| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. பஞ்சமபண்ணாஸகங்
5. Pañcamapaṇṇāsakaṃ
(21) 1. கிமிலவக்³கோ³
(21) 1. Kimilavaggo
1. கிமிலஸுத்தவண்ணனா
1. Kimilasuttavaṇṇanā
201. பஞ்சமஸ்ஸ பட²மே கிமிலாயந்தி ஏவங்னாமகே நக³ரே. நிசுலவனேதி முசலிந்த³வனே. ஏதத³வோசாதி அயங் கிர தே²ரோ தஸ்மிங்யேவ நக³ரே ஸெட்டி²புத்தோ ஸத்து² ஸந்திகே பப்³ப³ஜித்வா புப்³பே³னிவாஸஞாணங் படிலபி⁴. ஸோ அத்தனா நிவுத்த²ங் க²ந்த⁴ஸந்தானங் அனுஸ்ஸரந்தோ கஸ்ஸபத³ஸப³லஸ்ஸ ஸாஸனோஸக்கனகாலே பப்³ப³ஜித்வா சதூஸு பரிஸாஸு ஸாஸனே அகா³ரவங் கரொந்தீஸு நிஸ்ஸேணிங் ப³ந்தி⁴த்வா பப்³ப³தங் ஆருய்ஹ தத்த² ஸமணத⁴ம்மங் கத்வா அத்தனோ நிவுத்த²பா⁴வங் அத்³த³ஸ. ஸோ ‘‘ஸத்தா²ரங் உபஸங்கமித்வா தங் காரணங் புச்சி²ஸ்ஸாமீ’’தி ஏதங் ‘‘கோ நு கோ², ப⁴ந்தே’’திஆதி³வசனங் அவோச.
201. Pañcamassa paṭhame kimilāyanti evaṃnāmake nagare. Niculavaneti mucalindavane. Etadavocāti ayaṃ kira thero tasmiṃyeva nagare seṭṭhiputto satthu santike pabbajitvā pubbenivāsañāṇaṃ paṭilabhi. So attanā nivutthaṃ khandhasantānaṃ anussaranto kassapadasabalassa sāsanosakkanakāle pabbajitvā catūsu parisāsu sāsane agāravaṃ karontīsu nisseṇiṃ bandhitvā pabbataṃ āruyha tattha samaṇadhammaṃ katvā attano nivutthabhāvaṃ addasa. So ‘‘satthāraṃ upasaṅkamitvā taṃ kāraṇaṃ pucchissāmī’’ti etaṃ ‘‘ko nu kho, bhante’’tiādivacanaṃ avoca.
ஸத்த²ரி அகா³ரவா விஹரந்தி அப்பதிஸ்ஸாதி ஸத்த²ரி கா³ரவஞ்சேவ ஜெட்ட²கபா⁴வஞ்ச அனுபட்ட²பெத்வா விஹரந்தி. ஸேஸேஸுபி ஏஸேவ நயோ. தத்த² சேதியங்க³ணாதீ³ஸு ச²த்தங் தா⁴ரெத்வா உபாஹனா ஆருய்ஹ விசரந்தோ நானப்பகாரஞ்ச நிரத்த²ககத²ங் கதெ²ந்தோ ஸத்த²ரி அகா³ரவோ விஹரதி நாம. த⁴ம்மஸ்ஸவனக்³கே³ பன நிஸீதி³த்வா நித்³தா³யந்தோ சேவ நானப்பகாரஞ்ச நிரத்த²ககத²ங் கதெ²ந்தோ த⁴ம்மே அகா³ரவோ விஹரதி நாம. ஸங்க⁴மஜ்ஜே² பா³ஹாவிக்கே²பகங் நானத்தகத²ங் கதெ²ந்தோ தே²ரனவமஜ்ஜி²மேஸு ச சித்தீகாரங் அகரொந்தோ ஸங்கே⁴ அகா³ரவோ விஹரதி நாம. ஸிக்க²ங் அபரிபூரெந்தோ ஸிக்கா²ய அகா³ரவோ விஹரதி நாம. அஞ்ஞமஞ்ஞங் கலஹப⁴ண்ட³னாதீ³னி கரொந்தோ அஞ்ஞமஞ்ஞங் அகா³ரவோ விஹரதி நாம. து³தியங் உத்தானத்த²மேவ.
Satthari agāravā viharanti appatissāti satthari gāravañceva jeṭṭhakabhāvañca anupaṭṭhapetvā viharanti. Sesesupi eseva nayo. Tattha cetiyaṅgaṇādīsu chattaṃ dhāretvā upāhanā āruyha vicaranto nānappakārañca niratthakakathaṃ kathento satthari agāravo viharati nāma. Dhammassavanagge pana nisīditvā niddāyanto ceva nānappakārañca niratthakakathaṃ kathento dhamme agāravo viharati nāma. Saṅghamajjhe bāhāvikkhepakaṃ nānattakathaṃ kathento theranavamajjhimesu ca cittīkāraṃ akaronto saṅghe agāravo viharati nāma. Sikkhaṃ aparipūrento sikkhāya agāravo viharati nāma. Aññamaññaṃ kalahabhaṇḍanādīni karonto aññamaññaṃ agāravo viharati nāma. Dutiyaṃ uttānatthameva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. கிமிலஸுத்தங் • 1. Kimilasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-4. கிமிலஸுத்தாதி³வண்ணனா • 1-4. Kimilasuttādivaṇṇanā
