| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೯. ಏಕೂನವೀಸತಿಮವಗ್ಗೋ
19. Ekūnavīsatimavaggo
೧. ಕಿಲೇಸಪಜಹನಕಥಾವಣ್ಣನಾ
1. Kilesapajahanakathāvaṇṇanā
೮೨೮-೮೩೧. ಇದಾನಿ ಕಿಲೇಸಪಜಹನಕಥಾ ನಾಮ ಹೋತಿ। ತತ್ಥ ‘‘ಯಸ್ಮಾ ಕಿಲೇಸಪಹಾನಂ ನಾಮ ಅತ್ಥಿ, ಪಹೀನಕಿಲೇಸಸ್ಸ ಚ ಅತೀತಾಪಿ ಕಿಲೇಸಾ ಪಹೀನಾವ ಹೋನ್ತಿ, ಅನಾಗತಾಪಿ, ಪಚ್ಚುಪ್ಪನ್ನಾಪಿ, ತಸ್ಮಾ ಅತೀತೇಪಿ ಕಿಲೇಸೇ ಪಜಹತಿ, ಅನಾಗತೇಪಿ, ಪಚ್ಚುಪ್ಪನ್ನೇಪೀ’’ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಏಕಚ್ಚಾನಂ ಉತ್ತರಾಪಥಕಾನಂ; ತೇ ಸನ್ಧಾಯ ಅತೀತೇತಿಆದಿಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ । ಸೇಸಂ ಯಥಾಪಾಳಿಮೇವ ನಿಯ್ಯಾತಿ। ನತ್ಥಿ ಕಿಲೇಸೇ ಜಹತೀತಿ ಇಮಸ್ಮಿಂ ಪನ ಪರವಾದಿಸ್ಸ ಪಞ್ಹೇ ಯಸ್ಮಾ ಕಚವರಂ ಪಜಹನ್ತಸ್ಸ ಕಚವರೇ ಛಡ್ಡನವಾಯಾಮೋ ವಿಯ ಕಿಲೇಸೇ ಪಜಹನ್ತಸ್ಸ ನ ಅತೀತಾದಿಭೇದೇಸು ಕಿಲೇಸೇಸು ವಾಯಾಮೋ ಅತ್ಥಿ, ನಿಬ್ಬಾನಾರಮ್ಮಣೇ ಪನ ಅರಿಯಮಗ್ಗೇ ಪವತ್ತಿತೇ ಕಿಲೇಸಾ ಅನುಪ್ಪನ್ನಾಯೇವ ನುಪ್ಪಜ್ಜನ್ತೀತಿ ಪಹೀನಾ ನಾಮ ಹೋನ್ತಿ, ತಸ್ಮಾ ನ ಹೇವನ್ತಿ ಪಟಿಕ್ಖಿಪತಿ। ತೇನ ಹಿ ಅತೀತೇ ಕಿಲೇಸೇ ಪಜಹತೀತಿಆದಿ ಪನ ಯಸ್ಮಾ ‘‘ನತ್ಥಿ ಕಿಲೇಸಪಜಹನಾ’’ತಿ ನ ವತ್ತಬ್ಬಂ, ತಸ್ಮಾ ಅತೀತಾದಿಭೇದೇ ಪಜಹತೀತಿ ಛಲೇನ ವುತ್ತಂ।
828-831. Idāni kilesapajahanakathā nāma hoti. Tattha ‘‘yasmā kilesapahānaṃ nāma atthi, pahīnakilesassa ca atītāpi kilesā pahīnāva honti, anāgatāpi, paccuppannāpi, tasmā atītepi kilese pajahati, anāgatepi, paccuppannepī’’ti yesaṃ laddhi, seyyathāpi ekaccānaṃ uttarāpathakānaṃ; te sandhāya atītetiādipucchā sakavādissa, paṭiññā itarassa . Sesaṃ yathāpāḷimeva niyyāti. Natthi kilese jahatīti imasmiṃ pana paravādissa pañhe yasmā kacavaraṃ pajahantassa kacavare chaḍḍanavāyāmo viya kilese pajahantassa na atītādibhedesu kilesesu vāyāmo atthi, nibbānārammaṇe pana ariyamagge pavattite kilesā anuppannāyeva nuppajjantīti pahīnā nāma honti, tasmā na hevanti paṭikkhipati. Tena hi atīte kilese pajahatītiādi pana yasmā ‘‘natthi kilesapajahanā’’ti na vattabbaṃ, tasmā atītādibhede pajahatīti chalena vuttaṃ.
ಕಿಲೇಸಪಜಹನಕಥಾವಣ್ಣನಾ।
Kilesapajahanakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೮೬) ೧. ಕಿಲೇಸಜಹನಕಥಾ • (186) 1. Kilesajahanakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧. ಕಿಲೇಸಪಜಹನಕಥಾವಣ್ಣನಾ • 1. Kilesapajahanakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧. ಕಿಲೇಸಪಜಹನಕಥಾವಣ್ಣನಾ • 1. Kilesapajahanakathāvaṇṇanā
