၁-၁၀. ကိမတ္ထိယသုတ္တာဒိဝဏ္ဏနာ

1-10. Kimatthiyasuttādivaṇṇanā

၁-၁၀. ဧကာဒသကနိပာတသ္သ ပဌမာဒီနိ ဥတ္တာနတ္ထာနေဝ။ ဒသမေ ဇနိတသ္မိန္တိ ကမ္မကိလေသေဟိ နိဗ္ဗတ္တေ, ဇနေ ဧတသ္မိန္တိ ဝာ ဇနေတသ္မိံ, မနုသ္သေသူတိ အတ္ထော။ တေနာဟ ‘‘ယေ ဂောတ္တပဋိသာရိနော’’တိ။ ဇနိတသ္မိံ-သဒ္ဒော ဧဝ ဝာ ဣ-ကာရသ္သ ဧ-ကာရံ ကတ္ဝာ ‘‘ဇနေတသ္မိ’’န္တိ ဝုတ္တော။ ဇနိတသ္မိန္တိ စ ဇနသ္မိန္တိ အတ္ထော ဝေဒိတဗ္ဗော။ ဇနိတသ္မိန္တိ သာမညဂ္ဂဟဏေပိ ယတ္ထ စတုဝဏ္ဏသမညာ, တတ္ထေဝ မနုသ္သလောကေ။ ခတ္တိယော သေဋ္ဌောတိ အယံ လောကသမညာပိ မနုသ္သလောကေယေဝ, န ဒေဝကာယေ ဗ္ရဟ္မကာယေ ဝာတိ ဒသ္သေတုံ ‘‘ယေ ဂောတ္တပဋိသာရိနော’’တိ ဝုတ္တံ။ ပဋိသရန္တီတိ ‘‘အဟံ ဂောတမော, အဟံ ကသ္သပော’’တိ ပဋိ ပဋိ အတ္တနော ဂောတ္တံ အနုသ္သရန္တိ ပဋိဇာနန္တိ ဝာတိ အတ္ထော။

1-10. Ekādasakanipātassa paṭhamādīni uttānatthāneva. Dasame janitasminti kammakilesehi nibbatte, jane etasminti vā janetasmiṃ, manussesūti attho. Tenāha ‘‘ye gottapaṭisārino’’ti. Janitasmiṃ-saddo eva vā i-kārassa e-kāraṃ katvā ‘‘janetasmi’’nti vutto. Janitasminti ca janasminti attho veditabbo. Janitasminti sāmaññaggahaṇepi yattha catuvaṇṇasamaññā, tattheva manussaloke. Khattiyo seṭṭhoti ayaṃ lokasamaññāpi manussalokeyeva, na devakāye brahmakāye vāti dassetuṃ ‘‘ye gottapaṭisārino’’ti vuttaṃ. Paṭisarantīti ‘‘ahaṃ gotamo, ahaṃ kassapo’’ti paṭi paṭi attano gottaṃ anussaranti paṭijānanti vāti attho.

ကိမတ္ထိယသုတ္တာဒိဝဏ္ဏနာ နိဋ္ဌိတာ။

Kimatthiyasuttādivaṇṇanā niṭṭhitā.

နိသ္သယဝဂ္ဂဝဏ္ဏနာ နိဋ္ဌိတာ။

Nissayavaggavaṇṇanā niṭṭhitā.

Next: ၂. အနုသ္သတိဝဂ္ဂော • 2. Anussativaggo

အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၁-၆. ကိမတ္ထိယသုတ္တာဒိဝဏ္ဏနာ • 1-6. Kimatthiyasuttādivaṇṇanā
၇-၈. ပဌမသညာသုတ္တာဒိဝဏ္ဏနာ • 7-8. Paṭhamasaññāsuttādivaṇṇanā
၉. သဒ္ဓသုတ္တဝဏ္ဏနာ • 9. Saddhasuttavaṇṇanā
၁၀. မောရနိဝာပသုတ္တဝဏ္ဏနာ • 10. Moranivāpasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact