| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. гим̣д̣̇ад̣̇асуд̇д̇аван̣н̣анаа
2. Kiṃdadasuttavaṇṇanā
42. д̣̇вз д̇ийн̣и бхад̇д̇аани абхуд̇ваад̇и д̣̇вз д̇аяо ваарз бхад̇д̇аани абхун̃ж̇ид̇ваа. удтаад̇ум̣ на саггод̇ийд̇и удтаад̇умби на саггод̇ий, баг̇зва ан̃н̃ам̣ сарийрзна гаад̇аб̣б̣агижжам̣ д̣̇уб̣б̣алабхаавад̇о. д̣̇уб̣б̣алоби худ̇ваад̇и бхун̃ж̇анад̇о буб̣б̣з д̣̇уб̣б̣ало худ̇ваа б̣аласамбанно ход̇и. звам̣ б̣яад̇ирзгад̇о анваяад̇о жа аахаарасса сарийрз б̣алавад̇ам̣ ааха. яасмаа аннад̣̇о д̣̇ааяаго бадиг̇г̇аахагасса б̣алад̣̇о ход̇и, д̇асмаа со ааяад̇им̣ ад̇д̇ано сарийрз б̣алад̣̇о авинаасавасзна б̣аласса рагкаго жа ход̇и. д̇знааха бхаг̇аваа – ‘‘б̣алам̣ ко бана д̣̇ад̇ваа б̣аласса бхааг̇ий ход̇ий’’д̇и (а. ни. 5.37) сзсабад̣̇зсуби зсзва наяо. суруубобийд̇и абхируубоби. вируубо ход̇ийд̇и б̣ийбхажчаруубо гобийнасса ажчаннад̇д̇аа. ид̣̇ан̃жа яаананд̇и сааман̃н̃ад̇о вуд̇д̇ам̣. убааханаад̇и саруубад̇о д̣̇ассзд̇и. ад̣̇угкаббад̇д̇о худ̇ваа яаад̇и вад̇д̇ад̇и зд̇знаад̇и яаананд̇и чад̇д̇аад̣̇ийнамби яаанабхааво вуд̇д̇о. д̇знааха ‘‘яаанад̣̇о сукад̣̇о ход̇ий’’д̇и. жагкуд̣̇о наама ход̇и жагкунаа гаад̇аб̣б̣агижжз сахагаарийгааран̣абхаавад̇о д̣̇ийбасса.
42.Dve tīṇi bhattāni abhutvāti dve tayo vāre bhattāni abhuñjitvā. Uṭṭhātuṃ na sakkotīti uṭṭhātumpi na sakkotī, pageva aññaṃ sarīrena kātabbakiccaṃ dubbalabhāvato. Dubbalopi hutvāti bhuñjanato pubbe dubbalo hutvā balasampanno hoti. Evaṃ byatirekato anvayato ca āhārassa sarīre balavataṃ āha. Yasmā annado dāyako paṭiggāhakassa balado hoti, tasmā so āyatiṃ attano sarīre balado avināsavasena balassa rakkhako ca hoti. Tenāha bhagavā – ‘‘balaṃ kho pana datvā balassa bhāgī hotī’’ti (a. ni. 5.37) sesapadesupi eseva nayo. Surūpopīti abhirūpopi. Virūpo hotīti bībhaccharūpo kopīnassa acchannattā. Idañca yānanti sāmaññato vuttaṃ. Upāhanāti sarūpato dasseti. Adukkhappatto hutvā yāti vattati etenāti yānanti chattādīnampi yānabhāvo vutto. Tenāha ‘‘yānado sukhado hotī’’ti. Cakkhudo nāma hoti cakkhunā kātabbakicce sahakārīkāraṇabhāvato dīpassa.
‘‘саб̣б̣зсам̣язва б̣алаад̣̇ийнам̣ д̣̇ааяаго ход̇ий’’д̇и сан̇кзбад̇о вуд̇д̇ам̣ ад̇т̇ам̣ вид̇т̇аарад̇о д̣̇ассзд̇ум̣ ‘‘д̣̇вз д̇аяо г̇аамз’’д̇иаад̣̇и вуд̇д̇ам̣. нисаж̇ж̇аад̣̇ивасзна бад̇иссаяид̇аб̣б̣ад̇о бад̇иссаяо, вихааро. багкид̇д̇ам̣ вияа ход̇и бариссамасса винод̣̇ид̇ад̇д̇аа. б̣ахи вижаранд̇ассаад̇и бад̇иссаяам̣ алабхид̇ваа б̣ахи вивадан̇г̇ан̣з вижаранд̇асса. жхааяад̇ийд̇и жхааяанд̇ам̣ ход̇и, гиламад̇ийд̇и ад̇т̇о. сийд̇ун̣хаад̣̇ивирод̇хибажжаяавасзна сасанд̇аанз висабхааг̇асанд̇ад̇и, д̇аб̣б̣ибарияааяад̇о сабхааг̇асанд̇ад̇и взд̣̇ид̇аб̣б̣аа. сукам̣ наама д̣̇угкабажжаяабарихаарад̇о сукабажжаяуббаннад̇о жа ход̇и, д̇ад̣̇убхаяам̣ бад̇иссаяавасзна лабхад̇ийд̇и д̣̇ассзнд̇о ‘‘б̣ахи вижаранд̇асса баад̣̇з’’д̇иаад̣̇имааха. д̇хаммабийд̇исуканд̇и д̇хаммабажжавзгкан̣зна уббаннабийд̇исукам̣. убасамасуканд̇и гилзсаанам̣ вуубасамзна бавад̇д̇асукам̣. ниваад̇ам̣ бихид̇аваад̇абаанам̣ бад̇иссаяам̣ бависид̇ваа д̣̇ваарам̣ бид̇хааяа тид̇асса анд̇хагааро ход̇ийд̇и вуд̇д̇ам̣ ‘‘гуубз од̇ин̣н̣о вияа ход̇ий’’д̇и. д̇знааха ‘‘ман̃жабийтаад̣̇ийни на бан̃н̃ааяанд̇ий’’д̇и. д̇аяид̣̇ам̣ б̣ахисамаабаннабариссамад̣̇осзна, на жа бад̇иссаяад̣̇осзна. д̇знааха ‘‘мухуд̇д̇а’’нд̇иаад̣̇и.
‘‘Sabbesaṃyeva balādīnaṃ dāyako hotī’’ti saṅkhepato vuttaṃ atthaṃ vitthārato dassetuṃ ‘‘dve tayo gāme’’tiādi vuttaṃ. Nisajjādivasena patissayitabbato patissayo, vihāro. Pakkhittaṃ viya hoti parissamassa vinoditattā. Bahi vicarantassāti patissayaṃ alabhitvā bahi vivaṭaṅgaṇe vicarantassa. Jhāyatīti jhāyantaṃ hoti, kilamatīti attho. Sītuṇhādivirodhipaccayavasena sasantāne visabhāgasantati, tabbipariyāyato sabhāgasantati veditabbā. Sukhaṃ nāma dukkhapaccayaparihārato sukhapaccayuppannato ca hoti, tadubhayaṃ patissayavasena labhatīti dassento ‘‘bahi vicarantassa pāde’’tiādimāha. Dhammapītisukhanti dhammapaccavekkhaṇena uppannapītisukhaṃ. Upasamasukhanti kilesānaṃ vūpasamena pavattasukhaṃ. Nivātaṃ pihitavātapānaṃ patissayaṃ pavisitvā dvāraṃ pidhāya ṭhitassa andhakāro hotīti vuttaṃ ‘‘kūpe otiṇṇo viya hotī’’ti. Tenāha ‘‘mañcapīṭhādīni na paññāyantī’’ti. Tayidaṃ bahisamāpannaparissamadosena, na ca patissayadosena. Tenāha ‘‘muhutta’’ntiādi.
на марад̇и зд̇знаад̇и амаран̣ам̣, ниб̣б̣аанаад̇хиг̇амаад̣̇аяо. д̇асса д̣̇аанам̣ д̇хаммуубад̣̇зсо, д̇ам̣ д̣̇зд̇и. д̇знааха ‘‘яо д̇хаммам̣ анусаасад̇ий’’д̇и. д̇аяид̣̇ам̣ д̇хаммаанусаасанам̣ гат̇ам̣ ход̇ийд̇и ааха ‘‘адтагат̇а’’нд̇иаад̣̇и. адтагат̇ам̣ гат̇зд̇ийд̇и авивадабаатасса баал̣ияаа ад̇т̇асам̣ван̣н̣анам̣ гарод̇ийд̇и ад̇т̇о. анад̇хийд̇ино бана баал̣им̣ ваажзд̇и. д̇ад̇т̇а д̇ад̇т̇а г̇ад̇адтаанз бужчид̇абан̃хам̣ виссаж̇ж̇зд̇и, аяам̣ д̇аава г̇ант̇ад̇хуро, бадибад̇д̇иваасад̇хурз бана гаммадтаанам̣ аажигкад̇и, убхаязсамби д̇хаммассаванам̣ гарод̇и. саб̣б̣ад̣̇аананд̇и яат̇аавуд̇д̇ааамисад̣̇аанам̣ абхаяад̣̇аанам̣. д̇хаммад̣̇аананд̇и д̇хаммад̣̇зсанаа. д̇хаммарад̇ийд̇и самат̇авибассанаад̇хаммз абхирад̇и. д̇хаммарасод̇и сад̣̇д̇хаммасанниссаяам̣ бийд̇ибаамож̇ж̇ам̣.
Na marati etenāti amaraṇaṃ, nibbānādhigamādayo. Tassa dānaṃ dhammūpadeso, taṃ deti. Tenāha ‘‘yo dhammaṃ anusāsatī’’ti. Tayidaṃ dhammānusāsanaṃ kathaṃ hotīti āha ‘‘aṭṭhakatha’’ntiādi. Aṭṭhakathaṃ kathetīti avivaṭapāṭhassa pāḷiyā atthasaṃvaṇṇanaṃ karotīti attho. Anadhītino pana pāḷiṃ vāceti. Tattha tattha gataṭṭhāne pucchitapañhaṃ vissajjeti, ayaṃ tāva ganthadhuro, paṭipattivāsadhure pana kammaṭṭhānaṃ ācikkhati, ubhayesampi dhammassavanaṃ karoti. Sabbadānanti yathāvuttaāmisadānaṃ abhayadānaṃ. Dhammadānanti dhammadesanā. Dhammaratīti samathavipassanādhamme abhirati. Dhammarasoti saddhammasannissayaṃ pītipāmojjaṃ.
гим̣д̣̇ад̣̇асуд̇д̇аван̣н̣анаа нидтид̇аа.
Kiṃdadasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. гим̣д̣̇ад̣̇асуд̇д̇ам̣ • 2. Kiṃdadasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. гим̣д̣̇ад̣̇асуд̇д̇аван̣н̣анаа • 2. Kiṃdadasuttavaṇṇanā
