| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. гимилад̇т̇зраг̇аат̇ааван̣н̣анаа
8. Kimilattheragāthāvaṇṇanā
абхисад̇д̇ова нибад̇ад̇ийд̇и ааяасмад̇о гимилад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани гаронд̇о гагусанд̇хасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о бариниб̣б̣уд̇з сад̇т̇ари д̇асса д̇хаад̇уяо уд̣̇д̣̇исса сал̣аламаалаахи ман̣д̣абаагаарзна бууж̇ам̣ агааси. со д̇зна бун̃н̃агаммзна д̇аавад̇им̣сз ниб̣б̣ад̇д̇ид̇ваа абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇унаг̇арз саагияарааж̇агулз ниб̣б̣ад̇д̇и, гимилод̇исса наамам̣ ахоси. со ваяаббад̇д̇о бхог̇асамбад̇д̇ияаа самбанно вихарад̇и. д̇асса н̃аан̣абарибаагам̣ д̣̇исваа сам̣взг̇аж̇ананад̇т̇ам̣ анубияааяам̣ вихаранд̇о сад̇т̇аа батамаяоб̣б̣анз тид̇ам̣ д̣̇ассанийяам̣ ид̇т̇ируубам̣ абхинимминид̇ваа бурад̇о д̣̇ассзд̇ваа буна ануггамзна яат̇аа ж̇араарог̇авибад̇д̇ийхи абхибхууд̇аа д̣̇иссад̇и, д̇ат̇аа агааси. д̇ам̣ д̣̇исваа гимилагумааро ад̇ивияа сам̣взг̇ам̣ багаасзнд̇о –
Abhisattova nipatatīti āyasmato kimilattherassa gāthā. Kā uppatti? Ayampi purimabuddhesu katādhikāro tattha tattha bhave puññāni karonto kakusandhassa bhagavato kāle kulagehe nibbattitvā viññutaṃ patto parinibbute satthari tassa dhātuyo uddissa saḷalamālāhi maṇḍapākārena pūjaṃ akāsi. So tena puññakammena tāvatiṃse nibbattitvā aparāparaṃ devamanussesu saṃsaranto imasmiṃ buddhuppāde kapilavatthunagare sākiyarājakule nibbatti, kimilotissa nāmaṃ ahosi. So vayappatto bhogasampattiyā sampanno viharati. Tassa ñāṇaparipākaṃ disvā saṃvegajananatthaṃ anupiyāyaṃ viharanto satthā paṭhamayobbane ṭhitaṃ dassanīyaṃ itthirūpaṃ abhinimminitvā purato dassetvā puna anukkamena yathā jarārogavipattīhi abhibhūtā dissati, tathā akāsi. Taṃ disvā kimilakumāro ativiya saṃvegaṃ pakāsento –
118.
118.
‘‘абхисад̇д̇ова нибад̇ад̇и ваяо, руубам̣ ан̃н̃амива д̇ат̇зва санд̇ам̣;
‘‘Abhisattova nipatati vayo, rūpaṃ aññamiva tatheva santaṃ;
д̇ассзва сад̇о авиббавасад̇о, ан̃н̃ассзва сараами ад̇д̇аана’’нд̇и. –
Tasseva sato avippavasato, aññasseva sarāmi attāna’’nti. –
г̇аат̇ам̣ абхааси.
Gāthaṃ abhāsi.
д̇ад̇т̇а абхисад̇д̇оваад̇и ‘‘д̇вам̣ сийгхам̣ г̇ажча маа д̇идтаа’’д̇и д̣̇звзхи анусидто аан̣ад̇д̇о вияа. ‘‘абхисадто ваа’’д̇иби баато, ‘‘д̇вам̣ лахум̣ г̇ажчаа’’д̇и гзнажи абхилаасаабид̇о вияаад̇и ад̇т̇о. нибад̇ад̇ийд̇и ад̇ибад̇ад̇и абхид̇хаавад̇и на д̇идтад̇и, кан̣з кан̣з каяаваяам̣ баабун̣аад̇ийд̇и ад̇т̇о. ваяод̇и б̣ааляаяоб̣б̣анаад̣̇иго сарийрасса авад̇т̇аависзсо. ид̇ха банасса яоб̣б̣ан̃н̃ам̣ ад̇хиббзд̇ам̣, д̇ам̣ хисса абхибад̇анд̇ам̣ кийяанд̇ам̣ худ̇ваа убадтид̇ам̣. руубанд̇и руубасамбад̣̇аад̇и вад̣̇ад̇и. руубанд̇и бана сарийрам̣ ‘‘адтин̃жа бадижжа нхаарун̃жа бадижжа мам̣сан̃жа бадижжа аагаасо бариваарид̇о руубам̣д̇взва сан̇кам̣ г̇ажчад̇ий’’д̇иаад̣̇ийсу (ма. ни. 1.306) вияа. ан̃н̃амива д̇ат̇зва санд̇анд̇и ид̣̇ам̣ руубам̣ яаад̣̇исам̣, саяам̣ д̇ат̇зва д̇знзваагаарзна санд̇ам̣ виж̇ж̇амаанам̣ ан̃н̃ам̣ вияа маяхам̣ убадтаад̇ийд̇и ад̇хиббааяо. ‘‘д̇ад̣̇зва санд̇а’’нд̇и жа гзжи батанд̇и. д̇ассзва сад̇од̇и д̇ассзва мз анан̃н̃асса сад̇о самаанасса. авиббавасад̇од̇и на виббавасанд̇асса, жиравиббаваасзна хи сад̇о анан̃н̃амби ан̃н̃ам̣ вияа убадтаад̇и ид̣̇амби ид̇ха над̇т̇ийд̇и ад̇хиббааяо. ан̃н̃ассзва сараами ад̇д̇аананд̇и имам̣ мама ад̇д̇абхаавам̣ ан̃н̃асса сад̇д̇асса вияа сараами убад̇хаарзми сан̃ж̇аанаамийд̇и ад̇т̇о. д̇ассзвам̣ анижжад̇ам̣ манаси гаронд̇асса д̣̇ал̣хад̇аро сам̣взг̇о уд̣̇абаад̣̇и, со сам̣взг̇аж̇аад̇о сад̇т̇аарам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.56.42-48) –
Tattha abhisattovāti ‘‘tvaṃ sīghaṃ gaccha mā tiṭṭhā’’ti devehi anusiṭṭho āṇatto viya. ‘‘Abhisaṭṭho vā’’tipi pāṭho, ‘‘tvaṃ lahuṃ gacchā’’ti kenaci abhilāsāpito viyāti attho. Nipatatīti atipatati abhidhāvati na tiṭṭhati, khaṇe khaṇe khayavayaṃ pāpuṇātīti attho. Vayoti bālyayobbanādiko sarīrassa avatthāviseso. Idha panassa yobbaññaṃ adhippetaṃ, taṃ hissa abhipatantaṃ khīyantaṃ hutvā upaṭṭhitaṃ. Rūpanti rūpasampadāti vadati. Rūpanti pana sarīraṃ ‘‘aṭṭhiñca paṭicca nhāruñca paṭicca maṃsañca paṭicca ākāso parivārito rūpaṃtveva saṅkhaṃ gacchatī’’tiādīsu (ma. ni. 1.306) viya. Aññamiva tatheva santanti idaṃ rūpaṃ yādisaṃ, sayaṃ tatheva tenevākārena santaṃ vijjamānaṃ aññaṃ viya mayhaṃ upaṭṭhātīti adhippāyo. ‘‘Tadeva santa’’nti ca keci paṭhanti. Tasseva satoti tasseva me anaññassa sato samānassa. Avippavasatoti na vippavasantassa, ciravippavāsena hi sato anaññampi aññaṃ viya upaṭṭhāti idampi idha natthīti adhippāyo. Aññasseva sarāmi attānanti imaṃ mama attabhāvaṃ aññassa sattassa viya sarāmi upadhāremi sañjānāmīti attho. Tassevaṃ aniccataṃ manasi karontassa daḷhataro saṃvego udapādi, so saṃvegajāto satthāraṃ upasaṅkamitvā dhammaṃ sutvā paṭiladdhasaddho pabbajitvā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 2.56.42-48) –
‘‘ниб̣б̣уд̇з гагусанд̇хамхи, б̣раахман̣амхи вусиймад̇и;
‘‘Nibbute kakusandhamhi, brāhmaṇamhi vusīmati;
г̇ахзд̇ваа сал̣алам̣ маалам̣, ман̣д̣абам̣ гаараяим̣ ахам̣.
Gahetvā saḷalaṃ mālaṃ, maṇḍapaṃ kārayiṃ ahaṃ.
‘‘д̇аавад̇им̣сам̣ г̇ад̇о санд̇о, лабхимха б̣яамхамуд̇д̇амам̣;
‘‘Tāvatiṃsaṃ gato santo, labhimha byamhamuttamaṃ;
ан̃н̃з д̣̇звзд̇ирожаами, бун̃н̃агаммассид̣̇ам̣ палам̣.
Aññe devetirocāmi, puññakammassidaṃ phalaṃ.
‘‘д̣̇иваа ваа яад̣̇и ваа рад̇д̇им̣, жан̇гаманд̇о тид̇о жахам̣;
‘‘Divā vā yadi vā rattiṃ, caṅkamanto ṭhito cahaṃ;
чанно сал̣алабубпзхи, бун̃н̃агаммассид̣̇ам̣ палам̣.
Channo saḷalapupphehi, puññakammassidaṃ phalaṃ.
‘‘имасмим̣язва габбамхи, яам̣ б̣уд̣̇д̇хамабхибууж̇аяим̣;
‘‘Imasmiṃyeva kappamhi, yaṃ buddhamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇вааби т̇зро ад̇д̇ано буримуббаннам̣ анижжад̇ааманасигаарам̣ вибхаавзнд̇о д̇амзва г̇аат̇ам̣ бажжуд̣̇аахааси. д̇знзд̇ам̣ имасса т̇зрасса ан̃н̃ааб̣яаагаран̣амби ахоси.
Arahattaṃ pana patvāpi thero attano purimuppannaṃ aniccatāmanasikāraṃ vibhāvento tameva gāthaṃ paccudāhāsi. Tenetaṃ imassa therassa aññābyākaraṇampi ahosi.
гимилад̇т̇зраг̇аат̇ааван̣н̣анаа нидтид̇аа.
Kimilattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. гимилад̇т̇зраг̇аат̇аа • 8. Kimilattheragāthā
