| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৬. কিলেসসংযুত্তৰণ্ণনা
6. Kilesasaṃyuttavaṇṇanā
৩২২-৩৩১. এসোতি চক্খুস্মিং ছন্দরাগো। উপেচ্চ কিলেসেতীতি উপক্কিলেসো। চিত্তস্সাতি সামঞ্ঞৰচনং অনিচ্ছন্তো চোদকো ‘‘কতরচিত্তস্সা’’তি আহ। ইতরো কামং উপতাপনমলীনভাৰকরণৰসেন উপক্কিলেসো লোকুত্তরস্স নত্থি, ৰিবাধনট্ঠো পন অত্থেৰ উপ্পত্তিনিৰারণতোতি অধিপ্পাযেনাহ ‘‘চতুভূমকচিত্তস্সা’’তি। চোদকো ‘‘তেভূমকা’’তিআদিনা অত্তনো অধিপ্পাযং ৰিৰরতি, ইতরো ‘‘উপ্পত্তিনিৰারণতো’’তিআদিনা। অরিযফলপটিপ্পস্সদ্ধিপহানৰসেন পৰত্তিযা সব্বসংকিলেসতো নিক্খন্তত্তা নেক্খম্মং, মগ্গনিব্বানানং পন নেক্খম্মভাৰো উক্কংসতো গহিতো এৰাতি আহ ‘‘নেক্খম্মনিন্নন্তি নৰলোকুত্তরধম্মনিন্ন’’ন্তি। অভিজানিত্ৰাতি অভিমুখভাৰেন জানিত্ৰা। সচ্ছিকাতব্বেসূতি পচ্চক্খকাতব্বেসু। ছল়ভিঞ্ঞাধম্মেসূতি অরিযমগ্গসম্পযুত্তধম্মেসু।
322-331.Esoti cakkhusmiṃ chandarāgo. Upecca kilesetīti upakkileso. Cittassāti sāmaññavacanaṃ anicchanto codako ‘‘kataracittassā’’ti āha. Itaro kāmaṃ upatāpanamalīnabhāvakaraṇavasena upakkileso lokuttarassa natthi, vibādhanaṭṭho pana attheva uppattinivāraṇatoti adhippāyenāha ‘‘catubhūmakacittassā’’ti. Codako ‘‘tebhūmakā’’tiādinā attano adhippāyaṃ vivarati, itaro ‘‘uppattinivāraṇato’’tiādinā. Ariyaphalapaṭippassaddhipahānavasena pavattiyā sabbasaṃkilesato nikkhantattā nekkhammaṃ, magganibbānānaṃ pana nekkhammabhāvo ukkaṃsato gahito evāti āha ‘‘nekkhammaninnanti navalokuttaradhammaninna’’nti. Abhijānitvāti abhimukhabhāvena jānitvā. Sacchikātabbesūti paccakkhakātabbesu. Chaḷabhiññādhammesūti ariyamaggasampayuttadhammesu.
কিলেসসংযুত্তৰণ্ণনা নিট্ঠিতা।
Kilesasaṃyuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
১. চক্খুসুত্তং • 1. Cakkhusuttaṃ
২. রূপসুত্তং • 2. Rūpasuttaṃ
৩. ৰিঞ্ঞাণসুত্তং • 3. Viññāṇasuttaṃ
৪. সম্ফস্সসুত্তং • 4. Samphassasuttaṃ
৫. সম্ফস্সজসুত্তং • 5. Samphassajasuttaṃ
৬. সঞ্ঞাসুত্তং • 6. Saññāsuttaṃ
৭. সঞ্চেতনাসুত্তং • 7. Sañcetanāsuttaṃ
৮. তণ্হাসুত্তং • 8. Taṇhāsuttaṃ
৯. ধাতুসুত্তং • 9. Dhātusuttaṃ
১০. খন্ধসুত্তং • 10. Khandhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. কিলেসসংযুত্তৰণ্ণনা • 6. Kilesasaṃyuttavaṇṇanā
