| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༎ ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ༎
Namo tassa bhagavato arahato sammāsambuddhassa
ཨངྒུཏྟརནིཀཱཡེ
Aṅguttaranikāye
དསཀནིཔཱཏ-ཨཊྛཀཐཱ
Dasakanipāta-aṭṭhakathā
༡. པཋམཔཎྞཱསཀཾ
1. Paṭhamapaṇṇāsakaṃ
༡. ཨཱནིསཾསཝགྒོ
1. Ānisaṃsavaggo
༡. ཀིམཏྠིཡསུཏྟཝཎྞནཱ
1. Kimatthiyasuttavaṇṇanā
༡. དསཀནིཔཱཏསྶ པཋམེ ཀུསལཱནི སཱིལཱནཱིཏི ཨནཝཛྫསཱིལཱནི། ཨམངྐུབྷཱཝསྶ ཨཝིཔྤཊིསཱརསྶ ཨཏྠཱཡ སཾཝཏྟནྟཱིཏི ཨཝིཔྤཊིསཱརཏྠཱནི། སོ ནེསཾ ཨཱནིསཾསོཏི ཨཝིཔྤཊིསཱརཱནིསཾསཱནི། ཡཐཱབྷཱུཏཉཱཎདསྶནཏྠོཏིཨཱདཱིསུ ཡཐཱབྷཱུཏཉཱཎདསྶནཾ ནཱམ ཏརུཎཝིཔསྶནཱ, ནིབྦིདཱ ནཱམ བལཝཝིཔསྶནཱ, ཝིརཱགོ ནཱམ མགྒོ, ཝིམུཏྟི ནཱམ ཨརཧཏྟཕལཾ, ཉཱཎདསྶནཾ ནཱམ པཙྩཝེཀྑཎཉཱཎཾ། ཨགྒཱཡ པརེནྟཱིཏི ཨརཧཏྟཏྠཱཡ གཙྪནྟི།
1. Dasakanipātassa paṭhame kusalāni sīlānīti anavajjasīlāni. Amaṅkubhāvassa avippaṭisārassa atthāya saṃvattantīti avippaṭisāratthāni. So nesaṃ ānisaṃsoti avippaṭisārānisaṃsāni. Yathābhūtañāṇadassanatthotiādīsu yathābhūtañāṇadassanaṃ nāma taruṇavipassanā, nibbidā nāma balavavipassanā, virāgo nāma maggo, vimutti nāma arahattaphalaṃ, ñāṇadassanaṃ nāma paccavekkhaṇañāṇaṃ. Aggāya parentīti arahattatthāya gacchanti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. ཀིམཏྠིཡསུཏྟཾ • 1. Kimatthiyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. ཨཝིཛྫཱསུཏྟཱདིཝཎྞནཱ • 1-7. Avijjāsuttādivaṇṇanā
