१-१०. किमत्थियसुत्तादिवण्णना

1-10. Kimatthiyasuttādivaṇṇanā

१-१०. एकादसकनिपातस्स पठमादीनि उत्तानत्थानेव। दसमे जनितस्मिन्ति कम्मकिलेसेहि निब्बत्ते, जने एतस्मिन्ति वा जनेतस्मिं, मनुस्सेसूति अत्थो। तेनाह ‘‘ये गोत्तपटिसारिनो’’ति। जनितस्मिं-सद्दो एव वा इ-कारस्स ए-कारं कत्वा ‘‘जनेतस्मि’’न्ति वुत्तो। जनितस्मिन्ति च जनस्मिन्ति अत्थो वेदितब्बो। जनितस्मिन्ति सामञ्‍ञग्गहणेपि यत्थ चतुवण्णसमञ्‍ञा, तत्थेव मनुस्सलोके। खत्तियो सेट्ठोति अयं लोकसमञ्‍ञापि मनुस्सलोकेयेव, न देवकाये ब्रह्मकाये वाति दस्सेतुं ‘‘ये गोत्तपटिसारिनो’’ति वुत्तं। पटिसरन्तीति ‘‘अहं गोतमो, अहं कस्सपो’’ति पटि पटि अत्तनो गोत्तं अनुस्सरन्ति पटिजानन्ति वाति अत्थो।

1-10. Ekādasakanipātassa paṭhamādīni uttānatthāneva. Dasame janitasminti kammakilesehi nibbatte, jane etasminti vā janetasmiṃ, manussesūti attho. Tenāha ‘‘ye gottapaṭisārino’’ti. Janitasmiṃ-saddo eva vā i-kārassa e-kāraṃ katvā ‘‘janetasmi’’nti vutto. Janitasminti ca janasminti attho veditabbo. Janitasminti sāmaññaggahaṇepi yattha catuvaṇṇasamaññā, tattheva manussaloke. Khattiyo seṭṭhoti ayaṃ lokasamaññāpi manussalokeyeva, na devakāye brahmakāye vāti dassetuṃ ‘‘ye gottapaṭisārino’’ti vuttaṃ. Paṭisarantīti ‘‘ahaṃ gotamo, ahaṃ kassapo’’ti paṭi paṭi attano gottaṃ anussaranti paṭijānanti vāti attho.

किमत्थियसुत्तादिवण्णना निट्ठिता।

Kimatthiyasuttādivaṇṇanā niṭṭhitā.

निस्सयवग्गवण्णना निट्ठिता।

Nissayavaggavaṇṇanā niṭṭhitā.

Next: २. अनुस्सतिवग्गो • 2. Anussativaggo

अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
१-६. किमत्थियसुत्तादिवण्णना • 1-6. Kimatthiyasuttādivaṇṇanā
७-८. पठमसञ्‍ञासुत्तादिवण्णना • 7-8. Paṭhamasaññāsuttādivaṇṇanā
९. सद्धसुत्तवण्णना • 9. Saddhasuttavaṇṇanā
१०. मोरनिवापसुत्तवण्णना • 10. Moranivāpasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact