Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౪. కిమత్థియసుత్తం
4. Kimatthiyasuttaṃ
౩౧౭. ‘‘కిమత్థియం , ఆవుసో సారిపుత్త, సమణే గోతమే బ్రహ్మచరియం వుస్సతీ’’తి? ‘‘దుక్ఖస్స ఖో, ఆవుసో, పరిఞ్ఞత్థం భగవతి బ్రహ్మచరియం వుస్సతీ’’తి. ‘‘అత్థి పనావుసో, మగ్గో అత్థి పటిపదా ఏతస్స దుక్ఖస్స పరిఞ్ఞాయా’’తి? ‘‘అత్థి ఖో, ఆవుసో, మగ్గో అత్థి పటిపదా, ఏతస్స దుక్ఖస్స పరిఞ్ఞాయా’’తి? ‘‘కతమో పనావుసో, మగ్గో కతమా పటిపదా, ఏతస్స దుక్ఖస్స పరిఞ్ఞాయా’’తి?
317. ‘‘Kimatthiyaṃ , āvuso sāriputta, samaṇe gotame brahmacariyaṃ vussatī’’ti? ‘‘Dukkhassa kho, āvuso, pariññatthaṃ bhagavati brahmacariyaṃ vussatī’’ti. ‘‘Atthi panāvuso, maggo atthi paṭipadā etassa dukkhassa pariññāyā’’ti? ‘‘Atthi kho, āvuso, maggo atthi paṭipadā, etassa dukkhassa pariññāyā’’ti? ‘‘Katamo panāvuso, maggo katamā paṭipadā, etassa dukkhassa pariññāyā’’ti?
‘‘అయమేవ ఖో, ఆవుసో, అరియో అట్ఠఙ్గికో మగ్గో, ఏతస్స దుక్ఖస్స పరిఞ్ఞాయ, సేయ్యథిదం – సమ్మాదిట్ఠి సమ్మాసఙ్కప్పో సమ్మావాచా సమ్మాకమ్మన్తో సమ్మాఆజీవో సమ్మావాయామో సమ్మాసతి సమ్మాసమాధి. అయం ఖో, ఆవుసో, మగ్గో అయం పటిపదా ఏతస్స దుక్ఖస్స పరిఞ్ఞాయా’’తి. ‘‘భద్దకో, ఆవుసో, మగ్గో భద్దికా పటిపదా, ఏతస్స దుక్ఖస్స పరిఞ్ఞాయ. అలఞ్చ పనావుసో సారిపుత్త, అప్పమాదాయా’’తి. చతుత్థం.
‘‘Ayameva kho, āvuso, ariyo aṭṭhaṅgiko maggo, etassa dukkhassa pariññāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā etassa dukkhassa pariññāyā’’ti. ‘‘Bhaddako, āvuso, maggo bhaddikā paṭipadā, etassa dukkhassa pariññāya. Alañca panāvuso sāriputta, appamādāyā’’ti. Catutthaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౩-౧౫. ధమ్మవాదీపఞ్హాసుత్తాదివణ్ణనా • 3-15. Dhammavādīpañhāsuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩-౧౫. ధమ్మవాదీపఞ్హసుత్తాదివణ్ణనా • 3-15. Dhammavādīpañhasuttādivaṇṇanā