| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๕. ปญฺจมปณฺณาสกํ
5. Pañcamapaṇṇāsakaṃ
(๒๑) ๑. กิมิลวโคฺค
(21) 1. Kimilavaggo
๑. กิมิลสุตฺตวณฺณนา
1. Kimilasuttavaṇṇanā
๒๐๑. ปญฺจมสฺส ปฐเม กิมิลายนฺติ เอวํนามเก นคเรฯ นิจุลวเนติ มุจลินฺทวเนฯ เอตทโวจาติ อยํ กิร เถโร ตสฺมิํเยว นคเร เสฎฺฐิปุโตฺต สตฺถุ สนฺติเก ปพฺพชิตฺวา ปุเพฺพนิวาสญาณํ ปฎิลภิฯ โส อตฺตนา นิวุตฺถํ ขนฺธสนฺตานํ อนุสฺสรโนฺต กสฺสปทสพลสฺส สาสโนสกฺกนกาเล ปพฺพชิตฺวา จตูสุ ปริสาสุ สาสเน อคารวํ กโรนฺตีสุ นิเสฺสณิํ พนฺธิตฺวา ปพฺพตํ อารุยฺห ตตฺถ สมณธมฺมํ กตฺวา อตฺตโน นิวุตฺถภาวํ อทฺทสฯ โส ‘‘สตฺถารํ อุปสงฺกมิตฺวา ตํ การณํ ปุจฺฉิสฺสามี’’ติ เอตํ ‘‘โก นุ โข, ภเนฺต’’ติอาทิวจนํ อโวจฯ
201. Pañcamassa paṭhame kimilāyanti evaṃnāmake nagare. Niculavaneti mucalindavane. Etadavocāti ayaṃ kira thero tasmiṃyeva nagare seṭṭhiputto satthu santike pabbajitvā pubbenivāsañāṇaṃ paṭilabhi. So attanā nivutthaṃ khandhasantānaṃ anussaranto kassapadasabalassa sāsanosakkanakāle pabbajitvā catūsu parisāsu sāsane agāravaṃ karontīsu nisseṇiṃ bandhitvā pabbataṃ āruyha tattha samaṇadhammaṃ katvā attano nivutthabhāvaṃ addasa. So ‘‘satthāraṃ upasaṅkamitvā taṃ kāraṇaṃ pucchissāmī’’ti etaṃ ‘‘ko nu kho, bhante’’tiādivacanaṃ avoca.
สตฺถริ อคารวา วิหรนฺติ อปฺปติสฺสาติ สตฺถริ คารวเญฺจว เชฎฺฐกภาวญฺจ อนุปฎฺฐเปตฺวา วิหรนฺติฯ เสเสสุปิ เอเสว นโยฯ ตตฺถ เจติยงฺคณาทีสุ ฉตฺตํ ธาเรตฺวา อุปาหนา อารุยฺห วิจรโนฺต นานปฺปการญฺจ นิรตฺถกกถํ กเถโนฺต สตฺถริ อคารโว วิหรติ นามฯ ธมฺมสฺสวนเคฺค ปน นิสีทิตฺวา นิทฺทายโนฺต เจว นานปฺปการญฺจ นิรตฺถกกถํ กเถโนฺต ธเมฺม อคารโว วิหรติ นามฯ สงฺฆมเชฺฌ พาหาวิเกฺขปกํ นานตฺตกถํ กเถโนฺต เถรนวมชฺฌิเมสุ จ จิตฺตีการํ อกโรโนฺต สเงฺฆ อคารโว วิหรติ นามฯ สิกฺขํ อปริปูเรโนฺต สิกฺขาย อคารโว วิหรติ นามฯ อญฺญมญฺญํ กลหภณฺฑนาทีนิ กโรโนฺต อญฺญมญฺญํ อคารโว วิหรติ นามฯ ทุติยํ อุตฺตานตฺถเมวฯ
Satthari agāravā viharanti appatissāti satthari gāravañceva jeṭṭhakabhāvañca anupaṭṭhapetvā viharanti. Sesesupi eseva nayo. Tattha cetiyaṅgaṇādīsu chattaṃ dhāretvā upāhanā āruyha vicaranto nānappakārañca niratthakakathaṃ kathento satthari agāravo viharati nāma. Dhammassavanagge pana nisīditvā niddāyanto ceva nānappakārañca niratthakakathaṃ kathento dhamme agāravo viharati nāma. Saṅghamajjhe bāhāvikkhepakaṃ nānattakathaṃ kathento theranavamajjhimesu ca cittīkāraṃ akaronto saṅghe agāravo viharati nāma. Sikkhaṃ aparipūrento sikkhāya agāravo viharati nāma. Aññamaññaṃ kalahabhaṇḍanādīni karonto aññamaññaṃ agāravo viharati nāma. Dutiyaṃ uttānatthameva.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. กิมิลสุตฺตํ • 1. Kimilasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๔. กิมิลสุตฺตาทิวณฺณนา • 1-4. Kimilasuttādivaṇṇanā
