| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੯. ਏਕੂਨવੀਸਤਿਮવਗ੍ਗੋ
19. Ekūnavīsatimavaggo
੧. ਕਿਲੇਸਪਜਹਨਕਥਾવਣ੍ਣਨਾ
1. Kilesapajahanakathāvaṇṇanā
੮੨੮-੮੩੧. ਇਦਾਨਿ ਕਿਲੇਸਪਜਹਨਕਥਾ ਨਾਮ ਹੋਤਿ। ਤਤ੍ਥ ‘‘ਯਸ੍ਮਾ ਕਿਲੇਸਪਹਾਨਂ ਨਾਮ ਅਤ੍ਥਿ, ਪਹੀਨਕਿਲੇਸਸ੍ਸ ਚ ਅਤੀਤਾਪਿ ਕਿਲੇਸਾ ਪਹੀਨਾવ ਹੋਨ੍ਤਿ, ਅਨਾਗਤਾਪਿ, ਪਚ੍ਚੁਪ੍ਪਨ੍ਨਾਪਿ, ਤਸ੍ਮਾ ਅਤੀਤੇਪਿ ਕਿਲੇਸੇ ਪਜਹਤਿ, ਅਨਾਗਤੇਪਿ, ਪਚ੍ਚੁਪ੍ਪਨ੍ਨੇਪੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਏਕਚ੍ਚਾਨਂ ਉਤ੍ਤਰਾਪਥਕਾਨਂ; ਤੇ ਸਨ੍ਧਾਯ ਅਤੀਤੇਤਿਆਦਿਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ । ਸੇਸਂ ਯਥਾਪਾਲ਼ਿਮੇવ ਨਿਯ੍ਯਾਤਿ। ਨਤ੍ਥਿ ਕਿਲੇਸੇ ਜਹਤੀਤਿ ਇਮਸ੍ਮਿਂ ਪਨ ਪਰવਾਦਿਸ੍ਸ ਪਞ੍ਹੇ ਯਸ੍ਮਾ ਕਚવਰਂ ਪਜਹਨ੍ਤਸ੍ਸ ਕਚવਰੇ ਛਡ੍ਡਨવਾਯਾਮੋ વਿਯ ਕਿਲੇਸੇ ਪਜਹਨ੍ਤਸ੍ਸ ਨ ਅਤੀਤਾਦਿਭੇਦੇਸੁ ਕਿਲੇਸੇਸੁ વਾਯਾਮੋ ਅਤ੍ਥਿ, ਨਿਬ੍ਬਾਨਾਰਮ੍ਮਣੇ ਪਨ ਅਰਿਯਮਗ੍ਗੇ ਪવਤ੍ਤਿਤੇ ਕਿਲੇਸਾ ਅਨੁਪ੍ਪਨ੍ਨਾਯੇવ ਨੁਪ੍ਪਜ੍ਜਨ੍ਤੀਤਿ ਪਹੀਨਾ ਨਾਮ ਹੋਨ੍ਤਿ, ਤਸ੍ਮਾ ਨ ਹੇવਨ੍ਤਿ ਪਟਿਕ੍ਖਿਪਤਿ। ਤੇਨ ਹਿ ਅਤੀਤੇ ਕਿਲੇਸੇ ਪਜਹਤੀਤਿਆਦਿ ਪਨ ਯਸ੍ਮਾ ‘‘ਨਤ੍ਥਿ ਕਿਲੇਸਪਜਹਨਾ’’ਤਿ ਨ વਤ੍ਤਬ੍ਬਂ, ਤਸ੍ਮਾ ਅਤੀਤਾਦਿਭੇਦੇ ਪਜਹਤੀਤਿ ਛਲੇਨ વੁਤ੍ਤਂ।
828-831. Idāni kilesapajahanakathā nāma hoti. Tattha ‘‘yasmā kilesapahānaṃ nāma atthi, pahīnakilesassa ca atītāpi kilesā pahīnāva honti, anāgatāpi, paccuppannāpi, tasmā atītepi kilese pajahati, anāgatepi, paccuppannepī’’ti yesaṃ laddhi, seyyathāpi ekaccānaṃ uttarāpathakānaṃ; te sandhāya atītetiādipucchā sakavādissa, paṭiññā itarassa . Sesaṃ yathāpāḷimeva niyyāti. Natthi kilese jahatīti imasmiṃ pana paravādissa pañhe yasmā kacavaraṃ pajahantassa kacavare chaḍḍanavāyāmo viya kilese pajahantassa na atītādibhedesu kilesesu vāyāmo atthi, nibbānārammaṇe pana ariyamagge pavattite kilesā anuppannāyeva nuppajjantīti pahīnā nāma honti, tasmā na hevanti paṭikkhipati. Tena hi atīte kilese pajahatītiādi pana yasmā ‘‘natthi kilesapajahanā’’ti na vattabbaṃ, tasmā atītādibhede pajahatīti chalena vuttaṃ.
ਕਿਲੇਸਪਜਹਨਕਥਾવਣ੍ਣਨਾ।
Kilesapajahanakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੮੬) ੧. ਕਿਲੇਸਜਹਨਕਥਾ • (186) 1. Kilesajahanakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਕਿਲੇਸਪਜਹਨਕਥਾવਣ੍ਣਨਾ • 1. Kilesapajahanakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਕਿਲੇਸਪਜਹਨਕਥਾવਣ੍ਣਨਾ • 1. Kilesapajahanakathāvaṇṇanā
