| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
19. ஏகூனவீஸதிமவக்³கோ³
19. Ekūnavīsatimavaggo
1. கிலேஸபஜஹனகதா²வண்ணனா
1. Kilesapajahanakathāvaṇṇanā
828-831. இதா³னி கிலேஸபஜஹனகதா² நாம ஹோதி. தத்த² ‘‘யஸ்மா கிலேஸபஹானங் நாம அத்தி², பஹீனகிலேஸஸ்ஸ ச அதீதாபி கிலேஸா பஹீனாவ ஹொந்தி, அனாக³தாபி, பச்சுப்பன்னாபி, தஸ்மா அதீதேபி கிலேஸே பஜஹதி, அனாக³தேபி, பச்சுப்பன்னேபீ’’தி யேஸங் லத்³தி⁴, ஸெய்யதா²பி ஏகச்சானங் உத்தராபத²கானங்; தே ஸந்தா⁴ய அதீதேதிஆதி³புச்சா² ஸகவாதி³ஸ்ஸ, படிஞ்ஞா இதரஸ்ஸ . ஸேஸங் யதா²பாளிமேவ நிய்யாதி. நத்தி² கிலேஸே ஜஹதீதி இமஸ்மிங் பன பரவாதி³ஸ்ஸ பஞ்ஹே யஸ்மா கசவரங் பஜஹந்தஸ்ஸ கசவரே ச²ட்³ட³னவாயாமோ விய கிலேஸே பஜஹந்தஸ்ஸ ந அதீதாதி³பே⁴தே³ஸு கிலேஸேஸு வாயாமோ அத்தி², நிப்³பா³னாரம்மணே பன அரியமக்³கே³ பவத்திதே கிலேஸா அனுப்பன்னாயேவ நுப்பஜ்ஜந்தீதி பஹீனா நாம ஹொந்தி, தஸ்மா ந ஹேவந்தி படிக்கி²பதி. தேன ஹி அதீதே கிலேஸே பஜஹதீதிஆதி³ பன யஸ்மா ‘‘நத்தி² கிலேஸபஜஹனா’’தி ந வத்தப்³ப³ங், தஸ்மா அதீதாதி³பே⁴தே³ பஜஹதீதி ச²லேன வுத்தங்.
828-831. Idāni kilesapajahanakathā nāma hoti. Tattha ‘‘yasmā kilesapahānaṃ nāma atthi, pahīnakilesassa ca atītāpi kilesā pahīnāva honti, anāgatāpi, paccuppannāpi, tasmā atītepi kilese pajahati, anāgatepi, paccuppannepī’’ti yesaṃ laddhi, seyyathāpi ekaccānaṃ uttarāpathakānaṃ; te sandhāya atītetiādipucchā sakavādissa, paṭiññā itarassa . Sesaṃ yathāpāḷimeva niyyāti. Natthi kilese jahatīti imasmiṃ pana paravādissa pañhe yasmā kacavaraṃ pajahantassa kacavare chaḍḍanavāyāmo viya kilese pajahantassa na atītādibhedesu kilesesu vāyāmo atthi, nibbānārammaṇe pana ariyamagge pavattite kilesā anuppannāyeva nuppajjantīti pahīnā nāma honti, tasmā na hevanti paṭikkhipati. Tena hi atīte kilese pajahatītiādi pana yasmā ‘‘natthi kilesapajahanā’’ti na vattabbaṃ, tasmā atītādibhede pajahatīti chalena vuttaṃ.
கிலேஸபஜஹனகதா²வண்ணனா.
Kilesapajahanakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (186) 1. கிலேஸஜஹனகதா² • (186) 1. Kilesajahanakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. கிலேஸபஜஹனகதா²வண்ணனா • 1. Kilesapajahanakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 1. கிலேஸபஜஹனகதா²வண்ணனா • 1. Kilesapajahanakathāvaṇṇanā
