| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. කිමත්‌ථියසුත්‌තං
4. Kimatthiyasuttaṃ
317. ‘‘කිමත්‌ථියං , ආවුසො සාරිපුත්‌ත, සමණෙ ගොතමෙ බ්‍රහ්‌මචරියං වුස්‌සතී’’ති? ‘‘දුක්‌ඛස්‌ස ඛො, ආවුසො, පරිඤ්‌ඤත්‌ථං භගවති බ්‍රහ්‌මචරියං වුස්‌සතී’’ති. ‘‘අත්‌ථි පනාවුසො, මග්‌ගො අත්‌ථි පටිපදා එතස්‌ස දුක්‌ඛස්‌ස පරිඤ්‌ඤායා’’ති? ‘‘අත්‌ථි ඛො, ආවුසො, මග්‌ගො අත්‌ථි පටිපදා, එතස්‌ස දුක්‌ඛස්‌ස පරිඤ්‌ඤායා’’ති? ‘‘කතමො පනාවුසො, මග්‌ගො කතමා පටිපදා, එතස්‌ස දුක්‌ඛස්‌ස පරිඤ්‌ඤායා’’ති?
317. ‘‘Kimatthiyaṃ , āvuso sāriputta, samaṇe gotame brahmacariyaṃ vussatī’’ti? ‘‘Dukkhassa kho, āvuso, pariññatthaṃ bhagavati brahmacariyaṃ vussatī’’ti. ‘‘Atthi panāvuso, maggo atthi paṭipadā etassa dukkhassa pariññāyā’’ti? ‘‘Atthi kho, āvuso, maggo atthi paṭipadā, etassa dukkhassa pariññāyā’’ti? ‘‘Katamo panāvuso, maggo katamā paṭipadā, etassa dukkhassa pariññāyā’’ti?
‘‘අයමෙව ඛො, ආවුසො, අරියො අට්‌ඨඞ්‌ගිකො මග්‌ගො, එතස්‌ස දුක්‌ඛස්‌ස පරිඤ්‌ඤාය, සෙය්‍යථිදං – සම්‌මාදිට්‌ඨි සම්‌මාසඞ්‌කප්‌පො සම්‌මාවාචා සම්‌මාකම්‌මන්‌තො සම්‌මාආජීවො සම්‌මාවායාමො සම්‌මාසති සම්‌මාසමාධි. අයං ඛො, ආවුසො, මග්‌ගො අයං පටිපදා එතස්‌ස දුක්‌ඛස්‌ස පරිඤ්‌ඤායා’’ති. ‘‘භද්‌දකො, ආවුසො, මග්‌ගො භද්‌දිකා පටිපදා, එතස්‌ස දුක්‌ඛස්‌ස පරිඤ්‌ඤාය. අලඤ්‌ච පනාවුසො සාරිපුත්‌ත, අප්‌පමාදායා’’ති. චතුත්‌ථං.
‘‘Ayameva kho, āvuso, ariyo aṭṭhaṅgiko maggo, etassa dukkhassa pariññāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā etassa dukkhassa pariññāyā’’ti. ‘‘Bhaddako, āvuso, maggo bhaddikā paṭipadā, etassa dukkhassa pariññāya. Alañca panāvuso sāriputta, appamādāyā’’ti. Catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3-15. ධම්‌මවාදීපඤ්‌හාසුත්‌තාදිවණ්‌ණනා • 3-15. Dhammavādīpañhāsuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3-15. ධම්‌මවාදීපඤ්‌හසුත්‌තාදිවණ්‌ණනා • 3-15. Dhammavādīpañhasuttādivaṇṇanā
