১-১০. কিমত্থিযসুত্তাদিৰণ্ণনা

1-10. Kimatthiyasuttādivaṇṇanā

১-১০. একাদসকনিপাতস্স পঠমাদীনি উত্তানত্থানেৰ। দসমে জনিতস্মিন্তি কম্মকিলেসেহি নিব্বত্তে, জনে এতস্মিন্তি ৰা জনেতস্মিং, মনুস্সেসূতি অত্থো। তেনাহ ‘‘যে গোত্তপটিসারিনো’’তি। জনিতস্মিং-সদ্দো এৰ ৰা ই-কারস্স এ-কারং কত্ৰা ‘‘জনেতস্মি’’ন্তি ৰুত্তো। জনিতস্মিন্তি চ জনস্মিন্তি অত্থো ৰেদিতব্বো। জনিতস্মিন্তি সামঞ্ঞগ্গহণেপি যত্থ চতুৰণ্ণসমঞ্ঞা, তত্থেৰ মনুস্সলোকে। খত্তিযো সেট্ঠোতি অযং লোকসমঞ্ঞাপি মনুস্সলোকেযেৰ, ন দেৰকাযে ব্রহ্মকাযে ৰাতি দস্সেতুং ‘‘যে গোত্তপটিসারিনো’’তি ৰুত্তং। পটিসরন্তীতি ‘‘অহং গোতমো, অহং কস্সপো’’তি পটি পটি অত্তনো গোত্তং অনুস্সরন্তি পটিজানন্তি ৰাতি অত্থো।

1-10. Ekādasakanipātassa paṭhamādīni uttānatthāneva. Dasame janitasminti kammakilesehi nibbatte, jane etasminti vā janetasmiṃ, manussesūti attho. Tenāha ‘‘ye gottapaṭisārino’’ti. Janitasmiṃ-saddo eva vā i-kārassa e-kāraṃ katvā ‘‘janetasmi’’nti vutto. Janitasminti ca janasminti attho veditabbo. Janitasminti sāmaññaggahaṇepi yattha catuvaṇṇasamaññā, tattheva manussaloke. Khattiyo seṭṭhoti ayaṃ lokasamaññāpi manussalokeyeva, na devakāye brahmakāye vāti dassetuṃ ‘‘ye gottapaṭisārino’’ti vuttaṃ. Paṭisarantīti ‘‘ahaṃ gotamo, ahaṃ kassapo’’ti paṭi paṭi attano gottaṃ anussaranti paṭijānanti vāti attho.

কিমত্থিযসুত্তাদিৰণ্ণনা নিট্ঠিতা।

Kimatthiyasuttādivaṇṇanā niṭṭhitā.

নিস্সযৰগ্গৰণ্ণনা নিট্ঠিতা।

Nissayavaggavaṇṇanā niṭṭhitā.

Next: ২. অনুস্সতিৰগ্গো • 2. Anussativaggo

অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১-৬. কিমত্থিযসুত্তাদিৰণ্ণনা • 1-6. Kimatthiyasuttādivaṇṇanā
৭-৮. পঠমসঞ্ঞাসুত্তাদিৰণ্ণনা • 7-8. Paṭhamasaññāsuttādivaṇṇanā
৯. সদ্ধসুত্তৰণ্ণনা • 9. Saddhasuttavaṇṇanā
১০. মোরনিৰাপসুত্তৰণ্ণনা • 10. Moranivāpasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact