāvacarassa vuṭṭhānassa anantarapaccayena paccayo; paṭhamassa jhānassa parikammaṃ paṭhamassa jhānassa anantarapaccayena paccayo…pe… catutthassa jhānassa…pe… dibbassa cakkhussa…pe… dibbāya sotadhātuyā…pe… iddhividhañāṇassa…pe… cetopariyañāṇassa…pe… pubbenivāsānussatiñāṇassa…pe… yathākammūpagañāṇassa…pe… anāgataṃsañāṇassa, parikammaṃ anāgataṃsañāṇassa anantarapaccayena paccayo. (2)

    សមនន្តរបច្ចយេន បច្ចយោ… សហជាតបច្ចយេន បច្ចយោ… សត្ត… អញ្ញមញ្ញបច្ចយេន បច្ចយោ… ឆ… និស្សយបច្ចយេន បច្ចយោ… សត្ត។

    Samanantarapaccayena paccayo… sahajātapaccayena paccayo… satta… aññamaññapaccayena paccayo… cha… nissayapaccayena paccayo… satta.

    ឧបនិស្សយបច្ចយោ

    Upanissayapaccayo

    ២៥២. រូបាវចរោ ធម្មោ រូបាវចរស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – រូបាវចរំ សទ្ធំ ឧបនិស្សាយ រូបាវចរំ ឈានំ ឧប្បាទេតិ, អភិញ្ញំ…បេ.… សមាបត្តិំ ឧប្បាទេតិ; រូបាវចរំ សីលំ…បេ.… បញ្ញំ ឧបនិស្សាយ រូបាវចរំ ឈានំ…បេ.… អភិញ្ញំ…បេ.… សមាបត្តិំ ឧប្បាទេតិ; រូបាវចរា សទ្ធា…បេ.… បញ្ញា រូបាវចរាយ សទ្ធាយ…បេ.… បញ្ញាយ ឧបនិស្សយបច្ចយេន បច្ចយោ, បឋមំ ឈានំ ទុតិយស្ស ឈានស្ស ឧបនិស្សយបច្ចយេន បច្ចយោ, ទុតិយំ ឈានំ តតិយស្ស ឈានស្ស…បេ.… តតិយំ ឈានំ ចតុត្ថស្ស ឈានស្ស ឧបនិស្សយបច្ចយេន បច្ចយោ។ (១)

    252. Rūpāvacaro dhammo rūpāvacarassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – rūpāvacaraṃ saddhaṃ upanissāya rūpāvacaraṃ jhānaṃ uppādeti, abhiññaṃ…pe… samāpattiṃ uppādeti; rūpāvacaraṃ sīlaṃ…pe… paññaṃ upanissāya rūpāvacaraṃ jhānaṃ…pe… abhiññaṃ…pe… samāpattiṃ uppādeti; rūpāvacarā saddhā…pe… paññā rūpāvacarāya saddhāya…pe… paññāya upanissayapaccayena paccayo, paṭhamaṃ jhānaṃ dutiyassa jhānassa upanissayapaccayena paccayo, dutiyaṃ jhānaṃ tatiyassa jhānassa…pe… tatiyaṃ jhānaṃ catutthassa jhānassa upanissayapaccayena paccayo. (1)

    រូបាវចរោ ធម្មោ នរូបាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – រូបាវចរំ សទ្ធំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ ករោតិ; រូបាវចរំ ឈានំ…បេ.… វិបស្សនំ…បេ.… មគ្គំ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; រូបាវចរំ សីលំ…បេ.… បញ្ញំ ឧបនិស្សាយ ទានំ ទេតិ…បេ.… មានំ ជប្បេតិ, ទិដ្ឋិំ គណ្ហាតិ; រូបាវចរា សទ្ធា…បេ.… បញ្ញា នរូបាវចរាយ សទ្ធាយ…បេ.… បញ្ញាយ… រាគស្ស…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (២)

    Rūpāvacaro dhammo narūpāvacarassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – rūpāvacaraṃ saddhaṃ upanissāya dānaṃ deti, sīlaṃ…pe… uposathakammaṃ karoti; rūpāvacaraṃ jhānaṃ…pe… vipassanaṃ…pe… maggaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti; rūpāvacaraṃ sīlaṃ…pe… paññaṃ upanissāya dānaṃ deti…pe… mānaṃ jappeti, diṭṭhiṃ gaṇhāti; rūpāvacarā saddhā…pe… paññā narūpāvacarāya saddhāya…pe… paññāya… rāgassa…pe… patthanāya… kāyikassa sukhassa… kāyikassa dukkhassa… maggassa, phalasamāpattiyā upanissayapaccayena paccayo. (2)

    ២៥៣. នរូបាវចរោ ធម្មោ នរូបាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នរូបាវចរំ សទ្ធំ ឧបនិស្សាយ ទានំ…បេ.… សីលំ…បេ.… ឧបោសថកម្មំ ករោតិ; នរូបាវចរំ ឈានំ…បេ.… វិបស្សនំ…បេ.… មគ្គំ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នរូបាវចរំ សីលំ…បេ.… បញ្ញំ, រាគំ…បេ.… ភោជនំ, សេនាសនំ ឧបនិស្សាយ ទានំ ទេតិ…បេ.… បាណំ ហនតិ…បេ.… សង្ឃំ ភិន្ទតិ; នរូបាវចរា សទ្ធា…បេ.… បញ្ញា… រាគោ…បេ.… សេនាសនំ នរូបាវចរាយ សទ្ធាយ…បេ.… បញ្ញាយ… រាគស្ស…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (១)

    253. Narūpāvacaro dhammo narūpāvacarassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – narūpāvacaraṃ saddhaṃ upanissāya dānaṃ…pe… sīlaṃ…pe… uposathakammaṃ karoti; narūpāvacaraṃ jhānaṃ…pe… vipassanaṃ…pe… maggaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti; narūpāvacaraṃ sīlaṃ…pe… paññaṃ, rāgaṃ…pe… bhojanaṃ, senāsanaṃ upanissāya dānaṃ deti…pe… pāṇaṃ hanati…pe… saṅghaṃ bhindati; narūpāvacarā saddhā…pe… paññā… rāgo…pe… senāsanaṃ narūpāvacarāya saddhāya…pe… paññāya… rāgassa…pe… patthanāya… kāyikassa sukhassa… kāyikassa dukkhassa… maggassa, phalasamāpattiyā upanissayapaccayena paccayo. (1)

    នរូបាវចរោ ធម្មោ រូបាវចរស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នរូបាវចរំ សទ្ធំ ឧបនិស្សាយ រូបាវចរំ ឈានំ…បេ.… អភិញ្ញំ …បេ.… សមាបត្តិំ ឧប្បាទេតិ; នរូបាវចរំ សីលំ…បេ.… សេនាសនំ ឧបនិស្សាយ រូបាវចរំ ឈានំ…បេ.… អភិញ្ញំ…បេ.… សមាបត្តិំ ឧប្បាទេតិ; នរូបាវចរា សទ្ធា…បេ.… សេនាសនំ រូបាវចរាយ សទ្ធាយ…បេ.… បញ្ញាយ ឧបនិស្សយបច្ចយេន បច្ចយោ, បឋមស្ស ឈានស្ស បរិកម្មំ បឋមស្ស ឈានស្ស ឧបនិស្សយបច្ចយេន បច្ចយោ…បេ.… ចតុត្ថស្ស ឈានស្ស…បេ.… ទិព្ពស្ស ចក្ខុស្ស បរិកម្មំ…បេ.… ទិព្ពាយ សោតធាតុយា…បេ.… ឥទ្ធិវិធញាណស្ស…បេ.… ចេតោបរិយញាណស្ស…បេ.… បុព្ពេនិវាសានុស្សតិញាណស្ស…បេ.… យថាកម្មូបគញាណស្ស…បេ.… អនាគតំសញាណស្ស បរិកម្មំ អនាគតំសញាណស្ស ឧបនិស្សយបច្ចយេន បច្ចយោ។ (២)

    Narūpāvacaro dhammo rūpāvacarassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – narūpāvacaraṃ saddhaṃ upanissāya rūpāvacaraṃ jhānaṃ…pe… abhiññaṃ …pe… samāpattiṃ uppādeti; narūpāvacaraṃ sīlaṃ…pe… senāsanaṃ upanissāya rūpāvacaraṃ jhānaṃ…pe… abhiññaṃ…pe… samāpattiṃ uppādeti; narūpāvacarā saddhā…pe… senāsanaṃ rūpāvacarāya saddhāya…pe… paññāya upanissayapaccayena paccayo, paṭhamassa jhānassa parikammaṃ paṭhamassa jhānassa upanissayapaccayena paccayo…pe… catutthassa jhānassa…pe… dibbassa cakkhussa parikammaṃ…pe… dibbāya sotadhātuyā…pe… iddhividhañāṇassa…pe… cetopariyañāṇassa…pe… pubbenivāsānussatiñāṇassa…pe… yathākammūpagañāṇassa…pe… anāgataṃsañāṇassa parikammaṃ anāgataṃsañāṇassa upanissayapaccayena paccayo. (2)

    បុរេជាតបច្ចយាទិ

    Purejātapaccayādi

    ២៥៤. នរូបាវចរោ ធម្មោ នរូបាវចរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ …បេ.… វត្ថុំ អនិច្ចតោ…បេ.… ទោមនស្សំ ឧប្បជ្ជតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស បុរេជាតបច្ចយេន បច្ចយោ; វត្ថុ នរូបាវចរានំ ខន្ធានំ បុរេជាតបច្ចយេន បច្ចយោ។ នរូបាវចរោ ធម្មោ រូបាវចរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ វត្ថុបុរេជាតំ – វត្ថុ រូបាវចរានំ ខន្ធានំ បុរេជាតបច្ចយេន បច្ចយោ។ (២)

    254. Narūpāvacaro dhammo narūpāvacarassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ …pe… vatthuṃ aniccato…pe… domanassaṃ uppajjati, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa purejātapaccayena paccayo; vatthu narūpāvacarānaṃ khandhānaṃ purejātapaccayena paccayo. Narūpāvacaro dhammo rūpāvacarassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – dibbena cakkhunā rūpaṃ passati, dibbāya sotadhātuyā saddaṃ suṇāti. Vatthupurejātaṃ – vatthu rūpāvacarānaṃ khandhānaṃ purejātapaccayena paccayo. (2)

    បច្ឆាជាតបច្ចយេន បច្ចយោ… ទ្វេ… អាសេវនបច្ចយេន បច្ចយោ… តីណិ។

    Pacchājātapaccayena paccayo… dve… āsevanapaccayena paccayo… tīṇi.

    កម្មបច្ចយាទិ

    Kammapaccayādi

    ២៥៥. រូបាវចរោ ធម្មោ រូបាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – រូបាវចរា ចេតនា សម្បយុត្តកានំ ខន្ធានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – រូបាវចរា ចេតនា វិបាកានំ រូបាវចរានំ ខន្ធានំ កម្មបច្ចយេន បច្ចយោ។ រូបាវចរោ ធម្មោ នរូបាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – រូបាវចរា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – រូបាវចរា ចេតនា កដត្តារូបានំ កម្មបច្ចយេន បច្ចយោ។ រូបាវចរោ ធម្មោ រូបាវចរស្ស ច នរូបាវចរស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – រូបាវចរា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – រូបាវចរា ចេតនា វិបាកានំ រូបាវចរានំ ខន្ធានំ កដត្តា ច រូបានំ កម្មបច្ចយេន បច្ចយោ។ (៣)

    255. Rūpāvacaro dhammo rūpāvacarassa dhammassa kammapaccayena paccayo – sahajātā, nānākkhaṇikā. Sahajātā – rūpāvacarā cetanā sampayuttakānaṃ khandhānaṃ kammapaccayena paccayo; paṭisandhikkhaṇe…pe…. Nānākkhaṇikā – rūpāvacarā cetanā vipākānaṃ rūpāvacarānaṃ khandhānaṃ kammapaccayena paccayo. Rūpāvacaro dhammo narūpāvacarassa dhammassa kammapaccayena paccayo – sahajātā, nānākkhaṇikā. Sahajātā – rūpāvacarā cetanā cittasamuṭṭhānānaṃ rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – rūpāvacarā cetanā kaṭattārūpānaṃ kammapaccayena paccayo. Rūpāvacaro dhammo rūpāvacarassa ca narūpāvacarassa ca dhammassa kammapaccayena paccayo – sahajātā, nānākkhaṇikā. Sahajātā – rūpāvacarā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – rūpāvacarā cetanā vipākānaṃ rūpāvacarānaṃ khandhānaṃ kaṭattā ca rūpānaṃ kammapaccayena paccayo. (3)

    នរូបាវចរោ ធម្មោ នរូបាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នរូបាវចរា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – នរូបាវចរា ចេតនា វិបាកានំ នរូបាវចរានំ ខន្ធានំ កដត្តា ច រូបានំ កម្មបច្ចយេន បច្ចយោ…។ (១)

    Narūpāvacaro dhammo narūpāvacarassa dhammassa kammapaccayena paccayo – sahajātā, nānākkhaṇikā. Sahajātā – narūpāvacarā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – narūpāvacarā cetanā vipākānaṃ narūpāvacarānaṃ khandhānaṃ kaṭattā ca rūpānaṃ kammapaccayena paccayo…. (1)

    វិបាកបច្ចយេន បច្ចយោ… ចត្តារិ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ទ្វេ។

    Vipākapaccayena paccayo… cattāri… āhārapaccayena paccayo… cattāri… indriyapaccayena paccayo… cattāri… jhānapaccayena paccayo… cattāri… maggapaccayena paccayo… cattāri… sampayuttapaccayena paccayo… dve.

    វិប្បយុត្តបច្ចយោ

    Vippayuttapaccayo

    ២៥៦. រូបាវចរោ ធម្មោ នរូបាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ (១)

    256. Rūpāvacaro dhammo narūpāvacarassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    នរូបាវចរោ ធម្មោ នរូបាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ)។ នរូបាវចរោ ធម្មោ រូបាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ។ សហជាតំ – បដិសន្ធិក្ខណេ វត្ថុ រូបាវចរានំ ខន្ធានំ វិប្បយុត្តបច្ចយេន បច្ចយោ។ បុរេជាតំ – វត្ថុ រូបាវចរានំ ខន្ធានំ វិប្បយុត្តបច្ចយេន បច្ចយោ។ (២)

    Narūpāvacaro dhammo narūpāvacarassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). Narūpāvacaro dhammo rūpāvacarassa dhammassa vippayuttapaccayena paccayo – sahajātaṃ, purejātaṃ. Sahajātaṃ – paṭisandhikkhaṇe vatthu rūpāvacarānaṃ khandhānaṃ vippayuttapaccayena paccayo. Purejātaṃ – vatthu rūpāvacarānaṃ khandhānaṃ vippayuttapaccayena paccayo. (2)

    អត្ថិបច្ចយាទិ

    Atthipaccayādi

    ២៥៧. រូបាវចរោ ធម្មោ រូបាវចរស្ស ធម្មស្ស អត្ថិបច្ចយេន បច្ចយោ (បដិច្ចសទិសំ)។ រូបាវចរោ ធម្មោ នរូបាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ។ រូបាវចរោ ធម្មោ រូបាវចរស្ស ច នរូបាវចរស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ)។ (៣)

    257. Rūpāvacaro dhammo rūpāvacarassa dhammassa atthipaccayena paccayo (paṭiccasadisaṃ). Rūpāvacaro dhammo narūpāvacarassa dhammassa atthipaccayena paccayo – sahajātaṃ, purejātaṃ, pacchājātaṃ. Rūpāvacaro dhammo rūpāvacarassa ca narūpāvacarassa ca dhammassa atthipaccayena paccayo (paṭiccasadisaṃ). (3)

    នរូបាវចរោ ធម្មោ នរូបាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ នរូបាវចរោ ធម្មោ រូបាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតំ – បដិសន្ធិក្ខណេ វត្ថុ រូបាវចរានំ ខន្ធានំ អត្ថិបច្ចយេន បច្ចយោ។ បុរេជាតំ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, វត្ថុ រូបាវចរានំ ខន្ធានំ អត្ថិបច្ចយេន បច្ចយោ។ (២)

    Narūpāvacaro dhammo narūpāvacarassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). Narūpāvacaro dhammo rūpāvacarassa dhammassa atthipaccayena paccayo – sahajātaṃ, purejātaṃ. Sahajātaṃ – paṭisandhikkhaṇe vatthu rūpāvacarānaṃ khandhānaṃ atthipaccayena paccayo. Purejātaṃ – dibbena cakkhunā rūpaṃ passati, dibbāya sotadhātuyā saddaṃ suṇāti, vatthu rūpāvacarānaṃ khandhānaṃ atthipaccayena paccayo. (2)

    ២៥៨. រូបាវចរោ ច នរូបាវចរោ ច ធម្មា រូបាវចរស្ស ធម្មស្ស អត្ថិបច្ចយេន បច្ចយោ – សហជាតំ , បុរេជាតំ។ សហជាតោ – រូបាវចរោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.… បដិសន្ធិក្ខណេ…បេ.…។ រូបាវចរោ ច នរូបាវចរោ ច ធម្មា នរូបាវចរស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – រូបាវចរា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; បដិសន្ធិក្ខណេ…បេ.…។ បច្ឆាជាតា – រូបាវចរា ខន្ធា ច កពឡីការោ អាហារោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – រូបាវចរា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    258. Rūpāvacaro ca narūpāvacaro ca dhammā rūpāvacarassa dhammassa atthipaccayena paccayo – sahajātaṃ, purejātaṃ. Sahajāto – rūpāvacaro eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe… paṭisandhikkhaṇe…pe…. Rūpāvacaro ca narūpāvacaro ca dhammā narūpāvacarassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – rūpāvacarā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo; paṭisandhikkhaṇe…pe…. Pacchājātā – rūpāvacarā khandhā ca kabaḷīkāro āhāro ca purejātassa imassa kāyassa atthipaccayena paccayo. Pacchājātā – rūpāvacarā khandhā ca rūpajīvitindriyañca kaṭattārūpānaṃ atthipaccayena paccayo. (2)

    នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។

    Natthipaccayena paccayo… vigatapaccayena paccayo… avigatapaccayena paccayo.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ២៥៩. ហេតុយា ចត្តារិ, អារម្មណេ ចត្តារិ, អធិបតិយា ចត្តារិ, អនន្តរេ ចត្តារិ, សមនន្តរេ ចត្តារិ, សហជាតេ សត្ត, អញ្ញមញ្ញេ ឆ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ តីណិ, កម្មេ ចត្តារិ, វិបាកេ ចត្តារិ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ, វិគតេ ចត្តារិ, អវិគតេ សត្ត។

    259. Hetuyā cattāri, ārammaṇe cattāri, adhipatiyā cattāri, anantare cattāri, samanantare cattāri, sahajāte satta, aññamaññe cha, nissaye satta, upanissaye cattāri, purejāte dve, pacchājāte dve, āsevane tīṇi, kamme cattāri, vipāke cattāri, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta.

    បច្ចនីយុទ្ធារោ

    Paccanīyuddhāro

    ២៦០. រូបាវចរោ ធម្មោ រូបាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ…។ រូបាវចរោ ធម្មោ នរូបាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ រូបាវចរោ ធម្មោ រូបាវចរស្ស ច នរូបាវចរស្ស ច ធម្មស្ស សហជាតបច្ចយេន បច្ចយោ… កម្មបច្ចយេន បច្ចយោ។ (៣)

    260. Rūpāvacaro dhammo rūpāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo…. Rūpāvacaro dhammo narūpāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. Rūpāvacaro dhammo rūpāvacarassa ca narūpāvacarassa ca dhammassa sahajātapaccayena paccayo… kammapaccayena paccayo. (3)

    ២៦១. នរូបាវចរោ ធម្មោ នរូបាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ នរូបាវចរោ ធម្មោ រូបាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    261. Narūpāvacaro dhammo narūpāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. Narūpāvacaro dhammo rūpāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    រូបាវចរោ ច នរូបាវចរោ ច ធម្មា រូបាវចរស្ស ធម្មស្ស សហជាតំ, បុរេជាតំ។ រូបាវចរោ ច នរូបាវចរោ ច ធម្មា នរូបាវចរស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (២)

    Rūpāvacaro ca narūpāvacaro ca dhammā rūpāvacarassa dhammassa sahajātaṃ, purejātaṃ. Rūpāvacaro ca narūpāvacaro ca dhammā narūpāvacarassa dhammassa sahajātaṃ, pacchājātaṃ, āhāraṃ, indriyaṃ. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ២៦២. នហេតុយា សត្ត, នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ សត្ត, នសហជាតេ ឆ, នអញ្ញមញ្ញេ ឆ, ននិស្សយេ ឆ, នឧបនិស្សយេ សត្ត, នបុរេជាតេ សត្ត, នបច្ឆាជាតេ សត្ត…បេ.… នសម្បយុត្តេ ឆ, នវិប្បយុត្តេ បញ្ច, នោអត្ថិយា បញ្ច, នោនត្ថិយា សត្ត, នោវិគតេ សត្ត, នោអវិគតេ បញ្ច។

    262. Nahetuyā satta, naārammaṇe satta, naadhipatiyā satta, naanantare satta, nasamanantare satta, nasahajāte cha, naaññamaññe cha, nanissaye cha, naupanissaye satta, napurejāte satta, napacchājāte satta…pe… nasampayutte cha, navippayutte pañca, noatthiyā pañca, nonatthiyā satta, novigate satta, noavigate pañca.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ២៦៣. ហេតុបច្ចយា នអារម្មណេ ចត្តារិ, នអធិបតិយា ចត្តារិ, នអនន្តរេ នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ…បេ.… នសម្បយុត្តេ ទ្វេ, នវិប្បយុត្តេ ទ្វេ, នោនត្ថិយា ចត្តារិ, នោវិគតេ ចត្តារិ។

    263. Hetupaccayā naārammaṇe cattāri, naadhipatiyā cattāri, naanantare nasamanantare cattāri, naaññamaññe dve, naupanissaye cattāri…pe… nasampayutte dve, navippayutte dve, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ២៦៤. នហេតុបច្ចយា អារម្មណេ ចត្តារិ, អធិបតិយា ចត្តារិ (អនុលោមមាតិកា កាតព្ពា)…បេ.… អវិគតេ សត្ត។

    264. Nahetupaccayā ārammaṇe cattāri, adhipatiyā cattāri (anulomamātikā kātabbā)…pe… avigate satta.

    រូបាវចរទុកំ និដ្ឋិតំ។

    Rūpāvacaradukaṃ niṭṭhitaṃ.

    ៩៥. អរូបាវចរទុកំ

    95. Arūpāvacaradukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ២៦៥. អរូបាវចរំ ធម្មំ បដិច្ច អរូបាវចរោ ធម្មោ ឧប្បជ្ជតិ ហេតុបច្ចយា – អរូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ អរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ ហេតុបច្ចយា – អរូបាវចរេ ខន្ធេ បដិច្ច ចិត្តសមុដ្ឋានំ រូបំ។ អរូបាវចរំ ធម្មំ បដិច្ច អរូបាវចរោ ច នអរូបាវចរោ ច ធម្មា ឧប្បជ្ជន្តិ ហេតុបច្ចយា – អរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    265. Arūpāvacaraṃ dhammaṃ paṭicca arūpāvacaro dhammo uppajjati hetupaccayā – arūpāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Arūpāvacaraṃ dhammaṃ paṭicca naarūpāvacaro dhammo uppajjati hetupaccayā – arūpāvacare khandhe paṭicca cittasamuṭṭhānaṃ rūpaṃ. Arūpāvacaraṃ dhammaṃ paṭicca arūpāvacaro ca naarūpāvacaro ca dhammā uppajjanti hetupaccayā – arūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ២៦៦. នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ ហេតុបច្ចយា – នអរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ …បេ.… ទ្វេ ខន្ធេ…បេ.… បដិសន្ធិក្ខណេ នអរូបាវចរំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (១)

    266. Naarūpāvacaraṃ dhammaṃ paṭicca naarūpāvacaro dhammo uppajjati hetupaccayā – naarūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ …pe… dve khandhe…pe… paṭisandhikkhaṇe naarūpāvacaraṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    អរូបាវចរញ្ច នអរូបាវចរញ្ច ធម្មំ បដិច្ច នអរូបាវចរោ ធម្មោ ឧប្បជ្ជតិ ហេតុបច្ចយា – អរូបាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១) (សំខិត្តំ។)

    Arūpāvacarañca naarūpāvacarañca dhammaṃ paṭicca naarūpāvacaro dhammo uppajjati hetupaccayā – arūpāvacare khandhe ca mahābhūte ca paṭicca cittasamuṭṭhānaṃ rūpaṃ. (1) (Saṃkhittaṃ.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ២៦៧. ហេតុយា បញ្ច, អារម្មណេ ទ្វេ, អធិបតិយា បញ្ច, អនន្តរេ ទ្វេ, សមនន្តរេ ទ្វេ, សហជាតេ បញ្ច, អញ្ញមញ្ញេ ទ្វេ, និស្សយេ បញ្ច, ឧបនិស្សយេ ទ្វេ, បុរេជាតេ ទ្វេ, អាសេវនេ ទ្វេ, កម្មេ បញ្ច, វិបាកេ ទ្វេ, អាហារេ បញ្ច…បេ.… អវិគតេ បញ្ច។

    267. Hetuyā pañca, ārammaṇe dve, adhipatiyā pañca, anantare dve, samanantare dve, sahajāte pañca, aññamaññe dve, nissaye pañca, upanissaye dve, purejāte dve, āsevane dve, kamme pañca, vipāke dve, āhāre pañca…pe… avigate pañca.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុ-នអារម្មណបច្ចយា

    Nahetu-naārammaṇapaccayā

    ២៦៨. នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នហេតុបច្ចយា – អហេតុកំ នអរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ …បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១) នអារម្មណបច្ចយា… តីណិ។

    268. Naarūpāvacaraṃ dhammaṃ paṭicca naarūpāvacaro dhammo uppajjati nahetupaccayā – ahetukaṃ naarūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ …pe… dve khandhe…pe… ahetukapaṭisandhikkhaṇe…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1) Naārammaṇapaccayā… tīṇi.

    នអធិបតិបច្ចយាទិ

    Naadhipatipaccayādi

    ២៦៩. អរូបាវចរំ ធម្មំ បដិច្ច អរូបាវចរោ ធម្មោ ឧប្បជ្ជតិ នអធិបតិបច្ចយា – អរូបាវចរេ ខន្ធេ បដិច្ច អរូបាវចរាធិបតិ, វិបាកំ អរូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    269. Arūpāvacaraṃ dhammaṃ paṭicca arūpāvacaro dhammo uppajjati naadhipatipaccayā – arūpāvacare khandhe paṭicca arūpāvacarādhipati, vipākaṃ arūpāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. (1)

    នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នអធិបតិបច្ចយា – នអរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ …បេ.… បដិសន្ធិក្ខណេ…បេ.… (យាវ អសញ្ញសត្តា)។ (១) នអនន្តរបច្ចយា…បេ.… នឧបនិស្សយបច្ចយា។

    Naarūpāvacaraṃ dhammaṃ paṭicca naarūpāvacaro dhammo uppajjati naadhipatipaccayā – naarūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe …pe… paṭisandhikkhaṇe…pe… (yāva asaññasattā). (1) Naanantarapaccayā…pe… naupanissayapaccayā.

    នបុរេជាតបច្ចយាទិ

    Napurejātapaccayādi

    ២៧០. អរូបាវចរំ ធម្មំ បដិច្ច អរូបាវចរោ ធម្មោ ឧប្បជ្ជតិ នបុរេជាតបច្ចយា – អរូបេ អរូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (មូលំ កាតព្ពំ។) អរូបាវចរេ ខន្ធេ បដិច្ច ចិត្តសមុដ្ឋានំ រូបំ។ (២)

    270. Arūpāvacaraṃ dhammaṃ paṭicca arūpāvacaro dhammo uppajjati napurejātapaccayā – arūpe arūpāvacaraṃ ekaṃ khandhaṃ paṭicca tayo khandhā…pe… dve khandhe…pe…. (Mūlaṃ kātabbaṃ.) Arūpāvacare khandhe paṭicca cittasamuṭṭhānaṃ rūpaṃ. (2)

    នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នបុរេជាតបច្ចយា – អរូបេ នអរូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.… (យាវ អសញ្ញសត្តា)។ (១)

    Naarūpāvacaraṃ dhammaṃ paṭicca naarūpāvacaro dhammo uppajjati napurejātapaccayā – arūpe naarūpāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe… (yāva asaññasattā). (1)

    អរូបាវចរញ្ច នអរូបាវចរញ្ច ធម្មំ បដិច្ច នអរូបាវចរោ ធម្មោ ឧប្បជ្ជតិ នបុរេជាតបច្ចយា – អរូបាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១) នបច្ឆាជាតបច្ចយា…។

    Arūpāvacarañca naarūpāvacarañca dhammaṃ paṭicca naarūpāvacaro dhammo uppajjati napurejātapaccayā – arūpāvacare khandhe ca mahābhūte ca paṭicca cittasamuṭṭhānaṃ rūpaṃ. (1) Napacchājātapaccayā….

    នអាសេវនបច្ចយោ

    Naāsevanapaccayo

    ២៧១. អរូបាវចរំ ធម្មំ បដិច្ច អរូបាវចរោ ធម្មោ ឧប្បជ្ជតិ នអាសេវនបច្ចយា – វិបាកំ អរូបាវចរំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ អរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នអាសេវនបច្ចយា – អរូបាវចរេ ខន្ធេ បដិច្ច ចិត្តសមុដ្ឋានំ រូបំ។ (២)

    271. Arūpāvacaraṃ dhammaṃ paṭicca arūpāvacaro dhammo uppajjati naāsevanapaccayā – vipākaṃ arūpāvacaraṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe…. Arūpāvacaraṃ dhammaṃ paṭicca naarūpāvacaro dhammo uppajjati naāsevanapaccayā – arūpāvacare khandhe paṭicca cittasamuṭṭhānaṃ rūpaṃ. (2)

    នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នអាសេវនបច្ចយា – នអរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… (យាវ អសញ្ញសត្តា)។ (១)

    Naarūpāvacaraṃ dhammaṃ paṭicca naarūpāvacaro dhammo uppajjati naāsevanapaccayā – naarūpāvacaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… (yāva asaññasattā). (1)

    អរូបាវចរញ្ច នអរូបាវចរញ្ច ធម្មំ បដិច្ច នអរូបាវចរោ ធម្មោ ឧប្បជ្ជតិ នអាសេវនបច្ចយា – អរូបាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១) (សំខិត្តំ។)

    Arūpāvacarañca naarūpāvacarañca dhammaṃ paṭicca naarūpāvacaro dhammo uppajjati naāsevanapaccayā – arūpāvacare khandhe ca mahābhūte ca paṭicca cittasamuṭṭhānaṃ rūpaṃ. (1) (Saṃkhittaṃ.)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ២៧២. នហេតុយា ឯកំ, នអារម្មណេ តីណិ, នអធិបតិយា ទ្វេ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ បញ្ច, នអាសេវនេ ចត្តារិ, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    272. Nahetuyā ekaṃ, naārammaṇe tīṇi, naadhipatiyā dve, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte pañca, naāsevane cattāri, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (ឯវំ ឥតរេ ទ្វេ គណនាបិ សហជាតវារោបិ កាតព្ពោ។)

    (Evaṃ itare dve gaṇanāpi sahajātavāropi kātabbo.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ២៧៣. អរូបាវចរំ ធម្មំ បច្ចយា អរូបាវចរោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា)។

    273. Arūpāvacaraṃ dhammaṃ paccayā arūpāvacaro dhammo uppajjati hetupaccayā… tīṇi (paṭiccasadisā).

    នអរូបាវចរំ ធម្មំ បច្ចយា នអរូបាវចរោ ធម្មោ ឧប្បជ្ជតិ ហេតុបច្ចយា – នអរូបាវចរំ ឯកំ ខន្ធំ…បេ.… (យាវ អជ្ឈត្តិកា មហាភូតា) វត្ថុំ បច្ចយា នអរូបាវចរា ខន្ធា។ នអរូបាវចរំ ធម្មំ បច្ចយា អរូបាវចរោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា អរូបាវចរា ខន្ធា។ នអរូបាវចរំ ធម្មំ បច្ចយា អរូបាវចរោ ច នអរូបាវចរោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា អរូបាវចរា ខន្ធា, មហាភូតេ បច្ចយា ចិត្តសមុដ្ឋានំ រូបំ។ (៣)

    Naarūpāvacaraṃ dhammaṃ paccayā naarūpāvacaro dhammo uppajjati hetupaccayā – naarūpāvacaraṃ ekaṃ khandhaṃ…pe… (yāva ajjhattikā mahābhūtā) vatthuṃ paccayā naarūpāvacarā khandhā. Naarūpāvacaraṃ dhammaṃ paccayā arūpāvacaro dhammo uppajjati hetupaccayā – vatthuṃ paccayā arūpāvacarā khandhā. Naarūpāvacaraṃ dhammaṃ paccayā arūpāvacaro ca naarūpāvacaro ca dhammā uppajjanti hetupaccayā – vatthuṃ paccayā arūpāvacarā khandhā, mahābhūte paccayā cittasamuṭṭhānaṃ rūpaṃ. (3)

    ២៧៤. អរូបាវចរញ្ច នអរូបាវចរញ្ច ធម្មំ បច្ចយា អរូបាវចរោ ធម្មោ ឧប្បជ្ជតិ ហេតុបច្ចយា – អរូបាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ អរូបាវចរញ្ច នអរូបាវចរញ្ច ធម្មំ បច្ចយា នអរូបាវចរោ ធម្មោ ឧប្បជ្ជតិ ហេតុបច្ចយា – អរូបាវចរេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ អរូបាវចរញ្ច នអរូបាវចរញ្ច ធម្មំ បច្ចយា អរូបាវចរោ ច នអរូបាវចរោ ច ធម្មា ឧប្បជ្ជន្តិ ហេតុបច្ចយា – អរូបាវចរំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… អរូបាវចរេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (៣)

    274. Arūpāvacarañca naarūpāvacarañca dhammaṃ paccayā arūpāvacaro dhammo uppajjati hetupaccayā – arūpāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe…. Arūpāvacarañca naarūpāvacarañca dhammaṃ paccayā naarūpāvacaro dhammo uppajjati hetupaccayā – arūpāvacare khandhe ca mahābhūte ca paccayā cittasamuṭṭhānaṃ rūpaṃ. Arūpāvacarañca naarūpāvacarañca dhammaṃ paccayā arūpāvacaro ca naarūpāvacaro ca dhammā uppajjanti hetupaccayā – arūpāvacaraṃ ekaṃ khandhañca vatthuñca paccayā tayo khandhā…pe… dve khandhe ca…pe… arūpāvacare khandhe ca mahābhūte ca paccayā cittasamuṭṭhānaṃ rūpaṃ. (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ២៧៥. ហេតុយា នវ, អារម្មណេ ចត្តារិ, អធិបតិយា នវ, អនន្តរេ ចត្តារិ, សមនន្តរេ ចត្តារិ, សហជាតេ នវ, អញ្ញមញ្ញេ ចត្តារិ, និស្សយេ នវ, ឧបនិស្សយេ ចត្តារិ, បុរេជាតេ ចត្តារិ, អាសេវនេ ចត្តារិ, កម្មេ នវ, វិបាកេ ទ្វេ…បេ.… អវិគតេ នវ។

    275. Hetuyā nava, ārammaṇe cattāri, adhipatiyā nava, anantare cattāri, samanantare cattāri, sahajāte nava, aññamaññe cattāri, nissaye nava, upanissaye cattāri, purejāte cattāri, āsevane cattāri, kamme nava, vipāke dve…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយាទិ

    Nahetupaccayādi

    ២៧៦. នអរូបាវចរំ ធម្មំ បច្ចយា នអរូបាវចរោ ធម្មោ ឧប្បជ្ជតិ នហេតុបច្ចយា – អហេតុកំ នអរូបាវចរំ ឯកំ ខន្ធំ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នអរូបាវចរា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១) នអារម្មណបច្ចយា… តីណិ។

    276. Naarūpāvacaraṃ dhammaṃ paccayā naarūpāvacaro dhammo uppajjati nahetupaccayā – ahetukaṃ naarūpāvacaraṃ ekaṃ khandhaṃ…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā naarūpāvacarā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1) Naārammaṇapaccayā… tīṇi.

    អរូបាវចរំ ធម្មំ បច្ចយា អរូបាវចរោ ធម្មោ ឧប្បជ្ជតិ នអធិបតិបច្ចយា – អរូបាវចរេ ខន្ធេ បច្ចយា អរូបាវចរាធិបតិ, វិបាកំ អរូបាវចរំ ឯកំ ខន្ធំ…បេ.… បដិសន្ធិក្ខណេ…បេ.…។ (១)

    Arūpāvacaraṃ dhammaṃ paccayā arūpāvacaro dhammo uppajjati naadhipatipaccayā – arūpāvacare khandhe paccayā arūpāvacarādhipati, vipākaṃ arūpāvacaraṃ ekaṃ khandhaṃ…pe… paṭisandhikkhaṇe…pe…. (1)

    នអរូបាវចរំ ធម្មំ បច្ចយា នអរូបាវចរោ ធម្មោ ឧប្បជ្ជតិ នអធិបតិបច្ចយា – នអរូបាវចរំ ឯកំ ខន្ធំ…បេ.… បដិសន្ធិក្ខណេ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា នអរូបាវចរា ខន្ធា។ (១)

    Naarūpāvacaraṃ dhammaṃ paccayā naarūpāvacaro dhammo uppajjati naadhipatipaccayā – naarūpāvacaraṃ ekaṃ khandhaṃ…pe… paṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā naarūpāvacarā khandhā. (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ២៧៧. នហេតុយា ឯកំ, នអារម្មណេ តីណិ, នអធិបតិយា ចត្តារិ, នអនន្តរេ តីណិ, នសមនន្តរេ នអញ្ញមញ្ញេ នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ នវ, នអាសេវនេ ចត្តារិ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    277. Nahetuyā ekaṃ, naārammaṇe tīṇi, naadhipatiyā cattāri, naanantare tīṇi, nasamanantare naaññamaññe naupanissaye tīṇi, napurejāte cattāri, napacchājāte nava, naāsevane cattāri, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ២៧៨. អរូបាវចរំ ធម្មំ សំសដ្ឋោ អរូបាវចរោ ធម្មោ ឧប្បជ្ជតិ ហេតុបច្ចយា – អរូបាវចរំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    278. Arūpāvacaraṃ dhammaṃ saṃsaṭṭho arūpāvacaro dhammo uppajjati hetupaccayā – arūpāvacaraṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    នអរូបាវចរំ ធម្មំ សំសដ្ឋោ នអរូបាវចរោ ធម្មោ ឧប្បជ្ជតិ ហេតុបច្ចយា – នអរូបាវចរំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Naarūpāvacaraṃ dhammaṃ saṃsaṭṭho naarūpāvacaro dhammo uppajjati hetupaccayā – naarūpāvacaraṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    ហេតុយា ទ្វេ…បេ.… អវិគតេ ទ្វេ (អនុលោមំ)។

    Hetuyā dve…pe… avigate dve (anulomaṃ).

    នហេតុយា ឯកំ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នឈានេ ឯកំ, នមគ្គេ ឯកំ, នវិប្បយុត្តេ ទ្វេ (បច្ចនីយំ)។

    Nahetuyā ekaṃ, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, najhāne ekaṃ, namagge ekaṃ, navippayutte dve (paccanīyaṃ).

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ២៧៩. អរូបាវចរោ ធម្មោ អរូបាវចរស្ស ធម្មស្ស ហេតុបច្ចយេន បច្ចយោ – អរូបាវចរា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (មូលំ កាតព្ពំ។) អរូបាវចរា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ។ (មូលំ កាតព្ពំ ។) អរូបាវចរា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    279. Arūpāvacaro dhammo arūpāvacarassa dhammassa hetupaccayena paccayo – arūpāvacarā hetū sampayuttakānaṃ khandhānaṃ hetupaccayena paccayo; paṭisandhikkhaṇe…pe…. (Mūlaṃ kātabbaṃ.) Arūpāvacarā hetū cittasamuṭṭhānānaṃ rūpānaṃ hetupaccayena paccayo. (Mūlaṃ kātabbaṃ .) Arūpāvacarā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    នអរូបាវចរោ ធម្មោ នអរូបាវចរស្ស ធម្មស្ស ហេតុបច្ចយេន បច្ចយោ – នអរូបាវចរា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    Naarūpāvacaro dhammo naarūpāvacarassa dhammassa hetupaccayena paccayo – naarūpāvacarā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    អារម្មណបច្ចយោ

    Ārammaṇapaccayo

    ២៨០. អរូបាវចរោ ធម្មោ អរូបាវចរស្ស ធម្មស្ស អារម្មណបច្ចយេន បច្ចយោ – អាកាសានញ្ចាយតនំ វិញ្ញាណញ្ចាយតនស្ស អារម្មណបច្ចយេន បច្ចយោ; អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ។ អរូបាវចរោ ធម្មោ នអរូបាវចរស្ស ធម្មស្ស អារម្មណបច្ចយេន បច្ចយោ – អាកាសានញ្ចាយតនំ បច្ចវេក្ខតិ, វិញ្ញាណញ្ចាយតនំ…បេ.… អាកិញ្ចញ្ញាយតនំ…បេ.… នេវសញ្ញានាសញ្ញាយតនំ បច្ចវេក្ខតិ, អរូបាវចរេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ; ចេតោបរិយញាណេន អរូបាវចរចិត្តសមង្គិស្ស ចិត្តំ ជានាតិ, អរូបាវចរា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (២)

    280. Arūpāvacaro dhammo arūpāvacarassa dhammassa ārammaṇapaccayena paccayo – ākāsānañcāyatanaṃ viññāṇañcāyatanassa ārammaṇapaccayena paccayo; ākiñcaññāyatanaṃ nevasaññānāsaññāyatanassa ārammaṇapaccayena paccayo. Arūpāvacaro dhammo naarūpāvacarassa dhammassa ārammaṇapaccayena paccayo – ākāsānañcāyatanaṃ paccavekkhati, viññāṇañcāyatanaṃ…pe… ākiñcaññāyatanaṃ…pe… nevasaññānāsaññāyatanaṃ paccavekkhati, arūpāvacare khandhe aniccato…pe… domanassaṃ uppajjati; cetopariyañāṇena arūpāvacaracittasamaṅgissa cittaṃ jānāti, arūpāvacarā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)

    នអរូបាវចរោ ធម្មោ នអរូបាវចរស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ…បេ.… ទោមនស្សំ ឧប្បជ្ជតិ; បុព្ពេ សុចិណ្ណានិ…បេ.… ឈានា…បេ.… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ , និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ.… បុព្ពេ…បេ.… ចក្ខុំ…បេ.… វត្ថុំ នអរូបាវចរេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន នអរូបាវចរចិត្តសមង្គិស្ស ចិត្តំ ជានាតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… នអរូបាវចរា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    Naarūpāvacaro dhammo naarūpāvacarassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati assādeti abhinandati, taṃ ārabbha rāgo…pe… domanassaṃ uppajjati; pubbe suciṇṇāni…pe… jhānā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti , nibbānaṃ paccavekkhanti, nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā pahīne kilese paccavekkhanti, vikkhambhite kilese…pe… pubbe…pe… cakkhuṃ…pe… vatthuṃ naarūpāvacare khandhe aniccato…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena naarūpāvacaracittasamaṅgissa cittaṃ jānāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… naarūpāvacarā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    អធិបតិបច្ចយោ

    Adhipatipaccayo

    ២៨១. អរូបាវចរោ ធម្មោ អរូបាវចរស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – អរូបាវចរាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ អរូបាវចរោ ធម្មោ នអរូបាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អាកាសានញ្ចាយតនំ គរុំ កត្វា បច្ចវេក្ខតិ…បេ.… នេវសញ្ញានាសញ្ញាយតនំ គរុំ កត្វា បច្ចវេក្ខតិ, អរូបាវចរេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – អរូបាវចរាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (មូលំ កាតព្ពំ។) អរូបាវចរាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    281. Arūpāvacaro dhammo arūpāvacarassa dhammassa adhipatipaccayena paccayo. Sahajātādhipati – arūpāvacarādhipati sampayuttakānaṃ khandhānaṃ adhipatipaccayena paccayo. Arūpāvacaro dhammo naarūpāvacarassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ākāsānañcāyatanaṃ garuṃ katvā paccavekkhati…pe… nevasaññānāsaññāyatanaṃ garuṃ katvā paccavekkhati, arūpāvacare khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – arūpāvacarādhipati cittasamuṭṭhānānaṃ rūpānaṃ adhipatipaccayena paccayo. (Mūlaṃ kātabbaṃ.) Arūpāvacarādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ២៨២. នអរូបាវចរោ ធម្មោ នអរូបាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; បុព្ពេ សុចិណ្ណានិ…បេ.… ឈានា…បេ.… អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ…បេ.… និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ នអរូបាវចរេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នអរូបាវចរាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    282. Naarūpāvacaro dhammo naarūpāvacarassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā paccavekkhati assādeti abhinandati, taṃ garuṃ katvā rāgo uppajjati, diṭṭhi uppajjati; pubbe suciṇṇāni…pe… jhānā…pe… ariyā maggā vuṭṭhahitvā maggaṃ garuṃ katvā paccavekkhanti, phalaṃ…pe… nibbānaṃ garuṃ katvā paccavekkhanti, nibbānaṃ gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ naarūpāvacare khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – naarūpāvacarādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    អនន្តរបច្ចយាទិ

    Anantarapaccayādi

    ២៨៣. អរូបាវចរោ ធម្មោ អរូបាវចរស្ស ធម្មស្ស អនន្តរបច្ចយេន បច្ចយោ – បុរិមា បុរិមា អរូបាវចរា ខន្ធា បច្ឆិមានំ បច្ឆិមានំ អរូបាវចរានំ ខន្ធានំ អនន្តរបច្ចយេន បច្ចយោ។ អរូបាវចរោ ធម្មោ នអរូបាវចរស្ស ធម្មស្ស អនន្តរបច្ចយេន បច្ចយោ – អរូបាវចរំ ចុតិចិត្តំ នអរូបាវចរស្ស ឧបបត្តិចិត្តស្ស, អរូបាវចរំ ភវង្គំ អាវជ្ជនាយ, អរូបាវចរា ខន្ធា នអរូបាវចរស្ស វុដ្ឋានស្ស, និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ។ (២)

    283. Arūpāvacaro dhammo arūpāvacarassa dhammassa anantarapaccayena paccayo – purimā purimā arūpāvacarā khandhā pacchimānaṃ pacchimānaṃ arūpāvacarānaṃ khandhānaṃ anantarapaccayena paccayo. Arūpāvacaro dhammo naarūpāvacarassa dhammassa anantarapaccayena paccayo – arūpāvacaraṃ cuticittaṃ naarūpāvacarassa upapatticittassa, arūpāvacaraṃ bhavaṅgaṃ āvajjanāya, arūpāvacarā khandhā naarūpāvacarassa vuṭṭhānassa, nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (2)

    ២៨៤. នអរូបាវចរោ ធម្មោ នអរូបាវចរស្ស ធម្មស្ស អនន្តរបច្ចយេន បច្ចយោ – បុរិមា បុរិមា នអរូបាវចរា ខន្ធា បច្ឆិមានំ បច្ឆិមានំ នអរូបាវចរានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ.… អនុលោមំ ផលសមាបត្តិយា អនន្តរបច្ចយេន បច្ចយោ។ នអរូបាវចរោ ធម្មោ អរូបាវចរស្ស ធម្មស្ស អនន្តរបច្ចយេន បច្ចយោ – នអរូបាវចរំ ចុតិចិត្តំ អរូបាវចរស្ស ឧបបត្តិចិត្តស្ស អនន្តរបច្ចយេន បច្ចយោ; នអរូបាវចរា ខន្ធា អរូបាវចរស្ស វុដ្ឋានស្ស អនន្តរបច្ចយេន បច្ចយោ; អាកាសានញ្ចាយតនស្ស បរិកម្មំ អាកាសានញ្ចាយតនស្ស អនន្តរបច្ចយេន បច្ចយោ; វិញ្ញាណញ្ចាយតនស្ស…បេ.… អាកិញ្ចញ្ញាយតនស្ស…បេ.… នេវសញ្ញានាសញ្ញាយតនស្ស បរិកម្មំ នេវសញ្ញានាសញ្ញាយតនស្ស អនន្តរបច្ចយេន បច្ចយោ។ (២)

    284. Naarūpāvacaro dhammo naarūpāvacarassa dhammassa anantarapaccayena paccayo – purimā purimā naarūpāvacarā khandhā pacchimānaṃ pacchimānaṃ naarūpāvacarānaṃ khandhānaṃ anantarapaccayena paccayo; anulomaṃ gotrabhussa…pe… anulomaṃ phalasamāpattiyā anantarapaccayena paccayo. Naarūpāvacaro dhammo arūpāvacarassa dhammassa anantarapaccayena paccayo – naarūpāvacaraṃ cuticittaṃ arūpāvacarassa upapatticittassa anantarapaccayena paccayo; naarūpāvacarā khandhā arūpāvacarassa vuṭṭhānassa anantarapaccayena paccayo; ākāsānañcāyatanassa parikammaṃ ākāsānañcāyatanassa anantarapaccayena paccayo; viññāṇañcāyatanassa…pe… ākiñcaññāyatanassa…pe… nevasaññānāsaññāyatanassa parikammaṃ nevasaññānāsaññāyatanassa anantarapaccayena paccayo. (2)

    សមនន្តរបច្ចយេន បច្ចយោ… សហជាតបច្ចយេន បច្ចយោ… បញ្ច… អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ… សត្ត។

    Samanantarapaccayena paccayo… sahajātapaccayena paccayo… pañca… aññamaññapaccayena paccayo… dve… nissayapaccayena paccayo… satta.

    ឧបនិស្សយបច្ចយោ

    Upanissayapaccayo

    ២៨៥. អរូបាវចរោ ធម្មោ អរូបាវចរស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អាកាសានញ្ចាយតនំ វិញ្ញាណញ្ចាយតនស្ស ឧបនិស្សយបច្ចយេន បច្ចយោ; វិញ្ញាណញ្ចាយតនំ អាកិញ្ចញ្ញាយតនស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស ឧបនិស្សយបច្ចយេន បច្ចយោ។ អរូបាវចរោ ធម្មោ នអរូបាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អរូបាវចរំ សទ្ធំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ ករោតិ , នអរូបាវចរំ ឈានំ ឧប្បាទេតិ, វិបស្សនំ…បេ.… មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; អរូបាវចរំ សីលំ…បេ.… បញ្ញំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ… មានំ ជប្បេតិ… ទិដ្ឋិំ គណ្ហាតិ; អរូបាវចរា សទ្ធា…បេ.… បញ្ញា នអរូបាវចរាយ សទ្ធាយ…បេ.… បញ្ញាយ… រាគស្ស…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស ផលសមាបត្តិយា ឧបនិស្សយបច្ចយេន បច្ចយោ។ (២)

    285. Arūpāvacaro dhammo arūpāvacarassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – ākāsānañcāyatanaṃ viññāṇañcāyatanassa upanissayapaccayena paccayo; viññāṇañcāyatanaṃ ākiñcaññāyatanassa…pe… ākiñcaññāyatanaṃ nevasaññānāsaññāyatanassa upanissayapaccayena paccayo. Arūpāvacaro dhammo naarūpāvacarassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – arūpāvacaraṃ saddhaṃ upanissāya dānaṃ deti, sīlaṃ…pe… uposathakammaṃ karoti , naarūpāvacaraṃ jhānaṃ uppādeti, vipassanaṃ…pe… maggaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti; arūpāvacaraṃ sīlaṃ…pe… paññaṃ upanissāya dānaṃ deti…pe… samāpattiṃ uppādeti… mānaṃ jappeti… diṭṭhiṃ gaṇhāti; arūpāvacarā saddhā…pe… paññā naarūpāvacarāya saddhāya…pe… paññāya… rāgassa…pe… patthanāya… kāyikassa sukhassa… kāyikassa dukkhassa… maggassa phalasamāpattiyā upanissayapaccayena paccayo. (2)

    ២៨៦. នអរូបាវចរោ ធម្មោ នអរូបាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នអរូបាវចរំ សទ្ធំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ ករោតិ, នអរូបាវចរំ ឈានំ ឧប្បាទេតិ, វិបស្សនំ…បេ.… មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ, មានំ ជប្បេតិ… ទិដ្ឋិំ គណ្ហាតិ; នអរូបាវចរំ សីលំ…បេ.… បញ្ញំ…បេ.… រាគំ…បេ.… បត្ថនំ…បេ.… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ… បាណំ ហនតិ…បេ.… សង្ឃំ ភិន្ទតិ; នអរូបាវចរា សទ្ធា…បេ.… សេនាសនំ នអរូបាវចរាយ សទ្ធាយ…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (១)

    286. Naarūpāvacaro dhammo naarūpāvacarassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – naarūpāvacaraṃ saddhaṃ upanissāya dānaṃ deti, sīlaṃ…pe… uposathakammaṃ karoti, naarūpāvacaraṃ jhānaṃ uppādeti, vipassanaṃ…pe… maggaṃ…pe… abhiññaṃ…pe… samāpattiṃ uppādeti, mānaṃ jappeti… diṭṭhiṃ gaṇhāti; naarūpāvacaraṃ sīlaṃ…pe… paññaṃ…pe… rāgaṃ…pe… patthanaṃ…pe… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti… pāṇaṃ hanati…pe… saṅghaṃ bhindati; naarūpāvacarā saddhā…pe… senāsanaṃ naarūpāvacarāya saddhāya…pe… patthanāya… kāyikassa sukhassa… kāyikassa dukkhassa, maggassa, phalasamāpattiyā upanissayapaccayena paccayo. (1)

    នអរូបាវចរោ ធម្មោ អរូបាវចរស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អាកាសានញ្ចាយតនស្ស បរិកម្មំ អាកាសានញ្ចាយតនស្ស ឧបនិស្សយបច្ចយេន បច្ចយោ…បេ.… នេវសញ្ញានាសញ្ញាយតនស្ស បរិកម្មំ នេវសញ្ញានាសញ្ញាយតនស្ស ឧបនិស្សយបច្ចយេន បច្ចយោ។ (២)

    Naarūpāvacaro dhammo arūpāvacarassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – ākāsānañcāyatanassa parikammaṃ ākāsānañcāyatanassa upanissayapaccayena paccayo…pe… nevasaññānāsaññāyatanassa parikammaṃ nevasaññānāsaññāyatanassa upanissayapaccayena paccayo. (2)

    បុរេជាតបច្ចយាទិ

    Purejātapaccayādi

    ២៨៧. នអរូបាវចរោ ធម្មោ នអរូបាវចរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ នអរូបាវចរានំ ខន្ធានំ បុរេជាតបច្ចយេន បច្ចយោ។ នអរូបាវចរោ ធម្មោ អរូបាវចរស្ស ធម្មស្ស បុរេជាតបច្ចយេន បច្ចយោ។ វត្ថុបុរេជាតំ – វត្ថុ អរូបាវចរានំ ខន្ធានំ បុរេជាតបច្ចយេន បច្ចយោ។ (២)

    287. Naarūpāvacaro dhammo naarūpāvacarassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu naarūpāvacarānaṃ khandhānaṃ purejātapaccayena paccayo. Naarūpāvacaro dhammo arūpāvacarassa dhammassa purejātapaccayena paccayo. Vatthupurejātaṃ – vatthu arūpāvacarānaṃ khandhānaṃ purejātapaccayena paccayo. (2)

    បច្ឆាជាតបច្ចយេន បច្ចយោ… ទ្វេ… អាសេវនបច្ចយេន បច្ចយោ… តីណិ។

    Pacchājātapaccayena paccayo… dve… āsevanapaccayena paccayo… tīṇi.

    កម្មបច្ចយោ

    Kammapaccayo

    ២៨៨. អរូបាវចរោ ធម្មោ អរូបាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា…បេ.…។ អរូបាវចរោ ធម្មោ នអរូបាវចរស្ស ធម្មស្ស កម្មបច្ចយេន បច្ចយោ – អរូបាវចរា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ ។ (មូលំ កាតព្ពំ។) អរូបាវចរា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    288. Arūpāvacaro dhammo arūpāvacarassa dhammassa kammapaccayena paccayo – sahajātā, nānākkhaṇikā…pe…. Arūpāvacaro dhammo naarūpāvacarassa dhammassa kammapaccayena paccayo – arūpāvacarā cetanā cittasamuṭṭhānānaṃ rūpānaṃ kammapaccayena paccayo . (Mūlaṃ kātabbaṃ.) Arūpāvacarā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    នអរូបាវចរោ ធម្មោ នអរូបាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នអរូបាវចរា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ (សំខិត្តំ)។ (១)

    Naarūpāvacaro dhammo naarūpāvacarassa dhammassa kammapaccayena paccayo – sahajātā, nānākkhaṇikā. Sahajātā – naarūpāvacarā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo (saṃkhittaṃ). (1)

    វិបាកបច្ចយាទិ

    Vipākapaccayādi

    ២៨៩. អរូបាវចរោ ធម្មោ អរូបាវចរស្ស ធម្មស្ស វិបាកបច្ចយេន បច្ចយោ (សំខិត្តំ)។

    289. Arūpāvacaro dhammo arūpāvacarassa dhammassa vipākapaccayena paccayo (saṃkhittaṃ).

    នអរូបាវចរោ ធម្មោ នអរូបាវចរស្ស ធម្មស្ស វិបាកបច្ចយេន បច្ចយោ (សំខិត្តំ)… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ទ្វេ។

    Naarūpāvacaro dhammo naarūpāvacarassa dhammassa vipākapaccayena paccayo (saṃkhittaṃ)… āhārapaccayena paccayo… cattāri… indriyapaccayena paccayo… cattāri… jhānapaccayena paccayo… cattāri… maggapaccayena paccayo… cattāri… sampayuttapaccayena paccayo… dve.

    វិប្បយុត្តបច្ចយោ

    Vippayuttapaccayo

    ២៩០. អរូបាវចរោ ធម្មោ នអរូបាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ (១)

    290. Arūpāvacaro dhammo naarūpāvacarassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    នអរូបាវចរោ ធម្មោ នអរូបាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ)។ នអរូបាវចរោ ធម្មោ អរូបាវចរស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ អរូបាវចរានំ ខន្ធានំ វិប្បយុត្តបច្ចយេន បច្ចយោ។ (២)

    Naarūpāvacaro dhammo naarūpāvacarassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). Naarūpāvacaro dhammo arūpāvacarassa dhammassa vippayuttapaccayena paccayo. Purejātaṃ – vatthu arūpāvacarānaṃ khandhānaṃ vippayuttapaccayena paccayo. (2)

    អត្ថិបច្ចយាទិ

    Atthipaccayādi

    ២៩១. អរូបាវចរោ ធម្មោ អរូបាវចរស្ស ធម្មស្ស អត្ថិបច្ចយេន បច្ចយោ – សហជាតំ…បេ.…។ អរូបាវចរោ ធម្មោ នអរូបាវចរស្ស ធម្មស្ស អត្ថិបច្ចយេន បច្ចយោ – សហជាតំ , បច្ឆាជាតំ…បេ.…។ អរូបាវចរោ ធម្មោ អរូបាវចរស្ស ច នអរូបាវចរស្ស ច ធម្មស្ស អត្ថិបច្ចយេន បច្ចយោ – សហជាតំ (សំខិត្តំ)។ (៣)

    291. Arūpāvacaro dhammo arūpāvacarassa dhammassa atthipaccayena paccayo – sahajātaṃ…pe…. Arūpāvacaro dhammo naarūpāvacarassa dhammassa atthipaccayena paccayo – sahajātaṃ , pacchājātaṃ…pe…. Arūpāvacaro dhammo arūpāvacarassa ca naarūpāvacarassa ca dhammassa atthipaccayena paccayo – sahajātaṃ (saṃkhittaṃ). (3)

    នអរូបាវចរោ ធម្មោ នអរូបាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ នអរូបាវចរោ ធម្មោ អរូបាវចរស្ស ធម្មស្ស អត្ថិបច្ចយេន បច្ចយោ។ បុរេជាតំ – វត្ថុ អរូបាវចរានំ ខន្ធានំ អត្ថិបច្ចយេន បច្ចយោ។ (២)

    Naarūpāvacaro dhammo naarūpāvacarassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). Naarūpāvacaro dhammo arūpāvacarassa dhammassa atthipaccayena paccayo. Purejātaṃ – vatthu arūpāvacarānaṃ khandhānaṃ atthipaccayena paccayo. (2)

    ២៩២. អរូបាវចរោ ច នអរូបាវចរោ ច ធម្មា អរូបាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – អរូបាវចរោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ អរូបាវចរោ ច នអរូបាវចរោ ច ធម្មា នអរូបាវចរស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – អរូបាវចរា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – អរូបាវចរា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – អរូបាវចរា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    292. Arūpāvacaro ca naarūpāvacaro ca dhammā arūpāvacarassa dhammassa atthipaccayena paccayo – sahajātaṃ, purejātaṃ. Sahajāto – arūpāvacaro eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe…. Arūpāvacaro ca naarūpāvacaro ca dhammā naarūpāvacarassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – arūpāvacarā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – arūpāvacarā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – arūpāvacarā khandhā ca rūpajīvitindriyañca kaṭattārūpānaṃ atthipaccayena paccayo. (2)

    នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។

    Natthipaccayena paccayo… vigatapaccayena paccayo… avigatapaccayena paccayo.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ២៩៣. ហេតុយា ចត្តារិ, អារម្មណេ តីណិ, អធិបតិយា ចត្តារិ, អនន្តរេ ចត្តារិ, សមនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ តីណិ, កម្មេ ចត្តារិ, វិបាកេ ទ្វេ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ , សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ, វិគតេ ចត្តារិ, អវិគតេ សត្ត។

    293. Hetuyā cattāri, ārammaṇe tīṇi, adhipatiyā cattāri, anantare cattāri, samanantare cattāri, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane tīṇi, kamme cattāri, vipāke dve, āhāre cattāri, indriye cattāri, jhāne cattāri, magge cattāri , sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta.

    បច្ចនីយុទ្ធារោ

    Paccanīyuddhāro

    ២៩៤. អរូបាវចរោ ធម្មោ អរូបាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ អរូបាវចរោ ធម្មោ នអរូបាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ អរូបាវចរោ ធម្មោ អរូបាវចរស្ស ច នអរូបាវចរស្ស ច ធម្មស្ស សហជាតបច្ចយេន បច្ចយោ។ (៣)

    294. Arūpāvacaro dhammo arūpāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. Arūpāvacaro dhammo naarūpāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. Arūpāvacaro dhammo arūpāvacarassa ca naarūpāvacarassa ca dhammassa sahajātapaccayena paccayo. (3)

    ២៩៥. នអរូបាវចរោ ធម្មោ នអរូបាវចរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ នអរូបាវចរោ ធម្មោ អរូបាវចរស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    295. Naarūpāvacaro dhammo naarūpāvacarassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. Naarūpāvacaro dhammo arūpāvacarassa dhammassa upanissayapaccayena paccayo… purejātapaccayena paccayo. (2)

    អរូបាវចរោ ច នអរូបាវចរោ ច ធម្មា អរូបាវចរស្ស ធម្មស្ស សហជាតំ, បុរេជាតំ។ អរូបាវចរោ ច នអរូបាវចរោ ច ធម្មា នអរូបាវចរស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (២)

    Arūpāvacaro ca naarūpāvacaro ca dhammā arūpāvacarassa dhammassa sahajātaṃ, purejātaṃ. Arūpāvacaro ca naarūpāvacaro ca dhammā naarūpāvacarassa dhammassa sahajātaṃ, pacchājātaṃ, āhāraṃ, indriyaṃ. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ២៩៦. នហេតុយា សត្ត, នអារម្មណេ សត្ត, នអធិបតិយា សត្ត , នអនន្តរេ សត្ត, នសមនន្តរេ សត្ត, នសហជាតេ បញ្ច, នអញ្ញមញ្ញេ បញ្ច, ននិស្សយេ បញ្ច, នឧបនិស្សយេ សត្ត, នបុរេជាតេ ឆ, នបច្ឆាជាតេ សត្ត…បេ.… នសម្បយុត្តេ បញ្ច, នវិប្បយុត្តេ ចត្តារិ, នោអត្ថិយា ចត្តារិ, នោនត្ថិយា សត្ត, នោវិគតេ សត្ត, នោអវិគតេ ចត្តារិ។

    296. Nahetuyā satta, naārammaṇe satta, naadhipatiyā satta , naanantare satta, nasamanantare satta, nasahajāte pañca, naaññamaññe pañca, nanissaye pañca, naupanissaye satta, napurejāte cha, napacchājāte satta…pe… nasampayutte pañca, navippayutte cattāri, noatthiyā cattāri, nonatthiyā satta, novigate satta, noavigate cattāri.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ២៩៧. ហេតុបច្ចយា នអារម្មណេ ចត្តារិ, នអធិបតិយា ចត្តារិ, នអនន្តរេ នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ…បេ.… នសម្បយុត្តេ ទ្វេ, នវិប្បយុត្តេ ទ្វេ, នោនត្ថិយា ចត្តារិ, នោវិគតេ ចត្តារិ។

    297. Hetupaccayā naārammaṇe cattāri, naadhipatiyā cattāri, naanantare nasamanantare cattāri, naaññamaññe dve, naupanissaye cattāri…pe… nasampayutte dve, navippayutte dve, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ២៩៨. នហេតុបច្ចយា អារម្មណេ តីណិ, អធិបតិយា ចត្តារិ (អនុលោមមាតិកា កាតព្ពា)…បេ.… អវិគតេ សត្ត។

    298. Nahetupaccayā ārammaṇe tīṇi, adhipatiyā cattāri (anulomamātikā kātabbā)…pe… avigate satta.

    អរូបាវចរទុកំ និដ្ឋិតំ។

    Arūpāvacaradukaṃ niṭṭhitaṃ.

    ៩៦. បរិយាបន្នទុកំ

    96. Pariyāpannadukaṃ

    ១-៧. បដិច្ចវារាទិ

    1-7. Paṭiccavārādi

    ២៩៩. បរិយាបន្នំ ធម្មំ បដិច្ច បរិយាបន្នោ ធម្មោ ឧប្បជ្ជតិ ហេតុបច្ចយា – បរិយាបន្នំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (យថា ចូឡន្តរទុកេ លោកិយទុកំ។ ឯវំ ឥមម្បិ ទុកំ កាតព្ពំ, និន្នានាករណំ។)

    299. Pariyāpannaṃ dhammaṃ paṭicca pariyāpanno dhammo uppajjati hetupaccayā – pariyāpannaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (Yathā cūḷantaraduke lokiyadukaṃ. Evaṃ imampi dukaṃ kātabbaṃ, ninnānākaraṇaṃ.)

    បរិយាបន្នទុកំ និដ្ឋិតំ។

    Pariyāpannadukaṃ niṭṭhitaṃ.

    ៩៧. និយ្យានិកទុកំ

    97. Niyyānikadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ៣០០. និយ្យានិកំ ធម្មំ បដិច្ច និយ្យានិកោ ធម្មោ ឧប្បជ្ជតិ ហេតុបច្ចយា – និយ្យានិកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ និយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ ហេតុបច្ចយា – និយ្យានិកេ ខន្ធេ បដិច្ច ចិត្តសមុដ្ឋានំ រូបំ។ និយ្យានិកំ ធម្មំ បដិច្ច និយ្យានិកោ ច អនិយ្យានិកោ ច ធម្មា ឧប្បជ្ជន្តិ ហេតុបច្ចយា – និយ្យានិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    300. Niyyānikaṃ dhammaṃ paṭicca niyyāniko dhammo uppajjati hetupaccayā – niyyānikaṃ ekaṃ khandhaṃ paṭicca tayo khandhā…pe… dve khandhe…pe…. Niyyānikaṃ dhammaṃ paṭicca aniyyāniko dhammo uppajjati hetupaccayā – niyyānike khandhe paṭicca cittasamuṭṭhānaṃ rūpaṃ. Niyyānikaṃ dhammaṃ paṭicca niyyāniko ca aniyyāniko ca dhammā uppajjanti hetupaccayā – niyyānikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    អនិយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ ហេតុបច្ចយា – អនិយ្យានិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (១)

    Aniyyānikaṃ dhammaṃ paṭicca aniyyāniko dhammo uppajjati hetupaccayā – aniyyānikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    និយ្យានិកញ្ច អនិយ្យានិកញ្ច ធម្មំ បដិច្ច អនិយ្យានិកោ ធម្មោ ឧប្បជ្ជតិ ហេតុបច្ចយា – និយ្យានិកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Niyyānikañca aniyyānikañca dhammaṃ paṭicca aniyyāniko dhammo uppajjati hetupaccayā – niyyānike khandhe ca mahābhūte ca paṭicca cittasamuṭṭhānaṃ rūpaṃ. (1)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៣០១. ហេតុយា បញ្ច, អារម្មណេ ទ្វេ, អធិបតិយា បញ្ច, អនន្តរេ សមនន្តរេ ទ្វេ, សហជាតេ បញ្ច, អញ្ញមញ្ញេ ទ្វេ, និស្សយេ បញ្ច, ឧបនិស្សយេ ទ្វេ, បុរេជាតេ ទ្វេ, អាសេវនេ ទ្វេ, កម្មេ បញ្ច, វិបាកេ ឯកំ, អាហារេ បញ្ច…បេ.… អវិគតេ បញ្ច។

    301. Hetuyā pañca, ārammaṇe dve, adhipatiyā pañca, anantare samanantare dve, sahajāte pañca, aññamaññe dve, nissaye pañca, upanissaye dve, purejāte dve, āsevane dve, kamme pañca, vipāke ekaṃ, āhāre pañca…pe… avigate pañca.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុ-នអារម្មណបច្ចយា

    Nahetu-naārammaṇapaccayā

    ៣០២. អនិយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ នហេតុបច្ចយា – អហេតុកំ អនិយ្យានិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១) នអារម្មណបច្ចយា… តីណិ។

    302. Aniyyānikaṃ dhammaṃ paṭicca aniyyāniko dhammo uppajjati nahetupaccayā – ahetukaṃ aniyyānikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1) Naārammaṇapaccayā… tīṇi.

    នអធិបតិបច្ចយាទិ

    Naadhipatipaccayādi

    ៣០៣. និយ្យានិកំ ធម្មំ បដិច្ច និយ្យានិកោ ធម្មោ ឧប្បជ្ជតិ នអធិបតិបច្ចយា – និយ្យានិកេ ខន្ធេ បដិច្ច និយ្យានិកាធិបតិ។ (១)

    303. Niyyānikaṃ dhammaṃ paṭicca niyyāniko dhammo uppajjati naadhipatipaccayā – niyyānike khandhe paṭicca niyyānikādhipati. (1)

    អនិយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ នអធិបតិបច្ចយា – អនិយ្យានិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… (យាវ អសញ្ញសត្តា កាតព្ពា)។ (១)

    Aniyyānikaṃ dhammaṃ paṭicca aniyyāniko dhammo uppajjati naadhipatipaccayā – aniyyānikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva asaññasattā kātabbā). (1)

    នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា…បេ.…។

    Naanantarapaccayā… nasamanantarapaccayā… naaññamaññapaccayā…pe….

    នបុរេជាតបច្ចយោ

    Napurejātapaccayo

    ៣០៤. និយ្យានិកំ ធម្មំ បដិច្ច និយ្យានិកោ ធម្មោ ឧប្បជ្ជតិ នបុរេជាតបច្ចយា – អរូបេ និយ្យានិកំ ឯកំ ខន្ធំ…បេ.…។ និយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ នបុរេជាតបច្ចយា – និយ្យានិកេ ខន្ធេ បដិច្ច ចិត្តសមុដ្ឋានំ រូបំ។ (២)

    304. Niyyānikaṃ dhammaṃ paṭicca niyyāniko dhammo uppajjati napurejātapaccayā – arūpe niyyānikaṃ ekaṃ khandhaṃ…pe…. Niyyānikaṃ dhammaṃ paṭicca aniyyāniko dhammo uppajjati napurejātapaccayā – niyyānike khandhe paṭicca cittasamuṭṭhānaṃ rūpaṃ. (2)

    អនិយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ នបុរេជាតបច្ចយា – អរូបេ អនិយ្យានិកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… អនិយ្យានិកេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… (យាវ អសញ្ញសត្តា)។ (១)

    Aniyyānikaṃ dhammaṃ paṭicca aniyyāniko dhammo uppajjati napurejātapaccayā – arūpe aniyyānikaṃ ekaṃ khandhaṃ paṭicca tayo khandhā…pe… dve khandhe…pe… aniyyānike khandhe paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)

    និយ្យានិកញ្ច អនិយ្យានិកញ្ច ធម្មំ បដិច្ច អនិយ្យានិកោ ធម្មោ ឧប្បជ្ជតិ នបុរេជាតបច្ចយា – និយ្យានិកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Niyyānikañca aniyyānikañca dhammaṃ paṭicca aniyyāniko dhammo uppajjati napurejātapaccayā – niyyānike khandhe ca mahābhūte ca paṭicca cittasamuṭṭhānaṃ rūpaṃ. (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៣០៥. នហេតុយា ឯកំ, នអារម្មណេ តីណិ, នអធិបតិយា ទ្វេ, នអនន្តរេ តីណិ, នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ បញ្ច, នអាសេវនេ ឯកំ, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    305. Nahetuyā ekaṃ, naārammaṇe tīṇi, naadhipatiyā dve, naanantare tīṇi, naupanissaye tīṇi, napurejāte cattāri, napacchājāte pañca, naāsevane ekaṃ, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ២. សហជាតវារោ

    2. Sahajātavāro

    (ឯវំ ឥតរេ ទ្វេ គណនាបិ សហជាតវារោបិ កាតព្ពោ។)

    (Evaṃ itare dve gaṇanāpi sahajātavāropi kātabbo.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៣០៦. និយ្យានិកំ ធម្មំ បច្ចយា និយ្យានិកោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា)។

    306. Niyyānikaṃ dhammaṃ paccayā niyyāniko dhammo uppajjati hetupaccayā… tīṇi (paṭiccasadisā).

    អនិយ្យានិកំ ធម្មំ បច្ចយា អនិយ្យានិកោ ធម្មោ ឧប្បជ្ជតិ ហេតុបច្ចយា – អនិយ្យានិកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… (យាវ អជ្ឈត្តិកា មហាភូតា) វត្ថុំ បច្ចយា អនិយ្យានិកា ខន្ធា។ អនិយ្យានិកំ ធម្មំ បច្ចយា និយ្យានិកោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា និយ្យានិកា ខន្ធា។ អនិយ្យានិកំ ធម្មំ បច្ចយា និយ្យានិកោ ច អនិយ្យានិកោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា និយ្យានិកា ខន្ធា, មហាភូតេ បច្ចយា ចិត្តសមុដ្ឋានំ រូបំ។ (៣)

    Aniyyānikaṃ dhammaṃ paccayā aniyyāniko dhammo uppajjati hetupaccayā – aniyyānikaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… (yāva ajjhattikā mahābhūtā) vatthuṃ paccayā aniyyānikā khandhā. Aniyyānikaṃ dhammaṃ paccayā niyyāniko dhammo uppajjati hetupaccayā – vatthuṃ paccayā niyyānikā khandhā. Aniyyānikaṃ dhammaṃ paccayā niyyāniko ca aniyyāniko ca dhammā uppajjanti hetupaccayā – vatthuṃ paccayā niyyānikā khandhā, mahābhūte paccayā cittasamuṭṭhānaṃ rūpaṃ. (3)

    ៣០៧. និយ្យានិកញ្ច អនិយ្យានិកញ្ច ធម្មំ បច្ចយា និយ្យានិកោ ធម្មោ ឧប្បជ្ជតិ ហេតុបច្ចយា – និយ្យានិកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ និយ្យានិកញ្ច អនិយ្យានិកញ្ច ធម្មំ បច្ចយា អនិយ្យានិកោ ធម្មោ ឧប្បជ្ជតិ ហេតុបច្ចយា – និយ្យានិកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ និយ្យានិកញ្ច អនិយ្យានិកញ្ច ធម្មំ បច្ចយា និយ្យានិកោ ច អនិយ្យានិកោ ច ធម្មា ឧប្បជ្ជន្តិ ហេតុបច្ចយា – និយ្យានិកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… និយ្យានិកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (៣)

    307. Niyyānikañca aniyyānikañca dhammaṃ paccayā niyyāniko dhammo uppajjati hetupaccayā – niyyānikaṃ ekaṃ khandhañca vatthuñca paccayā tayo khandhā…pe… dve khandhe ca…pe…. Niyyānikañca aniyyānikañca dhammaṃ paccayā aniyyāniko dhammo uppajjati hetupaccayā – niyyānike khandhe ca mahābhūte ca paccayā cittasamuṭṭhānaṃ rūpaṃ. Niyyānikañca aniyyānikañca dhammaṃ paccayā niyyāniko ca aniyyāniko ca dhammā uppajjanti hetupaccayā – niyyānikaṃ ekaṃ khandhañca vatthuñca paccayā tayo khandhā…pe… dve khandhe ca…pe… niyyānike khandhe ca mahābhūte ca paccayā cittasamuṭṭhānaṃ rūpaṃ. (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៣០៨. ហេតុយា នវ, អារម្មណេ ចត្តារិ, អធិបតិយា នវ, អនន្តរេ ចត្តារិ, សមនន្តរេ ចត្តារិ, សហជាតេ នវ, អញ្ញមញ្ញេ ចត្តារិ, និស្សយេ នវ, ឧបនិស្សយេ ចត្តារិ, បុរេជាតេ ចត្តារិ, អាសេវនេ ចត្តារិ, កម្មេ នវ, វិបាកេ ឯកំ…បេ.… អវិគតេ នវ។

    308. Hetuyā nava, ārammaṇe cattāri, adhipatiyā nava, anantare cattāri, samanantare cattāri, sahajāte nava, aññamaññe cattāri, nissaye nava, upanissaye cattāri, purejāte cattāri, āsevane cattāri, kamme nava, vipāke ekaṃ…pe… avigate nava.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៣០៩. អនិយ្យានិកំ ធម្មំ បច្ចយា អនិយ្យានិកោ ធម្មោ ឧប្បជ្ជតិ នហេតុបច្ចយា – អហេតុកំ អនិយ្យានិកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា អនិយ្យានិកា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    309. Aniyyānikaṃ dhammaṃ paccayā aniyyāniko dhammo uppajjati nahetupaccayā – ahetukaṃ aniyyānikaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā aniyyānikā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    នអារម្មណបច្ចយាទិ

    Naārammaṇapaccayādi

    ៣១០. និយ្យានិកំ ធម្មំ បច្ចយា អនិយ្យានិកោ ធម្មោ ឧប្បជ្ជតិ នអារម្មណបច្ចយា… តីណិ។

    310. Niyyānikaṃ dhammaṃ paccayā aniyyāniko dhammo uppajjati naārammaṇapaccayā… tīṇi.

    និយ្យានិកំ ធម្មំ បច្ចយា និយ្យានិកោ ធម្មោ ឧប្បជ្ជតិ នអធិបតិបច្ចយា – និយ្យានិកេ ខន្ធេ បច្ចយា និយ្យានិកាធិបតិ។ (១)

    Niyyānikaṃ dhammaṃ paccayā niyyāniko dhammo uppajjati naadhipatipaccayā – niyyānike khandhe paccayā niyyānikādhipati. (1)

    អនិយ្យានិកំ ធម្មំ បច្ចយា អនិយ្យានិកោ ធម្មោ ឧប្បជ្ជតិ នអធិបតិបច្ចយា – អនិយ្យានិកំ ឯកំ ខន្ធំ បច្ចយា…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អនិយ្យានិកា ខន្ធា។ អនិយ្យានិកំ ធម្មំ បច្ចយា និយ្យានិកោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា និយ្យានិកាធិបតិ។ (២)

    Aniyyānikaṃ dhammaṃ paccayā aniyyāniko dhammo uppajjati naadhipatipaccayā – aniyyānikaṃ ekaṃ khandhaṃ paccayā…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā aniyyānikā khandhā. Aniyyānikaṃ dhammaṃ paccayā niyyāniko dhammo uppajjati naadhipatipaccayā – vatthuṃ paccayā niyyānikādhipati. (2)

    និយ្យានិកញ្ច អនិយ្យានិកញ្ច ធម្មំ បច្ចយា និយ្យានិកោ ធម្មោ ឧប្បជ្ជតិ នអធិបតិបច្ចយា – និយ្យានិកេ ខន្ធេ ច វត្ថុញ្ច បច្ចយា និយ្យានិកាធិបតិ។ (១)

    Niyyānikañca aniyyānikañca dhammaṃ paccayā niyyāniko dhammo uppajjati naadhipatipaccayā – niyyānike khandhe ca vatthuñca paccayā niyyānikādhipati. (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៣១១. នហេតុយា ឯកំ, នអារម្មណេ តីណិ, នអធិបតិយា ចត្តារិ, នអនន្តរេ តីណិ…បេ.… នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ នវ, នអាសេវនេ ឯកំ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    311. Nahetuyā ekaṃ, naārammaṇe tīṇi, naadhipatiyā cattāri, naanantare tīṇi…pe… naupanissaye tīṇi, napurejāte cattāri, napacchājāte nava, naāsevane ekaṃ, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ៤. និស្សយវារោ

    4. Nissayavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ។)

    (Evaṃ itare dve gaṇanāpi nissayavāropi kātabbo.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ៣១២. និយ្យានិកំ ធម្មំ សំសដ្ឋោ និយ្យានិកោ ធម្មោ ឧប្បជ្ជតិ ហេតុបច្ចយា – និយ្យានិកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.…។ (១)

    312. Niyyānikaṃ dhammaṃ saṃsaṭṭho niyyāniko dhammo uppajjati hetupaccayā – niyyānikaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    អនិយ្យានិកំ ធម្មំ សំសដ្ឋោ អនិយ្យានិកោ ធម្មោ ឧប្បជ្ជតិ ហេតុបច្ចយា – អនិយ្យានិកំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Aniyyānikaṃ dhammaṃ saṃsaṭṭho aniyyāniko dhammo uppajjati hetupaccayā – aniyyānikaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    ហេតុយា ទ្វេ, អារម្មណេ ទ្វេ (សព្ពត្ថ ទ្វេ), វិបាកេ ឯកំ…បេ.… អវិគតេ ទ្វេ (អនុលោមំ)។

    Hetuyā dve, ārammaṇe dve (sabbattha dve), vipāke ekaṃ…pe… avigate dve (anulomaṃ).

    នហេតុយា ឯកំ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ឯកំ, នកម្មេ ទ្វេ, នវិបាកេ ទ្វេ, នឈានេ ឯកំ, នមគ្គេ ឯកំ, នវិប្បយុត្តេ ទ្វេ (បច្ចនីយំ)។

    Nahetuyā ekaṃ, naadhipatiyā dve, napurejāte dve, napacchājāte dve, naāsevane ekaṃ, nakamme dve, navipāke dve, najhāne ekaṃ, namagge ekaṃ, navippayutte dve (paccanīyaṃ).

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៣១៣. និយ្យានិកោ ធម្មោ និយ្យានិកស្ស ធម្មស្ស ហេតុបច្ចយេន បច្ចយោ – និយ្យានិកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (មូលំ កាតព្ពំ។) និយ្យានិកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ។ (មូលំ កាតព្ពំ។) និយ្យានិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    313. Niyyāniko dhammo niyyānikassa dhammassa hetupaccayena paccayo – niyyānikā hetū sampayuttakānaṃ khandhānaṃ hetupaccayena paccayo. (Mūlaṃ kātabbaṃ.) Niyyānikā hetū cittasamuṭṭhānānaṃ rūpānaṃ hetupaccayena paccayo. (Mūlaṃ kātabbaṃ.) Niyyānikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    អនិយ្យានិកោ ធម្មោ អនិយ្យានិកស្ស ធម្មស្ស ហេតុបច្ចយេន បច្ចយោ – អនិយ្យានិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ ; បដិសន្ធិក្ខណេ…បេ.…។ (១)

    Aniyyāniko dhammo aniyyānikassa dhammassa hetupaccayena paccayo – aniyyānikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo ; paṭisandhikkhaṇe…pe…. (1)

    អារម្មណបច្ចយោ

    Ārammaṇapaccayo

    ៣១៤. និយ្យានិកោ ធម្មោ អនិយ្យានិកស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ចេតោបរិយញាណេន និយ្យានិកចិត្តសមង្គិស្ស ចិត្តំ ជានាតិ, និយ្យានិកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    314. Niyyāniko dhammo aniyyānikassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, cetopariyañāṇena niyyānikacittasamaṅgissa cittaṃ jānāti, niyyānikā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    អនិយ្យានិកោ ធម្មោ អនិយ្យានិកស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ; បុព្ពេ សុចិណ្ណានិ…បេ.… ឈានា…បេ.… អរិយា ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា បហីនេ កិលេសេ…បេ.… វិក្ខម្ភិតេ…បេ.… បុព្ពេ សមុទាចិណ្ណេ…បេ.… ចក្ខុំ…បេ.… វត្ថុំ អនិយ្យានិកេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន អនិយ្យានិកចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ.… រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… អនិយ្យានិកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។

    Aniyyāniko dhammo aniyyānikassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati assādeti abhinandati, taṃ ārabbha rāgo uppajjati…pe… domanassaṃ uppajjati; pubbe suciṇṇāni…pe… jhānā…pe… ariyā phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, phalassa, āvajjanāya ārammaṇapaccayena paccayo; ariyā pahīne kilese…pe… vikkhambhite…pe… pubbe samudāciṇṇe…pe… cakkhuṃ…pe… vatthuṃ aniyyānike khandhe aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena aniyyānikacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… aniyyānikā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo.

    អនិយ្យានិកោ ធម្មោ និយ្យានិកស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស អារម្មណបច្ចយេន បច្ចយោ។ (២)

    Aniyyāniko dhammo niyyānikassa dhammassa ārammaṇapaccayena paccayo – nibbānaṃ maggassa ārammaṇapaccayena paccayo. (2)

    អធិបតិបច្ចយោ

    Adhipatipaccayo

    ៣១៥. និយ្យានិកោ ធម្មោ និយ្យានិកស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – និយ្យានិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ និយ្យានិកោ ធម្មោ អនិយ្យានិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ សហជាតាធិបតិ – និយ្យានិកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (មូលំ កាតព្ពំ។) និយ្យានិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    315. Niyyāniko dhammo niyyānikassa dhammassa adhipatipaccayena paccayo. Sahajātādhipati – niyyānikādhipati sampayuttakānaṃ khandhānaṃ adhipatipaccayena paccayo. Niyyāniko dhammo aniyyānikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. Sahajātādhipati – niyyānikādhipati cittasamuṭṭhānānaṃ rūpānaṃ adhipatipaccayena paccayo. (Mūlaṃ kātabbaṃ.) Niyyānikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៣១៦. អនិយ្យានិកោ ធម្មោ អនិយ្យានិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, បុព្ពេ សុចិណ្ណានិ…បេ.… ឈានា វុដ្ឋហិត្វា…បេ.… អរិយា ផលំ គរុំ កត្វា បច្ចវេក្ខន្តិ , និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស, ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ អនិយ្យានិកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – អនិយ្យានិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ អនិយ្យានិកោ ធម្មោ និយ្យានិកស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – និព្ពានំ មគ្គស្ស អធិបតិបច្ចយេន បច្ចយោ។ (២)

    316. Aniyyāniko dhammo aniyyānikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā paccavekkhati assādeti abhinandati, taṃ garuṃ katvā rāgo uppajjati, diṭṭhi uppajjati, pubbe suciṇṇāni…pe… jhānā vuṭṭhahitvā…pe… ariyā phalaṃ garuṃ katvā paccavekkhanti , nibbānaṃ garuṃ katvā paccavekkhanti, nibbānaṃ gotrabhussa, vodānassa, phalassa adhipatipaccayena paccayo; cakkhuṃ…pe… vatthuṃ aniyyānike khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – aniyyānikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. Aniyyāniko dhammo niyyānikassa dhammassa adhipatipaccayena paccayo. Ārammaṇādhipati – nibbānaṃ maggassa adhipatipaccayena paccayo. (2)

    អនន្តរបច្ចយាទិ

    Anantarapaccayādi

    ៣១៧. និយ្យានិកោ ធម្មោ អនិយ្យានិកស្ស ធម្មស្ស អនន្តរបច្ចយេន បច្ចយោ – មគ្គោ ផលស្ស អនន្តរបច្ចយេន បច្ចយោ។ (១)

    317. Niyyāniko dhammo aniyyānikassa dhammassa anantarapaccayena paccayo – maggo phalassa anantarapaccayena paccayo. (1)

    អនិយ្យានិកោ ធម្មោ អនិយ្យានិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនិយ្យានិកា ខន្ធា បច្ឆិមានំ បច្ឆិមានំ អនិយ្យានិកានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស… ផលំ ផលស្ស… អនុលោមំ ផលសមាបត្តិយា … និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ។ អនិយ្យានិកោ ធម្មោ និយ្យានិកស្ស ធម្មស្ស អនន្តរបច្ចយេន បច្ចយោ… គោត្រភុ មគ្គស្ស; វោទានំ មគ្គស្ស អនន្តរបច្ចយេន បច្ចយោ។ (២)

    Aniyyāniko dhammo aniyyānikassa dhammassa anantarapaccayena paccayo – purimā purimā aniyyānikā khandhā pacchimānaṃ pacchimānaṃ aniyyānikānaṃ khandhānaṃ anantarapaccayena paccayo; anulomaṃ gotrabhussa… anulomaṃ vodānassa… phalaṃ phalassa… anulomaṃ phalasamāpattiyā … nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. Aniyyāniko dhammo niyyānikassa dhammassa anantarapaccayena paccayo… gotrabhu maggassa; vodānaṃ maggassa anantarapaccayena paccayo. (2)

    សមនន្តរបច្ចយេន បច្ចយោ… សហជាតបច្ចយេន បច្ចយោ… បញ្ច… អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ… សត្ត។

    Samanantarapaccayena paccayo… sahajātapaccayena paccayo… pañca… aññamaññapaccayena paccayo… dve… nissayapaccayena paccayo… satta.

    ឧបនិស្សយបច្ចយោ

    Upanissayapaccayo

    ៣១៨. និយ្យានិកោ ធម្មោ និយ្យានិកស្ស ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – បឋមោ មគ្គោ ទុតិយស្ស មគ្គស្ស ឧបនិស្សយបច្ចយេន បច្ចយោ…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ និយ្យានិកោ ធម្មោ អនិយ្យានិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ , បកតូបនិស្សយោ…បេ.…។ បកតូបនិស្សយោ – អរិយា មគ្គំ ឧបនិស្សាយ អនុប្បន្នំ សមាបត្តិំ ឧប្បាទេន្តិ, ឧប្បន្នំ សមាបជ្ជន្តិ, សង្ខារេ អនិច្ចតោ…បេ.… វិបស្សន្តិ, មគ្គោ អរិយានំ អត្ថបដិសម្ភិទាយ…បេ.… បដិភានបដិសម្ភិទាយ ឋានាឋានកោសល្លស្ស ឧបនិស្សយបច្ចយេន បច្ចយោ, មគ្គោ ផលសមាបត្តិយា ឧបនិស្សយបច្ចយេន បច្ចយោ។ (២)

    318. Niyyāniko dhammo niyyānikassa dhammassa upanissayapaccayena paccayo. Pakatūpanissayo – paṭhamo maggo dutiyassa maggassa upanissayapaccayena paccayo…pe… tatiyo maggo catutthassa maggassa upanissayapaccayena paccayo. Niyyāniko dhammo aniyyānikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ samāpattiṃ uppādenti, uppannaṃ samāpajjanti, saṅkhāre aniccato…pe… vipassanti, maggo ariyānaṃ atthapaṭisambhidāya…pe… paṭibhānapaṭisambhidāya ṭhānāṭhānakosallassa upanissayapaccayena paccayo, maggo phalasamāpattiyā upanissayapaccayena paccayo. (2)

    ៣១៩. អនិយ្យានិកោ ធម្មោ អនិយ្យានិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អនិយ្យានិកំ សទ្ធំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ ករោតិ, ឈានំ ឧប្បាទេតិ… វិបស្សនំ… អភិញ្ញំ… សមាបត្តិំ ឧប្បាទេតិ… មានំ ជប្បេតិ… ទិដ្ឋិំ គណ្ហាតិ; អនិយ្យានិកំ សីលំ…បេ.… បញ្ញំ… រាគំ…បេ.… បត្ថនំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ; អនិយ្យានិកា សទ្ធា…បេ.… សេនាសនំ អនិយ្យានិកាយ សទ្ធាយ…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស… ផលសមាបត្តិយា ឧបនិស្សយបច្ចយេន បច្ចយោ។ អនិយ្យានិកោ ធម្មោ និយ្យានិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បឋមស្ស មគ្គស្ស បរិកម្មំ បឋមស្ស មគ្គស្ស ឧបនិស្សយបច្ចយេន បច្ចយោ…បេ.… ចតុត្ថស្ស មគ្គស្ស បរិកម្មំ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (២)

    319. Aniyyāniko dhammo aniyyānikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – aniyyānikaṃ saddhaṃ upanissāya dānaṃ deti, sīlaṃ…pe… uposathakammaṃ karoti, jhānaṃ uppādeti… vipassanaṃ… abhiññaṃ… samāpattiṃ uppādeti… mānaṃ jappeti… diṭṭhiṃ gaṇhāti; aniyyānikaṃ sīlaṃ…pe… paññaṃ… rāgaṃ…pe… patthanaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; aniyyānikā saddhā…pe… senāsanaṃ aniyyānikāya saddhāya…pe… patthanāya… kāyikassa sukhassa… kāyikassa dukkhassa… phalasamāpattiyā upanissayapaccayena paccayo. Aniyyāniko dhammo niyyānikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa upanissayapaccayena paccayo…pe… catutthassa maggassa parikammaṃ catutthassa maggassa upanissayapaccayena paccayo. (2)

    បុរេជាតបច្ចយាទិ

    Purejātapaccayādi

    ៣២០. អនិយ្យានិកោ ធម្មោ អនិយ្យានិកស្ស ធម្មស្ស បុរេជាតបច្ចយេន បច្ចយោ… ទ្វេ (អរូបទុកសទិសា កាតព្ពា)… បច្ឆាជាតបច្ចយេន បច្ចយោ… ទ្វេ… អាសេវនបច្ចយេន បច្ចយោ… ទ្វេ។

    320. Aniyyāniko dhammo aniyyānikassa dhammassa purejātapaccayena paccayo… dve (arūpadukasadisā kātabbā)… pacchājātapaccayena paccayo… dve… āsevanapaccayena paccayo… dve.

    កម្មបច្ចយោ

    Kammapaccayo

    ៣២១. និយ្យានិកោ ធម្មោ និយ្យានិកស្ស ធម្មស្ស កម្មបច្ចយេន បច្ចយោ – និយ្យានិកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ និយ្យានិកោ ធម្មោ អនិយ្យានិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – និយ្យានិកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ នានាក្ខណិកា – និយ្យានិកា ចេតនា ផលស្ស កម្មបច្ចយេន បច្ចយោ។ (មូលំ កាតព្ពំ) និយ្យានិកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    321. Niyyāniko dhammo niyyānikassa dhammassa kammapaccayena paccayo – niyyānikā cetanā sampayuttakānaṃ khandhānaṃ kammapaccayena paccayo. Niyyāniko dhammo aniyyānikassa dhammassa kammapaccayena paccayo – sahajātā, nānākkhaṇikā. Sahajātā – niyyānikā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – niyyānikā cetanā phalassa kammapaccayena paccayo. (Mūlaṃ kātabbaṃ) niyyānikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    ៣២២. អនិយ្យានិកោ ធម្មោ អនិយ្យានិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា (សំខិត្តំ)។ នានាក្ខណិកា – អនិយ្យានិកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ… វិបាកបច្ចយេន បច្ចយោ… ឯកំយេវ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ទ្វេ… វិប្បយុត្តបច្ចយេន បច្ចយោ… តីណិ (អរូបទុកសទិសា កាតព្ពា)… អត្ថិបច្ចយេន បច្ចយោ… សត្ត (អរូបទុកសទិសា កាតព្ពា, អាមសនា នានាបទាយេវ)… នត្ថិបច្ចយេន បច្ចយោ… តីណិ… វិគតបច្ចយេន បច្ចយោ… តីណិ… អវិគតបច្ចយេន បច្ចយោ… សត្ត។

    322. Aniyyāniko dhammo aniyyānikassa dhammassa kammapaccayena paccayo – sahajātā, nānākkhaṇikā. Sahajātā (saṃkhittaṃ). Nānākkhaṇikā – aniyyānikā cetanā vipākānaṃ khandhānaṃ kaṭattā ca rūpānaṃ kammapaccayena paccayo… vipākapaccayena paccayo… ekaṃyeva… āhārapaccayena paccayo… cattāri… indriyapaccayena paccayo… cattāri… jhānapaccayena paccayo… cattāri… maggapaccayena paccayo… cattāri… sampayuttapaccayena paccayo… dve… vippayuttapaccayena paccayo… tīṇi (arūpadukasadisā kātabbā)… atthipaccayena paccayo… satta (arūpadukasadisā kātabbā, āmasanā nānāpadāyeva)… natthipaccayena paccayo… tīṇi… vigatapaccayena paccayo… tīṇi… avigatapaccayena paccayo… satta.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៣២៣. ហេតុយា ចត្តារិ, អារម្មណេ តីណិ, អធិបតិយា បញ្ច, អនន្តរេ តីណិ, សមនន្តរេ តីណិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ទ្វេ, កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា តីណិ, វិគតេ តីណិ, អវិគតេ សត្ត។

    323. Hetuyā cattāri, ārammaṇe tīṇi, adhipatiyā pañca, anantare tīṇi, samanantare tīṇi, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane dve, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā tīṇi, vigate tīṇi, avigate satta.

    អនុលោមំ។

    Anulomaṃ.

    បច្ចនីយុទ្ធារោ

    Paccanīyuddhāro

    ៣២៤. និយ្យានិកោ ធម្មោ និយ្យានិកស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ និយ្យានិកោ ធម្មោ អនិយ្យានិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ និយ្យានិកោ ធម្មោ និយ្យានិកស្ស ច អនិយ្យានិកស្ស ច ធម្មស្ស សហជាតបច្ចយេន បច្ចយោ។ (៣)

    324. Niyyāniko dhammo niyyānikassa dhammassa sahajātapaccayena paccayo… upanissayapaccayena paccayo. Niyyāniko dhammo aniyyānikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. Niyyāniko dhammo niyyānikassa ca aniyyānikassa ca dhammassa sahajātapaccayena paccayo. (3)

    ៣២៥. អនិយ្យានិកោ ធម្មោ អនិយ្យានិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ អនិយ្យានិកោ ធម្មោ និយ្យានិកស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    325. Aniyyāniko dhammo aniyyānikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. Aniyyāniko dhammo niyyānikassa dhammassa upanissayapaccayena paccayo… purejātapaccayena paccayo. (2)

    និយ្យានិកោ ច អនិយ្យានិកោ ច ធម្មា និយ្យានិកស្ស ធម្មស្ស សហជាតំ, បុរេជាតំ។ និយ្យានិកោ ច អនិយ្យានិកោ ច ធម្មា អនិយ្យានិកស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (៣)

    Niyyāniko ca aniyyāniko ca dhammā niyyānikassa dhammassa sahajātaṃ, purejātaṃ. Niyyāniko ca aniyyāniko ca dhammā aniyyānikassa dhammassa sahajātaṃ, pacchājātaṃ, āhāraṃ, indriyaṃ. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៣២៦. នហេតុយា សត្ត, នអារម្មណេ សត្ត, នអធិបតិយា សត្ត, នអនន្តរេ នសមនន្តរេ សត្ត, នសហជាតេ បញ្ច, នអញ្ញមញ្ញេ បញ្ច, ននិស្សយេ បញ្ច, នឧបនិស្សយេ សត្ត, នបុរេជាតេ ឆ, នបច្ឆាជាតេ សត្ត…បេ.… នសម្បយុត្តេ បញ្ច, នវិប្បយុត្តេ ចត្តារិ, នោអត្ថិយា ចត្តារិ, នោនត្ថិយា សត្ត, នោវិគតេ សត្ត, នោអវិគតេ ចត្តារិ។

    326. Nahetuyā satta, naārammaṇe satta, naadhipatiyā satta, naanantare nasamanantare satta, nasahajāte pañca, naaññamaññe pañca, nanissaye pañca, naupanissaye satta, napurejāte cha, napacchājāte satta…pe… nasampayutte pañca, navippayutte cattāri, noatthiyā cattāri, nonatthiyā satta, novigate satta, noavigate cattāri.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៣២៧. ហេតុបច្ចយា នអារម្មណេ ចត្តារិ, នអធិបតិយា ចត្តារិ, នអនន្តរេ នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ …បេ.… នសម្បយុត្តេ ទ្វេ, នវិប្បយុត្តេ ទ្វេ, នោនត្ថិយា ចត្តារិ, នោវិគតេ ចត្តារិ។

    327. Hetupaccayā naārammaṇe cattāri, naadhipatiyā cattāri, naanantare nasamanantare cattāri, naaññamaññe dve, naupanissaye cattāri …pe… nasampayutte dve, navippayutte dve, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៣២៨. នហេតុបច្ចយា អារម្មណេ តីណិ, អធិបតិយា បញ្ច (អនុលោមមាតិកា វិត្ថារេតព្ពា)…បេ.… អវិគតេ សត្ត។

    328. Nahetupaccayā ārammaṇe tīṇi, adhipatiyā pañca (anulomamātikā vitthāretabbā)…pe… avigate satta.

    និយ្យានិកទុកំ និដ្ឋិតំ។

    Niyyānikadukaṃ niṭṭhitaṃ.

    ៩៨. និយតទុកំ

    98. Niyatadukaṃ

    ១-៦. បដិច្ចវារាទិ

    1-6. Paṭiccavārādi

    ៣២៩. និយតំ ធម្មំ បដិច្ច និយតោ ធម្មោ ឧប្បជ្ជតិ ហេតុបច្ចយា – និយតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ និយតំ ធម្មំ បដិច្ច អនិយតោ ធម្មោ ឧប្បជ្ជតិ ហេតុបច្ចយា – និយតេ ខន្ធេ បដិច្ច ចិត្តសមុដ្ឋានំ រូបំ (សំខិត្តំ។ បញ្ចបិ បញ្ហា កាតព្ពា។ យថា និយ្យានិកទុកំ ឯវំ បដិច្ចវារោបិ សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ កាតព្ពា, និន្នានាករណំ អាមសនំ នានំ)។

    329. Niyataṃ dhammaṃ paṭicca niyato dhammo uppajjati hetupaccayā – niyataṃ ekaṃ khandhaṃ paṭicca tayo khandhā…pe… dve khandhe…pe…. Niyataṃ dhammaṃ paṭicca aniyato dhammo uppajjati hetupaccayā – niyate khandhe paṭicca cittasamuṭṭhānaṃ rūpaṃ (saṃkhittaṃ. Pañcapi pañhā kātabbā. Yathā niyyānikadukaṃ evaṃ paṭiccavāropi sahajātavāropi paccayavāropi nissayavāropi saṃsaṭṭhavāropi sampayuttavāropi kātabbā, ninnānākaraṇaṃ āmasanaṃ nānaṃ).

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៣៣០. និយតោ ធម្មោ និយតស្ស ធម្មស្ស ហេតុបច្ចយេន បច្ចយោ… ចត្តារិ (និយ្យានិកទុកសទិសា និន្នានាករណា)។

    330. Niyato dhammo niyatassa dhammassa hetupaccayena paccayo… cattāri (niyyānikadukasadisā ninnānākaraṇā).

    អារម្មណបច្ចយោ

    Ārammaṇapaccayo

    ៣៣១. និយតោ ធម្មោ អនិយតស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, និយតេ បហីនេ កិលេសេ បច្ចវេក្ខន្តិ, បុព្ពេ សមុទាចិណ្ណេ…បេ.… និយតេ ខន្ធេ អនិច្ចតោ…បេ.… វិបស្សតិ, ចេតោបរិយញាណេន និយតចិត្តសមង្គិស្ស ចិត្តំ ជានាតិ, និយតា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    331. Niyato dhammo aniyatassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, niyate pahīne kilese paccavekkhanti, pubbe samudāciṇṇe…pe… niyate khandhe aniccato…pe… vipassati, cetopariyañāṇena niyatacittasamaṅgissa cittaṃ jānāti, niyatā khandhā cetopariyañāṇassa, pubbenivāsānussatiñāṇassa yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    អនិយតោ ធម្មោ អនិយតស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ.… ឧបោសថកម្មំ…បេ.… បុព្ពេ សុចិណ្ណានិ…បេ.… ឈានា វុដ្ឋហិត្វា ឈានំ បច្ចវេក្ខតិ អស្សាទេតិ អភិនន្ទតិ, តំ អារព្ភ អនិយតោ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… ឧទ្ធច្ចំ…បេ.… អនិយតំ ទោមនស្សំ ឧប្បជ្ជតិ, អរិយា ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ គោត្រភុស្ស , វោទានស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា អនិយតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ.… បុព្ពេ សមុទាចិណ្ណេ…បេ.… ចក្ខុំ…បេ.… វត្ថុំ អនិយតេ ខន្ធេ អនិច្ចតោ…បេ.… វិបស្សតិ អស្សាទេតិ អភិនន្ទតិ, តំ អារព្ភ អនិយតោ រាគោ…បេ.… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ…បេ.… អាវជ្ជនាយ អារម្មណបច្ចយេន បច្ចយោ។ អនិយតោ ធម្មោ និយតស្ស ធម្មស្ស អារម្មណបច្ចយេន បច្ចយោ; និព្ពានំ មគ្គស្ស អារម្មណបច្ចយេន បច្ចយោ; រូបជីវិតិន្ទ្រិយំ មាតុឃាតិកម្មស្ស… បិតុឃាតិកម្មស្ស… អរហន្តឃាតិកម្មស្ស… រុហិរុប្បាទកម្មស្ស អារម្មណបច្ចយេន បច្ចយោ; យំ វត្ថុំ អាមសន្តស្ស មិច្ឆត្តនិយតា ខន្ធា ឧប្បជ្ជន្តិ, តំ វត្ថុ មិច្ឆត្តនិយតានំ ខន្ធានំ អារម្មណបច្ចយេន បច្ចយោ។ (២)

    Aniyato dhammo aniyatassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ…pe… pubbe suciṇṇāni…pe… jhānā vuṭṭhahitvā jhānaṃ paccavekkhati assādeti abhinandati, taṃ ārabbha aniyato rāgo uppajjati, diṭṭhi…pe… vicikicchā…pe… uddhaccaṃ…pe… aniyataṃ domanassaṃ uppajjati, ariyā phalaṃ paccavekkhanti, nibbānaṃ paccavekkhanti, nibbānaṃ gotrabhussa , vodānassa, phalassa, āvajjanāya ārammaṇapaccayena paccayo; ariyā aniyate pahīne kilese paccavekkhanti, vikkhambhite kilese…pe… pubbe samudāciṇṇe…pe… cakkhuṃ…pe… vatthuṃ aniyate khandhe aniccato…pe… vipassati assādeti abhinandati, taṃ ārabbha aniyato rāgo…pe… domanassaṃ uppajjati, dibbena cakkhunā rūpaṃ passati…pe… āvajjanāya ārammaṇapaccayena paccayo. Aniyato dhammo niyatassa dhammassa ārammaṇapaccayena paccayo; nibbānaṃ maggassa ārammaṇapaccayena paccayo; rūpajīvitindriyaṃ mātughātikammassa… pitughātikammassa… arahantaghātikammassa… ruhiruppādakammassa ārammaṇapaccayena paccayo; yaṃ vatthuṃ āmasantassa micchattaniyatā khandhā uppajjanti, taṃ vatthu micchattaniyatānaṃ khandhānaṃ ārammaṇapaccayena paccayo. (2)

    អធិបតិបច្ចយោ

    Adhipatipaccayo

    ៣៣២. និយតោ ធម្មោ និយតស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – និយតាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ និយតោ ធម្មោ អនិយតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ សហជាតាធិបតិ – និយតាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ និយតោ ធម្មោ និយតស្ស ច អនិយតស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – និយតាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    332. Niyato dhammo niyatassa dhammassa adhipatipaccayena paccayo. Sahajātādhipati – niyatādhipati sampayuttakānaṃ khandhānaṃ adhipatipaccayena paccayo. Niyato dhammo aniyatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. Sahajātādhipati – niyatādhipati cittasamuṭṭhānānaṃ rūpānaṃ adhipatipaccayena paccayo. Niyato dhammo niyatassa ca aniyatassa ca dhammassa adhipatipaccayena paccayo. Sahajātādhipati – niyatādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៣៣៣. អនិយតោ ធម្មោ អនិយតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ ទត្វា សីលំ…បេ.… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា អនិយតោ រាគោ ឧប្បជ្ជតិ… ទិដ្ឋិ ឧប្បជ្ជតិ; បុព្ពេ…បេ.… ឈានា…បេ.… អរិយា ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស, ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ អនិយតេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា អនិយតោ រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – អនិយតាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ អនិយតោ ធម្មោ និយតស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – និព្ពានំ មគ្គស្ស អធិបតិបច្ចយេន បច្ចយោ។ (២)

    333. Aniyato dhammo aniyatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ…pe… uposathakammaṃ katvā taṃ garuṃ katvā paccavekkhati assādeti abhinandati, taṃ garuṃ katvā aniyato rāgo uppajjati… diṭṭhi uppajjati; pubbe…pe… jhānā…pe… ariyā phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa, phalassa adhipatipaccayena paccayo; cakkhuṃ…pe… vatthuṃ aniyate khandhe garuṃ katvā assādeti abhinandati, taṃ garuṃ katvā aniyato rāgo uppajjati, diṭṭhi uppajjati. Sahajātādhipati – aniyatādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. Aniyato dhammo niyatassa dhammassa adhipatipaccayena paccayo. Ārammaṇādhipati – nibbānaṃ maggassa adhipatipaccayena paccayo. (2)

    អនន្តរបច្ចយាទិ

    Anantarapaccayādi

    ៣៣៤. និយតោ ធម្មោ អនិយតស្ស ធម្មស្ស អនន្តរបច្ចយេន បច្ចយោ – មគ្គោ ផលស្ស អនន្តរបច្ចយេន បច្ចយោ, និយតា ខន្ធា វុដ្ឋានស្ស អនន្តរបច្ចយេន បច្ចយោ។ (១)

    334. Niyato dhammo aniyatassa dhammassa anantarapaccayena paccayo – maggo phalassa anantarapaccayena paccayo, niyatā khandhā vuṭṭhānassa anantarapaccayena paccayo. (1)

    អនិយតោ ធម្មោ អនិយតស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនិយតា ខន្ធា បច្ឆិមានំ បច្ឆិមានំ អនិយតានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស… ផលំ ផលស្ស… អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ។ អនិយតោ ធម្មោ និយតស្ស ធម្មស្ស អនន្តរបច្ចយេន បច្ចយោ – អនិយតំ ទោមនស្សំ និយតស្ស ទោមនស្សស្ស, អនិយតា មិច្ឆាទិដ្ឋិ និយតមិច្ឆាទិដ្ឋិយា អនន្តរបច្ចយេន បច្ចយោ; គោត្រភុ មគ្គស្ស… វោទានំ មគ្គស្ស អនន្តរបច្ចយេន បច្ចយោ។ (២)

    Aniyato dhammo aniyatassa dhammassa anantarapaccayena paccayo – purimā purimā aniyatā khandhā pacchimānaṃ pacchimānaṃ aniyatānaṃ khandhānaṃ anantarapaccayena paccayo; anulomaṃ gotrabhussa… anulomaṃ vodānassa… phalaṃ phalassa… anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. Aniyato dhammo niyatassa dhammassa anantarapaccayena paccayo – aniyataṃ domanassaṃ niyatassa domanassassa, aniyatā micchādiṭṭhi niyatamicchādiṭṭhiyā anantarapaccayena paccayo; gotrabhu maggassa… vodānaṃ maggassa anantarapaccayena paccayo. (2)

    សមនន្តរបច្ចយេន បច្ចយោ… សហជាតបច្ចយេន បច្ចយោ… បញ្ច… អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ… សត្ត។

    Samanantarapaccayena paccayo… sahajātapaccayena paccayo… pañca… aññamaññapaccayena paccayo… dve… nissayapaccayena paccayo… satta.

    ឧបនិស្សយបច្ចយោ

    Upanissayapaccayo

    ៣៣៥. និយតោ ធម្មោ និយតស្ស ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – មាតុឃាតិកម្មំ មាតុឃាតិកម្មស្ស… បិតុឃាតិកម្មស្ស… អរហន្តឃាតិកម្មស្ស… រុហិរុប្បាទកម្មស្ស… សង្ឃភេទកម្មស្ស, និយតមិច្ឆាទិដ្ឋិយា ឧបនិស្សយបច្ចយេន បច្ចយោ (ចក្កំ)។ បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ និយតោ ធម្មោ អនិយតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – មាតរំ ជីវិតា វោរោបេត្វា…បេ.… សង្ឃំ ភិន្ទិត្វា តស្ស បដិឃាតត្ថាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, អរិយា មគ្គំ ឧបនិស្សាយ អនុប្បន្នំ សមាបត្តិំ ឧប្បាទេន្តិ, ឧប្បន្នំ សមាបជ្ជន្តិ…បេ.… ឋានាឋានកោសល្លស្ស ឧបនិស្សយបច្ចយេន បច្ចយោ; មគ្គោ ផលសមាបត្តិយា ឧបនិស្សយបច្ចយេន បច្ចយោ។ (២)

    335. Niyato dhammo niyatassa dhammassa upanissayapaccayena paccayo. Pakatūpanissayo – mātughātikammaṃ mātughātikammassa… pitughātikammassa… arahantaghātikammassa… ruhiruppādakammassa… saṅghabhedakammassa, niyatamicchādiṭṭhiyā upanissayapaccayena paccayo (cakkaṃ). Paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo. Niyato dhammo aniyatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – mātaraṃ jīvitā voropetvā…pe… saṅghaṃ bhinditvā tassa paṭighātatthāya dānaṃ deti, sīlaṃ samādiyati, uposathakammaṃ karoti, ariyā maggaṃ upanissāya anuppannaṃ samāpattiṃ uppādenti, uppannaṃ samāpajjanti…pe… ṭhānāṭhānakosallassa upanissayapaccayena paccayo; maggo phalasamāpattiyā upanissayapaccayena paccayo. (2)

    ៣៣៦. អនិយតោ ធម្មោ អនិយតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អនិយតំ សទ្ធំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ ករោតិ, ឈានំ ឧប្បាទេតិ, វិបស្សនំ…បេ.… អភិញ្ញំ…បេ.… សមាបត្តិំ ឧប្បាទេតិ, មានំ ជប្បេតិ… ទិដ្ឋិំ គណ្ហាតិ; អនិយតំ សីលំ…បេ.… បញ្ញំ… រាគំ…បេ.… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, បាណំ ហនតិ…បេ.… និគមឃាតំ ករោតិ, អនិយតា សទ្ធា…បេ.… សេនាសនំ អនិយតាយ សទ្ធាយ…បេ.… បត្ថនាយ… កាយិកស្ស សុខស្ស… កាយិកស្ស ទុក្ខស្ស, ផលសមាបត្តិយា ឧបនិស្សយបច្ចយេន បច្ចយោ។ (១)

    336. Aniyato dhammo aniyatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – aniyataṃ saddhaṃ upanissāya dānaṃ deti, sīlaṃ…pe… uposathakammaṃ karoti, jhānaṃ uppādeti, vipassanaṃ…pe… abhiññaṃ…pe… samāpattiṃ uppādeti, mānaṃ jappeti… diṭṭhiṃ gaṇhāti; aniyataṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… nigamaghātaṃ karoti, aniyatā saddhā…pe… senāsanaṃ aniyatāya saddhāya…pe… patthanāya… kāyikassa sukhassa… kāyikassa dukkhassa, phalasamāpattiyā upanissayapaccayena paccayo. (1)

    អនិយតោ ធម្មោ និយតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អនិយតំ រាគំ ឧបនិស្សាយ មាតរំ ជីវិតា វោរោបេតិ…បេ.… សង្ឃំ ភិន្ទតិ; អនិយតំ ទោសំ…បេ.… សេនាសនំ ឧបនិស្សាយ មាតរំ ជីវិតា វោរោបេតិ…បេ.… សង្ឃំ ភិន្ទតិ; អនិយតោ រាគោ… ទោសំ…បេ.… សេនាសនំ មាតុឃាតិកម្មស្ស…បេ.… សង្ឃភេទកម្មស្ស ឧបនិស្សយបច្ចយេន បច្ចយោ; បឋមស្ស មគ្គស្ស បរិកម្មំ បឋមស្ស មគ្គស្ស…បេ.… ចតុត្ថស្ស មគ្គស្ស បរិកម្មំ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (២)

    Aniyato dhammo niyatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – aniyataṃ rāgaṃ upanissāya mātaraṃ jīvitā voropeti…pe… saṅghaṃ bhindati; aniyataṃ dosaṃ…pe… senāsanaṃ upanissāya mātaraṃ jīvitā voropeti…pe… saṅghaṃ bhindati; aniyato rāgo… dosaṃ…pe… senāsanaṃ mātughātikammassa…pe… saṅghabhedakammassa upanissayapaccayena paccayo; paṭhamassa maggassa parikammaṃ paṭhamassa maggassa…pe… catutthassa maggassa parikammaṃ catutthassa maggassa upanissayapaccayena paccayo. (2)

    បុរេជាតបច្ចយាទិ

    Purejātapaccayādi

    ៣៣៧. អនិយតោ ធម្មោ អនិយតស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ (សំខិត្តំ)។ អនិយតោ ធម្មោ និយតស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ , វត្ថុបុរេជាតំ។ អារម្មណបុរេជាតំ – រូបជីវិតិន្ទ្រិយំ មាតុឃាតិកម្មស្ស… បិតុឃាតិកម្មស្ស… អរហន្តឃាតិកម្មស្ស… រុហិរុប្បាទកម្មស្ស បុរេជាតបច្ចយេន បច្ចយោ។ វត្ថុបុរេជាតំ – វត្ថុ និយតានំ ខន្ធានំ បុរេជាតបច្ចយេន បច្ចយោ។ (២)

    337. Aniyato dhammo aniyatassa dhammassa purejātapaccayena paccayo – ārammaṇapurejātaṃ, vatthupurejātaṃ (saṃkhittaṃ). Aniyato dhammo niyatassa dhammassa purejātapaccayena paccayo – ārammaṇapurejātaṃ , vatthupurejātaṃ. Ārammaṇapurejātaṃ – rūpajīvitindriyaṃ mātughātikammassa… pitughātikammassa… arahantaghātikammassa… ruhiruppādakammassa purejātapaccayena paccayo. Vatthupurejātaṃ – vatthu niyatānaṃ khandhānaṃ purejātapaccayena paccayo. (2)

    បច្ឆាជាតបច្ចយេន បច្ចយោ… ទ្វេ… អាសេវនបច្ចយេន បច្ចយោ… ទ្វេ។

    Pacchājātapaccayena paccayo… dve… āsevanapaccayena paccayo… dve.

    កម្មបច្ចយោ

    Kammapaccayo

    ៣៣៨. និយតោ ធម្មោ និយតស្ស ធម្មស្ស កម្មបច្ចយេន បច្ចយោ – និយតា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ និយតោ ធម្មោ អនិយតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – និយតា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ នានាក្ខណិកា – និយតា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (មូលំ កាតព្ពំ។) និយតា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    338. Niyato dhammo niyatassa dhammassa kammapaccayena paccayo – niyatā cetanā sampayuttakānaṃ khandhānaṃ kammapaccayena paccayo. Niyato dhammo aniyatassa dhammassa kammapaccayena paccayo – sahajātā, nānākkhaṇikā. Sahajātā – niyatā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – niyatā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (Mūlaṃ kātabbaṃ.) Niyatā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    អនិយតោ ធម្មោ អនិយតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា (សំខិត្តំ)។

    Aniyato dhammo aniyatassa dhammassa kammapaccayena paccayo – sahajātā, nānākkhaṇikā (saṃkhittaṃ).

    វិបាកបច្ចយេន បច្ចយោ… ឯកំ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ទ្វេ… វិប្បយុត្តបច្ចយេន បច្ចយោ… តីណិ (អរូបទុកសទិសំ)… អត្ថិបច្ចយេន បច្ចយោ… សត្ត (អរូបាវចរទុកសទិសំ)… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ… សត្ត។

    Vipākapaccayena paccayo… ekaṃ… āhārapaccayena paccayo… cattāri… indriyapaccayena paccayo… cattāri… jhānapaccayena paccayo… cattāri… maggapaccayena paccayo… cattāri… sampayuttapaccayena paccayo… dve… vippayuttapaccayena paccayo… tīṇi (arūpadukasadisaṃ)… atthipaccayena paccayo… satta (arūpāvacaradukasadisaṃ)… natthipaccayena paccayo… vigatapaccayena paccayo… avigatapaccayena paccayo… satta.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៣៣៩. ហេតុយា ចត្តារិ, អារម្មណេ តីណិ, អធិបតិយា បញ្ច, អនន្តរេ តីណិ, សមនន្តរេ តីណិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ទ្វេ, កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា តីណិ, វិគតេ តីណិ, អវិគតេ សត្ត។

    339. Hetuyā cattāri, ārammaṇe tīṇi, adhipatiyā pañca, anantare tīṇi, samanantare tīṇi, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane dve, kamme cattāri, vipāke ekaṃ, āhāre cattāri, indriye jhāne cattāri, magge cattāri, sampayutte dve, vippayutte tīṇi, atthiyā satta, natthiyā tīṇi, vigate tīṇi, avigate satta.

    ២. បច្ចនីយុទ្ធារោ

    2. Paccanīyuddhāro

    ៣៤០. និយតោ ធម្មោ និយតស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ និយតោ ធម្មោ អនិយតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ និយតោ ធម្មោ និយតស្ស ច អនិយតស្ស ច ធម្មស្ស សហជាតបច្ចយេន បច្ចយោ។ (៣)

    340. Niyato dhammo niyatassa dhammassa sahajātapaccayena paccayo… upanissayapaccayena paccayo. Niyato dhammo aniyatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. Niyato dhammo niyatassa ca aniyatassa ca dhammassa sahajātapaccayena paccayo. (3)

    ៣៤១. អនិយតោ ធម្មោ អនិយតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ អនិយតោ ធម្មោ និយតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    341. Aniyato dhammo aniyatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. Aniyato dhammo niyatassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)

    និយតោ ច អនិយតោ ច ធម្មា និយតស្ស ធម្មស្ស សហជាតំ, បុរេជាតំ។ និយតោ ច អនិយតោ ច ធម្មា អនិយតស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (២)

    Niyato ca aniyato ca dhammā niyatassa dhammassa sahajātaṃ, purejātaṃ. Niyato ca aniyato ca dhammā aniyatassa dhammassa sahajātaṃ, pacchājātaṃ, āhāraṃ, indriyaṃ. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៣៤២. នហេតុយា សត្ត, នអារម្មណេ សត្ត, នអធិបតិយា សត្ត, នអនន្តរេ នសមនន្តរេ សត្ត, នសហជាតេ បញ្ច, នអញ្ញមញ្ញេ បញ្ច, ននិស្សយេ បញ្ច, នឧបនិស្សយេ សត្ត, នបុរេជាតេ ឆ, នបច្ឆាជាតេ សត្ត…បេ.… នសម្បយុត្តេ បញ្ច, នវិប្បយុត្តេ ចត្តារិ, នោអត្ថិយា ចត្តារិ, នោនត្ថិយា សត្ត, នោវិគតេ សត្ត, នោអវិគតេ ចត្តារិ។

    342. Nahetuyā satta, naārammaṇe satta, naadhipatiyā satta, naanantare nasamanantare satta, nasahajāte pañca, naaññamaññe pañca, nanissaye pañca, naupanissaye satta, napurejāte cha, napacchājāte satta…pe… nasampayutte pañca, navippayutte cattāri, noatthiyā cattāri, nonatthiyā satta, novigate satta, noavigate cattāri.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៣៤៣. ហេតុបច្ចយា នអារម្មណេ ចត្តារិ, នអធិបតិយា ចត្តារិ, នអនន្តរេ នសមនន្តរេ ចត្តារិ , នអញ្ញមញ្ញេ ទ្វេ, នឧបនិស្សយេ ចត្តារិ…បេ.… នសម្បយុត្តេ ទ្វេ, នវិប្បយុត្តេ ទ្វេ, នោនត្ថិយា ចត្តារិ, នោវិគតេ ចត្តារិ។

    343. Hetupaccayā naārammaṇe cattāri, naadhipatiyā cattāri, naanantare nasamanantare cattāri , naaññamaññe dve, naupanissaye cattāri…pe… nasampayutte dve, navippayutte dve, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៣៤៤. នហេតុបច្ចយា អារម្មណេ តីណិ, អធិបតិយា បញ្ច (អនុលោមមាតិកា វិត្ថារេតព្ពា)…បេ.… អវិគតេ សត្ត។

    344. Nahetupaccayā ārammaṇe tīṇi, adhipatiyā pañca (anulomamātikā vitthāretabbā)…pe… avigate satta.

    និយតទុកំ និដ្ឋិតំ។

    Niyatadukaṃ niṭṭhitaṃ.

    ៩៩. សឧត្តរទុកំ

    99. Sauttaradukaṃ

    ១-៧. បដិច្ចវារាទិ

    1-7. Paṭiccavārādi

    ៣៤៥. សឧត្តរំ ធម្មំ បដិច្ច សឧត្តរោ ធម្មោ ឧប្បជ្ជតិ ហេតុបច្ចយា – សឧត្តរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (យាវ អជ្ឈត្តិកា មហាភូតា។ យថា ចូឡន្តរទុកេ លោកិយទុកសទិសំ និន្នានាករណំ។)

    345. Sauttaraṃ dhammaṃ paṭicca sauttaro dhammo uppajjati hetupaccayā – sauttaraṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe…. (Yāva ajjhattikā mahābhūtā. Yathā cūḷantaraduke lokiyadukasadisaṃ ninnānākaraṇaṃ.)

    សឧត្តរទុកំ និដ្ឋិតំ។

    Sauttaradukaṃ niṭṭhitaṃ.

    ១០០. សរណទុកំ

    100. Saraṇadukaṃ

    ១. បដិច្ចវារោ

    1. Paṭiccavāro

    ១-៤. បច្ចយានុលោមាទិ

    1-4. Paccayānulomādi

    ហេតុបច្ចយោ

    Hetupaccayo

    ៣៤៦. សរណំ ធម្មំ បដិច្ច សរណោ ធម្មោ ឧប្បជ្ជតិ ហេតុបច្ចយា – សរណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (បញ្ច បញ្ហា អរូបាវចរទុកសទិសា, អនុលោមបដិច្ចសទិសា។)

    346. Saraṇaṃ dhammaṃ paṭicca saraṇo dhammo uppajjati hetupaccayā – saraṇaṃ ekaṃ khandhaṃ paṭicca tayo khandhā…pe… dve khandhe…pe…. (Pañca pañhā arūpāvacaradukasadisā, anulomapaṭiccasadisā.)

    ហេតុយា បញ្ច, អារម្មណេ ទ្វេ, អធិបតិយា បញ្ច…បេ.… អវិគតេ បញ្ច។

    Hetuyā pañca, ārammaṇe dve, adhipatiyā pañca…pe… avigate pañca.

    អនុលោមំ។

    Anulomaṃ.

    សរណំ ធម្មំ បដិច្ច សរណោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    Saraṇaṃ dhammaṃ paṭicca saraṇo dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    អរណំ ធម្មំ បដិច្ច អរណោ ធម្មោ ឧប្បជ្ជតិ នហេតុបច្ចយា – អហេតុកំ អរណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា)។ (១)

    Araṇaṃ dhammaṃ paṭicca araṇo dhammo uppajjati nahetupaccayā – ahetukaṃ araṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā). (1)

    នហេតុយា ទ្វេ, នអារម្មណេ តីណិ, នអធិបតិយា បញ្ច, នអនន្តរេ តីណិ, នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ បញ្ច, នអាសេវនេ បញ្ច, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    Nahetuyā dve, naārammaṇe tīṇi, naadhipatiyā pañca, naanantare tīṇi, naupanissaye tīṇi, napurejāte cattāri, napacchājāte pañca, naāsevane pañca, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    បច្ចនីយំ។

    Paccanīyaṃ.

    ២. សហជាតវារោ

    2. Sahajātavāro

    (ឯវំ ឥតរេ ទ្វេ គណនាបិ សហជាតវារោបិ កាតព្ពោ។)

    (Evaṃ itare dve gaṇanāpi sahajātavāropi kātabbo.)

    ៣. បច្ចយវារោ

    3. Paccayavāro

    ១-៤. បច្ចយចតុក្កំ

    1-4. Paccayacatukkaṃ

    ៣៤៧. សរណំ ធម្មំ បច្ចយា សរណោ ធម្មោ ឧប្បជ្ជតិ ហេតុបច្ចយា – សរណំ ឯកំ ខន្ធំ បច្ចយា តយោ ខន្ធា…បេ.… ទ្វេ ខន្ធេ…បេ.… (យថា អរូបាវចរទុកស្ស បច្ចយវារោបិ ឯវំ កាតព្ពោ)។

    347. Saraṇaṃ dhammaṃ paccayā saraṇo dhammo uppajjati hetupaccayā – saraṇaṃ ekaṃ khandhaṃ paccayā tayo khandhā…pe… dve khandhe…pe… (yathā arūpāvacaradukassa paccayavāropi evaṃ kātabbo).

    ហេតុយា នវ, អារម្មណេ ចត្តារិ, អធិបតិយា នវ…បេ.… អវិគតេ នវ។

    Hetuyā nava, ārammaṇe cattāri, adhipatiyā nava…pe… avigate nava.

    អនុលោមំ។

    Anulomaṃ.

    ៣៤៨. សរណំ ធម្មំ បច្ចយា សរណោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    348. Saraṇaṃ dhammaṃ paccayā saraṇo dhammo uppajjati nahetupaccayā – vicikicchāsahagate uddhaccasahagate khandhe paccayā vicikicchāsahagato uddhaccasahagato moho. (1)

    អរណំ ធម្មំ បច្ចយា អរណោ ធម្មោ ឧប្បជ្ជតិ នហេតុបច្ចយា – អហេតុកំ អរណំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា ខន្ធា។ អរណំ ធម្មំ បច្ចយា សរណោ ធម្មោ ឧប្បជ្ជតិ នហេតុបច្ចយា – វត្ថុំ បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (២)

    Araṇaṃ dhammaṃ paccayā araṇo dhammo uppajjati nahetupaccayā – ahetukaṃ araṇaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā khandhā. Araṇaṃ dhammaṃ paccayā saraṇo dhammo uppajjati nahetupaccayā – vatthuṃ paccayā vicikicchāsahagato uddhaccasahagato moho. (2)

    សរណញ្ច អរណញ្ច ធម្មំ បច្ចយា សរណោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    Saraṇañca araṇañca dhammaṃ paccayā saraṇo dhammo uppajjati nahetupaccayā – vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    នហេតុយា ចត្តារិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ។

    Nahetuyā cattāri, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    បច្ចនីយំ។

    Paccanīyaṃ.

    ៤-៥. និស្សយ-សំសដ្ឋវារោ

    4-5. Nissaya-saṃsaṭṭhavāro

    (ឯវំ ឥតរេ ទ្វេ គណនាបិ និស្សយវារោបិ កាតព្ពោ, សំសដ្ឋវារេបិ ទ្វេ បញ្ហា កាតព្ពា សព្ពត្ថ។)

    (Evaṃ itare dve gaṇanāpi nissayavāropi kātabbo, saṃsaṭṭhavārepi dve pañhā kātabbā sabbattha.)

    ហេតុយា ទ្វេ, អារម្មណេ ទ្វេ (សព្ពត្ថ ទ្វេ), វិបាកេ ឯកំ, អវិគតេ ទ្វេ (អនុលោមំ)។

    Hetuyā dve, ārammaṇe dve (sabbattha dve), vipāke ekaṃ, avigate dve (anulomaṃ).

    នហេតុយា ទ្វេ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នឈានេ ឯកំ, នមគ្គេ ឯកំ, នវិប្បយុត្តេ ទ្វេ (បច្ចនីយំ)។

    Nahetuyā dve, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, najhāne ekaṃ, namagge ekaṃ, navippayutte dve (paccanīyaṃ).

    ៦. សម្បយុត្តវារោ

    6. Sampayuttavāro

    (ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ។)

    (Evaṃ itare dve gaṇanāpi sampayuttavāropi kātabbo.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៣៤៩. សរណោ ធម្មោ សរណស្ស ធម្មស្ស ហេតុបច្ចយេន បច្ចយោ (អរូបទុកសទិសំ, ចត្តារិ)។

    349. Saraṇo dhammo saraṇassa dhammassa hetupaccayena paccayo (arūpadukasadisaṃ, cattāri).

    អារម្មណបច្ចយោ

    Ārammaṇapaccayo

    ៣៥០. សរណោ ធម្មោ សរណស្ស ធម្មស្ស អារម្មណបច្ចយេន បច្ចយោ – រាគំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… ឧទ្ធច្ចំ…បេ.… ទោមនស្សំ ឧប្បជ្ជតិ, ទិដ្ឋិំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ, វិចិកិច្ឆំ អារព្ភ …បេ.… ឧទ្ធច្ចំ អារព្ភ…បេ.… ទោមនស្សំ អារព្ភ ទោមនស្សំ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… ឧទ្ធច្ចំ ឧប្បជ្ជតិ។ សរណោ ធម្មោ អរណស្ស ធម្មស្ស អារម្មណបច្ចយេន បច្ចយោ – អរិយា បហីនេ កិលេសេ…បេ.… វិក្ខម្ភិតេ កិលេសេ…បេ.… បុព្ពេ សមុទាចិណ្ណេ…បេ.… សរណេ ខន្ធេ អនិច្ចតោ…បេ.… វិបស្សតិ, ចេតោបរិយញាណេន សរណចិត្តសមង្គិស្ស ចិត្តំ ជានាតិ។ សរណា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (២)

    350. Saraṇo dhammo saraṇassa dhammassa ārammaṇapaccayena paccayo – rāgaṃ assādeti abhinandati, taṃ ārabbha rāgo uppajjati, diṭṭhi…pe… vicikicchā…pe… uddhaccaṃ…pe… domanassaṃ uppajjati, diṭṭhiṃ assādeti abhinandati, taṃ ārabbha rāgo uppajjati…pe… domanassaṃ uppajjati, vicikicchaṃ ārabbha …pe… uddhaccaṃ ārabbha…pe… domanassaṃ ārabbha domanassaṃ uppajjati, diṭṭhi…pe… vicikicchā…pe… uddhaccaṃ uppajjati. Saraṇo dhammo araṇassa dhammassa ārammaṇapaccayena paccayo – ariyā pahīne kilese…pe… vikkhambhite kilese…pe… pubbe samudāciṇṇe…pe… saraṇe khandhe aniccato…pe… vipassati, cetopariyañāṇena saraṇacittasamaṅgissa cittaṃ jānāti. Saraṇā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)

    ៣៥១. អរណោ ធម្មោ អរណស្ស ធម្មស្ស អារម្មណបច្ចយេន បច្ចយោ; ទានំ…បេ.… សីលំ…បេ.… ឧបោសថកម្មំ កត្វា តំ បច្ចវេក្ខតិ, បុព្ពេ…បេ.… ឈានា…បេ.… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ…បេ.… និព្ពានំ បច្ចវេក្ខន្តិ; និព្ពានំ គោត្រភុស្ស , វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ។ ចក្ខុំ…បេ.… វត្ថុំ អរណេ ខន្ធេ អនិច្ចតោ…បេ.… វិបស្សតិ, ទិព្ពេន ចក្ខុនា រូបំ បស្សតិ …បេ.… អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ អរណោ ធម្មោ សរណស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ កត្វា តំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… បុព្ពេ…បេ.… ឈានា…បេ.… ចក្ខុំ…បេ.… វត្ថុំ, អរណេ ខន្ធេ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ។ (២)

    351. Araṇo dhammo araṇassa dhammassa ārammaṇapaccayena paccayo; dānaṃ…pe… sīlaṃ…pe… uposathakammaṃ katvā taṃ paccavekkhati, pubbe…pe… jhānā…pe… ariyā maggā vuṭṭhahitvā maggaṃ paccavekkhanti, phalaṃ…pe… nibbānaṃ paccavekkhanti; nibbānaṃ gotrabhussa , vodānassa, maggassa, phalassa, āvajjanāya ārammaṇapaccayena paccayo. Cakkhuṃ…pe… vatthuṃ araṇe khandhe aniccato…pe… vipassati, dibbena cakkhunā rūpaṃ passati …pe… anāgataṃsañāṇassa, āvajjanāya ārammaṇapaccayena paccayo. Araṇo dhammo saraṇassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ assādeti abhinandati, taṃ ārabbha rāgo uppajjati…pe… pubbe…pe… jhānā…pe… cakkhuṃ…pe… vatthuṃ, araṇe khandhe assādeti abhinandati, taṃ ārabbha rāgo uppajjati…pe… domanassaṃ uppajjati. (2)

    អធិបតិបច្ចយោ

    Adhipatipaccayo

    ៣៥២. សរណោ ធម្មោ សរណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ… ទិដ្ឋិ ឧប្បជ្ជតិ; ទិដ្ឋិំ គរុំ កត្វា អស្សាទេតិ អភិនន្ទតិ។ សហជាតាធិបតិ – សរណាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ សរណោ ធម្មោ អរណស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – សរណាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ សរណោ ធម្មោ សរណស្ស ច អរណស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – សរណាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    352. Saraṇo dhammo saraṇassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – rāgaṃ garuṃ katvā assādeti abhinandati, taṃ garuṃ katvā rāgo uppajjati… diṭṭhi uppajjati; diṭṭhiṃ garuṃ katvā assādeti abhinandati. Sahajātādhipati – saraṇādhipati sampayuttakānaṃ khandhānaṃ adhipatipaccayena paccayo. Saraṇo dhammo araṇassa dhammassa adhipatipaccayena paccayo. Sahajātādhipati – saraṇādhipati cittasamuṭṭhānānaṃ rūpānaṃ adhipatipaccayena paccayo. Saraṇo dhammo saraṇassa ca araṇassa ca dhammassa adhipatipaccayena paccayo. Sahajātādhipati – saraṇādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៣៥៣. អរណោ ធម្មោ អរណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ …បេ.… ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ…បេ.… ឈានា…បេ.… អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ…បេ.… និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស, មគ្គស្ស, ផលស្ស, អធិបតិបច្ចយេន បច្ចយោ។ សហជាតាធិបតិ – អរណាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ អរណោ ធម្មោ សរណស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ កត្វា តំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ… ទិដ្ឋិ ឧប្បជ្ជតិ; បុព្ពេ សុចិណ្ណានិ…បេ.… ឈានា…បេ.… ចក្ខុំ…បេ.… វត្ថុំ, អរណេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ… ទិដ្ឋិ ឧប្បជ្ជតិ។ (២)

    353. Araṇo dhammo araṇassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ …pe… uposathakammaṃ katvā taṃ garuṃ katvā paccavekkhati, pubbe…pe… jhānā…pe… ariyā maggā vuṭṭhahitvā maggaṃ garuṃ katvā paccavekkhanti, phalaṃ…pe… nibbānaṃ garuṃ katvā paccavekkhanti, nibbānaṃ gotrabhussa, vodānassa, maggassa, phalassa, adhipatipaccayena paccayo. Sahajātādhipati – araṇādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. Araṇo dhammo saraṇassa dhammassa adhipatipaccayena paccayo. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā assādeti abhinandati, taṃ garuṃ katvā rāgo uppajjati… diṭṭhi uppajjati; pubbe suciṇṇāni…pe… jhānā…pe… cakkhuṃ…pe… vatthuṃ, araṇe khandhe garuṃ katvā assādeti abhinandati, taṃ garuṃ katvā rāgo uppajjati… diṭṭhi uppajjati. (2)

    អនន្តរបច្ចយាទិ

    Anantarapaccayādi

    ៣៥៤. សរណោ ធម្មោ សរណស្ស ធម្មស្ស អនន្តរបច្ចយេន បច្ចយោ – បុរិមា បុរិមា សរណា ខន្ធា បច្ឆិមានំ បច្ឆិមានំ សរណានំ ខន្ធានំ អនន្តរបច្ចយេន បច្ចយោ។ សរណោ ធម្មោ អរណស្ស ធម្មស្ស អនន្តរបច្ចយេន បច្ចយោ – សរណា ខន្ធា វុដ្ឋានស្ស អនន្តរបច្ចយេន បច្ចយោ។ (២)

    354. Saraṇo dhammo saraṇassa dhammassa anantarapaccayena paccayo – purimā purimā saraṇā khandhā pacchimānaṃ pacchimānaṃ saraṇānaṃ khandhānaṃ anantarapaccayena paccayo. Saraṇo dhammo araṇassa dhammassa anantarapaccayena paccayo – saraṇā khandhā vuṭṭhānassa anantarapaccayena paccayo. (2)

    ៣៥៥. អរណោ ធម្មោ អរណស្ស ធម្មស្ស អនន្តរបច្ចយេន បច្ចយោ – បុរិមា បុរិមា អរណា ខន្ធា បច្ឆិមានំ បច្ឆិមានំ អរណានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ.… ផលសមាបត្តិយា អនន្តរបច្ចយេន បច្ចយោ។ អរណោ ធម្មោ សរណស្ស ធម្មស្ស អនន្តរបច្ចយេន បច្ចយោ – អាវជ្ជនា សរណានំ ខន្ធានំ អនន្តរបច្ចយេន បច្ចយោ។ (២)

    355. Araṇo dhammo araṇassa dhammassa anantarapaccayena paccayo – purimā purimā araṇā khandhā pacchimānaṃ pacchimānaṃ araṇānaṃ khandhānaṃ anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. Araṇo dhammo saraṇassa dhammassa anantarapaccayena paccayo – āvajjanā saraṇānaṃ khandhānaṃ anantarapaccayena paccayo. (2)

    សមនន្តរបច្ចយេន បច្ចយោ… សហជាតបច្ចយេន បច្ចយោ… បញ្ច… អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ… សត្ត។

    Samanantarapaccayena paccayo… sahajātapaccayena paccayo… pañca… aññamaññapaccayena paccayo… dve… nissayapaccayena paccayo… satta.

    ឧបនិស្សយបច្ចយោ

    Upanissayapaccayo

    ៣៥៦. សរណោ ធម្មោ សរណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – រាគំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; ទោសំ…បេ.… បត្ថនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ, រាគោ…បេ.… បត្ថនា រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ សរណោ ធម្មោ អរណស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – រាគំ ឧបនិស្សាយ ទានំ ទេតិ, សីលំ…បេ.… ឧបោសថកម្មំ ករោតិ, ឈានំ ឧប្បាទេតិ, វិបស្សនំ…បេ.… មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ; ទោសំ…បេ.… បត្ថនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, រាគោ…បេ.… បត្ថនា សទ្ធាយ…បេ.… បញ្ញាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស… ផលសមាបត្តិយា ឧបនិស្សយបច្ចយេន បច្ចយោ។ (២)

    356. Saraṇo dhammo saraṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – rāgaṃ upanissāya pāṇaṃ hanati…pe… saṅghaṃ bhindati; dosaṃ…pe… patthanaṃ upanissāya pāṇaṃ hanati…pe… saṅghaṃ bhindati, rāgo…pe… patthanā rāgassa…pe… patthanāya upanissayapaccayena paccayo. Saraṇo dhammo araṇassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – rāgaṃ upanissāya dānaṃ deti, sīlaṃ…pe… uposathakammaṃ karoti, jhānaṃ uppādeti, vipassanaṃ…pe… maggaṃ…pe… abhiññaṃ…pe… samāpattiṃ uppādeti; dosaṃ…pe… patthanaṃ upanissāya dānaṃ deti…pe… samāpattiṃ uppādeti, rāgo…pe… patthanā saddhāya…pe… paññāya… kāyikassa sukhassa… kāyikassa dukkhassa… maggassa… phalasamāpattiyā upanissayapaccayena paccayo. (2)

    ៣៥៧. អរណោ ធម្មោ អរណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ , អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ; សីលំ…បេ.… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ; សទ្ធា …បេ.… សេនាសនំ សទ្ធាយ…បេ.… បញ្ញាយ… កាយិកស្ស សុខស្ស… កាយិកស្ស ទុក្ខស្ស… មគ្គស្ស… ផលសមាបត្តិយា ឧបនិស្សយបច្ចយេន បច្ចយោ។ (១)

    357. Araṇo dhammo araṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti; sīlaṃ…pe… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti; saddhā …pe… senāsanaṃ saddhāya…pe… paññāya… kāyikassa sukhassa… kāyikassa dukkhassa… maggassa… phalasamāpattiyā upanissayapaccayena paccayo. (1)

    អរណោ ធម្មោ សរណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ.… សេនាសនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; សទ្ធា…បេ.… សេនាសនំ រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (២)

    Araṇo dhammo saraṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya pāṇaṃ hanati…pe… saṅghaṃ bhindati; saddhā…pe… senāsanaṃ rāgassa…pe… patthanāya upanissayapaccayena paccayo. (2)

    បុរេជាតបច្ចយាទិ

    Purejātapaccayādi

    ៣៥៨. អរណោ ធម្មោ អរណស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ…បេ.… វិបស្សតិ…បេ.… ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.…។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស …បេ.… កាយាយតនំ កាយវិញ្ញាណស្ស…បេ.… វត្ថុ អរណានំ ខន្ធានំ បុរេជាតបច្ចយេន បច្ចយោ។ អរណោ ធម្មោ សរណស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ។ វត្ថុបុរេជាតំ – វត្ថុ សរណានំ ខន្ធានំ បុរេជាតបច្ចយេន បច្ចយោ។ (២)

    358. Araṇo dhammo araṇassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati…pe… dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa …pe… kāyāyatanaṃ kāyaviññāṇassa…pe… vatthu araṇānaṃ khandhānaṃ purejātapaccayena paccayo. Araṇo dhammo saraṇassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha rāgo uppajjati…pe… domanassaṃ uppajjati. Vatthupurejātaṃ – vatthu saraṇānaṃ khandhānaṃ purejātapaccayena paccayo. (2)

    បច្ឆាជាតបច្ចយេន បច្ចយោ… ទ្វេ… អាសេវនបច្ចយេន បច្ចយោ… ទ្វេ។

    Pacchājātapaccayena paccayo… dve… āsevanapaccayena paccayo… dve.

    កម្មបច្ចយោ

    Kammapaccayo

    ៣៥៩. សរណោ ធម្មោ សរណស្ស ធម្មស្ស កម្មបច្ចយេន បច្ចយោ – សរណា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (មូលំ កាតព្ពំ។) សហជាតា, នានាក្ខណិកា។ សហជាតា – សរណា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ នានាក្ខណិកា – សរណា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (មូលំ កាតព្ពំ។) សរណា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    359. Saraṇo dhammo saraṇassa dhammassa kammapaccayena paccayo – saraṇā cetanā sampayuttakānaṃ khandhānaṃ kammapaccayena paccayo. (Mūlaṃ kātabbaṃ.) Sahajātā, nānākkhaṇikā. Sahajātā – saraṇā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – saraṇā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (Mūlaṃ kātabbaṃ.) Saraṇā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    អរណោ ធម្មោ អរណស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – (សំខិត្តំ)។ (១)

    Araṇo dhammo araṇassa dhammassa kammapaccayena paccayo – sahajātā, nānākkhaṇikā. Sahajātā – (saṃkhittaṃ). (1)

    វិបាកបច្ចយេន បច្ចយោ… ឯកំ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ទ្វេ… វិប្បយុត្តបច្ចយេន បច្ចយោ… តីណិ (អរូបទុកសទិសា)។

    Vipākapaccayena paccayo… ekaṃ… āhārapaccayena paccayo… cattāri… indriyapaccayena paccayo… cattāri… jhānapaccayena paccayo… cattāri… maggapaccayena paccayo… cattāri… sampayuttapaccayena paccayo… dve… vippayuttapaccayena paccayo… tīṇi (arūpadukasadisā).

    អត្ថិបច្ចយោ

    Atthipaccayo

    ៣៦០. សរណោ ធម្មោ សរណស្ស ធម្មស្ស អត្ថិបច្ចយេន បច្ចយោ (សំខិត្តំ)។ សរណោ ធម្មោ អរណស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ)។ សរណោ ធម្មោ សរណស្ស ច អរណស្ស ច ធម្មស្ស អត្ថិបច្ចយេន បច្ចយោ (សំខិត្តំ)។ (៣)

    360. Saraṇo dhammo saraṇassa dhammassa atthipaccayena paccayo (saṃkhittaṃ). Saraṇo dhammo araṇassa dhammassa atthipaccayena paccayo – sahajātaṃ, pacchājātaṃ (saṃkhittaṃ). Saraṇo dhammo saraṇassa ca araṇassa ca dhammassa atthipaccayena paccayo (saṃkhittaṃ). (3)

    ៣៦១. អរណោ ធម្មោ អរណស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ)។ អរណោ ធម្មោ សរណស្ស ធម្មស្ស អត្ថិបច្ចយេន បច្ចយោ។ បុរេជាតំ – ចក្ខុំ …បេ.… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ, វត្ថុ សរណានំ ខន្ធានំ អត្ថិបច្ចយេន បច្ចយោ។ (២)

    361. Araṇo dhammo araṇassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). Araṇo dhammo saraṇassa dhammassa atthipaccayena paccayo. Purejātaṃ – cakkhuṃ …pe… vatthuṃ assādeti abhinandati, taṃ ārabbha rāgo uppajjati…pe… domanassaṃ uppajjati, vatthu saraṇānaṃ khandhānaṃ atthipaccayena paccayo. (2)

    សរណោ ច អរណោ ច ធម្មា សរណស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ)។ សរណោ ច អរណោ ច ធម្មា អរណស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – សរណា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – សរណា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – សរណា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    Saraṇo ca araṇo ca dhammā saraṇassa dhammassa atthipaccayena paccayo – sahajātaṃ, purejātaṃ (saṃkhittaṃ). Saraṇo ca araṇo ca dhammā araṇassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – saraṇā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – saraṇā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – saraṇā khandhā ca rūpajīvitindriyañca kaṭattārūpānaṃ atthipaccayena paccayo. (2)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៣៦២. ហេតុយា ចត្តារិ, អារម្មណេ ចត្តារិ, អធិបតិយា បញ្ច, អនន្តរេ ចត្តារិ, សមនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ទ្វេ, កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ, វិគតេ ចត្តារិ, អវិគតេ សត្ត។

    362. Hetuyā cattāri, ārammaṇe cattāri, adhipatiyā pañca, anantare cattāri, samanantare cattāri, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane dve, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta.

    បច្ចនីយុទ្ធារោ

    Paccanīyuddhāro

    ៣៦៣. សរណោ ធម្មោ សរណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ សរណោ ធម្មោ អរណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ សរណោ ធម្មោ សរណស្ស ច អរណស្ស ច ធម្មស្ស សហជាតបច្ចយេន បច្ចយោ។ (៣)

    363. Saraṇo dhammo saraṇassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. Saraṇo dhammo araṇassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. Saraṇo dhammo saraṇassa ca araṇassa ca dhammassa sahajātapaccayena paccayo. (3)

    ៣៦៤. អរណោ ធម្មោ អរណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ អរណោ ធម្មោ សរណស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    364. Araṇo dhammo araṇassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. Araṇo dhammo saraṇassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)

    សរណោ ច អរណោ ច ធម្មា សរណស្ស ធម្មស្ស សហជាតំ, បុរេជាតំ។ សរណោ ច អរណោ ច ធម្មា អរណស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (២)

    Saraṇo ca araṇo ca dhammā saraṇassa dhammassa sahajātaṃ, purejātaṃ. Saraṇo ca araṇo ca dhammā araṇassa dhammassa sahajātaṃ, pacchājātaṃ, āhāraṃ, indriyaṃ. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៣៦៥. នហេតុយា សត្ត, នសមនន្តរេ សត្ត, នសហជាតេ បញ្ច, នអញ្ញមញ្ញេ បញ្ច, ននិស្សយេ បញ្ច, នឧបនិស្សយេ សត្ត, នបុរេជាតេ ឆ, នបច្ឆាជាតេ សត្ត…បេ.… នសម្បយុត្តេ បញ្ច, នវិប្បយុត្តេ ចត្តារិ, នោអត្ថិយា ចត្តារិ, នោនត្ថិយា សត្ត, នោវិគតេ សត្ត, នោអវិគតេ ចត្តារិ។

    365. Nahetuyā satta, nasamanantare satta, nasahajāte pañca, naaññamaññe pañca, nanissaye pañca, naupanissaye satta, napurejāte cha, napacchājāte satta…pe… nasampayutte pañca, navippayutte cattāri, noatthiyā cattāri, nonatthiyā satta, novigate satta, noavigate cattāri.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៣៦៦. ហេតុបច្ចយា នអារម្មណេ ចត្តារិ, នអធិបតិយា ចត្តារិ…បេ.… នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ…បេ.… នសម្បយុត្តេ ទ្វេ, នវិប្បយុត្តេ ទ្វេ, នោនត្ថិយា ចត្តារិ , នោវិគតេ ចត្តារិ។

    366. Hetupaccayā naārammaṇe cattāri, naadhipatiyā cattāri…pe… nasamanantare cattāri, naaññamaññe dve, naupanissaye cattāri…pe… nasampayutte dve, navippayutte dve, nonatthiyā cattāri , novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៣៦៧. នហេតុបច្ចយា អារម្មណេ ចត្តារិ, អធិបតិយា បញ្ច, អនន្តរេ ចត្តារិ (អនុលោមមាតិកា គហេតព្ពា)…បេ.… អវិគតេ សត្ត។

    367. Nahetupaccayā ārammaṇe cattāri, adhipatiyā pañca, anantare cattāri (anulomamātikā gahetabbā)…pe… avigate satta.

    សរណទុកំ និដ្ឋិតំ។

    Saraṇadukaṃ niṭṭhitaṃ.

    បិដ្ឋិទុកំ និដ្ឋិតំ។

    Piṭṭhidukaṃ niṭṭhitaṃ.

    ធម្មានុលោមេ ទុកបដ្ឋានំ និដ្ឋិតំ។

    Dhammānulome dukapaṭṭhānaṃ niṭṭhitaṃ.

    ធម្មានុលោមេ ទុកតិកបដ្ឋានំ

    Dhammānulome dukatikapaṭṭhānaṃ




    Next: ១-១ ហេតុទុក-កុសលត្តិកំ • 1-1 Hetuduka-kusalattikaṃ




    Footnotes:
    1. ថីនំ (សី. ស្យា.)
    2. thīnaṃ (sī. syā.)

    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact