Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā)

๖. กิเลสสํยุตฺตวณฺณนา

6. Kilesasaṃyuttavaṇṇanā

๓๒๒-๓๓๑. เอโสติ จกฺขุสฺมิํ ฉนฺทราโคฯ อุเปจฺจ กิเลเสตีติ อุปกฺกิเลโสฯ จิตฺตสฺสาติ สามญฺญวจนํ อนิจฺฉโนฺต โจทโก ‘‘กตรจิตฺตสฺสา’’ติ อาหฯ อิตโร กามํ อุปตาปนมลีนภาวกรณวเสน อุปกฺกิเลโส โลกุตฺตรสฺส นตฺถิ, วิพาธนโฎฺฐ ปน อเตฺถว อุปฺปตฺตินิวารณโตติ อธิปฺปาเยนาห ‘‘จตุภูมกจิตฺตสฺสา’’ติฯ โจทโก ‘‘เตภูมกา’’ติอาทินา อตฺตโน อธิปฺปายํ วิวรติ, อิตโร ‘‘อุปฺปตฺตินิวารณโต’’ติอาทินาฯ อริยผลปฎิปฺปสฺสทฺธิปหานวเสน ปวตฺติยา สพฺพสํกิเลสโต นิกฺขนฺตตฺตา เนกฺขมฺมํ, มคฺคนิพฺพานานํ ปน เนกฺขมฺมภาโว อุกฺกํสโต คหิโต เอวาติ อาห ‘‘เนกฺขมฺมนินฺนนฺติ นวโลกุตฺตรธมฺมนินฺน’’นฺติฯ อภิชานิตฺวาติ อภิมุขภาเวน ชานิตฺวาฯ สจฺฉิกาตเพฺพสูติ ปจฺจกฺขกาตเพฺพสุฯ ฉฬภิญฺญาธเมฺมสูติ อริยมคฺคสมฺปยุตฺตธเมฺมสุฯ

322-331.Esoti cakkhusmiṃ chandarāgo. Upecca kilesetīti upakkileso. Cittassāti sāmaññavacanaṃ anicchanto codako ‘‘kataracittassā’’ti āha. Itaro kāmaṃ upatāpanamalīnabhāvakaraṇavasena upakkileso lokuttarassa natthi, vibādhanaṭṭho pana attheva uppattinivāraṇatoti adhippāyenāha ‘‘catubhūmakacittassā’’ti. Codako ‘‘tebhūmakā’’tiādinā attano adhippāyaṃ vivarati, itaro ‘‘uppattinivāraṇato’’tiādinā. Ariyaphalapaṭippassaddhipahānavasena pavattiyā sabbasaṃkilesato nikkhantattā nekkhammaṃ, magganibbānānaṃ pana nekkhammabhāvo ukkaṃsato gahito evāti āha ‘‘nekkhammaninnanti navalokuttaradhammaninna’’nti. Abhijānitvāti abhimukhabhāvena jānitvā. Sacchikātabbesūti paccakkhakātabbesu. Chaḷabhiññādhammesūti ariyamaggasampayuttadhammesu.

กิเลสสํยุตฺตวณฺณนา นิฎฺฐิตาฯ

Kilesasaṃyuttavaṇṇanā niṭṭhitā.

Next: ๗. สาริปุตฺตสํยุตฺตํ • 7. Sāriputtasaṃyuttaṃ

อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. กิเลสสํยุตฺตวณฺณนา • 6. Kilesasaṃyuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact