| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
නමො තස්‌ස භගවතො අරහතො සම්‌මාසම්‌බුද්‌ධස්‌ස
Namo tassa bhagavato arahato sammāsambuddhassa
අඞ්‌ගුත්‌තරනිකායෙ
Aṅguttaranikāye
දසකනිපාත-ටීකා
Dasakanipāta-ṭīkā
1. පඨමපණ්‌ණාසකං
1. Paṭhamapaṇṇāsakaṃ
1. ආනිසංසවග්‌ගො
1. Ānisaṃsavaggo
1. කිමත්‌ථියසුත්‌තවණ්‌ණනා
1. Kimatthiyasuttavaṇṇanā
1. දසකනිපාතස්‌ස පඨමෙ අවිප්‌පටිසාරත්‌ථානීති අවිප්‌පටිසාරප්‌පයොජනානි. අවිප්‌පටිසාරානිසංසානීති අවිප්‌පටිසාරුදයානි. එතෙන අවිප්‌පටිසාරො නාම සීලස්‌ස්‌ස උදයමත්‌තං, සංවද්‌ධිතස්‌ස රුක්‌ඛස්‌ස ඡායාපුප්‌ඵසදිසං, අඤ්‌ඤො එව පනානෙන නිප්‌ඵාදෙතබ්‌බො සමාධිආදිගුණොති දස්‌සෙති. ‘‘යාව මග්‌ගාමග්‌ගඤාණදස්‌සනවිසුද්‌ධි, තාව තරුණවිපස්‌සනා’’ති හි වචනතො උපක්‌කිලෙසවිමුත්‌තඋදයබ්‌බයඤාණතො පරං අයඤ්‌ච විපස්‌සනා විරජ්‌ජති යොගාවචරො විරත්‌තො පුරිසො විය භරියාය සඞ්‌ඛාරතො එතෙනාති විරාගො.
1. Dasakanipātassa paṭhame avippaṭisāratthānīti avippaṭisārappayojanāni. Avippaṭisārānisaṃsānīti avippaṭisārudayāni. Etena avippaṭisāro nāma sīlasssa udayamattaṃ, saṃvaddhitassa rukkhassa chāyāpupphasadisaṃ, añño eva panānena nipphādetabbo samādhiādiguṇoti dasseti. ‘‘Yāva maggāmaggañāṇadassanavisuddhi, tāva taruṇavipassanā’’ti hi vacanato upakkilesavimuttaudayabbayañāṇato paraṃ ayañca vipassanā virajjati yogāvacaro viratto puriso viya bhariyāya saṅkhārato etenāti virāgo.
කිමත්‌ථියසුත්‌තවණ්‌ණනා නිට්‌ඨිතා.
Kimatthiyasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. කිමත්‌ථියසුත්‌තං • 1. Kimatthiyasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. කිමත්‌ථියසුත්‌තවණ්‌ණනා • 1. Kimatthiyasuttavaṇṇanā
