| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. гим̣д̣̇идтигасуд̇д̇ам̣
3. Kiṃdiṭṭhikasuttaṃ
93. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко анаат̇абин̣д̣иго г̇ахабад̇и д̣̇иваа д̣̇ивасса саавад̇т̇ияаа нигками бхаг̇аванд̇ам̣ д̣̇ассанааяа. ат̇а ко анаат̇абин̣д̣игасса г̇ахабад̇исса зд̇ад̣̇ахоси – ‘‘агаало ко д̇аава бхаг̇аванд̇ам̣ д̣̇ассанааяа. бадисаллийно бхаг̇аваа. манобхааванийяаанамби бхигкуунам̣ агаало д̣̇ассанааяа. бадисаллийнаа манобхааванийяаа бхигкуу. яам̣нуунаахам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяа’’нд̇и.
93. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho anāthapiṇḍiko gahapati divā divassa sāvatthiyā nikkhami bhagavantaṃ dassanāya. Atha kho anāthapiṇḍikassa gahapatissa etadahosi – ‘‘akālo kho tāva bhagavantaṃ dassanāya. Paṭisallīno bhagavā. Manobhāvanīyānampi bhikkhūnaṃ akālo dassanāya. Paṭisallīnā manobhāvanīyā bhikkhū. Yaṃnūnāhaṃ yena aññatitthiyānaṃ paribbājakānaṃ ārāmo tenupasaṅkameyya’’nti.
ат̇а ко анаат̇абин̣д̣иго г̇ахабад̇и язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гами. д̇зна ко бана самаязна ан̃н̃ад̇ид̇т̇ияаа бариб̣б̣ааж̇агаа сан̇г̇амма самааг̇амма уннаад̣̇ино ужжаасад̣̇д̣̇амахаасад̣̇д̣̇аа анзгавихид̇ам̣ д̇иражчаанагат̇ам̣ гат̇знд̇аа нисиннаа хонд̇и. ад̣̇д̣̇асам̣су ко д̇з ан̃н̃ад̇ид̇т̇ияаа бариб̣б̣ааж̇агаа анаат̇абин̣д̣игам̣ г̇ахабад̇им̣ д̣̇уурад̇ова ааг̇ажчанд̇ам̣. д̣̇исваана ан̃н̃аман̃н̃ам̣ сан̣таабзсум̣ – ‘‘аббасад̣̇д̣̇аа бхонд̇о хонд̇у, маа бхонд̇о сад̣̇д̣̇амагад̇т̇а. аяам̣ анаат̇абин̣д̣иго г̇ахабад̇и аараамам̣ ааг̇ажчад̇и саман̣асса г̇од̇амасса сааваго. яаавад̇аа ко бана саман̣асса г̇од̇амасса саавагаа г̇ихий од̣̇аад̇авасанаа саавад̇т̇ияам̣ бадивасанд̇и, аяам̣ д̇зсам̣ ан̃н̃ад̇аро анаат̇абин̣д̣иго г̇ахабад̇и. аббасад̣̇д̣̇агаамаа ко бана д̇з ааяасманд̇о аббасад̣̇д̣̇авинийд̇аа аббасад̣̇д̣̇асса ван̣н̣аваад̣̇ино. аббзва наама аббасад̣̇д̣̇ам̣ барисам̣ вид̣̇ид̇ваа убасан̇гамид̇аб̣б̣ам̣ ман̃н̃зяяаа’’д̇и.
Atha kho anāthapiṇḍiko gahapati yena aññatitthiyānaṃ paribbājakānaṃ ārāmo tenupasaṅkami. Tena kho pana samayena aññatitthiyā paribbājakā saṅgamma samāgamma unnādino uccāsaddamahāsaddā anekavihitaṃ tiracchānakathaṃ kathentā nisinnā honti. Addasaṃsu kho te aññatitthiyā paribbājakā anāthapiṇḍikaṃ gahapatiṃ dūratova āgacchantaṃ. Disvāna aññamaññaṃ saṇṭhāpesuṃ – ‘‘appasaddā bhonto hontu, mā bhonto saddamakattha. Ayaṃ anāthapiṇḍiko gahapati ārāmaṃ āgacchati samaṇassa gotamassa sāvako. Yāvatā kho pana samaṇassa gotamassa sāvakā gihī odātavasanā sāvatthiyaṃ paṭivasanti, ayaṃ tesaṃ aññataro anāthapiṇḍiko gahapati. Appasaddakāmā kho pana te āyasmanto appasaddavinītā appasaddassa vaṇṇavādino. Appeva nāma appasaddaṃ parisaṃ viditvā upasaṅkamitabbaṃ maññeyyā’’ti.
ат̇а ко д̇з ан̃н̃ад̇ид̇т̇ияаа бариб̣б̣ааж̇агаа д̇ун̣хий ахзсум̣. ат̇а ко анаат̇абин̣д̣иго г̇ахабад̇и язна д̇з ан̃н̃ад̇ид̇т̇ияаа бариб̣б̣ааж̇агаа д̇знубасан̇гами; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко анаат̇абин̣д̣игам̣ г̇ахабад̇им̣ д̇з ан̃н̃ад̇ид̇т̇ияаа бариб̣б̣ааж̇агаа зд̇ад̣̇авожум̣ – ‘‘вад̣̇зхи, г̇ахабад̇и, гим̣д̣̇идтиго саман̣о г̇од̇амо’’д̇и? ‘‘на ко ахам̣, бханд̇з, бхаг̇авад̇о саб̣б̣ам̣ д̣̇идтим̣ ж̇аанаамий’’д̇и.
Atha kho te aññatitthiyā paribbājakā tuṇhī ahesuṃ. Atha kho anāthapiṇḍiko gahapati yena te aññatitthiyā paribbājakā tenupasaṅkami; upasaṅkamitvā tehi aññatitthiyehi paribbājakehi saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ te aññatitthiyā paribbājakā etadavocuṃ – ‘‘vadehi, gahapati, kiṃdiṭṭhiko samaṇo gotamo’’ti? ‘‘Na kho ahaṃ, bhante, bhagavato sabbaṃ diṭṭhiṃ jānāmī’’ti.
‘‘ид̇и гира д̇вам̣, г̇ахабад̇и, на саман̣асса г̇од̇амасса саб̣б̣ам̣ д̣̇идтим̣ ж̇аанааси; вад̣̇зхи, г̇ахабад̇и, гим̣д̣̇идтигаа бхигкуу’’д̇и? ‘‘бхигкуунамби ко ахам̣, бханд̇з, на саб̣б̣ам̣ д̣̇идтим̣ ж̇аанаамий’’д̇и.
‘‘Iti kira tvaṃ, gahapati, na samaṇassa gotamassa sabbaṃ diṭṭhiṃ jānāsi; vadehi, gahapati, kiṃdiṭṭhikā bhikkhū’’ti? ‘‘Bhikkhūnampi kho ahaṃ, bhante, na sabbaṃ diṭṭhiṃ jānāmī’’ti.
‘‘ид̇и гира д̇вам̣, г̇ахабад̇и, на саман̣асса г̇од̇амасса саб̣б̣ам̣ д̣̇идтим̣ ж̇аанааси наби бхигкуунам̣ саб̣б̣ам̣ д̣̇идтим̣ ж̇аанааси; вад̣̇зхи, г̇ахабад̇и, гим̣д̣̇идтигоси д̇ува’’нд̇и? ‘‘зд̇ам̣ ко, бханд̇з, амхзхи на д̣̇уггарам̣ б̣яаагаад̇ум̣ яам̣д̣̇идтигаа маяам̣. ин̇гха д̇аава ааяасманд̇о яат̇аасагаани д̣̇идтиг̇ад̇аани б̣яаагаронд̇у, бажчаабзд̇ам̣ амхзхи на д̣̇уггарам̣ бхависсад̇и б̣яаагаад̇ум̣ яам̣д̣̇идтигаа маяа’’нд̇и.
‘‘Iti kira tvaṃ, gahapati, na samaṇassa gotamassa sabbaṃ diṭṭhiṃ jānāsi napi bhikkhūnaṃ sabbaṃ diṭṭhiṃ jānāsi; vadehi, gahapati, kiṃdiṭṭhikosi tuva’’nti? ‘‘Etaṃ kho, bhante, amhehi na dukkaraṃ byākātuṃ yaṃdiṭṭhikā mayaṃ. Iṅgha tāva āyasmanto yathāsakāni diṭṭhigatāni byākarontu, pacchāpetaṃ amhehi na dukkaraṃ bhavissati byākātuṃ yaṃdiṭṭhikā maya’’nti.
звам̣ вуд̇д̇з ан̃н̃ад̇аро бариб̣б̣ааж̇аго анаат̇абин̣д̣игам̣ г̇ахабад̇им̣ зд̇ад̣̇авожа – ‘‘сассад̇о лого, ид̣̇амзва сажжам̣ могхаман̃н̃анд̇и – звам̣д̣̇идтиго ахам̣, г̇ахабад̇ий’’д̇и.
Evaṃ vutte aññataro paribbājako anāthapiṇḍikaṃ gahapatiṃ etadavoca – ‘‘sassato loko, idameva saccaṃ moghamaññanti – evaṃdiṭṭhiko ahaṃ, gahapatī’’ti.
ан̃н̃ад̇ароби ко бариб̣б̣ааж̇аго анаат̇абин̣д̣игам̣ г̇ахабад̇им̣ зд̇ад̣̇авожа – ‘‘асассад̇о лого, ид̣̇амзва сажжам̣ могхаман̃н̃анд̇и – звам̣д̣̇идтиго ахам̣, г̇ахабад̇ий’’д̇и.
Aññataropi kho paribbājako anāthapiṇḍikaṃ gahapatiṃ etadavoca – ‘‘asassato loko, idameva saccaṃ moghamaññanti – evaṃdiṭṭhiko ahaṃ, gahapatī’’ti.
ан̃н̃ад̇ароби ко бариб̣б̣ааж̇аго анаат̇абин̣д̣игам̣ г̇ахабад̇им̣ зд̇ад̣̇авожа – ‘‘анд̇аваа лого…бз… ананд̇аваа лого… д̇ам̣ ж̇ийвам̣ д̇ам̣ сарийрам̣… ан̃н̃ам̣ ж̇ийвам̣ ан̃н̃ам̣ сарийрам̣… ход̇и д̇ат̇ааг̇ад̇о барам̣ маран̣аа… на ход̇и д̇ат̇ааг̇ад̇о барам̣ маран̣аа… ход̇и жа на жа ход̇и д̇ат̇ааг̇ад̇о барам̣ маран̣аа… нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃анд̇и – звам̣д̣̇идтиго ахам̣, г̇ахабад̇ий’’д̇и.
Aññataropi kho paribbājako anāthapiṇḍikaṃ gahapatiṃ etadavoca – ‘‘antavā loko…pe… anantavā loko… taṃ jīvaṃ taṃ sarīraṃ… aññaṃ jīvaṃ aññaṃ sarīraṃ… hoti tathāgato paraṃ maraṇā… na hoti tathāgato paraṃ maraṇā… hoti ca na ca hoti tathāgato paraṃ maraṇā… neva hoti na na hoti tathāgato paraṃ maraṇā, idameva saccaṃ moghamaññanti – evaṃdiṭṭhiko ahaṃ, gahapatī’’ti.
звам̣ вуд̇д̇з анаат̇абин̣д̣иго г̇ахабад̇и д̇з бариб̣б̣ааж̇агз зд̇ад̣̇авожа – ‘‘явааяам̣, бханд̇з, ааяасмаа звамааха – ‘сассад̇о лого, ид̣̇амзва сажжам̣ могхаман̃н̃анд̇и – звам̣д̣̇идтиго ахам̣, г̇ахабад̇ий’д̇и , имасса аяамааяасмад̇о д̣̇идти ад̇д̇ано ваа аяонисоманасигаарахзд̇у уббаннаа барад̇огхосабажжаяаа ваа. саа ко банзсаа д̣̇идти бхууд̇аа сан̇кад̇аа жзд̇аяид̇аа бадижжасамуббаннаа. яам̣ ко бана гин̃жи бхууд̇ам̣ сан̇кад̇ам̣ жзд̇аяид̇ам̣ бадижжасамуббаннам̣ д̇ад̣̇анижжам̣. яад̣̇анижжам̣ д̇ам̣ д̣̇угкам̣. яам̣ д̣̇угкам̣ д̇ад̣̇звзсо ааяасмаа аллийно, д̇ад̣̇звзсо ааяасмаа аж̇жхубаг̇ад̇о.
Evaṃ vutte anāthapiṇḍiko gahapati te paribbājake etadavoca – ‘‘yvāyaṃ, bhante, āyasmā evamāha – ‘sassato loko, idameva saccaṃ moghamaññanti – evaṃdiṭṭhiko ahaṃ, gahapatī’ti , imassa ayamāyasmato diṭṭhi attano vā ayonisomanasikārahetu uppannā paratoghosapaccayā vā. Sā kho panesā diṭṭhi bhūtā saṅkhatā cetayitā paṭiccasamuppannā. Yaṃ kho pana kiñci bhūtaṃ saṅkhataṃ cetayitaṃ paṭiccasamuppannaṃ tadaniccaṃ. Yadaniccaṃ taṃ dukkhaṃ. Yaṃ dukkhaṃ tadeveso āyasmā allīno, tadeveso āyasmā ajjhupagato.
‘‘яобааяам̣ , бханд̇з, ааяасмаа звамааха – ‘асассад̇о лого, ид̣̇амзва сажжам̣ могхаман̃н̃анд̇и – звам̣д̣̇идтиго ахам̣, г̇ахабад̇ий’д̇и, имассааби аяамааяасмад̇о д̣̇идти ад̇д̇ано ваа аяонисоманасигаарахзд̇у уббаннаа барад̇огхосабажжаяаа ваа. саа ко банзсаа д̣̇идти бхууд̇аа сан̇кад̇аа жзд̇аяид̇аа бадижжасамуббаннаа. яам̣ ко бана гин̃жи бхууд̇ам̣ сан̇кад̇ам̣ жзд̇аяид̇ам̣ бадижжасамуббаннам̣ д̇ад̣̇анижжам̣. яад̣̇анижжам̣ д̇ам̣ д̣̇угкам̣. яам̣ д̣̇угкам̣ д̇ад̣̇звзсо ааяасмаа аллийно, д̇ад̣̇звзсо ааяасмаа аж̇жхубаг̇ад̇о.
‘‘Yopāyaṃ , bhante, āyasmā evamāha – ‘asassato loko, idameva saccaṃ moghamaññanti – evaṃdiṭṭhiko ahaṃ, gahapatī’ti, imassāpi ayamāyasmato diṭṭhi attano vā ayonisomanasikārahetu uppannā paratoghosapaccayā vā. Sā kho panesā diṭṭhi bhūtā saṅkhatā cetayitā paṭiccasamuppannā. Yaṃ kho pana kiñci bhūtaṃ saṅkhataṃ cetayitaṃ paṭiccasamuppannaṃ tadaniccaṃ. Yadaniccaṃ taṃ dukkhaṃ. Yaṃ dukkhaṃ tadeveso āyasmā allīno, tadeveso āyasmā ajjhupagato.
‘‘яобааяам̣, бханд̇з, ааяасмаа звамааха – ‘анд̇аваа лого …бз… ананд̇аваа лого… д̇ам̣ ж̇ийвам̣ д̇ам̣ сарийрам̣… ан̃н̃ам̣ ж̇ийвам̣ ан̃н̃ам̣ сарийрам̣… ход̇и д̇ат̇ааг̇ад̇о барам̣ маран̣аа… на ход̇и д̇ат̇ааг̇ад̇о барам̣ маран̣аа… ход̇и жа на жа ход̇и д̇ат̇ааг̇ад̇о барам̣ маран̣аа… нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃анд̇и – звам̣д̣̇идтиго ахам̣, г̇ахабад̇ий’д̇и, имассааби аяамааяасмад̇о д̣̇идти ад̇д̇ано ваа аяонисоманасигаарахзд̇у уббаннаа барад̇огхосабажжаяаа ваа. саа ко банзсаа д̣̇идти бхууд̇аа сан̇кад̇аа жзд̇аяид̇аа бадижжасамуббаннаа. яам̣ ко бана гин̃жи бхууд̇ам̣ сан̇кад̇ам̣ жзд̇аяид̇ам̣ бадижжасамуббаннам̣ д̇ад̣̇анижжам̣. яад̣̇анижжам̣ д̇ам̣ д̣̇угкам̣. яам̣ д̣̇угкам̣ д̇ад̣̇звзсо ааяасмаа аллийно, д̇ад̣̇звзсо ааяасмаа аж̇жхубаг̇ад̇о’’д̇и.
‘‘Yopāyaṃ, bhante, āyasmā evamāha – ‘antavā loko …pe… anantavā loko… taṃ jīvaṃ taṃ sarīraṃ… aññaṃ jīvaṃ aññaṃ sarīraṃ… hoti tathāgato paraṃ maraṇā… na hoti tathāgato paraṃ maraṇā… hoti ca na ca hoti tathāgato paraṃ maraṇā… neva hoti na na hoti tathāgato paraṃ maraṇā, idameva saccaṃ moghamaññanti – evaṃdiṭṭhiko ahaṃ, gahapatī’ti, imassāpi ayamāyasmato diṭṭhi attano vā ayonisomanasikārahetu uppannā paratoghosapaccayā vā. Sā kho panesā diṭṭhi bhūtā saṅkhatā cetayitā paṭiccasamuppannā. Yaṃ kho pana kiñci bhūtaṃ saṅkhataṃ cetayitaṃ paṭiccasamuppannaṃ tadaniccaṃ. Yadaniccaṃ taṃ dukkhaṃ. Yaṃ dukkhaṃ tadeveso āyasmā allīno, tadeveso āyasmā ajjhupagato’’ti.
звам̣ вуд̇д̇з д̇з бариб̣б̣ааж̇агаа анаат̇абин̣д̣игам̣ г̇ахабад̇им̣ зд̇ад̣̇авожум̣ – ‘‘б̣яаагад̇аани ко, г̇ахабад̇и, амхзхи саб̣б̣зхзва яат̇аасагаани д̣̇идтиг̇ад̇аани. вад̣̇зхи, г̇ахабад̇и, гим̣д̣̇идтигоси д̇ува’’нд̇и? ‘‘яам̣ ко, бханд̇з, гин̃жи бхууд̇ам̣ сан̇кад̇ам̣ жзд̇аяид̇ам̣ бадижжасамуббаннам̣ д̇ад̣̇анижжам̣. яад̣̇анижжам̣ д̇ам̣ д̣̇угкам̣. ‘яам̣ д̣̇угкам̣ д̇ам̣ нзд̇ам̣ мама, нзсохамасми, на мзсо ад̇д̇аа’д̇и – звам̣д̣̇идтиго ахам̣, бханд̇з’’д̇и.
Evaṃ vutte te paribbājakā anāthapiṇḍikaṃ gahapatiṃ etadavocuṃ – ‘‘byākatāni kho, gahapati, amhehi sabbeheva yathāsakāni diṭṭhigatāni. Vadehi, gahapati, kiṃdiṭṭhikosi tuva’’nti? ‘‘Yaṃ kho, bhante, kiñci bhūtaṃ saṅkhataṃ cetayitaṃ paṭiccasamuppannaṃ tadaniccaṃ. Yadaniccaṃ taṃ dukkhaṃ. ‘Yaṃ dukkhaṃ taṃ netaṃ mama, nesohamasmi, na meso attā’ti – evaṃdiṭṭhiko ahaṃ, bhante’’ti.
‘‘яам̣ ко, г̇ахабад̇и, гин̃жи бхууд̇ам̣ сан̇кад̇ам̣ жзд̇аяид̇ам̣ бадижжасамуббаннам̣ д̇ад̣̇анижжам̣. яад̣̇анижжам̣ д̇ам̣ д̣̇угкам̣. яам̣ д̣̇угкам̣ д̇ад̣̇зва д̇вам̣, г̇ахабад̇и, аллийно, д̇ад̣̇зва д̇вам̣, г̇ахабад̇и, аж̇жхубаг̇ад̇о’’д̇и.
‘‘Yaṃ kho, gahapati, kiñci bhūtaṃ saṅkhataṃ cetayitaṃ paṭiccasamuppannaṃ tadaniccaṃ. Yadaniccaṃ taṃ dukkhaṃ. Yaṃ dukkhaṃ tadeva tvaṃ, gahapati, allīno, tadeva tvaṃ, gahapati, ajjhupagato’’ti.
‘‘яам̣ ко, бханд̇з, гин̃жи бхууд̇ам̣ сан̇кад̇ам̣ жзд̇аяид̇ам̣ бадижжасамуббаннам̣ д̇ад̣̇анижжам̣. яад̣̇анижжам̣ д̇ам̣ д̣̇угкам̣. ‘яам̣ д̣̇угкам̣ д̇ам̣ нзд̇ам̣ мама, нзсохамасми, намзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа суд̣̇идтам̣ . д̇асса жа уд̇д̇ари ниссаран̣ам̣ яат̇аабхууд̇ам̣ баж̇аанаамий’’д̇и.
‘‘Yaṃ kho, bhante, kiñci bhūtaṃ saṅkhataṃ cetayitaṃ paṭiccasamuppannaṃ tadaniccaṃ. Yadaniccaṃ taṃ dukkhaṃ. ‘Yaṃ dukkhaṃ taṃ netaṃ mama, nesohamasmi, nameso attā’ti – evametaṃ yathābhūtaṃ sammappaññāya sudiṭṭhaṃ . Tassa ca uttari nissaraṇaṃ yathābhūtaṃ pajānāmī’’ti.
звам̣ вуд̇д̇з д̇з бариб̣б̣ааж̇агаа д̇ун̣хийбхууд̇аа ман̇губхууд̇аа бад̇д̇агканд̇хаа ад̇хомукаа баж̇жхааяанд̇аа аббадибхаанаа нисийд̣̇им̣су. ат̇а ко анаат̇абин̣д̣иго г̇ахабад̇и д̇з бариб̣б̣ааж̇агз д̇ун̣хийбхууд̇з ман̇губхууд̇з бад̇д̇агканд̇хз ад̇хомукз баж̇жхааяанд̇з аббадибхаанз вид̣̇ид̇ваа удтааяаасанаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко анаат̇абин̣д̣иго г̇ахабад̇и яаавад̇аго ахоси д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ гат̇аасаллаабо д̇ам̣ саб̣б̣ам̣ бхаг̇авад̇о аарожзси. ‘‘саад̇ху саад̇ху, г̇ахабад̇и! звам̣ ко д̇з, г̇ахабад̇и, могхабурисаа гаалзна гаалам̣ сахад̇хаммзна суниг̇г̇ахид̇ам̣ ниг̇г̇ахзд̇аб̣б̣аа’’д̇и.
Evaṃ vutte te paribbājakā tuṇhībhūtā maṅkubhūtā pattakkhandhā adhomukhā pajjhāyantā appaṭibhānā nisīdiṃsu. Atha kho anāthapiṇḍiko gahapati te paribbājake tuṇhībhūte maṅkubhūte pattakkhandhe adhomukhe pajjhāyante appaṭibhāne viditvā uṭṭhāyāsanā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho anāthapiṇḍiko gahapati yāvatako ahosi tehi aññatitthiyehi paribbājakehi saddhiṃ kathāsallāpo taṃ sabbaṃ bhagavato ārocesi. ‘‘Sādhu sādhu, gahapati! Evaṃ kho te, gahapati, moghapurisā kālena kālaṃ sahadhammena suniggahitaṃ niggahetabbā’’ti.
ат̇а ко бхаг̇аваа анаат̇абин̣д̣игам̣ г̇ахабад̇им̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко анаат̇абин̣д̣иго г̇ахабад̇и бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
Atha kho bhagavā anāthapiṇḍikaṃ gahapatiṃ dhammiyā kathāya sandassesi samādapesi samuttejesi sampahaṃsesi. Atha kho anāthapiṇḍiko gahapati bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
ат̇а ко бхаг̇аваа ажирабагганд̇з анаат̇абин̣д̣игз г̇ахабад̇имхи бхигкуу ааманд̇зси – ‘‘яоби со, бхигкавз, бхигку вассасад̇убасамбанно 1 имасмим̣ д̇хаммавинаяз, соби звамзвам̣ ан̃н̃ад̇ид̇т̇ияз бариб̣б̣ааж̇агз сахад̇хаммзна суниг̇г̇ахид̇ам̣ ниг̇г̇ан̣хзяяа яат̇аа д̇ам̣ анаат̇абин̣д̣игзна г̇ахабад̇инаа ниг̇г̇ахид̇аа’’д̇и. д̇ад̇ияам̣.
Atha kho bhagavā acirapakkante anāthapiṇḍike gahapatimhi bhikkhū āmantesi – ‘‘yopi so, bhikkhave, bhikkhu vassasatupasampanno 2 imasmiṃ dhammavinaye, sopi evamevaṃ aññatitthiye paribbājake sahadhammena suniggahitaṃ niggaṇheyya yathā taṃ anāthapiṇḍikena gahapatinā niggahitā’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. гим̣д̣̇идтигасуд̇д̇аван̣н̣анаа • 3. Kiṃdiṭṭhikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. гаамабхог̇ийсуд̇д̇аад̣̇иван̣н̣анаа • 1-4. Kāmabhogīsuttādivaṇṇanā
