| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਕਿਮਿਲਤ੍ਥੇਰਅਪਦਾਨવਣ੍ਣਨਾ
4. Kimilattheraapadānavaṇṇanā
ਚਤੁਤ੍ਥਾਪਦਾਨੇ ਨਿਬ੍ਬੁਤੇ ਕਕੁਸਨ੍ਧਮ੍ਹੀਤਿਆਦਿਕਂ ਆਯਸ੍ਮਤੋ ਕਿਮਿਲਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਕਕੁਸਨ੍ਧਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤਿਤ੍વਾ વਿਞ੍ਞੁਤਂ ਪਤ੍ਤੋ ਪਰਿਨਿਬ੍ਬੁਤੇ ਸਤ੍ਥਰਿ ਤਸ੍ਸ ਧਾਤੁਯੋ ਉਦ੍ਦਿਸ੍ਸ ਸਲਲਮਾਲਾਹਿ ਮਣ੍ਡਪਂ ਕਾਰੇਤ੍વਾ ਪੂਜਂ ਅਕਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਤਾવਤਿਂਸੇਸੁ ਉਪ੍ਪਜ੍ਜਿਤ੍વਾ ਅਪਰਾਪਰਂ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕਪਿਲવਤ੍ਥੁਨਗਰੇ ਸਕ੍ਯਰਾਜਕੁਲੇ ਨਿਬ੍ਬਤ੍ਤਿਤ੍વਾ ਕਿਮਿਲੋਤਿ ਤਸ੍ਸ ਨਾਮਂ ਅਕਾਸਿ। ਸੋ વਯਪ੍ਪਤ੍ਤੋ ਭੋਗਸਮ੍ਪਤ੍ਤਿਯਾ ਪਮਤ੍ਤੋ વਿਹਰਤਿ। ਤਸ੍ਸ ਞਾਣਪਰਿਪਾਕਂ ਞਤ੍વਾ ਸਂવੇਗਜਨਨਤ੍ਥਂ ਅਨੁਪਿਯਾਯਂ વਿਹਰਨ੍ਤੋ ਸਤ੍ਥਾ ਪਠਮਯੋਬ੍ਬਨੇ ਠਿਤਂ ਰਮਣੀਯਂ ਇਤ੍ਥਿਰੂਪਂ ਅਭਿਨਿਮ੍ਮਿਨਿਤ੍વਾ ਪੁਰਤੋ ਦਸ੍ਸੇਤ੍વਾ ਪੁਨ ਅਨੁਕ੍ਕਮੇਨ ਯਥਾ ਜਰਾਰੋਗવਿਪਤ੍ਤੀਹਿ ਅਭਿਭੂਤਾ ਦਿਸ੍ਸਤਿ, ਤਥਾ ਅਕਾਸਿ। ਤਂ ਦਿਸ੍વਾ ਕਿਮਿਲਕੁਮਾਰੋ ਅਤਿવਿਯ ਸਂવੇਗਜਾਤੋ ਅਤ੍ਤਨੋ ਸਂવੇਗਂ ਪਕਾਸੇਨ੍ਤੋ ਭਗવਤੋ ਪਾਕਟਂ ਕਤ੍વਾ ਲਦ੍ਧਾਨੁਸਾਸਨੋ ਅਰਹਤ੍ਤਂ ਪਾਪੁਣਿ।
Catutthāpadāne nibbute kakusandhamhītiādikaṃ āyasmato kimilattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto kakusandhassa bhagavato kāle kulagehe nibbattitvā viññutaṃ patto parinibbute satthari tassa dhātuyo uddissa salalamālāhi maṇḍapaṃ kāretvā pūjaṃ akāsi. So tena puññakammena tāvatiṃsesu uppajjitvā aparāparaṃ devamanussesu saṃsaranto imasmiṃ buddhuppāde kapilavatthunagare sakyarājakule nibbattitvā kimiloti tassa nāmaṃ akāsi. So vayappatto bhogasampattiyā pamatto viharati. Tassa ñāṇaparipākaṃ ñatvā saṃvegajananatthaṃ anupiyāyaṃ viharanto satthā paṭhamayobbane ṭhitaṃ ramaṇīyaṃ itthirūpaṃ abhinimminitvā purato dassetvā puna anukkamena yathā jarārogavipattīhi abhibhūtā dissati, tathā akāsi. Taṃ disvā kimilakumāro ativiya saṃvegajāto attano saṃvegaṃ pakāsento bhagavato pākaṭaṃ katvā laddhānusāsano arahattaṃ pāpuṇi.
੪੨. ਸੋ ਅਰਹਤ੍ਤਂ ਪਤ੍વਾ ਸੋਮਨਸ੍ਸਜਾਤੋ ਅਤ੍ਤਨੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਿਬ੍ਬੁਤੇ ਕਕੁਸਨ੍ਧਮ੍ਹੀਤਿਆਦਿਮਾਹ। ਬ੍ਰਾਹ੍ਮਣਮ੍ਹਿ વੁਸੀਮਤੀਤਿ ਪਞ੍ਚਹਿ વਸਿਤਾਹਿ વਸਿਪ੍ਪਤ੍ਤਮ੍ਹਿ ਭਗવਤਿ। ਬ੍ਰਾਹ੍ਮਣਸ੍ਸ ਸਬ੍ਬਗੁਣਗਣੇਹਿ ਮਣ੍ਡਿਤਤ੍ਤਾ ਅਭਿવੂਲ਼੍ਹੀਤਤ੍ਤਾ ਬ੍ਰਾਹ੍ਮਣਮ੍ਹਿ ਕਕੁਸਨ੍ਧੇ ਭਗવਤਿ ਪਰਿਨਿਬ੍ਬੁਤੇਤਿ ਅਤ੍ਥੋ। ਸੇਸਂ ਸਬ੍ਬਂ ਉਤ੍ਤਾਨਮੇવਾਤਿ।
42. So arahattaṃ patvā somanassajāto attano pubbacaritāpadānaṃ pakāsento nibbute kakusandhamhītiādimāha. Brāhmaṇamhi vusīmatīti pañcahi vasitāhi vasippattamhi bhagavati. Brāhmaṇassa sabbaguṇagaṇehi maṇḍitattā abhivūḷhītattā brāhmaṇamhi kakusandhe bhagavati parinibbuteti attho. Sesaṃ sabbaṃ uttānamevāti.
ਕਿਮਿਲਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Kimilattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਕਿਮਿਲਤ੍ਥੇਰਅਪਦਾਨਂ • 4. Kimilattheraapadānaṃ
