| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১৯. একূনৰীসতিমৰগ্গো
19. Ekūnavīsatimavaggo
১. কিলেসপজহনকথাৰণ্ণনা
1. Kilesapajahanakathāvaṇṇanā
৮২৮-৮৩১. ইদানি কিলেসপজহনকথা নাম হোতি। তত্থ ‘‘যস্মা কিলেসপহানং নাম অত্থি, পহীনকিলেসস্স চ অতীতাপি কিলেসা পহীনাৰ হোন্তি, অনাগতাপি, পচ্চুপ্পন্নাপি, তস্মা অতীতেপি কিলেসে পজহতি, অনাগতেপি, পচ্চুপ্পন্নেপী’’তি যেসং লদ্ধি, সেয্যথাপি একচ্চানং উত্তরাপথকানং; তে সন্ধায অতীতেতিআদিপুচ্ছা সকৰাদিস্স, পটিঞ্ঞা ইতরস্স । সেসং যথাপাল়িমেৰ নিয্যাতি। নত্থি কিলেসে জহতীতি ইমস্মিং পন পরৰাদিস্স পঞ্হে যস্মা কচৰরং পজহন্তস্স কচৰরে ছড্ডনৰাযামো ৰিয কিলেসে পজহন্তস্স ন অতীতাদিভেদেসু কিলেসেসু ৰাযামো অত্থি, নিব্বানারম্মণে পন অরিযমগ্গে পৰত্তিতে কিলেসা অনুপ্পন্নাযেৰ নুপ্পজ্জন্তীতি পহীনা নাম হোন্তি, তস্মা ন হেৰন্তি পটিক্খিপতি। তেন হি অতীতে কিলেসে পজহতীতিআদি পন যস্মা ‘‘নত্থি কিলেসপজহনা’’তি ন ৰত্তব্বং, তস্মা অতীতাদিভেদে পজহতীতি ছলেন ৰুত্তং।
828-831. Idāni kilesapajahanakathā nāma hoti. Tattha ‘‘yasmā kilesapahānaṃ nāma atthi, pahīnakilesassa ca atītāpi kilesā pahīnāva honti, anāgatāpi, paccuppannāpi, tasmā atītepi kilese pajahati, anāgatepi, paccuppannepī’’ti yesaṃ laddhi, seyyathāpi ekaccānaṃ uttarāpathakānaṃ; te sandhāya atītetiādipucchā sakavādissa, paṭiññā itarassa . Sesaṃ yathāpāḷimeva niyyāti. Natthi kilese jahatīti imasmiṃ pana paravādissa pañhe yasmā kacavaraṃ pajahantassa kacavare chaḍḍanavāyāmo viya kilese pajahantassa na atītādibhedesu kilesesu vāyāmo atthi, nibbānārammaṇe pana ariyamagge pavattite kilesā anuppannāyeva nuppajjantīti pahīnā nāma honti, tasmā na hevanti paṭikkhipati. Tena hi atīte kilese pajahatītiādi pana yasmā ‘‘natthi kilesapajahanā’’ti na vattabbaṃ, tasmā atītādibhede pajahatīti chalena vuttaṃ.
কিলেসপজহনকথাৰণ্ণনা।
Kilesapajahanakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৮৬) ১. কিলেসজহনকথা • (186) 1. Kilesajahanakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১. কিলেসপজহনকথাৰণ্ণনা • 1. Kilesapajahanakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১. কিলেসপজহনকথাৰণ্ণনা • 1. Kilesapajahanakathāvaṇṇanā
