| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. бан̃жамабан̣н̣аасагам̣
5. Pañcamapaṇṇāsakaṃ
(21) 1. гимилаваг̇г̇о
(21) 1. Kimilavaggo
1. гимиласуд̇д̇аван̣н̣анаа
1. Kimilasuttavaṇṇanā
201. бан̃жамасса батамз гимилааяанд̇и звам̣наамагз наг̇арз. нижулаванзд̇и мужалинд̣̇аванз. зд̇ад̣̇авожаад̇и аяам̣ гира т̇зро д̇асмим̣язва наг̇арз сздтибуд̇д̇о сад̇т̇у санд̇игз баб̣б̣аж̇ид̇ваа буб̣б̣зниваасан̃аан̣ам̣ бадилабхи. со ад̇д̇анаа нивуд̇т̇ам̣ канд̇хасанд̇аанам̣ ануссаранд̇о гассабад̣̇асаб̣аласса саасаносагганагаалз баб̣б̣аж̇ид̇ваа жад̇уусу барисаасу саасанз аг̇ааравам̣ гаронд̇ийсу ниссзн̣им̣ б̣анд̇хид̇ваа баб̣б̣ад̇ам̣ ааруяха д̇ад̇т̇а саман̣ад̇хаммам̣ гад̇ваа ад̇д̇ано нивуд̇т̇абхаавам̣ ад̣̇д̣̇аса. со ‘‘сад̇т̇аарам̣ убасан̇гамид̇ваа д̇ам̣ гааран̣ам̣ бужчиссаамий’’д̇и зд̇ам̣ ‘‘го ну ко, бханд̇з’’д̇иаад̣̇иважанам̣ авожа.
201. Pañcamassa paṭhame kimilāyanti evaṃnāmake nagare. Niculavaneti mucalindavane. Etadavocāti ayaṃ kira thero tasmiṃyeva nagare seṭṭhiputto satthu santike pabbajitvā pubbenivāsañāṇaṃ paṭilabhi. So attanā nivutthaṃ khandhasantānaṃ anussaranto kassapadasabalassa sāsanosakkanakāle pabbajitvā catūsu parisāsu sāsane agāravaṃ karontīsu nisseṇiṃ bandhitvā pabbataṃ āruyha tattha samaṇadhammaṃ katvā attano nivutthabhāvaṃ addasa. So ‘‘satthāraṃ upasaṅkamitvā taṃ kāraṇaṃ pucchissāmī’’ti etaṃ ‘‘ko nu kho, bhante’’tiādivacanaṃ avoca.
сад̇т̇ари аг̇аараваа вихаранд̇и аббад̇иссаад̇и сад̇т̇ари г̇аараван̃жзва ж̇здтагабхааван̃жа анубадтабзд̇ваа вихаранд̇и. сзсзсуби зсзва наяо. д̇ад̇т̇а жзд̇ияан̇г̇ан̣аад̣̇ийсу чад̇д̇ам̣ д̇хаарзд̇ваа убааханаа ааруяха вижаранд̇о наанаббагааран̃жа нирад̇т̇агагат̇ам̣ гат̇знд̇о сад̇т̇ари аг̇аараво вихарад̇и наама. д̇хаммассаванаг̇г̇з бана нисийд̣̇ид̇ваа нид̣̇д̣̇ааяанд̇о жзва наанаббагааран̃жа нирад̇т̇агагат̇ам̣ гат̇знд̇о д̇хаммз аг̇аараво вихарад̇и наама. сан̇гхамаж̇жхз б̣аахаавигкзбагам̣ наанад̇д̇агат̇ам̣ гат̇знд̇о т̇зранавамаж̇жхимзсу жа жид̇д̇ийгаарам̣ агаронд̇о сан̇гхз аг̇аараво вихарад̇и наама. сигкам̣ абарибуурзнд̇о сигкааяа аг̇аараво вихарад̇и наама. ан̃н̃аман̃н̃ам̣ галахабхан̣д̣анаад̣̇ийни гаронд̇о ан̃н̃аман̃н̃ам̣ аг̇аараво вихарад̇и наама. д̣̇уд̇ияам̣ уд̇д̇аанад̇т̇амзва.
Satthari agāravā viharanti appatissāti satthari gāravañceva jeṭṭhakabhāvañca anupaṭṭhapetvā viharanti. Sesesupi eseva nayo. Tattha cetiyaṅgaṇādīsu chattaṃ dhāretvā upāhanā āruyha vicaranto nānappakārañca niratthakakathaṃ kathento satthari agāravo viharati nāma. Dhammassavanagge pana nisīditvā niddāyanto ceva nānappakārañca niratthakakathaṃ kathento dhamme agāravo viharati nāma. Saṅghamajjhe bāhāvikkhepakaṃ nānattakathaṃ kathento theranavamajjhimesu ca cittīkāraṃ akaronto saṅghe agāravo viharati nāma. Sikkhaṃ aparipūrento sikkhāya agāravo viharati nāma. Aññamaññaṃ kalahabhaṇḍanādīni karonto aññamaññaṃ agāravo viharati nāma. Dutiyaṃ uttānatthameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. гимиласуд̇д̇ам̣ • 1. Kimilasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. гимиласуд̇д̇аад̣̇иван̣н̣анаа • 1-4. Kimilasuttādivaṇṇanā
