| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. කිමිලත්‌ථෙරඅපදානං
4. Kimilattheraapadānaṃ
42.
42.
‘‘නිබ්‌බුතෙ කකුසන්‌ධම්‌හි, බ්‍රාහ්‌මණම්‌හි වුසීමති;
‘‘Nibbute kakusandhamhi, brāhmaṇamhi vusīmati;
ගහෙත්‌වා සලලං මාලං, මණ්‌ඩපං කාරයිං අහං.
Gahetvā salalaṃ mālaṃ, maṇḍapaṃ kārayiṃ ahaṃ.
43.
43.
‘‘තාවතිංසං ගතො සන්‌තො, ලභිම්‌හ 1 බ්‍යම්‌හමුත්‌තමං;
‘‘Tāvatiṃsaṃ gato santo, labhimha 2 byamhamuttamaṃ;
අඤ්‌ඤෙ දෙවෙතිරොචාමි, පුඤ්‌ඤකම්‌මස්‌සිදං ඵලං.
Aññe devetirocāmi, puññakammassidaṃ phalaṃ.
44.
44.
‘‘දිවා වා යදි වා රත්‌තිං, චඞ්‌කමන්‌තො ඨිතො චහං;
‘‘Divā vā yadi vā rattiṃ, caṅkamanto ṭhito cahaṃ;
ඡන්‌නො සලලපුප්‌ඵෙහි, පුඤ්‌ඤකම්‌මස්‌සිදං ඵලං.
Channo salalapupphehi, puññakammassidaṃ phalaṃ.
45.
45.
‘‘ඉමස්‌මිංයෙව කප්‌පම්‌හි, යං බුද්‌ධමභිපූජයිං;
‘‘Imasmiṃyeva kappamhi, yaṃ buddhamabhipūjayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
46.
46.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
47.
47.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
48.
48.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
අභාසිත්‌ථාති.
Abhāsitthāti.
කිමිලත්‌ථෙරස්‌සාපදානං චතුත්‌ථං.
Kimilattherassāpadānaṃ catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 4. කිමිලත්‌ථෙරඅපදානවණ්‌ණනා • 4. Kimilattheraapadānavaṇṇanā
