| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਪਞ੍ਚਮਪਣ੍ਣਾਸਕਂ
5. Pañcamapaṇṇāsakaṃ
(੨੧) ੧. ਕਿਮਿਲવਗ੍ਗੋ
(21) 1. Kimilavaggo
੧. ਕਿਮਿਲਸੁਤ੍ਤવਣ੍ਣਨਾ
1. Kimilasuttavaṇṇanā
੨੦੧. ਪਞ੍ਚਮਸ੍ਸ ਪਠਮੇ ਕਿਮਿਲਾਯਨ੍ਤਿ ਏવਂਨਾਮਕੇ ਨਗਰੇ। ਨਿਚੁਲવਨੇਤਿ ਮੁਚਲਿਨ੍ਦવਨੇ। ਏਤਦવੋਚਾਤਿ ਅਯਂ ਕਿਰ ਥੇਰੋ ਤਸ੍ਮਿਂਯੇવ ਨਗਰੇ ਸੇਟ੍ਠਿਪੁਤ੍ਤੋ ਸਤ੍ਥੁ ਸਨ੍ਤਿਕੇ ਪਬ੍ਬਜਿਤ੍વਾ ਪੁਬ੍ਬੇਨਿવਾਸਞਾਣਂ ਪਟਿਲਭਿ। ਸੋ ਅਤ੍ਤਨਾ ਨਿવੁਤ੍ਥਂ ਖਨ੍ਧਸਨ੍ਤਾਨਂ ਅਨੁਸ੍ਸਰਨ੍ਤੋ ਕਸ੍ਸਪਦਸਬਲਸ੍ਸ ਸਾਸਨੋਸਕ੍ਕਨਕਾਲੇ ਪਬ੍ਬਜਿਤ੍વਾ ਚਤੂਸੁ ਪਰਿਸਾਸੁ ਸਾਸਨੇ ਅਗਾਰવਂ ਕਰੋਨ੍ਤੀਸੁ ਨਿਸ੍ਸੇਣਿਂ ਬਨ੍ਧਿਤ੍વਾ ਪਬ੍ਬਤਂ ਆਰੁਯ੍ਹ ਤਤ੍ਥ ਸਮਣਧਮ੍ਮਂ ਕਤ੍વਾ ਅਤ੍ਤਨੋ ਨਿવੁਤ੍ਥਭਾવਂ ਅਦ੍ਦਸ। ਸੋ ‘‘ਸਤ੍ਥਾਰਂ ਉਪਸਙ੍ਕਮਿਤ੍વਾ ਤਂ ਕਾਰਣਂ ਪੁਚ੍ਛਿਸ੍ਸਾਮੀ’’ਤਿ ਏਤਂ ‘‘ਕੋ ਨੁ ਖੋ, ਭਨ੍ਤੇ’’ਤਿਆਦਿવਚਨਂ ਅવੋਚ।
201. Pañcamassa paṭhame kimilāyanti evaṃnāmake nagare. Niculavaneti mucalindavane. Etadavocāti ayaṃ kira thero tasmiṃyeva nagare seṭṭhiputto satthu santike pabbajitvā pubbenivāsañāṇaṃ paṭilabhi. So attanā nivutthaṃ khandhasantānaṃ anussaranto kassapadasabalassa sāsanosakkanakāle pabbajitvā catūsu parisāsu sāsane agāravaṃ karontīsu nisseṇiṃ bandhitvā pabbataṃ āruyha tattha samaṇadhammaṃ katvā attano nivutthabhāvaṃ addasa. So ‘‘satthāraṃ upasaṅkamitvā taṃ kāraṇaṃ pucchissāmī’’ti etaṃ ‘‘ko nu kho, bhante’’tiādivacanaṃ avoca.
ਸਤ੍ਥਰਿ ਅਗਾਰવਾ વਿਹਰਨ੍ਤਿ ਅਪ੍ਪਤਿਸ੍ਸਾਤਿ ਸਤ੍ਥਰਿ ਗਾਰવਞ੍ਚੇવ ਜੇਟ੍ਠਕਭਾવਞ੍ਚ ਅਨੁਪਟ੍ਠਪੇਤ੍વਾ વਿਹਰਨ੍ਤਿ। ਸੇਸੇਸੁਪਿ ਏਸੇવ ਨਯੋ। ਤਤ੍ਥ ਚੇਤਿਯਙ੍ਗਣਾਦੀਸੁ ਛਤ੍ਤਂ ਧਾਰੇਤ੍વਾ ਉਪਾਹਨਾ ਆਰੁਯ੍ਹ વਿਚਰਨ੍ਤੋ ਨਾਨਪ੍ਪਕਾਰਞ੍ਚ ਨਿਰਤ੍ਥਕਕਥਂ ਕਥੇਨ੍ਤੋ ਸਤ੍ਥਰਿ ਅਗਾਰવੋ વਿਹਰਤਿ ਨਾਮ। ਧਮ੍ਮਸ੍ਸવਨਗ੍ਗੇ ਪਨ ਨਿਸੀਦਿਤ੍વਾ ਨਿਦ੍ਦਾਯਨ੍ਤੋ ਚੇવ ਨਾਨਪ੍ਪਕਾਰਞ੍ਚ ਨਿਰਤ੍ਥਕਕਥਂ ਕਥੇਨ੍ਤੋ ਧਮ੍ਮੇ ਅਗਾਰવੋ વਿਹਰਤਿ ਨਾਮ। ਸਙ੍ਘਮਜ੍ਝੇ ਬਾਹਾવਿਕ੍ਖੇਪਕਂ ਨਾਨਤ੍ਤਕਥਂ ਕਥੇਨ੍ਤੋ ਥੇਰਨવਮਜ੍ਝਿਮੇਸੁ ਚ ਚਿਤ੍ਤੀਕਾਰਂ ਅਕਰੋਨ੍ਤੋ ਸਙ੍ਘੇ ਅਗਾਰવੋ વਿਹਰਤਿ ਨਾਮ। ਸਿਕ੍ਖਂ ਅਪਰਿਪੂਰੇਨ੍ਤੋ ਸਿਕ੍ਖਾਯ ਅਗਾਰવੋ વਿਹਰਤਿ ਨਾਮ। ਅਞ੍ਞਮਞ੍ਞਂ ਕਲਹਭਣ੍ਡਨਾਦੀਨਿ ਕਰੋਨ੍ਤੋ ਅਞ੍ਞਮਞ੍ਞਂ ਅਗਾਰવੋ વਿਹਰਤਿ ਨਾਮ। ਦੁਤਿਯਂ ਉਤ੍ਤਾਨਤ੍ਥਮੇવ।
Satthari agāravā viharanti appatissāti satthari gāravañceva jeṭṭhakabhāvañca anupaṭṭhapetvā viharanti. Sesesupi eseva nayo. Tattha cetiyaṅgaṇādīsu chattaṃ dhāretvā upāhanā āruyha vicaranto nānappakārañca niratthakakathaṃ kathento satthari agāravo viharati nāma. Dhammassavanagge pana nisīditvā niddāyanto ceva nānappakārañca niratthakakathaṃ kathento dhamme agāravo viharati nāma. Saṅghamajjhe bāhāvikkhepakaṃ nānattakathaṃ kathento theranavamajjhimesu ca cittīkāraṃ akaronto saṅghe agāravo viharati nāma. Sikkhaṃ aparipūrento sikkhāya agāravo viharati nāma. Aññamaññaṃ kalahabhaṇḍanādīni karonto aññamaññaṃ agāravo viharati nāma. Dutiyaṃ uttānatthameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਕਿਮਿਲਸੁਤ੍ਤਂ • 1. Kimilasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੪. ਕਿਮਿਲਸੁਤ੍ਤਾਦਿવਣ੍ਣਨਾ • 1-4. Kimilasuttādivaṇṇanā
