| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. கிமத்தி²யஸுத்தங்
4. Kimatthiyasuttaṃ
317. ‘‘கிமத்தி²யங் , ஆவுஸோ ஸாரிபுத்த, ஸமணே கோ³தமே ப்³ரஹ்மசரியங் வுஸ்ஸதீ’’தி? ‘‘து³க்க²ஸ்ஸ கோ², ஆவுஸோ, பரிஞ்ஞத்த²ங் ப⁴க³வதி ப்³ரஹ்மசரியங் வுஸ்ஸதீ’’தி. ‘‘அத்தி² பனாவுஸோ, மக்³கோ³ அத்தி² படிபதா³ ஏதஸ்ஸ து³க்க²ஸ்ஸ பரிஞ்ஞாயா’’தி? ‘‘அத்தி² கோ², ஆவுஸோ, மக்³கோ³ அத்தி² படிபதா³, ஏதஸ்ஸ து³க்க²ஸ்ஸ பரிஞ்ஞாயா’’தி? ‘‘கதமோ பனாவுஸோ, மக்³கோ³ கதமா படிபதா³, ஏதஸ்ஸ து³க்க²ஸ்ஸ பரிஞ்ஞாயா’’தி?
317. ‘‘Kimatthiyaṃ , āvuso sāriputta, samaṇe gotame brahmacariyaṃ vussatī’’ti? ‘‘Dukkhassa kho, āvuso, pariññatthaṃ bhagavati brahmacariyaṃ vussatī’’ti. ‘‘Atthi panāvuso, maggo atthi paṭipadā etassa dukkhassa pariññāyā’’ti? ‘‘Atthi kho, āvuso, maggo atthi paṭipadā, etassa dukkhassa pariññāyā’’ti? ‘‘Katamo panāvuso, maggo katamā paṭipadā, etassa dukkhassa pariññāyā’’ti?
‘‘அயமேவ கோ², ஆவுஸோ, அரியோ அட்ட²ங்கி³கோ மக்³கோ³, ஏதஸ்ஸ து³க்க²ஸ்ஸ பரிஞ்ஞாய, ஸெய்யதி²த³ங் – ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ ஸம்மாவாயாமோ ஸம்மாஸதி ஸம்மாஸமாதி⁴. அயங் கோ², ஆவுஸோ, மக்³கோ³ அயங் படிபதா³ ஏதஸ்ஸ து³க்க²ஸ்ஸ பரிஞ்ஞாயா’’தி. ‘‘ப⁴த்³த³கோ, ஆவுஸோ, மக்³கோ³ ப⁴த்³தி³கா படிபதா³, ஏதஸ்ஸ து³க்க²ஸ்ஸ பரிஞ்ஞாய. அலஞ்ச பனாவுஸோ ஸாரிபுத்த, அப்பமாதா³யா’’தி. சதுத்த²ங்.
‘‘Ayameva kho, āvuso, ariyo aṭṭhaṅgiko maggo, etassa dukkhassa pariññāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā etassa dukkhassa pariññāyā’’ti. ‘‘Bhaddako, āvuso, maggo bhaddikā paṭipadā, etassa dukkhassa pariññāya. Alañca panāvuso sāriputta, appamādāyā’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3-15. த⁴ம்மவாதீ³பஞ்ஹாஸுத்தாதி³வண்ணனா • 3-15. Dhammavādīpañhāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-15. த⁴ம்மவாதீ³பஞ்ஹஸுத்தாதி³வண்ணனா • 3-15. Dhammavādīpañhasuttādivaṇṇanā
