| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. гимилад̇т̇зраабад̣̇аанаван̣н̣анаа
4. Kimilattheraapadānavaṇṇanā
жад̇уд̇т̇аабад̣̇аанз ниб̣б̣уд̇з гагусанд̇хамхийд̇иаад̣̇игам̣ ааяасмад̇о гимилад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о гагусанд̇хасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о бариниб̣б̣уд̇з сад̇т̇ари д̇асса д̇хаад̇уяо уд̣̇д̣̇исса салаламаалаахи ман̣д̣абам̣ гаарзд̇ваа бууж̇ам̣ агааси. со д̇зна бун̃н̃агаммзна д̇аавад̇им̣сзсу уббаж̇ж̇ид̇ваа абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇унаг̇арз сагяарааж̇агулз ниб̣б̣ад̇д̇ид̇ваа гимилод̇и д̇асса наамам̣ агааси. со ваяаббад̇д̇о бхог̇асамбад̇д̇ияаа бамад̇д̇о вихарад̇и. д̇асса н̃аан̣абарибаагам̣ н̃ад̇ваа сам̣взг̇аж̇ананад̇т̇ам̣ анубияааяам̣ вихаранд̇о сад̇т̇аа батамаяоб̣б̣анз тид̇ам̣ раман̣ийяам̣ ид̇т̇ируубам̣ абхинимминид̇ваа бурад̇о д̣̇ассзд̇ваа буна ануггамзна яат̇аа ж̇араарог̇авибад̇д̇ийхи абхибхууд̇аа д̣̇иссад̇и, д̇ат̇аа агааси. д̇ам̣ д̣̇исваа гимилагумааро ад̇ивияа сам̣взг̇аж̇аад̇о ад̇д̇ано сам̣взг̇ам̣ багаасзнд̇о бхаг̇авад̇о баагадам̣ гад̇ваа лад̣̇д̇хаанусаасано арахад̇д̇ам̣ баабун̣и.
Catutthāpadāne nibbute kakusandhamhītiādikaṃ āyasmato kimilattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto kakusandhassa bhagavato kāle kulagehe nibbattitvā viññutaṃ patto parinibbute satthari tassa dhātuyo uddissa salalamālāhi maṇḍapaṃ kāretvā pūjaṃ akāsi. So tena puññakammena tāvatiṃsesu uppajjitvā aparāparaṃ devamanussesu saṃsaranto imasmiṃ buddhuppāde kapilavatthunagare sakyarājakule nibbattitvā kimiloti tassa nāmaṃ akāsi. So vayappatto bhogasampattiyā pamatto viharati. Tassa ñāṇaparipākaṃ ñatvā saṃvegajananatthaṃ anupiyāyaṃ viharanto satthā paṭhamayobbane ṭhitaṃ ramaṇīyaṃ itthirūpaṃ abhinimminitvā purato dassetvā puna anukkamena yathā jarārogavipattīhi abhibhūtā dissati, tathā akāsi. Taṃ disvā kimilakumāro ativiya saṃvegajāto attano saṃvegaṃ pakāsento bhagavato pākaṭaṃ katvā laddhānusāsano arahattaṃ pāpuṇi.
42. со арахад̇д̇ам̣ бад̇ваа соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о ниб̣б̣уд̇з гагусанд̇хамхийд̇иаад̣̇имааха. б̣раахман̣амхи вусиймад̇ийд̇и бан̃жахи васид̇аахи васиббад̇д̇амхи бхаг̇авад̇и. б̣раахман̣асса саб̣б̣аг̇ун̣аг̇ан̣зхи ман̣д̣ид̇ад̇д̇аа абхивуул̣хийд̇ад̇д̇аа б̣раахман̣амхи гагусанд̇хз бхаг̇авад̇и бариниб̣б̣уд̇зд̇и ад̇т̇о. сзсам̣ саб̣б̣ам̣ уд̇д̇аанамзваад̇и.
42. So arahattaṃ patvā somanassajāto attano pubbacaritāpadānaṃ pakāsento nibbute kakusandhamhītiādimāha. Brāhmaṇamhi vusīmatīti pañcahi vasitāhi vasippattamhi bhagavati. Brāhmaṇassa sabbaguṇagaṇehi maṇḍitattā abhivūḷhītattā brāhmaṇamhi kakusandhe bhagavati parinibbuteti attho. Sesaṃ sabbaṃ uttānamevāti.
гимилад̇т̇зраабад̣̇аанаван̣н̣анаа самад̇д̇аа.
Kimilattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. гимилад̇т̇зраабад̣̇аанам̣ • 4. Kimilattheraapadānaṃ
