| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. гимиласуд̇д̇аван̣н̣анаа
10. Kimilasuttavaṇṇanā
986. т̇зрод̇и аананд̣̇ад̇т̇зро. аяам̣ д̣̇зсанаад̇и ‘‘гат̇ам̣ вибхаавид̇о ну ко гимилаа’’д̇иаад̣̇инаа бавад̇д̇аа д̣̇зсанаа. гааяан̃н̃ад̇аранд̇и руубагааяз ан̃н̃ад̇арагодтаасз. званд̇и яат̇аа аанаабаанам̣ ануссаранд̇о бхигку гааяз гааяаанубассий ж̇аад̇о, звам̣ саб̣б̣ад̇т̇а ваарзсу взд̣̇анаанубассийд̇иаад̣̇и ад̇т̇о взд̣̇ид̇аб̣б̣о.
986.Theroti ānandatthero. Ayaṃ desanāti ‘‘kathaṃ vibhāvito nu kho kimilā’’tiādinā pavattā desanā. Kāyaññataranti rūpakāye aññatarakoṭṭhāse. Evanti yathā ānāpānaṃ anussaranto bhikkhu kāye kāyānupassī jāto, evaṃ sabbattha vāresu vedanānupassītiādi attho veditabbo.
д̣̇зсанаасийсанд̇и д̣̇зсанаабад̣̇зсам̣. манасигаарабад̣̇зсзна взд̣̇анаа вуд̇д̇аад̇и д̇ам̣ саб̣б̣ам̣ саруубад̇о ан̃н̃аабад̣̇зсад̇о абад̣̇исад̇и. яат̇зва хийд̇иаад̣̇инаа д̇ад̇т̇а нид̣̇ассанам̣ д̣̇ассзд̇и. жид̇д̇асан̇каарабад̣̇ад̣̇ваязд̇и ‘‘жид̇д̇асан̇каарабадисам̣взд̣̇ий бассамбхаяам̣ жид̇д̇асан̇каара’’нд̇и зд̇асмим̣ бад̣̇ад̣̇ваяз.
Desanāsīsanti desanāpadesaṃ. Manasikārapadesena vedanā vuttāti taṃ sabbaṃ sarūpato aññāpadesato apadisati. Yatheva hītiādinā tattha nidassanaṃ dasseti. Cittasaṅkhārapadadvayeti ‘‘cittasaṅkhārapaṭisaṃvedī passambhayaṃ cittasaṅkhāra’’nti etasmiṃ padadvaye.
звам̣ санд̇збийд̇и бийд̇иманасигааражид̇д̇асан̇каарабад̣̇зсзна яад̣̇и взд̣̇анаа вуд̇д̇аа, звам̣ санд̇зби. зсаа яат̇аавуд̇д̇аа взд̣̇анаа аарамман̣ам̣ на ход̇и. взд̣̇анаарамман̣аа жа анубассанаа, д̇асмаа взд̣̇анаанубассанаа на яуж̇ж̇ад̇и. яад̣̇и звам̣ махаасад̇ибадтаанаад̣̇ийсу ‘‘взд̣̇анаа взд̣̇ияад̇ий’’д̇и вуд̇д̇ам̣, д̇ам̣ гат̇анд̇и ааха – ‘‘махаасад̇ибадтаанаад̣̇ийсубий’’д̇иаад̣̇и. д̇ад̇т̇а сукаад̣̇ийнам̣ вад̇т̇унд̇и сукаад̣̇ийнам̣ уббад̇д̇ияаа вад̇т̇убхууд̇ам̣ руубасад̣̇д̣̇аад̣̇им̣ аарамман̣ам̣ гад̇ваа взд̣̇анаа взд̣̇ияад̇и, на буг̇г̇ало буг̇г̇алассзва абхаавад̇о. взд̣̇анааббавад̇д̇им̣ убаад̣̇ааяа ниссааяа яат̇аа ‘‘буг̇г̇ало взд̣̇анам̣ взд̣̇ияад̇ий’’д̇и вохаарамад̇д̇ам̣ ход̇и. звам̣ ид̇хааби взд̣̇анааяа ассаасабассаасз аараб̣бха бавад̇д̇и, д̇ат̇аа бавад̇д̇аманасигаарасийсзна ‘‘взд̣̇анаасу взд̣̇анаанубассий бхигку д̇асмим̣ самаяз вихарад̇ий’’д̇и вуд̇д̇о. д̇ам̣ санд̇хааяаад̇и д̇ам̣ взд̣̇анааяа аарамман̣абхаавам̣ санд̇хааяа . аад̣̇ийнам̣ бад̣̇аанам̣. зд̇асса ‘‘взд̣̇анаанубассанаа на яуж̇ж̇ад̇ий’’д̇и вуд̇д̇аануяог̇асса.
Evaṃ santepīti pītimanasikāracittasaṅkhārapadesena yadi vedanā vuttā, evaṃ santepi. Esā yathāvuttā vedanā ārammaṇaṃ na hoti. Vedanārammaṇā ca anupassanā, tasmā vedanānupassanā na yujjati. Yadi evaṃ mahāsatipaṭṭhānādīsu ‘‘vedanā vediyatī’’ti vuttaṃ, taṃ kathanti āha – ‘‘mahāsatipaṭṭhānādīsupī’’tiādi. Tattha sukhādīnaṃ vatthunti sukhādīnaṃ uppattiyā vatthubhūtaṃ rūpasaddādiṃ ārammaṇaṃ katvā vedanā vediyati, na puggalo puggalasseva abhāvato. Vedanāppavattiṃ upādāya nissāya yathā ‘‘puggalo vedanaṃ vediyatī’’ti vohāramattaṃ hoti. Evaṃ idhāpi vedanāya assāsapassāse ārabbha pavatti, tathā pavattamanasikārasīsena ‘‘vedanāsu vedanānupassī bhikkhu tasmiṃ samaye viharatī’’ti vutto. Taṃ sandhāyāti taṃ vedanāya ārammaṇabhāvaṃ sandhāya . Ādīnaṃ padānaṃ. Etassa ‘‘vedanānupassanā na yujjatī’’ti vuttaanuyogassa.
саббийд̇игз д̣̇вз жхаанз самаабаж̇ж̇ад̇ийд̇и бийд̇исахаг̇ад̇аани батамад̣̇уд̇ияаж̇жхаанаани бадибаадияаа самаабаж̇ж̇ад̇и. д̇ассаад̇и д̇зна. бадисам̣вид̣̇ид̇асад̣̇д̣̇аабзгкааяа хи гад̇д̇уад̇т̇з зд̇ам̣ саамиважанам̣. самаабад̇д̇игкан̣зд̇и самаабаж̇ж̇анагкан̣з. жхаанабадилаабхзнаад̇и жхаанзна саман̇г̇ийбхаавзна. аарамман̣ад̇од̇и аарамман̣амукзна д̇ад̣̇аарамман̣ажхаанабарияаабаннаа бийд̇и бадисам̣вид̣̇ид̇аа ход̇и, аарамман̣асса бадисам̣вид̣̇ид̇ад̇д̇аад̇и вуд̇д̇ам̣ ход̇и. яат̇аа наама саббабариязсанам̣ жаранд̇зна д̇асса аасаяз бадисам̣вид̣̇ид̇з соби бадисам̣вид̣̇ид̇о ход̇и манд̇ааг̇ад̣̇аб̣алзна д̇асса г̇ахан̣асса сугарад̇д̇аа, звам̣ бийд̇ияаа аасаяабхууд̇з аарамман̣з бадисам̣вид̣̇ид̇з саа бийд̇и бадисам̣вид̣̇ид̇аава ход̇и салагкан̣ад̇о сааман̃н̃алагкан̣ад̇о жа д̇ассаа г̇ахан̣асса сугарад̇д̇аа. вибассанагкан̣зд̇и вибассанаабан̃н̃ааяа д̇игкависад̣̇абхааваббад̇д̇ааяа висаяад̇о д̣̇ассанагкан̣з. лагкан̣аббадивзд̇хзнаад̇и бийд̇ияаа салагкан̣асса сааман̃н̃алагкан̣асса жа бадивиж̇жханзна. яан̃хи бийд̇ияаа висзсад̇о сааман̃н̃ад̇о жа лагкан̣ам̣, д̇асмим̣ вид̣̇ид̇з саа яаат̇аавад̇о вид̣̇ид̇аа зва ход̇и. д̇знааха ‘‘асаммохад̇о бийд̇и бадисам̣вид̣̇ид̇аа ход̇ий’’д̇и.
Sappītike dve jhāne samāpajjatīti pītisahagatāni paṭhamadutiyajjhānāni paṭipāṭiyā samāpajjati. Tassāti tena. Paṭisaṃviditasaddāpekkhāya hi kattuatthe etaṃ sāmivacanaṃ. Samāpattikkhaṇeti samāpajjanakkhaṇe. Jhānapaṭilābhenāti jhānena samaṅgībhāvena. Ārammaṇatoti ārammaṇamukhena tadārammaṇajhānapariyāpannā pīti paṭisaṃviditā hoti, ārammaṇassa paṭisaṃviditattāti vuttaṃ hoti. Yathā nāma sappapariyesanaṃ carantena tassa āsaye paṭisaṃvidite sopi paṭisaṃvidito hoti mantāgadabalena tassa gahaṇassa sukarattā, evaṃ pītiyā āsayabhūte ārammaṇe paṭisaṃvidite sā pīti paṭisaṃviditāva hoti salakkhaṇato sāmaññalakkhaṇato ca tassā gahaṇassa sukarattā. Vipassanakkhaṇeti vipassanāpaññāya tikkhavisadabhāvappattāya visayato dassanakkhaṇe. Lakkhaṇappaṭivedhenāti pītiyā salakkhaṇassa sāmaññalakkhaṇassa ca paṭivijjhanena. Yañhi pītiyā visesato sāmaññato ca lakkhaṇaṃ, tasmiṃ vidite sā yāthāvato viditā eva hoti. Tenāha ‘‘asammohato pīti paṭisaṃviditā hotī’’ti.
ид̣̇аани д̇амад̇т̇ам̣ баал̣ияаа зва вибхаавзд̇ум̣ ‘‘вуд̇д̇ан̃хзд̇а’’нд̇иаад̣̇имааха. д̇ад̇т̇а д̣̇ийгхам̣ ассаасавасзнаад̇и д̣̇ийгхасса ассаасасса аарамман̣абхууд̇асса васзна. баж̇аанад̇о саа бийд̇и бадисам̣вид̣̇ид̇аа ход̇ийд̇и самб̣анд̇хо. жид̇д̇асса згаг̇г̇ад̇ам̣ авигкзбам̣ баж̇аанад̇од̇и жхаанабарияаабаннам̣ ‘‘авигкзбо’’д̇и лад̣̇д̇ханаамам̣ жид̇д̇ассзгаг̇г̇ад̇ам̣ д̇ам̣самбаяуд̇д̇ааяа бан̃н̃ааяа баж̇аанад̇о. яат̇аа хи аарамман̣амукзна бийд̇и бадисам̣вид̣̇ид̇аа ход̇и, звам̣ д̇ам̣самбаяуд̇д̇ад̇хаммааби аарамман̣амукзна бадисам̣вид̣̇ид̇аа зва хонд̇ийд̇и. сад̇и убадтид̇аа ход̇ийд̇и д̣̇ийгхам̣ ассаасавасзна жхаанасамбаяуд̇д̇аа сад̇и д̇асмим̣ аарамман̣з убадтид̇аа аарамман̣амукзна жхаанзби убадтид̇аа наама ход̇и. д̇ааяа сад̇ияаад̇и звам̣ убадтид̇ааяа д̇ааяа сад̇ияаа яат̇аавуд̇д̇зна д̇зна н̃аан̣зна суббадивид̣̇ид̇ад̇д̇аа аарамман̣асса д̇асса васзна д̇ад̣̇аарамман̣аа саа бийд̇и бадисам̣вид̣̇ид̇аа ход̇и. д̣̇ийгхам̣ бассаасавасзнаад̇иаад̣̇ийсуби иминаава наязна ад̇т̇о взд̣̇ид̇аб̣б̣о. д̇зна вуд̇д̇ам̣ ‘‘зд̇знзва наязна авасзсабад̣̇ааниби ад̇т̇ад̇о взд̣̇ид̇аб̣б̣ааний’’д̇и.
Idāni tamatthaṃ pāḷiyā eva vibhāvetuṃ ‘‘vuttañheta’’ntiādimāha. Tattha dīghaṃ assāsavasenāti dīghassa assāsassa ārammaṇabhūtassa vasena. Pajānato sā pīti paṭisaṃviditā hotīti sambandho. Cittassa ekaggataṃ avikkhepaṃ pajānatoti jhānapariyāpannaṃ ‘‘avikkhepo’’ti laddhanāmaṃ cittassekaggataṃ taṃsampayuttāya paññāya pajānato. Yathā hi ārammaṇamukhena pīti paṭisaṃviditā hoti, evaṃ taṃsampayuttadhammāpi ārammaṇamukhena paṭisaṃviditā eva hontīti. Sati upaṭṭhitā hotīti dīghaṃ assāsavasena jhānasampayuttā sati tasmiṃ ārammaṇe upaṭṭhitā ārammaṇamukhena jhānepi upaṭṭhitā nāma hoti. Tāya satiyāti evaṃ upaṭṭhitāya tāya satiyā yathāvuttena tena ñāṇena suppaṭividitattā ārammaṇassa tassa vasena tadārammaṇā sā pīti paṭisaṃviditā hoti. Dīghaṃ passāsavasenātiādīsupi imināva nayena attho veditabbo. Tena vuttaṃ ‘‘eteneva nayena avasesapadānipi atthato veditabbānī’’ti.
яат̇зваад̇иаад̣̇ийсу аяам̣ сан̇кзбад̇т̇о – жхаанабадилаабхзна яат̇аа аарамман̣ад̇о бийд̇иаад̣̇аяо бадисам̣вид̣̇ид̇аа хонд̇и д̇зна винаа д̇зсам̣ аббавад̇д̇анад̇о. звам̣ жхаанасамбаяуд̇д̇зна д̇ам̣барияаабаннзна взд̣̇анаасан̇каад̇аманасигаарабадилаабхзна аарамман̣ад̇о взд̣̇анаа бадисам̣вид̣̇ид̇аа ход̇и арун̣уг̇г̇амзна вияа суурияасса д̇зна винаа взд̣̇анааяа аббавад̇д̇анад̇о. д̇асмаа вуд̇д̇анаязна ад̇исаяаббавад̇д̇и взд̣̇анаа суббадивид̣̇ид̇аа, д̇асмаа сувуд̇д̇амзд̇анд̇и буб̣б̣з вуд̇д̇ажод̣̇анам̣ нираагарод̇и.
Yathevātiādīsu ayaṃ saṅkhepattho – jhānapaṭilābhena yathā ārammaṇato pītiādayo paṭisaṃviditā honti tena vinā tesaṃ appavattanato. Evaṃ jhānasampayuttena taṃpariyāpannena vedanāsaṅkhātamanasikārapaṭilābhena ārammaṇato vedanā paṭisaṃviditā hoti aruṇuggamena viya sūriyassa tena vinā vedanāya appavattanato. Tasmā vuttanayena atisayappavatti vedanā suppaṭividitā, tasmā suvuttametanti pubbe vuttacodanaṃ nirākaroti.
аарамман̣зд̇и ассаасабассаасанимид̇д̇ам̣ вад̣̇ад̇и. жид̇д̇аанубассийязва наамзса ход̇и асаммохад̇о жид̇д̇асса бадисам̣вид̣̇ид̇ад̇д̇аа. д̇знааха ‘‘д̇асмаа’’д̇иаад̣̇и. жид̇д̇абадисам̣вид̣̇ид̇авасзнаад̇и аад̣̇и-сад̣̇д̣̇зна ид̇араа д̇иссоби жид̇д̇аанубассанаа сан̇г̇ан̣хаад̇и.
Ārammaṇeti assāsapassāsanimittaṃ vadati. Cittānupassīyeva nāmesa hoti asammohato cittassa paṭisaṃviditattā. Tenāha ‘‘tasmā’’tiādi. Cittapaṭisaṃviditavasenāti ādi-saddena itarā tissopi cittānupassanā saṅgaṇhāti.
сод̇и д̇хаммаанубассанам̣ ануяуд̇д̇о бхигку. яам̣ д̇ам̣ бахаанам̣ бахааяаган̃аан̣ам̣. бан̃н̃ааяаад̇и абарааяа вибассанаабан̃н̃ааяа анижжавирааг̇аад̣̇ид̇о д̣̇исваа д̣̇увид̇хааяаби аж̇жхубзгкид̇аа ход̇и. ид̣̇ан̃хи жад̇угганд̇и анижжаанубассанаад̣̇ивасзна вуд̇д̇ам̣ жад̇уггам̣. д̇ассааби д̇хаммаанубассанааяа. баж̇ахад̇ийд̇и бахаананд̇и ааха ‘‘нижжасан̃н̃ам̣…бз… бахаанагаран̃аан̣ам̣ ад̇хиббзд̇а’’нд̇и. вибассанаабарамбаранд̇и бадибаадияаа вибассанамааха. бат̇абадибаннам̣ аж̇жхубзгкад̇ийд̇и маж̇жхимааяа бадибад̇д̇ияаа саммад̣̇зва вийт̇ибадибаннам̣ бхааванаажид̇д̇ам̣ баг̇г̇аханиг̇г̇ахаанам̣ агаран̣зна аж̇жхубзгкад̇и. згад̇о убадтаананд̇и яасмаа маж̇жхимасамат̇авийт̇инаад̇ивад̇д̇ияаа д̇ад̇т̇а жа багканд̣̇анзна инд̣̇рияаанам̣ згарасабхаавзна, д̇ад̇рамаж̇жхад̇д̇ад̇ааяа бхаавад̇о ависзсам̣ згаг̇г̇абхаавуубаг̇аманзна зганд̇ад̇о убадтаад̇и, д̇асмаа на д̇ад̇т̇а гин̃жи гаад̇аб̣б̣анд̇и аж̇жхубзгкад̇и. д̇ад̇т̇аад̇и звам̣ аж̇жхубзгканз. сахаж̇аад̇аанамби аж̇жхубзгканаа ход̇и д̇зсам̣ бавад̇д̇анаагаарасса аж̇жхубзгканад̇о. ‘‘бан̃н̃ааяа д̣̇исваа’’д̇и вуд̇д̇ад̇д̇аа аарамман̣ааж̇жхубзгканаа ад̇хиббзд̇аа. на гзвалам̣ нийваран̣аад̣̇ид̇хаммз аж̇жхубзгкид̇аа, ат̇а ко абхиж̇жхаа …бз… бан̃н̃ааяа д̣̇исваа аж̇жхубзгкид̇аа ход̇ийд̇и яож̇анаа.
Soti dhammānupassanaṃ anuyutto bhikkhu. Yaṃ taṃ pahānaṃ pahāyakañāṇaṃ. Paññāyāti aparāya vipassanāpaññāya aniccavirāgādito disvā duvidhāyapi ajjhupekkhitā hoti. Idañhi catukkanti aniccānupassanādivasena vuttaṃ catukkaṃ. Tassāpi dhammānupassanāya. Pajahatīti pahānanti āha ‘‘niccasaññaṃ…pe… pahānakarañāṇaṃ adhippeta’’nti. Vipassanāparamparanti paṭipāṭiyā vipassanamāha. Pathapaṭipannaṃ ajjhupekkhatīti majjhimāya paṭipattiyā sammadeva vīthipaṭipannaṃ bhāvanācittaṃ paggahaniggahānaṃ akaraṇena ajjhupekkhati. Ekato upaṭṭhānanti yasmā majjhimasamathavīthinātivattiyā tattha ca pakkhandanena indriyānaṃ ekarasabhāvena, tatramajjhattatāya bhāvato avisesaṃ ekaggabhāvūpagamanena ekantato upaṭṭhāti, tasmā na tattha kiñci kātabbanti ajjhupekkhati. Tatthāti evaṃ ajjhupekkhane. Sahajātānampi ajjhupekkhanā hoti tesaṃ pavattanākārassa ajjhupekkhanato. ‘‘Paññāya disvā’’ti vuttattā ārammaṇaajjhupekkhanā adhippetā. Na kevalaṃ nīvaraṇādidhamme ajjhupekkhitā, atha kho abhijjhā …pe… paññāya disvā ajjhupekkhitā hotīti yojanā.
бам̣субун̃ж̇адтаанияасса гилзсасса уббад̇д̇идтаанад̣̇ассанад̇т̇ам̣ ‘‘жад̇умахаабат̇о вияа ча ааяад̇анаани’’ижжзва вуд̇д̇ам̣. гааяаад̣̇аяо жад̇д̇ааро аарамман̣асад̇ибадтаанаа. жад̇уусу аарамман̣зсууд̇и гааяаад̣̇ийсу жад̇уусу аарамман̣зсу бавад̇д̇аа жад̇д̇ааро сад̇ибадтаанаа бам̣субун̃ж̇адтаанияасса гилзсасса убахананад̇о.
Paṃsupuñjaṭṭhāniyassa kilesassa uppattiṭṭhānadassanatthaṃ ‘‘catumahāpatho viya cha āyatanāni’’icceva vuttaṃ. Kāyādayo cattāro ārammaṇasatipaṭṭhānā. Catūsu ārammaṇesūti kāyādīsu catūsu ārammaṇesu pavattācattāro satipaṭṭhānā paṃsupuñjaṭṭhāniyassa kilesassa upahananato.
згад̇хаммаваг̇г̇аван̣н̣анаа нидтид̇аа.
Ekadhammavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. гимиласуд̇д̇ам̣ • 10. Kimilasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. гимиласуд̇д̇аван̣н̣анаа • 10. Kimilasuttavaṇṇanā
