| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੯. ਏਕੂਨવੀਸਤਿਮવਗ੍ਗੋ
19. Ekūnavīsatimavaggo
(੧੮੬) ੧. ਕਿਲੇਸਜਹਨਕਥਾ
(186) 1. Kilesajahanakathā
੮੨੮. ਅਤੀਤੇ ਕਿਲੇਸੇ ਜਹਤੀਤਿ? ਆਮਨ੍ਤਾ। ਨਿਰੁਦ੍ਧਂ ਨਿਰੋਧੇਤਿ, વਿਗਤਂ વਿਗਮੇਤਿ, ਖੀਣਂ ਖੇਪੇਤਿ, ਅਤ੍ਥਙ੍ਗਤਂ ਅਤ੍ਥਙ੍ਗਮੇਤਿ, ਅਬ੍ਭਤ੍ਥਙ੍ਗਤਂ ਅਬ੍ਭਤ੍ਥਙ੍ਗਮੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤੀਤੇ ਕਿਲੇਸੇ ਜਹਤੀਤਿ? ਆਮਨ੍ਤਾ। ਨਨੁ ਅਤੀਤਂ ਨਿਰੁਦ੍ਧਨ੍ਤਿ? ਆਮਨ੍ਤਾ। ਹਞ੍ਚਿ ਅਤੀਤਂ ਨਿਰੁਦ੍ਧਂ , ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤੀਤੇ ਕਿਲੇਸੇ ਜਹਤੀ’’ਤਿ। ਅਤੀਤੇ ਕਿਲੇਸੇ ਜਹਤੀਤਿ? ਆਮਨ੍ਤਾ। ਨਨੁ ਅਤੀਤਂ ਨਤ੍ਥੀਤਿ? ਆਮਨ੍ਤਾ। ਹਞ੍ਚਿ ਅਤੀਤਂ ਨਤ੍ਥਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤੀਤੇ ਕਿਲੇਸੇ ਜਹਤੀ’’ਤਿ।
828. Atīte kilese jahatīti? Āmantā. Niruddhaṃ nirodheti, vigataṃ vigameti, khīṇaṃ khepeti, atthaṅgataṃ atthaṅgameti, abbhatthaṅgataṃ abbhatthaṅgametīti? Na hevaṃ vattabbe…pe… atīte kilese jahatīti? Āmantā. Nanu atītaṃ niruddhanti? Āmantā. Hañci atītaṃ niruddhaṃ , no ca vata re vattabbe – ‘‘atīte kilese jahatī’’ti. Atīte kilese jahatīti? Āmantā. Nanu atītaṃ natthīti? Āmantā. Hañci atītaṃ natthi, no ca vata re vattabbe – ‘‘atīte kilese jahatī’’ti.
੮੨੯. ਅਨਾਗਤੇ ਕਿਲੇਸੇ ਜਹਤੀਤਿ? ਆਮਨ੍ਤਾ। ਅਜਾਤਂ ਅਜਨੇਤਿ, ਅਸਞ੍ਜਾਤਂ ਅਸਞ੍ਜਨੇਤਿ, ਅਨਿਬ੍ਬਤ੍ਤਂ ਅਨਿਬ੍ਬਤ੍ਤੇਤਿ, ਅਪਾਤੁਭੂਤਂ ਅਪਾਤੁਭਾવੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਨਾਗਤੇ ਕਿਲੇਸੇ ਜਹਤੀਤਿ? ਆਮਨ੍ਤਾ। ਨਨੁ ਅਨਾਗਤਂ ਅਜਾਤਨ੍ਤਿ? ਆਮਨ੍ਤਾ। ਹਞ੍ਚਿ ਅਨਾਗਤਂ ਅਜਾਤਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਨਾਗਤੇ ਕਿਲੇਸੇ ਜਹਤੀ’’ਤਿ । ਅਨਾਗਤੇ ਕਿਲੇਸੇ ਜਹਤੀਤਿ? ਆਮਨ੍ਤਾ। ਨਨੁ ਅਨਾਗਤਂ ਨਤ੍ਥੀਤਿ? ਆਮਨ੍ਤਾ। ਹਞ੍ਚਿ ਅਨਾਗਤਂ ਨਤ੍ਥਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਨਾਗਤੇ ਕਿਲੇਸੇ ਜਹਤੀ’’ਤਿ।
829. Anāgate kilese jahatīti? Āmantā. Ajātaṃ ajaneti, asañjātaṃ asañjaneti, anibbattaṃ anibbatteti, apātubhūtaṃ apātubhāvetīti? Na hevaṃ vattabbe…pe… anāgate kilese jahatīti? Āmantā. Nanu anāgataṃ ajātanti? Āmantā. Hañci anāgataṃ ajātaṃ, no ca vata re vattabbe – ‘‘anāgate kilese jahatī’’ti . Anāgate kilese jahatīti? Āmantā. Nanu anāgataṃ natthīti? Āmantā. Hañci anāgataṃ natthi, no ca vata re vattabbe – ‘‘anāgate kilese jahatī’’ti.
੮੩੦. ਪਚ੍ਚੁਪ੍ਪਨ੍ਨੇ ਕਿਲੇਸੇ ਜਹਤੀਤਿ? ਆਮਨ੍ਤਾ। ਰਤ੍ਤੋ ਰਾਗਂ ਜਹਤਿ, ਦੁਟ੍ਠੋ ਦੋਸਂ ਜਹਤਿ, ਮੂਲ਼੍ਹੋ ਮੋਹਂ ਜਹਤਿ, ਕਿਲਿਟ੍ਠੋ ਕਿਲੇਸੇ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰਾਗੇਨ ਰਾਗਂ ਜਹਤਿ, ਦੋਸੇਨ ਦੋਸਂ ਜਹਤਿ, ਮੋਹੇਨ ਮੋਹਂ ਜਹਤਿ, ਕਿਲੇਸੇਹਿ ਕਿਲੇਸੇ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
830. Paccuppanne kilese jahatīti? Āmantā. Ratto rāgaṃ jahati, duṭṭho dosaṃ jahati, mūḷho mohaṃ jahati, kiliṭṭho kilese jahatīti? Na hevaṃ vattabbe…pe… rāgena rāgaṃ jahati, dosena dosaṃ jahati, mohena mohaṃ jahati, kilesehi kilese jahatīti? Na hevaṃ vattabbe…pe….
ਰਾਗੋ ਚਿਤ੍ਤਸਮ੍ਪਯੁਤ੍ਤੋ, ਮਗ੍ਗੋ ਚਿਤ੍ਤਸਮ੍ਪਯੁਤ੍ਤੋਤਿ? ਆਮਨ੍ਤਾ। ਦ੍વਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Rāgo cittasampayutto, maggo cittasampayuttoti? Āmantā. Dvinnaṃ cittānaṃ samodhānaṃ hotīti? Na hevaṃ vattabbe…pe….
ਰਾਗੋ ਅਕੁਸਲੋ, ਮਗ੍ਗੋ ਕੁਸਲੋਤਿ? ਆਮਨ੍ਤਾ। ਕੁਸਲਾਕੁਸਲਾ ਸਾવਜ੍ਜਾਨવਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾવਂ ਆਗਚ੍ਛਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Rāgo akusalo, maggo kusaloti? Āmantā. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Na hevaṃ vattabbe…pe….
ਕੁਸਲਾਕੁਸਲਾ ਸਾવਜ੍ਜਾਨવਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾવਂ ਆਗਚ੍ਛਨ੍ਤੀਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਚਤ੍ਤਾਰਿਮਾਨਿ, ਭਿਕ੍ਖવੇ, ਸੁવਿਦੂਰવਿਦੂਰਾਨਿ! ਕਤਮਾਨਿ ਚਤ੍ਤਾਰਿ? ਨਭਞ੍ਚ, ਭਿਕ੍ਖવੇ, ਪਥવੀ ਚ – ਇਦਂ ਪਠਮਂ ਸੁવਿਦੂਰવਿਦੂਰਂ…ਪੇ॰… ਤਸ੍ਮਾ ਸਤਂ ਧਮ੍ਮੋ ਅਸਬ੍ਭਿ ਆਰਕਾ’’ਤਿ। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਕੁਸਲਾਕੁਸਲਾ…ਪੇ॰… ਸਮ੍ਮੁਖੀਭਾવਂ ਆਗਚ੍ਛਨ੍ਤੀ’’ਤਿ।
Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Āmantā. Nanu vuttaṃ bhagavatā – ‘‘cattārimāni, bhikkhave, suvidūravidūrāni! Katamāni cattāri? Nabhañca, bhikkhave, pathavī ca – idaṃ paṭhamaṃ suvidūravidūraṃ…pe… tasmā sataṃ dhammo asabbhi ārakā’’ti. Attheva suttantoti? Āmantā. Tena hi na vattabbaṃ – ‘‘kusalākusalā…pe… sammukhībhāvaṃ āgacchantī’’ti.
੮੩੧. ਨ વਤ੍ਤਬ੍ਬਂ – ‘‘ਅਤੀਤੇ ਕਿਲੇਸੇ ਜਹਤਿ, ਅਨਾਗਤੇ ਕਿਲੇਸੇ ਜਹਤਿ, ਪਚ੍ਚੁਪ੍ਪਨ੍ਨੇ ਕਿਲੇਸੇ ਜਹਤੀ’’ਤਿ? ਆਮਨ੍ਤਾ। ਨਤ੍ਥਿ ਕਿਲੇਸੇ ਜਹਤੀਤਿ ? ਨ ਹੇવਂ વਤ੍ਤਬ੍ਬੇ…ਪੇ॰… ਤੇਨ ਹਿ ਅਤੀਤੇ ਕਿਲੇਸੇ ਜਹਤਿ, ਅਨਾਗਤੇ ਕਿਲੇਸੇ ਜਹਤਿ, ਪਚ੍ਚੁਪ੍ਪਨ੍ਨੇ ਕਿਲੇਸੇ ਜਹਤੀਤਿ।
831. Na vattabbaṃ – ‘‘atīte kilese jahati, anāgate kilese jahati, paccuppanne kilese jahatī’’ti? Āmantā. Natthi kilese jahatīti ? Na hevaṃ vattabbe…pe… tena hi atīte kilese jahati, anāgate kilese jahati, paccuppanne kilese jahatīti.
ਕਿਲੇਸਜਹਨਕਥਾ ਨਿਟ੍ਠਿਤਾ।
Kilesajahanakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧. ਕਿਲੇਸਪਜਹਨਕਥਾવਣ੍ਣਨਾ • 1. Kilesapajahanakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਕਿਲੇਸਪਜਹਨਕਥਾવਣ੍ਣਨਾ • 1. Kilesapajahanakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਕਿਲੇਸਪਜਹਨਕਥਾવਣ੍ਣਨਾ • 1. Kilesapajahanakathāvaṇṇanā
