| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. гимад̇т̇ияасуд̇д̇ам̣
5. Kimatthiyasuttaṃ
5. саавад̇т̇инид̣̇аанам̣. ат̇а ко самб̣ахулаа бхигкуу язна бхаг̇аваа д̇знубасан̇гамим̣су…бз… згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ –
5. Sāvatthinidānaṃ. Atha kho sambahulā bhikkhū yena bhagavā tenupasaṅkamiṃsu…pe… ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘ид̇ха но, бханд̇з, ан̃н̃ад̇ид̇т̇ияаа бариб̣б̣ааж̇агаа амхз звам̣ бужчанд̇и – ‘гимад̇т̇ияам̣, аавусо, саман̣з г̇од̇амз б̣рахмажарияам̣ вуссад̇ий’д̇и? звам̣ будтаа маяам̣, бханд̇з, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарома – ‘д̣̇угкасса ко, аавусо, барин̃н̃ад̇т̇ам̣ бхаг̇авад̇и б̣рахмажарияам̣ вуссад̇ий’д̇и. гажжи маяам̣, бханд̇з, звам̣ будтаа звам̣ б̣яаагарамаанаа вуд̇д̇аваад̣̇ино жзва бхаг̇авад̇о хома, на жа бхаг̇аванд̇ам̣ абхууд̇зна аб̣бхаажигкаама, д̇хаммасса жаануд̇хаммам̣ б̣яаагарома, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇ий’’д̇и?
‘‘Idha no, bhante, aññatitthiyā paribbājakā amhe evaṃ pucchanti – ‘kimatthiyaṃ, āvuso, samaṇe gotame brahmacariyaṃ vussatī’ti? Evaṃ puṭṭhā mayaṃ, bhante, tesaṃ aññatitthiyānaṃ paribbājakānaṃ evaṃ byākaroma – ‘dukkhassa kho, āvuso, pariññatthaṃ bhagavati brahmacariyaṃ vussatī’ti. Kacci mayaṃ, bhante, evaṃ puṭṭhā evaṃ byākaramānā vuttavādino ceva bhagavato homa, na ca bhagavantaṃ abhūtena abbhācikkhāma, dhammassa cānudhammaṃ byākaroma, na ca koci sahadhammiko vādānuvādo gārayhaṃ ṭhānaṃ āgacchatī’’ti?
‘‘д̇аг̇гха д̇умхз, бхигкавз, звам̣ будтаа звам̣ б̣яаагарамаанаа вуд̇д̇аваад̣̇ино жзва мз хот̇а, на жа мам̣ абхууд̇зна аб̣бхаажигкат̇а, д̇хаммасса жаануд̇хаммам̣ б̣яаагарот̇а, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇и. д̣̇угкасса хи барин̃н̃ад̇т̇ам̣ маяи б̣рахмажарияам̣ вуссад̇и. сажз во, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘ад̇т̇и банаавусо, маг̇г̇о, ад̇т̇и бадибад̣̇аа зд̇асса д̣̇угкасса барин̃н̃ааяаа’д̇и, звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘ад̇т̇и ко, аавусо, маг̇г̇о, ад̇т̇и бадибад̣̇аа зд̇асса д̣̇угкасса барин̃н̃ааяаа’’’д̇и.
‘‘Taggha tumhe, bhikkhave, evaṃ puṭṭhā evaṃ byākaramānā vuttavādino ceva me hotha, na ca maṃ abhūtena abbhācikkhatha, dhammassa cānudhammaṃ byākarotha, na ca koci sahadhammiko vādānuvādo gārayhaṃ ṭhānaṃ āgacchati. Dukkhassa hi pariññatthaṃ mayi brahmacariyaṃ vussati. Sace vo, bhikkhave, aññatitthiyā paribbājakā evaṃ puccheyyuṃ – ‘atthi panāvuso, maggo, atthi paṭipadā etassa dukkhassa pariññāyā’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘atthi kho, āvuso, maggo, atthi paṭipadā etassa dukkhassa pariññāyā’’’ti.
‘‘гад̇амо жа, бхигкавз, маг̇г̇о, гад̇амаа бадибад̣̇аа зд̇асса д̣̇угкасса барин̃н̃ааяаад̇и? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи. аяам̣, бхигкавз, маг̇г̇о, аяам̣ бадибад̣̇аа зд̇асса д̣̇угкасса барин̃н̃ааяаад̇и. звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇аа’’д̇и. бан̃жамам̣.
‘‘Katamo ca, bhikkhave, maggo, katamā paṭipadā etassa dukkhassa pariññāyāti? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Ayaṃ, bhikkhave, maggo, ayaṃ paṭipadā etassa dukkhassa pariññāyāti. Evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyāthā’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-6. гимад̇т̇ияасуд̇д̇аад̣̇иван̣н̣анаа • 5-6. Kimatthiyasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-6. гимад̇т̇ияасуд̇д̇аад̣̇иван̣н̣анаа • 5-6. Kimatthiyasuttādivaṇṇanā
